ھېكايە:ئۇنى ئۆلتۈرىۋېتىمەن.

ziyali

ئوقىۋېلىپلا چىقىپ كەتمەي،داۋامىنى ساقلاپ قالدۇق دەپ قاراپلا تۇرماي بىر نىمە دەپ باقمامدۇق؟
سوغۇق مۇناسىۋەتلەر ئۇرۇشى ئەمدى باشلاندى.بۇ ئۇرۇش ئۇزۇنغا سوزۇلىدىغاندەك.
ئۇرۇش تۈگىگىچە،تايىر ئۆلتۈرۋەتكىچە مەن ئۆلتۈرۋېتىدىغاندەك تۇرىمەن ئا ئالىم دىگەن ھارىمىنى .

قانداق قىلىش كېرەك؟قانداق قىلىش كېرەك؟
ئۆلتۈرۈپلا قۇتلىشامدۇق؟
قېرى قاقۋاشلاردىن بىرەيىڭلار چىقىپ بىر نىمە دەپ باقساڭلىرا

taxwix

شۇنداق ئويلارنى قىلغاچ دۇككاننىڭ ئىچىدىكى ياتىدىغان ئورۇنغا كېلىپ ئولتۇرۇپ كېتىپتىمەن. بىردەمدە ماشىننىڭ سىگنال بەرگەن ئاۋازى ئاڭلاندى. خېرىداردىن بىرسى كەلگەن ئىدى. سىرىتقا چىقىپ ماشىنى كۆرۈپ ، خېرىدار بىلەن دېيىشىپ يەنە كۈندىكىگە ئوخشاش ئىشىمغا چۈشۈپ كەتتىم.  شۇ ئىشلىگەنچە ئىشلەپ ئىشلىرىمنى تۈگىتىپ بوپ سائەتكە قارىسام يەنە بىردەمدە سائەت ئالتە بولغىلى تۇرۇپتۇ. كىيىملىرىمنى ئالماشتۇرۇپ دۇككاننى تاقىدىم. دۇككاننى تاقىۋالغان بىلەن نىمە قىلىشىمنى، قەيەرگە بېرىشىمنى بىلەلمەي تۇرۇپ قالدىم،  ئۆيگە بېرىپ باشتىكى ۋاقىتلارغا ئوخشاش بېرىلىپ كىنو كۆرگۈممۇ كەلمەيدىغان بوپ قالدى. كاللام ئېچىلىپ خوش بولۇپ تۇرمىسا كىنولارمۇ تېتىمايدىغان بوپ قالىدىكەن. يەنە غېنىنىڭ قېشىغا بېرىپ ھازىرقى ئەھۋالىمىنى دىگەچ ئازراق پاراڭلىشىپ كېلىش نىيىتىدە غېنىنىڭ دۇككىنىغا باردىم.
دۇككاندىن كىرىشىمگىلا غېنى ھەر ۋاقىت ئادەتتىكىگە ئوخشاش غېنى قارشى ئالدى.غېنىنىڭ بۇ ئاشخانىسى ئۆزى كىچىك، لېكىن ئىچى خېلى پاكىز ئىدى. قارىسام يەنە بىر بالىمۇ تۇراتتى.
- ھوي ئاداش، ئۇ بالا كىم..؟
- ئۇ مېنىڭ شاگىرتىم ئاداش..
- شاگىرتىم دە، شاگىرىت ئالىدىغان بوپسەندە..
- ھەل شاگىرىت بولمىسا سەل جاپا چېكىپ قالىدىكەن ئاداش، سەنمۇ شاگىرىتتىن بىرنى ئېلىۋال. خېلى ئىشلاردىن قۇتۇلۇپ قالىسەن.
-بۇمۇ بولىدىغان گەپ.
ئاداش مەنمۇ تازا زېرىكىپ كېتىۋاتقان ئىدىم. ھازىر سەل خېرىدارمۇ يوق ،  سېنى بولسىمۇ كۆرۈپ خوش بوپ قالدىم.  قانداق ئەھۋالىڭ ياخشىدۇ.
- ھەر ھالدا يامان ئەمەس،
يۈرە تالاغا چىقىپ شۇ يەردە پاراڭلىشىمىز، دۇككاندا ئولتۇرۇرىۋېرىپ ئىچىم پۇشۇپ كەتتى.
- يۈرە ئەمىسە.
غېنى بىلەن سىرىتقا چىقتۇق. غېنىنىڭ دۇككىنىڭ قېشىدا بىر سوغۇق ئىچىمك چىقرىدىغان بىر چوڭ دۇككان بوپ،ئىچىدە ئىچىملىكلەرنى ئىچىدىغان ئورۇندۇقلار كۆپ ئىدى. بۇ يەرنىڭ سودىسىمۇ ياخشى ئىدى. بۇ يەردە ھەر چىرايلىق قىزلارمۇ كېلىپ سۈت، ماروژنى، دوغ دىگەندەك نىمىلەرنى ئىچىپ كېتەتتى. غېنى ئۇدۇللا مېنى بۇ يەرگە باشلىدى.
كىرىپ بىر ئورۇندا ئولتۇرردۇق، ئاداش، چىرايلىق قىزلارنى كۆرۈپ ئولتۇرغاچ ئىچىملىك ئىچىش بەك پەيزى دەپ كۈلۈپ قويدى غېنى.
-نىمە ئىچىسەن ئاداش،
- دوغ ئىچەي.
ساراڭمۇ ، ئوڭمۇ..؟
ساراڭ.
غېنى دوغدىن ئىككى قاچا بۇيرۇتۇپ قويۇپ  ئەمدى ماڭا قاراپ گەپ قىلىشقا باشلىدى.
- سەن بىلەن تازا تۈزۈك مۇڭدىشالمايۋاتىمەن ئاداش. سېنىڭ دىيەلمەيۋاتقان نۇرغۇن گەپلىرىڭ بار، ئۇلارنىڭ ھېچقايسىسىنى دېيىشكە ئالدىراپ كەتمەيسەن، قانداق ئىش بولسا دەۋەرگىن،  ساڭا يەنە ياردىمىم تىگىپ قالسا ئەجەپ ئەمەس، قاچانلا قارىسا بۇنداق چىرايىڭ سۇلغۇن تۇرسا، سېنى كۆرۈپ مېنىڭمۇ كۆڭلۈم يېرىم بوپ كېتىدىكەن.
ماقۇل ئاداش، ئەمىسە دەپ بېرەي. غېنىغا يەنە ئالىمنىڭ ئىشلىرىنى سۆزلەپ بەردىم، ئۇنىڭ گۈلچېھرەنىڭ ئاچىسى بىلەن كۆرۈشكەنلىكىنى ، گۈلچېھرەنىڭ ئاچىسىغا نىمىلەرنى دىگەنلىكىنى، ئۇنىڭ قانداق پىلاننى سوقىۋاتقانلىقى توغرۇلۇق ھەممىنى سۆزلەپ بەردىم. گەپلىرىمنى ئاڭلاپ يەنە چىرايى تۇتۇلۇپ ئاچچىغى كەلدى.
-ئاداش، سېنىڭ ئىشلىرىڭ راستىنلا تېخىدىنمۇ مۇرەككەپ بوپ كېتىىۋېتىپتۇ. سېنىڭ ئىشلىرىڭنى ئاڭلاپ مېنىڭ بېشى ئاغرىپ كەتتى. سەن قانداق چىداۋاتقانسەن،سەن گۈلچېھرەنى شۇنداق ياخشى كۆرىسەن شۇنداقمۇ..؟
-شۇنداق!
-ئۇنىڭدىن ئايرىلىپ  كېتىشنى پەقەتلا ئويلاپ باقمىدىڭ ..؟
- ھە، پەقەتلا ئويلاپ باقمىدىم.
- مانا ئەمەسمۇ ئاداش، دۇنيادا سەندەكمۇ ئادەملەر باردە، ئۇنىڭ ئۆيدىكىللىرى، تۇققانلىرى قوشۇلمىسا، ئاچىسىنىڭ ئەشۇنداق گەپلىرىنى ئاڭلىساڭ، باشقىلاردىن تاياق يەپ يۈرسەڭ، ئالىمنى ئۆزۈڭگە دۈشمەن قىلىپ يۈرسەڭ، ئەشۇ گۈلچېھرە سېنىڭ شۇنچىلىك قىلىپ كېتىشىڭگە ئەرزىمدۇ. ئايرىلىپلا كەتسەڭ بولمامدۇ دەيمەن، جاھاندا قىزلار ئازدىكىدەك شۇنىڭغىلا ئېسىلىۋالىسەن. كېيىن يەنە نىمە ئىشلار بولىدۇ بۇ تېخى نامەلۇم، ئەشۇ گۈلچېرە سېنىڭ مۇشۇنداق قىلىشىڭغا ئەرزىمدۇ.
-  ئۇنى شۇنداق ياخشى كۆرىمەن ئاداش،ئۇنىڭغا شۇنداق كۆنۈپ قاپتىمەن. ئۇ بولمىسا ئەڭ مۇھىم نەرسەم يوقتىكىدەك بولۇپ قالىدىكەنمەن.
- ئەخمەق، بىر قىزنىمۇ ئەشۇنداق ياخشى كۆرۈپ كەتكەن بارمۇ،ماۋۇ قانداق زامان دىمەي سەنمۇ بىر قىزنى ئەشۇنداق ياخشى كۆرىۋالدىڭ. ھازىرقى زامان سېنىڭ سېنىڭ كۆڭلۈڭدىكى مۇھەببىتىڭنى كۆتىرەلەيدىغان، ھەم ئۇ مۇھەببىتىڭگە چۇشلۇق ساڭا ۋاپاردارلىق قىلىدىغان زامان ئەمەس، بۇ زاماندا ئۆزىدىكى مۇھەببەتنى بىرەرسىگە ئۇنداق ئالدىراپ بېرىۋەتمىگۈلىكتى ئاداش.
-بولدى قىلە ، سەنمۇ ماڭا تەنبىھ بەرگىلى تۇردۇڭغۇ،  سەن بىلەن پاراڭلىشپ كېلەي دېسەم مۇشۇنداق گەپلەرنى قىلامسەن.
- ياق ئاداش سېنىڭ ئىشلىرىڭغا مېنىڭ ئاچچغىم تۇتىۋاتىدۇ. سەن گۇيمۇ گۈلچېھرە ،گۈلچېھرە دەپلا ئۆتىدىكەنسەن، بىزدەك دوسلىرىڭ ئېسىڭگە كېلىپمۇ قالمايدۇ.
-نەدىكىنى ئاداش، گۈلچېھرەغۇ شۇنداق دېسۇن، ئەمدى سەنمۇ شۇنداق دەمسەن..؟ئۇنداق ئىش يوق،دوس دىگەن ئۆمۈرلۈك بولىدۇ. لېكىن مۇھەببەت ، ئالىدىغان خوتۇن ئۆمۈرلۈك بولامدۇ ياكى قولدىن قەپەستىن ئۇچۇپ چىكەتكەن قۇشقا ئوخشاش ئۇچۇپ كېتەمدۇ كىم بىلىدۇ. شۇڭا ھازىرچە شۇ گۈلچېھرەنىڭ غېمېنى قىلىپ تۇردۇم. سېنى يا گۈلچېھرەگە ئوخشاش بىرسى ئاقىچىپ كېتىمەن دىمىسە غېمىم شۇڭا ھاىر گۈلچېھرەدە بولىدۇدە ئاداش،سېنىمۇ بىرسى ئاقىچىپ كېتىمەن دېسە ئۇنىڭ كەينىدىن قوغلاپ بارغىنىم بارغان .
غېنى گېپىمنى ئاڭلاپ كۈلۈپ كەتتى.
-قىززىق گەپلەرنى قىلىپ قويىسەندە ئاداش، ھېچكىم ساڭا ئوخشاش بۇنداق گەپلەرنى قىلالمايدۇ. بولدى ھازىر قانداق قىلماقچى بولىۋاتىسەن..؟
غېنىغا گۈلچېھرەنىڭ ئاچىسىنىڭ ئاغزىنى ئېتىش پىلانىمنى ، گۈلچېھرەنىڭ ئاچىسىنى ئاغزىنى ئەتمىسەم ئىشلارنىڭ تېخىمۇ يامانغا يۈزلىنىپ كېتىدىغانلىقىنى بىر قۇر چۈشەندۈردۈم.
مۇنداق ئىشمىتى دېدى غېنى بىر ئاز تۇرىۋالغان پېتى.
- گۈلچېھرەنىڭ ئاچىسىنى دائىم تۇرمۇشىدىن رازى بولماي يولدىشىدىن ئاغرىنىپ تۇرىدۇ دېگىن.
- ھە شۇنداق.
گۈلچېھرەنىڭ ئاچىسىنىڭ يولدىشىچۇ نىمە ئىش قىلىدىكەن.
ئۇ  بىر شوپۇر ئىكەن. ئۈرۈمچىگە ئاپتوبۇس ھەيدەيدىكەن. بەزىلەردە كۈنلەپ ئۆيگە كىرمەي قالىدكەن.
-ھە مۇنداق دىگېن دېدى غېنى كۈلۈپ كېتىپ.
- نىمىگە كۈلىسەن ..؟
-نىمىگە بولاتتى ئاداش ، ئېرى ئۆيدە تۈزۈك ئولتۇرماي خوتۇنىنىڭ ھاجىتىدىن چىقىپ ئۇنى تۈزۈك رازى قىلالمىغاچقا ئۇ خوتۇن دائىم يولدىشىدىن ئاغرىنىپ يۈرۈيدىكەن ، ئۇزۇن يولغا ماڭىدىغان شوپۇرلارنىڭمۇ ئۆيگە ئەكىرىدىغان پۇلى بەك ئاز بولمىسىمۇ ئۇ خوتۇن يولدىشىنى كۆرمەي ئۆزى يالغۇز ئۆيدە ئولتۇرۇپ زېرىكىپ، كۆزىگە باشقا دوسلىرىنىڭ كۈنلىرى شۇنداق ياخشى ئۆتكەندەك بىلىنىپ كېتىپ، يولدىشى ئۆيگە ئەكىرگەن پۇل كۆزىگە تېخىمۇ ئاز كۆرىنىپ شۇڭا دائىم تۇرمۇشىدىن ئاغرىنىپ يۈرگەن گەپ.
- بەلكىم شۇنداقتۇ،ئۇنداق بولسا نىمە بولماقچى ئاداش...؟
- سېنىڭ كاللاڭ يامان ئىشلەيدۇ دىسەم، ئۇنداق بولسا نىمە بولماقچى دەيسەنغۇ..؟ گۈلچېھرەنىڭ ئاچىسىنى ئەيمەندۈرىدىغان، تىلىنى تۇتۇلدۇرىدىغان سەۋەپتىن بىرسى چىقىدىغان بولدى. سەن گۈلچېھرەنىڭ ئاچىسىنىڭ ئۆيىنىڭ نۇمىرىنى ئۇققىن ئاندىن ماڭا دەپ بەر، قالغان ئىشنى مەل ھەل قىلىمەن.
- قانداق ھەل قىلىسەن..؟
گۈلچېھرەنىڭ ئاچىسى بىلەن مەن تونۇشۇپ قوياي دەيمەن، تونۇشقاندىن كېيىن گۈلچېھرەنىڭ ئاچىسى بىلەن ئوتتىرىمىزدا بەزەن گەپلەر بولىدۇ. شۇنداق قىلىپ سەن بۇنى كېيىن يۈزىگە سالىسەن. مانا شۇنداق ئاددى ئاداش..
- ۋوي ماڭە ئاداش، ئۇنداق قىلساق قانداق بولىدۇ.
- قانداق بولاتتى ئاداش، گۈلچېھرەنىڭ ئاچىسىنى قورقۇتىدىغان .ئەيمەندۈرىدىغان بىر سەۋەپ تاپىمەن دەۋاتتىڭغۇ، بۇنىڭدىنمۇ ئوشۇق سەۋەپ بولامدۇ..؟بۇنىڭدىن باشقا ئامال يوق.
غېنىنىڭ گېپىنى ئاڭلاپ تۇرۇپ قالدىم. غېنى تۇرۇپ قالغىنىمنى كۆرۈپ نىمە بولدى ئاداش، باشقىلار سېنى نىمىلەرنى دېمىدى، سەن ئەمدى ئۇنىڭ بىر ئاجىزلىقىنى تېپىپ ئۇنىڭ بۇرنىغا ئازراق سۇ كىگۈزۈپ قويساڭ نىمە بوپتۇ.
تېخى ئۇ خوتۇن مەن دىگەندەك مەن بىلەن تونۇشسا بىر گەپ، بولمىسا بۇ پۇرسەتمۇ يوق ساڭا،مۇشۇنداق قىلىپ باقايلى دېدىم. بۇ ئىشلار تېخى دىگىنىمىزدەك بولسا ، بولمىسا يەنە سېنىڭ گۈلچېھرەنىڭ ئاچىسىنىڭ ئاغزىنى يۇمدۇرىدىغان خىيالىڭ يەنە بەربات بولىدۇ.  يا گۈلچېھرەدىن ئايرىلىپ كەت .
-ياق ئاداش .
ئەمىسە نىمىگە تۇرۇپ قالىسەن،ئالىيجاناپ بولما بولدى. باشقىلار سېنى ئالىيجاناپ ياخشى دىمىسە سەن بەرىبىر قانچە ئالىيجاناپ بولغىنىڭ بىلەنمۇ ئۇلارنىڭ نەزىرىدە بەرىبىر رىمونىتچى  قاسماق سەن ئاداش، ھەرگىز ئۇلار ئېزىپ قېلىپ سېنى بۇ بالا ياخشىكەن دىمەيدۇ.
غېنىڭ ئاۋازى گەپ سۆزلىرى خۇددى چوڭ ئادەملەرنىڭكىدەلا چىقاتتى. چىرايىمۇ چوڭ ئادەملەرگە ئوخشاش چوڭ سۈپەت ئىدى. ئۇنىڭ گەپلىرىنى ئاڭلاپ بەزىدە ئۇنى ئۆزۈمنى ئاكىسىدەك ئويلاپ قالاتتىم.غېنىنىڭ گەپلىرىنى ئاڭلاپ تۇرۇپ قالدىم. غېنىنىڭ سۆزلىرىمۇ توغرا ئىدى.
ماقۇل ئەمىسە ئاداش بوپتۇ شۇنداق قىلايلى.
-ھە مانا بۇ گېپىڭ بولدى. ئەمدى ئىشلارنى ھەل قىلسام مېنى مېھمان قىلىسەن جۇما ...
-ماقۇل ئاداش،
-بوپتۇ، گۈلچېھرەدىن ئۇنىڭ ئاچىسىنىڭ نۇمىرىنى سورىغىن ئەمىسە.
-ھازىر گۈلچېھرە ئىشلەۋاتىدۇ. تېخى ئىشتىن چۈشمىدى. مەن ئۆيگە بېرىپ سورىغاندىن كېيىن ساڭا دەپ بېرەي ئەمىسە ئاداش.
غېنى بىلەن شۇ تەرىقىدە گەپلەرنى قىلىشىپ ئۇ يەردىن چىقىپ ئۆيگە قايتىپ كەلدىم.
گۈلچېھرەدىن ئاچىسىنىڭ نۇمىرىنى ئۇقۇش ئۈچۈن ئۇنىڭغا تېلفۇن قىلماچقى بولدۇم. ئەمدى ئۆيگە كەلگەندىن كېيىن غېنىنىڭ گەپلىرى بىر-بىرلەپ كاللامدىن ئۆتتى. توغرا بۇلار مېنى نىمىلەرنى دىمەيدۇ ھە،مەن نىمىشقا بۇلارنى ئايىغۇدەكمەن. مەنمۇ گۈلچېھرەنىڭ ئاچىسىنىڭ ئاجىزلىقىنى تۇتىۋېلىپ ئۇنىڭ ئاغزىنى يۇمدۇرىشىم كېرەك.
شۇنداق دىگىنىمچەگۈلچېھرەگە تېلفۇن قىلدىم.
-ۋەي، ئىشتىن چۈشتۈڭمۇ..؟
ھە، ئىشتىن چۈشتۈم. ئۆيگە كەلگىلى ئاز قالدىم.
- ئاچاڭنىڭ ئۆيىنىڭ تېلفۇن نۇمىرىنى دەپ بىرە.
- نىمە قىلىسىز ئاچامنىڭ تېلفۇن نۇمىرىنى.
-دەيدىغان گەپ بار، ئىككىمىز توغرۇلۇق.
-نىمە دەيدىغانلىقىڭىزنى دەپ بېرىسىز، ئاندىن دەپ بېرىمەن.

داۋامى بار....

ziyali

دىلو ھەجەپ مۇرەككەپلىشىپ كەتتا
ئەمدى قانداق بولاركىن.
غېنى ئوغرى مۇۋاپىقىيەت قازاندى،ئاچىسىنىڭ ئاغزى يۇمۇلدىمۇ دەيلى
ئالىم دىگەن گۇينىڭ ئېغىر بېسىقلىقى بىلەن ئۇنداق ئاسان بولدى قىلمايدىغاندەك.

سورىۋالاي راسىت
يېزىپ بولغان ھىكايىمۇ ياكى قانچىلىك كاللىڭىزغا كەلسە شۇنچىلىك يېزىۋاتامسىز؟
يېزىۋاتقان ھىكايە بولسا قالايمىقان ئىنكاسلىرىمىز ھىكايىنىڭ ئاخىرىغا تەسىر يەتكۈزۈپ قويماس ھە.

taxwix

كاللامغا قانچىلىك كەلسە  ئولتۇرۇپ بىر-بىر  يېزىۋاتقان ھېكايە..يېزىپ بولغان بولسام بىراقلا يوللار بولغىيتىم. ئىنكاسلار ھېكايىگە بەكمۇ تەسىر كۆرسىتىپ كەتمەيدۇ. كاللامدا قانداق ئاخىرلاشتۇرۇش پىلانى بار. ئىنكاسلار پەقەت ۋەقەلىك ئۆزگۈرىشىگە تەسىر كۆرسىتىشى مۇمكىن. لېكىن ئاخىرلىشىش پىلانىغا تەسىر يەتكۈزمەيدۇ.
زىيالىغا رەھمەت!

yamghur

ھەي ما پىلانىڭلار ئالامەت بوپتۇ جۇمۇ  ...غىنى بەك ئەققلىقكەن كاساپەت

taxwix

-نىمە توغرۇلۇق گەپ بولاتتى ئۇماق.  ئىككىمىز توغرۇلۇق بەزى بىر گەپلەرنى قىلىپ قوياي دەيمەن.
- شۇ نىمە دەيسىز ئېنىق دەپ بېرىڭ..؟
-ئاچاڭغا ئىككىمىزنىڭ ئىشلىرى توغرۇلۇق ، سېنى ئاسرايدىغانلىقىم توغرۇلۇق، سېنى ياخشى كۆرىدىغانلىقىم توغرۇلۇق سۆزلەيمەن، شۇنداق دىسەم ئاچاڭ ئازراق بولسىمۇ ئېرىپ قالار.
- ھە، بوپتۇ ئەمىسە، دەپ بىرەي.
گۈلچېھرە شۇنداق دىگىنىچە بىر نومۇرنى دەپ بەردى. كەينىدىنلا-:
-ئاچامغا چىرايلىق گەپ قىلىڭ جۇما، ئۇنىڭ بىلەن خاپا بولىشىپ يۈرمەڭ يەنە.
- ياق ، نىمە دەپ ئاچاڭ بىلەن خاپا بولىشىپ يۈرگۈدەكمەن،   چىرايلىق گەپ قىلىمەن ئۇماق.
- ياخشى گەپ قىلمىسىڭىز سىزدىن خاپا بوپ قالىمەن.
- ماقۇل، چىرايلىق گەپ قىلىمەن، ئەنسىرەپ كەتمىگىن.
- ماقۇل ئەمىسە كېيىن كۆرىشەيلى. مەن ئۆيگە ئاز قالدىم،خوش.
شۇنداق دەپ تېلفۇننى قويىۋەتتۇق.
گۈلچېھرەنىڭ ئاچىسىنىڭ نۇمىرىنى بىلدىم. ئەمدى غېنىغا تېلفۇن قىلىپ نۇمۇرنى دەپ بەرمەكچى بولۇپ غېنىغا تېلفۇن قىلدىم.
-ۋەي، ئاداش.
- ھە، ئاداش، گۈلچېھرەنىڭ ئاچىسىنىڭ تېلفۇن نۇمىرىنى ئۇقتۇم، ساڭا دەپ بېرەي.
- ھە دەپ بەرگىن ئاداش، كەچ تەرەپتە زېرىكىپ قالىمەن، شۇ ۋاقىتلاردا ئۇرۇپ باقاي قېنى..
- ماقۇل. يېزىۋال ئەمىسە..135.... راس ئاداش، ئاچىسىغا بىزنىڭ ئىشىمىزنى ھەرگىز بىلدۈرۈپ قويماسسە، ئۆزۈڭنىڭ مېنىڭ دوستۇم ئىكەنلىكىڭنىمۇ بىلدۈرۈپ قويماسسەن.
- ۋاي، شۇنچىلىك ئىشنىمۇ بىلدۈرۈپ قويامدىم، خاتىرجەم بولە.
- ماقۇل، ئۇ خوتۇننىڭ يەنە ئاغزى ئېچىلىپ كېڭىيىپ كەتكۈچە ئىتتىكراق تونۇشۇپ بولارسەن ئاداش.
- ماقۇل قېنى سىناپ باقاي،ئۇ خوتۇن بىز پەرەز قىلغىنىمىزدەك بولسىلا چوقۇم شۇنداق بولىدۇ.
- بولىدۇ ئەمىسە ئاداش، ئەتىگىچە كۆرىشەرمىز.

تېلفۇننى قويىۋېتىپ ئىشلارنىڭ قانداق ھەل بولۇش مەسلىسىنى ئويلىغاچ كوچىغا چىقتىم. يولدا كوچىدىكى سۇپىدا ئولتۇرۇپ يول بويىدىكى دەل دەرەخلەرگە قاراپ ئولتۇردۇم. مۇشۇ كەملەردە خىياللارنى تولا سۈرىدىغان بوپ قالدىم. قەيەرگە بارماي خىياللىرىم مېنى ئىگەللەپ كېتىدىغان بوپ قالدى. ھازىرقى ئىشلارنى قانداق ھەل قىلىش، كېيىنكى كۈنلەر شۇلار توغرۇلۇق خىيال سۈرۈش ماڭا ھازىر ئەڭ مۇھىم ئىشلاردىن بوپ قالدى. پۈتۈن ۋۇجۇدۇمنى ئۈمۈد ئارلاشقان كەلگۈسىدىكى  بەخىتلىك كۈنلەر بىلەن ئۇ كۈنلەرنىڭ ماڭا نىسىپ بولماي ماڭا تەتۈر قاراپ كېتىشكتىكى ئەنسىرىشىم ئىگەللەپ كەتكەن ئىدى. كەلگۈسىدىكى گۈلچېھرە بىلەن توي قىلىپ بىللە ئۆتىدىغان كۈنلىرىم ، شۇ كۈنلەر قوينىدا ئۆزۈمچە ياخشى ياشايدىغان ۋاقىتلارنى كۆز ئالدىغا كەلتۈررۈپ ئۆزۈمچە خوش بوپ كۈلسەم ، كەينىدىن ئالىم، گۈلچېھرەنىڭ ئاچىسى، ئۇنىڭ ئۆيدىكىللىرى كۆز ئالدىمغا كېلىۋالاتتىدە قاتتىق بىئارام بوپ كېتەتتىم. ئەنسىرەيتىم. ھازىر پۈتۈن ۋۇجۇدۇمنى ئەشۇ ئۈمۈد بىلەن ئۈمۈدسىزلىك ئىگەللەپ كەتكەن، مەن بۇ ئىككىسىنىڭ ئوتتىرىسىدا تالاشتا قالغان ئىدىم. مېنىڭ بەخىتلىك بولۇش بولماسلىقىم بىر دوغا تىكىلگەن ئىدى. قانداق بولۇشنى ھېچكىم بىلمەيتى. مېنىڭ تەقدىرىمنى بەزىلەر بىلىپ بىلمەي ئۆزگەرتەلەيتى، ئالىم،  گۈلچېھرەنىڭ ئۆيدىكىللىرى، ئەشۇلار ھەممىسى مېنىڭ بەختىمنىڭ بىر ئۇچىنى قولىدا تۇرۇپ تۇرالايتى. ئادەم دىگەن ئەنە شۇنداق، بەزىدە سېنىڭ تەقدىرىڭ، بەختىڭ سەن ياقتۇرمىغان ،سەن خالىمىغان ، سەن ئەزەلدىن ئويلاپ باقمىغان بىر ئادەملەرنىڭ قولىغا چۈشۈپ تۇرىدۇ. بەختىڭنىڭ بىر ئۇچىنى ھەممىسى قولىدا تۇتىۋېلىپ بىرى ئۇ يانغا تارتىپ بىرى بۇيانغا تارتىپ سېنى چۆرگۈلۈتۈپلا يۈرۈيدۇ. سەن ئۇنىڭغا كۆنۈپ كېتىسەن. يەنە ئەشۇ ئۈمۈد ئارلاشقا ئارزۇيۇڭ ئۈچۈن ئۇ  ئىشلارغىمۇ كۆنۈپ كېتىسەن. ئەشۇ ئارزۇيۇڭ ئۈچۈن بىر ئىشلارنى قىلىسەن. خۇددى ھازىرقى ماڭا ئوخشاش!

سىرىتتىمۇ خېلى ئۇزۇن تۇردۇم. گۈلچېھرە ھېچ بىر تېلفۇن قىلاي دىمەيدۇ. بۇنىڭغا يەنە نىمە بولغاندۇ دېگىنىمچە ئۆزۈم تېلفۇن قىلدىم،
تېلفۇن قىلسام تېلفۇننى بېسىۋەتتى. يەنە نىمە بولغاندۇ، ئاتا-ئانىسى بارمىدۇ ياكى يەنە باشقا بىر ئىشلار بولغاندىمۇ ..؟
شۇنداق خىياللارنى قىلغاچ ئۆيگە كىرىپ كەتتىم. ئۆيگە كىرىپ يېتىۋالدىم، بەك ئۇخلاپ قالماسلىقىم ئۈچۈن كىنودىن بىرنى قويۇپ كۆزۈمنى يۇمۇپ كىنونىڭ ئاچازىنى ئازراق چىقىرىپ قويغاچ، ياتقان پېتى  گۈلچېھرەنىڭ تېلفۇن قىلىشىنى ساقلاپ تۇردۇم. كىنوغا قاراپ ئاڭغىچە ئازراق ئۇيقۇغا كېتىپتىمەن. بىر ۋاقىتتا تېلفۇنۇم سايرىدى. گۈلچېھرە تېلفۇن قىپتۇ.
سائەتكە قارىسام ئون بىر يېرىم بولاي دەپتۇ. مۇشۇ ۋاقىتقۇچە نىمە ئىش قىلغاندۇ دىگىنىمچە تېلفۇننى ئالدىم.
-ۋەي، نىمانداق تېلفۇن ئالالمايسەن،
گۈلچېھرەنىڭ ئاۋازى ئاڭلانمايۋاتاتتى، ئۇنىڭ بوش ئۈنسىنغا دىمىقلىرى ئاڭلىنىپ تۇراتتى.  يەنە ئۆيدە بىر گەپ بولغانلىقى ئېنىق ئىدى.
-ۋەي، نىمە بولدۇڭ، گەپ قىل.
- ئاچام،..
-ئاچاڭ نىمە بوپتۇ ، يەنە بىر گەپلەرنى قىلغان ئوخشىمامدۇ..؟
- ئاچام، ئانامغا دەپتۇ.
- نىمىنى دەپتۇ..؟
- ئالىمنىڭ گەپلىرىنى دەپتۇ.
- ئاچاڭغا ئالىمنىڭ گەپلىرىنى ئۆيدىكىلەرگە دىمە دىگەن ئىدىڭغۇ، بىردەمدە دەپ بوپتۇما..؟
- شۇ دىمە دىگەن، شۇنداق دىسەممۇ ئاڭلىماپتۇ. ئانامغا دەپتۇ.
ماۋۇ خوتۇننى، ئاغزى نىمە دىگەن ئىتتىك ھە، ئاغزىنى يۇمدۇرىدىغان ئامال ئۈستىدە ئەمدى ئويلىنىپ، بىر ئىشلارنى قىلىۋاتساق بىردەمدە ئانىسىغا دەپ بولغىنىنى، يا ئاللا نىمانداق يامان خوتۇندۇ بۇ..ئەشۇ گەپلەر پەقەتلا ئىچىدە پاتماي قاپتۇدە بۇ خوتۇننىڭ، نىمانچە سىڭلىسىغا ئەر تېپىشقا ئالدىرايدىغاندۇ بۇ خوتۇن.
- ئىشلار تېخىمۇ يوغىناپ كېتىپتۇدە، ئاناڭ نىمە دەيدۇ دېدىم يەنە ئاچچىغلىرىم كەلگەن ھالدا.
- ئاناممۇ ئاچامغا ئوخشاش گەپلەرنى قىلدى. ئەتىگەننىڭ يازى بېرى ئانام بېشىمدا تۇرىۋېلىپ سۆزلىدى.
-داداڭ بىلمىگەندۇ..؟
- ياق دادام ئۇ ئىشلارنى ئاڭلىسا خاپا بولىدۇ. مەندىن خاپا بولىدۇ. دادام مېنى ئۇنداق باشقىلار بىلەن ئالدىراپ مۇھەببەتلەشمەيدۇ دەپ قارايدۇ.
-شۇنى دەيمەن، ئاچاڭ يەتمىگەندەك، ئەمدى ئاناڭ بىلىپ ئاناڭمۇ قېتىلىپتۇ. داداڭمۇ بىلىپ قالمىسۇن دەيمىنا..
- نىمانداق گەپلەرنى قىلىسىز..؟ مۇشۇنداق ۋاقىتتىمۇ ئەشۇنداق تەنە گەپ قىلامسىز..؟
-ھە بولدى، ئاچچىغىم كېلىۋاتىدۇ شۇ..ئاناڭ نىمە دەيدۇ..؟
- ئانام، ئاچامغا ئوىشاش دەيدۇ. مېنى سىزدىن ئايرىلىپ كەت دەۋاتىدۇ. سېنى نىمە دەپ ئوقۇتتۇق، سېنى ئالدىراپلا بىر رىمونىتچى تېپىۋالسۇن دەپ ئوقۇتقانمىتۇق..؟ نىمانداق كاللاڭ ئىشلىمەيدۇ سېنىڭ، ئۇنىڭدىن ئايرىلىپ كەت دەپ نۇرغۇن گەپلەرنى قىلدى.
نىمانداق ھەممىسى ماڭا قارشى چىقىدۇ، مەن نىمە گۇناھ قىلغان بولغىيتىم..
گۈلچېھرە شۇنداق دىگىنىچە يىغلاپ كەتتى.
ئۇنىڭ دىگەن گەپلىرىنى ئاڭلاپ مېنىڭمۇ ئەرۋاھىم ئۇچتى.غەزەپلىرىمدىن تىلىمغا گەپمۇ كەلمەيۋاتاتتى. ئۆزۈمنىڭ غورۇرى باشقىلار تەرىپىدىن ئەشۇنداق كۆزگە ئىلىنماي ئەشۇ گەپلەر چىقىتى .ئاچچىغىم شۇنداق تۇتىۋاتاتتى، ئىچىمدە غورۇرىم ھېچنىمىگە ئۇنىماي مەن خارلىنىپ قېلىۋاتىمەن دىگەندەك ماڭا تىغ كۆتۈرۈپ چىقىۋاتتى. شۇنداق تۇرسىمۇ ئۆزۈمنى تۇتۇپ تۇرىۋاتاتتىم. ئۆزۈمنى تۇتىۋالماي ئاچچىغىمغا ئەگىسىپ گەپ قىلسام گۈلچېھرەنىڭ تېخىمۇ كۆڭلى يېرىم بولاتتى. قەلبىمدە بۇدا مۇھەببەت بىلەن غورۇرۇم يەنە دوقۇرشىپ قالدى. لېكىن يەنىلا گۈلچېھرەگە بولغان مۇھەببىتىم ئۈستۈن كېلىپ غورۇرۇمنى بېسىپ تۇرىۋاتتى.  بۇ كۈنلەرمۇ ئۆتىدۇ. بۇ تۇنجىسى ئەمەس، يەنە چىداي، بۇ بېسىلىشنى بىر كۈنى كۈچكە ئايلاندۇرىمەن، ئۇ ۋاقىتتا ھەممە ئىش ئەسلىگە كېلىدۇ. بەخىتكە ئېرىشىش ئۈچۈن غورۇرنى بەزى ۋاقىتلاردا بىر يەرگە بېسىپ قويۇش كېرەك، بۇ پەقەت ۋاقىتلىق، پەقەت ۋاقىتلىق  دىگەندەك كاللامدا توختىماي پىرقىراۋاتقان توقۇنۇشلارغا جاۋاپ بېرىپ ئۆز ئۆزۈمگە تەسەللى بەردىم.

-نىمە تۇرۇپ قالدىڭىزغۇ..؟ نىمە بولدىڭىز..؟ گەپ قىلماي تۇرىۋالامسىز..؟
مۇھەببىتىم شۇنداق دىگىنىچە يىغلاۋاتتى.ئۇ مەندىن ئۆزىگە تەسەللى بېرىشنى كۈتىۋاتقان ئىدى. مۇشۇنداق ۋاقىتتا ئۆزۈمگە تەسەللى بېرىپ بولالماي ئاران تۇرسام ئۇ يەنە مەندىن ئۆزىگە تەسەللى ئىزدەيتى. ئۇ ئۆزىگە تەسەللى بېرىشنى پەقەت بىلمەيتى. دائىم مەندىن تەسەللى ئىزدەيتى. مەن ئۆزۈمگە تەسەللى بېرىپ بولالماي كاللام پىرقىراپ كېتىۋاتسا گۈلچېھرەگە تەسەللى بەرگۈدەك ئەھۋال نىمە قىلىدۇ. بىراق ئۇ بۇنى چۈشەنمەيتى. چۈشەنگۈسىمۇ يوق ئىدى. ئۇ ئەشۇ ئاددى كاللىسى بىلەن مېنىڭ جېنىم مۇھەببىتىم، ماڭا ھەرقانداق ۋاقىتتا تەسەللى بېرەلەيدۇ دەپ ئويلايتى. ئەگەر دەل ۋاقتىدا تەسەللى بېرەلمىسەم ئۇنىڭ قورقۇنچى تېخىمۇ كۈچىيىپ ھەممە ئىشتىن ئۈمۈدى ئۈزۈلگەندەك بولاتتى. كېيىنكى ئىشلارغا ئۈمۈد كۆزى بىلەن قارىيالمايتى.

داۋامى بار....

taxwix

مەن بولسام ئۇنىڭغا ھەردائىم ھەر ۋاقىت ئۈمۈد ئاتا قىلىمەن، ئۇنىڭ ئۈمۈدسىزلىنىپ كېتىشىگە يول قويمايمەن ، ئۇنىڭ ئۈمۈدسىزلىنىشىىنى كۆرمەيمەن دەيتىم. دائىم مۇشۇنداق بولغان ۋاقىتلاردا مەن يەنە قانچە چارچاپ كېتىشىم بىلەنمۇ ھېساپلاشماي ئۇنىڭغا ئۈمۈد ئاتا قىلىمەن دەيتىم. ئۇنىڭ ئۈمۈدسىز ھالەتكە كېلىپ قېلىپ قورقىشى مېنىڭمۇ قورقىشىمنى، ئەنسىرىشىمنى كەلتۈرەتتى. كۆڭلۈمدە ھامان ھەقىقىي مۇھەببەت دىگەن،  ئىككى ئادەمنىڭ تەڭ يۈرىكىنىڭ سوقۇشى، يۈرىكىنىڭ تەڭ تۇيۇشى، يۈرىكىنىڭ توختىماي بىر-بىرسىنى پىچىرلاپ تۇرىشى دەپ  چۈ شىنەتتىم. ئۇنىڭ قورقۇنۇشى ئەمىلەيەتتە ئەتراپتىكى مۇھىتقا نىسبەتەن بەكمۇ توغرا ئىنكاس قايتۇرۇش بولمىسىمۇ مەن ئۇنى توغرا چۈشىنەتتىم. ئۇنىڭ راستىنلا مۇشۇنداق بىر قورقۇنچاق قىز ئىكەنلىكىگە ئىشىنەتتىم. ئۇ بۇ قورقۇنچاقلىقنى قەستەن قىلمايتى، مەن ئۇنىڭ راس قورقۇپ كېتىۋاتقانلىقىغا ئىشىنەتتىم. ئۇ قانچە قورقۇنچاق بولغانسىرى مەن ئۇنى تېخىمۇ ياخشى كۆرىدىغانلىقىمنى ئۇنىڭغا تېخىمۇ ياردەم قىلىش كېرەكلىكىمنى ھېس قىلاتتىم.
ھەرقانداق ۋاقىتتىكى ئىچىمنىڭ كۈچلۈكلىكىدىن ھەرقانداق بىر خىيال كاللامغا كېلىدىغان.ھەتتا ئىچىمنىڭ كۈچلۈكلىكىدىن كاللامغا دەسلەپتە ئالىمنى ئۆلتىرىۋېتىش ئىستىكىگە ئوخشاش بىر خىيالى تۇيغۇنىڭ كېلىپ يۈرىكىمنى تىلغان ۋاقىتلاردىكى ئەشۇ دەقىقىلەردىكى ئازاپ تۇيغۇللىرىممۇ  پەقەت قەلبىمدىكى مۇھەببەتىنىڭ ئالدىدىلا، بارا-بارا خىرەلىشىپ ئۆزىنى يوقۇتۇپ قوياتتى. شۇنداق مېنىڭ ئىچىمنىڭ كۈچلۈكلىكى ماڭا ھاياتىمدا قىلىدىغان نۇرغۇن ئىشلارنى بەلگۈلەپ بەرسە ئەڭ ھالقىلىق پەيىتتە بۇ بەلگۈلەپ بېرىش ھوقۇقىنى مۇھەببەتكە تارىتقۇزۇپ قوياتتى.پەقەت ئامال بولمىغاندا ئاندىن ئەقلىمنى چىقىراتتىم.
مەندە ، مۇھەببەتمۇ، ئىچىمنىڭ كۈچلۈكلىكى (يەنى غەزەپ نەپرە)مۇ،ئەقىلمۇ بار ئىدى.
مەن بۇلاردىن گۇمان قىلمايتىم. مۇھەببەت، نەپرەت، ئەقىلنى كۆڭلۈمدە ئەركىن ئازادە قويۇپ بېرەتتىم. دۇنياغا ئەڭ ئاۋال قەلبىمدىكى بۇ ئۈچ تاللاش يولىدىن بىرنى مەڭگۈلۈك تۇتقا قىلىپ شۇنداق قارايمەن دىمەيتىم. يەنىلا ئۈچىلىسى تەڭ بولغاندىكى قەلبىمدە، يۈرىكىمدە، تەڭ بىخ سۈرسۈن دەپ ئەركىن قويۇپ بېرەتتىم.
دەل مۇشۇ ۋاقىتتا مەن بۇلارنىڭ ئەڭ ھالقىلىق ، جىددى پەيىتلەردە بىرىنجى بوپ مۇھەببەت زايىر بولىدىغانلىقىىنى، كۆپ نورمال ۋاقىتلاردا ئىچىمنىڭ كۈچلۈكلىكى نەپرىتىم ھۆكۈمرام ئورۇندا تۇرىدىغانلىقىنى، پەقەت ئامال بولماي ، ئەمدى يول قالمىغانلىقىنى جەزىملەشتۈرگەن ۋاقتىمدا ئەقلىمنىڭ ھۆكۈمران ئورۇنغا ئۆتىدىغانلىقىنى بايقاپ قالدىم.
- نىمە بولدى، گەپ قىلمامسىز دەيمەن، گاس بوپ قالمىغانسىز،، گۈلچېھرە شۇنداق دىگىنچە ئاچچىغلانغا ھالدا تېخىمۇ كۈچەپ يىغلاپ كەتتى.
ئۆزۈمنى ئاران تەستە توختۇتۇپ گەپ باشلىدىم.
ئاناڭ شۇنداق دېدىما..؟ ئاناڭمۇ ئالىمغا ئوخشاش بىر بايۋەتتچىنىڭ گېپىنى ئاڭلاپ، سېنى مەندىن بۇرۇنقىغا قارىغاندا تېخىمۇ چىڭراق قىلىپ ئايرىلىپ كەت دىگىلى تۇرۇپتىدە، مەيلى مەن شۇنداق بولىشىنى پەرەز قىلىپ بولغان ، بولغۇلۇق بولدى.
شۇنداق بولسىمۇ ئەمدى ئاناڭنىڭ گېپىنى ئاڭلاپ ئۇنداق قورقۇپ كەتمە، ئانا دىگەن ئەشۇنداق دەپ قويىدۇ، ئۇنداق قورقۇپ كەتمە  ئۈمۈدلۈك بول..
شۇنداق دىگىنىمچە بارلىق ئىشلارنى كەينىگە قويۇپ تۇرۇپ مۇھەببىتىمگە ئۆزلىكىمدىن تەسەللى بەردىم.

-نىمىشقا قوشۇلمايدۇ تايىر، ئاناممۇ قوشۇلمايدۇ، ئاچاممۇ قوشۇلمايدۇ، تۇققانلىرىممۇ قوشۇلمايدۇ، دادامغۇ بىلمەيدۇ دادامنىڭمۇ قوشۇلماسلىقىدىن بەك ئەنسىرەيمەن جېنىم تايىر، دۇنيادا ماڭا ھەممىدىن بەكرەك دادام ئىشىنەتتى، مېنى ئاسرايتى، بۇ ئىشلارغا دادامنىڭ قوشۇلماسلىقىدىن ئەنسىرەيمەن جېنىم تايىر..ھۈ..ھۈ..ھۈ.
مۇھەببىتىم شۇنداق دىگىنىچە يەنە توختىماي يىغلايتى.

-بولدى، جېنىم گۈلچېھرە، ئۇنداق قورقۇپ كەتمە، ھەممىسى قوشۇلىدىغان بولىدۇ، سەن ئۇنداق قورقۇپ كەتمە جېنىم، توي دىگەننى سەن قىلىسەن، ئۇلار ساڭا شۇنداق ئامراق بولغاندىكىن ، سېنىڭ توي ئىشىڭنى  ئۆزۈڭ  تاللىشىڭغىمۇ ھۆرمەت قىلىدۇ، ئۆزۈڭ تاللىساڭمۇ ئۇلار سېىنى يەنىلا يېقىن ئادىمىدەك بىلىدۇ جېنىم گۈلچېھرە..ئۇنداق قورقۇپ كەتمە، ئۇلارنىڭ سېنى مەندىن ئايرىلىپ كەت دىگىنى ھەرگىز سەندىن ئۈمۈدسىزلەنگەنلىكى ئەمەس جېنىم ،بولدى ئۇنداق ئويلىۋالمىغىن،
-شۇنداق بولارمۇ جېنىم..؟
- چوقۇم شۇنداق بولىدۇ، سەن ئۇنداق ئەنسىرەپ كەتمىگىن، قورقۇپ كەتمىگىن ئۇماق.
يەنە شۇنىڭغا ئوخشاش ياخشى گەپلەرنى قىلىپ گۈلچېھرەنىڭ قورقۇنۇشىنى ئازراق بولسىمۇ بېسىقتۇردۇم.
- سىز مېنى شۇنداق ياخشى كۆرەمسىز جېنىم تايىر،
-ھە مەن سېنى شۇنداق ياخشى كۆرىمەن جېنىم.
- كېيىن مۇشۇنداق ۋاقىتلار بولۇپ قالسا، ئۆيدىكىلەر مېنى تىللىسا سىز مېنى ھازىرقىگە ئوخشاش ئاسرارسىزمۇ جېنىم تايىر،
-ئاسرايمەن ئۇمىقىم..
گۈلچېھرە گەپلىرىمنى ئاڭلاپ يىغىسىنى بارا-بارا توختاتقىلى تۇردى. ئۇنىڭ يىغىسىنىڭ تۈگىگەنلىكى ئۇنىڭ ئۈمۈدسىزلىنىپ كېتىش باسقۇچىغا يېتىپ بارماي يەنە يېنىپ كېلىۋاتقانلىقىدىن دىرەك بېرەتتى. ئەمدى ئارىدا پات-پات بىر مىشىلداپ قويۇپ پاراڭ گەپ قىلىۋاتقان ئىدى.
- سىز نىمىشقا بۇنداق بولىسىز..؟
- مەن قانداق بوپتىمەن جېنىم..؟
- سىز نىمىشقا شۇنداق بەلەن، لېكىن باشقىلارغا ياخشىدەك تەسىر بەرمەيسىز...؟ نىمىشقا شۇنداق بوپ قالىسىز..
- ئۇماق، باشقىلارغا ياخشى تەسىر بەرمەيۋاتقىنى مەن ئەمەس، ئەشۇ پۇلنىڭ كاللىغا تەسىر قىلىشى. ھازىر ھەممىدىن بەكرەك پۇل مۇھىم ئورۇنغا ئۆتكەندىكى شۇنىڭ ئىشى شۇ...
- سىزنىڭ نىمىشقا جىق پۇلىڭىز بولمايدىغاندۇ ھە جېنىم،،شۇنداق بوپ قالسا نىمە دىگەن ياخشى بولاتتى. كۆپ پۇلىڭىز بولسا ھېچكىم ھېچنىمە دىيەلمىسە، ئىككىمىز خۇشال خۇرام ياخشى ياشىساق ھە..
گۈلچېھرەنىڭ بۇ گېپى ئەنسىرەشلىرىمنى، قورقۇنۇشۇمنى تېخىمۇ ئەۋجىگە كۆتىرىۋەتتى. ئۇنىڭ بۇ بەلكىم ھاياتىدىكى ئەڭ چوڭ ئارزۇسىدۇ، مېنىڭ كۆپ پۇلۇم بولغان بولسا، ھېچكىم بىزنى ئايرىلىپ كېتىڭلار دىمىسە، باشقىلارنىڭ ئالدىدا ياخشى ئىناق تۇرمۇش كەچۈرسەك، بۇ ئۇنىڭ ئەڭ چوڭ ئارزۇسىدۇ، بىراق بۇ ئارزۇسى مېنىڭ ئەنسىرىشىمنى تېخىمۇ كۈچەيتىۋەتتى. ھەر ئادەمنىڭ ئارزۇسى ئۇنىڭ قەلبىدىكى قورقۇنۇچقا باغلىق، ئۇنىڭ قەلبىدىكى قورقۇنۇىچ قانچە چوڭ بولسا ئۇنىڭ ئارزۇسى شۇنچە كۈچلۈك بولىدۇ، ئېنىق بولىدۇ. دائىرسى شۇ ئادەمنىڭ كاللىسىدىكى  ھېچ بولمىسا شۇنداق بىر كۈنلەرمۇ مۇشۇ كۈنلەرمۇ بولۇپ قالىدۇ دىگەن دۇنيا قارىشىنىڭ ئىچىدە بولىدۇ.
دۇنيادىكى ئەڭ ئۇلۇغ ئارزۇ، ئەمىلىيەتتە دۇنيادىكى ئەڭ ئۇلۇغ قورقۇنچاقلىقتىن باشلىنىدۇ.
ئۇنىڭ بۇ ئارزۇسى ئەمىلەيەتتە بەكمۇ چەكتىن ئېشىپ كەتكەنلىك ھېساپلانمايتى.

- مېنىڭمۇ پۇلۇم بولىدۇ جېنىم، كۆپ پۇلۇم بولىدۇ. لېكىن شۇنى ئۇنۇتما ئۇماق،  ئەڭ مۇھىم ئىش پۇلدا ئەمەس، ئىككىمىزنىڭ بىر-بىرسىگە بولغان مۇھەببىتىدە سەن بۇنى ئۇنتۇپ قالمىغىن ئۇماق...ئاناڭنىڭ، ئاچاڭنىڭ گەپلىرىنى بەك كاللاڭغا ئېلىۋالما، تۇرمۇش ئەشۇ پۇل بىلەنلا ياخشى ئۆتۈپ كەتمەيدۇ. ئۇلار ئەشۇنداق سۆزلىسە راس شۇنداق ئوخشايدۇ دەپ ئويلاپ قالمىغىن ئۇماق..

-ياق ئۇنداق ئويلىۋالمايمەن، پەقەت مەن ئۇلارنىڭ كۆزىگە شۇنداق كۈنلەرنى كۆرسۈتۈپ قويۇپ ياخشى ياشىغىم كېلىدىكەن.
- بولدى ، خوتۇن ئۇ ئىشلارنىڭ ھەممىسى ياخشى بوپ كېتىدۇ. ئىككىمىزمۇ چوقۇم ياخشى ياشايمىز، كۈنلىرىمىز ئۇلار دىگەندىنمۇ ياخشى بولىدۇ ئۇماق. ھەرگىزمۇ ئىككىمىزنىڭ بىر-بىرسىمىزگە بولغان مۇھەببىتىدىن ھەرگىز باشقا نەرسە ئۈستۈ تۇرۇپ قالمىسۇن ئۇماق خوتۇن..ئۇلارمۇ شۇنى ئارزۇ قىلىدۇ.
- نىمىنى ئارزۇ قىلىدۇ..؟
شۇنى بىلمىدىڭما، ئاچاڭ، ئاناڭ سېنىڭ ماڭغا بولغان مۇھەببىتىڭدىن باشقا يەنە بىر ئىشنىڭ يەنى ياخشى ياشاش ئىستىكىنىڭ ئۈستۈن تۇرىشىنى ئۈمۈد قىلىدۇ ئۇماق..
-ياخشى ياشاش دىگەن شۇ سىز بىلەن بولمىسا قانداق بولىدۇ جېنىم تايىر..
-بىراق، ئۆيدىكىللىرىڭ ئۇنى چۈشەنمەيدۇ، ئۇلار ياخشى ياشاشنى پەقەت ئەشۇ پۇلغا باغلاپ چۈشىنىۋالغان ئادەملەر...ئۇلار مېنى ياخشى كۆرۈپ باقمسا سېنىڭ ئۇ ئىشلىرىڭنى قانداق چۈشىنەتتى.
-  پۇل بولمىسىمۇ راس ياخشى ياشىغىلى بولمايدىكەن جېنىم تايىر..ئاچام پۇل بولمىغانلىقتىن ئەنە ئەشۇنداق ياخشى ياشالمايۋاتىدۇ.ئاناممۇ ماڭا ياخشى بولسۇن دەيدۇ.  
- گۈلچېھرە مەن نىمە دەۋاتىمەن ،سەن نىمە دەۋاتىسەن، نىمانداق چۈشەنمەيسەن، ئاچاڭ پۇلى يوق ئەمەس، يۈرىكىدە مۇھەببەت يوق بەخىتسىز ياشاپ قېلىۋاتقان ئايال، بۇنى قاچانمۇ چۈشىنەرسەن...
-بىراق ئاچام ئۇنداق دىمەيدىكەن..
- ئاچاڭ شۇنداق دىسە بولامتى ساڭا،  كىم يۈرىكىمدە مۇھەببەتنىڭ يوقلىقىدىن مەن بەخىتسىز بولۇپ قالدىم دىيىشكە جۈرئەت قىلىدۇ. نىمانداق چۈشەنمەيسەن..
- شۇ..كاللام ئېلىشىپ قالدى.
ئۇھ..باياتىمنىڭيازى شۇنداق كۆپ چۈشەندۈرسەم يەنە چۈشەنمەيۋاتىسەن ئۇماق..بولدى ئارام ئالغىن، قالغىنى كېيىن بىر-بىرلەپ چۈشۈنۈپ قالىسەن. ھازىر بولدى ئۇخلىۋالغىن...
- ياق، ئۇخلىمايمەن، يەنە گەپ قىلىپ بېرىڭە،سىز چۈشەندۈرۈپ تۇرسىڭىز مەن خاتىرجەم بوپ قالىدىكەنمەن.
- بولدى ئۇماق، ياخشى ئارام ئالغىن. مەنمۇ ئارام ئالاي، ئەتىگىچە كۆرىشەرمىز..
-ياق تازا، مېنىڭ ئۇيقۇم كەلمەيۋاتىدۇ. گەپ قىلىپ بېرىڭە جېنىم تايىر..
بولدى ئۇماق ئارام ئالغىن ئەمدى، ساڭا ئەتىگىچە كۆرىشەرمىز دەۋاتىمەن ئاڭلىدىڭمۇ..؟
چارچاپ كېتىۋاتقان مۇشۇنداق ۋاقىتتا گۈلچېھرە دەل ئاچچىغ ئارلاش قىلغان ساڭا ئەتىگە كۆرىشەرمىز دەۋاتىمەن دىگەن گېپىمنى ئاڭلاپقېيدىغىنىچە بوپتۇ خوش، دىگىنىچە تېلفۇننى قويىۋەتتى.
گۈلچېھرەنىڭ بۇنداقلا تېلفۇننى قويىۋېتىشى ئەمدى ئىچىمدىكى بارلىق ئازاپلارنى تېشىغا ھەيدەپ چىقتى. جىلە بولغان پېتى ئۆيدە تاماكا تىقىپ قويغان يەردىن بىر تاماكىنى ئېلىپ چېكىپ ئولتۇردۇم. بىردەمدىن كېيىن ئۇچۇر كەلدى.
سىز نىمىشقاماڭا -بارا كۆڭۈل بۆلمەيسىز، بۇرۇن ماڭا شۇنداق كۆپ گەپلەرنى قىلىپ بېرەتتىڭىز، سىزنىڭ گەپلىرىڭىزنى ئاڭلاپ كەچنىڭ قانداق ئۆتۈپ كەتكەنلىكىمۇ سەزمەي قالاتتىم. ھازىر ئۇنداق ئەمەس، بىردەم گەپ قىپ قويۇپلا تېلفۇننى قويىۋېتىشكە ئالدىرايسىز...سىزدىن رەنجىپ قالدىم.

داۋامى بار.....

taxwix

ئۇچۇرنى ئوقۇپ تۇرۇپ كەتتىم. بارلىق زېھنىم بىلەن گۈلچېھرەگە ئۈمۈد بېغىشلايمەن دەپ قىلمىغان گەپلىرىم قالمايۋاتسا يەنە مېنى توغرا چۈشىنەلمەيدۇ. بىراق بۇ توغرا چۈشىنەلمەسلىكىنى مەن ئۆزلىكىمدىنلا توغرا چۈشۈنۈپ كېتىمەن. ئۇنىڭ بۇ مىجەزىنى توغرا چۈشۈنۈپ كېتىش مېنىڭ ئۇنىڭغا بولغان مۇھەببىتىمنىڭ پەقەت بىر قىسمى.
ئۇنداق ئەمەس مەن ئازراق چارچاپ قالدىم ئۇماق، شۇڭا ئارام ئالايلى دېدىم ، ھەرگىز باشقىچە ئويلىۋالما ، سېنى بۇرۇن قانداق ياخشى كۆرگەن بولسام ھازىرمۇ شۇنداق ياخشى كۆرىمەن، ھازىر بۇرۇنقىدىنمۇ بەكرەك  ياخشى كۆرىمەن ئۇماق، دەپ ئۇچۇر يوللاپ قويدۇم.
ئۇچۇرنى يوللاپ بوپ يەنە خىيالغا كەتتىم. گۈلچېھرەنىڭ مەندىن ئەمدى مۇشۇنداق ۋاقىتتا تېخىمۇ كۆپ مۇھەببەت تەلەپ قىلىشى كۆڭلۈمگە قانچە ۋاقىتتىن بېرى كېلىۋاتقان ئەنسىرەشلىرىمگە، ۋەھىمىللىرىمگە تېخىمۇ چوڭ بىر ۋەھىمىنى قاتتى.
كىچىكىمدىن بىر ئىشلاردىن ئەنسىرەيتىم. باشقىلارنىڭ ماڭا دۈشمەن بوپ قېلىشىدىن شۇنداق ئەنسىرەيتىم. دىگەندەك بۇ ئەنسىرەشلىرىم ھامان بىر كۈنى رېئاللىق بوپ چىقاتتى.مەن ئۇنداق ئويلىۋالماي، ئويلىۋالماي دەيتىميۇ يەنە شۇنداق ئەنسىرەشكە چۈشەتتىم. مېنىڭ بۇ قورقۇنۇشۇمنىڭ ھامان بىر كۈنى رىئاللىق بوپ قېلىشىدىن شۇنداق ئەنسىرەيتىم. شۇڭا دائىم ئۆزۈمگە ئەڭ ئاددى تۇرمۇشنى تاللايتىم. كاللامدا ئاددىيلىق ئىچىدە ھەرگىزمۇ كۆپ ئەنسىرەش بولمايدۇ، زىدىيەتلىشىش بولمايدۇ دەپ ئويلايتىم.  ئاددىيلىق ئىچىدە ئەڭ چوڭ ،ئەڭ پاك ، غۇبارسىز مۇھەببەت بولىدۇ دەپ ئويلايتىم. مۇشۇنداق ۋاقىتلاردا  ھەممە نەرسىنىڭ ئاددى بولىشىنىلا تەلەپ قىلىدىغان بۇ مىجەزىمنىڭ بارلىقى ئەشۇ دۈشمەنلىشىشكە سەۋەپ بوپ قالامدىغاندۇ دەپ ئويلاپ شۈركىنىپ كېتەتتىم. بۇنداق رېئاللىقنىڭ بولماسلىقىنى بەك ئۈمۈد قىلاتتىم. چۈنكى  ھەممە نەرسىنى ئاددىيلا ئويلاپ ياشايدىغان بۇ مىجەزىمنى ئۆزگەرتەلمەسلىكىمدىن قورقاتتىم، ياق ئۆرگەتىشىم مۇمكىن ئەمەستەك بىلىنىپ كېتەتتى. ھەممە ئىشنى مۇرەككەپ ئويلاپ شۇ يولدا بىر قەدەممۇ بىر قەدەم ئالدىرىماي مېڭىش مەن ئۈچۈن دۇنيان خۇددى بىر ئويۇندەك بىلىش دىگەندەك بىلىنىپ كېتەتتى. مەن ئۇنداق قىلالمايتىم. دۇنيا ، گۈلچېھرە، مېنىڭ مۇشۇ تۇرمۇشۇم، ئۆيدىكىلەر، دوسلىرىم، ئۇلارنىڭ ماڭا كۈلۈپ بېقىلىشىرى ھەرگىز ئويۇن ئەمەس، بۇ دىگەن ئادەملەر ئۆز تۇرمۇشىدا ئېرىشىشكە تېگىشلىك ھەق، ئۇلارنىڭ ئەشۇ ئاددى كۈلكىللىرىدىن، ئەنسىرەشلىرىدىن، يېقىنلىقىنى بىلدۈرۈشلىرىدىن ھوزۇر ھېس قىلىش، ئۆزىنى بەخىتلىك ھېس قىلىش بىر ئادەمگە نىسبەتەن ھېچقاچان ئوشۇق ئەمەس ،چوقۇمكى مەنمۇ ئۇلارغا نورمال ئادەم قىياپىتىدە كۈلكە ئاتا قىلىشىم، بەخىت ئاتا قىلىشىم كېرەك دەپ ئويلايتىم.
بىراق يەنە ئەشۇ ئەنسىرەشلىرىمدەك مەن قانچە ئاددى بولاي دىگەنسىرى ئىشلار بارا-بارا خەتەرلىك ھالەتكە كېلىپ قالاتتى.
بىر يەرلەردىكى كۆڭلۈمدە تۇيۇپ تۇرغان ئەنسىرەشلىك، يامان ئىشلار رېئاللىق بوپ چىقاتتى.
مانا ھازىرمۇ ئەھۋال شۇنداق ئەھۋالغا تەرەققى قىلىپ ئۆزگۈرۈپ كەتكەن ئىدى.بەزىدە ئۆزۈمنى دۇنيادا ھېچقانداق ئاددىيلىق يوق، ھەممە نەرسە مۇرەككەپلىككە تولغان قىلىپ، شۇنىڭغا كۆندۈرۈپ ياشاپ بېقىشقا ئۇرىنىپ ، ھەممە نەرسىنى ئەقىل كۆزۈم بىلەن كۆرۈپ ئۇنىڭدىن چىقىپ كېتىكە ئۇرۇنۇپ باقاي دەيمەنۇ بىراق يەنىلا قەلبىمدىكى مۇھەببەت بۇنىڭغا ھەرگىز يول قويمايتى. قەلبىمدىكى مۇھەببەت بىلەن مانا  دائىم غورۇرۇم ( ئىچىمنىڭ كۈچلۈكلىكى يەنى غەزەپ نەپرىتىم) ، ئەقلىم بۇ ئۈچى دائىم توختىماي ، قەلبىم ئىچىدە  دوقۇرشۇپ قالاتتى.بۇ ۋاقىتتا قەلبىمدىكى مۇھەببەت دائىم ئاددىيلىقنى چىللايتى، ئەڭ مۇھىىم مۇھەببەتكە ئېرىشكە نەرسىلەر چوقۇم ئاددى بولىشى كېرەك. مۇرەككەپ بولغان ھەممە نەرسە ساختىلىققا تولغان دەپ جار سالاتتى.
غورۇرۇممۇ بولدى قىلمايتى. ئۇمۇ دەل مۇشۇنداق ئەھۋاللار كېلىپ چىققان ۋاقىتىدا، مېنى باشقىلارنىڭ ياراتماي قېلىۋاتقان، باشقىلار مەندىن ئامراق نەرسىللىرمدىنى قىزغانغان، تارتېۋېلىشقا ئۇرۇنغان  ۋاقىتلىرىدا ئۆزىنى ھەدەپ ئۇراتتى.
ئەقلىم بولسا ماڭا يوشۇرۇن بىر بىشارەتنى يەتكۈزەتتى. بۇ ئىشنىڭ ئايىغى مۇشۇنداق چىقىپ قالىدۇ دىگەندەك يوشۇرۇن بىر سىگنال بېرەتتى. بىراق يەنىلا بۇ ھۆركىرەش، بۇ بىشارەتلەر ئۆزۈم شۇنداق ياخشى كۆرگەن نەرسە، ئادەملەرنىڭ ئالدىدا شۈمشىيىپ تۇرۇپ قالاتتى.
شۇڭا مەن ئەزەلدىن گۈلچېھرەگە ھەقىقى ئەقىلىمنى ئىشلىتىپ، ھەقىقى غورۇرۇم بىلەن گەپ قىلىپ باققان ئەمەس. پەقەت قەلبىمدىكى ھەقىقى مۇھەببەت ھۆكۈمرانلىق قىلغان، ئەقلىم بىلەن غورۇرۇم بىر ياندا قالغان ئەھۋال ئاسىتىدا، مۇھەببىتىم بىلەن ئۇلارنى بېسىپ تۇرغان ۋاقىتتا گەپ قىلاتتىم. مۇنداق قىلىشىم بەلكىم باشقىلارنىڭ نەزىرىدە بىر بىمەنىلىكتۇ،بەلكىم مۇمكىنچىلىكى يوق بىر ئىشتەكتۇ ، بەلكىم مۇھەببىتىنى قولغا كەلتۈرۈشتىكى بىر ئىنتايىن ئەپچىل بىر تاكتىدەك بىلىنىپ كېتىدىغاندۇ، بىراق بۇ مەن ئۈچۈن ھەرگىز ئۇنداق ئەمەس ئىكەن. مەن گۈلچېھرەنى شۇنداق ياخشى كۆرگەچكە مۇھەببىتىم ئۆزلىكىدىنلا ئەقلىم، ئىچىمنىڭ كۈچلۈكلىنى بېسىپ كېتىدىكەن.
بۇنى ئەقلىم ماڭا يەنە يوشۇرۇن بىشارەت بېرىۋاتىدۇ.
ئۆزۈمنىڭ مىجەزىمنىڭ بۇنداق ئوسال ئىكەنلىكىنى ئەمدى راستىنلا بىلىپ يەتمەكتىمەن. گۈلچېھرە بىلەن بولغان ئالاقە ئۈزۈلۈپ خىيالغا پاتقان، ئويلانغان ۋاقتىمدىلا ئەقلىمنىڭ ماڭا توختىماي بۇنداق بىشارەتلەرنى بېرىشى ، ئۇچۇرلارنى يەتكۈزىشى، تېزدىن بۇ ئىشلارنى بىر تەرەپ قىلىشىم كېرەكلىكى توغرىسىدا ئاگاھلاندۇرىشى، تەشۋىشكە سېلىشى بۇمۇ بىر ئۆزگەرىتكىلى بولمايدىغان بىر جەريان ئىكەن.
ئىچىمنىڭ كۈچلۈكلى ئۆزۈمنىڭ ئامراق نەرسىسىنىڭ باشقىلار تەرىپىدىن تارتىۋېشقا ئۇرىنىدىغانلىقى، مېنى ياراتماي مېنى چۈشىرىدىغان ئىشلارنىڭ بولىدىغانلىقى، گەپ سۆزلەرنىڭ بولىنىدىغانلىقى بۇ ۋاقىت ئۆزۈمگە خۇددى ئاجىزدەك تۇيۇلۇپ ، غورۇرۇم تىغ كۆتۈرۈپ چىقىپ، ئكزۈمنىڭ ئاجىزلىقىنى تەن بەرمەسلىك ئۈچۈن ھېچ نەرسە بىلەن ھېساپلاشماي ئىتتىك بولىشىمۇ بۇمۇ بىر ئۆزگەرمەس جەريان ئىكەن.
ئۆزۈم ياخشى كۆرگەن  ئادەملەرنىڭ ئالدىدا شۇنداق سەمىمىي، پاك مۇھەببەت ئاتا قىلىشقا ئۇرىنىدىغان جەريانىم  ،  ئويلانغان ۋاقىتتىكى ئەقلىمنىڭ توختىماي بىشارەت بېرىشى، ئۇچۇرلارنى يەتكۈزىشى ، مېنى ئاگاھ بولۇشقا چاقىرىشقا كېتىدىغان ئۆزگەرمەس جەريانىم، ئىچىمنىڭ كۈچلۈكلىدىن دەرھال غەزەپكە كېلىپ، شۇ ئادەمنىڭ كۆزۈمگە خۇددى دۈشمەنلەردەك كۆرىنىپ ، غورۇرۇم بۇ ئىشلارنى دەرھاللا بىر تەرەپ قىلىشقا ئۈندەيدىغان ئۆزگەرمەس جەريانىم بۇ ئۈچ ئۆزگەرمەس جەرياننىڭ ئىگىسى بۇ ئۈچ ئۆزگەرمەسنى جەرياننى ، بۇ تۇغما خاراكتىرنى ئۆزگەرتىشكە ئۇرۇنۇپ بېقىۋاتقان پەقەت مەن بىر ئادەم  ئىكەنمەن. بۇلارنى ئۆزگەرتەلمەي ئازاپقا قېلىۋاتقان ئادەممۇ دەل مەن ئىكەنمەن. يەنى ئۈچ ئۆزگەرمەس مىجەزنىڭ يىغىندىسى بولغان، ئىگىسى بولغان ئادەم دەل مەن ئىكەنمەن. يەنى مەن ئەتراپتىكى ھۇھىتقا نىسبەتەن مىجەزىم ھەرخىل بوپ تۇرىدىغان ئۆزگەرتكىلى بولۇش ئىنتايىن بىر تەس ئادەم ئىكەنمەن. ياخشى كۆرىدىغان ئادەملەر ئالدىدا شۇنداق مېھرىبان، مۇلايىم بوپ كېتىشىم. خىيالغا، ئويغا چۆمگەن ۋاقتىمدا ئەقىللىق بوپ كېتىپ ھەرخىل بىشارەتلەرنى بىلىۋېلىشىم، دەرغەزەپكە كەلگەن ۋاقىتلاردا غورۇرۇم توختىماي جار سېلىپ كۆزۈمگە ھېچنىمە كۆرسەتمەي قارا قويۇق ئاتلىنىشىم بۇ ئۈچ  خاراكتىر يەنى مۇھىتقا نىسبەتەن تېز ئىنكاس قايتۇرۇش خاراكتىرنىڭ ئىگىسى دەل مەن ئىكەنمەن.
مانا مۇشۇنداق تۇرۇپلا ھەممىنى ئاددى ئويلىۋالىدىغان ئۆزۈمنىڭ ئەمىلىيەتتە ئەڭ مۇرەككەپ ئىنسان ئىكەنلىكىم بۇ تۇيغۇ يۈرىكىمنى بىرلا مۇجۇپ كەتتى.  مەن مۇشۇنداق مۇرەككەپ ئادەم بولغاچقا ھېچ نەرسە ماڭا رېئاللىقتائاددى بولۇپ چىقمايدىكەن دېدىم ئىچىمدە. بىراق مەن ئاددىيلىقنى نەقەدەر سۆيىمەن ھە. گۈلچېھرەنىڭ ئەشۇ ئاددى تۇرقىنى، سەمىمىيلىكنى، ئۇماق ھالىتىنى، ئۆزۈمنىڭ مۇشۇ ئاددى تۇرمۇشىنى، دوسلىرىمنىڭ ئاددىي ، خۇشچاقچاق ، مەردانە، مىجەزىنى ، ئۆيدىكىلەرنىڭ ئاق  كۆڭۈللۈك بىلەن ياشايدىغان ئاددى تۇرمۇشىنى نەقەدەر سۆيىمەن ھە،،ئەشۇ ئاددىيلىقنى نەقەدەر ئارزۇلايمەن.
بىراق بايىقى تۇيغۇنىڭ يۈرىكىمنى مۇجۇشى توختىغىنى يوق. يۈرىكىمگە بىر يەرلەردىندۇر ئازاپ ئۇرىقىنى چاچىدۇ.
ئۆزۈمگە ياق دەپ ۋارقىرىدىم. مەن بىر ئاددى ئادەم. مەن ھەرگىز مۇرەككەپ  ئەمەس، چۈنكى مەن دىگەن ئادەم. مەن دىگەن بىر ئاددىيلا ئادەم. ئاھ..خۇدا مېنىڭ ئاددى ئادەم بولىشىمغا يول قويغىن. رېئاللىقنى ماڭا ئاددىيلاشتۇرۇپ بەرگىن ئۇلۇغ خۇدا..
گۈلچېھرەنىڭ ئۆيدىكىللىرىنى ئىشىمىزغا قوشۇلدۇرغىن، ئالىمنى ئۇ رەزىل نىيىتىدىن ياندۇرغىن ئۇلۇغ خۇدا، مېنىڭ ئاددى ئادەم بولۇپ،ئەشۇ ئاددى تۇرمۇشۇشتا ياشىشىمنى تارتىۋالمىغىن ، ھېچ بولمىسا مېنىڭ ئەشۇ مۇرەككەپلىكىمنى ئەشۇلارغا ئاددىي قىلىپ چۈشەندۈرۈرىدىغان چۈشەنچە ئاتا قىلغىن ئۇلۇغ خۇدا...مېنى بۇ ئازاپلاردىن قۇتۇلدۇرۇپ چىققىن ئۇلۇغ خۇدا..كېچە قوينىدىكى بۇ ئازاپلاردىن تەشۋىشلەردىن قۇدۇلدۇرۇپ چىققىن ئۇلۇغ خۇدا.
شۇنداق بىر ئىشلار ئويلاپ ئۆزۈمنىڭ قانداق ئۇخلاپ قالغانلىقىمنىمۇ بىلمەي قاپتىمەن.
كېچىدە يەنە بىر چۈشلەرنى كۆردۈم. ئۆزۈم يالغۇز بىر يەرگە قاپسىلىپ قاپتىمەن. تۆتىلى ئەتراپ تام بىلەن قورشالغان بىر يەردە قاپسىلىپ تۇرۇپ قاپتۈمۈشمەن، ئۇ يەردە ھېچقانداق بىر چىقىش ئېغىزى يوقمۈش، ئۆزۈم بۇ يەردە قورقۇپ كېتىۋاتقانمۈشمەن، چىقش ئېغىز چىقىپ قالارمىكىن دەپ ھەممە يەرگە شۇنداق سىنچىلاپ قاراپ بېقىپتۈمۈشمەن، بىراق ھېچقانداق چىقىش ئېغىزى يوق، تۇرۇپلا تۆت تام بىرسىنىڭ كەينىدىن بىرسى، سىڭايان بوپ يىقىلغىلى تۇرغۇدەكمۈش، قايسىسى بەكرەك يىقىلىمەن دېسە بېرىپ شۇنى بار كۈچۈم بىلەن كەينىگە ئىتتۈرگۈدەكمەن، ئۇلارنى ئىتتىرىشكە مادارىم يەتمەي ھوشۇمنى يوقۇتۇپ قوياي دېيىشىمگىلا تۆت تام كېلىپلا گۈم قىلىپلا مېنى بېشىۋالغۇدەكمۈش ، شۇنىڭ تەڭلا ئويغۇنۇپ كەتتىم.
پۈتۈن بەدىنىمنى سوغۇق تەر بېسىپ كەتكەن ئىدى. سائەتكە قارىسام سائەت ئىككى ئەتراپىدا بوپتۇ. بۇ قورقۇشۇمنى بېسىقتۇرۇش ئۈچۈن  چايخانا ئۆيگە كىرىپ بىر چىنىگە قايناق سۇ قۇيۇپ ئۇنى ئىچىپ بىر تال تاماكا چېكىپ ئۆزۈمنى تەڭشەپ ئۇخلىماقچى بوپ چايخانا ئۆيگە كىرىپ چاينى ئاچىقىپ، بىر تەرەپتىن تاماك چەككەچ، بىر تەرەپتىن چاي ئىچكەچ ئۆزۈمنى سەل بېسىپ بوپ يەنە ئۇيقىغا كەتتىم. يەنە قانداق ئۇخلىغىنىمنى بىلمەيمەيمەن. ئۆيدىكىلەرنىڭ گەپ قىلغان ئاۋازلىرىدىن ئويغۇنۇپ كەتتىم.
دەرىزىدىن سىرىتقا قارىسام تاڭ ئېتىپ كېتىپتۇ.
ئورنۇمدىن تۇرۇپلا يەنە چاينى ئىتتىكلا ئىچتىم. ئانام كېچىچە تۈزۈك ئۇخلىيالمىغانقنىڭ دەستىدىن  قاپىقىمنىڭ سەل ئۇششۇپ كەتكەنلىكىنى كۆرۈپ نىمە بولدى كەچ تەرەپتە ئۇخلىمىغان ئوخشىمامسەن دېيىشلىرىگىمۇ ياق ئۇنداق ئەمەس دەپ قويۇپ ئاددىيلا جاۋاپ بېرىپ قويۇپلا چىكەتتىم.
ئانام يەنە ھەر ۋاقىتتىكىگە ئوخشاش ھە بوپتۇ دېگىنىچە قالدى. ئاناممۇ يېقىندىن بۇيان كەيپىياتىمنىڭ سەل تۇراقسىز بوپ قېلىۋاتقانلىقىنى ئازراق بىلدى.ئۇ مېنىڭ گۈلچېھرە بىلەن يۈرىۋاتقانلىقمنى باشقىلاردىن ئاڭلاپ بولغان بولسىمۇ، ئۇ ئىشلارنىڭ كاللامغا تەسىر كۆرسۈتۈپ كەيپىياتىمنىڭ ئەشۇنداق تۇراقسىز بوپ قالىدىغانلىقىنى ئاز تولا پەرەز قىلىپ بىلسىمۇ مەندىن نىمە بولىۋاتقانلىقىمنى بەك كوچىلاپ سوراپ كەتمەيتى. چۈنكى مەن ئەزەلدىن ئانامغا بۇ ئىشلار توغرۇلۇق، مۇھەببىتىم توغرۇلۇق گەپ قىلىپ باققان ئەمەس، ئانامنىڭ بۇ ئىشلار مەندىن ئەنسىرەپ كېتىشىنى پەقەتلا خالىمايتىم. چوقۇم ھەممە ئىشلا ئېنىق بولغاندا ئاندىن ئانامغا ئېيتىمەن دەيتىم.
دۇككانغا كېلىپ دۇككاننى ئاچتىم. گۈلچېھرەگە تېلفۇن قىلدىم. گۈلچېھرەنىڭ تېلفۇنى ئېتىگلىك ئىكەن.

داۋامى بار.....

taxwix

ئىچىم سىقىلىپ دۇككاندا بىر ئاز ئولتۇردۇم. ھېچ برى ئىش قىلىشقا رايىم بارمايدۇ. بولدىلا دۇككاننى ئىچىدىن تاقاپ قويۇپ بۇ يەردە ئازراق ئۇخلىۋالاي دېدىمدە ، دۇكاكننى ئىچىدىن تاقاپ قويۇپ ، دۇككاندىكى كارۋاتتا يېتىپ زورمۇ زور ئۇخلىدىم. ئىچىمنىڭ سىقىلىشنى بەلكىم تۈنۈگۈن چالا قالغان ئۇيقۇمنى تولۇقلاپ يوقىتارمەن دەپ ئويلىدىم. كارۋاتتا يېتىپ ئۇيقىغا كەتتىم.
يەنە ھېچنىمىگە قارىمايلا ئۇخلاپ كتىپتىمەن. بىر ۋاقىتتىن كېيىن ئويغانسام سائەت ئون ئىككى يېرىمدىن ئاشقىلى تۇرۇپتۇ. ھە مۇنداق ئىش ئىكەندە ئەسلى، بەك ئادەمنىڭ ئىچى سىقىلىپ كەتسە ئەسلىدە كۈندۈزدە ئۇخلىۋالسىمۇ بولىدىكەن.
گۈلچېھرەگە يەنە قايتا تېلفۇن قىلدىم.
گۈلچېھرەنىڭ تېلفۇنى يەنىلا ئېتىك. نىمە بولغاندۇ زادى..مۇشۇ ۋاقىتقۇچە ئاچمىغىنىنى ، مەندىن تېخىچە قېيداغلىق ئوخشىمامدۇ.
بولدىلا ھېچ ئىشمۇ يوقتۇ،بۇنداق ئەنسىرەپ كەتمەي. قورقىسىقىممۇ سەل ئاچقاندەك قىلدى. ئۆزۈم يالغۇز تاماق يېيىشكە رايىم يوق، بۇنداق ۋاقىتتا يەنىلا غېنى ماڭا ياخشى يوللارنى كۆرسىتىپ بېرىدۇ. غېنىغا تېلفۇن قىلدىم.
-ۋەي، قانداقراق ئاداش،
-ياخشى. ئۆزۈڭچۈ ..؟
- مەنمۇ ياخشى ..
غېنى مېنىڭ ئويلىغىنىمنى بىلىۋالغاندەكلا دۇككانغا كېلەمسەن، بىللە تاماق يەيلى دېدى.
- مەنمۇ شۇنداق دەپ تېلفۇن قىلغان ساڭا..
-ياخشى ئويلاپسەن،  تېزراق كەلگىن ئەمىسە.
ماقۇل.
تېلفۇننى قويىۋېتىپ غېنىنىڭ دۇككىنىغا  ماڭدىم. غېنى ئاشخانىسىنىڭ ئالدىدا بىر نىمىلەرگىدۇ قاراپ تۇرۇپتۇ.
بېرىشىمغىلا غېنى گەپ باغلىدى.

- ھە كەلدىڭمۇ ئاداش، يۈرە بۈگۈن تاماق يەپ كېلەيلى، سەن مېھمان قىلىسەن، نوچى بىر ئاشخانا بار، شۇ يەرگە كىرەيلى.
-ئاداش، بۇ يەردە سېنىڭ ئاشخاناڭ تۇرسا يەنە باشقا ئاشخانىغا بېرىپ يۈرەمدۇق..؟سېنىڭكىدىلا يېسەك بولمىدىما..؟
-  بولدى. بۇ يەردە يىمەيمىز..قاچانلا قارىسا ئۆزۈم ئەتكەن تاماقنى ئۆزۈم يەپ ئولتۇرامدىم. باشقىلارغا تاماق ئېتىپ ئۇلارنىڭ پۇلىنى ئالغىنىممۇ يېتىدۇ. ئەمدى بۇ يەردە ساڭا تاماق ئېتىپ بېرىپ سېنىمۇ خېرىداردەك كۈتۈپ ئولتۇرماي، باشقىلارنىڭ ئاشخانىللىرىغا بېرىپ قويساقمۇ زىيان تارتىپ كەتمەيمەن. چوڭ ئاشخانىلارغا بېرىپ ئۇ يەردىن تىجارەتنىڭ يولىنى بىلىۋالغان تېخىۇ ياخشى ئاداش.
- يۈرە قالغان گەپنى شۇ يەردە دېيىشىمىز، ئۇ ئاشخانىغا چىرايلىق قىزلارمۇ كۆپ كىرىدۇ.
- قاچانلا چىرايلىق قىزلار، چىرايلىق قىزلار دەيسەن، لېكىن بىرەرسى بىلەن ياخشى كۆرۈشۈپ يۈرمەيسەن، نىمە پايدىسى ئۇنداق چىرايلىق قىزلارنى كۆرىۋالغىنىڭنىڭ.
- سەن بىلمەيدىكەنسەن، قىزلار بىلەن يۈرۈشنىڭ ئۆزى بىر ئاۋارچىلىق.مەنمۇ بىرەر قىز بىلەن يۈرسەم  ساڭا ئوخشاش بوپ قالارمەنمىكى دەپ ئەنسىرەيمەن. ۋاي جېنىم گۈلچېھرە، ۋاي ئۇمىقىم دەپ...بولدى ئۇ مۇھەببىتىڭنى كېىيىن توي قىلىپ بولغاندىن تېخىمۇ ئىپادە قىلساڭ بولىدۇ.
- ئاھاي،بولدى قىلە، مېنى مازاك قىلىۋالمىساڭچۇ..؟
-  چاق-چاق قىپ قويدۇم.. شۇ سېنىڭ ئىشلىرىڭنى ئەشۇ يەردە دېيىشىمىز،
-يۈرە..
غېنى بىلەن شەھىرىمىزدىكى ئاۋات، ھەشەمەتلىك بېزەلگەن پاكىز، چوڭ بىر بىر ئاشخانىغا كىردۇق.
بۇ يەرگە راستىنلا چىرايلىق قىزلار كۆپ كىرىدىكەن، كۈتكۈچىللىرىمۇ چىرايلىق ئىكەن.شۇڭا غېنىغا يېقىپ قاپتۇدە بۇ يەر..
كىرىپ بىر ئورۇندۇقتا ئولتۇرۇپ جۇۋاۋىدىن ئىككىنى بۇيرۇتۇپ  ساقلاپ ئولتۇردۇق.
-ھە ئەمدى ، گەپلىشەيلى. بۈگۈن يەنە خامۇش كۆرىنىسەنغۇ يەنە نىمە بولدۇڭ..؟
- غېنىغا ئاچىسىنىڭ ئالىمنىڭ گېپىنى ، ئانىسىغا دىگەنلىكىنى، گۈلچېھرە بىلەن ئازراق قېيدىشىپ قالغانلىقىمنى دېدىم.
غېنى ماڭا قاراپ كۈلۈپ تۇرۇپ كەتتى.
- نىمە بولدۇڭ. باشقا ۋاقىتلاردا بۇنداق گەپنى ئاڭلىساڭ پەقەت كۈلمەيتىڭ، بۈگۈن كۈلۈپ كەتتىڭغۇ..؟
- ساڭا دىسەم بارغۇ ئاداش، مەن گۈلچېھرەنىڭ ئاچىسى بىلەن تۈنۈگۈن تېلفۇندا كۆرۈشتۈم.
-بەك كېچىكىپتۇق ئاداش، كۆرۈشسەڭمۇ بەرىبىر ئۇ خوتۇن ئالىمنى ئانىسىغا تەۋسىيە قىپ بوپتۇ ئەمەسمۇ..؟ ئەزەلدىن قىزىنى ئالىمدەك بىر بايۋەتتچىگە، پۇلى بار بىرسىگە بېرىشنى ئارزۇلاپ كېلىۋاتقان  لېكىن ئۇنداق يىگىتنى تاپالمايۋاتقان جىلە بولىۋاتقان بۇ ئانا ئەمدى ئالىمنىڭ گېپىنى ئاڭلاپ ئۇنىڭمۇ گۈلقەقلىرى ئېچىلىپ كېتىپتۇ.
- ياق نىمىگە كېچىكىسەن، ھېچنىمىگە كېچىكمەيسەن. ھەممە مەسلە گۈلچېھرەدە ،گۈلچېھرە تېخى ئۇلاردەك ئويلىمىغان بولسىلا سەن كېچىكمەيسەن، بولدى ئۇلارنىڭ گەپلىرىنى، ئىشلىرىنى كاللاڭدىن چىقىرىۋەت.
- ماقۇل قېنى،  گۈلچېھرەنىڭ ئاچىسى بىلەن نىمە دېيىشكەنلىكىڭلارنى دەپ بەرگۈڭ يوقما..؟
-ھە، دەيسەن ئاداش، تۈنۈگۈن كەچ تەرەپتە تېلفۇن قىلدىم. تېلفۇن قىلسام تېلفۇننى ئالدى،بۇ بىرسنىڭ نۇمۇرىما دەپ قەستەن باشقا ببىرسىنىڭ ئىسمىنى چىقاردىم. شۇنداق قىلىپ سىزنىڭ ئاۋازىڭىز بەك چىرايلىق ئىكەن، ئۇنداق ئىكەن دىگەندەك گەپلەرنى قىلدىم خاتا ئۇرۇپ قالغان بولساممۇ سىزدەك يېقىملىق بىر ئاۋازى بار ئايالنى كۆرۈپ باقماپتىكەنمەن دىگەندەك چىرايلىق گەپلەرنى قىلدىم.
ئۇ خوتۇنمۇ ئەزەلدىن بۇنداق چىرايلىق گەپلەرنى ئاڭلاپ باقمىغان ئوىشايدۇ ئاداش، يا ھېلىقى شوپۇر دىگەن يولدىشى بۇنىڭغا چىرايلىق گەپلەرنى قىلمايدىغان ئوخشايدۇ، بۇ خوتۇن بۇنداق چىرايلىق گەپلىرىمىنى ئاڭالپ تۇرۇپلا قالدىغۇ..
ئۇ خوتۇن بىلەن يېقىنلىشىش بىز ئويلىغاندىمۇ ئاسان بولدى.
- گەپنى سوزۇپ ھەتتا گۈلچېھرە بىلەن ئىككىڭلار توغرۇلۇق، ئالىم توغرۇلۇقمۇ پاراڭ سېلىپ بەردى دەيسەن..بەك كۈلكىلىك بولدى ئاداش.
- ئالە شەرىڭنى ، پەقەتلا تونىمايدىغان بىر ئادەمگە ھەتتا بىزنىڭ ئىشلىرىمىزنى بىردەمدە دەپ بولغان بولسا بۇ خوتۇننىڭ ئاغزى خۇددى ئاپتۇماتقا ئوخشاش راستىنلا ئىتتىك ئىكەن. نىمە دەيدۇ قېنى ساڭا دەپ باقە..
مېنىڭ بىر سىڭلىم بار ئىدى. ئۇنى نەچچە يىل ئازىلاپ ياخشى بىر مەكتەپتە ئوقۇتۇپ، بىر يوللارنى قىلىپ خىزمەتكە ئورۇنلاشتۇرساق ئۇ بىر ماشىنا رىمونىت قىلىدىغان بىر بالا بىلەن تېپىشىۋاپتۇ دەيدۇ.
- ھە..قېنى ئاخىرىچۇ....؟
-ئۇنىڭ دېيىشىچە  سىڭلىسىنى ياخشى ، بىر پۇلى بار ئادەمگە بېرىش ئارزۇسى بار ئىكەن. ئۆيدىكىلىرىنىڭمۇ، ئۇرۇق تۇققانلىرىنىڭمۇ ئەشۇنداق ئارزۇسى بار ئىكەن.
-بىراق ...
-بىراق ..بىراقنىڭ ئاخىرىچۇ..؟
بىراق، گۈلچېھرە ئۇلارنىڭ دېگىنىگە قوشۇلماي تۇرىۋاپتۈمۈش، پەقەت ئۇنىمايۋاتقۇدەكمۈش..ئۆزىنىڭ ماشىنا رىمونىت قىلىدىغان مۇھەببىتى بارلىقى دەپ تۇرىۋاپتۈمۈش..يەنى سېنى بار تۇرىۋاپتۇ. بىراق يامان يېرى ئۇ سېنى ئۇلارغا شۇنداق ياخشى، بۇنداق ياخشى دەپ ماختاپ بېرېدىكەن. ئۇلارنى چوقۇ قايىل قىلىشقا تىرىشىدىكەن. ئۇلار بولسا پەقەت ئۇنىماي تۇرىۋاپتۇ. بىراق ئەڭ يامان يېرى گۈلچېھرە ياق مەن ھېچكىم بىلەن توي قىلمايمەن، پەقەت ئەشۇ ماشىنا رىمونىتچى بىلەن توي قىلىمەن دەپ كەسكىن تۇرالمايدىكەن. پەقەت بۇلارنى قايىل قىلىشقىلا ئۇرىنىدىكەن. ئۇلاردىن پەقەت ئاغرىنمايدىكەن. ئۇلاردىن مېنى ئۆزۈم ياخشى كۆرىدىغان بىر مۇھەببىتىمدىن ئايرىلىشقا ئۇرىنىۋاتىسىلەر دەپ ئاغرىنىپ باقمايدىكەن. پەقەت كاللىسدا قايىل قىلىشلا بار ئىكەن. ئۇنىڭدىن باشقىسى يوق ئىكەن.
- يائاللا، سېنىڭ قۇلىقىڭ نىمانداق راستىنلا ئۇزۇن بوپ كېتىتىغۇ..مۇشۇ گەپلەرنىڭ ھەممىسىنى ئەشۇ خوتۇن ساڭا دەپ بەردىما، تېخى سەن بىلەن يېڭى تونۇشۇپ تۇرۇپ دەپ بەردىما..؟ مەن ئىشەنمەيمەن.
- دەپ بەرمىسە مەن قانداق بىلىمەن بۇ ئىشلارنى..گۈلچېھرەنىڭ ئاچىسى سەن ئويلىغاندىنمۇ ئۆتە ۋات- ۋات خوتۇن ئىكەن. لېكىن گەپلىرى شۇنداق قايىل قىلارلىق.
-ھە،شۇنداق. لېكىن سەن بۇلارنى بەك ئىتتىك ئىگەللەپ بوپسەن دەيمەن، ساڭا ھەيران قېلىشىمنى ياۆى گۈلچېھرەنىڭ ئاچىسىغا ھەيران قېلىشىمنى بىلمىدىم.
-بولدى بۇ گەپلەرنى كېيىنراق دەپ بېرىمەن ساڭا، لېكىن دىگەن گەپلىرىمنىڭ ھەممىسى راس.
ئەمدى گۈلچېھرە توغرىسىدا پاراڭلىشايلى. غېنى شۇنداق دېگىنچە بىر يانغا قاراپ قويۇپ يەنە كۈلۈپ كەتتى.
نىمە بولدۇڭ دەيمەن ئاداش، نىمىگە يەنە شۇنداق خوش بوپ كەتتىڭ...؟
-  نىمىگە بولاتتى. كۆردۈڭمۇ ئاۋۇ قىزلارنى چىرايلىقمىكەن. قارا ئاۋۇ قىزغا تېرىسى شۇنداق ئاق ،شۇنداق چىرايلىق ھە..
-شۇنداقتەك تۇرىدۇ.
بۈگۈن ساڭا بىر ئىشلارنى چۈشەندۈرۈپ قوياي دەيمەن ئاداش، گۈلچېھرەنىڭ ئاچىسى بىلەن پاراڭلىشىپ ئۇلارنى ئازراق بولسىمۇ چۈشەنگەندەك بولدۇم. شۇڭا ساڭا بىر ئىشلارنى چۈشەندۈرۈپ قوياي، بەلكىم كاللاڭ سەل ئېچىلىپ قالسا ھەجەپ ئەمەس.
- ئاداش، سەن نىمە كويدا ، مەن نىمە كويدا.
- مەنمۇ شۇ سېنىڭ كويۇڭدا،بىر گۈلچېھرەگىلا قاراپ تۇرىۋېلىپ باشقا قىزلارغا قىزىپ قاراپ باقماي قاچانلا قارىسا مىسكىن چىراي كۆرىنىدىغان بوپ قالدىڭ. شۇڭا چىرايلىق قىزلار كۆپ كىرىدىغان يەرگە ئەكىلىۋاتىمەن.باشقا چىرايلىق قىزلارغا قاراپ قويساڭ گۈلچېھرەنى تېخىمۇ چۈشىنىدىغان بوپ كېتىسەن.
- نىمە دەيدىغانسەن، باشقا قىزلارغا قارىسام گۈلچېھرەنى تېخىمۇ چۈشىنىدىغان بوپ كېتەمدىم. مەن چۈشەنمىدىمغۇ..؟
-سەن گۈلچېھرەنى راستىنلا چۈشىنىسەن، بىراق ئۇنىڭ پەقەت بىر تەرىپىنىلا چۈشىنىدىكەنسەن، پەقەت ئۇنىڭ قورقۇنچاقلىقىنىلا چۈشىنىدىكەنسەن، سېنىڭ ئۇنى يەنە بىر تەرىپىنى چۈشەنمەيدىغانلىقىڭنى مەن بىلدىم.
-قايسى تەرىپىنى چۈشەنمەيدىغاندىمەن، مەن چۈشەنمىگەن تەرەپنى سەن چۈشۈنۈپ بولدۇڭ دىگىنە...
بۇنى ماڭا گۈلچېھرەنىڭ ئاچىسى چۈشەندۈرۈپ قويدى.ئەمدى مەن ساڭا چۈشەندۈرۈپ قوياي.
-گۈلچېھرەنىڭ مەن چۈشىنەلمىگەن، ھېس قىلمىغان قايسى تەرەپلىرى باردۇر دەيمەن.
- مانا مۇشۇ يېرى بولمايدۇ ئەمەسمۇ..؟ قاچانلا قارىسا كىچىك بالىغا ئوخشاش يۈرۈيسەن، قىزلارنى راستىنلا چۈشىنىمەن چۈشىنىمەن دەيسەنۇ پەقەت ئۇلارنىڭ ئەشۇ مۇھەببەتكىلا ھەددىن ئارتۇق تەشنا بولىدىغانلىقىنى چۈشىنىسەن، باشقا تەرىپىدىن چۈشىنەلمەيسەن.
قىزلار دىگەننى ساقلاپ قېلىش ئۈچۈن پەقەت ئۇنىڭغا بولغان ساپ مۇھەببىتىڭلا كەتمەيدۇ ئاداش،  يەنە باشقا ئىشلار تەرىپىدىن ئويلىنىسەن.
-ماقۇل، ئاداش، بۈگۈن سېنىڭ دەرىسىڭنى ئاڭلايدىغان ئوخشايمەن،قېنى سۆزلەۋە ئاداش..
- ماقۇل قاراپ تۇر جۇما ئەمىسە، ئاۋۇ قىزنى ئەمدى قايتىدىن كۈزىتىپ باقە.
- قايسى قىزنى..؟
ئاۋۇ ئورۇندۇقتا ئولتۇرغان ھازىر مەن دىگەن  چېچىنى كەينىگە چېگىۋالغان، يۈزلىرى ئاپپاق، بۇرنى ئۇچلۇقراق كەلگەن، كۆزى بەكمۇ كىچىك ئەمەس، يوغانمۇ ئەمەس  قارا كوپتا كىيىۋالغان قىزغا قارا..
غېنى سول تەرىپىمزىدە يانمۇ يان ئولتۇرغان بىزدىن ئىككى جوزا نېرىدىكى يانمۇ يان ئولتۇرغان بىر قىزنى كۆرسەتتى.
مەنمۇ ئاستا قاراپ باقتىم. راستىنلا چىرايلىق بىر قىز ئولتۇراتتى.
ئەمدى كۆردۈڭمۇ..؟
-ھە،كۆردۈم.  
ئۇنىڭ چىراي ھالىتىنى كۈزىتىپ باقتىڭمۇ..؟
ياق كۈزىتىپ باقمىدىم. ئىككىمىز بۇنداق قاراپ تۇرىۋالساق باشقىلار كۆرۈپ قالسا، ئۇ قىزمۇ بىلىپ قالسا سەت تۇرۇپ قالارمىكىن.
-ھوي ئاداش، سەت تۇرۇپ قالارمىكى دىمەي ماڭا قارا، پات-پات گەپنىڭ ئارلىقىدا قاراپ قويساڭ بولدى.
- ماقۇل، قارىسام نىمە چىقىدۇ زادى...؟شۇ بىر ئادەتتىكىدەك  چىرايلىق قىز ئىكەنغۇ..؟
- ياق تېخىمۇ ئىنچىكىلىك بىلەن قارىغىن، بىراق ھەرگىز چاندۇرۇپ قويمايلى.ئىشلار دىگەن ئاشكارلىنىپ قالسا مانا مۇشۇنىڭ ئۆزى سەت بولغىنى شۇ..ئەمدى مەن ساڭا چۈشەندۈرۈپ قوياي،
-ھە قېنى..
ئۇ قىز ھېچنىمىگە قارىماي ئۆز تامىقىنى يەۋاتىدۇ ،ئاستاغىنە يەۋاتىدۇ. ئۇ قىزنىڭ ئەتراپىدىكى ھېچكىمگە قارىماي ئۆز تامىقىنى يېيىشى ئۇ قىزنىڭ ياخشى بىر قىز ئىكەنلىكىنى بىلدۈرىدۇ.  تاماقنى ئاستا يەۋاتقان ھالىتىگە قاراپ ئۇ قىزنىڭ ئېغىر بېسىق بىر قىز ئىكەنلىكىنى بىلىسەن. كىيىمنى ياراشتۇرۇپ چىرايلىق كىيىنىشىدىن قىزنىڭ  ئۆز ئۆزىگە كۆڭۈل بۆلەلەيدىغانلىقىنى بىلىۋالايسەن.
دىمەك ئۇ قىزنىڭ يەنە مۇھەببەتكە شۇنداق ئېنتىزار ئىكەنلىكىنى بىلىۋالىسەن.
بىراق بۇ قىز دەل ئۆزى ئارزۇ قىلغان مۇھەببەتكە ئېرىشەلمەيدۇ..؟
- نىمىشقا..؟
چۈنكى بۇ قىز بەك تولا ئالدىنىدۇ. شۇڭا مۇھەببەتكە ئېرىشەلمەيدۇ. بۇنداق قىزلار يېگىتلەر تەرىپىدىن ھامان ئالدىنىدۇ.
-توۋا، بۈگۈن ساڭا نىمە بولدى. بىر قىزنىڭ تاماق يەۋاتقان ھالىتىەە قاراپ ئۇنىڭغا باھا بېرەلەيدىغان بوپ كېتىپسەنغۇ..
- ھە،شۇنداق. گۈلچېھرەنىڭ ئاچىسىغا سەندىن گېپىنى ئاڭلاپلا باھا بەرگەنگە ئوىشاش بۇ قىزغىمۇ شۇنداق باھا بېرىۋاتىمەن. گۈلچېھرەنىڭ ئاچىسىمۇ دەل مېنىڭ ئويلىغىنىمدەك چىقتى. ھەتتا مېنىڭ ئويلىغنىمدىنمۇ بەكرەك شۇنداق بوپ چىقتى. بۇ قىزمۇ دەل شۇنداق ...شۇڭا دەيمەن.
غېنى گەپ قىلىۋاتقچە ئاڭغىچە بىز بۇيرۇتقان جۇۋاۋىمۇ چىقتى.
- تاماقنى ئالدىمىزغا تارىتقاچ غېنىغا گەپ قىلدىم.
- بوپتۇ ئۇ ئىشلار سېنىڭ ئويلىغىنىڭدەكمۇ چىقسۇن، بۇ ئىشلارنىڭ گۈلچېھرە بىلەن قانداق مۇناسىۋېتى بار..؟ ماڭا قانداق چۈشەندۈرۈپ قويىسەن..؟
-باشتا تاماقنى يېيىۋالايلى ئاداش..بىردەم تۇرۇپ دەپ بېرىمەن. بۇ چۈشەندۈرىشىمنى ياخشى بىلىۋالساڭ ئالىمنىڭ پىلانلىرىنى ماڭدامدا توسالغۇغا ئۇچرۇتۇپ يۈرۈيسەن.
غېنىنىڭ گەپلىرىنى ئاڭلاپ ئۇنىڭ پاراڭلىرىغا تېخىمۇ قىزىقىپ قالغىلى تۇردۇم. ئۇنىڭ گەپلىرىدىن ماڭا تەسىر قىلغۇدەك ئۆزۈمنى ئوڭشاشقا ياردىمى تېگىدىغان بىر پاراڭنىڭ چىقىشىغا ئىشەنىچ بىلەن قاراپ تۇردۇم.

داۋامى بار...

yamghur

قاچان چىقا ئاخرى ئەمدى بۇ ھىكاينىڭ