شور ئېغىز، تۇزلۇق شوۋا [ساتىرا]

پەشتاق

«شور ئېغىز، تۇزلۇق شوۋا»

(ساتىرا)
(يەكەن ئاۋات ئوتتۇردىن- ئابدۇسەمەت داۋۇت)


سۆلەت دىسە سۆلىتىڭ،
خۇددى «دۆلەت قوڭغۇز»①دەك.
غىلجىڭشىيسەن دائىما،
يىرتقۇچ «قاۋان توڭگۇز»②دەك.

قۇسۇر ئىزدەش ماھىرى،
غەرزىڭ يوق، مەرەزگە باي.
سانتا قويۇپ ھەممىگە،
شاپاشلايسەن دۆت گاداي.

سۆز باشلىسا بىرەرسى،
ئېغىزىنى غىرىچلاپ.
دېمېقىڭنى قاقىسەن،
«ياسوجى»③دەك پىرىسلاپ.

پىرىنسىپنى سۆزلىسە،
سۆزلىگەننى بۇلغايسەن.
ئۇنداق ئەمەس، مۇنداق دەپ،
دەرھال بويۇن تولغايسەن.

تۈزەتمىسەڭ خۇيۇڭنى،
ئەلدە ئامال بەك تولا.
مەڭگۈ دەيدۇ نامىڭنى،
«شور ئېغىز، تۇزلۇق شوۋا»④.

سەن ئۆزەڭنى چوڭ تۇتۇپ،
دېمېقىڭنى قاقمىغىن.
ساڭا لايىق ئۇنۋان شۇ،
قايتا ئىزدەپ باقمىغىن.

ئۆسسۈن دىسەڭ ئۇنۋانىڭ،
كۈندە ئەلگە تازىم ئەت.
ئەدەپ ئەخلاق ياد ئىتىپ،
تەبەسسۈمنى لازىم ئەت.


ئىزاھات:①«دۆلەت قوڭغۇز»- پارقىراق، مۈڭگۈزلۈك، چىراق يورۇقىدا ئىگىز-پەس ئۇچۇپ يۈرۈيدىغان قوڭغۇز نامى.
②«قاۋان توڭگۇز»- يىرتقۇچ ياۋا توڭگۇزنىڭ ئەركىگىنىڭ نامى.
③«ياسوجى»- ئىلىكتىرۇنلۇق ھۆججەتلەرگە ھەجىم جەھەتتىن كىچىكلەشكە بىسىم بىرىدىغان يۇمشاق دىتال نامى.
④«شور ئېغىز، تۇزلۇق شوۋا»- ئۆزىنى مەن-مەن چاغلاپ باشقىلارنى ئېغىز ئاچۇرماي كاسىلدايدىغانلارغا بىرىلگەن ئۇنۋان نامى.

2014-يىل 26-فىۋرال، ئاۋات

kirimulla

ياخشى شىئىركەن ،رەھمەت

Tursunniyaz

مانا ماۋۇ ساتىرامۇ شۇنداق ياخشى يىزىلىپتۇ، ئىسىل ئەسەرلىرىڭىز روھلاندىن ئۈزۈلمىگەي!