ئەلكۈيى كۈندىلىك خاتىرىسى

atirgul

khan ھەقىي سالاھىيەتلىك ئەزا

2013 - يىلى چىللە ئېيىنىڭ 20 - كۈنى شەنبە. ئۇلۇغ رامىزان كۈنلەردە ئۇيغۇراننىڭ بىر ئارزۇسى بار.
رامىزاننىڭ خاسىيىتى بىلەن ئازارلىشىپ قالغان ئىككى سىڭلىمنىڭ ئەپلىشىپ قېلىشىنى ئۈمىد قىلىمەن.

ئاخشام يېزىمىزدا «ئىتتىپاقلىق كۈيى» سەنئەت كېچىلىكى ئۆتكۈزۈلدى. مەن سەل كېچىكىپ قاپتىمەن. لېكىن خېلى كۆپ رەسىمگە تارتىۋېلىپ ئۈندىدارغا يوللىۋەتتىم. ئۈندىدار ئىشلىتىشنى يېڭى ئۆگەنگىنىمگە قارىماي ئۈندىدارنى ئۈندىدار بولغىنىغا تويغۇزىۋەتتىم. 10 نەچچە رەسىم يوللاپتىمەن. كېچىدە ياخشى چىقماي قالدى شۇنىسى. بولىدىغان نەرسە ئىكەن بۇ ئوقەت. بىراق ئاخشام ئەتىرگۈل، گۈلنازى، نازۇك .......... ئۈندىداردا ئەجەب تىللاپ كېتىپسىلەر مېنى. ئۈندىداردا ئۇيغۇرچە يازغىلى بولمىسا، پىنيىنچە يازسام كىچىك تېلېفونۇمدا كىچىك ھەرپلەرنى بىردىن - بىردىن بېسىپ بولغۇچە ئىچىمنى مۈشۈك تاتىلىغاندەك بولۇپ كېتىدىكەنمەن. شۇڭا قولاي بولسۇن دەپ خەنچىلا يازغان ئىدىم. كومپيۇتېردا چ چ ئىشلەتكەندە پەقەت خەنچە يازمايتتىم. تېلېفوندا شۇنداق بولۇپ قالدى. كەچۈرسىز. تۈنۈگۈن چ چ دا ئۇيغۇرچە خەت يېزىپ بەك خۇش بولۇپ كەتكەن ئىدىم. تېڭشۈن شىركىتى ئۈندىداردىمۇ ئۇيغۇرچە يازغىلى بولىدىغان قىلىپ باقسا دەيمەن. مېنىڭ تېلېفونۇم ئۇيغۇرچە خەتنى تونۇمىغاچقا مەن ئوقۇيالمايدىكەنمەن. ئۇيغۇرچىنى تونۇتاي دەپ توردىن ئىزدەنسەم روت قىلىش، پوت قىلىش، تۈرمىگە ئەكىرىش، تۈرمىدىن قاچۇرۇش دېگەندەك بىرمۇنچە جودالىرى بار ئىكەن. بېشىم پىرقىراپلا كەتتى. ئۇنىمۇ بىر كۈنى ئۆگىنىۋالارمەن.

ئاخشام چارچاپ كېتىپ بالدۇرلا ئۇخلاپ قاپتىكەنمەن. بىر چاغدا بالىلارنىڭ مەھەللىگە روزاڭ ئېيتىپ (رامىزان ناخشىسى) كېلىشى بىلەن ئويغىنىپ كەتتىم. بالىلار تەلەڭگە، چېلەكلىرىنى چېلىشىپ روزاڭ ئېيتىپ مەھەللىگە بىر كەلدى. مېنىڭ ئۆيۈمگە كەلگەن بولسا 10 - 20 يۈەن تۇتقۇزۇپ قوياتتىم. شۇنىسى كەلمىدى. ئەتە بىزگە نۆۋەت كېلەرمىكىن. ئۇلار كېتىپ تۇرۇشىغا ئۇرۇش ئايرۇپىلانلىرى غوڭۇلداپ يەنە ئۇخلاتمىدى. بۇ ئۇچقۇچىلار كۈندۈزىغۇ كەلسۇن مەيلى. كېچىسىمۇ ئۇخلىماي ئاسماندا نېمە بار دەيمەندە. بۈگۈن ئەتىگەن كاللام گاراڭ تۇرۇپتىمەن.

بولدىلا، تاقا - تۇقا مۇشۇ يەرگىچە بولسۇن. كەچتە يەنە دىجۇرنى.

sahra12

كۈنلەر يەنىلا شۇ بىر خىل رېتىمدا،ئۇخلايمەن قوپۇمەن،دەريا بويىنى چىڭدايمەن تاللا بازىرى سودا ساراي ئارىلايمەن،سائەت ئالتە يېرىم بولىدۇ ئىفتارلىق ئۈچۈن سېتىۋالغان يىمەكلىكلىرىمنى كۆتۈرۈپ ئۆيگە قاراپ ماڭىمەن.باللىرىم تەييار تۇرىدۇ قاچان ئىفتار قىلىمىز دەپ يەيدىغانلارغا قاراپ كۆزلىرى تۆت بولۇپ،ۋاقىت توشتى دىگەن سادا بىلەن ھۇجۇمنى باشلايدۇ .كەشتە چىقىمىز يەنە تاماق سىڭدۈرۈپ قايتىمىز ئۆيگە كېلىپ ھەممىمىز ئالدىراش قىزىم قونچاق ئويناش بىلەن ئوغلۇم ئۆي ياساش بىلەن ئاپىسى زولۇقنىڭ تەييارلىقىنى تۈگۈتۈپ تېلىۋىزور كۆرۈش بىلەن مەن كىتاپ ئوقۇپ ياكى توردىن خەۋەر كۆرۈپ دىگەندەك يەنە بىر كۈننى ئۆتكىزىمىز.ھېچ بىر مەنا يوق.ياكى ماۋۇ سەپەر تەييارلىقىمىز پۈتمىدى ئاللا ئاسان قۇلسۇن ھە.

atirgul

ئۇف.....................مېنى ئۆزۈڭدىن  يىراقلاشتۇرۋىتىپ بارىسەن .............  ھەممە ئىشنىڭ چىكى بار

atirgul

ئويلاپ قالدىم سەندە مىنى چۈشەنگۈدەك دىل يوقمۇ ياكى مەندە ئۆزۈمنى چۈشەندۈرەلىگۈدەك تىل ___ھاياتىمدىكى خاتالىقلىرىمنىڭ ھەمىسى ، ياق دەيدىغان چاغدا  « ھە » دىگەنلىكىم ئۈچۈندۇر……يۈرەك يىغلايدۇ : « نىمىشقا ؟ » دەپ ، ‏ئەقىل كۈلىدۇ : « خوپ بولدى ...» دەپ ..
چۈنكى.‏ئادەم قانچىكى  كۆڭۈلچەك بولسا،زىممىىسىدىكى يۈكى شۇنچە ئېغىر بولىدۇ!.‏‏كۆڭۈل دىگەن ئاجايىپ نەرسە ‏ھە .. بىر ئېغىز سۆز بىلەن ئاسمانغا چىقىپ خان بولىدىغان ....بىر ئېغىز سۆز بىلەن يەرگە چۈشۈپ لاي بولىدىغان ....
‏بەزى  گەپلەر  كۆڭۈلدە   قالغىنى  ياخشى،بەزى   ئازاپلار  ئۈن  تۈنسىز  ئۇنتۇلۇپ   كەتكىنى   ياخشى .ھاياتلىق مانا مۇشۇنداق ، بەزى ئىشلارنى تولا ئويلىسىڭىز بېشىڭىز ئاغرىيدۇ، ئويلاپ تىگىگە يەتسىڭىز يۈرىگىڭىز ئاغرىيدۇ. ‏ئارقىغا قارىماڭ، ئارقىدا سىزنى بىئارام قىلىدىغان ئۆتمۈش بار.   ئالدىڭىزغا قارىماڭ، ئالدىڭىزدا سىزنى ئەنسىزلىككە سالىدىغان كېلەچەك بار.
لېكىن ئۈستىگە قاراڭ ئۇ يەردە سىزنى بەخىتلىك قىلىدىغان رەببىڭىز بار.نىمە دىگەن توغرا سۆزلەر بۇ.

ئادەمنىڭ ھاياتى خۇددى ئاسمانغا ئوخشايدىكەن，ئۇ گاھى تۇمانلىق گاھى بورانلىق گاھى يامغۇرلۇق بولغانغائوخشاش ئادەممۇ ھاياتىدا غەمسىز ئىشلادىن يىراق يۈرەلمەيدىكەن，لىكىن ئۆتۈپ كەتمەيدىغان ھېچ ئىش يوق……شۇنى ئەستىن چىقارماڭكى ئاسماننىڭ ئەسلى رەڭگى كۆك.

‏

ئادەمنىڭ ئەڭ كەچۈرۈم قىلغۇسى كەلمەيدىغان كىشىلەر دەل ئۆزى ئەڭ ياخشى كۆرگەن ھەم ئەڭ ئامراق كىشىلىرى  بولىدىكەن.
ئازاپلىنىپ تۇرۇپ قاقشاپ تۇرۇپ، يىغلاپ تۇرۇپ، تىللاپ تۇرۇپ، ئەسلەيدىكەن.
ئېسىڭدە چىڭ ساقلا ،قىيداش ۋە ئاداۋەتكە باھانە ئىزدەش ئورنىغا ياخشى كۆرۇش ۋە ياخشى كۆرۇلۇشكە باھانە ئىزدە.
بىردەم توختا，ئارقاڭغا قارا ۋە ئۇنۇتقانلىرىڭنى ئەسلە，يوقاتقان بولساڭ ئىزلە，رەنجىتكەن بولساڭ ئەپۇ سورا，رەنجىگەن بولساڭ ئەپۇ قىل چۇنكى بۇ ھايات بەك قىسقا ！
«ئىنسانلارنىڭ ھەممسىنى رازى قىلماق تەستۇر، ھەممە ئادەمگە يارىغىدك بىر ئادەم بولماق بولسا مۇمكىن ئەمەستۇر،شۇنىڭ ئۈچۈن پەقەت ئاللاھنى رازى قىلىش ئۈچۈنلا تىرىشش ئەڭ توغرا ۋە ئاساندۇر»‏ئىھ ئاللاھ! مەن ئۇقىۋاتىمەن! سەن مېنىڭ سەۋرىمنى سىناۋاتىسەن..مەن چوقۇم بۇ سىناقلارغا سەۋىر قىلمەن!  ماڭا سەۋىرئاتاقىلغىن.....مەن چوقۇم بۇ سىناقلارغا سەۋىر قىلمەن!  ماڭا سەۋىرئاتاقىلغىن...س
..سەبىر گۈزەلدۇر، سەبىر قىلىۋاتقاندا شۈكرى قىلماق تېخىمۇ گۈزەلدۇر، ئىنسان ھەر ھالىدا سەبىر قىلسا ۋە شۈكرى قىلسا ئاللاھ ئۇنىڭغا تېخىمۇ ياخشىسىنى مۇكاپات قىلىپ بىرىدۇ.
زەھەردىن شىپا ئىزدىمە ، يۈزسىزدىن ۋاپا
بۇ خۇددى ، كالا تىزىكىدىن قىزىل گۈل ئۈنۈپ چىقىشىنى كۈتكەندەكلا بىر ئىش... قەدىرىڭنى بىلگەننىڭ ئالامچە ھۆرمىتىنى قىلىپ ئۆت،ئاللا دىلىڭغا سالغان ھەقىقى مۇھەببەت-قەدىرلىگەن ۋە قەدىرلەنگەنلەرگە مەنسۇپ،بۇ ئالەم مىھىر-مۇھەببەت بىلەن گۈزەل…

                                                                                                                           

mamtimin520

、ئەسسالامۇ ئەلەيكۇم مۇنبەرداشلار . مەن يا خوشال يا خاپا ئەمەس  بىر خىل تۇرمۇش رىتىمى .
ئەمما  بۇگۇن شۇنچە  ۋاقنىڭ ياقى  بىر مۇنازىرە  ئورۇنلاشتۇراي دەپ نىيەت قىلىپ ئەمما قانداق بولا دەپ بىر قارارغا  كىلەلمىگەن . يا مەن چۇشۇنۇپ بولالمىدىممۇ شۇڭا باشقىلارنىڭ كۆزقارشى قانداق بۇنىمۇ بىلمەيمەن  ئەمما  تەۋەككۇل قىلىپ باقتىم ئەزىز تورداشلارنىڭ تىمان تەستىقلانغاندىن كىيىن مۇھەببەت ھەققىدە  ھەرخېل كۆز قاراشلىرىنى ئوتتۇرغا قۇيۇپ مىللىتىمىزدىكى  مۇھەببەتكە ھەرخېل قاراشتىكىلەرنىڭ ھەرخېل پىكرى  بولدۇ   شۇنىڭدىن  دەۋرىمىزدە ياشاۋاتقان بەزەنبىر كىشلەرگە مۇھەببەتنىڭ ھەقىقى ماھىيتىنى چۇشۇندىغان بىر سورۇن بولۇپ قىلشىنى  ئۈمۇت قىلمەن .  

mamtimin520

atirgul    يوللىغان ۋاقتى ئۈلۈشكۈن 04:09

2012-يىلى 7-ئاينىڭ 19-كۈنى



ئۈلۈشكۈن 03:48 چىقىرىشچۈشۈرۈش (9.79 KB)

ئۈلۈشكۈن 03:48 چىقىرىشچۈشۈرۈش (9.79 KB)

شۇ تاپتا ئۇيقۇم كەلمەي ئەلكۇيدىكى بۇ خاتىرىنىڭ بەتىلىرىنى ۋاراقلىغاچ خىياللارغا چۆكتۇم ...تۇيغۇلىرىم شۇنداق ھارغىن.
چوڭلارنىڭ ئىشى پۇتۈپ قالسىلا ئاللاھ خالىسا  22-چىسلا ئۇرۇمچىگە قاراپ سەپەرگە چىقماقچى بولۇۋاتىمىز.
نەچچە ۋاقىتتىن بىرى ئۇرۇمچىگە بىرىشقا تەلپۇنۇشلىرىم،كۈتۈشلىرىم  ....بۈگۈن ھەممە توزغاققا ئايلانغاندەك بىر خىللا  بولۇپ  كەينىمگە داجىپ قالدىم     


بەختىڭىزنى اللا دىن تىلەيمىز .بەختلىك بولۇڭ   .
  ماڭىمۇ ئىككى ئۈچ  كۇن بوپتىكەن خاتىرە قالدۇرمىغىلى   بۇگۇن كىرشىم سىزمۇ بىزدىن ئەتىدىنتارتى قاچانغىچە بۇنى بىلمەيمەن چاقىتلىق ئايرىلدىكەنسىز   
ھەممىدىن سەپرىڭىزگە ئاق يول  تىنىڭىزگە سالامەتلىك  ئىشلىرىڭىزغا ئۇتۇق .ۋە مۇشۇ رامىزان ئىيدا قىلغان سەپىرىڭىزدە پۇككەن نىيەت ئىقبالىڭىزغا يىتىشىڭىزنى  ئۈمۇت قىلمەن.اللا غا  ئامانەت

atirgul

ماڭا بىر نەرسە رىئاكسىيە قىلدىمۇ بىلمىدىم  تۈنۈگۈندىن باشلاپ تۇيۇقسىزلا بەدىنىمگە ھەتتا قۇلاق ئالقانلىرىمغىچە  يەلتاشمىدەك نەرسە چىقىپ كىتىپ بىئارام بولغىنىدىن  كىچە تۈزۈك ئۇخلىيالمىدىم .
ئايشەم چوڭ ئاپام ئەسۋى چىقىپ كىتىپتۇ دەپ پىياز سۇرتۇپ مۇزدەك سۇ چىچىپ ئىرىمىنى قىلىپ باقتى...بىسىلغاندەك قىلدى ...بۇ ئۇرۇنۇشلىرىنىڭمۇ  ئۇنۇمى يوق.

چوڭلارنىڭ بۇيرۇق قىلىشى بىلەن  دوختۇرخانىغا بوينۇمنى بىرسى باغلىغاندەك ماڭدىم ..لېكىن تولۇق تۇتۇۋاتقان روزام بۇزۇلارمۇ دەپ كۆڭلۇم  بەكمۇ يىرىم .
....ئاللاھ ماڭا شىپالىق بەرسۇن ...

bargiya

[ئەسسالامۇ ئەلەيكۇم مۇنبەرداشلار، ھەممىڭلارنىڭ رامىزان ئېيىدىكى ھەر بىر كۈنىنىڭ خۇشاللىق ،دىل ئاراملىق ئىچىدە ئۆتۈشىنى تىلەيمەن.
بۈگۈن 2013-يىلى چىللىنىڭ 22-كۈنى
بۇ يىل غۇلجىدا ياز ئايلىرى ئاجايىپ سالقىن كەلدى. دىمەكچىمەنكى ھۆل-يېغىن مىقدارى يىللاردىكىدىن كۆپ بولدى. خەۋەرلەردىن قارىسىغۇ بۇ يەردىلا ئەمەس پۈتۈن دۇنيانىڭ ھەممىلا يېرىدە شۇنداق بولۇۋىتىپتۇ.
ھۆل-يېغىنلىق ھاۋارايىلا كۆرۈلسە مەيلىتىغۇ بوران ئالامەت چىقىدىغان بولۇۋالدى. قويۇق دەل-دەرەخلەر قاپلانغان مۇھىتتا بۇنداق كۈچلۈك بوران  قاراس-قۇرۇسلار ئىچىدە بەكلا دەھشەت بولىدىكەن. .ئالدىنقى كۈنى كەچتە چىققان بوراندىن راستىنى ئېيتسام شۇنداق قورقتىم.
تۈنۈگۈن دىجۇرنى ئىدىم. بىر دەم يامغۇر ياغىدۇ،بىر دەم ئېچىلىدۇ ئادەمنىڭ كەيپىياتىنى تۇراقسىز قىلىۋىتىدىغان بۇ ھاۋارايىغا قاراپ تۇيۇقسىز  ئۇرۇش بولۇۋاتقان، ھىلىدىن ھىلى بومبا چۈشۈپ پارتىلاۋاتقان ئۆيلەردىكى خەلقنى، بومبا پارتىلاپ ،ۋەيرانچىلىقتا قامغاقتەك ئۇچۇپ يۈرگەن  سەبىيلەرنىڭ ئازاب قورقۇنچ ئىچىدىكى ھالىتىنى ئويلاپ قالدىم. يۈرىكىم شۇنداق ئېزىلدى. تەبىئەتنىڭ كىچىكىنە ئۆزگىرىشىگە چىدىماي ۋايساۋاتىمەن. ئاشۇ قىساس ھوقۇق ..قا ئوخشاش شەخسىيەتچى ئامىللارنىڭ قۇربانلىقىغا ئايلانغان خەلق ۋە بىچارە سەبىيلەرچۇ؟ئۇلارنىڭ قورقۇنچى،ئۇلارنىڭ ئازابى،ئۇلارنىڭ ئىنتىلىشلىرىچۇ؟توردىن،خەۋەرلەردىن كۆرۈپ تۇرۇۋاتقان تېخى ھايات مۇساپىسىنىڭ بىر دۆڭىدىنمۇ ئېشىپ باقمىغان گۇناھسىزلارنىڭ ئۈزۈلگەن پۇت-قوللىرىنىڭ، مەجرۇھلىقىنىڭ ھىسابىنى كىم بېرىدۇ؟ھىچقانداق غەمگە مۇپتىلا بولۇشقا ھەققى بولمىغان سەبىيلىكىنى ئۇرۇش ئوتلىرى ئىچىدە كۆيۈپ ئۆتكۈزۈۋاتقان ئاشۇ سەبىي جانلارنىڭ بىگۇناھ خەلقنىڭ ئامانلىقىنى چىن قەلبىمدىن رەببىمدىن تىلىدىم.
ئۇھ....
ئاخشام يەنە بوران چىقىپ يامغۇر ياغدى. سۇغۇق تاغ ھاۋاسى يازنىڭ خۇشاللىقلىرىغا ھەسەت قىلغاندەك  ئەتىگەندە ھەممە يەرنى ئىگەللەپ كېتىپتۇ. يا يازغا يا كۈزگە تەۋە بولمىغان بۇ ھالەتكە قاراپ ئولتۇرۇپتىمەن . يۈرىكىمدىكى سىقىلىشلارنى قوغلىماق ئۈچۈن قولۇمنى كۇنۇپكا تاختىسىغا ئۇزاتتىم:

بىز گۈللەرنىڭ نىمىشقا قۇرۇپ كېتىۋاتقانلىقىنى، سۇلارنىڭ نىمىشقا قۇرۇپ كەتكەنلىكىنى، چىراقلارنىڭ نىمىشقا ئۆچۈپ قالغانلىقىنى بىلەلمەي سەرسان بولغان ۋاقىتتا  بۇ ئۆزگىرىشلەرگە ئۆزىمىزنىڭ سەۋەپچى ئىكەنلىكىمىزنى ئويلىمايمىز . گۈللەرنى قۇرۇتۇۋەتكەن دەل ئۆزىمىز .شېخىدا چىرايلىققىنا ئېچىلغان گۈللەرنى ياخشى كۆرگەن كىشىلىرىمىز ئۈچۈن ئۈزۈپ رەھىمسىزلەرچە گۈل ھاياتىنى قۇربان قىلىپ تۇرۇپ باشقىلارنى خۇشال قىلىمىز. ماھىيەتتە بۇ مۇھەببەت ئەمەس بىر جىنايەت ئىدى.
ئويلاپ قالدىم گۈلنى ھارارەتلىك مۇھەببىتىم بىلەن قۇچاقلىسام ئوخشاشلا قۇرۇپ كېتەر بولغىيتتى ھە؟!

ئېيتقان ناخشامدىن ئورمانلىقتىكى قۇشلار جىم-جىت بولۇشۇپ بېشىنى تۆۋەن سالدى. قۇش ناۋالىرى، دەرەخ ياپراقلىرىنىڭ شىلدىرلاشلىرى تامامەن توختىغان سەھەردە ئىسكىرىپكىسىنى دولىسىغا سالغىنىچە دەلدەڭشىگەن موزىكانىت چىقىپ كەلدى. ئۇنىڭ ھالسىز ،ۋەيرانە تۇرقىدىن تۆكۈلۈپ تۇرغان پەرىشانلىق  جاھانغا يېيىلدى. ناخشام تېخىمۇ كۈچلۈك ياڭراشقا باشلىدى.ئۇنىڭدىن نىمىشقا موزىكا تەڭكەش قىلمايسەن دەپ سورىدىم.ئۇ تىترىگەن قوللىرى بىلەن ئىسكىرىپكىسىنى كۆرسەتتى. ئاھ..ئىسكىرىپكىنىڭ تارى ئۈزۈلگەن ئىدى. ئەسلىدە  ئېيتقان ناخشامغا پىنھاندا ھەمدەم بولغان ئىسكىرىپكا ئۇ چىدىيالمايدىغان پەريادلىق پەدىدە ئۈزۈلگەن ئىكەن....


جىمجىت سېنى ساقلاۋاتقانلىقىمنى ھىچكىم بىلمەيتتى. شېرىن ئېزىقىشقا تولغان قەلبىم تىنماي غەلۋە قىلىۋاتاتتى ،
ئايىغىمنىڭ تېلىپ كەتكەنلىكى پەرۋايىمغا كەلمەيتتى.مەن سېنى ساقلاۋاتاتتىم .ئۇلۇغۋار تىلەكلەرگە تويۇنغان ئەسەبىي تەشنالىق ئىچىدە ....
جىمجىت سېنى ساقلاۋاتقانلىقىنمى ھىچكىم بىلمەيتتى ،قولۇمدا ھىچنىمە يوق،روھىمىنى ئىستىلا قىلىۋالغان بۇ سۆيگۈگە قارشى چىققۇدەك قۇدرەت ھەم مەندە يوق، بېشىم ئۈستىدىن ئۈمىتسىزلەنگەن بۇلۇتلار ئاسماندىن يۈگرەپ ئۆتۈپ كەتتى،ئۇلارنىڭ ياغدۇرماقچى بولغان يامغۇرى مېنىڭ تەشنالىق قىزىقىمدا پارغا ئايلىنىپ يەنە ئۇلارنى قوغلاپ كېتىپ قالغان ئىدى. قارا..مەن تېخىچە سېنى ساقلاۋاتاتتىم.
جىمجىت سېنى ساقلاۋاتقانلىقىمنى ھىچلكىم بىلمەيتتى. لەۋلىرىمدىكى تەبەسسۇمنىڭ سىھرىدىن سەن ماڭىدىغان بۇ يولدىكى گۈللەر تامام ئېچىلىپ كەتكەن ئىدى. ئۇلار ماڭا تەلمۈرۈپ سۆيگۈ شارابىمدىن زەررە تامچە تىلەيتتى. مەن كۈلۈمسىرىگىنىمچە بارلىق نازلىرىمنى قۇچىقىمغا سولاپ تۇرۇپ سېنىڭ بۇ يولدىن ئۆتۈشۈڭنى ساقلاۋاتاتتىم.
مەن جىمجىت سېنى بەك ئۇزاق ساقلىغان ئىدىم.ناخشامنىڭ ئاھاڭىنى ئۆزگەرتىۋىتىش قولۇمدىن كەلمەيتتى.ۋاقىت مۇشۇ يوسۇندا توزۇپ كېتىۋاتاتتى، لەرزان يىپەك كۆينەكلىك قىزنىڭ قەددى پۈكۈلدى ،سىما كىچىكلەۋاتاتتى، بىراق قۇچىقىدىكى سۆيگۈ بوپىسى بارا-بارا چوڭىيىپ بېرىۋاتاتتى. مەن ئەنە شۇ جايدا ئېغىر بوپىنى كۆتۈرۈپ جىممىدە سېنى ساقلاۋاتاتتىم.

خىياللىرىمنى شەپقەتسىزلىك بىلەن قوغلاۋاتقانلارغا لەنەت بولسۇن! چۈنكى مەن خىيالىمدا بەك بەختىيار، بەك گۈزەل بىر دۇنيا يارىتىۋاتاتتىم . دۇنيارىمدا ئوينايدىغانلار بۇ دۇنيانىڭ ئىگىلىرى ئىدى. ئۇلار خۇشاللىققا،مۇھەببەتكە،مىھرىبانلىققا،تىنىچلىققا مۇھتاج ئىدى. ياق ساڭا ئۈنلۈك ۋارقىرىدىم، ھەممە نىمىنى بۇزۇپ چاچقىن ئىجازەت ،خياللىرىمغا بۇزغۇنچلىق قىلما!

dakyanos

ئەسسالامۇ ئەلەيكۇم مۇنبەرداشلار، بۇ يەرگە كۈندىلىك خاتىرە ئاتلىق داستىخاننىڭ يىيىلغىننى ئەتىرگۈلدىن ئاڭلاپ نەچچە كۈندىن ئاز- تۇلا ۋاراقلاپ يۈرگەن ئىدىم. بۈگۈن تۇنجى قىتىم ئىز سلىىشقا ۋاقتىم ۋە قۇربىم يىتىپتۇ.
يىڭى بىر كۈن كۈتۈش ئىچىدە باشلاندى. كۈتۈشنىڭ ئاخىرلىشىدىغىنىغا ئىشىنىمەن، خاسىيەتلىك كۈنلەردە ئاللا تىلەكلىرىمىزگە تىزرەك يەتكۈزگەي.