ئوقۇتقۇچىلار توغرىلىق مۇنازىرىلىشىپ باقايلى

tiznap

ئوقۇتقۇچى،
ئوقۇتقۇچى بولغۇم يوق پەقەت،

بولدۇممۇ ئۇنىڭدىن كۆرمەسمەن راھەت،
ئەمما ئوقۇتقۇچى ھىمايىسىدە ،
ئۆتسەم دەيمەن تائەبەت.
..................................................
ئوقۇتقۇچىلارنى ھۆرمەتلەڭلا،نەزىرىڭلاردىكى ئەڭ ناچارئوقۇتقۇچىمۇ بالىلىرىڭلارغا ھىچ بولمىغاندا ياخشى ئادەم بولۇشنى تەكىتلەيدۇ .

arginakun

ئوقوتقۇچىلىرىمىزنىڭ ساپاسى بەك تۈۋەن!!!
ساپالىق ئوقوتقۇچىلار يوق دىيەرلىك ،بار بولغاندىمۇ 100دىن10%كىمۇ يەتمەيدۇ....
ئوقوغۇچىغا تامچە بىلىم بىلدۈرۈش ئۈچۈن ئوقوتقۇچىلىرىمىزدا بىر ئوكيان سۇ بولوش تولىمۇ
زۆرۈر!!؟ئوقوتقۇچى ئۆزى بەرگەن دەرىس مەزمۇنىنىبىلىش بىلەنلا چەكلىنىپ قالماستىن ئۇ پۈتكۈل پەن تۈرلىردىن ساۋادى بولوش تولىمۇ زۆرۈر!
ئەپسۇس بۇنداق ئوقوتقۇچى بارمۇ؟ -يوق....
مۇتلەق كۆپى ئۆز كەسپىنىڭ ھۆددىسىدىنمۇ چىقالمايدۇ..
___________________
تولىمۇ ئەپسۇس.....
مەن بىر مەكتەپتە 1 يىل ئوقوتقۇچىلىق قىلغان..
ئۇ مەكتەپتە 70 كە يىقىن ئوقوتقۇچى بار بولوپ ، ھەقىقى چىن مەنىدىن دەرىس بىردىغان ئوقوتقۇچى 10 غىمۇ يەتمەيىتتى،باشقىلىرى بالىلارنى كىتاپقاقارتىپ قويۇپ،كىتاپنى سىزدۇرۇپ قويۇپ،ئۆزى بىر سائەتتى توشقۇزالماي سائەتكە نەچچە قىتىم قاراپ چىقاتتى...كۆپىنچىسى
ئىشخانىنىڭ ئالدىدىكى سۆگەتنىڭ سايىسى ئاستىدا ىۇرۇق پاراڭ سىلىشىدۇ.

ئۆز ئوقوغۇچىلىرنى ئۇراتتى
سىنىپقا مەس كىرەتتى
ئۆز ئوقوغۇچىسىغا باسقۇنچىلىق قىلغانلىرىنى تولا ئاڭلىدۇق
ئۆز ئوقوغۇچىسى بىلەن ئىش پەش تارتىشىپ يۈرگەنلەرمۇ يوق ئەمەس
مەس كىرىپ ئوقوغۇچىلىرنىڭ ئالدىدىلا بىنمىسىنى چىقىرىپ سيىۋەتكەنلەر بار
ئۆزنىڭ شەخشى ئىشلىرىغا سالدىغانلار كۆپ
ئۆز ئوقوغۇچىلىرنىڭ بىلىم ئىلىش ھوقوقىنى  تارتىۋىلىپ "باۋمو" قىلىۋىلىش ئىغىر
ئوقوغۇچىلىرنىڭ ئالدىدىلا تاماكا چىكىش بار
...............
.........................
................................. يەنە دىسەك يەنە بار

kipinak

بۇ 51قەۋەتتىكىkapqigay يوللىغان 2010-12-09 18:58 غا قارتىلغان :

مەن مەزكۈر تېمىنى كۆرۈپ ناھايىتى ئەجەپلەندىم. چۈنكى مەن ياشىغان بۇ دىياردا مۇشۇ تېمىدىكى مەزمۇنلارغا ئۇخشاشلا مەسىلىلەر مەۋجۈت. پارتىيە ھۆكۈمەت شۇنداق كۈچەۋاتقان شارائىتتا يەنە شۇنداق داشقاللارغا ئۇرۇن بەرگەن جايدا مەسىلە بارمىدۇ دەپلا قالىمەن.ئوقۇتقۇچىلاردا قەتئىي ھوقۇق يوق. بىر ئوقۇتقۇچىنىڭ ماشىنا ئېلىشى بىلەن بىر مەكتەپ مۇدىرىنىڭ شۇ  ئوقۇتقۇچىنى شۇ مەكتەپتىن قوغلىۋەتكىنىنى ئۆز كۆزۈم بىلەن كۆرگەنمەن. تەتىل ،شەنبە ،يەكشەمبە ئىشلەپ يەنە بىر كۈن رۇخسەت سورىيالماي تىترەپ تۇرغان ئوقۇتقۇچىلار ناھايىتى كۆپ.ئوتتۇرا قاتلامدىكى جەن باقتى غالچىلار ھەتتا بىر سائەتمۇ دەرس ئۆتمەيدۇ. ئۈنۋانى بارلار كۆپ ئىش قىلمايدۇ. بىچارە ئادەتتىكى ئوقۇتقۇچىلار بولسا ئىشەكتەك ئىشلىگەن.ئۇلار ھىچكىمدىن سورىمايدۇ.ئوقۇتقۇچىقلار سورىسا يىل ئاخىرىدا لاياقەتسىز قىلىش بىلەن قۇياش نۇرى ياردەم تولۇقلىمىسىنى «ئۈنۈم مائاش» قىلىۋېلىپ تۇتۇپ قېلىپ قىينايدۇ.ھەي قاچان تۈزۈلەر.پارتىيە -ھۆكۈمەت خەلقنى باي قىلىش ئۈچۈن تۈرلۈك تەدبىرلەرنى قوللىنىۋاتقان. يەرلىكتىكىلەر نامراتلاشتۇرالماي ئاۋارە .قانداق قىلغۇلۇق.پارتىيە ھۆكۈمەت مەزكۈرمەسىلىنى تېزراق ئوڭشىسا بولاتتى.

ناھايتتى توغرا ئيتسىز قىرىندىشىم ھازىر ئوقۇقۇچىلارنىڭ ھوقوقىنى قوغداش مۇھىم،بوپقالدى

zilnur

ئوقۇتقۇچىلار قۇشۇنىدىمۇ  ئوقۇتقۇچى بولۇشقا مۇناسىپ ئەمەسلەر بار .لىكىن ئوقۇغۇچىسى ئۈچۈن تىنماي جاپا چىكىۋاتقان باغۋەنلەرنىمۇ يوق دىگىلى بولمايدۇ.

gvlsiri

بۇ 47قەۋەتتىكىzakira يوللىغان 2010-12-09 12:20 غا قارتىلغان  :

         ئەسسالامۇ ئەلەيكۇم! ياخشىمۇ سىز! سىزنىڭ بارلىق ئىشلىرىڭىزغا ئۇتۇقلار  تىلەيمەن !   ئىنكاسلىرىڭىزدىن  سىزگە بولغان  كۆز قارىشىم : 1- سىز قارىغاندا باشلانغۇچ مەكتەپنىمۇ ياخشى پۈتتۈرمىگەن ئوخشايسىز . شۇڭا ساۋادىڭىز تۇلۇق  چىقماپتۇ . بۇنى يازغان ئىنكاسىڭىزدىكى خەتلىرىڭىز ئىسپاتلاپ تۇرۇپتۇ . 2- ساپايىڭىزنىڭ تۈۋەنلىكىدىن مىڭ ئادەمنىڭ ئىچىدىن بىرى چىقىدىغان ئىشلارنى بۇ يەرگە سۆرەپ كىرىپ بارلىق ئوقۇتقۇچىلارغا تەدبىقلاپسىز .  < ئاساسىي جەھەتتىن ئاجراشقان خانىم چوكانلار .... جىنىسداش مۇھەببەت ....> دىگەن قۇرلارنى يازغاندا  قولىڭىز تىترىمىدىمۇ ؟!  3- سىز قارىغاندا بارلىق داشقاللار يىغىلغان مۇھىتتا تۇرىۋېتىپسىز . 4- سىز  لاياقەتلىك بىر ئانا بولالمىغۇدەكسىز . پۈتۈن جەمىيەت < ئاتالمىش قوش تىل مائارىپى> ياكى نوقۇل خەنزۇ تىلى مائارىپىدىن يەتكۈچە سەسكىنىۋاتقان ھازىرقىدەك مىنۇتلاردا ، خەنزۇچە سىنىپقا  بالىڭىزنى بەرمەكچى بولغىنىڭىزلا بۇ نوقتىنى ئىسپاتلاپ تۇرۇپتۇ .  

زاكىرە خانىم بەكلا ھاياجانلىنىپ كىتىپسىز.1-مەن ئالىي مەكتەپنى پۈتتۈرگەن.لىكىن خەتنى مەن ھەرگىزمۇ قولۇمدا يازمىدىم،بەلكى ماشىندا ئۇردۇم،شۇنىڭ ئۈچۈن خاتالىقلاردىن خالىي بولالمىغانلىغىم مۇمكىن.   2  .ساپايىمنى تۆۋەن دەپ كىتىپسىز،ئۆز ۋاقتىدا دىياىمدا مىنىڭ ئىنكاس تىمىلىىرىمنى كۈرۈپ،ھاياجانلانغىنىڭىزدىن،بەك ساپالىقكەنسىز،بەك بىلىملىككەنسىز،دوست بولايلى،پىكىرلىشىپ ئۆتەيلى،دەپ تېلىفۇن قىلىپ،ئۇچۇر قىلىپ ،چ چ غا قۇشۇۋالغانلىرىڭىزنى ئۇنتۇپ قاپسىز-ھە! مەن سىزگە دىسەم،ھەقىقەت دىگەن ئاشۇنداق ئاچچىق بولىدۇ،قاراڭ .تىتاڭ تۇمۇرلىرىڭىزغا تىگىپ كەتمىسۇن،مەن ھەقىقەتنى سۆزلىدىم.ئاجراشقان دىگەننى يازغاندا قۇلىڭىز تىترىمىدىمۇ؟دەپسىز،قۇلۇم ئەمەس يۈرۈگۈم تىترىدى،ئۇنچىۋالا ئالىيجاناپ بولۇۋالماڭ،خانىم.2-سائەت ئارلىقىدىكى چاي ئىچىدىغان ۋاقتىڭلاردا،ئۇنىڭ -بۇنىڭ غەيۋىتىنى قىلىدىغانغا بىر ئىغىزمۇ سۆز قۇشمايمەن،دەپ ئىيتالامسىز قېنى؟؟؟   3-مەن بارلىق داشقاللار مۇھىتىدا ئەمەس،بەلكى خېلى ئىلمىلار مۇھىتىدا تۇرۋاتىمەن،دەپ قارايمەن ئۆزۈمنى.ئۇ پەقەت ئەتىراپىمدىكى ئىشلار خالاس.چوڭ شەھەر مۇھىتىدا ھەرقانداق ئىشلار بوپ تۇرىدىكەن قاراڭ،خەقنىڭ ئاش-نىنى ئەمدى بىز بەرمىگەندىكىن. باشقا مىللەت ئاغزىدىن سىز شۇنداق ئۇلار شۇنداق دىگەن گەپنى ئاڭلاپ بىقىڭ،قانداق بولىسىزكىن؟   4-مەن بالامنى قانداق مەكتەپتە ئوقۇتماقچى بولسام ،بۇ ئۆزەمنىڭ ئىشى،لىكىن مەن تىخى ئۆز مىللىتىنى،ئانا تىلىنى ئونۇت دىمىدىم،قىزىم ئەمدى بەش ياشقا كىردى،دىندىن،مىللەتتىن تەربىيەنى مانا مەن بىرىۋاتىمەن،شۇڭا سىزنىڭ مىنى لاياقەتسىز ئانا بولغىدەكسىز،دەپ دىئاگىنۇز قۇيۇشىڭىزغا سالاھىيىتىڭىز ھەم تۇشمايدۇ.سىز مىنىڭ بالا تەربىيلەشتىكى يازغان تىمىللىرىمنى تەھلىل قىلىپ،"ۋاي جىنىم،مۇشۇنداق تىمىلاردا كۆپ پىكىرلىشىپ تۇرايلى،سىز بەك تەجىربىلىككەنسىز........."دىگەنلىرىڭىزنى ئۇنتۇپ قاپسىز-ھە!بۇنداق ئادەمنى تۇترۇقسىز ،دەيمىز.  سىزدىكى ئىدىيىڭىزنى گورۇھۋازلىق دەيمىز،خانىم.مەن ئەسلى بۇرۇنقى ئۆز ئىسمىمدا تىزىملىتىپ كىرگەن بولسام،"ۋاي بەك جانلىق ئىنكاس يىزىپسىز "دەپ كىتىتىڭىز،ئۇ ئېنىق.مىنى تۇنۇماي قالغانلىقىڭىز ئۈچۈنلا،باشقىلارنىڭ قانداقلىقىنى بىلمەي،ئانا بولالمايسە،باشلانغۇچنىمۇ پۇتتۇرمىگەن.......دەپ ھاقارەتلەيسىز.بۇ دىگەننى ياسالمىلىق دەيمىز.ئوقۇتقۇچىلار سېپىنى سىلەردەك غەيرىي سىفەننىڭ باللىرى بۇزۇۋېتىپ بارغان ئەسلى.مەن قارىسام،سىز مەكتەپتە دەرس ئۆتمەيدىغان ئوخشايسىز،قاچانلا قارىسام،مۇنبەردە ياتىدىكەنسىز،شۇنىڭ ئورنىغا بىرەر پارچە كىتاپ كۆرسىڭىز،بالىڭىزنى تەربىيلىسىڭىز،ئەتىكى بالىلارغا بىرىدىغان دەركە كۆپرەك تەييارلىق قىلسىڭىز بولاتتىغۇ ئەسلى،ھىچ ئىش تاپالمىسىڭىز،بالىلارنى ئۆيىڭىزگە يىغىپ،تەكرار سىنىپى ئاچسىڭىزمۇ بولاتتىغۇ..........ئالدى بىلەن ئۆزىمىزدىكى مەسىللەرنى ئوبدان كۆرۈپ،ئاندىن باشقىلارنى ساۋاتسىززاۋەي،قالاقئاۋەي،مەدەنىيەتسىززاۋەي،لاياقەتسىز ئاناۋەي......دىگەندەك قالپاقنى كەيگۈزەتتۇق.مانا مىنى مۇشۇنداق ھاقاراتلىگىنىڭىز،سىزنىڭ ساپارىڭىزنىڭ قانچىلىكلىكىنى بىلدۇرىدۇ غەيرىي سىفەن خانىم.....
    مەن قارىسام،سىز مۇشۇنداق تىمىلاردىلا بەك كۈچەپ كىتىدىكەنسىز،جانىم قەدىرلىك.مەن سىزگە دىسەم،مانا مۇشۇنداق تىمىلارنىچۇ بىرەر ئوقۇتقۇچى كۆرسە،ئۆزىدىكى ناچار ئىللەتلەرنى بىلسە،تۇزۇتۇپ قالسا بولاتتى،باشقىلارنى ئەركىن پىكىر قىلغىلى قويمايدىكەنسىز.   
   ئىغىر كەتكەن يەرلىرى بولسا كەچۈرۈڭ،مىنىڭ ئەزەلدىن خەقنىڭ تىمىسىغا ،يازغان ئىنكاسىغا ئىنكاس يازىدىغان ،ئاچچىقىلىنىدىغان ئادىتىم يوق ئىدى،ئەمما بۇ قىتىم،مەن ئاخىرغىچە سىز بىلەن مۇنازىرلىشىمەن.

etikad

ھەقىقەتەن ياخشىكەن.

gvlbeden

بۇ 63قەۋەتتىكىtanha88 يوللىغان 2010-12-25 19:09 غا قارتىلغان :
مەكتەپتە ئۇقىۋاتقان ۋاقىتلىرىمدا تارىخ دەرسى بىرىدىغان بىر ئۇقۇتقۇچى بولىدىغان بەكلا ناچار بىر نەرسە ئىدى، ئۇ ھازىر شۇ مەكتەپكە مەكتەپ مۇدىرى بوپتۇمىش،

ئەسسالامۇ ئەلەيكۇم:
سىز 5- ئوتتۇردا ئوقۇغانمۇ ؟ ئاشۇنداق بىر تارىخ ئوقۇتقۇچىسى بىزگىمۇ دەرس بەرگەن ، ھازىر مەكتەپ مۇدىرى ۋەزىپىسىنى ئۆتەۋاتىدۇ،!

tohuyurak

مەن ئازراق قارىشىمنى ئوتتۇرىغا قويۇپ باقاي.
مائارىپنىڭ مەقسىتى نېمە؟
مائارىپ ئوقۇغۇچىلارنى ئۆتكەن زاماننىڭ قىممەت قاراشلىرى بىلەن ئەمەس كەلگۈسىنىڭ قىممەت قاراشلىرى بىلەن تەربىيلەپ چىقالىسا بۇ خىل مائارىپ مەقسىتىگە يەتكەن مائارىپ بولىدۇ. ئەمدى بىز ئۆزىمىزنىڭ مائارىپىغا قاراپ باقايلى. بىزنىڭ مائارىپ باللىرىمىزغا نېمە بېرىۋاتىدۇ؟
ئوقۇتقۇچى قانداق بولۇشى كېرەك؟
ئوقۇتقۇچىنى ئىنسان روھىنىڭ ئىنزىنېرى دەپ سۈپەتلىگەن ئىكەنمىز بۇ ئىنزىنېر چوقۇم مۇستەقىل مائارىپ قارىشىغا ئىگە بولۇشى كېرەك. ئەمدى مۇتلىق كۆپ ساندىكى ئوقۇتقۇچىلىرىمىزغا قاراپ باقايلى. ئۇلاردا مائارىپ قارىشى بارمىكەن. نەچچە يىللار بۇرۇن ئۇيغۇر مائارىپى دەپ بىر ئاتالغۇ مەيدانغا كەلگەن. دەل بىزنىڭ ئوقۇتقۇچىلار قوشۇنىمىز ئۇيغۇر مائارىپىنىڭ كەلگۈسىدىكى پارلاق تەرەقىياتىنى نىشان قىلىپ تۇرۇپ ئوقۇغۇچىلارغا ئۈلگۈلۈك رول ئوينىدى. كېيىن ساپا مائارىپى دەپ بىر نېمە چېقىۋىدى دەل شۇ ئوقۇتقۇچىلىرىمىز بىر ئۆرۈلۈپلا ساپا مائارىپى ئارقىلىق ئوقۇغۇچىلارغا ئۈلگۈلۈك رول ئوينىدى. ئەمدى قوش تىللىق مائارىپ دەپ يەنە بىر مائارىپ يولغا قويۇلىۋىدى يەنە شۇ ئوقۇتقۇچىلىرىمىز قوش تىللىق مائارىپ ئارقىلىق مائارىپنى يۈكسەلدۈرۈش نىشانىدا تېڭىرقىماي مېڭىپ ئوقۇغۇچىلارغا ئۈلگۈلۈك رول ئوينىماقتا. ھەيران قالدىم، نەچچە يىلدا بىر تۈرلۈك مائارىپ يۆلۈنۈشى بەلگىلەنسە ئالدىنقى يىلى مۇنداق دېگەنتىم ئەمدى مۇنداق دېسەم مەن يالغانچى بولۇپ قالمامدىم، دەپ مېڭىسى خامان بولغان بىرمۇ ئوقۇتقۇچىنى كۆرمىدىم. مەن قارىسام بىزنىڭ بۈگۈنكى زامان ئوقۇتقۇچىلىرىمىز مېخانىك ئوقۇتقۇچىلارغا ئايلىنىپ قاپتۇ. بېشىنى قاياققا بۇراپ قويسا شۇ ياققا ماڭىدىكەن. ئاتا-ئانىلار يىغىنىدىكى ئۇلارنىڭ نۇتۇق قابىلىيتىنىڭ تۆۋەنلىكى، سۆز يەتكۈزۈش جەريانىنىڭ ناچارلىقىدىن ئاشۇنداق ئۆلچەمسىز سۆزنى ئاڭلاپ چوڭ بولغان باللىرىمىز كېيىن قانچىلىك ئاۋاز چېقىرىش پەلىسىگە يېتەر دەپ غەم قىلىمەن.
بۇ ئوقۇتقۇچى دېگەن نامنى چېرىتكەنلىك ئەمەس. بىزدە دەرس ئۆتكەن ئادەمنىڭ ھەممىسى ئوقۇتقۇچى. ھەر بىر ئادەمنىڭ قەلبىدە ئۆزى ھۆرمەتلەيدىغان مەلۇم بىر ئوقۇتقۇچىنىڭ سىيماسى بولىدۇ. گەرچە يۈز مىڭ قەلبتە يۈز مىڭ ئوقۇتقۇچىنىڭ نۇرانە سىيماسى بولسىمۇ لېكىن بۇ سىيمالار يەككىلىك ھالەتتە تۇرغاچقا ھەرگىزمۇ ئومۇمىيلىققا سېمىۋول بولالمايدۇ. ئومۇمىيلىققا سېمىۋول بولالمىغانكەن بۇ قوشۇن ئىجابىي تەرەپكە ئەمەس بەلكى سەلبىي تەرەپكە يول ئالغان بولىدۇ. شۇڭا مۇنداق دەپ سۇئال قويىشىمىزغا توغرا كېلىدۇ.
بىزگە زادى قانداق ئوقۇتقۇچى كېرەك؟
ئوقۇتقۇچى دوستۇم سىز بۇنى ئويلىشىپ باقتىڭىزمۇ ياكى مەن دېگەن ئىنسان روھىنىڭ ئىنزىنېرى دەپ ماڭا جاۋاب بەرمەكچىمۇ؟ بۇ بىر سىياسىيۇننىڭ باھاسى خالاس. سىياسىيۇن دېگەن خىزمەت تەكشۈرگەندە ئوخشاش بولمىغان كەسپلەرگە ئوخشاش بولمىغان باھالارنى بېرىش ھوقۇقىغا ئىگە. ئەڭ ياخشىسى ئەمدى سىز، سىزنىڭ مائارىپ قوشۇنىڭىزدىن ئاتلاپ چىققان ئوقۇغۇچىلىرىڭىزنىڭ جەمىيەت تەرىپىدىن قوبۇل قىلىنغانلىق ياكى قوبۇل قىلىنمىغانلىق ھالىتىگە قاراپ تۇرۇپ ئۆزىڭىزگە جاۋاپ تەييارلاڭ.
بىزگە دەرس ئۆتكەن دەرس ئۆتمىگەن بارلىق ئوقۇتقۇچىلارنىڭ پىكىرىمنى ئەپۇ قىلىشنى سورايمەن.

zakira

ئەسسالامۇ ئەلەيكۇم ! gvlsiri  ياخشىمۇ سىز !  كونا يىلنى ئۇزۇتۇپ يېڭى يىلنى كۈتىۋېلىش ھارپىسىدا  سىزگە بۇ جاۋاپ ئىنكاسنى يېزىپ ئولتۇرۇپتىمەن . گەرچە سىز مېنىڭ سالىمىمنى ئېلىك ئالمىغان بولسىڭىزمۇ  مەن يەنىلا سىزگە ئاللانىڭ سالىمىنى قىلىپ ئاندىن  مەقسەتلىرىمنى بايان قىلاي دەپ ئويلىدىم . يېڭى يىلىڭىزغا مۇبەرەك بولسۇن !  ئاللا بارلىق ئىشلىرىڭىزنى ئاسان  قىلسۇن !
      مەقسىدىمگە كەلسەم :  1-سىزنىڭ  ئىككىنچى قېتىم يازغان كەسكىن ھەم خېلى ئاچچىقتا يازغان قايتۇرما ئىنكاسىڭىزنى كۆرۈپ  سىزنىڭ ھەقىقەتەن ئالى مەكتەپتە ئوقۇغانلىقىڭىزنى چۈشەندىم .
    2-كەچۈرۈڭ سىڭلىم ( قارىسام سىز مەندىن كىچەكتەك قىلىسىز شۇڭا سىڭلىم دەپ ئاتىدىم ) مەن بۇرۇن پەقەت ۋە پەقەت شەبنەمگىلا ئەزا بولغان ئىدىم . ۋاقتىم چىقسىلا شەبنەمگە كىرەتتىم ،شەبنەمدىكى بىرنەچچە ئۆزەم دېمەتلىك ئاياللار بىلەن دوست بولۇپ ھازىرغا قەدەر ئىزدىشىپ ئۆتىمىز .  توغرا دەيسىز ھەقىقەت دىگەن شۇنداق ئاچچىق بولىدۇ سىڭلىم ، دەل شۇنداق بولغانلىقى ئۈچۈنلا سىزمۇ مېنى ئالتە قېتىم قىسقا ئۇچۇر قىلىش ئارقىلىق مۇنبەرگە چاقىرىپ كىردىڭىز ( بۇنىڭ ئۈچۈن سىزدىن بەك خوش بولدۇم )  مەن ئۆزەمنى ھەرگىزمۇ ئالىي جاناپ چاغلاپ كەتمەيمەن ، مەكتەپتە بولسام ئاددى ئوقۇتقۇچى ،ئائىلىدە ياخشى بىر ئانا ۋە  كۆيۈمچان ئايال خالاس . مەكتەپ چوڭ بىر ئائىلە بولغاچ ھەر خىل گەپ سۆزلەردىن ساقلانغىلى بولمايدۇ ، بۇنىڭلىق بىلەن باشقىلارنىڭ غەيۋىتىنى قىلىمىز دېگىلى بولمايدۇ ، ئۇنىڭسىزمۇ قىلىدىغان نۇرغۇن ئىشلار كۆپ تۇرسا ، ھەر خىل تەكشۈرىشلەر ، بىرمۇنچە ۋەزىپىلەر ھەممىنى ۋاقتى قەرەلى بويىچە قىلمىسىڭىز بولمايدۇ دە ! ئويلاپ بېقىڭ ئوقۇتقۇچىلارغا بولىۋاتقان بېسىملار ئازمۇ ؟  بەلكىم جان ئاچچقىدا ھەر خىل سۆز چۆچەكلەرنى قىلىشى مۇمكىن .
     3-مەنغۇ كىچىك شەھەردە ياشىغاچقا  سىز دېگەندەك  ئەھۋاللارنى ئاڭلىمىغان ياكى ئۇچراتمىغان بولىشىم مۇمكىن ، توغرا دەيسىز خەقنىڭ نېنىنى سىز يا مەن بەرمەيمىز ، ئۇلارنىڭمۇ قىلغان ئىشى ئۆزىگە ،ئۆلسەكمۇ ئۇلار بىلەن يا بىر گۆردە ياتمايمىزغۇ .  مەن شۇ سىزنىڭ ئىنكاسىڭىزدىكى ئەشۇ  سۆزلەرنى ئوقىغان ۋاقتىمدا توۋۋا  !دەپ ياقامنى تۇتۇپلا قالدىم ، مۇشۇنداقمۇ ئىشلار باركەندە ؟ بۇ جاھان زادى قانداق بوپ كەتكەندۇ ؟ دېگەنلەرنى ئويلاپ تۇرۇپ سىزگە ئاچچقىم كەلدى . بۇ قىز بۇ گەپلەرنى نىمىشقىمۇ بۇ توردا دەپ يۈرگەندۇ ھە ؟ دېدىميۇ  يەنىلا ئىشەنگۈم كەلمىدى . بەلكىم سىز ئۇ ئىشلارنى كۆزۈڭىز بىلەن كۆرگەنسىز ھەم ئاڭلىغانسىز  چۈنكى< تەكشۈرمىگەن ئادەمنىڭ پىكىر بايان قىلىش ھوقوقى يوق > دېگەن ئاددى ساۋاتنى بىلىسىزدە .
     4- يۇقىردىكى ئىنكاسلىرىڭىزنى ئوقۇپ ، مېنىڭ سىزگە خېلى تەسىر قىلغۇدەك سۆزلىگەنلىكىمنى بىلدىم . بالىنى بۇ دۇنياغا سىز ئاپرىدە قىلدىڭىز ئەلۋەتتە قايسى مەكتەپتە ئوقۇتۇش ئەركىنلىكىڭىز بار ، بۇ ھوقوقىڭىزنى ھېچكىم سىزدىن تارتىۋالمايدۇ ، بۇ كۆز يۇمغىلى بولمايدىغان ھەقىقەت تۇرسا شۇنداققۇ  ، تەربىيەلەش ئۇسولىڭىزمۇ ياخشىكەن ، ئاللا خالىسا پەرزەنتىڭىز كەلگۈسىدە سىز ئارزۇ قىلغاندەك  مۇراد مەقدەتلەرگە يەتسۇن ! بۇ چىن يۈرەك سۆزۈم .  بىر ئانا ، بىر مىللەتكە ۋەكىللىك قىلىدۇ .  سىزگە ئوخشاش  سەۋىيىسى يۇقىرى ئانىنىڭ قولىدا تەربىيەلەنگەن پەرزەنت ئەلۋەتتە  ھەممە جەھەتلەردە ياخشى بولىدۇ .  مەن يۇقىرىدىمۇ دەپ ئۆتكەن ، يەنە دېسەم يەنە شۇ ، شەبنەمدىن باشقا تور بەتلەرگە كىرىپمۇ باقمىغان  . مەن دوستۇم بولسۇن ياكى بولمىسۇن توغرا بولسا ،توغرا دەيمەن . خاتا بولسا ئەلۋەتتە خاتا دەيمەن ، يۈز قاراپ دوست تارتىپ ئىش قىلمايمەن . مەن ماۋۇ ماقال تەمسىلنى ئازراق بولسىمۇ چۈشىنىمەن سىڭلىم . < دوست يىغلىتىپ ،دۈشمەن كۈلدۈرۈپ  ئېيتار > .  مەن پىداگوگىكا  ئۇنۋېرسىتېتىنى  پۈتتۈرگەن ، مەكتەپتە ھەپتىسىگە  12 سائەت دەرس ئۆتۈشتىن سىرت  پسىىكا مەسلىھەتچىسى ، ئەتتىگەن كەچتە 20-30 ئوقۇغۇچىنى مۇنتىزىم مەشىقلەندۈرىمەن ، شۇڭلاشقىمۇ ۋىلايەت ۋە ئاپتونۇم رايونلاردا ئىزچىل  ئالتۇن مىدالنى قولدىن بەرمەي كېلىۋاتىمەن .  ئىككى ئوغلۇم بار ، چوڭ ئوغلۇم پىداگوگىكا ئۇنۋېرسىتېتىدا ئوقىۋاتىدۇ ،  پات يېقىندىلا ئاسپىرانتلىققا ئىمتاھان بەرمەكچى ، كىچىك ئوغلۇممۇ ھەر قايسى جەھەتلەردە سىنىپنىڭ ئالدى بولۇپ مېڭىۋاتىدۇ ، ئاللا خالىسا كەلگۈسى ئىستىقبالى پارلاق بولغاي . ئىشخانىدىكى كەسىپدىشىم ماڭا : زاكىرە مۇئەللىم قارىسام ئەلكۈيىدە بار دەيدۇ لېكىن ئۇچۇر قىلسام قايتۇرمىدىڭىزغۇ ؟ دىگەنتى  مەن ؛ ھە مەن كومپىيوتىرنى ئۆچۈرگىچە ئەلكۈيىدىن چېكىنىپ چىقىپ كەتمەيلا ئۆچۈرىدىكەنمەن  دېدىم . مانا بۇ سىزنىڭ مۇنبەردىن چۈشمەيلا ياتىدىكەنسىز دېگەن گېپىڭىزنىڭ ئاساسى ، نەچچە كۈندىن بېرىمۇ سەل ئالدىراش بوپ قېلىپ چىقالمىغانتىم شۇڭا ئۇچۇرىڭىزنى كۆرمەي قاپتىمەن . بۇندىن كېيىن دوستلاردا خاتا چۈشەنچە بولماسلىقى ئۈچۈن چېكىنىپ ئاندىن كومپىيوتىرنى ئۆچۈرسەم بولغۇدەك .
      توغرا دەيسىز سىڭلىم  سەۋىيەم چەكلىك بولسىمۇ  مۇنبەرگە كىرىپ  مائارىپ توغرىسىدىكى تېمىلار ، پەرزەنت تەربىيەسى ۋە پسخىكىدىن يېتەكلەش دېگەندەك تېمىلارغا قىزىقىمەن . چبنكى مەن بىر ئوقۇتقۇچى ، ھەرقانداق يەردە بۇ نامغا چۇشلۇق ئىش قىلسامكەن دىگەننى بەكرەك ئويلايمەن . مەن بىر ئۇيغۇر  ، مىللىتىمگە مەسئول بولسام مەجبوريىتىمنى ئادا قىلسام دەپ ئويلايمەن ، ئەتراپىمدىكى ناھەق ئىشلارنى كۆرسەم پەقەتلا چىدىيالمايمەن . مانا بۇ مېنىڭ كەمچىللىكىم بولسا كېرەك ، بۇ ئون قانچە يىللىق ئوقۇتقۇچىلىق ھاياتىمدا كۈنلەرنى تۈنلەرگە ئۇلاپ ئىشلىدىم ، بالىلىرىمنى بىچارە ئېرىم تەڭ بېقىشىپ چوڭ قىلىشىپ بەردى ، مېنى قوللىدى  مەدەت بەردى . شۇڭىمۇ مەن ھەممە ئادەم قايىل بولغۇدەك نەتىجىلەرنى ئېلىپ  ئوقۇتقۇچى دېگەن نامىمغا ، مىللىتىمگە  ، ئۆز ئائىلەمگە  جاۋاپ قايتۇردۇم دەپ ئويلايمەن ، بولۇپمۇ بىز  ئاتا - ئانىلار پەرزەنتلىرىمىزگە ئەمەلىي ھەركىتىمىز بىلەن ئۈلگە بولمىساق ئۇلارنى قايىل قىلىپ توغرا يولغا باشلىيالمايدىكەنمىز ، سىڭلىم ئەركىن پىكىر قىلىڭ ! مانا مۇشۇنداق پىكىرلىشەلىسەكلا  نۇرغۇن ئۇقۇشماسلىقلار تۈگەپ زىددىيەتلەر ھەل بولىدۇ .
       سىڭلىم مەنمۇ سىزدىن كەچۈرۈم سورايمەن ئېغىر كەتكەن يەرلىرى بولسا ئەپۇ قىلىڭ . < يېڭىلماس ئاللا > بەندە يېڭىلىدىكەن ،  خاتالىقنى ئۆتكۈزگەن ئادەم خەتەرلىك ئەمەس ، ئەڭ خەتەرلىكى خاتالىقنى بىلىپ تۇرۇپمۇ تۈزەتمىگەن ئادەمدۇر ! بەلكىم سىز بىلەن بۇرۇن تونۇشمىغان بولسام مۇشۇ ئىنكاسلار تۈپەيلى تونۇشۇپ دوست بوپ قالارمىز .......... مانا بۇ يېڭى يىلنى كۈتىۋېلىش ئالدىدا سىزگە يازغان ئەڭ سەمىمىي يۈرەك سۆزۈم !   خوش ئاللاغا ئامانەت ! سىزگە ئائىلىڭىزگە بەخىت تىلەيمەن !

elpida

ئوقۇتقۇچى ئەسلى ئەڭ ھۆرمەتلەشكە تېگىشلىك ئىنسانلار،لېكىن مەن ھازىر بۇلارنىڭ كۆپچىلىكنى ئەڭ يامان سۆزلەر بىلەن تىللىغۇم كېلىدۇ.تىل ھاقارەتكە مەھكۇم بۇ ئەبلەخلەردە ئوقۇتقۇچىلىققا خاس بولغان سالاھىيەت يوق.ئوقۇغۇچىلارنى ئەڭ سەت سۆزلەر بىلەن ھاقارەتلەش،تەن جازاسى بېرىش ئۇلارنىڭ خىزمىتىنىڭ بىر قىسمى بولۇپ قالدى.ئۇلارغا ھۆكۈمەت بەرگەن ئازغىنە ئىمتىياز ئۇلارنىڭ ياۋۇزلۇق قىلىشىدىكى دەسمايە.....