ئەلكۈيى كۈندىلىك خاتىرىسى

mamtimin520

بۇگۇن تاڭ سەھەردە بىزنىڭ دىيارلاردىمۇ ھاۋا شۇنداق قارا تۇمانلىق ئىدى .ئەمما ھازېر  قۇياش پاقىراپ چىقىۋاتىدۇ جۇما.بولسىغۇ قار ياققان بولسا  ياخشى بولاتتى.

lavzim

بۇگۇن ئەتىگەن  ئىدارغا كىلپلا ۋاپا تۇپىرقىنى .ئۇقۇپ بۇلۇپ باشقا ئىشىلىرىمنى قىلدىم ..ئەتىدىن باشلاپ خىزمەت بىلەن تۇۋەنگە 15كۇنلۇك چۇشمەن .شۇڭا قايتىپ كەلگەندە ئوقۇيدىغان بولدۇم دە...  

khan ھەقىي سالاھىيەتلىك ئەزا

2013 - يىلى چىللە ئېيىنىڭ 20 - كۈنى ئۇيغۇران بۈگۈن خۇشال، لېكىن توقسۇننىڭ ئاسمىنى خۇشال ئەمەس. بىردە ئەجدەرھادەك ھارارەت پۈركۈيدۇ. بىردە بوران ھۇۋلايدۇ.
ئاخشام دىجۇرنىلىك قىلدىم. مەكتەپتە «مىللەتلەر ئەدەبىياتى» دېگەن ژۇرنالدىن ھەبىبە مۇھەممەت ئەيسا خانىم يازغان «ئاشقان تاماق» دېگەن ھېكايىنى ئوقۇپ بەك تەسىرلىنىپ كەتتىم. مېنىڭدەك تولا دىجۇرنىلىك قىلىدىغان، ئايالى جاپا تارتىپ تاماق ئېتىپ بەرسە «تامىقىڭىز ئوخشاپتۇ» دەپمۇ قويماي كالىدەك يەپ كېتىدىغان ئەرلەر بىر قېتىم ئوقۇپ چىقسا، ئىبرەت ئالسا بولىدىغان ھېكايە ئىكەن. ھېكايىنىڭ ئاساسىي مەزمۇنىنى شۇ ژۇرنالدىن ياكى شىنجاڭ ئاياللىرى ژۇرنىلىدىن كۆرۈۋالغايسىزلەر. سانى يادىمدا قالماپتۇ. ئەتىگەن ئۆيگە قايتىپ كېلىپ ناشتا قىلغاچ پەزىلەتكە ھېكايىنى سۆزلەپ بەرسەم ئۇمۇ تەسىرلىنىپ، ئايال باش قەھرىمانغا ئىچى ئاغرىپ كەتتى. لېكىن مېنى ئەر باش قەھرىمانغا ئوخشىتىپ تىللىمىدى. مەنمۇ ئىبرەت ئالدىم، ئەلۋەتتە.
بۈگۈن مۇشۇنچىلىك يازاي. ئامان بولۇڭلار.

atirgul

مەلۇم سەۋەبلەر  بىلەن بىر نەچچە كۈن يولغا چىقالمايدىغان بولۇپ قالدۇق ....ئۇلۇغ ئاللاھ ئىشلىرىمىزنى ئاسان قىلسۇن!

بىراۋ ئېيىتقان يۈرىكىڭىزگە نەپرەتنى ئەمەس  مۇھەببەتنى تولدۇرۇڭ دەپ ...يۈرىكىمگە مۇھەببەتنى  تولدۇرۇش ئۈچۈنمۇ ۋاقىت كەتكۈدەك........
تېغ يارىسى ساقىيدىكەن ئەمما دىلىمدىكىلەرنىڭ  يۈرىكىمگە سالغان دىل يارسىنىڭ ساقايمىقى شۇنداق تەسكەن ...... كۆرگەن چېغىمدا ئاچچىق كۈلىمەن شۇ ئىنسانلارغا .
ئۇلۇغ ئاللاھ  قەلبىمگە ئەپۇچانلىقنى ئاتا قىلسۇن !!!!!!!!!!!!!

atirgul

قەدىر كىچىسى توغرىسىدا ھەدىسلەر

ئەنەس رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: قەدىر كېچىسى بولغاندا، جىبرىئىل ئەلەيھىسسالام بىر توپ پەرىشتىلەر جامائىتى بىلەن چۇشۇپ، ھەربىر قىيامدا تۇرۇپ ناماز ئۇقۇۋاتقان ياكى ئولتۇرۇپ اللھ نى ئەسلەۋاتقان بەندىگە رەھمەت يوللاپ، مەغپىرەت سورايدۇ، ئۇلارنىڭ رۇزا ھېيىت كۈنى بولغاندا، اللھ تائالا ئۇلارنى پەرىشتىلەرگە باھالاپ، ماختاپ بىرىپ ؛ ئى پەرىشتىللىرىم! ئۆز ئەمىلىنى تۇلۇق تامام قىلغان ئىشچىنىڭ ئىش ھەققى مۇكاپاتى قانداق بۇلىدۇ؟ دەيدۇ، ئۇلار: ئى رەببىمىز! ئۇنىڭ مۇكاپاتى ، ئىش ھەققى تۇلۇق بىرىلىشى كىرەك دەيدۇ، اللھ تائالا: ئى پەرىشتىلىرىم! مىنىڭ ئەر-ئايال بارلىق بەندىللىرىم ئۆزلىرىنىڭ ئۇستىدىكى مىنىڭ پەرزىمنى تۇلۇق ئادا قىلىپ بولۇپ، ئاندىن دۇئاغا ئاۋازلىرىنى، قوللىرىنى ئۇستۇن كۆتۇرشۇپ چىقىشتى، ئىززىتىم بىلەن، ئۇلۇغلۇقۇم، سېخيلىقىم، ئۇستۇنلۈكۈم،(ئۆزۇمگە لايىق) ئورنۇمنىڭ ئۈستۈنلىكى بىلەن قەسەم قىلىمەنكى، مەن چۇقۇم ئۇلارنىڭ دۇئاسىنى ئىجابەت قىلىمەن، ئىبادىتىنى قۇبۇل قىلىمەن، ئى بەندىللىرىم! ئەمدى قايتىڭلار، مەن سىلەرگە مەغپىرەت قىلدىم، يامانلىقلىرىڭلارنى ياخشىلىققا ئالماشتۇرۇپ بەردىم، دەيدۇ. ئۇلار مەغپىرەت قىلىنغان ھالدا ئۆيلىرىگە قايتىشىدۇ.بەيھەقى توپلىغان.



ئۇبادەت ئىبنى سامىت رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم بىزگە قەدىر كېچىسىدىن خەۋەر بىرىش ئۈچۈن چىقسا، مۇسۇلمانلاردىن ئىككى كىشى دە – تالاش ، جىدەل، مۇنازىرە قىلىشىپ قالدى، رەسۇلۇللاھ سەللەللاھۇ ئەلەيھى ۋەسەللەم: ھەقىقەتەن مەن سىلەرگە قەدىر كېچىسىنى خەۋەر قىلىپ بېرىش ئۈچۈن چىققان ئىدىم، لېكىن، پالانى بىلەن پالانى دە – تالاش ، جىدەل، مۇنازىرە قىلىشىپ، ئۇ مەندىن كۆتۈرۈلۈپ كەتتى، كۆتۈرۈلۈپ كېتىشىمۇ، ئۇنتۇپ قېلىشىممۇ سىلەرگە ياخشى بولۇشى مۇمكىن، قەدىر كېچىسىنى، رامىزان ئېيىنىڭ ئاخىرقى توققۇزىدا،يەتتىسىدە، بەشىنچى كېچىللىرىدە ئىزدەڭلار،دىدى. ئەھمەد، بۇخارى توپلىغان، سەھىھ.



ئىبنى ئۇنەيس رەزىيەللاھۇ ئەنھۇ مۇنداق دەيدۇ؛ مەن ئى اللھ نىڭ ئەلچىسى! مىنىڭ يىزىدا تۇرۇشلۇق ئورنۇم بار،اللھ قا شۇكىرىكى، مەن ئۇ جايدا اللھ قا ھەمدە ئېيتىش بىلەن بىرگە ناماز ئۇقۇيمەن، قەدىر كىچىسىنى تېپىش ئۈچۈن مىنى بىركېچىگە بۇيرىسىلا، مەن شۇ كېچىسى بۇ مەسجىدكە چۇشەي دىسەم، رەسۇلۇللاھ سەللەللاھۇ ئەلەيھى ۋەسەللەم ماڭا؛ 23-كېچىسى چۇشكىن دىدى، ئۇنىڭ ئوغلىغا: داداڭ قانداق قىلاتتى؟ دىيىلدى، ئۇ: دادام شۇكۈنى ئەسىرنى ئۇقۇپلا مەسجىدكە كىرىپ كەتسە، بامداتنى ئۇقىمىغىچە ھېچقانداق ھاجەتكە چىقمايتتى، بامدات نامىزىنى ئۇقۇپ، مەسجىدنىڭ ئىشكى ئالدىدىكى ئۇلىغىغا مىنىپ، ئۆزى تۇرۇشلۇق يىزىغا كىتەتتى، دىدى. ئەبۇداۋۇد توپلىغان.




ئىبنى ئۆمەر رەزىيەللاھۇ ئەنھۇما مۇنداق دەيدۇ؛ رەسۇلۇللاھ سەللەللاھۇ ئەلەيھى ۋەسەللەمدىن قەدىر كېچىسى توغرىسىدا سورالغاندا؛ قەدىركېچىسى ھەر بىر رامىزاندا باردۇر دىگەن. (يەنى قىيامەتكىچە ھەممە رامىزاندا باردۇر). ئەبۇداۋۇد توپلىغان، ئۇ:بۇ ھەدىس ئىبنى ئۆمەر رەزىيەللاھۇ ئەنھۇمانىڭ ئۆزىنىڭ سۆزى دىگەن.


ئەبۇ بۇكرەت رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: قەدىر كېچىسىنى ئاخىرقى ئون كۈننىڭ قالغان توققۇزدا، يەتتىسىدە، بەشىدە، ئۈچىدە، ئەڭ ئاخىرقى تاق كېچىللىرى ئىزدەڭلار. ئەھمەد، تىرمىزى، ھاكىم، بەيھەقى توپلىغان، سەھىھ.

ئائىشە رەزىيەللاھۇ ئەنھا مۇنداق دەيدۇ؛ مەن؛ ئى اللھ نىڭ ئەلچىسى!ئەگەر بىلسىلە قېنى دەپ بەرسىلە، مەن قەدىر كېچىسى نىمە دەيمەن؟ دىسەم، رەسۇلۇللاھ سەللەللاھۇ ئەلەيھى ۋەسەللەم ماڭا؛ «ئى ئاللاھ! ھەقىقەتەن سىلى ئەپۇ قىلغۇچى، ئەپۇ قىلىشنى ياخشى كۆرىلا، مەندىن ئەپۇ قىلسىلا»دىگىن،دىدى.ئەھمەد، تىرمىزى، ئىبنى ماجە، ھاكىم توپلىغان، سەھىھ، بۇ دۇئا قەدىر كېچىسى ئوقۇلىدۇ.

ئائىشە رەزىيەللاھۇ ئەنھادىن، رەسۇلۇللاھ سەللەللاھۇ ئەلەيھى ۋەسەللەم رامىزاننىڭ قېلىپ قالغان ئون كۈنى كىرگەندە، ئىشتىنىنى مەھكەم چىگىپ، بۇ ئاخىرقى ئون كۈننىڭ كېچىلىرى تۈنەيتتى، ئەھلىنى ئويغۇتاتتى. بەيھەقى، بۇخارى،مۇسلىم، ئەبۇ داۋۇد، نەسەئى، ئىبنى ماجە توپلىغان، سەھىھ.


ئائىشە رەزىيەلاھۇ ئەنھادىن، رەسۇلۇللاھ سەللەللاھۇ ئەلەيھى ۋەسەللەم رامىزاننىڭ ئاخىرقى ئون كۈنىدە، ئۇ كۈنلەردىن باشقا چاغدا كۆرسەتمىگەن، قىلىپ باقمىغان ئاجايىپ تېرشىچانلىقلارنى كۆرسىتەتتى،(يەنى ئىبادەتتە قاتتىق چىڭ تۇراتتى،كېچىلىرى تۈنەيتتى، ئەھلىنى ئويغۇتاتتى). ئەھمەد، مۇسلىم، تىرمىزى توپلىغان، سەھىھ.


زەرر ئىبنى ھۇبەيش رەزىيەللاھۇ ئەنھۇ مۇنداق دەيدۇ؛ مەن ئۇبەي ئىبنى كەئبى رەزىيەللاھۇ ئەنھۇدىن سوئال سوراۋېتىپ، ئۇنىڭغا؛ ھەقىقەتەن قېرىندىشىڭ ئىبنى مەسئۇد رەزىيەللاھۇ ئەنھۇ؛ كىم بىر يىل مۇكەممەل كېچىسى قىيامدا تۇرۇپ تۇنىسە، ئاندىن قەدىر كېچىسىنى تاپالايدۇ، دەيدۇ دىسەم، ئۇماڭا: اللھ ئۇنىڭغا رەھمەت قىلسۇن، ئۇ كىشىلەرنىڭ يۇلىنىۋالماسلىقىنى مەقسەت قىلىپتۇ، لىكىن ئۇ قەدىر كېچىسىنىڭ رامىزاندا، رامىزاننىڭ ئاخىرقى ئونىدا، بۇلۇپمۇ 27-كېچىسى ئىكەنلىكىنى بىلىدۇ دەپ، ئاندىن قەدىر كېچىسىنىڭ رامىزاننىڭ 27-كېچىسى ئىكەنلىكىگە ئىستىسنا قىلمايلا يەنى اللھ خالىسا دىمەيلا قەسەم قىلدى، مەن: ئى ئەبامۇنزىر!قايسى نەرسە بىلەن شۇنداق جەزىمە قىلىپ، 27-كېچىسى دەيسەن؟ دىسەم، ئۇماڭا: رەسۇلۇللاھ سەللەللاھۇ ئەلەيھى ۋەسەللەم بىزگە خەۋەر قىلغان ئالامەت بىلەن دەپ؛ قۇياش شۇكۈنى نۇرسىز چىقىدۇ دىدى. مۇسلىم توپلىغان سەھىھ.

ئەبۇ سەئىد رەزىيەللاھۇ ئەنھۇ مۇنداق دەيدۇ؛ رەسۇلۇللاھ سەللەللاھۇ ئەلەيھى ۋەسەللەم رامىزاننىڭ ئەۋۋەلقى ئونىدا ئىتكاپ قىلدى، ئاندىن ئوتتۇرىدىكى ئونىدا، تىرىدىن بولغان گۇمبەز چىدىردا ئېتكاپ قىلىپ،ئاندىن بېشىنى چىقىرىپ مۇنداق دىدى: ھەقىقەتەن مەن مۇشۇ قەدىر كېچىسىنى ئىزدەپ، رامىزاننىڭ ئەۋۋەلقى ئونىدا ئىتكاپ قىلدىم، ئاندىن ئوتتۇرىدىكى ئونىدا ئېتكاپ قىلدىم، ئاندىن ماڭا پەرىشتەئارقىلىق قەدىر كېچىسى رامىزاننىڭ ئاخىرقى ئونىدا دىيىلدى، كىم مەن بىلەن ئېتىكاپ قىلماقچى بولسا، رامىزاننىڭ ئاخىرقى ئونىدا ئېتكاپ قىلسۇن. ماڭا بۇ قەدىر كېچىسى چۈشۈمدە كۆرسىتىلگەن، ئاندىن كېيىن ئۇنتۇلدۇرۇلدۇم، ھەقىقەتەن مەن ئۆزۈمنى قەدىر كېچىسىنىڭ ئەتىگىنى سۇ بىلەن لايغا سەجدە قىلىپ كۆردۈم، (يەنى ئالامىتى قار – يامغۇردۇر) ئۇنى رامىزان ئېيىنىڭ ئاخىرقى ئون كۈن ئىچىدىكى ھەربىر تاق كېچىلەردە ئىزدەڭلار. ئەبۇ سەئىد رەزىيەللاھۇ ئەنھۇ مۇنداق دەيدۇ؛ شۇكېچىسى يامغۇر ياغدى، مەسجىد خورما شاخلىرى بىلەنلا يېپىلغان بۇلۇپ، مەسجىدتىن يامغۇر ئۇتۇپ كەتتى، مەن رامىزاننىڭ 21-كۈنى ئەتىگەندە، ئىككى كۆزۇم بىلەن رەسۇلۇللاھ سەللەللاھۇ ئەلەيھى ۋەسەللەمنىڭ پىشانىسىدا يامغۇر سۇيى بىلەن لاينىڭ ئەسىرنى كۆردۇم. مالىك، ئەھمەد، بەيھەقى،بۇخارى،مۇسلىم، نەسەئى، ئىبنى ماجە توپلىغان، سەھىھ.



ئىبنى ئابباس رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: قەدىر كېچىسىنى رامىزاننىڭ ئاخىرقى ئونىدا ئىزدەڭلار، قېلىپ قالغان توققۇزىنچى، يەتتىنچى، بەشىنچى كېچىسى ئىزدەڭلار، بۇخارى، ئەھمەد، ئەبۇ داۋۇد توپلىغان، سەھىھ. ئەبۇ بۇكرەت رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: قەدىر كېچىسىنى ئاخىرقى ئون كۈننىڭ قالغان توققۇزدا، يەتتىسىدە، بەشىدە، ئۈچىدە ئەڭ ئاخىرقى تاق كېچىللىرى ئىزدەڭلار. ئەھمەد، تىرمىزى، ھاكىم، بەيھەقى توپلىغان، سەھىھ.

ئىبنى ئۆمەر رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەمنىڭ ساھابىللىرىدىن بىركىشىنىڭ چۇشىدە، ئۇنىڭغا قەدىر كېچىسىنىڭ (رامىزاننىڭ)ئاخىرقى يەتتىسىدە ئىكەنلىكى كۆ رسىتىلىپتۇ، رەسۇلۇللاھ سەللەللاھۇ ئەلەيھى ۋەسەللەم ئۇنى ئاڭلاپ: مەن چۈشۈڭلارنىڭ ئاخىرقى يەتتىسىگە مۇۋاپىق كەلگىنىنى كۆردۈم، كىم قەدىر كېچىسىنى ئىزدىمەكچى بولسا، رامىزان ئېيىنىڭ ئاخىرقى يەتتىسىدە ئىزدىسۇن،دىدى. مالىك، ئەھمەد، بەيھەقى، بۇخارى،مۇسلىم توپلىغان، سەھىھ


ئائىشە رەزىيەللاھۇ ئەنھادىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: قەدىر كېچىسىنى رامىزاننىڭ ئاخىرقى ئون كۈنىدىكى تاق كېچىلەردىن ئىزدەڭلار. ئەھمەد، بەيھەقى،بۇخارى، تىرمىزى توپلىغان، ئىبنى ئۆمەر رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: قەدىر كېچىسىنى ئىزدەڭلار، ئۇنى ئىزدىمەكچى بولغان كىشى، رامىزاننىڭ 27 – كېچىسى ئىزدىسۇن. ئەھمەد توپلىغان، ئىبنى ئۆمەر رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: قەدىر كېچىسىنى ئاخىرقى يەتتىسىدە ئىزەدەڭلار، مالىك، مۇسلىم، ئەبۇ داۋۇد توپلىغان، سەھىھ. ئابدۇللاھ ئىبنى ئۇنەيىس رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: قەدىر كېچىسىنى رامىزاننىڭ 23 – كېچىسى ئىزدەڭلار. تەبرانى توپلىغان، سەھىھ.(ھەدىسلەرنىڭ بىر – بىرىگە ئوخشىماي كېلىشى، بۇ كېچە مەخپى قىلىنغان توغرىسىنى ئاللاھ بىلىدۇ، لېكىن، قەدىر كېچىسى رامىزاننىڭ ئاخىرقى ئونىدا،تاق كېچىسى چوقۇم بار،بۇ سەھىھ 27 – كېچىسى سەھىھ دىگەنلەرمۇ بار.)



مەنبەسى؛ ھەققانىي ئىسلام مۇنبىرى

UZULGANGUNQA

[b]、ئەسسالامۇ ئەلەيكۇم ئەزىز تورداشلار! مەن ئەلكۈيى تورىغا يېڭى ئەزا بولغان، مۇنبەر ئارىلاۋېتىپ بۇ كۈندىلىك خاتىرىنى كۆرۈپ قالدىم ھەمدە قىزىقىپ ئوقۇپ چىقتتىم. ھەقىقەتەن ياخشى مەزمۇنلار باركەن. ئەتىرگۈل ھەدەمنىڭ قەدىر كېچىسى ھەققىدە توپلىغانلىرىدىن قەدىر كېچىسى توغرىسىدا بىلىمگە ئىگە بولدۇم، ئاللاھ سىزدىن رازى بولسۇن! قولىڭىزغا دەرت بەرمىسۇن!

مەن توردىكى ئىسمىىمنى ئويلاشمايلا قويۇپتىكەنمەن، ئۆزگەرتەي دىسەم ئۆزگەرتەلمىدىم، مۇشۇ ھەقتە يول كۆرسەتسەڭلار.

‏‏قەھۋە

‏‏جىمجىت كېچە،
‏كۆزلىرىمنى ياشلىدى پىراق.
‏قۇچىقىڭدا بوزلاپ يىغلىغۇم كەلدى،
‏پىغانلىرىمنى قويماي سۆزلىگىم كەلدى،
‏لىكىن ئارىمىز يىراق بەك يىراق...
‏
‏سەنسىز كۈنلەرگە كۆنمەسمەن دىگەن،
‏ياشاۋاتىمەن،
‏قاقشىمىدىم تەقدىردىن ئەسلا،
‏سىرلىرىمنى ياشلارغا تېڭىپ،
‏كېچە قوينىغا باشلاۋاتىمەن...
‏
‏بۈگۈن،
‏سەن ئامراق يېشىل كۆينەكنى كەيدىم،
‏گۈللىرى كۆزلىرىڭدەك زەڭگەر،
‏بىراق ئاھ،
‏كېپىنەكتەك بولالمىدىم ھېچ،
‏گۈللەرمۇ ماڭا سالماسكەن نەزەر،
‏پىغانلىرىم كۆتۈردى ئىسيان،
‏ئاھ،زار بولدۇم،
‏قېنى مەن زارىقىپ كۈتكەن،
‏قۇياش قۇينىدا كۈلگەن تاڭ سەھەر...
‏
‏

ئەرتېكىن

UZULGANGUNQA يوللىغان ۋاقتى  2013-7-23 14:17
、ئەسسالامۇ ئەلەيكۇم ئەزىز تورداشلار! مەن ئەلكۈيى تورى ...

مۇنبەر باشقۇرغۇچىلار بىلەن ئالاقىلىشىپ باقسىڭىز بۇلارمىكىن؟

ئەرتېكىن

2013-يىل 7-ئاينىڭ 24-كۈنى (چارشەنبە)

بىسمىللاھىر رەھمانىر رەھىم!  
بۇ توردا مۇنداق ياخشى بىر  كۈندىلىك خاتېرە بارلىقىنى بىلىپ ئىنتايىن سۆيۈندۈم. بەزىدە «ئىسكەندەرنىڭ مۈڭگۈزى بار!» دەپ توۋلىيالماي بۇرۇقتۇما بۇلۇپ كەتكەن چاغلىرىمىزدا بۇ خاتېرە تەسەللىي بولغۇدەك.
  توختاۋسىز يېزۋاتىمەن، تىرىشقىنىمغا چۇشلۇق ئىلگىرلەشمۇ بۇلۋاتىدۇ. موھىمى ساۋاققا، ماھارەتكە ئىگە بۇلۋاتىمەن. ئەمما، شۇنچە ياخشى چىقتى دەپ قارىغان نۇرغۇن ئەسەرلىرىمنى «ھاشىماخۇن ئۆلۈپتۇ، شورلۇق يەرگە كۆمۈپتۇ، يىغلىغىلى ئادەم يوق، ئۆزى قۇپۇپ يىغلاپتۇ» دىگەندەك ئۆزۈملا ئوقۇپ، ئۆزۈملا ھۇزۇرلىنىپ ياكى قايغۇرۇپ ئولتۇرۇشقا مەجىبۇر بۇلۋاتىمەن. چۈنكى، بەكمۇ ئاز مەتبۇئاتىمىز بىزگە يەنىمۇ ئاز پۇرسەتنىلا بىرەلەيدىكەن. بىز ئۇلارنىڭ چىرايىغا بەك تەلمۈرۈپ كىتىدىكەنمىز. شۇڭلاشقا، بەزى ئەسەرلىرىمنى يەنىلا تور ئارقىلىق دوستلارنىڭ ھۇزۇرىغا سۇنۇشنى مۇۋاپىق تاپتىم. ئىككى كۈن بولدى «ئىزغىرىن شامال» ناملىق پوۋېستىمنى ئەلكۈيىگە ئۇدۇللۇق يوللىماقتىمەن. كۆڭلۈممۇ كۆتۈرۈلۈپ قالدى. ئەمما بۇ قولۇمنىڭ دەردى خاپا قىلىپ كۆپراق خەت ئۇرۇشقا پايلىمايۋاتىمەن. ئۇرغاندىمۇ تۇخۇ دان چۇقۇغاندەكلا، سۈرئەت بەك ئاستا. شۇنداقتىمۇ بىر ئاماللار بىلەن ئۇدۇل يوللاپ تۇرىمەن. ئاللاھنىڭ ماڭا سەۋىر، چىدام ۋە غەيرەت ئاتا قىلىشىنى تىلەيمەن. ئامىن!

gulnazi ھەقىي سالاھىيەتلىك ئەزا

                 ئەسسالامۇ ئەلەيكۇم مۇنبەرداشلار ، ئاللانىڭ چەكسىز سالىمى سىلەرگە بولسۇن !  

شۇنداق ئالدىراشچىلىق بىر كۈنلەر بۇلىۋاتىدۇكى ئۇھ..............
مانا بۇگۈن بارلىق ئالدىراشچىلىقنى چۆرۈپ تاشلاپلا بۇ يەرگە مۈكۈۋالدىم دە قوللىرىمنى كۇنۇپكا تاختىسى     ئۈستىگە ئەركىن قۇيىۋەتتىم .......
                        

             كېچە كۆرگەن چۈشلىرىمدە چۈچۈپ ئويغاندىم ، سەن ئەسەبى بىر ھالەتتە ئىدىڭ دىمەك ئۇ سەن
              ئەمەس ئىدىڭ ،ۋە سەن بولماسلىقىڭنى ئارزۇ قىلىپمۇ كەتتىم.....
             سەن كەينىڭگە بۇرۇلۇپ ماڭغىنىڭدا نەپەسلىرىم قىسىلدى ،قۇلۇڭنى تۇتىۋالماقچى بولدۇم يۇ
                 قوللۇرۇم ھاۋادا لەيلەپ قالدى....نە سەۋەپ دەپ نە جۇدالىق بۇ دەپ پىچىرلىدىم
                                      ئۆز-ئۈزۇمگە........
            بۈگۈن قەلىپ سىرلىرىمنى يىشىۋاتقان قەلەملىرىم سىنى توختىماي چاقىرۋاتىدۇ ، ياق ياق قەلەملىرىم
                               ئەمەس ماڭا ئاسىي قەلبىم چاقىرۋاتىدۇ.....!!!
           ئاڭلاۋاتامدىغانسەن ...؟ تۇنۇش ھىجراننىڭ ئاھلىرى يەتمىدىمۇ ساڭا، سەۋرىمنى سىنىماقچىمۇ سەن ،
              قىيالماي تۇرۇپ ئۇزاتقىنىم ھىلىمۇ ئىسىمدە، بولدى بەس دەۋەتتىم ئۆز ئۈزۈمگە ئاچچىقلاپ تۇرۇپ،
                        نىمە ئۈچۈن دەپ سورىما ،شۇ نە ئۈچۈنلەرگە يەتكۈدەك سەۋەپلىرىم بار .........
           ئۆكسۈشلىرىم ،كۈتۈشلۈرۈم چىكىگە يەتتى سىنى كۈتۈشلىرىمدىن قەلبىم ئازاپ سوۋغىسى
                      تاپشۇرۋالدى ، يىتەر ئەمدى دەپ ئۈزۈمنى ئاران بەزلىدىم .
                  سەرسانە بۈگۈنۈمگە ،ھەر نەپەستە سەنسىزلىك دەپ چۇقان سىلىۋاتقان قەلبىمگە ، سىنى
                  مەندىن بىسوراق قارچۇقلىرىمغا يۇشۇرغان كۆزلىرىمگە ‹خائىن› دەپ ئىسىم قويدۇم.......