ھېكايە:ئۇنى ئۆلتۈرىۋېتىمەن.

maxal20

ۋەقەلىكى ناھايىتى جەلىپ قىلارلىق ئىكەن. بولسا داۋامى تېزراق يوللانسا....

yamghur

داۋامىغا تەشنامىز

zakira

ئاخىرىنى بەك ساقلىدۇققۇ دەيمەن ...

taxwix

ئەسىرىمنى كۆرۈپ كېلىۋاتقان دوسلارغا رەھمەت ئېيتىمەن.
تورداشلارنى ساقلىتىپ قويىۋاتقان بولسام سەمىمى كەچۈرۈم سورايمەن.
بەزى بىر سەۋەپلەر تۈپەيلى ئەسەرنى تېز يېزىپ داۋاملاشتۇرۇش مۇمكىن بولماي قالدى. قانداقلا بولمىسۇن ئەسەرنى پۈتتۈرۈپ چىقىمەن. ئەسىرىمنى قىزىقىپ ، ياقتۇرۇپ ئوقۇپ كېلىۋاتقان تورداشلارغا رەھمەت ئېيتىمەن. تەكلىپ پىكىرىڭلارنى ئايىمىغايسىلەر، بۇ مېنىڭ تۇنجى قېتىم بۇنداق ئەسەر يېزىشىم.
ئاخىرىدا دوسلارغا رەھمەت ئېيتىمەن.

taxwix

تۇيۇقسىز گۈلچېھرەنىڭ تېلفۇنى سايراپ كەتتى. گۈلچېھرە ئاچام تېلفۇن قىپتۇ دىگىنىچە  تېلفۇننى ئالدى.
ئاچىسى بىر گەپلەرنى قىلدى ،مەن ئاڭلىمىدىم. گۈلچېھرە ماقۇل كەچتە كۆرىشەيلى دېگىنچىە تېلفۇننى قويىۋەتتى.
گۈلچېرەدىن سورىدىم.
-نىمە دەيدۇ.
- بۈگۈن ئۆيىدە ئادەم يوق ئىكەن. شۇڭا مېنى كەچتە ئۆيۈمگە كېلىپ قونۇپ كەتكىن، ئانامغىمۇ دەپ قويدۇم دەيدۇ.
گۈلچېھرەنىڭ ئاچىسىنىڭ ئۇنى قونۇپ كېتىشكە چاقىرغانلىقى يەنە كەيپىياتىمنى بۇزدى.
- ھە، ئاچاڭ سېنى يەنە سېغىنىپ قاپتۇدە.
- شۇنداق ئوخشايدۇ، نىمە قىلىدىغاندۇ ، يەنە شۇ ئىككىمىزنىڭ گېپىنى قىلىدۇ ھەقىچان.
- ئۇنداق بولغاندىكىن بارمايمەن دىسەڭلا بولمىدىما..؟
- مەيلى نىمە دىسە دىسۇن، ئاچامغا گىپىمنى ئۆتكۈزەلەيمەن. يولدىشى بىر يەرگە چىقىپ كەتكەن ئوخشايدۇ. ئۆزى يالغۇز قورقۇپ قالغان چېغى ، بوپتۇ قونۇپ كىلەي. ئاچام نىمە دىسۇن بەرىبىر.
گۈلچېھرەنىڭ دىگەن گىپىنى ئاڭلاپ ئەمدى كۆز ئالدىمغا گۈلچېھرەنىڭ ئاچىسى كەلدى. ئۇنىڭ بۈگۈن گۈلچېھرەنى قىچقىرىشى ھەرگىز ياخشىلىقتىن دىرەك بەرمەيتى.
كۆڭلۈم يەنە غىققىدە بوپ قالدى. ئۇنىڭ گۈلچېھرەنى چاقىرغانلىقى ئالىم بىلەن مۇناسىۋىتى بارلىقىدىن دىرەك بېرىپ تۇراتتى. چۈنكى ئالىم تېخى تۈنۈگۈن ھەركىتىمنى باشلايمەن، ئەمدى سېنىڭ يۈرىكىڭگە ھۇجۇم قىلىمە دىگەن ئەمەسمىدى.

-سەن ئۇنداق دىگەن بىلەن، ئاچاڭدىن سەل ئاگاھ بول.
-نىمە دەيدىغانسىز، ئاچام يا مېنىڭ دۈشمىنىم بولمىسا قانداق ئاگاھ بولىمەن.
- ئىشقىلىپ دەپ قويدۇم، ئاچاڭ بىلەن مەن پاراڭلىشىپ باققان ، ساڭا ئوخشىمايدۇ. گەپلىنى شۇنداق قايىل قىلارلىق ياساپ كېتىدۇ.
- قانداق قايىل قىلارلىق ياساپ كېتىدۇ، نىمە دەيدىغانسىز، ئاچامغا ئۆچ بولسىڭىزمۇ ئۇنى ئۇنداق يامان ئايالدەك كۆرمەڭ.
- ئۇنداق كۆرمىدىم، ئادەم دىگەنگە دۈشمەنلىك قىلىش ئىككى خىل بولىدۇ. بىلىپ قىلىش بىلەن بىلمەي قېلىش. بىرىنجىسى بىلىپ قىلىدىغانلارنى دۈشمەن دەيمىز، بىلمەي قىلىۋاتقانلارنى زىيانكەشلىك قىلىپ قويىۋاتىدۇ دەيمىز، ئاچاڭ بىلمەي دۈشمەنلىك قىلىپ قالىدىغانلار قاتارىغا كىرىدۇ. شۇڭا ئۇنىڭدىن ئازراق بولسىمۇ ئاگاھ بولمىساق بولمايدۇ.
- سىز شۇنداق غەلىتە گەپلەرنى قىلىسىز، ئۇ گەپلىرىڭىزنى چۈشەنمىدىم. گاھىدا مۇشۇنداق سىرلىق بوپ قالىسىز، نىمانداق كۆپ ئويلىۋالىسىز، ئۇنداق ئويلىۋالسىڭىز مەن قورقۇپ كېتىدىكەنمەن. ئۇنداق دىمىڭە جېنىم.
گۈلچېھرەنىڭ بۇ گىپىنى ئاڭلاپ گېپىمنى دەرھاللا ئۆزگەرىتتىم. ئۇنىڭ قورقۇپ كېتىشىنى خالىمايمەن ئەلۋەتتە.
- ھە بولدى، ئۇنداق قورقۇپ كەتمە، مەن مۇنداقلا دەپ قويدۇم. ئىككىمىزنىڭ ئىشىنى ئويلاپ بولمامدۇ ئۇماق، قورقۇپ كەتكۈدەك ئىش يوق.
گۈلچېھرە بۇ گېپىمنى ئاڭلاپ ماقۇل بولغان ، خاتىرجەملىك ھالىتىدە گەپ قىلدى.
- بوپتۇ جېنىم، ئەمىسە ئىشىمغا ماڭىدىغان ۋاق بولۇپ قالدى. يۈرۈڭ چىقىپ كېتىمىز.
- بولدى سەن چىكىتىۋەر، مەن بىردەم ئولتۇرۇپ چىقىمەن.
- نىمە ئۆزىڭىز يالغۇز بۇ يەردە ئولتۇرۇپ نىمە ئىش قىلىسىز..؟
- ھېچ ئىش، ئازراق ئولتۇرۇپ دىمىمنى ئېلىۋالاي، دۇككانغا خېرىدار كەلسە يەنە چارچاپ قالىدىكەنمەن بىكار.
- ھە ماقۇل، ئەمىسە مەن چىكەتكەچ تۇراي، سىزمۇ بىردەم ئولتۇرۇپ ئازراق دىمىڭىزنى ئېلىپ چىقىۋالارسىز. كەچتە سىزگە تېلفۇن قىلىمەن. ئاچام بار بەك كۆپ سۆزلىشەلمەي قالىمىز ھەقىچان. كەچ بولغاندا سىرىتقا چىقىپ كەتمەي ئۆيدە ئولتۇرۇڭ ئەمىسە جېنىم.
- ماقۇل ئۇمىقىم.
گۈلچېھرە مەن بىلەن خوشلاشقىنىچە ئۇ يەردىن چىقىپ كەتتى.  
ئۇ يەردە ئولتۇرۇپ كولادىن بىرنى ئىچكەچ بۇ ئىشلار ئۈستىدە ئويلاندىم. ئىنچىكە تەھلىل قىلدىم.
بۇ ئىشلارنى گۈلچېھرەگە قانداق قىلىپ ئېنىق چۈشەندۈرۈشنى ئۆزۈممۇ بىلمىدىم. ئۇنىڭغا ئېنىق قىلىپ چۈشەندۈرۈپ قوياي دىسەم ئۇ شۇنداق قورقۇپ كېتىدۇ. ئۇنىڭ قورقۇپ كەتكەندىكى ھالىتىنى كۆرگۈم يوق.ئۇنى بۇنداق ۋاقىتتا تېخىمۇ قورقۇنچاق قىلىپ قويغۇم يوق، بۇ ۋاقىتتا ئۇ تېخىمۇ قورقۇنچاق بوپ كەتسە ئىشلار تېخىمۇ يامىنىغا يۈزلىنەتتى.  ئېنىق چۈشەندۈرمەي ئاددى قىلىپ چۈشەندۈرەي دىسەم ئۇ خاتا چۈشۈنۈپ قالىدۇ. ئېنىق قىلىپ چۈشەندۈرەي دىسەم ئۇ قورقۇپ كېتىپ ھېچقانداق قىلىشنى بىلمەي قالىدۇ.
تۇرۇپلا ئۆزۈمنىڭمۇ قورقۇنچاقلىقىنى تېخىمۇ  سەزدىم. مېنىڭ قورنۇشۇنۇشۇم گۈلچېھرە ئىدى. گۈلچېھرەنىڭ قورقۇنۇشى بولسا ئۇ ھازىرقى تۇمۇشىنىڭ ياخشى بولماي قېلىشىدىن قورقاتتى. ئۇنىڭ تۇرمۇشىغا مەن، ئۇنىڭ ئۆيدىكىللىرى، دوسلىرى كىرەتتى. ئۇنىڭغا ھەممىز ئامراق بولغاچ ئۇ ھېچقايسىمىزنى كۆڭلىدە بىر-بىرىگە زىت قىلىپ قويۇشنى خالىمايتى. مۇشۇ ئادەملەرنىڭ ئۆزىگە تېخىمۇ ياخشى مۇئامىلە قىلىشىنى، كۆيۈنىشىنى ئارزۇ قىلاتتى. ئۇنىڭغا تۇرمۇشىدىكى مۇھىم ئادەملەر كۆيۈنۈپ تۇرسىلا ئۇ ئۆزىنى بىخەتەر، ياخشى تۇرىۋاتىمەن ، ماڭا كۆيىنىدىغان يېقىن ھىمايچىللىرىم بار دەپ ئويلايتى. بۇلارنىڭ ئۆزىگە كۆيۈنۈش يولىنىڭ ئوخشاش بولماسلىقىدىن ئەنسىرەتتى.
ئۇنىڭ دەل بۇنداق قورقۇنۇشى ماڭا قورقۇنۇش پەيدا قىلاتتى.

ھەممە ئادەمنىڭ قورقۇنىشى بولىدۇ. بەزىلەرنىڭ قورقۇنۇشى ئۆزى سۆيگەن ئادەمدە بولسا بەزىلەرنىڭ قورقۇنۇشى ئۆزى ياخشى ياشاتقان مۇھىتتا  بولىدۇ. بەزىلەرنىڭ قورقۇنۇشى ئۆزى ماڭغان يولنىڭ خاتا بولۇپ قېلىشىدا بولسا، بەزىلەرنىڭ قورقۇنۇشى ئۆزىنىڭ ھازىرقى تۇرمۇشىدا بولىدۇ. بۇلار ئۆز قورقۇنۇشىنى ئازايتىش ئۈچۈن كۈرەش قىلىدۇ. بۇ قورقۇنۇشلارغا چىدالمىغان ئادەملەر ئۆلۈم يولىنى تاللايدۇ.

مېنىڭ قورقۇنۇشۇم ئۆزۈم سۆيگەن ئادەمدە ئىدى.
ئالىمنىڭ قورقۇنۇشى ئۆزى ماڭغان يولنىڭ خاتا بوپ قېلىشىدا ئىدى. ئۇنىڭ جاھىللىق بىلەن يەنە گۈلچېھرەنى مەندىن تارتىۋالماقچى بولغانلىقى بۇنى ئىسپاتلاپ بېرەتتى. گۈلچېھرەنىڭ قورقۇنۇشى ئۇنىڭ ھازىرقى  ھەممە ئۆزىگە كۆيىنىۋاتقان مۇھىتىدا ئىدى.
ئاچىسىنىڭ بولسا ئۆزىنىڭ ھازىرقى ئۆزى شۈكرى قىلمايۋاتقان تۇرمۇشىدا ئىدى.
، مېنىڭ قورقۇنۇشۇم ماڭا ئۆزۈم سۆيگەن ئادەمنى يوقۇتۇپ قويماسلىق ئۈچۈن ھەر قانداق بەدەل تۆلەشتىن يانمايدىغان يولنى تاللاشقا مەجبۇر قىلسا، ئالىمنىڭ قورقۇنۇشى ئۆزى ئېرىشمەكچى بولغان نەرسىنىڭ، شۇ نەرسىگە ئېرىشىش يولىدا قىلغان ئىشلىرىنىڭ   خاتا بولۇپ قالماسلىقى ئۈچۈن ئۇنى چوقۇم ئۆزىگە بويسۇندۇرۇش يولىنى تاللاتقۇزاتتى.
گۈلچېھرەنىڭ قورقۇنۇشى بولسا ئۆزى ياخشى ياشاۋاتىمەن دىگەن مۇھىتىكى ئىشلارنىڭ، ئادەملەرنىڭ بىر-بىرگە زىت بولۇپ قالماسلىقى ئۈچۈن ئۇنى يېقىن قىلىدىغان يولنى تاللاتقۇزاتتى.
گۈلچېھرەنىڭ ئاچىسسىنىڭ قورقۇنۇشى بولسا ئۆز تۇرمۇشىنى ئۆزگەرتىشكە ئامالسىزلىقتىن، ئۆزىنىڭ يېقىن ئادەملىرىنىڭ ئۆزىنىڭ ئارزۇسىدەك يولدا مېڭىپ ياخشى تۇرمۇشقا ئىگە بولسا شۇ ئارقىلىق ئۆزىگە تەسەللى تېپىش يولىنى تاللاتقۇزاتتى.
مەن بۇ يوللارنى ئېنىق تۇيۇپ تۇرساممۇ ، ئۆزۈمنىڭ يولىنى ھەممسىنىڭ يولىغا قارىغاندا تېخىمۇ مېڭىشقا زۆرۈر يول دەپ قارايمەن.
چۈنكى مېنىڭ بۇ يولۇم، بىر ئادەمگە يەنى سۆيگەن ئادەمگە باغلانغان يول ئىدى.شۇڭا بۇ يولنى مەن ھەممىسىدىن بەكرەك مېڭىشىم كىرەك ، ئاخىرغىچە مېڭىشىم كېرەك دەپ ئويلايتىم. بۇ يولدىن يېنىپ چىقىشنىمۇ ئويلاپ باقمىغانلىقىم، ھەم يېنىپ چىقىشنىڭ مۇمكىن بولمايدىغانلىقىنىمۇ بىلىپ يېتەتتىم. قانداقمۇ بۇ يولدىن يېنىپ چىققىلى بولسۇن. شۈكرى دەپ ياشاپ، ئۆزۈمنىڭ مۇشۇ شۈكرى قىلىپ ياشاۋاتقانكى مۇھىتىمدا بىرسىنى ھەقىقى سۆيۈپ ئۇنىڭ بىلەن بولغان ئالاقەمنىڭ يوقاپ كېتىش تەھدىتى ئىچىمنى شۇنداق ئاچچىققا قوياتتى. بۇ ئىشلارنى ئوڭشاشنىڭ ياخشى ئۇسۇلنى ئەقىل بىلەنلا ھەل قىلىپ بولالمايدىغانلىقىمنى بىلەتتىم. شۇڭا مەن ئەشۇ ئەسەبى تاللىغان يولۇمدا مېڭىپ ئۇ يولنىڭ ئايىغىنى ئەقلىم ئارقىلىق بىر چىمەنلىكتە ئاخىرلاشتۇرالايمەن دەپ ئويلايمەن.
شۇنداق ئويلارنى قىلغاچ سائەتكە قارىسام بىردەم يىگىرمە مىنۇت ئۆتۈپ كېتىپتۇ.
ئۇ يەردىكى ھېساۋاتنى قىلىپ يېنىپ چىقىپ دۇككانغا كىردىم.

داۋامى بار.....

taxwix

دۇككانغا كېلىپ يەنە ئىشقا چۈشۈپ كەتتىم. چۈشتىن يەنە كۆڭلۈم بىر قىسما بولۇپ قالدى. چۈشتىن كېيىن ھېچكىم تېلفۇن قىلمىدى، ئادەتتە تولا تېلفۇن سايراپ تۇرىدىغان ۋاقىتتا تېلفۇن كەلمىسە ئادەمنىڭ ئىچى پۇشۇپ قالىدىكەن. مەن ھېچكىمنىڭ ئېسىگە كەلمەيۋاتقاندىمەنمۇ دەپ قالدىم. ئىشلىرىمنى ئاستا قىلساممۇ ئىشقىلىپ شۇنداق تەستە چۈشتىن كېيىننى ئۆتكۈزدۈم. سائەت ئالتە بولىشىغا قارىمايلا دۇككاننى تاقاپ ئىشتىن چۈشتۈم.قەيەرگە بېرىشىمنى بىلمەي يولدا ئۇ يان بۇيانغا قاراپ ماڭدىم.  كۆڭلۈمدەبىر غەشلىك بار. گۈلچېھرەنىڭ ئاچىسىنىڭ ئۆيىگە كەتكەنلىكىدىن كۆڭلۈم شۇنداق يېرىم، ئەنسىرەپلا تۇرىمەن.  گۈلچېھرەنىڭ ئاچىسىنىڭ يەنە ئۇنىڭغا قانداق گەپلەرنى قىلىشىنى، ئۇنى يەنە قانداق قىلىپ ئۆزىنىڭ گېپىگە كىرگۈزۈشنى ئويلاپ تۇرۇپ قالدىم. مەن پەقەت ئۆزۈمنىڭ مۇشۇ ئاددى  تۇرمۇشۇمنىڭ خاتىرجەم ئۆتىشىنىلا تىلەيتىم.  ھېچكىمدىن بىرەر نەرسىنى تالاشماي ئۆزۈم تاپقان خۇشاللىتقتىن ئۆزۈمنى بەزلەپ ياشايمەن دەپ يۈرگەن ئاددى ئىنسان ئىدىم.  بۇ ئاددى تۇرمۇشتىمۇ خاتىرجەم بولغىلى بولمايۋاتتى. مېنىڭمۇ گۈزەل ئارزۇلىرىم، غايىللىرىم بار ئىدى. باشقىلاردىن بىرەر نەرسىنى تالىشىپ كېتىمەن دىمىسەممۇ تالاشقۇدەك بولسا تالىشىمەن دەپ ئويلايتىم. بىراق گۈلچېھرە بىلەن يۈرگەندىن باشلاپ بۇ ئارزۇلىرىم، غايىللىرىم بارا-بارا يوقاپ كەتكىلى تۇرغان ئىدى. دۇنيادىكى گۈزەللىكنىڭ گۈلچېھرە ئۆزىگە مۇجەسسەملىۋالغاندەك، مېنىڭ ھاياتىمنىڭ مەنىلىك بولۇش، بولماسلىقى گۈلچېھرەگە باغلىنىپ قالغان ئىدى. شۇڭا مەن ئۇ ئارزۇلىرىمدىن غايىللىرىمدىن ۋاس كەچكەن ئىدىم. گۈلچېھرەنى ئېلىپ ، تۇرمۇشۇم نورمال ئۆتۈپ بەرسىلا بۇ مېنىڭ ئەڭ چوڭ ئارزۇيۇم ئىدى. ھېچقانداق داڭلىق ئادەم بولۇشنى، بىرەر ئىشلارنى تەۋرىتېۋېتىشنىمۇ ئويلىمىغان ئىدىم. بىراق ھازىر بولسا مۇشۇ كىچىككىنا ئارزۇيۇمغىمۇ يېتەلمەي، ماڭدامدا بىر توساققا يولۇقۇپ قېلىۋاتقان ئىدىم. بۇ ئىشلار ئىچىمنى شۇنداق لەرزىگە سالاتتى. بۇ ئارزۇيۇمغا يەتمەي قويمايمەن، قانچىلىغان ئارزۇلىرىمدىن ۋاز كېچىپ ئەمدى مۇشۇ ئارزۇيۇمغىمۇ يېتەلمەي ياشاش نىمە دىگەن ئازاپ ھە..
شۇنداق خىياللارنى قىلغاچ غېنىنىڭ دۇككىنى بار يولغا كېلىپ قاپتىمەن. بۈگۈن گۈلچېھرە تېلفۇن قىلالمايدىغان بولغان ئىكەن،دوستۇم بىلەن بىرەر قۇر ئولتۇرۇپ كۆڭلۈمنى تەسكىن تاپقۇزاي دېگىنىمچە غېنىنىڭ دۇككىنى قاراپ ماڭدىم. غېنىنىڭ دۇككىنىغا كىرسەم غېنى ئولتۇرۇپتۇ، كىرىشىمگە چىرايىمغا بىر قاراپلا گەپ باشلىدى.
- ھە، ئاداش، بۈگۈن ئەھۋالىڭ تازا ياخشى ئەمەسقۇ، چىرايىڭ بىر قىسمىلا تۇرىدۇ. يەنە بىر ئىش بولمىغاندۇ..؟
- ياق، ھېچ ئىش بولغىنى يوق. بۈگۈن سەل ئىچىم سىقىلىپ تۇرىدۇ، شۇڭا سەن بىلەن ئازراق ھال مۇڭ بولىشاي دەپ كەلگەن ئىدىم.  
- ھە ماقۇل، ئازراق توختاپ تۇر ئەمىسە مەن ھازىرلا دۇككاننى تاقاي ئەمىسە، بۈگۈن بىر ئولتۇرۇپ كېلەيلى ، ئولتۇرمىغىلىمۇ خېلى كۈنلەر بوپ قاپتۇ. غېنى شۇنداق دىگىنىچە دۇككىنىنى تاقاپ ئىشتىن چۈشتى. ئۇ يەردىن چىقىپ شەھەردىكى بىر توخۇ قورۇمىخانىسىغا كىرىپ ئولتۇردۇق.
- ھە، ئاداش باشقا باللارنىمۇ توۋلىمايلىمۇ، بىللە ئولتۇرايلى. دەپ گەپ قىلدى غېنى.  
- بولدى ئاداش، بۈگۈن ئىككىمىز ئولتۇرايلى. باشقا بالىلار بىلەن كېيىن ئولتىرىۋالارمىز.
- بوپتۇ ئەمىسە، بۈگۈن مەن بىلەن تازا بىر ھال مۇڭ بولىشاي دەپسەندە ، قانداق گەپلىرىڭ بولسا قىلىۋەر جۇما ئەمىسە، ئىشلار دىگەننى توغرىلايمىز، دەردىڭەە دەرمان بولۇپ بېرىمەن. سەن بىلەن يالغۇز بىر سوقۇشتۇراي بۈگۈن. پەيلىڭ ياماندەك تۇرىدۇ.
-چاتاق يوق.
شۇنداق ديىشكەچ  يەنە شۇ بۇرۇنقى ئادەت بويىچە پىۋىدىن تۆت بوتۇلكا، سەيدىن ئىككى ئىككى ئۈچ خىلنى بۇيرۇتۇپ ئولتۇردۇق. پىۋىدىن ئىككى ئۈچ رومكىنى سوقۇشتۇرۇپ ئىچتۇق. . ئىككىمىز بولغاچ، ئازراقلا تەڭشىلىۋالغاچقا غېنى بىلەن ئېغىر بېسىق پاراڭلىششقا چۈشتۈق. غېنى ئۇنىڭدىن بۇنىڭدىن كويزىدا قسىتۇرۇپ يىگەچ گەپ باشلىدى،
-نىمە بولدۇڭ ئاداش، يەنەبىر ئىش بولدىما، كۆڭلۈڭ يېرىم تۇرىدۇ. نىمىلەرگە ئىچىڭ سىقىلىپ كەتتى..؟
- نىمىلەرگە ئىچىم سىقىلاتتى. ئالىم دىگەن ھارىمى تاياق يىگەن بىلەنلا بولدى قىلمايدىغان ئوخشايدۇ ئاداش، تېلفۇن قىپتىكەن مەن بولدى قىلمايمەن، گۈلچېھرەنى سەندىن چوقۇم تارتىۋالىمەن دەيدۇ.
غېنىنىڭ يەنە ئاچچىغى كەلدى.
- ئۇ  يەنە شۇنداق دەمدۇ، ئۇنىڭ ئەدىپىنى يەنە بېرەيلى بولمىسا،ئۇ ھاراملىقنىڭ  بىرەر يېرىنى سۇندۇرپ تاشلىساق بوپتىكەن ئەسلى، شۇنداق بولغاندا چۈچۈيتى ئۇ.
- ياق، ئاداش ، ئەمدى ئۇرۇرۇش بىلەن ھېچ ئىشنى ھەل قىلغىلى بولمايدىغان بوپ قالدى.
- ئەمىسە نىمە بىلەن ھەل قىلغىلى بولىدۇ، نىمىشقا بۇنچە ئەنسىرەپ كەتتىڭ..؟
- نىمىشقا ئەنسىرىمەيتىم، گۈلچېھرەنىڭ ئۆيىدىكىللىرىنى بىلىسەن، ئىككىمىزنىڭ ئىشىغا تازا قوشالماي كېلىۋاتقان ئىدى. ئالىم دىگەن ھارىمى بۇ پۇرسەتنى تۇتىۋېلىپ گۈلچېھرەنىڭ ئۆيدىكىللىرىنىڭ كۆڭلىنى ئۇتاي دىگەن چېغى، مانا ئاداش ئىشلار مۇشۇنداق بولۇپ كېتىپ بارىدۇ. غېنى گەپلىرىمگە تېخىمۇ قىززىققان پېتى يەنە گەپلەرنى قىلىۋاتتى.
- ئالىم گۈلچېھرەنىڭ ئۆيدىكىللىرىنىڭ كۆڭلىنى ئۇتۇشقا تىرىشىۋاتىدۇ دە. ئۇ خېلى يامان نىمىكەن ھە، قەيەردىن ھۇجۇم باشلاشنى بىلىدىكەن.
- ھە شۇنداق ئىكەن ئاداش، ھازىر ھەممىدىم مۇھىمى پۇل بولۇپ قالدى. گۈلچېھرەنىڭ ئۆيدىكىللىرى ئۇنى پۇلى بار، ئىقتىسادى ياخشى بىرسىگە بېرىمەن دەپ ئاران تۇرىدۇ.ئالىم دىگەن ھارىمى ئوتترىغا چىقسا ئۇلارنىڭ قۇلىقى ئاغزىغا تاقاپ قالارمۇ دەپ ئويلايمەن.
- ئۇلار نىمە دىسە بەرىبىر، ھەممە گەپ گۈلچېھرەدە ئەمەسمۇ ئاداش.
- شۇ گۈلچېھرەنى سەنمۇ بىلىسەن، ئۇ بەك قورقۇنچاق ساددا، كىم نىمە دىسە ئىشىنىپ كېتىدۇ. ئۇنىڭ ئۆيدىكىللىرى ئۇنىڭغا مېنى يامان قىلىپ گەپ قىلسىمۇ ئىشىنىدۇ، ئۇنى قورقۇتۇپ قويۇپ ئۆزلىرىنىڭ دىگەن يولىغا ماڭغۇزۇپ قالارمىكىن دەپ ئەنسىرەيمەن.
- سېنىڭ ئىشلىرىڭمۇ تازا تەسلىشىپ كېتىپ بارامدۇ نىمە..؟ ھەر قانچە قورقۇتسىمۇ ساڭا تۇرىمەن دەر ئۇ..
- گۈلچېھرەنى مەن چۈشىنىمەن. ئۇ قورقۇپ كەتسىلا قانداق قىلىشنى بىلمەي قالىدۇ. قايسى تەرەپ قورقۇنۇشلۇقتەك بىلىنىپ كەتسە ئۇ يولدا ماڭمايدۇ، شۇڭا ئەنسىرەيمەن.
- يامان بولمسىا ئاقىچىپلا كېتەرسەن يا ئاداش..
- ئۇنداق قىلسام ئۇ ئۆلىۋالىدىكەن. ئۆلىۋالمىسمۇ ساراڭ بوپ كېتىدۇ ئۇ..
غېنى گەپلىرىنى ئاڭلاپ ئىچى سىقىلدى بولغاي،
-يائاللا سېنىڭ ئىشلىرىڭ نىمانداق مۇرەككەپ بوپ كەتتى. بولدى ھەمەم ئىشلار بارا-بارا ھەل بولۇپ كېتىدۇ. ئۇنداق كۆڭلۈڭنى يېرىم قىلما بولدى. گۈلچېھرەنى ھەرگى ئالىمغا تارىتقۇزۇپ قويمايسەن، مەن ساڭا ئىشىنىمەن . بۇ ئىشلارنى ھەل قىلىپ كېتەلەيمىز، بولدى ئۇنداق كۆپ كاللاڭغا ئېلىىۋالما، ھازىرلا گۈلچېھرەدىن ئايرىلىپ كەتكەنددەك قىلىپ كەتمە،ساڭا بۇ ئىشلاردىنمۇ كۆپ ئىشلار بار تېخى، ئىشلار ئۆزلىكىدىن ھەل بوپ كېتىدۇ. ئۇنداق بېشىڭنى ئاغرىتما بولدى ماۋۇ رومكىدىكى پىۋېنى ئىچىۋەت .
- ھە شۇنى دىيە، سەن بار يەردىمۇ ئۇنىڭ گەپلىرىنى قىلىپ ئولتۇرىشىمىزنى ئولتۇرۇش قىلمايدىغان بولدۇم. سەن دىگەندەك ھەممە ئىشلار ھەل بولۇپ كېتەر. كېلە ئىككىمىزنىڭ يېڭى پاراڭلىرى ئۈچۈن سوقۇشتۇرۇپ قوياي.
غېنى دوستۇم بىلەن قىزلار، دۇنيا، كېيىنلىكىمىز، ھازىرقى ئىشلىرىمىز توغرۇلۇق بىر مەھەل قايناپ سۆزلىشىپ ئۇ يەردىن يېنىپ چىقتۇق. تاكسىدىن بىرنى توسۇپلا غېنى بىلەن ئۆيگە ماڭدىم. ئۆيگە كېلىپلا يەنە بۇرۇنقىدەك ئۆزۈم ياتىدىغان ئۆيگە كىرىپلا يېتىۋالدىم. گۈلچېھرەگە تېلفۇن قىلسام تېلفۇنىنى ئالماي بېسىۋەتتى. بىردەمدىن كېيىن مەن سىزگە ئەتە تېلفۇن قىلاي، بۈگۈن قىلالمايدىغان بولدۇم دەپ ئۇچۇر قايتۇرۇپتۇ. ئۇنىڭ تېلفۇن قىلماي ئۇچۇر قايتۇرغانلىقىدىن ئاچىسى ئۇنىڭغا يەنە نۇرغۇن گەپلەرنى قىلغانلىقى ئېنىق ئىدى.
بولمىسا ئۇ چوقۇم تېلفۇن قىلاتتى. ئاچىسى دىگەن ئاغزى يامان خوتۇن بۇ ساددا  قىزنى ھەرخىل گەپلەرنى قىلىپ كاللىسىنى ئېلەشتۈرىۋېتىشى مۇمكىن ئىدى. ئۇنىڭ گەپ سۆزلىرىگە گەپ كەتمەيتى. تېخى ئۇخلاشقا بالدۇر، ئاڭغىچە بىرەر كىنودىن بىرنى كۆرۈپ ئۇخلايچۇ دەپ كىنو دەيلىرىگە بىر قۇر قاراپ چىقتىم.  ئۆيدىكى بار دەيلەرنىڭ ھەممىسىنى كۆرۈپ بولغان ئىكەنمەن. بولدى تېلۋوزۇر كۆرەيچۇ دىگىنىمچە تېلۋوزۇرنى ئاچتىم. قارىسام شىنجاڭ -2دە بىر كورىيەرنىڭ مۇھەببەت كىنوسىنى قويىۋاتقان ئىدى.  
كاللامدا بايامقى پىۋېنىڭ تەسىرى بار، كاللام قىزىپ تۇرىدۇ. مۇشۇ قىزىقچىلىقتا ئۇ مۇھەببەت كىنوسىنى كۆردۈم.قىززىق يېرى بۇ كورىيەنىڭ كىنوسىنى كۆرۈپ ئۆزۈمنىڭ گۈلچېھرەگە بولغان مۇھەببىتىمنىڭ بۇ كىنولاردا چىقىدىغانلاردىن قانچە ھەسسە ئېشىق ئىكەنلىكىنى سېزىپ يېتىۋاتىمەن.  ئۆزۈمنىڭ گۈلچېھرەنى ئۆزۈم ئويلىغاندىنمۇ ئۆتە تېخىمۇ ياخشى كۆرىدىغانلىقىمنى ھېس قىلىپ يېتىۋاتىمەن.
ئۇنى تېخىمۇ ياخشى كۆرىدىغانلىقىمنى ھېس قىلغانلىقىم، ئۇنىڭدىن تېخىمۇ ئەنسىرەش كېرەكلىكىنى بىلدۈرەتتى.
ئۇ كىنونى كۆرگەچ شۇنداق خىيالالرنى قىلغاچ ئۇخلاپ قاپتىمەن. ئەتىگەندە تېلۋوزۇر گىژىلداپ تۇرىدۇ. بىر ۋاقىتتا ئانام كىرىپ تېلۋوزۇرنى ئۆچۈرمىدىڭمۇ بالام، كاللاڭ قەيەرگە كېتىپ بارىدۇ دىگەندەك بىر گەپلەرنى قىلىپ چىقىپ كەتتى.
كاللام سەل زىڭىلداغلىق ، بېشىمنى يۇيۇپ يۈز كۆزلىرىمىنى يۇيۇپ سەل ئېچىلغان ھالەتتە چېيىمنى ئىچىپ يەنە دۇككانغا ماڭدىم.
ئەتىگەندە ئەمدى گۈلچېھرەگە تېلفۇن قىلدىم.
گۈلچېھرە تېلفۇننى ئالدى.
- ۋەي، نىمانداق يوقاپ كېتىسەن، ئاچاڭنىڭ ئۆيىگە بارساڭ تېلفۇنمۇ قىلالمايدىغان ھالەتكە يېتىپ قالىدىكەنسەن ھە..!
- ياق، شۇ قىلالماي قالدىم.
- ئاچاڭ نىمىلەرنى دېدى.
- يەنە شۇ ئىككىمىز توغرۇلۇق گەپلەرنى قىلدى. ئالىم ئاچا بىلەن يەنە كۆرۈشۈپتۇ.
- مۇنداق دە، ئۇنىڭ ئاچاڭ بىلەن كۆرۈشكەنلىكىنى مەن پەرەز قىلىپ بولغان، نىمە دەپتۇ ئاچاڭغا..؟
- شۇ ئىككىمىز توغرۇلۇق گەپلەرنى قىپتۇ. مەن كېيىن دەپ بېرەي ھازىر سەل ئالدىراش بوپ قالدىم.
ھە، بوپتۇ كېيىن كۆرىشەيلى ئەمىسە.
تېلفۇننى قويىۋەتتىم. ئالىم ئەمدى راستىنلا ھۇجۇمنى باشلىغانلىقى ئېنىق ئىدى. ئۇنىڭمۇ ئەقىللىق ئىكەنلىكىنى بىلىپ يەتتىم. دەسلەپكى ھۇجۇمنى ئاچىسىدىن باشلىغانلىقى مېنىڭ پەرەز قىلغىنىمدەك ئاۋال گۈلچېھرە بىلەن ئارىمىزغا بىر ھاڭ پەيدا قىلىش ئىدى. بۇ ھاڭنى ئۇ گۈلچېھرەنىڭ تۇققانلىرى، يېقىنلىرى ئارقىلىق بۇ ھاڭنى پەيدا قىلالايدىغانلىقىنى بىلىپ يېتىپتۇ.
ئىشلار ئەمدى تېخىمۇ مۇرەككەپ بولىدىغان بولدىدە، مەيلى نىمىلا بولسۇن مەن ئۇنىڭغا يېڭىلىپ قالمايمەن دەپ يەنە ئۆزۈمگە تەسەللى بەردىم.
داۋامى بار...

yamghur

باشلىغانكەنسىز چوقوم ئاخىرنى چىقىرىڭ ....داۋامىغا تەشنامىز

taxwix

كېلىپ دۇككاننى ئاچتىم ، ئەمدى دۇككانغا كەلسەملا كاللام باشقا يانغا بۇرۇلۇپ كېتىدىغان بوپ كېتىپ باراتتى. سوداممۇ تۈزۈك ياخشى بولماي قېلىۋاتقان ئىدى. بۇرۇنقىدەك زېھنىمنى قويۇپ ئىشلەيدىغان ۋاقىتلىرىممۇ ئەمدى ئازلىغىلى تۇرغان ئىدى. ئىش كەلسىلا ئۆزۈمنى بېسىپ ئۇ ئىشلارنى قىلىشقىمۇ خوش ياقماس بولدى. خېرىدارلارنى بەزىدە ئىككى ئۈچ قېتىم نارازى قىلغان يەرلىرىممۇ بولۇپ قالدى. يالغۇز قېلىپ ھازىرقى ئىشلارنى ، ئەنسىرەشلىرىمنى ، قورقۇنۇشۇمنى قانداق قىلىپ يېڭىپ چىقىش خىيالىنى  قىلدىغان، شۇ توغرۇلۇق يالغۇز تەھلىل قىلىدىغان بوپ قالدىم . شۇ ئىشلارلا مېنىڭ ھەقىقى كۆڭۈل بۆلىدىغان بىر-بىردىن بىر مەسلىگە ئايلىنىپ قالغىلى تۇردى.  مەن قانچە تەشۋىشلەنگەنسىرى گۈلچېھرەنى تېخىمۇ ياخشى كۆىدىغانلىقىمنى تونۇپ يېتىۋاتاتتىم.  ئالىمنىڭ ئىشلىرى،ئۇنىڭ قانداق قىلىپ مەندىن گۈلچېھرەنى تارتىۋېلىشقا ئۇرىنىدىغانلىقى،  بۇ يولنى قانداق قىلىپ ماڭىدىغانلىقى، ئۆزۈمنىڭ بۇ ئىشلارنى قانداق قىلىپ بىر تەرەپ قىلىدىغانلىقىم توغرىسىدا ئويلىنىشىم كېرەك .
چىگىش مەسىللەر بىر-بىرلەپ ئوتتىرىغا چىقىۋاتقان ئىدى. بۇ مەسىللەرنى چوقۇم يەشمىسەم بولمايدىغانلىقىنى ئۆزۈم بىلىپ تۇراتتىم. بۇ چېگىش مەسىللەرنى يەشمەي تۇرۇپ ئۆزۈمنىڭ ھەرگىز خاتىرجەم بولمايدىغانلىقىمنى، ئۆزۈمنىڭ ئەركىن ھالەتكە كېلەلمەيدىغانلىقىمنى بىلىپ تۇراتتىم.بەزىدە بۇنداق كۆپ ئەنسىرەپ، بۇنچە كۆپ ئويلىنىپ، تەشۋىشلەنگۈنچە، بېشىمنى ئاغرىتقۇچە  ئۆزۈمنى بۇ ئىشلاردىن ئاقىچىپ ، نىمىلا بولسا بولسۇن شۇ چاغدا كۆرمەيمىزمۇ دىگەن خىياللارمۇ كەپ قالاتتىدە، كەينىدىنلا  بۇ ئىشلاردىن ئۆزۈمنى ئاقىچىپ قۇتۇلۇپ بولالمايدىغانلىقىم كۆز ئالدىمغىلا كېلىپ تۇرىۋالاتتى.
مەن ئەزەلدىن بىر ئىشقا زېھنىمنى بەك بېرىپ، كاللا قاتۇرۇپ كېتىشنى خالىمايتىم. راستىمنى دىسەم كاللامنى بەكرەك ئىشلىتىشكە ئۆچ ئىدىم. ئەپسۇس رىئاللىق مېنى كاللامنى تېخىمۇ ئىشلىتىشىمگە، زېھنىمنى مۇشۇ ئىشلارنى ھەل قىلىشقا قارىتىشقا كېرەك ئىكەنلىكىگە مەجبۇر قىلاتتى.  بۇ مەجبۇرلۇق دۇككاندىكى قىلىۋاتقان ئىشلىرىمغا بولغان زېرىكىشلىك تۇيغۇسىنى ئاتا قىلدى.
دۇككاندا ئولتۇرۇپ يېرىم سائەتتىن كېيىن خېرىداردىن بىرسى كەلدى. ئۇنىڭ ماشىنىسىنى زېرىكىشلىك ھالەتتە ئاران پۈتتۈرۈپ يولغا سالدىم. ئۇ ماشىنى رىمونىت قىلىپ بوپ، خېرىدارنى يولغا سېلىپ قارىسام سائەت يەنە بىردەمدە چۈشكە يېقىن بوپ قاپتۇ. ئادەم قانچە زېرىكىپ، شۈبھىيلەنگەنسىرى ۋاقىت ئاستا ئۆتىدۇ دەيتى. ئەكسىچە مەن قانچە شۈبھىيلەنگەنسىرى، تەشۋىشلەنگەنسىرى ۋاقىت مېنىڭ شۈبھىيلىشلىرىمگە پەرۋامۇ قىلماي تېز ئۆتۈپ كېتىۋاتقاندەك بىلىنىپ كېتىۋاتتى.
يەنە كىيىمىمنى ئالماشتۇرۇپ بوپ گۈلچېھرەدىن ئاچىسىنىڭ نىمە دىگەنلىكىنى ئۇقۇپ بېقىش نىيتىدە گۈلچېھرەگە تېلفۇن قىلدىم.
ۋەي،
-ۋەي، نىمە ئىش قىلىۋاتقان ئىدىڭ،
- ئەمدى ئىشتىن چۈشۈپ شۇ، مەنمۇ سىزگە ھازىرلا تېلفۇن قىلاي دىگەن ئاڭغىچە سىز تېلفۇن قىلدىڭىز، كۆڭلىڭىز تۇيىدۇ ھە..!
- كۆڭلۈم تۇيمامتى ئەمىسە، ھە كۆرىشەمدۇق.
- ھە ماقۇل ، كۆرىشەيلى ئەمىسە، قەيەردە كۆرىشىمىز.
- شۇ بۇرۇنقى كونا جايدا.
-ماقۇل،
-ئەمىسە ئىتتىكراق كېلەرسەن،
- ماقۇل.
تېلفۇننى قويىۋېتىپ تۈنۈگۈنكى كۆرۈشكەن يەرگە ماڭدىم. كۆرىشىدىغان يەرنىڭ ئالدىغا كېلىپ قارىسام گۈلچېھرە يوق، يەنە ئاستاغىنە مېڭىپ كېلىۋاتقاندىمۇ ، نىمىشقا ئالدىرىمايدىغاندۇ دەپ ئۆزۈمگە غودراپ قويغىنىمچە يولنىڭ ئۇيانىغا ئۆتۈپ ئۇنىڭ كېلىۋاتقان كەلمەيۋاتقانلىقىغا قارىدىم. گۈلچېھرە يىراق يەردىن سومكىسىنى تۇتقاچ يولدىن ئۆتۈپ كېتىۋاتقان ماشىنىلارغا قارىغاچ بىر نىمىلەرنىدۇ خىيال قىلىپ كېلىۋاتاتتى. ئۇنىڭ چىرايىدىنمۇ بىر خىل ھارغىنلىق چىقىپ تۇراتتى. كېلىۋېتىپ مېنى كۆردىيۇ بايىقى ئاستا مېڭىۋاتقان ھالىتىدىن ئىتتىك ماڭغىنىچە مەن بار بار تەرەپكە كەلدىدە گەپ باشلىدى،
- بۇ يەرگە چىقىپ تۇرىۋاپسىزغۇ..؟
- ساڭا قاراپ تۇردۇم، قارىسام يوق. شۇڭا يولۇڭغا قاراپ بېقىشىم ئىدى. چارچاپ كېتىۋاتقان ئوخشايسەن ھە، بۇرۇنقىدىنمۇ ئاستا ماڭىدىغان بوپ قېلىۋاتىسەن.
- ياق، بۇلار دىگەن چارچاشمۇ،  ئىككى كۈندىن كېيىن دوختۇرخانىدا كەچ تەرەپتە ئىشلەپ كۈندۈزى ئارام ئالىدىكەنمەن. شۇ ۋاقىتتا تېخىمۇ چارچاپ قالىمەن.
- مۇنداق دە، زادى سېستىرا دىگەننى ، ئەمدى يەنە كەچ تەرەپتە ئىشلەيدىغان كۈنلەر چىقىدىكەندە ساڭا، خېلى يوقاپ كەتكەن ئىدىغۇ ئۇ كەچ تەرەپتە ئىشلەيدىغان ئىشلار..
- ھازىر مەن ئىشلەۋاتقان بۆلۈمدە كەچ تەرەپتە ئىشلىمەيدۇ، ئىككى كۈندىن كېيىن باشقا بىر بۆلۈمگە چىقىمىز ، شۇ ۋاقىتتا كەچ تەرەپتە ئىشلەشكە ئورۇنلاشتۇرىدىكەن.
- چارچاپ قالساڭ مېنى سېغىنىشىڭ ئازلاپ قالامدۇ نىمە، ئالدىراپ كېلەي دىمەيسەن..
- ياق جېنىم، نەدىكىنى.
- بولدى، يۈرە ئىچىگە كىرىپ ئولتۇرايلى، قالغان گەپنى شۇ يەردە دېيىشەيلى.
ئۇ يەرگە كىرىپ يەنە ئىچىملىكتىن ئىككىنى ، تورىتتىن بىرنى بۇيرۇتتۇم. گۈلچېھرەگە قارىسام سەل شۈكلىشىپ قاپتۇ، ئۇ ماڭا ئۆيدىكىللىرىنىڭ ئىككىمىز توغرۇلۇق دىگەن گەپلىرىنى دېيىشتىن ئاۋال ئەشۇنداق شۈكلىشىپ كېتەتتى.
- ھە، ئاچاڭ نىمە دەيدۇ.
- سىزگە دەي، لېكىن نىمە دېيىشىمدىن قەتئى نەزەر خاپا بولماڭ ھە،
- قېنى دەپ باقمامسەن.
- ياق باشتا خاپا بولمايمەن دەڭ،خاپا بولۇپ چىرايىڭىزنى پۈرۈشتۈرۈپ يۈرسىڭىز مېنىڭمۇ كۆڭلۈم يېرىم بولۇپ قالىدىكەن، خاپا بولمايمەن دەپ ۋدە بېرىڭە جېنىم، سىزدىن خوش بوپ قالاي، سىز خاپا بوپ كەتسىڭىزلا مەن قورقۇپ كېتىپ نىمە قىلىشىمنى بىلمەي قالىدىكەنمەن.
- ھە ماقۇل، قېنى دەپ باققىن ئاچاڭ يەنە نىمە دەيدۇ.
ماقۇل ئەمسىە مەن دەپ بېرەي دىگىنىچە گۈلچېھرە گەپ باشلىدى.
ئاچام تۈنۈگۈن نۇرغۇن گەپلەرنى قىلدى. ئۇ ئالىم بىلەن يەنە كۆرۈشۈپتۇ.
-ھە، ئۇنى بىلدىم. ئەتىگەن دىگەن ئىدىڭ.
-ئالىم ئۇنىڭغا مېنى شۇنداق ياخشى كۆرۈپ قېلىۋاتقانلىقىنى ئېيتىپتۇ.
- يەنىچۇ..؟
- يەنە مەن بىلەن كۆرۈشكۈسى بارلىقىنى ، ئاچامنىڭ ئۇنىڭغا ياردەم قىلىشىنى ئۆتۈنۈپتۇ.
- ئاچاڭچۇ، ئاچاڭ ئۇنداق دىسە نىمە دەپتۇ..؟
- توختاپ تۇرمامسىز، يەنە دەيدىغان گەپ بار تېخى..
- ھە قېنى دېگىنە ئەمىسە،
-ئالىم  ئاچامغا يەنە كېيىنكى ئىشلار توغرۇلۇق سۆزلەرنى قىپتۇ. ئەگەر مەن بىلەن تونۇشۇپ كېيىن توي قىلالىسا مېنى ھەركۈنى ماشىنىسىدا ئىشقا ئاپىرىپ، ئەكىلىدىغانلىقىنى ، شەھەردە بىر ئۆي ئالىدىغانلىقىنى ياخشى ياشايدىغانلىقىنى ئېيىتپتۇ.
بۇ گەپنى ئاڭلاپ يەنە چىرايىم تۇتۇلۇپ تۇرۇپلا قالدىم، گۈلچېھرە مۇشۇ گەپلەرنى ماڭا تۈزلا دەيدۇ. بىر ئېغىز گەپنى ئېلىپ قالمايدۇ، قايسى گەپنى قىلىىشنى، قايسى گەپنى قىلماسلىقنى بىلمەيدۇ. ماۋۇ گەپنى دىسەم قانداق بوپ قالار، كۆڭلى يېرىم بوپ قالارمۇ دىگەننى ئويلىمايدۇ. قورىقماي ھەممە گەپلەرنى قىلىۋەر، مەن خاپا بولمايمەن دەپ قويسام ھەممە گەپنى ئۇدۇللا دەيدۇ. مۇشۇ گەپلەرنىمۇ ماڭا دەمسەن ، بەزى گەپلەرنى ئىچىڭگە يۈتىۋەتسەڭ بولمامدۇ دىسەم ھېچقانداق گەپلىنى دىگىلى ئۇنىمايدۇ. نىمىشقا گەپ قىلمايسەن دىسەم سىز گەپ قىلسام ياقتۇرمىسىڭىز قانداق قىلىمەن دەپ قويىدۇ. ئۇ يەنە  مۇشۇنداق كۆڭلى تۈزلا بىر قىز.

- نىمە بولدى قاپىقىڭىزنى تۈرىۋالدىڭىزغۇ...؟ بايام خاپا بولمايمەن دەۋاتتىڭىزغۇ..؟
- ھە بولدى قېنى گەپلىرىڭنى دەۋالغىن باشتا..
- ياق، قاپىقىزنى تۈرىۋالسىڭىز قانداق دىيەلەيمەن، دىمەيمەن بولدى.
- بولدى دەۋەرگىن، ئۇنداق دىسە قاپىقىم تۈرۈلمەمتى ئەمىسە، دەۋەرگىن سەندىن خاپا بولمىدىم، پەقەت ئۇنىڭ دىگەن گېپىنى ئاڭلاپ تۈرۈلۈپ كەتتى، سەن دەۋەرگىن سەندىن خاپا بولمايمەن.
-ئاچاڭچۇ، نىمە دەپتۇ..؟
- ئاچام ماقۇل مەن ياردەم قىلىشقا تىرىشىمەن دەپتۇ.
- ئەلۋەتتە ئاچاڭ شۇنداق دەيدۇدە، ئالىمغا ياردەم قىلالماي قالسا ئاچاڭ بىر ئۆمۈر پۇشايماندا قالىدىغان تۇرسا...
- نىمە دەيدىغانسىز جېنىم، ئۇنداق دىمىڭە.
- ھە بولدى، ئاچاڭ ساڭا ئاندىن نىمىلەرنى دېدى ..؟

داۋامى بار......

taxwix

- ئاچام ماڭا يەنە بۇرۇنقىدەك گەپلەرنى قىلدى. شەھەردە ئۆي بار،  ئىشتىن چۈشۈپلا ئۆيگە كىرىپ كېتىدىغان گەپ، ئەتىگەندە يەنە مېڭىپلا ئىشقا چىقىۋالىدىغان گەپ. خىزمەت ۋاقتىدا ئازراق دەم ئېلىشقا چىقىپ قالغان ۋاقىتتا ئۆيۈڭگە كىرىپلا ئارام ئالالايسەن، ئۇ يەردىكى خىزمەتداشلىرىڭنىڭ ئارىسىدىمۇ ئىناۋېتىڭ بولىدۇ. ئالىممۇ ساڭا كۆيىنىدۇ ، بەخىت دىگەن مانا شۇ سىڭلىم، سەن ئەمدى مۇشۇنداق كۈنلەردىن ياخشىراق كۈنلەرگە ئېرىشىپ كېتىشىڭمۇ ناتايىن. بۇ پۇرسەتلەرنى چىڭ تۇتقىن دېدى.
- سەنچۇ ، سەن نىمىلەرنى دېدىڭ..؟
- مەن ھېچنىمە دېمىدىم، يەنە شۇ سىز بىلەن ئايرىلىپ كېتەلمەيمەن دېدىم.
- ئاچاڭ ئۇ گېپىڭنى ئاڭلاپ نىمىلەرنى دېدى.
- ئۇ بىر رىمونىتچى بىلەن ئۆي تۇتۇپ قانداق بەخىتلىك بولايسەن، ئۇنىڭ يا ماشىنىسى بولمىسا، يا شەھەردە ئۆيى بولمىسا، ئەشۇ سەھرادىكى ئۆيدە قېيىن ئاناڭ بىلەن مەڭگۈ سولىنىپ ئولتۇرماقچىمۇ سەن. قېيىن ئانا دىگەن قانداق بولىدۇ سەن تېخى بىلمىگەن بىلەن مەن ئوبدان بىلىمەن. بوپتۇ ئۇ بالا بىلەن توي قىلدىڭمۇ دەيلى، كېيىن سېنى ئانىسىنىڭ ئالدىدا ئوسۇل قىلىپلا تۇرىدۇ. ئەركىشىلەرنىڭ ھەممىسى شۇنداق ئانىسىنىڭ ئالدىدا سېنى ھېچ بىر گېپىڭنى ئىلىك ئېلىپ قويمايدۇ، ئاندىن قېيىن ئانىسى سېنى كۆزگە ئىلمايدىغان بولىۋالىدۇ. كۆڭلىگە نىمە كەلسە شۇنى قىلىدىغان، يوق بىر ئىشلارغا بۇيرۇق بېرىدىغان، يوق ئىشلاردىن پۇتاق تېپىپ سەن بىلەن ئۇرىشىدىغان بوپ كېتىدۇ. ئۇ ۋاقىتتكى ئازاپقا ھېچنىمە توغرا كەلمەيدۇ. بوپمۇ ساڭا ئوخشاش ساددا ، قورقۇنچاق قىز ئۇ ئازاپلارغا بەرداشلىق بېرەلمەيسەن. ئاندىن بىر نىمە دەپ قالىسەن، قېيىن  ئاناڭ بىلەن ئۇرىشىسەن، سېنى ئازىلاپ ئالغان يولدۇشۇڭ بولسا ئانىسىغا قوشۇلۇپ سېنى تىللاشتىن يانمايدۇ. ئۇ ۋاقىتتا قانداق قىلىسەن. شۇڭا شەھەردە ئايرىم ئۆيى بار، توي قىلىپلا بۆلەك بولىدىغان ئالىمغائوخشاش مۇشۇنداق ياخشى يىگىتنى قولدىن بېرىپ قويما، ئەنە شۇنداق دىگەندەك گەپلەرنى قىلدى.
گۈلچېھرەنىڭ ئاچىسى توغرۇلۇق قىلىۋاتقان گەپلىرىنى سەۋىرچانلىق بىلەن ئاڭلىدىم. ئۇ گەپلەرنى شۇنداق دەۋاتقاندىكى ھالىتىگە قاراپ ئاچىسىنىڭ بەزى گەپلىرىنىڭ گۈلچېھرەنىڭ ئىدىيىسىگە ئازراق تەسىر كۆرسىتىۋاتقانلىقىنى سېزىپ قالدىم. گۈلچېھرە بولسا بۇنى ماڭا پەقەت چاندۇرماسلىق ئۈچۈن زور تىرىشچانلىق بىلەن ئۆزىنى ئوڭشاپ گەپ قىلىۋاتتى.
- ئاچاڭ دىگەن خوتۇننىڭ ئاغزى يەنە سېغىزخاننىڭ ئاغزىغا ئوخشاشلا ئېچىلىپ كېتىپتۇ ھە، يا ئاللا ئاچاڭ دىگەن خوتۇن نىمە دىگەن كۆپ سۆزلەيدۇ ساڭا.
- ئۇنداق دىمىڭە..ئاچاممۇ ماڭا كۆيىنىپ شۇنداق گەپلەرنى قىلىدۇ شۇ.
- بولدى قىلە، سېنىڭ ھەممە ئىشىڭغا ئارلىشىپ خۇددى ئۆزى ئەرگە تېگىدىغاندەك تاللاپ كەتسە يەنە ساڭا كۆڭۈل بۆلگەن بولامدۇ..؟
-ئۇنداق ئەمەس ئاچامنى ئۇنداق ئەسكى ئايال قاتارىغا چىقىرىۋەتسىڭىز بولمايدۇ.
-ئالىم دىگەن لاۋزا  كېيىنكى ئۆي، يەنە بىر ئىشلارنىڭ گېپىنى چىقىرىپ قويسا ئاچاڭنىڭ كىچىك تىللىرىمۇ چىقىپ كېتىپتۇ.
گۈلچېھرە بارا-بارا ئاچچىغىمنىڭ كېلىۋاتقانلىقنى كۆرۈپ ئۇمۇ مەندىن خاپا بولغاندەك قىلىپ گەپ قىلدى.
- ئاچاڭ نىمە دېدى، نىمە دېدى دەيسىز، دەپ بەرسەم مانا مۇشۇنداق قىلىسىز..بۇدا ئەمدى ھەرگىز قىلىپ بەرمەيمەن.
- سەندىن خاپا بولمىدىم دېدىمغۇ، ئۇنداق قىلىپ كەتمە..
- شۇنداقلا دەيسىز، سەندىن خاپا بولمايمەن دەپ. ئەمىسە نىمىشقا ئاچچىغىڭىز كېلىپ قاپىقىڭىزنى تۈرۈپلا تۇرىۋالىسىز، ئۇنداق قىلسىڭىز قانداق بولىدۇ.
گۈلچېھرە شۇنداق دىگىنىچە مەندىن رەنجىگەندەك قىلىپ يانغا ئۆرۈلۈپ تۇرىۋالدى.
مەنمۇ بىر ھازاغىچە تۇردۇم. ھازىرقى ھالەتلەر بارا-بارا ماڭا ئوڭايسىزلىق ئېلىپ كېلىۋاتاتتى. مەن ئۇنداق گەپلەرنى ئاڭلاپ تۇرۇپمۇ يەنە قانداقمۇ ئاچچىغىم كەلمەي تۇرالايمەن.  مېنى باشقىلارنىڭ ئالدىدا يامان گېپىم چىقىپ قالغان ۋاقىتلاردا، ئۇ گەپلەرنىڭ غورۇمغا تېگىدىغان گەپلەر چىققان ۋاقىتلاردا ھەرقانچە قىلىپمۇ چىرايىمنى ئېچىپ باقاي دەپمۇ ئاچالمايمەن. ئەمدى بۇنداق ئىشلار پات-پات يۈز بېرىپ تۇرىشى ئېنىق ئىدى. بۇ ئىشلارنىڭ گۈلچېھرەگە باشقىچە تەسىر بېرىپ قويماسلىقىدىن شۇنداق ئەنسىرەيتىم. بىراق يەنىلا گۈلچېھرە مەندىن خاپا بولۇپ تۇراتتى. ئىشلار بۇنداق داۋاملاشسا ئەھۋالىمىزغا شۇنچە پايدىسىز ئىدى. ئالىمنىڭ كۈتىدىغان يېرىمۇ دەل مۇشۇ ئىدى. ئۇمۇ گۈلچېھرەنىڭ ئاچىسىنىڭ پۇلى بارلارغا، پۇل بار ياخشى  تۇرمۇشقا شۇنداق ئىنتىلىدىغانلىقىنى بىلىپ يەتكەن گەپ، ئۇنىڭ گۈلچېھرەنىڭ ئاچىسىغا ئۆي، ماشىنا توغرۇلۇق سۆزلەپ قويغىنى بىكار ئەمەس ئىدى. ئۇ گۈلچېھرەنىڭ ئاچىسىنىڭ مۇشۇنداق پۇلنى تۇتقا قىلىپ ئىككى ئېغىز سۆزلەپ قويسىلا ھەممە نەرسىنى ئۇنتۇپ ئۆزى ئۈچۈن توختىماي سۆزلەيدىغانلىقىنى بىلىپ يېتىپتۇ. ھېچقانداق دەسمى سالماي ئىككى ئېغىز گەپ قىلىپ قويۇپ ئۇ گەپلىرىنىڭ تەسىرىنىڭ ماڭا شۇنداق چوڭ بولىدىغانلىقىنى بىلىپ يېتىپتۇ. ئەمدى ئالىم بار-بارا مەن ئويلىغاندىنمۇ ئەقىللىق بولۇپ چىقىۋاتتى. مېنىڭ پەرەز قىلغىنىمدەك ئۇ قايسى نۇقتىلارنىڭ ھۇجۇم قىلىشقا ئەپلىك ئىكەنلىكى، دۈشمىنىگە كىچىككىنە ھۇجۇم ئىشلىتىپ كۆپ زىيان تارىقتقۇزۇش يولىنى بىلىپتۇ.

گۈلچېھرە يەنىلا ماڭا كەينى تەرىپىنى قىلىۋېلىپ مېنى ئۆزىدىن ئەپۇ سورىشىمنى ساقلاپ تۇراتتى. گۈلچېھرەنى ئۆزۈم تەرەپكە تارتىپ گەپ باشلىدىم.
- مېنى نىمانداق چۈشەنمەيسەن، ئاچاڭمۇ چۈشەنمىسۇن ، ئەمدى سەنمۇ چۈشەنمەيدىغان بولدۇڭمۇ..؟ ئەشۇنداق گەپلەرنى ئاڭلاپ تۇرۇپ يەنە قانداقمۇ ساڭا كۈلۈپ گەپ قىلالايمەن. مېنى چۈشەنگىن ئۇمىقىم.
- شۇ مەنمۇ چۈشىنىۋاتىمەن، سىزگىمۇ ئېغىر كېلىدىغىنى بىلىمەن. بىراق سىز ئۇنداق تۇرىۋالسىڭىز مەن قانداق قىلىشىمنى بىلمەي قالىدىكەنمەن.
- ھە، بولدى. ئۇنداق بولۇپ كەتمەيلى. ھېچ ئىش يوق. ئاچاڭنىڭ ئۇ گەپلىرىنى سەن توغرا كۆرىۋالمىساڭلا مەن ئۈچۈن ئاچاڭنىڭ گەپلىرى بەرىبىر. بولدى يۈرە چىقىپ كېتەيلى، سەنمۇ ئىشىڭغا ماڭ.
- مەنمۇ بۇنداق بولۇپ كېتىشىنى ئويلاپ باقمىغان ئىدى. مەنمۇ ئەنسىرەپ قېلىۋاتىمەن. كېيىن بۇ سۆزلەر ئۆيدىكىلەرنىڭ قۇلىقىغا يېتىپ قالمىغىيتى دەيمەن. ئاناممۇ بۇ گەپلەرنى ئاڭلىسا ئۇمۇ ئاچامغا ئوخشاش سۆزلەپ بېشىمنى ئاغرىتىۋېتىدۇ. زادى قانداق قىلسام بولار، مەنمۇ بىلەلمەيلا قالدىم.
- ئاچاڭغا ئۆيدىكىلەرگە ئالىمنىڭ ئىشلىرىنى ئېيىتما دىگەنسەن،
- ھە، شۇنداق دېدىم. يەنە شۇنداق بولسىمۇ ئەنسىرەپ تۇرىۋاتىمەن.
بولدى ئۇ ئىشلارنى ھامان ئوڭشايمىز، بولدى ئەمدى ئىشىڭغا ماڭغىن. يەنە كۆرىشەرمىز.
ماقۇل .
ئۇ يەردىن يېنىپ چىقتۇق. گۈلچېھرەنى ئۇزۇتۇپ قويغاچ مەنمۇ دۇككىنىمغا كەلدىم.
ئەمدى بۇ يولنى قانداق بېسىش كېرەك. ئالىم ھوجۇمنى باشلىدى. ئۇ گۈلچېھرەنىڭ ئاچىسى ئارقىلىق بۇ ھۇجۇمنى باشلىماقچى. ئۇ ئاچىسىنىڭ ئۇ گەپلەرنى گۈلچېھرەگە دەيدىغانلىقىنى ئوبدان بىلىدۇ، گۈلچېھرەنىڭ بولسا ئۇ گەپلەرنى ماڭا دەيدىغانلىقىنى بىلىدۇ.
ئالىم ھۇجۇمىنى راس ئۆزى دىگەندەك ماڭا بىلدۈرۈپ تۇرۇپ قىلماقچى بولىۋاتىدۇ. ئۇنىڭ بۇنداق قىلىشى ماڭا ھېچقانداق يول قالدۇرماي مېنى قىيناپ مەندىن ئۆچىنى ئالماقچى،  مەن بولسام ئۇنىڭغا قانداق ئۇسۇلدا قايتۇرما ھۇجۇم قىلىشىنى بىلمەي قالدىم. بىلىش تۈگۈن ئالىمنىڭ ھۇجۇمىدىن قانداق قىلىپ ئۆزۈمنى مۇداپىيە قىلىشنىمۇ بىلمەي تۇرىۋاتىمەن. ئالىم راستىنلا مەن پەرەز قىلغاندىكىدەك يەنە ھۇجۇمنى باشلاۋەرسە ئۇ چاغدا ئەھۋاللار ماڭا تېخىمۇ پايدىسىز، چۈنكى مەن پاسسىپ ھالەتتە.
ئۆزۈمنى مۇداپىيە قىلىش ئۈچۈن ئالىم ھۇجۇمنى قەيەردىن  باشلىغان بولسا مەن شۇ يەردىكى يوچۇقنى ئېتىشىم كېرەك.
مەنمۇ گۈلچېھرەنىڭ ئاچىسى بىلەن كۆرىشەي، ئۇنىڭغا نىمە دەرمەن ئەمدى، ئۇنى قورقۇتۇدىغان ئەيمەندۈرىدىغان بىر سەۋەپ تاپسام بولاتتى. گۈلچېھرەنىڭ ئاچىسىنى قورقۇتىدىغان بىر سەۋەپ تاپمىسام ئۇ خوتۇن مېنىڭ گەپلىرىمنى قىرىغىمۇ ئېپ قويمايدۇ. ئاندىن يەنىمۇ ئەۋزەيلەيدۇ، ئۇ ۋاقىتتا گۈلچېھرەنىڭ ئۆيدىكىللىرى بۇ ئىشلارنى بىلسە ئىشلار تېخىمۇ كېڭىيىپ كېتىدۇ. ئۇ ۋاقىتتا تېخىمۇ قېيىن بولغىنى بولغان.  گۈلچېھرەنىڭ ئاچىسىنى ئەيمەندۈرىدىغان، ئاغزىنى ئازراق بولسىمۇ يۇمدۇرىدىغان سەۋەپتىن بىرنى تاپاي، بولمسىا بۇ خوتۇن ئەشۇ ئاغزى بىلەن گۈلچېھرەنىڭ نىيىتىنى بارا-بارا ئۆزگەرتىشكە ئۇرىنىدۇ. ئەمدى مېنىڭ ئالىمغا ئوخشاش دەيدەيگە سالىدىغان پۇلۇم بولمىغاندىكىن،  قانچە ۋاقىتتىن بېرى ئىشلەتمىگەن ، ئىشلتىشنى تۈزۈك خالىمغان كاللامنى ئەمدى ئىشلىتىشىم كېرەك، ئەقلىمنى چىقرىشىم كېرەك. ئەقلىمنى ئىشلىتىپ دۈشمەننى يېڭىشتىن باشقا ئۆزگە يول يوق.
گۈلچېھرە ئۈچۈن ئىشلەتمىگەن ئەقىل ھوشۇمنى قانداق قىلاي، كاللامنىڭ ئىچىدە سېسىپ دات بېسىپ كەتمىسۇن بىكار...

داۋامى بار...

yamghur

ئىچىگە كىرىپلا كەتتىم قاچان يازاسىز ئاخرىنى ئاخرى قانداق بولا ھە!!!