ھېكايە:ئۇنى ئۆلتۈرىۋېتىمەن.

taxwix

تاماقنى يەپ بولۇپ سىرىتقا چىقتۇق. غېنى بىلەن سىرىتتا ماڭغاچ يەنە پاراڭغا چۈشتۈق.
-ئەمدىغۇ دەپ بېرەرسەن..؟ گۈلچېھرەنىڭ مەن چۈشەنمەيدىغان تەرەپلىرىنى سەن چۈشەندىم دېدىڭ، ھەم بايامقى ئاشخانىدىكى قىزنى كۈزىتىشنىڭ گۈلچېھرە بىلەن قانداق مۇناسىۋېتى بار ئەمدىغۇ چۈشەندۈرۈپ قويارسەن.
غېنى يولدا ماڭغاچ ئۇ يەر بۇيەرگە قارىغاچ ئەركىن تۇرۇپ گەپ قىلىشقا باشلىدى.
-بايامقى ئاشخانىدىكى قىزنى كۈزىتىشىمىز، سەنمۇ گۈلچېھرەنى دەل مەن دىگەندەك كۈزىتپ باققىن دىگىنىم. ئاندىن سەن چۈشەنمەيدىغان بىر يەرلەر چىقىپ قالسا ھەجەپ ئەمەس. گۈلچېھرەنىڭ مۇھەببىتى ئورنىدا ئەمەس، ئادەتتىكى باشقا بىر ناتونۇش ئادەمنىڭ ئورنىدا كۈزىتىپ باققىن، مانا ئۇ قىزنى كۈزىتىشىمنىڭ گۈلچېھرە بىلەن بولغان مۇناسىۋېتى ھازىرچە شۇنچىلىك.
-ھە، ماقۇل قېنى. ئەمدى گۈلچېھرەنى قايسى تەرەپتىن چۈشىنەلمەي كېلىۋاتقانلىقىمنى دەپ بەرگىن.
غېنى يەنە گېپىنى داۋام قىلدى.
-گۈلچېھرەنىڭ ئاچىسىنىڭ دىگەن گېپى بويىچە گۈلچېھرە ئۆيدىكىللىرىنىڭ گېپىنى ئەزەلدىن يىرالماي كەلگەن قىز ئىكەن. بولۇپمۇ دادىسىنىڭ گېپىنى ئەزەلدىن يىرالماي كەلگەن قىز ئىكەن.
- ئۇنى بىلىمەن. ئۇنىڭدىن باشقا يەنە نىمىنى چۈشەندۈرۈپ قويىسەن...؟
- ئۇنىڭدىن باشقا يەنە گۈلچېھرەگە كىم بەكرەك كۆيۈنسە شۇنىڭ كەينىگە كىرىپ كېتىدىغانمۇ ئىشى بار ئىكەن.
-ۋاي، ئۇنىمۇ بىلىمەن ئاداش.
ئەمدىكى مەسلە دەل سەندە ئىكەن. گۈلچېھرەنى راستىنلا چۈشىنىدىغان ئوخشايسەن، توغرا سەن قانچىلىغان ئادەملەرنى چۈشۈنۈپ كېتەلەيسەن، بىراق سەن ئۆزۈڭنى ئۆزۈڭ چۈشەنمەيدىكەنسەن.
- ئۇ نىمە دېگىنىڭ مەن ئۆزۈمنى چۈشىنىمەن. بىراق ئۆزۈمنى ئۆزگەرتىشنى خالىمايدىغان بىر ئادەم.  سەنمۇ بىلىسەن ،مەن ئەركىن ئازادا ئۆزۈمنى قويۇپ بېرىپ ياشاشقا ئامراق. ئۆزۈمنى تۇتۇپ بارلىق زېھنىم بىلەن بىر ئىشنى قىلىمەن دىيەلمەيمەن. ئۇنداق قىلىشقا مەن بەك ئۆچ. بىراق ئۇنداق قىلمىسام بولمايدىغان ئىشلار دائىم مېنى قىستاپ تۇرىدۇ.
- ئۇنى بىلىمەن، مانا مۇشۇ سېنىڭ ئەڭ چوڭ ئاجىزلىقىڭ، بۇنىمۇ بىلەمسەن..؟
- بەلكىم ئۆزۈمنى قويۇپ بېرىپ ياشاش مېنىڭ ئەڭ چوڭ ئاجىزلىقىمدۇ.
- مانا سېنىڭ كۆڭلۈڭ شۇنداق تۈز، مىجەزىڭ شۇنداق ئىتتىك. ھەرقانداق ۋاقىتتا شۇ ئىشقا ئۆزۈڭدىكى مىجەزىڭ بويىچە ئىش تۇتىسەن.
- توغرا دەيسەن. لېكىن سەن ماڭا گۈلچېھرەنىڭ يەنە بىر ئىشلىرىنى چۈشەندۈرۈپ قويىمەن دەۋاتتىڭغۇ نىمىلەرنى چۈشەندۈرۈپ قويىسەن، مېنى تەھلىل قىلماي شۇ ئىشنى سۆزلىشەيلى.
- بولىدۇ. غېنى شۇنداق دېگىنىچە يەنە كۈلۈپ قويۇپ گەپ باشلىدى.
-ئالىم سېنى ھازىر گۈلچېھرەدىن ئايرىۋەتمەكچى شۇنداقمۇ..؟
- شۇنداق.
- سېنىڭچە ئۇ ئەڭ باشتا قايسى خىل ئۇسۇل بىلەن سېنى ئايرىۋېتىش مەقسىتىگە يەتكۈزەلەيدۇ.
- ئالىم مېنىڭ بىرىنجى بوپ گۈلچېھرە ئىككىمىزنىڭ ئارىسىغا بىر ئارلىق پەيدا قىلىپ ،ئاندىن كېيىن ئۆزى مەيدانغا چۈشىشى مۇمكىن.
- توغرا دەيسەن، بۇنى ئويلاپ بوپسەن.
بىراق ئەشۇ ھاڭنى سەن پەيدا قىلغۇزماسلىقىڭ كېرەك. ئاۋال گۈلچېھرەنىڭ كۆڭلىنى ھەرگىز ئۇتۇشتىن قول بېرىپ قالما..!
-ئەلۋەتتە شۇنداق قىلىمەن. سەككىز يىلدىن بېرى ئۇنىڭ كۆڭلىنى ئۇتۇپ كېلىۋاتسام ئەمدى بوشىشىپ قالسام بولماس.
بىراق ئاداش، ھەممىدىن يامان يېرى گۈلچېھرە ھازىر مەندىن تېخىمۇ كۆپ مۇھەببەت تەلەپ قىلىۋاتىدۇ. كاللام چارچاپ قانداق قىلىش توغرىسىدا كۆپ ئويلىنىدىغان بۇنداق ۋاقىتلاردا ئۇنى مەندىن تېخىمۇ كۆپ مۇھەببەت تەلەپ قىلىشى ماڭا بېسىم بوپ قېلىۋاتىدۇ.
غېنى يەنە توختىماي سۆزلەۋاتاتتى. ئۇ بۇ ئىشقا پۈتۈن زېھنىنى قويۇپ سۆزلەۋاتتى. غېنى نەقەدەر مەردانە. مەن دەل ئادەملەرنىڭ ئەڭ سۆيۈملۈك تەرەپلىرىنى بىلىۋېشقا ھەممىدىن ماھىر.
-گۈلچېھرەمۇ بىر قىز، ئۇمۇ باشقىلارنىڭ گېپىگە ئاسان ئىشىنىپ كېتىدۇ. ئۇنىڭغا پەقەت مۇھەببەتلا كېرەك ئەمەس ، ئۇنىڭغا سېنىڭ چىرايلىق تاتلىق گەپلىرىڭلا كېرەك ئەمەس ، ئۇ سېنىڭ مۇھەببىتىڭگە چىرايلىق تاتلىق گەپلىرىڭگە ئەمدى تويۇندى. ئۇنىڭ سەندىن تەلەپ قىلىۋاتقىنى ئەمدى سېنىڭ چىرايلىق گەپلىرىڭ، پاك مۇھەببىتڭلا ئەمەس،  ئەشۇ گەپلىرىڭگە قارىتا ھەركىتىڭ كېرەك. يەنە ئۇنىڭغا بىر نىمىلەرنى ئېلىپ بەر، بىر نىمىلەرنى سوۋغا قىل. ئۇنى بىر يەرلەرگە ئويناتقىلى ئاپار، قىزلار دىگەن ئەنە شۇنداق نەرسىلەردىن ئۆزدىكى خاپىقلارنى ئازراق بولسىمۇ ئۇنتۇلدۇرالايدۇ.ئەمدى سېنىڭ تاتلىق گەپلىرىڭ قىزغا تېخىمۇ كۆپ ئويلىنىش ئاتا قىلسا قىلىدۇكى ئۇنىڭغا ھەقىقى ئۈمۈدئاتا قىلالمايسەن.  قىزلار دىگەننىڭ كۆڭلى مەنىۋې جەھەتتىن ھەم ماددى جەھەتتىن تويۇنغندىلا ئاندىن ئۆزىنى ساڭا بېغىشلشقا تەييار تۇرىدۇ.  سەن ئۇنىڭغا مەنىۋې جەھەتتىن ئەڭ چوڭ خاتىرجەملىكنى ئەڭ چوڭ سوۋغىنى بەرگىنىڭ بىلەن ماددى جەھەتتىن ئۇنىڭغا تۈزۈك خاتىرجەملىكنى ئاتا قىلمىساڭ سېنىڭ مۇھەببىتىڭ قانچە ئۇلۇغ بولسىمۇ ھامان بىر كۈنى بۇ مۇھەببىتىڭ غۇلاپ چۈشىدۇ.
غېنى ماڭا ئەزەلدىن بۇنداق ئىنچىكىلەپ تەپسىلى  گەپ قىلىپ باققان ئەمەس ئىدى. ئۇنىڭ  بۇ سۆزلىرىنى ئاڭلاپ ھېچقانداق قايتۇرما گەپمۇ قىلماي ، ئۇنىڭ يەنە گەپ قىلىشىنى ئۈمۈد قىلىپ   گېپىڭنى ئاڭلاۋاتىمەن. ياخشى گەپلەرنى قىلىۋاتىسەن دېدىم،
- زاڭلىق قىلما جۇما..دېدى غېنى كۈلۈپ كېتىپ، يەنە گېپىنى داۋام ئەتتى.
- ئاداش مەن نىمىشقا مۇشۇ ۋاقىتقۇچە بىرەر قىزنى قولغا كەلتۈرەلمەيمەن . چۈنكى مەن ساڭا ئوخشاش بىر قىزغا يۈرىكىمنى بېرىۋېتىشنى ھەرگىز خالىمايمەن. بىرەر قىزغا ۋاي جېنىم، تاتلىقىم دىگەندەك گەپلەرنى پەقەت قىلالمايمەن. مېنىڭ تاتلىق گېپىم بولمىغاچ مۇشۇ ۋاقىتقۇچە بىرەر قىز بىلەن يۈرۈپ باقمىدىم.ئاغزىمدا گەپ يوغان بولغاچقا قانچە قىزلار بىلەن ئويناپ يۈردۈم. بىراق بۇنىڭ ھەممىسى ۋاقىتلا بولدى شۇ. توغرا مېنىڭ ئويلىغىنىممۇ دەل شۇنداق. بىرەر قىز بىلەن ئۇزۇن مەزگىل يۈرۈش دۇنيادىكى ئەڭ بىمەنە ئىش، قىزلار بىلەن پەقەت ۋاقىتلىقلا مۇناسىۋەت ئورنىتىش مانا بۇ ئەڭ ياخشى چارە. سەن بولساڭ ئۆزۈڭ ياخشى كۆرگەن ئادەمگە پۈتۈن يۈرىكىڭنى بېرىۋېتىسەن، ھەتتا ئۆزۈڭنىمۇ بېرىۋېتىسەن، مانا بۇ سېنىڭ تەرىپىڭ. سېنىڭ بۇ قىلغىنىڭنى ھېچكىم خاتا دېيىشكە جۈرئەت قىلالمايدۇ. سەن راستىنلا مانا شۇنداق. چۈنكى سېنىڭ مۇھەببىتىڭ ھەقىقتەن ئەمىلىيەت . بۇ مۇھەببەتنى كىم خاتا ، خاتا ئىشلىتىۋاتىسەن دېيىشكە جۈرئەت قىلىدۇ. ھەتتا مەنمۇ بۇ يولۇڭنىڭ ئاخىرى ياخشى چىقمايدىغانلىقىنى بىلسەممۇ سېنى ھەرگىز توسۇپ باقمىدىم. سېنى توسۇشقا ھېچكىمنىڭ ھەققى يوق. چۈنكى سەن گۈلچېھرەنى راستىنلا شۇنداق سۆيىسەن، ئەمدى ئۇنى قانداق سۆيۈشنى ئۈگەنگىن.
غېنىنىڭ گەپلىرىنى ئاڭلاپ ئۇنىڭ دىگەن گەپلىرىگە قايىل بوپ قالدىم. ئۇنىڭ گەپلىرى توغرا ئىدى. بىر ئادەمنى سۆيۈش ئۈچۈن پەقەت سۆيگۈلا كېرەك بولماستىن بەلكىم يەنە مۇھىمى قانداق سۆيۈشنىڭ مۇھىملىقىنى بىلىش كېرەك. قەلبىدە سۆيگۈ بار، لېكىن قانداق سۆيۈشنى بىلمەيدىغان ئىنسانلار ئەڭ بەخىتسىز ئىنسانلاردۇر، ئۇلار سۆيگۈسىنى قانداق ئىپادىلەشنىمۇ ، قانداق سۆيۈشنىمۇ بىلمەي ئاخىرىدا سۆيگۈسى باشقىلار تەرىپىدىن خاتا بۇرىلىپ ھېجرانغا دەرىتكە مۇپتىلا بولىدۇ. مەنمۇ دەل شۇنداق ئىنسان ئىدىم. مۇشۇ ۋاقىتقۇچە گۈلچېھرەنى قانداق سۆيۈش كېرەكلىكى توغرىسىدا پەقەت ئويلىنىپ باقمىدىم. پەقەت گۈلچېھرە مېنىڭ قايسى گېپىمنى، قايسى ھالىتىمنى ياخشى كۆرسە مەن ئۇنىڭغا شۇ ھالەتنى كۆرسەتتىم. ئۇنىڭغا بەزىدە ئاچچىغلاپ گەپ قىلىپ قالغان بولساممۇ بىراق كېيىنلا ئۇنىڭدىن ئەپۇ سورايمەن. مېنىڭ توغرا ياكى خاتا بولىشىدىن قەتئى نەزەر ئۇنىڭدىن ئەپۇ سورايمەن. ئۇنىڭ ئازاپلىنىشىنى ، خاپا بولىشىنى ھەرگىز خالىمايمەن. ئىشلارنىڭ كەينىنى پەرەز قىلالىساممۇ، ئەقلىم ماڭا بىشارەتلەرنى بەرسىمۇ پەقەت پەقەت ئۇلارغا بەك كۆپ كىرىشىپ كەتمەي  پۈتۈن ۋۇجۇدۇم بىلەن گۈلچېھرەنى سۆيۈپ كەلگەنمەن، سۆيۈپ كەلمەكتىمەن.

شۇنداق ئويلارنى كاللامدا بىرەر قۇر ئۆتكۈزۈپ غېنىغا قارىدىم، غېنى ماڭا كۈلۈپ قاراپ تۇرۇپتۇ.
-ھە، قانداق ئاداش، دىگەنلىرىم خاتا ئەمەستۇ.
-ياق خاتا ئەمەس ئاداش، بۈگۈن ئۆمرۈڭدىكى ئەڭ توغرا ئەڭ قايىل قىلارلىق گەپنى قىلدىڭ.
- تەنە قىلماۋا، توغرا گەپلەرنىڭ ھەممىسىنى سەن قىلمايسەن. مۇنداق بىزمۇ قىلىمىز. سەن بۇنداق ئىشلارغا ئۇچرىغاندىن بۇيان مەن گەپلەرنى توغرا قىلىدىغان بوپ قالدىمغۇ تاڭ. ھازىر سەن ئۈچۈن مەن كۆپ ئويلىدىغان بوپ قېلىۋاتىمەن.
- ئاداش سېنىڭ گەپلىرىنىڭنى ئۇنتۇپ قالمايمەن، سەن توغرا گەپ قىلدىڭ. مەن ئەمدى گۈلچېھرەگە بولغان مۇھەببىتىمنى باشقىچىرەك ئىپادىلەپ باقاي قېنى.
غېنى بىلەن شۇنداق دېيىشىپ غېنىنىڭ ئاشخانىسىغا ئاز قاپتۇق. غېنى بىلەن خوشلىشىپ يەنە دۇككانغا يېنىپ كەلدىم.
. غېنىنىڭ گەپلىرىنى بىرمۇ -بىربىر ئويلاندىم. ھەممە ئىشقا  تەبىئىيلا مۇئامىلە قىلىدىغان بۇ مىجەزىمنى ئۆزگەرتەلەرمەنمۇ..؟ ئۆزگەرىتمىسەم بولمايدىغان ئىشلار بىر-بىرلەپ ئۇچراپ تۇرىۋاتىدۇ. غېنىمۇ بۇنى سېزىپتۇ. سەمىمگە سالدى.
گۈلچېھرە بىلەن سەككىز يىل يۈرۈپ ئۇنىڭغا كۆپ نەرسىلەرنى ئېلىپ بەرمىگەن بىلەن كۆپ ئەجىرلەرنى ،مۇھەببەتنى بەردىم. ئۇ بۇنى بىلگەچ مەن بىلەن ئايرىلماي يۈرۈپ كەلدى. توغرا ئەمدى مەن ئۇنىڭغا بولغان مۇھەببەت ئىزھار قىلىش ئۇسۇلۇمنى ئۆزگەرتەلمەي قالسام راستىنلا غېنى دىگەندەك ئىشلار يامىنىغا بۇرۇلۇپ كېتەرمۇ..؟  ئۇ مەن بىرەر نەرسىنى ياخشى كۆرۈپ قالدىم دەپ ماڭا دىگەندىن كېيىن ئاندىن ئۇنىڭغا بىر نەرسىلەرنى ئېلىپ بېرەتتىم. بىراق ئەزەلدىن ئۇنىڭغا ئۆزلىكىمدىن بىرەر نەرسە ئېلىپ ئۇنىڭغا سوۋغا قىلىپ باققان يېرىم يوق. ئۇ ئىشلارنى پەقەت قاملاشتۇرالمايمەن. ئۇنداق سوۋغىلارنى ئالدىم دىگەن بىلەنمۇ گۈلچېھرەنىڭ ئالدىدا ئەشۇ سوۋغىغا لايىق گەپ قىلالمايمەن.مانا مۇشۇنداق ئوسال مىجەزىم بار. ئەزەلدىن ئۆزۈم قىلىشنى خالىمايدىغان بىر ئىشلارنى قاملاشتۇرالمايمەن. لېكىن يەنە شۇ شۇنداق قىلىپ بېقىشقا ئۇرىنىمەن. بولدى ھەر ۋاقىت زېھنىمنى يىغىپ شۇ ئىشلارنى قىلىشقا تىرىشاي.  
شۇنداق خىياللارنى قىلغاچ سائەتكا قارىسام سائەت ئۈچكە ئاز قاپتۇ. گۈلچېھرەگە يەنە قايتا تېلفۇن قىلدىم. بۇدا گۈلچېھرە تېلفۇننى ئەمدى ئالدى.
-ۋەي،
-ۋەي بارمۇ سەن..؟ بۈگۈن ساڭا  نىمە بولدى،  تېلفۇنۇڭ ئېتىكلا تۇرىدىغۇ.؟
- بۈگۈن ئۆيدە بولغان ئىدىم. ئۆيدىكىلەرنىڭ ھەممىسى بار ئىدى. شۇڭا تېلفۇن قىلالماي قالدىم. تېلفۇننىمۇ ئېتىۋەتكەن ئىدىم.
- مۇنداق دە، ئۆيدىكىللىرىڭ يەنە بىر نىمە دىمىگەندۇ..؟
-ئۆيدىكىلەر ، بۇدا ئۇرۇق تۇققانلىرىممۇ بار ئىدى، ھاممام ، تاغىللىرىم دىگەندەك ھەممىسى مېنىڭ گېپىمنى قىلدى. بۇدا ئىككىمىزنىڭ ئىشىنى بىلمەيدىغان ھامما تاغىللىرىمۇ ھەممىسى بىلدى. ئۇلارمۇ قوشۇلمايۋاتىدۇ. ھەممىسى ماڭا قارشى چىقىۋاتىدۇ.كاللام قېتىپلا قالدى.
- بولدى بۇنداق ۋاقىتتا ھەرگىز كاللاڭ قېتىپ قالمىسۇن ئۇمىقىم، ھەرگىزمۇ..؟
  - ماقۇل ئەمىسە كېيىن كۆرىشەيلى، مەن بۈگۈن سائەت ئۈچ يېرىمدىن كېچە سائەت 12گىچە ئىشلەيمەن. ھازىر كىيىملىرىمنى ئالماشتۇرۇپ ئىشىمغا ماڭمىسام بولمايدۇ كېيىن كۆرىشەيلى.
- بوپتۇ، كەچتە ئىشتىن چۈشۈپ  ئۆيۈڭگە يېنىپ كېلەمسەن ،قانداق قىلىسەن..؟
-دوختۇرخانىنىڭ يېنىدا ھاممامنىڭ ئۆيى بار شۇ يەردە قونۇپ قالىمەن.
-بوپتۇ كېيىن كۆرىشەرمىز ئەمىسە،
گۈلچېھرە بىلەن تېلفۇننى قويىۋەتتۇق. ئۇنىڭ كۆڭلىنى يېرىملىقىنى، بېشىنىڭ قېيىپ قېلىۋاتقانلىقىنى، ئىككىلىنىپ قېلىۋاتقانلىقىنى بىلدىم. دۇنيادا ئىرادىسى ئاجىز ئادەملەرگە ئىككىلىنىش ئەڭ چوڭ ئازاپنى ئاتا قىلىدۇ. بىر ئىشقا ئىككىلىنىدىغان ئادەملەرنىڭ تولىسى ساددا ، ئاق كۆڭۈل كېلىدۇ. بىر قارارغا كېلەلمەيدىغان ئادەمنى ياخشى كۆرۈش ساڭا كۆپ ئازاپلارنى ئاتا قىلىشى مۇمكىن. مەنمۇ مانا گۈلچېھرەنى ياخشى كۆردۈم، ئۇنىڭ قورقۇنچاقلىقىنى ، بىر قارارغا ئالدىراپ كېلەلمەيدىغانلىقىنى بىلىپ تۇرساممۇ ئۇنى شۇنداق ياخشى كۆردۈم، ئۇنى تېخىمۇ سۆيۈپ كەلدىم.  گۈلچېھرەگىمۇ ئەمدى بۇ ئىككلىنىش تېخىمۇ كۆپ ئازاپلارنى ئاتا قىلىدۇ. ئۇنى يۈرىكىنى مۇجىدۇ. قانداق قىلىشنى بىلمەيدۇ. يەنە ئىشلارنى مۇشۇنداق  قويۇپ بېرىپ قايسى يول كۆزىگە ياخشىدەك كۆرۈنسە  شۇ يولدا مېڭىشنى قارار قىلىدۇ. ئۇنىڭ ئىككىلىنىشى مېنىمۇ ۋەسۋەسىگە ، تەشۋىشكە، ۋەھىمىگە سالىدۇ.
بۇ مانا ئىككىلىنىدىغان ئېنىق قارارغا كەلمەيدىغان ئادەمنى سۆيۈپ قېلىشنىڭ ئەڭ چوڭ ئازابى. خۇشاللىقى بولسا ئۇنىڭدىن ساددىلىقىدىن، سەمىيمىلىكدىن، ھەقىقى چىن بىر ئىنسان ئىكەنلىكىدىن ھوزۇرلىنالايسىز، پەقەت سىزدە شۇنى سەزگۈدەك يۈرەك، تۇيغۇ بولسىلا بۇ ئىككىلىپ قالىدىغان، ساددا ئادەملەملەرنى سۆيۈشنى تاللايسىز. مانا مەنمۇ دەل شۇنداق قىلدىم. ئىككىلەنمەي شۇنداق قىلىۋاتىمەن.

داۋامى بار....

taxwix

دۇككاندا ئولتۇردۇم. ئىشلىرىمنى تۈزۈك قىلمايدىغان ، دۇككاننى بالدۇر تاقاپ قايتىدىغان بولىۋالدىم. ھازىرمۇ مانا سائەت ئالتە بولماستىنلا دۇككاننى تاقاپ قويۇپ ئۆيگە يېنىپ كەلدىم.
ئۆيگە كېلىپلا يەنە شۇ خىيال، يەنە شۇ ئويلىنىش بىلەن ۋاختىمنى ئۆتكۈزىمەن. ئالىم بولسا بىر ياندا ئولتۇرۇپ ئىككى ئېغىز گەپ بىلەن باشقىلارنى دەيدەيگە سېپ قويۇپ مېنى بىئارام قىلىپ يۈرۈيدۇ. ھازىرقى ۋەزىيەت تامامەن ئالىمغا پايدىلىق. كۈنلىرىم مانا مۇشۇنداق ئۆتىۋاتىدۇ. مەن بولسام گۈلچېھرەگە تەسەللى بېرىشتىن، ئۇنىڭ كۆڭلىنى ياساشتىن باشقا ئىش قىلالماي يۈرۈيمەن.
يەنە شۇنداق بولسىمۇ گۈلچېھرەنىڭ كۆڭلىنى ياساشتىن باشقا ئىش قىلالمايدىغانلىقىمغا ئىشەنمەيمەن ، ئۇنىڭدىن باشقا يەنە نۇرغۇن ئىشلارنى قىلىشىم كېرەك دەپ ئۆز ئۆزۈمگە دائىم تەسەللى بېرىپ تۇرىمەن.
ئالىمنىڭ يەنە قانداق ئويۇنلىرى بار ئۇنى بىلىپ بولغىلى بولمايدۇ. پەقەت پەرەز قىلغىلى بولىدۇ. بىراق ئۇ ئويۇننى قايسى خىل شەكىلدە ئوينايدۇ. بۇنىسى ماڭا نامەلۇم. ئالىم بۇنى بىر ئويۇن دەپ بىلدى. يەنە مېنى قىينايدىغان، مېنى ئازاپلايدىغان بىر ئويۇن دەپ بىلدى. بىراق بۇ ئويۇننى ئوينىغۇچى بىر تەرەپنىڭ يەنى مېنىڭ بۇ ئويۇننىڭ مېنىڭ بارلىقىم ، ھاياتىم ئىدى. ئالىم بۇ ئويۇندا ئۆزىنىڭ پەرەزلىرىنى، ئۆزىنىڭ پوچىلىقىنى، ئۆزىنىڭ ماڭغان يولىنىڭ ھەممىسى توغرا دەيدىغان كۆرەڭلىكىنى دوغا تىكتى. ئەگەر ئۇ ئۇتتۇرۇپ قالغان تەقدىردىمۇ ئۇنىڭ پەقەت ھەيۋېسى، كۆرەڭلىكى سۇنىدۇ. بىراق مەن ئۇتتۇرۇپ قالسامچۇ..؟
مېنىڭ بارلىقىم، بارلىق مۇھەببتىم، بۇ ھاياتتىكى ئارزۇ ئارمانلىرىم، ھاياتقا مەنا ئاتا قىلىشتىكى ئۈمۈدۈم ھەممىسى بەربات بولىدۇ. ئەگەر مەن ئۇتتۇرۇپ قويسام بىر تىرىك مۇردا ئادەمگە ئايلىنىپ قېلىشىم مۇمكىن .ئالىم بۇنى ئوبدان بىلىدۇ. گۈلچېھرەنى قانچىلىك ياخشى كۆرىدىغانلىقىمنى، مېنىڭ ئاغزىمدىم، گۈلچېھرەنىڭ ئاغزىدىن، ئاچىسىنىڭ ئاغزىدىن مېنىڭ ئالىم دۈشمەنلىشىپ قىلغانلىرىمدىن ئالىم بۇنى بىلىپ تۇرىدۇ. ئۇ قانچە بىلگەنسىرى تېخىمۇ ئەۋزەيلىگىلى تۇردى. ئۇنىڭ بۇ قىلغىنى ئالىم ئەزەلدىن بىرسىدىن يېڭىلىپ قېلىشىنى خالىمايدىغان ، كۆرەڭلىك قان قېنىغا سىڭىپ كەتكەن، يېڭىش ئۈچۈن يول تاللىمايدىغان ،ئەقىللىق بىر ئادەم. ئۇنىڭ قىلىۋاتقانلىرىدىن بۇنى بىلمەك تەس ئەمەس. ھەم چوقۇم شۇنداق دەپ كېسىپ ھۆكۈم چىقىرىشقىمۇ بولىدۇ. ئۇنىڭ گۈلچېھرەنىڭ ئاچىسى بىلەن بىر كۆرۈشۈپ قويۇپ ئۇلارنىڭ كۆڭلىدىكى شۆھرەتپەرەسلىك، داغۋازلىق ئېڭىنى قوزغۇتۇپ قويۇپ تېخى شۇ ئارقىلىق گۈلچېھرەنىڭ ئىدىيىسىگىمۇ تەسىر كۆرسۈتۈشنى پىلانلاپ بولدى. ئۇنى بىرىنجى مەقسىتى گۈلچېھرە بىلەن ئارىمىزغا سوغاقچىلىق سېلىش، ئارىمىزغا بىر ئارلىق پەيدا قىلىش، ئاندىن ئۆزى مەيدانغا چۈشۈش.
ئۇ پىللاننى تۈزۈپ قويۇۋاتىدۇ. مەن بولسام ئۇنىڭ نىمە ئىش قىلىدىغانلىقىنى ئالدىن پەرەز قىلساممۇ يەنىلا گۈلچېھرەگە تەسەللى بېرىشتىن باشقىنى قىلالمايۋاتىمەن.
گۈلچېھرەنىڭ كىچىك بالىغا ئوخشاش ، بەكمۇ نازۇك بولىشى، قورقۇنچاق بولىشى ئۇنىڭغا تەسەللى بېرىشنىڭ نەقەدەر قىيىنلىقىنى بىلدۈرىدۇ.
ئەمدى كىنودىن بىرنى قويۇپ قويدۇم. سائەت ئون ئىككىگىچە كىنو كۆرۈپ ئۇيقۇمنى قاچۇرۇپ گۈلچېھرە ئىشتىن چۈشىشىگە تېلفۇن قىلىشنى كۆڭلۈمگە پۈتتۈم. گۈلچېھرە ئىشتىن چۈشۈشىگە ئۇنىڭغا تېلفۇن قىلىپ سۆزلىشىپ قويمىسام ئۇ مەن كەچتە ئىشتىن چۈشسەم مۇشۇنداق ۋاقىتتا تېلفۇنمۇ قىپ قويمىدى دەپ مەندىن ئاغرىنىپ يۈرىشى تۇرغانلا گەپ.
كىنو كۆرۈپ ئولتۇردۇم. كىنوغا قاراپ كىنودىكى سۈرەتلەر بىلەن كاللامدىكى خىياللار بىرلىشپ چالا ئۇيقىغا كېتىپتىمەن. بىر ۋاقىتتا ئېسىمنى يىغىپ قارىسام سائەت دەل ئون ئىككىدىن ئەمدى ئاشقىلى تۇرۇپتۇ. گۈلچېھرەگە دەرھال تېلفۇن قىلدىم.
-ۋەي، ئىشتىن چۈشتىڭمۇ ئۇمىقىم.
- ھە، ئىشتىن چۈشتۈم.
- ئۆزۈڭ يالغۇزمۇ يە..؟
-بىر دوستۇم بىلەن بىللە.
-ھامماڭنىڭ ئۆيىگە ئۆزۈڭ يالغۇز كىرەلەمسەن.
- ياق ھاممانىڭكىگە كىرمەيدىغان بوپ قالدىم. بىر دوستۇم بار ئىدى. بۇ دوستۇمنىڭ ئۆيىدە ئادەم يوق ئىكەن شۇ يەرگە بېرىپ قونىدىغان بولدۇم. سىز ئەنسىرىمەڭ ، خاتىرجەم ئۇخلاۋېرىڭ . ئەتە كۆرىشەرمىز.
- مەيلى ئەمىسە ئۇماق، يولدا ئاۋايلاپ مېڭىڭلار. ئۇ دوستۇڭنىڭ ئۆيى يېقىن يەردىمىكەن.
-ھە، يېقىن يەردە. سىز ئەنسىرىمەڭ بولدى.
ماقۇل ئەمىسە ياخشى بارلدۇر بېرىپ ياخشى ئارام ئالغىن ئۇماق. ئەتىگىچە كۆرىشەرمىز.

تېلفۇننى قويۇپ ئەمدى ئۇيقىغا كەتتىم. يەنە كۈندىكىگە ئوخشاش ئەتىگەندە يەنە كۈندىكىگە ئوخشاش چېيىمنى ئىچىپ ئىشىمغا ماڭدىم.دۇككانغا بېرىپ گۈلچېھرەگە تېلفۇن قىلدىم.
سائەت ئونلار ئەتراپىدا كۆرىشىدىغان بولدۇق. دۇككاننى تاقاپ قويۇپ گۈلچېھرە بىلەن كۆرىشىش ئۈچۈن يەنە بۇرۇنقى جايغا باردىم.
گۈلچېھرە بۇدا مېنى ساقلاپ تۇرۇپتۇ. ئۇنىڭ چىرايى يەنە سۇلغۇن تۇراتتى. يەنە نىمە بولغاندۇ دېدىم.ھازىر گۈلچېھرەنىڭ سۇلغۇن ھالىتىنى كۆرسەملا يۈرەكلىرى سالىدىغان بوپ كەتكەن ئىدى. ئۇنىڭ يەنە بىر نىمىلەردىندۇر قورقۇپ، كىملەرنىڭدۇر گەپلىرىگە ئىشىنىپ كۆڭلىنى يېرىم قىلىشىنى ئاندىن مېنى بىسەرەمجان قىلىشىنى خالىمايمەن.
يەنە نىمە بولدۇڭ ئۇماق دەپ گەپ باشلىدىم.
- تۈنۈگۈن گۇلنۇر دىگەن دوستۇمنىڭكىدە قونغان ئۇنىڭ بىلەن پاراڭلىشىپ چىقتۇق.
- ئۇ دوستۇڭ بىلەن نىمىلەرنى دېيىشتىڭلار..؟
ئەمدى يەنە بۇ دوستىنىڭ نۇرغۇن گەپلەرنى قىلغانلىقىنى، ئۇنىڭمۇ گەپلىرىنىڭ گۈلچېھرەگە يەنە تەسىر قىلغانلىقىنى بايقىدىم. گۈلچېھرە ئەزەلدىن ماڭا ئۆزىگە تەسىر قىلمىغان ئىشلارنى، پاراڭلارنى ئىنچىكىلەپ دەپ بەرمەيتى. گۈلچېھرە ئالدىرىماي يەنە سۆزلەۋاتاتتى.

- دوستۇمنىڭ مۇھەببىتى بىر كىچىك يەككە تىجارەتچى ئىدى. ئۇنىڭ ئۆيدىكىللىرى ئۇنىڭ ئۇ ئىشىنى بىلىپ قېلىپ قارشى چىقىپتۇ. دوستۇم ئاندىن ئۇنىڭ بىلەن ئايرىلىپ كېتىپتۇ. دوستۇمنىڭ ئۇ مۇھەببىتى ئايرىلىپ كەتمەيمىز دىگەن بولسىمۇ دوستۇم ئۇنىڭغا پەرۋامۇ قىلىپ قويمىدى.يەنە بەرىبىر بىز دىگەن ھۆكۈمەت كادىرى بولغاندىكىن ئۇنىڭ بىلەن ماس كەلمەيمەن. ئۆيدىكىلەرمۇ ئۇنىڭغا ئۇنىمايدۇ. شۇنىڭ بىلەن ئايرىلىپ كەتتىم شۇ دەيدۇ.
ئەمىسە ئايرىلىپ كېتىدىغان ئادەم نىمىشقا يۈرگەن دىسەم كىم بىلىدۇ. بۇنداق ياشلىقتا يۈرۈپ قويۇش دىگەن بوپ قالىدۇ . مانا ئايرىلىپ كەتتۇق ھېچ ئىش بولغىنى يوق دەيدۇ.
ئۆيدىكىلەر قوشۇلمىسا، ئۇلار ئىككىڭلارنىڭ شارائىتىمۇ ماس كەلمىسە توي قىلغاندىن كېيىنمۇ بۇنداق ئۆي تۇتقاننىڭ ھېچقانداق پايدىسى بولمايدۇ دەيدۇ. چوقۇم ھۆكۈمەت كادىرى دىگەن ھۆكۈمەت كادىرى بىلەن توي قىلىشى كېرەك، تىجارەتچى تىجارەتچى بىلەن توي قىلىشى، دېھقان دېھقان بىلەن توي قىلىشى كېرەك. ئۇنداق بولمىسا ھامان ئىككى تەرەپ ئوتترىسىدا سۈركىلىشلەر بولىدۇ. چوڭلار ئارىسىدا بۇنداق سۈركىلىش تېخىمۇ چوڭ بولىدۇ. ئاندىن ئۇ ئىشلار بىزگە تەسىر قىلىدۇدە تۈزۈك ئۆي تۇتقىلىمۇ بولمايدۇ.
ئەە شۇنىڭغا ئوخشاش گەپلەرنى قىلىشتۇق.
- ئۇ دوستۇم بۇرۇن ئۇ مۇھەببىتى بىلەن شۇنداق چىرايلىق گەپلەرنى قىلىشىتى، خۇددى بىزگە ئوخشاش ۋاي جېنىم، تاتلىقىم دىگەندەك گەپلەرنى قىلىشاتتى. ئەمدى بولغاندا بىردەمنىڭ ئارلىقىدا ئايرىلىپ بوپتۇ.
گۈلچېھرە ئۇ گەپلەرنى دەپ بوپ يەنە بىر ئۇھسىنىپ تۇرۇپ قالدى. ئۇنىڭ ماڭا دوستىنىڭ ئۆزىگە دىگەن يەنە بەزى گەپلىرىنى دىيەلمىگەنلىكى، يوشۇرۇپ قالغانلىقى ئېنىق ئىدى.
پەرىزىمچە ئۇ دوستى گۈلچېھرەنى دەل مەندەك قىلغىن ، ماڭا ئوخشاش ئايرىلىپ كەتكىن ئاندىن ھەممە ئىشلاردىن قۇتۇلىسەن بۇ باش ئاغرىقچىللىرىدىن قۇتۇلىسەن دىگەندەك قىلاتتى. ئۇنىڭ كۆزىگە قارىدىم،ئەمدى ئۇنىڭغا بۇ دوستىنىڭ گەپلىرىمۇ تەسىر قىلىۋاتقانلىقىنى بىلدىم. بىر قورقۇنچاق قىزنى تېخىدىنمۇ قورقۇتۇپ ئۇنىڭ ماڭغان يولىنى ئۇنىڭغا خاتا قىلىپ كۆرسىتىپ نىيىتىدىن ياندۇرماقچى بولغان بۇ مەلئۇنلارغا غەزەپ نەپرەتلىرىم تۇتۇپ تۇراتتى.

ھازىر گۈلچېھرەنىڭ دوستىدەك مۇشۇنداق شەكىلگىلا مۇھەببەتلىشىپ قويىدىغان بالىلار كۆپ.
بۇلار مۇھەببەتلەشكەن بىراق ھېچقانداق مەسئۇلىيەتنى ئۆز ئۈستىگە ئالمىغان. بىر-بىرى بىلەن كېيىنكى كۈنلىرى، قانداق قىلىش توغرۇلۇق ھېچقانداق غايە پىلانلىرىمۇ يوق، ئۇلار ھەتتا بىر-بىرسىنى تۈزۈكمۇ ياخشى كۆرمەيدۇ. پەقەت شەكىلگىلا يۈرۈيدۇ. ئۇلارنىڭ ئاغزىدا لېكىن شۇنداق چىرايلىق گەپلەر بار. ھەتتا گۈلچېھرە بىلەن ئىككىمىزمۇ دېيىشمەيدىغان گەپلەرنى ۋەدىلەرنى بىر-بىرسىگە بېرىشىدۇ. بىراق ئاخىرىدا كىچىككىنە بىر ئىش بولىشىغىلا شۇ ئىشنىڭ بولىشىنى قانچە ۋاقىتتىن بېرى ساقلاپ كەلگەندەك بۇرۇنقى ۋەدىللىرى، كۈنلىرى، ھېچنىمە بىلەن ھېساپلاشماي ئايرىلىپ كېتىدۇ. ھەتتا بۇ قىلغىنىنى باشقىلارنىڭ ئالدىدا ماختىنىپ بېرىپ تۇرۇپ سۆزلەيدۇ. ئۇلارنىڭ بۇنداق شەكىلگە يۈرۈش جەريانىنى بەلكىم بىر قانچە سەۋەپلەردىن ئىزدىشىمىز مۇمكىن.،
بىرى ئۇلار پەقەت ئۆز كۆڭلىنى خوش قىلىش ئۈچۈنلا شەكىلگە مۇھەببەتلىشىپ قويدىغانلار، ئۇلار مۇھەببەتنىڭ نىمىلىكىنى بىلمەيدىغان ، مۇھەببەتنى پەقەت بىر ئويۇن قاتارىدا كۆرۈپ قالىدىغان ئىنسانلار، يەنە يۈرىكىدە ئەزەلدىن مۇھەببەت بوپ باقمىغان ئىنسانلار ، بەلكىم بۇنداق دىسەم يۈرىكىدە مۇھەببەتنىڭ ئۇچقۇندىسى بولمايدىغان ئادەملەرمۇ بار بولامدۇ دەپ سورىشىڭىز مۇمكىن. توغرا شۇنداق ئادەملەرمۇ بولىدۇ. ئۇلارنىڭ قەلبىدە، يۈرىكىدە مۇھەببەتتىن ئەسەرمۇ يوق. بار دېيىلگەندىمۇ ئۇ مۇھەببەت قەلبىدىكى سېسپ كەتكەن شۆھرەتپەرەسلىك، داغۋازلىق، ساختىپەزلىك، شەكىلۋازلىق ئۈچۈن ئۆزلىكىدىن خىزمەت قىلىدۇ. پەقەت شەكىلگىلا باشقىلارغا مۇھەببەتنى قەدىرلەيدىغاندەك، مۇھەببەتنى سۆيىدىغاندەك قىلىپ كۆرىنىدۇ. ئۇلار شۇنداق شۆھرەتپەرەش ئىنسانلاركى ئۇلارنى ھەقىقى چۈشەنگەن ۋاقتىڭىزدا ئۇلاردىن شۇنداق يىرگىنىپ كېتىسىز، ئۇلار مۇشۇ مۇھەببەتتىن ئۆزىگە شۆھرەتپەرەشلىك ئىزدەيدۇ. قىزلار بولسا باشقىلارنىڭ ئالدىدا مۇھەببىتىم بار دىگەندەك قىلىپ،بىرسى-بىرسى بىلەن بەس سېلىشىپ يۈرۈيدۇ. ئۇلار مۇھەببەتنى ئۆزىنى باشقىلارغا ياخشىراق، مۇھەببەتنى قەدىرلەيدىغان ئىنساندەك قىلىپ كۆرسىتىشكىتى بىر قورال قىلىۋالىدۇ. يەنە ئاخىرىدا ئەشۇ مۇھەببەتتىن ئايرىلىپ يەنە ئۆزىنى شۇنداق ئەقىللىق ، ئىش ئۇقىدىغاندەك قىلىپ كۆرسىتىشكە ئۇرىنىدۇ. بۇنداق مۇھەببەتنى ئۆزىگە قورال قىلىپ شۆھرەتپەرەشلىك تەمەسىدە بولىدىغان ئىنسانلار شۇنداق كۆپ.

گۈلچېھرەگە يەنە نىمە دېيىشىم كېرەك. كۈندە ئوخشاش. گۈلچېھرەگە ئوخشاشلا بىر خىل يوسۇندا تەسەللى بېرىمەن. بىراق گۈلچېھرە بۇنى سەزمەيدۇ. غېنى ماڭا ئەسكەرتكىنىدەك بۈگۈن بۇ يەردىن يېنىپ چىقىپ گۈلچېھرەنى بىر يەرگە ئاپىرىپ ئوينىتىپ كېلىش مەقسىتىم بار ئىدى. بىراق يەنە گۈلچېھرەنىڭ گېپىنى ئاڭلاپ تۇرۇپلا قالدىم. ئۆزۈمگە گۈلچېھرەگە بولغان مۇھەببىتىمنى باشقىچە ئىپادىلەيمەن دېگەنلىرىم يەنە يوقاپ كەتتى.
ئۇ دوستۇڭ ساڭا نىمىشقا ئۇ گەپلەرنى قىلىدىكەن دېدىم ئاخىرى ئىچىم سىقىلىپ.
گۈلچېھرە يەنە ئاستا سۆزلىگىلى تۇردى.
- ئالىمنى ئۇ دوستۇممۇ تونۇيدىكەن، شۇڭا شۇنداق دەپتۇ.
- ئىشنىڭ قىزىقى ئەمدى چىقىدىكەندە، ئۇ دوستىنىڭمۇ نىمشىقا بۇنداق ئەۋزەيلەپ كەتتىكىن دېسەم ئۇمۇ ئالىمنى تونۇيدىكەن دېگىن. ئۇ ئالىمنى قانداقسىگە تونۇيدىكەن.
- ئالىم ئۆتكەندە بىر قانچە قېتىم بۇ يەرگە مېنى ئىزدەپ كەلگەن ۋاقتىدا تونۇشۇپ قاپتىكەن. ئالىم دوستۇمنى ئىزدەپ تونۇشۇپتىكەن.
- بۇدا يەنە دوستۇڭنى ئىزدەپ ئۇنىڭغا بىر نىمىلەرنى دەپتىمۇ ياكى ئاچاڭنى مېھمان قىلغانغا ئوخشاش ئۇ دوستۇڭنىمۇ مېھمان قىپتىمۇ..؟
- مەن بىلمەيمەن. بۇنى سوراپ باقماپتىمەن. ئۇنى ئۆزىمۇ دەپ بەرمىدى. ئۇمۇ ئالىمنى تەۋسىيە قىلدى. ئۇنى ياخشى بالىكەن،پۇلى بار ئىكەن، ماشىنىسى بار ئىكەن، ئۆزىمۇ خېلى  چىرايلىق بالىكەن دەپ ماختاپ كەتتى.

ئالىمنىڭ  بۇ گۇلنۇر دىگەن دوستى بىلەن كۆرۈشكەنلىكى ئېنىق ئىدى. ئۇنىڭ ھەتتا گۈلچېھرەنىڭ دوستى بىلەنمۇ كۆرىشىپ گۈلچېھرە تونۇيدىغان يېقىن ئادەملىرىنىڭ ھەممىسىگە ئۆزىنىڭ پۇلى بارلىقىنى بىلدۈرۈپ، ئۇلارنى شۇلار ئارقىلىق دەي دەيگە سېلىپ ئاندىن گۈلچېھرەنى تېخىمۇ قورقۇتۇپ، ئۇنىڭ ئىدىيىسىگە تەسىر كۆرسەتكۈزۈپ گۈلچېھرەنى مەندىن يىراقلاتقۇزماقچى بولغانلىقى ئەمدى تېخىمۇ ئېنىق بولىۋاتقان ئىدى.
ئىشلار يەنىلا ئوخشاش مېنىڭ پەرىزىمدىكىدەك بولىۋتاتتى. پەرەزلىرىم قانچە رېئاللىققا ئايلانغانسىرى مەن بۇ ئادەملەرگە شۇنداق ئۆچ بوپ كېتىپ باراتتىم.  ئىشقىلىپ گۈلچېھرەنىڭ  ئەتراپىدىكى بارلىق ئادەملەرگە ئۆچ بوپ كېتىپ باراتتىم.
بىر گۈلچېھرەگە بولغان مۇھەببىتىم ئۆزگەرمىدى. ئۇنىڭدىن باشقا ھەممىسىگە بولغان تونۇشۇم بارا-بارا ئۆزگەردى. ئەقلىم گۈلچېھرەدىن باشقا ھەممىسىنى دۈشمەن ئورنىدا تۇرۇپ سوغاققان مۇئامىلە قىلىشقا قىستايتى. غەزىپىم ئۇلارنىڭ  ئەشۇ چىرايلىرىنى پەس، مەلئۇنلارغا خاس بىر شەكىلگە ئەكىلىپ كۆرسىتەتتى.

داۋامى بار...

sumaya0999

داۋامىنى تىزرەك يوللىۋىتىڭە

yamghur

ھەي تىخچە يوققۇ داۋمى

yamghur

چالا تۇغۇلغان بۇۋاق

taxwix

ئەسىرىمنى ياقتۇرۇپ كېلىۋاتقان دوسلارغا رەھمەت ئېيتىمەن. ھازىر تۇرمۇشۇم سەل قالايمىقان بوپ قالدى. شۇڭا ئەسەرنى ئولتۇرۇپ زېھنىمنى قويۇپ يېزىشقا پەقەت ئىمكان چىقمىدى. ھەم چىققان تەقدىردىمۇ كاللام سەل جايىدا بولمىغاچ  ئەسەرنى ياخشى يازالماي قالىدىكەنمەن.
مېنى ئالدىرىتىۋاتقان تونۇشلىرىم، توردىكى تورداش دوسلىرىم پەقەت شۇ كەچۈرۈڭلار دېيەلەيمەن.

بۇ ئەسەرنى مەن ھەرگىز تاشلاپ قويمايمەن. ئەسەرنى چوقۇم ئاخىرلاشتۇرىمەن. ھەم قايتا قايتا تەھرىرلەپ ئەسەرنى بىر پۈتۈنلىكىنى تېخىمۇ ئىشقا ئاشۇرىمەن.
بىراق ھازىر ئەمەس. بۇ ئەسەرنىڭ پۈتۈن تولۇق پۈتۈپ چىقىشىغا يەنە خېلى ۋاقىت بار.  تۇرمۇشۇم سەل رېتىمغا چۈشكەندە يەنە يېزىشقا باشلايمەن.
ئاخىرىدا ئەسىرىمنى قىزىقىپ ئوقۇپ كېلىۋاتقان دوسلارغا رەھمەت ئېيتىمەن.

yamghur

رەھمەت!!! مۇشۇنداق چۈشەنچە بىرىپ قويمامسىز

ziyali

داۋامىغا قاراپ قالدۇق ھە
مۇشۇ مۇنبەرگە كىرىپ قالسام مۇشۇ تېمىنى يوقلاپ ئۈتۈش ئادەت بولۇپ قاپتۇ

taxwix

ھەجەپ مۇشۇ تىمامنىڭ ئايىغىنى چىقىرالمىدىم. ھازىر تور وق بىر مۇھىتتا تۇرىۋاتىمەن. ئەمدى يازىدىغان كۆپ نەرسىلەرنىڭ بارلىقىنى ھېس قىلغان ۋاقىتتا تور يوق.
بىچارە تىمام بوي قىسىپ تۇرۇپ قالدى. بۇ تېمامنى قايتا كۆرۈپ ئىچىم بەك ئاچچىق بوپ قالدى.   

yamghur

ئاخرى تخچە يوق