ئەلكۈيى كۈندىلىك خاتىرىسى

mamtimin520

چۈنكى سەن، ئۇيغۇرنىڭ قىزى


ئىپار پۇراپ تۇرسۇن بويۇڭدىن ،
ئۇماقلىقىڭ چىقسۇن خۇيۇڭدىن .
قۇۋلۇق يىراق كەتسۇن ئويۇڭدىن ،
گۈللەر ئۈنسۇن چىۋەر قولۇڭدىن ،
چۈنكى ئۆزۈڭ ئۇيغۇرنىڭ قىزى .

يېپىپ يۈرگىن ئۇيات يېرىڭنى ،
ئۇزۇن كەيگىن بولسا كىيىمنى .
گۈزەل تۇرۇپ قىلما گىرىمنى ،
ھالال تاپقىن ھەممە كىرىمنى ،
چۈنكى ئۆزۈڭ ئۇيغۇرنىڭ قىزى .

بىلىم بولسۇن قىممەت بايلىقىڭ ،
شەرمى-ھايا بولسۇن يايلىقىڭ .
بولمىسىمۇ مەيلى ئايلىقىىڭ ،
لىكىن بولسۇن مەڭگۈ پاكلىقىڭ ،
چۈنكى ئۆزۈڭ ئۇيغۇرنىڭ قىزى .

سۆيگۈ تىلەپ توسسا يىگىتلەر ،
خىجىللىقتا قىزارسۇن يۈزلەر .
يەرگە باقسۇن ئۇياتچان كۆزلەر،
گەر يۈرەككە تەگسىمۇ سۆزلەر ،
چۈنكى ئۆزۈڭ ئۇيغۇرنىڭ قىزى .

نازاكەتلىك بولسۇن ھەركىتىڭ ،
قىزغا لايىق بولسۇن خىسلىتىڭ .
زاۋال تاپسۇن يامان ئىللىتىڭ ،
تۇغۇلىدۇ سەندىن مىلىلتىڭ ،
چۈنكى ئۆزۈڭ مىللەتنىڭ قىزى .

قىزىم بار دەپ سۆيۈنسۇن ئانا ،
قەددى تىكلەپ يۈرسۇن ھەم ئاتا.
پەخىرلەنسۇن سىڭلىم دەپ ئاكا ،
پەخىرلەنسۇن ھەتتاكى دۇنيا،
چۈنكى ئۆزۈڭ ئۇيغۇرنىڭ قىزى.

دوستانە ئەسكەرتىش. مەزكۇر ئەسەر تەۋپىق مۇنبىردىن شەبنەمنىڭ ئەسىرى. مۇنبەرداشلاربىلەن بىرلىكتە بەھىرلىنىش ئۇيىدا كۈچۈرۈلدى



ماڭا بۇ شىئېر يىقىپ قالغانتى ئەمما  يوللىسام باشقۇرغۇچىلار  تەستىقلىمايۋاتىدۇ .  
سىلەرگىچۇ دوسلۇرۇم؟

begana

بۇ خاتىرىنى ئاچسام ئۆزەمنى ئۆي كۆچكەندەكلا ھىس قىلمەن .يىڭى ئۆيگە كۆچكەن چىغىمدا قەلبىمدىكى يىڭىچە ھاياجان ۋە يىڭى -يىڭى تەلپۈنۈش ۋە رازىمەنلىك بىلەن ئۆزەم ئەڭ ياقتۇردىغان ئۇسۇل بىلەن بىزەپ چىققان ئىدىم ،ھويلىلارنى گۈل -چىچەككە پۈركەپ يىڭى ۋەتەن يىڭى ۋەتەن دەپ كىتەتتىم.لىكىن ھازىر بۇ خاتىرىنى ئاچساملا كونا خاتىرە ئىسىمگە كىلىدۇ ،يىڭى ئۆيدە كوننى ئەسلەش ئۆتمۇشىنى ئۇنۇتمىغانلىق بۇمۇ شۇنداقراق بىر تۇيغۇ بولسا كىرەك.تۈنۈگۈن يولدىشىم شەھەردە 10كۈنلۈك ئۈگنىش بار دەپ كىرىپ كەتكەن ئىدى .سايىماخۇندەك شۇنچىلىك ىۇش بولۇپ ھەنىم بولسا ھۆكىمەتنىڭ ماڭا پەردە ئارقىسىدىكى مەزلۇمغا دەم ئېلىش بىرىپتۇ دەپ ئويلاپ يولغا سالغان ئىدىم.قازاقچە ياشايمۇ قىرغىزچىمۇ ؟نەگە بىرىپ نەدە تۇراي؟نىمىنى قىلىپ نىمىنى قىلماي دەپ پىلان تۈزۈپ بولغىچە بۈگۈن قايىتتىم دەپ تىل قىلىپتۇ.تىزىملىتىپ قويۇپ يىنىپ چىقساق بولدىكەن دەپ ،يىنىپ چىقماي تىرىشىپ ئوقىۋەر دىسەم ياقەي ئۆيدە يىتىپ دەم ئالاي دەيدۇ .نىمە دەيدىغاندۇ دەپ بىشىمغا كۈن چۈشتى .
-سۇۋىتىلغان قايناقسۇ...
-ئۇماچتەك ئەتكەن چاي..
-قۇشقاچ تىلى ئۈگىرىسى...
-تارىدەك سوزۇپ لەڭمەن...
-نەچچە خىل سەي بىلەن گاڭپەن ...
-ئۇششاق تۈگۈپ چۈچۈرە ....قىزىل گاڭسىرىم ،قارىكۆك ئىشتان ،بۇ ئەمەس ئۇ ،چۈشكە قۇيۇق كەچكە سۈيۈق.دەپ...تىتىۋىتىدۇ دەڭلار ئۆيدە ئولتۇردىغان بولسا پۇتىنى ئالماپ ئولتۇرۇپ...مۇشۇ ئەر كىشىنىڭ ئۆيدە ئولتۇرۇپ قىلىشىنى خۇدا ساقلىسۇن .كۈن يوق خوتۇن دىگەن بىچارىگە ...ھە بوپتۇ ئۇنىڭغىمۇ كۆنۈپ كىتەرمەن

begana

ئەتە تورغا چىقالمايمەن تايىنلىق بۈگۈن كۆپرەك يىزىۋلاي...تور دۇنياسىدا نۇرغۇن ئادەملەر بىلەن تونۇشىدىكەنمىز،نۇرغۇن نەرسىلەرنى ئوقۇيدىكەنمىز ،نۇرغۇن ئادەملەرنى ئۇنتۇپ كىتىدىكەنمىز ئازغىنە كىشىلەرلا يادىمىزدا قالدىكەن .ئوقۇغان تىمىللىرىمىزدىنىمۇ ناھايىتى ئاز بىر قىسمى ئۇنتۇلمايدىكەن .تورغا ئىلنىشىپ يۈرگىنىمگە تالاي يىللار بوپتۇ ،مۇنبەردىكى ياخشى تىمىلاردىن باشقىغا قىززىقمايمەن .بۇ مۇنبەردە بەرگىيەنىڭ تىممىللىرىدىن باشقا يامغۇر ھەدەمنىڭ زىيارەت خاتىرىسى  مىنى بەك جەلىپ قىلىدۇ .لىكىن ھەممىدىن بەك ياقتۇردىغىنىم سايىماخۇننىڭ سەرسانە سىرلىرى ...شۇنداق ئۇستىلىق ۋە شۇنداق يىقىملىق يىزىلغان .خۇددى ئاشۇ ئائىلە مۇھىتىنى كىنو قىلىپ كۆرىۋاتقاندەكلا بولىمەن .ئوقۇساملا كۈلىمەن ،مەنىدىن باشقا ئاچا -سىڭىللىرىممۇ بەك ئامراق ..بۇ ئەسەردىن ئىلھاملىنىپ بۇرۇن بىر مۇنبەردە «سايىملار بىرلەشمىسى»مۇ قۇرغان ئىدىم ياش چاغلاردا...ھەي شۇ كۈنلەر  
ھەي كۆپچىلىك مۇشۇ كۈنلەردە ماڭا قىرىلىق يەتتىمۇ نىمە مومامغا ئوخشاش بۇرۇنقى كۈنلەرنى تولا ئەسلەيدىغان بولۇپ قالدىم دىسە..

lavzim

ۋاپا تۇپىرقىنى ئوقوپ بۇلۇپ بۇ كۇندىلىك خاتىرنى كۆرۇپلا كىردىم ئەسلىدە ئالمىزاردا كۇندىلىك خاتىرە يىزۋاتاتتم لىكىن ...........................................................ھەمىڭلارنىڭ بۇ ئۇلۇغ ئاي ئۇلۇغ كۇنلەردە ساق -سالامەت بۇلۇشۇڭلارنى تىلەيمەن ..

ARQA-YAPRIKI

2013-يىلى 7-ئاينىڭ 18-كۇنى

مەنمۇ بىر پارچە يىزىپ قوياي،
    ئەسسالامۇ ئەلەيكۇم ئەزىز قىرىنداشلار، خۇداغا شۈكۈرى سالامەتلىكىم ياخشى،بىراق كۆڭلۇم ئانچە ياخشى ئەمەس،نىمە؟ نىمشقا دەمسلەر،چۈنكى ساۋاقداشلىرىمنى ئىنى-سىڭللرىمنى سىىغىندىم. بۈگۈن ئالى مەكتەپنى پۈتتۈرپ ئۆيگە كەلگىلىمۇ 20 نەچچە كۈن بولۇپ قاپتۇ،بىراق مەكتەپ پۈتتۈرۈپ ئۇلاردىن ئايرىلغان دەقىقىلەردىن باشلاپلا ئۇلارنى سىغىنىشقا باشلىغانمەن.
     مەكتەپتە ئىنى سىڭللىرىم بىلەن بىرلىشىپ «سۈبىھى تىۋىشلىرى» دەپ بىر ئەدەبى-سەنئەت گۇرۇپسى قۇرغان ئىدۇق.ھەر جۇمە كۈنى كەچتە بىر قىتىم يىغىلىپ پائالىيەت ئىلىپ باراتتۇق،ئەدەبى ئەسەرلەرنى يىزپ ئۇقۇيتتۇق،شئرى چاقچاقلارنى قىلىشاتتۇق،سۆز ئوينى ئوينايتتۇق،زىھىن سىناش پائالىيەتلىرىنى ئۆتكۈزەتتۇق....ئىشقىلپ ئانا ماكاندىن ئايرىلغان يىراق يۇرتتا كۈنلىرىمنى سىلەر بىلەن شۈنچىلىك خۇشال ئۆتكۇزگەن ئىدىم،سىلەر بىلەن ئاكا-ئۇكا ئاچا سىڭل بولۇپ كەتكەن ئىدۇق،سىلەرنى ، ئاشۇ خۇشال ئۆتكەن كۈنلەرنى ھەجەپ سىغىندىم.
   ھازىر ئەلكۇيىدە ئانچە مۇنچە ئەدەبى ئەسەرلەرنى ئوقۇپ قويۇمەن، بىراق نىمىلا قىلغان بىلەن بۇ مەۋھۇم دۇنيا سىلەر بىلەن يۈزتۇرانە ئولتۇرۇپ كۈلۈشكەنگە،دۇنيادىكى تىلسىماتلار ھەققىدە پىكىر يۈرگۈزگەنگە يەتمەدىكەن.ھەي! بۇ ئايرىلىشقا قانداق چىدارمەن، سىلەر بىلەن يەنە قاچانلاردا جەم بولالىشىمنىمۇ بىلمەيمەن تىخى،خەيىر سىلەرنى ئاللاھقا تاپشۇردۇم،ياخشى ئوقۇڭلار،يەنە بۇرۇنقىدەك ئۆم ئۆتۇڭلار،مەنمۇ سىلەرنىڭ مەندىن كۈتكەن ئۇمۈدىڭلارنى يەردە قويمايمەن.

bargiya

ئەسسالامۇ ئەلەيكۇم مۇنبەرداشلار، رامىزان ئېيىدىكى ھەر بىر كۈنۈڭلار خۇشلۇق ئىچىدە ئۆتكەي!
بۈگۈن 2013-يىلى چىللە ئېيىنىڭ 18-كۈنى
بەرگىيەنىڭ كۈندىلىك خاتىرىگە ئىز قالدۇرغۇسى كېلىپ قوللىرى كۇنۇپكا تاختىسىدا ھەركەتلەندى:

بۇ دۇنيادىكى بارچە ھاياتلىققا دىلكەش ھاياتىمدا نىمىلەرنى يوقىتىپ نىمىلەرنى تاپتىم؟بۇ سۇئالغا ئورىلىپ كېلىدىغان مۇھەببەت ۋە غەم-غۇسسىلارنىڭ پايانى يوقتەك بىلىنەتتى .چەكلىك ھاياتتا چەكسىزلىككە ئىگە بولىدىغان نۇرغۇن تۇيغۇلارنىڭ ئىگىسى بولۇپ ياشايدىكەنمىز ،ئاللاھىمدىن ماڭا قۇدرەت تىلىدىم،رىيازەت چېكىشلەرگە چىدام بەرگىن!ئائىلەمنىڭ يۈكسەكلىكىگە خاس جاسارەت بەرگىن!نازۇك نەپىس قەلبىمگە تېتىغۇدەك ئاراملىق بەرگىن!ساڭا دۇئا قىلىشقا،ھەققىڭگە سېغىنىشقا ،ئىرادەڭگە بويسۇنغان ھالدا رازىلىقىڭ ئۈچۈن بېشىمغا كەلگەنلەرنى ۋايسىماي تارتىشقا يەتكۈدەك،بەرگەن شاتلىقلىرىڭغا ھەمدۇسانە ئوقۇغۇدەك كۈچ بەرگىن!

جىمجىتلىق پەردىلىرى يىرتىلغىنى  نەۋاق،گۈللەرنىڭ روھىدا ئۇيقۇغا كەتكەن ناۋالار تاڭ سەھەردە شەبنەم بولۇپ بەرگىلەرگە قوندى.بۇ يىلقى يازدا سالقىن شامال ئاتا قىلغان مۇھەببەتلىك كۈنلەرئېتىلىپ چىققان بۇلاق سۇلىرىدەك ناخشا توۋلاپ ئوينىسا بەك ھوزۇر ھە... ھوزۇرنى بېرىش،ھىس قىلىشتىنمۇ ھوزۇر ئىكەنلىكىنى ئىللىغان قەلبىم بارا-بارا تۇنۇپ يەتمەكتە.شېرىن تەئەججۇپلەرگە ئورالغان گۈللەرنى شوراۋاتقان ھەسەل ھەرىلىرىنىڭ ھەسىلىنى يىگەن ۋاقتىمىزدا ھەسەل بەرگەن گۈلنى ئەمەس ھەرىدىن مەمنۇن بولىمىز.ئوخشاشلا ئادىمىيلىك ئۈچۈن بېسىلغان ھەر بىر قەدەملەرنىڭ ھەققى ھەقدارلارنىڭ بوينىدا قېلىشى مۇمكىن. بۇلارغا رازى بول قەلبىم،شۇندىلا مەڭگۈلۈك كۈلكىنىڭ تەمىنى شۈمۈگەنچە لەۋلىرىڭنى تەبەسسۇمدا نۇرلاندۇرالايسەن!

ھاياتىدا گۈرۈلدەپ كۆيگىنىچە بۇ مېنىڭ ھاياتىم،بۇ مېنىڭ ئۈلۈمۈم دەپ ناخشا توۋلىيالايدىغانلاردىن قانچىسى باردۇ؟

nawbahar

مۇشۇ خىزمەت دىگەندىن جاق تويدۇم،دەم ئېلىش كۈنلىرىدىمۇ ئۆزەمنىڭ ۋاقتىغا ئىگە بولالماي.تەتىل بولغاندىن بۇيان بىچارە بالىلىرىم ئۆيدە ،دۈشەنبىدىن باشلاپ ناراتنى چۈشىگىلى تۇرسا،جۈمە كەچتە سالپىيىپ چۈشتىن ئويغىنىدۇ. خەپ دەيمەن شۇ بالىلارنى بىر ئويناتسام بولاتتى.

sahra12

مانا بۇ يىل رامزاننى ئۇرۇق تۇققان ئاتا ئانامدىن ئايرىلىپ ئۆتكۈزىۋاتقىنىمغا 7 يىل بوپتۇ.شۇنداق بىر پۇرسەت بىلەن يۇرتۇمغا قايتىش رامزان ھەم  روزا ھېيتنى ئاتا ئانام قېرىنداشلىرىم بىلەن بىرگە ئۆتكۈزۈش پۇرسىتى تۇغۇلغاندا توۋۋا دەيمەن بېلەت قىسچىلىقى مېنى ساراڭ قىلايلام دەپ قويدى،بۈگۈنمۇ مانا بېلەتتىن خەۋەر يوق قېنى كۈتۈپ باقاي ئەتە قانداق بولىدۇ ئاللا ئىشلىرىمنى ئاسان قىلغىن بولۇپمۇ مۇشۇ باللىرىمنىڭ خوشاللىقىنى يوققا چىقارمىغىن،ئۆيگە قايتىمىز دىگەن كۈنىدىن باشلاپلا ئوغلۇم خوشاللىقىدا پۇل خەجلەيمەنمۇ دىمەيدىغان بولدى،لېكىن بىلەت يوقكەن دىگەننى ئاڭلاپ كىرسەم چىقسام سورايدۇ دادا بىلەت يوقمىكەن بىز يەنە قايتالمايدىغان بولدۇقما دەپ ئىچىم شۇنداق ئاچچىق بوپ كىتىدۇ.ئېھ ئاللا ئۈزەڭ قېيىننى ئاسان قىلغۇچى سەن.

atirgul

2012-يىلى 7-ئاينىڭ 19-كۈنى

شۇ تاپتا ئۇيقۇم كەلمەي ئەلكۇيدىكى بۇ خاتىرىنىڭ بەتىلىرىنى ۋاراقلىغاچ خىياللارغا چۆكتۇم ...تۇيغۇلىرىم شۇنداق ھارغىن.
چوڭلارنىڭ ئىشى پۇتۈپ قالسىلا ئاللاھ خالىسا  22-چىسلا ئۇرۇمچىگە قاراپ سەپەرگە چىقماقچى بولۇۋاتىمىز.
نەچچە ۋاقىتتىن بىرى ئۇرۇمچىگە بىرىشقا تەلپۇنۇشلىرىم،كۈتۈشلىرىم  ....بۈگۈن ھەممە توزغاققا ئايلانغاندەك بىر خىللا  بولۇپ  كەينىمگە داجىپ قالدىم .

بىلىمەن  ئۆزۈمنىڭ ھازىر قى كەيپىياتىمنى ....كاللامدا نۇرغۇن سوئاللار ..جاۋاب تاپالماي قېينىلىۋاتىمەن ..نەچچە ۋاقىتتىن بىرى  چارچاپ كەتكىنىمنى ئالدىراشچىلىق ئېچىدە ھېس قىلماپتىكەنمەن ....بۈگۈنكى  ھالىتىمدىن بىلدىم .

مەندىن ئايرىلغان نەرسىلەرگە ئېچىنمايمەن .ئاللاھ ئۇنىڭ ماڭا ماس كەلمەيدىغىنىنى  بىلىپ ماڭا ئۇنىڭدىنمۇ ياخشىنى بەرمەكچى خالاس .

ئېشنىمەن بۇ كۈنلەرمۇ ئۆتۇپ كېتىدۇ .... ئەتىرگۈل ئەتىرگۈلدەك قەيسەر قىز ھى ھى

ئەگەر ھاياتنى  بىرلا سۆزگە يىغىنچاقلا دېسە ئىككىلەنمەي <سەۋېر>نى تاللايمەن.

ھەممە ئىشتا ئاللاھ ماڭا سەۋېر ئاتا قىل.

ئاللاھ مەن سېنىڭ بەندەڭ ،سەن مېنىڭ رەببىم سەن .شۇڭا ھەر دەققە قەلبىمدىنى بىلىپ تۇرغۇچىسەن.

مېنى ئۆزۈڭدىن يىراق قىلما ،مەغفىرتىڭنى  مەندىن ئايىما .

مېنىڭ مۇشۇ  تىمتاس ئارالدىكى  قۇتىدەك ئۆيدە بىر مەزگىل تۇرۇپ ئارام ئىلىپ كەلگۈم كەلدى.

يوق خام خىيالنى قىلماي تاتلىق كۈلۈمسىرگىنىڭچە ئۇخلاپ قال ئەتىرگۈل..  

ئاللاھقا ئامانەت.

atirgul

«ئاتا – بىر تۈپ سۆيگۈ دەرىخى»

« ئاتا دېگەن تۇرمۇش مۇشكۈللىرىنى يېڭىشىمىزدىكى مەدەتكار» . ئاتا............
پىژغىرىم ئىسسقتا بىز بالىلارغا تەلپۈنۈپ تۇرغان  يۈرىكىگە قۇياشنى سولاپ تۇرۇپ ، ئېتىزلىقتا ھەربىر تۈپ گىياھقا ئۆز مۇھەببىتىنى بېغىشلاۋاتقىنى ئەنە شۇ ئاتا ، تۈمۈر بىلەكلرى بىلەن توختىماي بازغان ئۇرۇپ ، پولاتنى ئەۋرىشىم ھالەتكە ئېلىپ كىلىۋاتقىنى ئەنە شۇ ئاتا ؛ تالاي مۇشكۈللىرىمىزدە ، ئىللىق سىماسى بىلەن بىزگە مەدەتكار بولۇپ ، ئىشەنچ ۋە ئۈمىد بىغىشلاۋاتقىنى ئەنە شۇ ئاتا ؛ مەغلۇبىيەت تاغلرى يەلكىمىزدىن باسقاندا  ، مىيقىدا كۈلۈمسىرىشى بىلەن ، ھەممىگە چىدىۋەتكەن ئەنە شۇ ئاتا ؛ مۈشكۈللەردە ، ھەققانىيەت يوللىرىدا مەيدىسىنى كىرىپ ئوتتۇرغا چىققان ئەنە شۇ ئاتا؛ .......ئەنە شۇ ئاتا !!!
ئاتىلار ئۇلۇغ ، ئۇلارنىڭ ئۇلۇغلىقى شۇ يەردىكى ، ئۇلارنىڭ مۇھەببىتى داۋراڭسىز ، ئۇلارنىڭ مۇھەببىتى يەر قېتىدىن سىرغىپ چىققان بۇلاقتەك ئەنە ئاشۇنداق ئۇنىسز، توختاۋسىز قەلبىمىزگە سىىڭىپ تۇرىدۇ. ئۇلار يولىنىدىغان تېغىمىز ، ئۇلار يايلايدىغان بېغىمز ، ئۇلار بىزنىڭ ھەممە نىمىمىز!

ساقلىۋالغىنىم ..ئاپتۇرى يادىمدا قالماپتۇ..

مۇنبەردىكى بارلىق تورداشلىرىمنىڭ  مېھرىبان ئاتىلرىغا ۋە ئاتامغا  ئۇلۇغ ئاللاھتىن  ئۇزۇن ئۆمۇر ۋە ساقلىق ،خاتىرجەملىك تىلەيمەن ..