ھېكايە:ئۇنى ئۆلتۈرىۋېتىمەن.

dilsiri

قاچان چىقىدۇ ئاخىرى

taxwix

گۈلچېھرەگە تېلفۇن قىلمىدىم. ياتقاچ پىچاققا قاراپ ئالىمنىڭ ئەدىپىنى قانداق بېرىش توغرىسىدا ئويلاندىم. ئالىمنى چوقۇم ئۇ قوللانغان ئۇسۇل بويىچە ئەدىپىنى بېرىش كېرەكلىكىنى ھېس قىلدىم.
شۇنداق خىياللارنى قىلغاچ ئۇخلاپ كېتىپتىمەن.
ئەتىسى ئەتىگەندە بالدۇرلار قوپۇپ دۇككانغا ماڭدىم . پىچاقنى نىمىلا بولسا بولدى دېگىنىمچە بېلىمگە ئېسىۋالدىم، پىچاق ئېسىۋالغانلىقىمنى ھېچكىم كۆرمىسۇن دىگەن نىيەتتە مايكامنى تېشىغا چىقىرىپ پىچاق بارلىقىنى ھېچكىمگە بىلىندۈرمەيدىغان قىلىپ ماڭدىم. دۇككاندا ئوڭشايدىغان بىر ماشىنا بار ئىدى. ئۇنى ئوڭشاي دەيمەن يەنە ئوڭشاشقا قوللىرىم بارمايدۇ. ئالىمدىن ئاچچغىمنى تېخى چىقىرىۋالماي تۇرۇپ ھېچقانداق ئىش قىلىشقا رايىم بارمىدى. تۇرۇپلا كاللامغا بىر خىيال كېلىپ قالدى. ماشىنىنى ئەمدى ئىتتىكلا ياساشقا كىرىشتىم. ماشىنىنى يېرىم سائەتكە يېقىن رىمونىت قىلىپ بولۇپ ، كىيىملىرىمنى ئالماشتۇرۇپ ماشىننىى ھەيدەپ شەھەر ئايلاندىم. بەرىبىر بۇ ماشىننىنىڭ ئىگىسى ئەتە كېلىپ ماشىنىسىنى ئەپ كېتەتتى. ئۆزۈڭ دۈشمەن ھېساپلىغان ئادەمنى ئۆزۈڭدىنمۇ ياخشىراق چۈشەن دەپتىكەن بىرى، شۇنىڭ ئۈچۈن ھېچ بولمىغاندا يىراقتىن بولسىمۇ ئالىمنى كۆرۈپ ئازراق بولسىمۇ چۈشۈنۈپ بېقىش مەقسىتىدە ئالىمنىڭ دۇككىنى بار تەرەپكە ماڭدىم. ئالىمنىڭ چوڭ بىر تاللا بازىرى بار ئىدى. شۇ يەرگە بېرىپ ئالىمنىڭ ماشىنىسىنىڭ بار يوقلىنى بىلىپ بېقىش مەقسىتىدە ئۇ يەردىن ئاستا ئۆتتۈم.ئالىم دۇككىنىنىڭ ئالدىدا بىر قىز بىلەن پاراڭلىشىپ تۇراتتى. بۇ قىز ئالىمنىڭ دۇككىنىدا ئىشلەيدىغان قىزدەك تۇراتتى. قىزنىڭ ئۆزىنى تارتىپ، توختىلىپ گەپ قىلىۋاتقان ھالىتىگە قاراپ بۇنى بىلىپ بولغىلى بولاتتى. ئالىمنىڭ دۇككىنىڭ قارشى تەرىپىگە ماشىنىنى توختىتىپ قويۇپ ماشىنىنىڭ ئەينىكىنى چىقىرىۋېتىپ خۇددى كىنولاردىكىدەك يىراقتىن ئالىمنى كۈزىتىشكە باشلىدىم.
يىراقتىن بىرىنى كۈزۈتكەچ ئۇنىڭ مىجەزىنى ، ئاجىزلىقىنى ئاز تولا بىلىپ يېتىش مۇمكىن ئىدى. ئالىم قىزغا توختىماي بىر گەپلەرنى قىلاتتى. قىز بولسا بىر گەپلەرنىدۇ ئويلىنىپ جاۋاپ بېرەتتى .ئالىمغا بىر مەھەل قاراپ تۇردۇم. ئۇنىڭ مەن بىلەن دۈشمەن بولۇپ قالىدىغانلىقىنى ئەسلا ئويلىمىغان ئىدىم. دۈشمەن دىگەن ئەشۇنداق پەيدا بولىدۇ. بولۇپمۇ دۇنيادا ئۆزى كۆزى چۈشكەن، ئۆزى ئىنتىلگەن نەرسىگە باشقىلار كېلىپلا كۆزىنى قىزارىتسا، ئۇنى ئېلىۋېلىشقا ئىنتىلسە دۈشمەنلىكنىڭ ئوتىنىڭ پىلكىگە ئوت ياققانلىق بولىدۇ. ئالىمغا قاراپ تۇردۇم، ئۇنىڭ بۈگۈن بولمىسا ئەتە ئەتە بولمىسا باشقا بىر كۈنى تاياق يەيدىغاندىكى ھالىتىنى كۆز ئالدىمغا كەلتۈردۈم. ئۇنىڭ بىچارە ھالىتى ماڭا يالۋۇرۇپ تۇراتتى. توغرا مەن ئۇنىڭ بىچارە ھالىتىنى كۆرۈشكە ئامراق. ئۆزۈمنىڭ بىچارە ھالىتىدىن ، خورلۇق تارىتقاندىكى، ئاچچىق يۈتكەندىكى ئەشۇ ۋاقىتتىكى بىچارە ھالىتىمدىن شۇنداق بىزار بولۇپ بىئارامسىزلىنىشىمنى مەن ئەكسىچە ئالىمنىڭ بىچارە، ئېچىنىشلىق ھالىتىنى كۆرۈپ ئۆزۈمگە ھەقىقى تەسەللى تاپالايدىغانلىقىمنى تونۇپ يەتتىم. بىر ۋاقىتتا ئالىم ماشىنىسىنى ھەيدەپ بىر يەرگە ماڭدى. كەينىدىن مېڭىپ باقاي دېدىميۇ، بۇ ۋاقىتنىڭ تازا مۇۋاپىق پۇرسەت ئەمەسلىكىنى ھېس قىلىپ بۇ نىيىتىمدىن يالتايدىم.
ماشىنىنى توختىتىپ قويۇپ ئالىمنىڭ تاللا بازىرىغا كىرىپ كۆرۈپ باققاچ ھېلىقى قىز بىلەن ئىككى ئېغىز پاراڭلاشقاچ ئالىمنىڭ كەچ تەرەپتە قانداق ۋاقىتتا ئىشتىن چۈشىدىغانلىقىنى سوراپ باقماقچى بولدۇم.
ماشنىدىن چۈشۈپ قەدەملىرىمنى ئىتتىك ئېلىپ ئالىمنىڭ تاللا بازىرىغا كىردىم. كۆڭلۈمدە ئالىم ئەمدى تېزلا كېلىپ قالسا ئەھۋال چاتاق بولمىسۇن دەپ قەدىمىمنى ئىتتىك ئىتتىك ئالدىم.
كىرسەم تاللا بازىرىدا بىر ئەمەس ئۈچ قىز بار ئىكەن. تاللا بازىرىمۇ خېلىلا چوڭ ئىكەن.
كىرىپ سوپۇن قاتارلىق تۇرمۇش بويۇملىرى تىزىقلىق يەرگە باردىم. كەينىمدىن بايامقى ئالىم بىلەن گەپ قىلىشىپ تۇرغان قىز ئەگىشىپ كەلدى.
- بۇ چاچ سوپۇن قانچە پۇل..؟
- 25 يۈئەن . ئەينا باھاسى چاپلاغلىق تۇرمامدۇ.
قايسى چاچ سوپۇنى ياخشى..؟
- ماۋۇسى بولىدۇ دەپ قىز بىر چاچ سوپۇننى ئالدى.
قانداقمۇ سورارمەن ئەمدى..؟ قىزدىن قاچان ئىشتىن چۈشىسىلەر دېسەم قىز ماڭا قىزىقىپ قالغان ئوخشايدۇ دەپ قېلىشى مۇمكىن ئىدى. سەل ئەخلاقى بار قىز بولسا نىمە قىلاتتىڭىز قاچان ئىشتىن چۈشسەك دەپ مەن بىلەن گەپ تەگىشىپ قېلىشى مۇمكىن ئىدى. ئالىمنى قاچان ئىشتىن چۈشىدۇ دىسەم كېيىن ئۇ گەپنى ئالىمغا دېيىشى ئېنىق ئېنىق ئىدى. مەيلى قانداق بولىشىدىن قەتئى نەزەر گەپنى ئىىتىتىك قىلىپ، ئالىمنى قانداق ۋاقىتتا ئىشتىن يانىدىغانلىقىنى تېز سۈرئەتتە سوراپ بۇ يەردىن چىقىپ كېتىش كېرەك.
قىزدىن ئاخىرى قاچان ئىشتىن چۈشىسىلەر دەپ سورايدىغان بولدۇم. نىمە دەپ ئويلاپ قالسا ئويلاپ قالار، يا بۇ بالا سەل شاشمۇ قانداق دەپ ئويلاپ قالار، بۇ تازا بىر مازمۇ دەپ ئويلاپ قالار.

- بولدى مۇشۇنى ئالاي، راس سىلەر سائەت قانچىدە تاللا بازارنى تاقايسىلەر..؟
- بىز ئادەتتە كەچ سائەت ئون بىر ئەتراپىدا دۇككانى تاقايمىز. نىمە قىلاتتىڭىز..؟
قىز گەپنى سەل كۈلكە، خۇشخۇيلۇق ئىچىدە دەۋاتاتتى. بۇنىڭدىن قىزنىڭ بۇ سۇئالىمدىن قىلچە رەنجىمىگەنلىكى چىقىپ تۇراتتى.
- شۇ مۇنداقلا سوراپ قويدۇم،
تۇيۇقسىز قىزغا بىر تېلفۇن كەلدى. قىزنىڭ دوستىدىن كەلگەن چېغى، قىز بىر ياندا تۇرۇپ تېلفۇن سۆزلەشتى. مەن بىر نەرسىلەرگە يەنە قىزىقىپ قاراپ بېقىۋاتقانداك ئۇ بۇ نەرسىلەرگە كۆز يۈگۈرۈتتۈم، ئەمىلىييەتتە قۇلىقىم قىزنىڭ گېپىدە ئىدى.
- ۋاي، ئاداش، بۈگۈن مەن ئون بىرگىچە ئىشلەيدىكەنمەن. تاللا بازىرىنى مەن تاقاپ ماڭىدىكەنمەن. شۇڭا سەن كېلەمسەن يا..؟ بىللە ئۆيگە كىرىپ كېتەيلى. گېپىنى قىلمىيە، ئىشلىمەي دەيمەن. ئىشلىمىسەم بۇ پۇل نەدىن كىرىدۇ ئاداش، يا پۇلى بارراق يىگىتتىن بىرنى تاپالمىدۇق. ئۆيدىكىلەرنىڭ ئەھۋالىنى سەنمۇ بىلىسەن ئاداش، قانداق قىلىمەن.
قىزنىڭ سۆزلىرىدىن ئۆزىنىڭ تۇرمۇشىنىڭ تازا ياخشى ئەمەسلىكى، بۇ يەردە ئامال يوق ئىشلەۋاتقانلىقى، يەنە ئېپى كېلىپ قالسا بىرەر يىگىتتىن بىرنى تېپىۋىلىش ئارزۇسى بارلىقى چىقىپ تۇراتتى. ئۇ مېنىڭ بارلىقىمنى ئېسىگە ئالمىغاندەك ،ئالسىمۇ تونىمايدىغان بىر بالا تۇرسا نىمە پايدىسى دىگەندەك پەرۋاسىز قىياپەتتە سۆزلىرىنى داۋاملاشتۇرىۋاتاتتى. تۇيۇقسىز ئۇ قىز بىلەن تونىشىۋېلىش خىيالى كاللامغا كىرىۋالدى. بۇ قىز بىلەن تونۇشۇپ قويسام كېيىن ئالىم بىلەن ئىككىمىزنىڭ ئوتترىسىدىكى ئىشلارغا پايدىسى كۆپ بولىدۇ دىگەننى ئويلىدىم.
- ماۋۇ ساقال ئالغۇچ قانچە پۇل..؟ ئۇ قىزنىڭ تېلفۇننى قويۇپ مەن بار تەرەپكە كېلىشىنى ئۈمۈد قىلغاچ ئۇ ساقال ئالغۇچنىڭ باھاسىنى سوراپ قويدۇم.
قىز تېلفۇندىكى پاراڭلىشىۋاتقانغا ئادىمىگە كېيىن تېلفۇن قىلىدىغانلىقىنى ئېيىتپ مەن بار تەرەپكە كەلدى.
- ئالتە يۈئەن. يەنە كۆرمىدىڭىزما..؟
-كۆردۈم، شۇنداق بولسىمۇ سىزدىن سوراپ باقاي دەپ. بولدى مۇشۇ نەرسىلەرنى ئالدىم. تېلفۇن نۇمىرىڭىزنى سورىسام بولامدۇ..؟
- نىمە قىلاتتىڭىز..؟
- سىز بىلەن تونۇشۇپ قالاي دەپ.
- تېلفۇن نۇمىرىم يوق. سىزگە نىمىشقا دەپ بەرگۈدەكمەن.
- ئەمىسە ئىسمىڭىزنى دەپ بېرىڭ بولامدۇ..؟
- ئىسمىم ئامىنە..
قىز ئىسمىنى دەپ بەردى. تېلفۇن نۇمىرىنى سورىسام دەپ بەرمەي ئىسمىنى دەپ بەرگەنلىكى، مەندىن يەنە خاپا بولمىغانلىقى ئىپادىلەپ بېرەتتى. بۇ ئەھۋالنىڭ قىز بىلەن تونۇشۇش مۇمكىنچىلىقىنىڭ بارلىقىدىن دېرەك بېرەتتى.
- ھە، بايام تېلفۇنىڭىزنى سوراپ قويدۇم. خاپا بولماڭ. مۇنداقلا سوراپ باققان ئىدىم. بولدى ماۋۇ ماۋۇ نەرسىلەرنى ئالدىم.
چاچ سوپۇن بىلەن ساقال ئالغۇچنى ئېلىپ پۇل تۆلەيدىغان يەرگە بېرىپ ھېساۋات قىلدىم. قىز پۇلنى ئۆزى ئالدى. باشقا ئىككى قىز بولسا بىر ياندا خىيالىدا يوق پاراڭلىشىپ تۇراتتى.
قىز پۇلنى قايتۇرغاچ ماڭا يېقىملىق بىر كۈلۈپ قويدى.
-يەنە بىرەر نەرسە لازىم بولسا كىرەرسىز.
-ماقۇل كىرىمەن.

ئۇ يەردىن ئىتتىك يېنىپ چىقتىم. تاللا بازىرىنىڭ ۋېۋىسكىسىغا يېزىلغان نومۇرنى تېلفۇنۇمغا كىرگۈزىۋېلىپ ماشىنىنىڭ ئىچىگە كىرىپ ئۇ نومۇرغا تېلفۇن قىلدىم.
- ۋەي ، ياخشىمۇسىز..؟
بۇ بايامقى قىزنىڭ ئاۋازىدەك قىلاتتى.
-ياخشىمۇسىز، ئامىنە بارمۇ..؟
- مەن شۇ، سىز كىم بولىسىز..؟
- مەن بايامقى بالا.
-ھە، بىردەمدە بۇ نۇمۇرغا تېلفۇن قىپسىزغۇ..؟
- سىز ئۆزىڭىزنىڭ نومىرىنى دەپ بەرمىسىڭىز قانداق قىلىمەن بۇ نۇمۇرغا تېلفۇن قىلماي.
- دەپ بەرمىدىم شۇ،سىزنى تونىمىسام قانداق دەپ بېرىمەن.
ئەمدى تونۇشۇپ قالىمىز ئەمەسمۇ..؟
- ھە، قېنى بىر گەپ بولسۇن. بۇ نۇمۇرغا تېلفۇن قىلماڭ . لاۋبەن بىلىپ قالسا خاپا بولىدۇ.
- ھە، مۇنداق دەڭ ، ئەمىسە ئۆزىڭىزنىڭ تېلفۇن نۇمىرىنى دەپ بېرىڭ.سىزگە تېلفۇن قىلاي.
- بوپتۇ، دەپ بەرسەم بېرەي. 132.....دەپ قىز نومىرىنى دەپ بەردى.
- قانداق ۋاقىتتا تېلفۇن قىلسام بولىدۇ.
-قانداق ۋاقىتتا بولسا بولىدۇ، لېكىن ئالدىراش بولسام، ئۆيدەپ بوپ قالغان ۋاقىتلاردا تېلفۇننى ئالالمايمەن.
- مەيلى، تېلفۇن قىلسام ئالسىڭىزلا مەن شۇنىڭدىن خوش. راس قانداق ۋاقىتتا ئىشتىن چۈشىسىز..؟
بەزىدە سائەت ئونلار ئەتراپىدا، بەزىدە ئون بىرلەر ئەتراپىدا.
- لاۋبىنىڭلارچۇ..؟ قانداق ۋاقىتتا چۈشىدۇ...؟
- ئۇ بالا سائەت ئوندىلا ئىشتىن چۈشۈپ كېتىدۇ. دۇككاننى تولىسى بىز تاقاپ ماڭىمىز. ئۇنى سوراپ قانداق قىلاتتىڭىز..؟
- سوراپ باقتىم. باشقا ئىش يوق. بوپتۇ ئەمىسە سىزنى ھازىر ئاۋارە قىلماي. مەن سىزگە كېيىن تېلفۇن قىلاي،ناتونۇش بىر بالا تۇيۇقسىز تېلفۇن قىلدى دەپ خاپا بوپ يۈرمەڭ، پەقەت سىز بىلەن تونۇشۇپ قېلىش نىيىتىم بار ئىدى.
- خاپا بولمىدىم. خېلى ئوچۇق يورۇق بالا ئىكەنسىز، بوپتۇ ئەمىسە كېيىنچە تېلفۇنلىشارمىز.

تېلفۇننى قويۇپ ماشىنىنى ھەيدەپ دۇككىنىمغا يېنىپ كەلدىم. يېنىپ كېلىپ ئالىمنىڭ تاللا بازىرىغا كىرىپ ئۇنىڭ قانداق ۋاقىتتا ئىشتىن چۈشىدىغانلىقىنى بىلۋىالغانلىقىم ھەم ئۇنىڭ دۇككىنىدا ئىشلەيدىغان بىر قىز بىلەن تونۇشۇپ قالغانلىقىمدىن خوش بوپ كەتتىم.
ئەمدى ئالىمنى بۈگۈنلا كەچ تەرەپتە يانغاندا ئەدىبىنى بەرسەك بولىدىغان ئوخشايدۇ. ئەمدى ئەنتىمنى ئېلىۋالىدىغان پۇرسەت بۈگۈن كەلدى، مەنمۇ ئۇنىڭغا ئۆزۈمنىڭ بوش كەلمەيدىغانلىقىنى تازا بىر بىلدۈرۈپ قويمىسام، خەپ!
چۈش ۋاقتى بولغانىدى.

داۋامى بار....

razwiqik007

ياخشى تىمىكەن رەھمەت سزگە

nazile

يەنە  ئاخىرى  يوق  تېما  ئوقۇپتىمەندە ..

tutem

تەشۋىش ئىجدىھاد قىلغىن،داۋامىغا مەنمۇ ئىنتىزار...
ئۆزەمنى ئۆلتۇرۋىتىمەن،دىگەن بىر ئىدىيە مىنىڭدە خېلى بۇرۇنلا بار ئىدى.ئەسەر تۇلۇق ئاخىرلاشقاندا چوقۇم بىر ئوبزور ياكى تەقرىز يازىمەن.ھارمىغىن!

taxwix

چۈش بولدى. تاماقنى بىر يەردىكى ئاشخانىدىن يېدىم، گۈلچېھرە ھېچ بىر تېلفۇن قىلمايدۇ. بۇ راستىنلا مەندىن قېيدىغاندىمۇ...؟
مۇھەببىتىمنىڭ مىجەزى مانا شۇنداق. ئاسانلا رەنجىيدۇ. كەينىدىنلا سىزگە ئەمدى تېلفۇن قىلمايمەن، تېلفۇن قىلسىڭىزمۇ ئالمايمەن دەپ قىسقا ئۇچۇردىن بىرنى يېزىپ باقىدۇ، ئۇنداق ئەمەس مېنىڭ سەن بىلەن ئۇرۇشقۇم يوق ئۇماق ، خاپا بولمىغىن دەپ قويساملا كەينىدىن يەنە ئۆزى تېلفۇن قىلىپ سۆزلەپ كېتىدۇ.
تۈنۈگۈنكى ئۇرۇشىشىمىز مەيلى گۇناھ قايسى تەرەپتىن بولسۇن ،گۈلچېھرە چوقۇم مېنىڭ باشتا ئۆزىدىن ئەپۇ سورىشىنى ساقلايدۇ. مەن باشتا تېلفۇن قىلىپ ئۇنىڭدىن ئەپۇ سورىمىغۇچە ئۇ ماڭا تېلفۇن قىلمايدۇ. مەن خاپا بولمىغىن دەپ قويساملا ئاندىن ئۆزى خاتالىق مەندىن ئۆتتى سىز خاپا بولماڭ دەپ قويىدۇ. بۇ ئۇنىڭ خاراكتىىرى . بۇ خاراكتىر بەلكىم يەنە نۇرغۇنلىغان قىز ئاياللارغا ئورتاق بولغان خاراكتىر بولسا كېرەك.
گۈلچېھرە بۈگۈنمۇ مېنىڭ تېلفۇن قىلىشىمنى ساقلاپ تۇرغاندۇ، ئۆزىنىڭ تېلفۇن قىلغۇسى بولسىمۇ بىراق مېنىڭ قىلىشىمنى ساقلاپ تۇرغاندۇ. ئۇ شۇنداق ھەممىنى ئۆزۈمگە بويسۇندۇرسام دەيدۇ، ھەممە نەرسىنى تىنىچ، چىرايلىقلا ھەل بولىشىنى ، ھېچقانداق باش ئاغرىقچىلىقى بولماي ئادەتتىكىچىلا ھەل بولىشىنى ئويلايدۇ، ئۇ دائىم خۇشال يۈرسەملا دەيدۇ، خۇشاللىقىنى بىرەر ئىشلارنىڭ توسۇپ قېلىشىنى خالىمايدۇ، ئۇ ئىشلارنى شۇ جايىدىلا ھەل قىلىۋەتمەي ئەشۇ ئىشنىمۇ خۇشال بولدىغان دۇنياسىنىڭ ئىچىگە ئەكىرىپ كېتىشنى خالايدۇ. ئۇ ئازاپلىنىشنى خالىمايدۇ، ئازاپتىن بەك قورقىدۇ، ئازاپ ئىچىدىكى يالغۇزلۇقتىن بەك قورقىدۇ.ئازاپتىن قۇتۇلۇش ئۈچۈن ئازراق قۇربانلىق بېرىشتىنمۇ قورقىدۇ، ئۇ شۇنداق قورقۇنچاق، پۈتۈن دۇنيادا شۇڭا ئۇنىڭغا كىم ئۆزىنىڭ بېشىنى سىيلىغاندەك ، ئۆزىگە كۆيۈنگەندەك قىلسا ئەشۇ بارلىق قورقۇپ تۇرغاندىكى ئۈمۈد ئارلاشقان مۇھەببىتىنى شۇنىڭغا تەقدىم قىلىدۇ. شۇڭا دائىم مەن كەچۈرگىن دېيىشىمگىلا مەندىن بالدۇر كەچۈرۈپ بولىدۇ. بىراق ئىچى كۈچلۈك، باشتا مەن ئەپۇ سورىمىغۇچە ئەپۇ سورىمايدۇ، ئەگەر ئەپۇ سوراش ۋاقتىم قانچە كېچىكىپ كەتسە، بۇ مېنى ياخشى كۆرمەيدىغان بولۇپ قېلىۋاتقان ئوخشايدۇ دەپ كۆڭلى يېرىم بولىدۇ، كۆڭلىدە گۇمان تۇغىلىدۇ، ئاندىن باشقىلارنىڭ گېپىنى راس ئوخشايدۇ دەپ ئويلاپ قالىدۇ. گۈلچېھرە شۇنداق بىر قورقۇنچاق قىز،خۇددى كىچىك بالىغا ئوخشاش، ئۇنى ئەركىلىتىپ، كەچۈرۈم سوراپ تۇرمىسام كۆڭلى يېرىم بولۇپلا تۇرىدى، تېخى ھەممە نەرسىدىن قورقىدىغان بولۇپ كېتىدۇ. ئۇنى بۇنداق قورقۇنچاقلىقى ئۇنىڭ ھەقىقى گۈزەللكى ، ئۇنىڭ ئىچىدىكى قورقۇنچاقلىقى ئۇنىڭغا ئۇماق ، سەمىمى چىراي ئاتا قىلغان. ئۇنىڭ قورقۇنچاقلىقى دەل مېنىڭ ئۇنى شۇنداق ياخشى كۆرۈشۈمدىكى ھەقىقى سەۋەپ ئىدى.
بىراق ، ئۇنىڭ قورقۇنچاقلىقى بولسا كىمكى ئۇنى قايىل قىلىپ گەپ قىلىپ، ئۇنى ھىمايە قىلىپ ، قوغدايدىغان بولۇپ تونۇلسا ئۇ شۇ تەرەپكە ئۆتۈپ كېتەتتى. باشقىلار ئۇنىڭغا مەيلى راس دېسۇن ياكى مەقسىتىنى باشقا قىلىپ دېسۇن ئۇ ئۆزىگە كۆيۈنگەندەك كۆرۈنسىلا ئۇ تەرەپكە ئۆتۈپ كېتەتتى.
ئۇنىڭ قورقۇنچاقلىقى ئۇنىڭغا ھەقىقى ساپ مۇھەببەت، يۈرەك، سۆيگۈ ئاتا قىلغان بولسا يەنە ئۇنىڭغا نىشاننى توغرا بەلگىلىيەلمەيدىغان، ئېنىق ئايرىيالمايدىغان كۆڭلى قارىغۇلۇقنىمۇ ئاتا قىلغان ئىدى.
مەن ئۇنىڭ ھەقىقى ساپ مۇھەببىتىدىن ، سۆيگۈسىدىن ، ھالىتىدىن، يۈرىكىنىڭ تىۋىشىدىن شۇنداق ھوزۇرلانساممۇ ئۇنىڭ كۆڭۈل قارىغۇلىقىدىن ئەنسىرەيتىم. مەن ئۇنىڭغا ھەمرا بولۇپ، ئۇنىڭ بىلەن توي قىلىپ، چوقۇم ئۇ كۆرمىسە، مەن كۆرسىتىپ قويىمەن، ئۇ تاللىيالمىسا مەن تاللاپ بېرىمەن دەيتىم. ئەنسىرىشىمدىن مۇھەببىتىم كۈچلۈك كېلىپ كېلەتتى.
دائىم ئۆزۈمنىڭ ھەرقانداق ۋاقىتتا يول كۆرسىتىپ بېرەلەيمەن، تاللاپ بېرىمەن دەپ ئۆزۈمگە شۇنداق ئىشنەتتىم. ئەنسىرىشىمنى ھامان ئۆزۈمنىڭ چىن مۇھەببىتى بىلەن، ئەقلىم بىلەن، سەمىمىيىتىم بىلەن تۈزىتىپ ئوڭشاپ كېتەلەيمەن، ھەل قىلىپ كېتەلەيمەن دەپ ئويلايتىم، بەزى ئىشلارنى ئامالنىڭ يوقىدا قىلىش كېرەك، چوقۇم قىلىش كېرەك،ئۇ يولنى ئامالسىزلىقتىن چوقۇم تاللاش كېرەك دەيتىم. بىراق دائىم چوقۇم شۇنداق قىلمىسام بولمايدىغان ئىشلار مېنى مەجبۇرلاپ تۇراتتى. مەن ئۇ يولدا چوقۇم ماڭمىسام بولمايتى. مېنىڭ گۈلچېھرەگە ئوخشاش ئىچىم كۈچلۈك ئىدى. ئىچىم كۈچلۈكلىكىدىن چوقۇم شۇ يولدا ماڭمىسام بولمايدۇ دەپ ئويلايتىم، ھەم شۇنى ئۆزۈمگە بېسىم قىلىۋاتىلىتىم. مېنىڭ ئىچىمنىڭ كۈچلۈكلىكى كۆپىنچە ئەقلىمنى توسۇپ قويۇپ مەن ماڭىدىغان يول ئۆزلىكىدىن پەيدا بولۇپ قالاتتى، باشتا شۇ يولنى ئۆزلىكىدىمدىن تاللايتىم، ئاندىن ئەقلىمنى شۇ تاللاپ بولغان يولدا ئىشلىتەتتىم، شۇڭا ئالىمدىن چوقۇم ئەنتىمنى ئېلىۋېلىشىم كېرەك دەيتىم،ھازىرمۇ چوقۇم گۈلچېھرەگە تېلفۇن قىلىشىم كېرەك ئىدى. ئۇنىڭ يەنە مەندىن خاپا بولۇپ نۇرغۇن ئىشلارنىڭ كېلىپ چىقىشىنى مەن خالىمايتىم، شۇنداق بولىۋالسىلا يەنە ئىچىمگە ئېلىۋالاتتىم، ھازىرمۇ دەل شۇنداق!
شۇڭا ئۇنىڭغا مەن ئۆزلىكىدىمدىن تېلفۇن قىلىشىم كېرەك، بۇ ھېسىياتىمغا مېنىڭ مۇھەببىتتىممۇ ئارلاشقان لېكىن ھېسىياتىم ئۈستۈنرەك تۇرغان.
گۈلچېھرەگە تېلفۇن قىلدىم. گۈلچېھرە تېلفۇن قىلىشىمنى ساقلاپ تۇرغاندەك تېلفۇننى ئالدى.
-ۋەي،
- ۋەي، نىمانداق تېلفۇنمۇ قىپ قويمايسەن...؟
- سىز نىمىشقا قىلمىغان، سىز قىلسىڭىز بولمامتى..؟
- مانا مەن قىلدىمغۇ..؟
- ئەمدى قىلسىڭىز نىمىگە ھېساپ، مېنى ياخشى كۆرمەيدىغان بوپ قېلىۋاتىسىز..؟ بۇرۇن بىردەمدىلا مەن تېلفۇن قىلمىسام، ئۇچۇر يازمىساممۇ كەينىدىنلا يازاتتىڭىز ، ئەمدى بارا-بارا ئۇزىراپ كېتىپ بارىدۇ.
- نىمە دەيدىغانسەن ئۇنداق ئەمەس، كاللامنى سەل ئارام ئالدۇرۇپ بولۇپ ئاندىن ساڭا تېلفۇن قىلاي دېدىم شۇ.
- نىمە. كاللىڭىز مەن بىلەن سۆزلەشسىڭىز تېخىمۇ بىئارام بوپ قالامدۇ..؟
- ياق ئۇماق، خاپا بولمىغىن بولدى. مەن ئۇنداق دىمەكچى ئەمەس، كاللام سەل جايىدا بولمىسا ساڭا سەل ئاچچىغلاپ قالىمەن، بۇنى بىلىسەنغۇ. شۇڭا سەل كېچىكىپراق قىلىپ قالدىم خاپا بولمىغىن.
- ياق خاپا بولىمەن تازا، باياتىمنىڭيازى بەك ئاچچىغىم كەلدى. ھېلى تېلفۇن قىلار، ھېلى قىلار دېسەم يوق. ئەشۇنداقمۇ قىلامسىز..؟
- خاپا بولما دېدىمغۇ ئۇماق.
- خاپا بولما دەپ قويۇپلا ئالداشنىلا بىلسىز..؟ نىمە ئىش قىلدىڭىز ئەتىگەندىن بېرى.
- ئىشلىدىم شۇ.
- راس ئەمدى تۈنۈگۈنكى ئالىم بىلەن نىمە ئىش بولغانلىقىنى دەپ بېرىڭ ئەمدى. ئالىم بىلەن بىرنىمە دېيىشىپ قالدىڭلىمۇ..؟
مەن بىلىپ قالدىم.
- ھېچنىمە دېيىشمىدۇق، ئەمدى ساڭا ئۇنداق بىر نىمىلەرنى سوۋغا قىلما دەپ ئازراق ۋاقىرىشىپ قويدۇق.
- نىمە دەپ ۋارقىراشتىڭلار..؟ئالىم نىمە دېدى..؟
- ئالىم، مەن سوۋغا قىلسام بولمادىكەن، ئۇ دىگەن تېخى توي قىلمىغان قىز تۇرسا دېدى. مەن توي قىلمىغان بولسىمۇ مەندەك سەككىز يىللىق مۇھەببىتى بار دېدىم. شۇنداق دېيىشىپ ئازراق ۋارقىرىشىپ قالدۇق.
- ئۇرۇشمىغانسىلە..؟
- ياق ئۇرۇشمىدۇق.
- شۇ سىز بەك بەلەن ھەرگىز ئۇچۇشۇپ يۈرمەڭ جۇما، شۇڭا سىزنى ھەممىدىن بەك ياخشى كۆرىمەن. ھېچكىم بىلەن ئۇرۇشمايسىز، شۇڭا مەن سىزگە ھەممىدىن ئامراق. تۈنۈگۈن مەندىنمۇ ئۆتتى ، سىزداىن سوراۋېرىپ خاپا بولماڭ جۇمۇ..سىزنى ھەرگىز خاپا قىلغۇم يوق ئىدى ئەسلى، خاپا بولماڭ.
- خاپا بولمىدىم ئۇماق، ئۇنچىلىك ئىشلارغا خاپا بولۇپ يۈرسەم سەن بىلەن قانداقمۇ توي قىلىپ بالىلىق بولىمەن دەيمەن ئۇماق..
- مېڭىڭە ئەسكى..كالۋا، دۆت..
مانا شۇنداق قىلىپ يەنە بىردەمدە گۈلچېھرە بىلەن ئەپلىشۋالدىم. ئۇنىڭ بىلەن ئەپلىشىش شۇنداق ئاسان، ئۇنىڭ دىگەن سۇئالىغا جاۋاپ بېرىپ، ئەكىلىتىپ قويۇپ، كەچۈرۈم سوراپ قويسىلا ئەپلىشىپ كەتكىلى بولىدى.
بۇ ئۇنىڭ شۇنداق ساددىلىقى، ھەم شەخسىيەتچىلىكى.
ئالدىكىسى ساددىلىق ئادەمنىڭ يۈرىكىگە ئىللىق بىر سېزىم ئاتا قىلسا كەينىدىكى شەخسىيەتچىلىك ئادەمنى سەل ئەندىشىگە سالىدۇ. شۇڭا مەن ئۇنى شۇنداق ياخشى كۆرىمەن ھەم ئۇنىڭدىن ئەنسىرەيمەن.
شۇ تەرىقىدە سۆزلىشىپ كەچ تەرەپلەردە تېلفۇنلىشىدىغان بوپ تېلفۇننى قويىۋەتتۇق. كەينىدىنلا غېنىغا تېلفۇن قىلدىم. ئۇنىڭغا كەچ تەرەپرە ۋاقىت چىقىرىپ ئالىمنى ئەدەبلەش پىلانىنى ئېيىتتىم. ئۇ ماقۇل دەپ ئۆزىنىڭ كېيىن دۇككىنىمغا كېلىدىغانلىقىنى ئېيىتتى.
غېنى دوستۇم شۇنداق ئىدى. ئۇ كۆڭلىدىكى دوسلىرى ئۈچۈن ھەرقانداق ئىش قىلىشتىن يانمايتى. ئۇ دوستى بىلەن ماۋۇ ئىشنى مۇنداق قىلايلى دەپ ئۆزىنىڭ ئازاپ تارتىۋاتقانلىقىنى، ئامال تاپالمايۋاتقانلىقىنى، ئۆزىنىڭ سەل ناھەقچىلىككە دۇچار بولغىنىنى ئاڭلىسا ئۇنىڭغا چوقۇم ياردەم قىلاتتى. ئاچچىغلىرىنى باسالماي قالاتتى. ئۇنى چوقۇم ياخشى بىر تەرەپ قىلىدىغانلىقى توغرىسىدا سۆزلەپ ئەشۇ دوستىنىڭ كۆڭلىنى تەسكىن تاپقۇزاتتى. غېنى مەردانە ئىدى. ئەشۇ مەردانىلىقى بىلەن دوستىنىڭ كۆڭلىنى ئۇتۇشقا تىرىشاتتى.
شۇڭا ھازىرمۇ ماڭا كېيىن ئۆزىنىڭ كېلىدىغانلىقىنى ئېيىتتى.
ئەمدى ئالىمنىڭ قانداق ۋاقىتتا يانىدىغانلىقىنى بىلىۋالدىم، غېنىمۇ كېلىدىغان بولدى،ئالىمنىڭ ئەدىپىنى كەچ تەرەپتە بېرىدىغان بولدۇق.  گۈلچېھرەنىڭمۇ كۆڭلىنى تەسكىن تاپقۇزدۇم. كۆڭلۈم سەل ئارامىغا چۈشكەندەك، شۇڭا دۇككانغا كىرىپ كارۋاتقا كىرىپ يېتىپ ئازراق ئۇيقىغا كېتىپتىمەن.
كېيىن بىر ماشنىنىڭ كىرىشى بىلەن ئويغۇنۇپ كېتىپ ئۇ ماشىنى رىمونىت قىلىشقا چۈشتۈم.

داۋامى بار...

taxwix

ماشىنىنى رىمونىت قىلىپ بولۇپ سائەتكە قارىسام بىردەمنىڭ ئىچىدە  سائەت تۆت  بولۇپ كېتىپتۇ. ئەمدى دۇككاننى تاقاپ قويۇپ ئىچىدە ئولتۇرىۋالدىم. ئالىم ئىشتىن چۈشۈشكە يەنە ئالتە سائەت بار، قانداق قىلىپ باشتىكى ئەنتىمنى تولۇق ئېلىش، ھەم ئۇنى ئازراق بولسىمۇ قورقۇتۇش، قانداق قىلىپ بۇ ئىككى ئىشنى بىرلا ۋاقىتتا ئەمەلگە ئاشۇرۇش كېرەك..؟
چوڭ بولغاندا يەنە قايتا-قايتا ئۇرۇشۇپ يۈرگىلى بولمايدۇ. شۇڭا بۇ پۇرسەتنى ياخشى تۇتۇپ ئۆچۈمنى ھەممىدىن ئەپچىل ئۇسۇل بىلەن، مەقسەتلىرىمنىڭ ھەممىسى ئىشقا ئاشىدىغان ۋاستە بىلەن ھەل قىلىشىم كېرەك. ئەگەر ئۆچۈمنى راۋۇرۇس ياخشى ئېلىپ، ئۇنى ئازراق بولسىمۇ قورقۇتۇپ قويمىسام  ئۇ يەنە ماڭا ئۆزىنى كۆرسىتىشكە ئۇرىنىدۇ. شۇڭا مەن ئاۋال ئۇنىڭ كۆرەڭلىكىگە ھۇجۇم قىلاي.
كەچ بولغاندا ئۇنىڭ بىلەن ئۇرۇشۇپ ، ئۇنىڭغا راۋۇرۇس تۈردە گەپ قىلىپ بولغىلى بولمايدۇ. كەچ بولغاندا ئۇرۇشۇشمۇ شۇنداق جىددى بولىدۇ. بىردەم كۆزىمىز كۆرگەن يەرلىرىگىلا ئۇرۇپلا ئىتتىك مېڭىپ كېتىشىمىز مۇمكىن. كەچ بولغان قاراڭغۇ ۋاقىتتا قانداقمۇ ئۆزىنى توختۇتۇپ، گەپلىنىمۇ ئېغىر بېسىق قىلىپ ئۇنىڭ ئەدپىنى بەرگىلى بولىدۇ. شۇڭا ئەڭ ياخشىسى كەچ بولىشىنى ساقلاپ تۇرماي ئۇنىڭ ئۆزىنى چىقىرىشىم كېرەك. مەن نىمىشقا ئۇنى ساقلاپ تۇرۇپ ئۇرغۇدەكمەن. چوقۇم ئۇنى ئالدىمغا چاقىرىپ كېلىپ ئۇنى يورۇق ۋاقىتتا، ھەممە نەرسىنى كۆرگىلى بولىدىغان ۋاقىتتا ، ئۆزىنىڭ تاياق ياۋاتقاندىكى ھالىتىنىمۇ ئېنىق  ئۇنىڭ ئەدىپىنى بېرىشىم كېرەك. كەچ بولغاندا بىرسىنى ئۇرغاننىڭ  خۇددى شىياڭگاڭنىڭ كىنولىرىدەك بېرىپلا دۇم-دۇم ئۇرۇپ، قېچىپ كېتىدىغان لۈكچەكلەردىن نىمە پەرقى . مەن دىگەن لۈكچەك ئەمەس، لۈكچەكلىكنىمۇ قاملاشتۇرالمايمەن. مەن پەقەت ماڭا بىرى ھۇجۇم قىلغان ئىكەن مەنمۇ ئۇنىڭغا قايتۇرما ھۇجۇم بېرىپ قويماقچى. شۇڭا  تۇيۇقسىز زەربە بېرىش، كەينىدىنلا زەربە بېرىش بۇ پەقەت قورقۇنچاقلانىڭ ئىشى. مەن چوقۇم ئۇنىڭ كۆز ئالدىدىلا، نەق مەيداندا ئۇنىڭ ئەدىپىنى بېرىشىم كېرەك.
شۇنداق قىلىشىم كېرەك. ئۇ چىققاندىن كېيىن يەنە نىمىلا بولىشىدىن قەتئى نەزەر پۇختا تەييارلىق قىلىش كېرەك. بىر ئادەمنى جەڭگە چاقىرغان ئىكەن چوقۇم جەڭگە پۇختا تەييارلىق قىلىپ چىقىش كېرەك.
بىرىنجى باسقۇچتا ئالىمنىڭ ئەدىپىنى بېرىشكە ماسل كېلىدىغان، ئادەم ئازراق بولغان يەرنى تاللىشىم كېرەك.
ئىككىنجى باسقۇچتا ئالىمنى چاقىرىپ، ئەشۇ ئۆزۈم دىگەن يەرگە ئاپىرىشىم كېرەك.
ئۈچىنجى باسقۇچتا ئالىمنىڭ ئالدىدا ئۇ يەردە مېنىڭ كۈچلۈكراق ئورنۇم يەنى مەندىكى ئاۋالقى يىگەن تاياقنى يىگەندىكى غەزەپ نەپرەتنى تولۇق ئىپادىلەيدىغان مۇھىت ھازىرلىنىشى كېرەك.
ئۇنداقتا بۇ مۇھىت قانداق ھازىرلىنىشى كېرەك. چوقۇم مېنىڭ ئالىمدىن چوڭ سۆزلەيدىغان كوزۇرۇم بولىشى كېرەك. ئالىمدىن تاياق يىگەندىكى نەھەقچىلىكنى، غەزىپىمنى، ياكى مېنىڭ مۇھەببىتىمگە كۆز سالغاندىكى ناھەقچىلىقلەر تۇيغۇسى ئارقىلىق ئۆزىمنىڭ توغرا ئىكەنلىكىگە كۆندۈرۈپ چوڭ سۆزلەش، كۈچلۈك كۆرىنىش بۇ ھەرگىزمۇ كوزۇر ئەمەس. ئەگەر بۇ ئىشلار راستىنلار ئادىل بىر تەرەپ بولىدىغان ئىش بولسا مېنىڭ ئالىم بىلەن ئۇرۇشۇپ يۈرۈشۈمنىڭ، ئۇ يەرگە بېرىشىمنىڭ ئەسلا ئورنى يوق ئىدى. ئۇنىغا قايسى كوزۇرنى چىقىرىش كېرەك. ئۆزۈمنىڭ ئۇسقىنىنى دېسە ئالىم بىلەن پەرىقلەنمەيمەن. ئەگەر سەل ئۇسقىنىم بولغان بولسا ئىدى، ئۇنىڭغا ئازراق ھەيۋە كۆرسىتىپ گەپنى يوغان يوغان قىلىۋالسام. مەيلى قانداق بولمىسۇن پىچاقنى ئايرىم بىر يەرگە تېقىپ قوياي، يەنە باشقا ئىش بوپ قالسا ئەس قاتار، ئالىمنى يالغۇز چىقىرىش كېرەك. ئەگەر يالغۇز چىقىپ قالسا ئۇنىڭ بىلەن بىرمۇ بىر تۇتۇشۇپ ئۇنىڭغا ئەڭ تېز سۈرئەتتە ئەجەللىك زەربە بېرىشىم كېرەك. شۇنداق بولغاندا ئاندىن ئۇ مېنىڭ بوش ئەمەسلىكىمنى تېخىمۇ ئېنىق بىلىدۇ. ئەگەر يالغۇز چىقماي قالسىچۇ، شۇڭا غېنىغىمۇ تېلفۇن قىلىپ قويۇش كېرەك. ئەگەر يالغۇز چىقماي يەنە ئۆتكەنكىدەك تۆتى بىرلىشىپ چىقىپ قالسا ئىتتىك قېچىپ كېتىپ، ئالىمنى ئاندىن بۇدا باشقا بىر كۈنى ئۇنىڭغا تۇيۇقسىزلا ھوجۇم قىلىشم  كېرەك.
شۇنداق قىلىمەن. پىلاننى تۈزۈپ قويدۇم. قېنى بۇ پىلانىم بويىچە ماڭسا ئىشلار تېخىمۇ ياخشى بولاتتى. ئەگەر بولماي قالسىمۇ ھېچقىسى يوق، بۇدا بۇنىڭدىنمۇ ياخشى، تەخىرسىز پىلان تۈزىمەن.
شۇنداق ئويلىغاچ ئالىم بىلەن مۇشۇ ۋاقىتلاردا كۆرۈشۈپ ئۇنىڭ ئەدىپىنى بېرىش ئۈچۈن ئالىمغا تېلفۇن قىلدىم.
-ۋەي، كىمۇ..؟
- مەن تايىر، يەنە مېنى تونىمايۋاتامسەن..؟
- ھە، تونۇدۇم ، ئۆتكەندە تاياق يەپ تېخى چۈچىمىگەن ئوخشىمامسەن. يەنە بىرەر ئىككى مۇش، بىرەر ئىككى تېپىك يىگۈڭ كېلىۋاتامدۇ...؟
- ساڭامەنمۇ شۇ ئىش توغرۇلۇق تېلفۇن قىلدىم ، سېنى كەينىڭدىن بېرىپلا مەنمۇ ئاغىينەمدىن ئىككى ئۈچنى باشلاپ بېرىپ تازا دۇمبالاپ كالتەكلىسەممۇ بولاتتى. بىراق مېنىڭ ئۇنداق قىلغۇم كەلمىدىم. بۈگۈن سەن بىلەن بىر-بىرمۇ بىر تۇتىشىپ باقاي دەيمەن . بىرگە بىر چىقىمىز. بۇ ئىشلار ئىككىمىزنىڭ ئوتترىسىدىكى ئىشلار، ئۇنىڭ باشقا دوسلىرىمىز بىلەن ئالاقىسى يوق. ئۇلارمۇ مۇشۇ كىچىككىنە شەھەردە ياشايدۇ. ئىككىمىزنىڭ سەۋەبى توغرۇلۇق ئۇلارنى بىر-بىرمىزگە ئۆچ قىلىپ قويماي دەيمەن، شۇڭا سەن بىلەن بۈگۈن بىرمۇ-بىر ئۇرىشاي دەيمەن. قانداق چىقالامسىەن..؟
- ھە، خېلى گەپلىرىڭ نوچى چىقىۋاتىدۇغۇ، گەپلىرىڭنىڭ خېلى جېنى بار. مېنى ئۆزۈڭ يالغۇزلا ئەدىپىمنى بەرمەكچى ئىكەنسەندە..؟
تاياق يەپ قالارسەنمىكى..؟
- تاياق يەمدىم يىمەمدىم، شۇ چاغدا كۆرىمىز، قانداق چىقالامسەن يا قورقىۋاتامسەن..؟
- ھە بوپتۇ، خېلى جىگىرىڭ باركەن. ئىشلارنى ئادىل بىر تەرەپ قىلىمەن دەيدىكەنسەن. ئىشلارنى يولىدا بىر تەرەپ قىلىمەن دەيدىكەنسەن. قېنى قانداق بىر تەرەپ قىلىدىكەنسەن مەن كۆرۈپ باقاي، كۆڭلۈڭدە شۇنداق دىسەم مېنى قورقىدۇ دەپ قالغان ئوخشىمامسەن. سەندىن قورىققان جاننى ئىتقا تاشلاپ بېرىمەن، قانداق قىلالايتىڭ قېنى ،  قېنى قەيەردە كۆرىشىمىز..؟
- ئوبلاستىتىق تەنتەربىيە ئىدارىسىنىڭ ھېلىقى مەيدانىدا كۆرىشەيلى.
ماقۇل، ئەمىسە . قاچانلىققا كۆرىشىمز..؟
- سائەت ئالتىدە كۆرىشەيلى.
- ماقۇل،ئۆزۈڭ يالغۇزلا كېلەمسەن..؟
-ھە، ئۆزۈم يالغۇز كېلىمەن.سەنمۇ ئۆزۈڭ يالغۇز كەل. ئۆتكەنكى دوسلىرىڭنى يەنە باشلاپ كەلسەڭ مېنىڭ بۇ يەردە دوسلىرىم كۆپ، ھەممىسىنى چاقىرىمەن. ئۇقتۇڭمۇ..؟
ماقۇل ، سېنىڭغۇ ھەممىنى چاقىرىمەن دىگەنلىرىڭ يالغان، بوپتۇ شۇنداق بولسىمۇ ئۇقتۇم. ئەمىسە سائەت ئالتىدە كۆرىشەيلى.

تېلفۇننى قويىۋەتتۇق. سائەت ئالتىدە كۆرىشىدىغان بولدۇق. ئالىم ئۆزى يالغۇز كېلىمەن دېگىنى بىلەن چوقۇم يەنە باشقىلار بىلەن بىللە كېلىدۇ، شۇڭا غېنىغا مەنمۇ تېلفۇن قىلىپ قويىشىم كېرەك. شۇنداق دىگىنىمچە غېنىغا تېلفۇن قىلدىم.
-ۋەي،
-ۋەي، ئاداش . نىمە ئىش قىلىۋاتىسەن..؟
-شۇ دۇككانى ئېچىپ تۇرىۋاتىمەن. بىر قانچە خېرىدار كىرىپتىكەن شۇلارنى يولغا سالاي دەپ، قانداق بولدى، ھازىرلا بارامدىم.
- ياق، ئاداش ھازىر كەلمەيسەن. سائەت ئالتىدە ھېلىقى تەنتەربىيە مەيدانىدا ئالىمنىڭ ئەدىپىنى بېرىدىغان بولدۇق. شۇڭا سەنمۇ دەل ئالتىدە بېرىپ تۇرارسەن.
- ئۇ نىمە دېگىنىڭ..؟ بېرىپ تۇرارسەن دېگېنىڭ، ئىككىمىز بىللە بارايلى.
- ھە ماقۇل ، ئەمىسە سائەت بەش يېرىملاردا سېنىڭ قېشىڭغا بارىمەن. تەييار بوپ تۇرارسەن ئاداش.
- ماقۇل، چاتاق يوق. سەن كېلىۋەر. نىمە بىلەن كېلىسەن....؟
-ماشىنا بىلەن بارىمەن. دۇككاندا ئەتە ئىگىسى كېلىپ ئەكىتىدىغان ماشىنا بار ئىدى. شۇ ماشىنى ھەيدەپ سىناق قىلىپ باققاچ شۇ يەرگە بارىمىز.
تېلفۇننى قويىۋەتتىم. كىيىملىرىمنى تېزلا ئالماشتۇردۇم. سائەتكە قارىسام سائەت بەشتىن ئەمدى ئۆتكىلى تۇرۇپتۇ. ئازراق يەنە ئويلىنىۋالغاچ ئولتىرىۋالدىم. ئەگەر ئالىم بىلەن بىر-بىرمۇ چىقىش پۇرسىتى كېلىپ قالسا قانداق قىلش كېرەك...؟
باشتا ئۇنى گەپكە تۇتۇش كېرەك . ئاندىن ھۇجۇم باشلاش كېرەك. باشتا يۈزىگە بىر مۇش ئۇرۇشۇم كېرەك. ئاندىن قوسىقىغا بىرنى تېپىشىم كېرەك. كەينىدىن بېرىپلا ھۇجۇم قىلىشتىكى ئۈستۈنلىكنى ئىگەللەپ ئالىمغا قايتا-قايتا زەربە بېرىشىم كېرەك. ھە، مۇشۇنداق قىلسام بولىدىكەن. ئۆزۈمنى ئەركىن تۇتاي، ئۆزۈمنى قويىۋېتەي.
تاماكىدىن بىرنى تۇتاشتۇرۇپ چېكىپ ئىچىمدىكى جىددىيچىلىكنى ئازراق بولسىمۇ بېسىقتۇرۇشقا تىرىشتىم. ئادەتتە كۆپ تاماك چەكمىسەممۇ بەزىدە دەل مۇشۇنداق جىددىيچىلىككە تولغان ۋاقتىمدا بىرەر تال تاماكا چېكىپ قويۇپ جىددىيلىشىمنى بېسىقتۇرىمەن.
تاماكىنى چېكىپ بولۇپ غېنىنىڭ دۇككىنىغا باردىم.
غېنى ئولتۇرۇپتۇ.
-ئاداش كەلدىڭما..؟ مەن ھازىرلا بىكار بولىمەن. توختاپ تۇر.
غېنى شۇنداق دىگىنىچە ئىچىدىكى بىر ئۆيگە كىرىپ كەتتى. غېنى كىرىپ كەتكەندە يەنە بىر خىيال كاللامغا كەلدى. راس ئالىمنىڭ دۇككنىدىكى قىزغا تېلفۇن قىلىپ باقاي. نىمە دېسەم بولار تېلفۇن قىلىپلا ئالىمنى سورىسام ئۇ قىز گۇمانلىنىپ قالارمۇ..؟
قېنى گۇمانلىنىپ قالماس، قىزلارنى قولغا كەلتۈرۈشتىكى، گەپكە سېلىتىشىكى تاكتىكىللىرىمنى ئەمدى چىقىرىشم كېرەك. بىر قىزدىن ئۆزىنىڭ لاۋبىنى توغرۇلۇق گەپ ئالالمايدىغانلىقىمغا ئىشەنمەيمەن. ھەتتا ئاتا-ئاتانىسى توغرۇلۇقمۇ ئۇچۇرغا ئىگە بولالايمەن، لاۋبىنى دىگەن قانچىك ئىشتى.
ئەتىگەنكى قىزنىڭ ساقلىۋالغان نۇمۇرنى تېپىپ ،ئالىمنىڭ دۇككىنىدا ئىشلەيدىغان قىزغا تېلفۇن قىلدىم.
-ۋەي، كىمۇ..؟
-ۋەي، ئامىنەمۇ سىز...؟
- ھە مەن شۇ، سىز كىم بولىسىز..؟
- مەن ئەتىگەنكى ھېلىقى سىزنىڭ نومىرىڭىزنى سوراپ، سىزگە تېلفۇن قىلغان بالا شۇ بولىمەن.
-ھە، مۇنداق دەڭ. سىزمىتىڭىز..؟
- مەن ، قانداق ئالدىراشمىتىڭىز يە..؟
-ياقەي بەكمۇ ئالدىراش ئەمەس. يەنە تېلفۇن قىپ قاپسىزغۇ..؟
- سىزنىڭ ئاۋازىڭىزنى ئاڭلىغۇم كېلىپ، تېلفۇن قىلدىم.
-نىمە دەيدىغانسىز..؟ مېنىڭ ئاۋازىمنى ئاڭلاپ قانداق قىلاتتىڭىز..؟
- سىزگە راستىمنى  سىزنى كۈزەتكىلى بىر نەچچە ھەپتە بولغان، بۈگۈنلا سىز بىلەن تونۇشۇش پۇرسىتىگە ئېرىشتىم. ھەم سىز بىلەن تونۇشىمەن دەپ بۈگۈن قەتئى ئىرادىگە كەلدىم. سىزگە كۆزۈم چۈشۈپ قالدى. خاپا بولماڭ ھە...سىزنى مۇشۇنداق دەپ چۆچىتىۋەتتىم.
- ياقاي، مېنى قانداق كۈزەتكەن ئىدىڭىز..؟
- سىلنىڭ لاۋبىنىڭلارنى مەن تونۇيتىم. كىچىك ۋاقتىمىزدا بىر مەكتەپتە ئوقىغان. بىر ۋاقىتتا ئەشۇ دۇككانغا كىرگەن ئىدىم. سىز تۇرىدىكەنسىز، سىزنى كۆرۈپلا كۆزۈمگە ئىسسىق كۆرۈنۈپ قالغان ئىدىڭىز، شۇنىڭدىن تارتىپ سىزنى ئانچە مۇنچە كۈزىتىپ قويىمەن.
-  بىزنىڭ لاۋبىنىمىزنى تونۇمسىز،،.؟
- بەك ئېنىق تونۇشۇپمۇ كەتمەيمىز، لېكىن يىراقتىن كۆرسەك سالاملىشىمىز.
- ئەمىسە مەن بىلەن تونۇشقانلىقىىزنى لاۋبىنىمىزگە دىمەيدىغانسىز..؟
- ياقەي، نىمە دەپ دىگۈدەكمەن.
ئاڭغىچە غېنى چىقىپ قالدى. مەن بىكار بولدۇم سەن كىم بىلەن پاراڭلىشىۋاتىسەن دېگىنىچە ماڭا قاراپ تۇردى.
توختا ، مانا ھازىرلا دەپ قويدۇم.
- لاۋبىنىڭلار ئادەتتە قىزلارغا بەك ئامراق ھە، دوسلىرى بىلەن بەزى كۈنلىرى قىزلارنى قېشىغا ئۇلار بىلەن كۆرۈشكىلى چىقىپ كېتىدىغۇ دەيمەن.
-  شۇنداقراق، بەزىدە بىزگىمۇ ئازراق چاق-چاق قىلىپ قويىدۇ. لىكىن بىز ئۇنىڭ قولىدا ئىشلەۋاتقاندىكى ھېيىقىش، ئەدەپ يۈزىسىدىن تۇرۇپ قالىدۇ.
قىز گېپىنى دەپ بولۇپلا تۇرۇپ قالدى. ئۆزىنىڭ بىزگىمۇ ئازراق چاق چاق قىلىپ قويىدۇ دەپ ئىتتىكلا چىقىپ كەتكەن گېپىدىن ئازراق خىجىللىق ھس قىلسا كېرەك.
- ھە، لاۋبىنىڭلار ھازىرمۇ دوسلىرى بىلەن ئەشۇنداق يەرلەرگە بارامدۇ...؟
- ھازىرمۇ بىر دوستى تۇرىدۇ، ئىككىسى بىر گەپلەرنى قىلىۋاتىدۇ،بىر يەرگە بارىمىز دىگەندەك گەپلەرنى قىلدى، بىردەم تۇرۇپ ماڭىدىغان ئوخشايدۇ. قەيەرگە باردىكىن بىلمەيمەن.
- ئامىنە، ئىسمىڭىزنى چاقىرىۋەردىم، مەن سىزگە كېيىن تېلفۇن قىلاي. ھازىر سەل ئالدىراشلا ئىشىم چىقىپ قالدى. خاپا بولماڭ ھە، سىزگە كېيىن چوقۇم تېلفۇن قىلىمەن.
-ماقۇل.
تېلفۇننى قويىۋەتتىم. غېنى ماڭا قاراپ كىم بىلەن سۆزلەشتىڭ دېدى. مەن ئالىمنىڭ دۇككىنىدىكى قىز بىلەن كۆرۈشكەنلىكىمنى، ئالىمنىڭ بىر دوستى بىلەن بىز دېيىشكەن  يەرگە ماڭماقچى بولغانلىقىنى دېدىم.
كاللاڭ خېلى ئىشلەپ قويىدۇ جۇما،بىردەمدە ئۇنىڭ دۇككىنىدىكى قىز بىلەن تونۇشۇپ ،ئالىمنىڭ خەۋىرىنى ئالالايدىغان بولدۇڭما، ئالىمنىڭ نەچچە دوستىنى باشلاپ چىقاركىن دەپ شۇنىڭدىن ئەنسىرەپسەندە دەپ غېنى دوستۇم كۈلۈپ قويدى. ھە، بىر دوستى بىلەن چىققان بولسا ئۇنىڭ ئەدىپىنى بېرىپ كېتەلەيمىز، خاتىرجەم بول ئاداش.
غېنى مېنى تېخىدىنمۇ خاتىرجەم قىلىپ تۇراتتى. غېنى بىلەن ماشىىنىنى ھەيدەپ دېيىشكەن يەرگە ماڭدۇق. ماشىنىدا ماڭغاچ غېنىغا باياتىم ئۆزۈم تۈزگەن پىلانلىرىمنى دەپ بەردىم. ئۇ كۈلۈپ تۇرۇپ پىلانلىرىمنى ئاڭلىدى. سەن نىمە دېسەڭ شۇنداق بولسۇن ئاداش دەپ قويدى. بەر ئۇ يەرگە تېخى ئالىم كەلمىگەن ئىدى. غېنى ماشىنىنىڭ ئىچىدە تۇرۇپ تۇردى.غېنىغا ئالىم بىلەن ئىككىمىزنىڭ ئىشى بېرىپلا ئۈچ تۆت بولۇپ ئۇرۇشۇپ كېتىدىغان ئىش ئەمەس دەپ چۈشەندۈردۈم.

ئۇ يەردە ئالىمنى ساقلىغاچ تېشىغا چىققاچ تۇرۇپ تۇردۇم.

داۋامى بار...

taxwix

بىر ۋاقىتتىن كېيىن ئالىممۇ يېتىپ كەلدى. ئۇ ماشىنىسىنى ئوتتۇز-قىرىق مېتىر نېرىدا قويۇپ ئۆزى كەلدى. قارىسام راستىنلا ماشىنىسىنىڭ ئىچىدە بىر دوستى باردەك قىلاتتى.
ئالىم ئېغىر قەدەملەر بىلەن ئۇيان بۇيانغا قارىغاچ ئاقسا كېلىۋاتاتتى. ئۇنىڭ يەنە كۆرەڭلىكى تۇتقان گەپ.
ئالىم ئالدىمغا كەلدى.
-ھە، تايىر نىمە ئىشىڭ بار ئىدى. گېپىڭ بولسا ئەمدى قىلە.
- نىمە ئىشىم بولماقچى ئىدى، سەندىن ئۆتكەنكى ئەنتىمنى ئېلىۋالاي دەپ، بولمىسا سېنى قانداق قىلاتتىم. سېنىڭ بۇ چىرايىڭنى كۆرۈپ قالمىسەمكەن دەپ خۇدادىن تىلەيدىغان تۇرسام ، ئامال يوق ئوخشايدۇ. سېنىڭ چىرايىڭنى كۆرمەي ياشىغىلى بولمايدىغان ئوخشايدۇ.
- تولا قۇرۇق گېپىڭنى قويۇپ، نىمە دىمەكچى سەن..؟
- سېنىڭ بۇرنۇڭغا ئازراق سۇ كىرگۈزۈپ قويماقچى، گۈلچېھرەگە يېقىنلاشما دىسەم ئۇنىمايسەن، گۈلچېھرەگە يېقىنلىشىپ مېنى ئۆزۈڭگە دۈشمەن قىلدىڭ. سەنمۇ ماڭا دۈشمەن بولدۇڭ. بۇ دىگەن باشقىلارنىڭ مۇھەببىتىنى ئۇنداق ئىتتىك تارتىۋالىمەن دەپلا تارتىۋالايدىغان زامان ئەمەس، بەدەل تۆلەيسەن، بۇرنۇڭغا سۇ كىرگەندە توختايسەن.ھەممە نەرسىنى پۇل بىلەنلا ھەل قىلىۋېتەلەيمەن دەپ ئويلاپ قالغان ئوخشايسەن، ئەپسۇس، خاتا ئويلاپ قاپسەن. قانچىلىك دەرىجىدە پۇلۇڭ بولغان تەقدىردىمۇ گۈلچېھرەنى مەن ساڭا تارىتقۇزۇپ قويمايمەن، تارىتقۇزۇپ قويۇش تۈگۈل گۈلچېھرەنىڭ ھېچقانداق ياخشى مۇئامىلىسىگە ئېرىشەلمەيسەن.
ئالىم يېنىكلا بىر كۈلدى. گېپىنى باشلىدى.
-تايىر سەن ئۆزۈڭنىڭ قايسى زاماندا ياشاۋاتقىنىڭنى تېخى ئوبدان بىلمەيدىغان ئوخشايسەن. سېنىڭ بۇنداق ئەخمىقانە ئويلىرىڭ خىياللىرىڭ ھەرگىز رىئاللىققا ماس كەلمەيدۇ. سەن مۇھەببەتنى ھېچكىم ئۆزگەرتەلمەيدۇ دەپ ئويلاپ قالغان ئوخشايسەن،مۇھەببەت دىگەن بىر خىل ھېسىيات. ھېسىيات دىگەن مەلۇم بىر پەللىگە يەتكەندە ئۆزلىكىدىن تۈگىگەنگە ئوخشاش مۇھەببەتمۇ مەلۇم بىر ۋاقىتتىن كېيىن ئۆزلىكىدىن سۇسلىشىدۇ. ھېسىيات دىگەن ھەرقانداق سىرىتقى چەكلىمىگە، مۇھىتنىڭ تەسىرىگە ئۇچرايدۇ. مۇھەببەتمۇ ھەم شۇنداق سىرىتقى ئامىلنىڭ تەسىرىگە ئۇچرايدۇ. سەن ھېندىستان كىنولىرىنى كۆپ كۆرۈپ مەڭگۈلۈك مۇھەببەت دېسە، ھە مەڭگۈلۈك مۇھەببەت دەپ قالغان ئوخشايسەن. دۇنيادا ھېچقانداق مەڭگۈلۈك مۇھەببەت بولمايدۇ. بار دېيىلسىمۇ ئۇ مۇھەببەت پەقەت ئۆزىدە قالىدۇ خالاس. ساڭا بۇلارنى چۈشەندۈرۈپ قويساممۇ بەرىبىر، شۇنداق بولسىمۇ دىگۈم كېلىپ قالدى. مەن گۈلچېھرەنى ياخشى كۆرۈپ قالدىم. بىراق ساڭا ئوخشاش ئۇنى مەڭگۈ ياخشى كۆرىمەن، ئۇنى ئۇنداق ياخشى كۆرىمەن دەپ يۈرمىدىم. مەن پەقەت ئۆزۈمگە خاس ياخشى كۆرۈپ قالدىم. سەن پەقەت گۈلچېھرەنىڭ كۆڭلىنى مەندىن بۇرۇن تونۇشۇپ ئۇنىڭ كۆڭلىنى ئۇتۇۋالدىڭ. قىزلار دىگەننىڭ كۆڭلى ھۇجۇم قىلىپ كىرىدىغان قورغانغا ئوخشايدۇ، لېكىن ئۇ قورغاننىڭ ھامان بىر تەرىپىدە يوچۇق بولىدۇ. سەن ئۇ يوچۇقنى تېپىپ قورغاننىڭ ئىچىگە قانچىلىك كىرەلىسەڭ ئەشۇ قورغاننى ئىگەللىگەن بولىسەن. بىراق قورغاننىڭ ھەممە يېرىگە كىرىپ ئۆزۈڭنىڭ ئاياغ ئىزىنى قالدۇرۇپ بولالىشىڭ ناتايىن.قورغاننىڭ يوچۇقىنى تېپىپ ئۇنى ئېتىپ بولالىشىڭمۇ ناتايىن.  قىزلار دىگەننىڭ كۆڭلى شۇنداق كەڭرى. ئۇلار ھېچكىمگە مەنسۇپ ئەمەس، ئۇلار پەقەت بويسۇندۇرغۇچىلارغىلا مەنسۇپ. شۇڭا سەن ئۇنداق خىياللىرىڭنى يىغۇشتىرىۋال. ساڭا بۇ گەپلەرنى دېيىشىمنىڭ ئورنى يوق ئىدى. لىكىن ئازراق دەپ قويمىسام ئەشۇ كاللاڭ بىلەن يەنە خېلى ئىشلارنى چىقىرىدىغاندەك تۇرىسەن. چىقارساڭمۇ مەن ئۈچۈن بەرىبىر، يەنە شۇ ئاۋارچىلىق  بولىدۇ ئەمەسمۇ.
ئالىم گەپلىرىنى خېلى ئېغىر بېسىق تۇرۇپ سۆزلەۋاتتاتتى.
-ئالىم. گەپلىرىڭنىڭ خېلى ئاساسى بار. قىزلارنى خېلىلا چۈشىنىدىكەنسەن. ھەتتا مەنمۇ سەندەك ئۇنداق ئىنچىكە چۈشۈنۈپ باقمىدىم. بۇ يەردىكى مەسلە ھازىرقى قىزلارنى چۈشۈنۈشتە ياكى گۈلچېھرەدە ئەمەس، بەلكىم ئىككىمىزدە. بۇ مەسلە ئاللاقاچان گۈلچېھرەدىن ھالقىپ بولدى. پەقەت گۈلچىھرە بۇ ئىشلارغا سەۋەپچى. بۇ يەردىكى مەسلە بىر ئەركىشىنىڭ غورۇرىغا بېرىپ تاقىلىدىغان مەسلە. بۇ مېنىڭ غورۇرۇمغا تاقىلىدىغان مەسلە. سەن ئاددى ئويلاپ قاپسەن. ئۆزۈڭنىڭ سىڭلىسىغا بىرسى چېقىلىپ، چاق-چاق قىلسا سەن قانداق قىلىسەن، گۈلچېھرە دىگەن مېنىڭ سەككىز يىللىق مۇھەببىتىم،بۇ مۇھەببەت سەن دىگەندەك  قانچىلىك دەرىجىدە ئىشەنچىسىز بولىشىدىن قەتئى نەزەر ئۇنى ساقلاش، قوغداش مېنىڭ مەسئۇلىيىتىم. ئۇقتۇڭمۇ.
مەسئۇلىيەت، ئالىم يەنە كۈلدى.
- تايىر سەن بەك ئۇلۇغۋار گەپلەرنى قىلىپ كېتىدىكەنسەن. مەسئۇلىيەت دىگەن باشتا ئۆزۈڭنى قانداق قوغداشنى ئۈگەن. ئاندىن مەسئۇلىيەتتىن ئېغىز ئاچساڭمۇ كېچىكمەيسەن.
ئالىمنىڭ گەپلىرى تېخىدىنمۇ راۋان، چىڭ چىققىلى تۇردى. ئالىمغا گەپ يىگۈزۈشنىڭ مۇمكىن بولمايدىغانلىقىنى ھېس قىلدىم. (بۇ يەرگىغۇ ئالىمغا گەپ يىگۈزىمەن دەپ كەلمىگەن بولمىسا)باشتا گەپنى مەن  يوغان قىلىمەن دېسەم، ئالىم دىگەن لامزەللنىڭ گېپى مەندىن ئۆتە يوغان جاراڭلىق يوغان چىقىپ كەتتى. ئالىم نىمىلا دىمىسۇن مەندىن دادىل، ئېغىر بېسىق تۇرالىدى. بۇمۇ ئۇنىڭ دەل ھازىرقى ھالەتتىكى بىر ئاجىزلىقى. قېنى يەنە گەپ باشلىسۇن، ئاندىن ھۇجۇمنى باشلايمەن.
- سەن ئاۋال ئۆزەڭنى ياخشى باشقۇرۇشنى ..
ئالىمشۇنداق دەۋاتقاندا گەپلىنى شۇنداق ئاقسا، بېرىلىپ سۆزلەۋاتقان ۋاقىتتا بېرىلا ئۇنى قورسىقىغا كېلىشتۈرۈپ بىرنى تەپتىم. ئالىم ئۇيانغا سەنتۈرۈلۈپ قورسىقىنى تۇتقىنىچە تۇرۇپ قالدى. ئاندىن كەينىدىن بېرىپلا ئاغزىغا ئىڭىكىگە ئىككى مۇش ئۇردۇم.
-سەن ئاناڭنى نىمە دەۋاتىسەن، قىز دوستۇمنى تارتىۋېلىشقا ئۇرۇنۇپ يەنە گەپنىڭ يوغىنىنى قىلىسەنيا،،ھۇ،،ئاناڭنى ھاراملىق.

شۇنداق دېگىنىمچە ئالىم بىلەن ئىرماش چىرماش بوپ كەتتىم. ئالىممۇ ئەمدى سەل ھوشىغا كەلگەن بولسا كېرەك ئۇمۇ ماڭا ئەمدى قايتۇرما ھۇجۇم قىلغىلى تۇردى. ئاڭغىچە ئالىمنىڭ دوستى يۈگۈرۈپ كەپتۇ. ئاندىن دوستۇم غېنى يۈگۈرۈپ كەپتۇ. غېنى بىلەن ئالىمنىڭ دوستى ئۇرۇشۇپ كەتكەن گەپ. غېنى ئالىمنىڭ دوستىنىڭ ئەدىپىنى بېرىپتۇ. ئالىمنىڭ دوستى غېنىغا تەڭ كېلەلمەپتۇ. غېنى ئالىم بىلەن ئىككىمىزنىڭ قېشىغا كېلىپ ئالىمنى ئىككىنى تېپىپ، ئىككى مۇش قويۇپ ئىككىمىزنى ئايرىۋەتتى. ئالىم بولسا ئەمدى پاسسىپ ئەھۋالغا چۈشۈپ قالدى. بېرىپ ئالىمنى يەنە قايتا ئىككى ئۈچنى ئۇرىۋەتتىم. يەرگە قارىسام مېنىڭ ئېسىۋالغان پىچىقىم چۈشۈپ قاپتۇ. ئۇنى ئېلىپ ئاستا يېنىمغا ئېسىۋالدىم. ئالىم بۇ پىچاقنى كۆرۈپ، ئاندىن ئۆزلىرىنىڭ تاياق يىگەنلىكىنى مۇقىملاشتۇررۇپ، يەنە قايتا -قايتا قارشىلىق كۆرسەتسە ئىشنىڭ يوغىناپ كېتىشىدىن ئەنسىرەپ، ئۆزلىرىنىڭ تەڭ كېلىپ بولالمايدىغانلىقىغا كۆزى يەتتى بولغاي جىم تۇردغىلى تۇردى. بۇ ئۇرۇشۇشتا بىز يەڭدۇق. ئالىملار ئەمدى پاسسىپ ئورۇنغا چۈشۈپ قالدى.
مەنمۇ بىرەر ئىككى مۇش يىگەن بولساممۇ بىراق مەن ھېچنىمە بولمىغان ئىدىم. ئالىمغا قارىسام ئالىم خېلىلا تاياق يىگەن ئىدى. يۈز كۆزلىرى سەل قىزىرىپ كىيىملىرى مەينەت بولۇپ كەتكەن ئىدى.
ئەمدى مەن گەپنى چىڭ قىلدىم.
- ئالىم، مۇھەببىتمگە كۆز قىزارتىپ يەنە گەپلىرىڭ بەك يوغان چىقىدىكەن. ئەمدى قانداق قىلالايدىغانلىقىمننى كۆرگەنسەن. بۇدا يەنە مۇشۇنداق قىپ يۈرسەڭ بۇنداق ئىشلارنى بولمايدۇ دىگىلى بولمايدۇ. شۇڭا ئۆزۈڭگە ھېزى بول. گەپلىرڭ خېلى جايىدا چىقىدىكەن، مەن دىققەت قىلمىغان، ئويلاشقا جۈرئەت قىلمىغان ئىشلارنى سەن ئويلاپسەن، ماڭا خېلى دەرىس بېرىپ قويدۇڭ. ئۇ سۆزلىرىڭنى ئېسىمدە ساقلايمەن.
بۇدا دەرىس سۆزلىگەندە ئەتراپتىڭغا قاراپ، ۋەزىيەت قانداق شۇنىڭغا قاراپ سۆزلە دەرسىڭنى.
ئالىم مەن قانداق گەپ قىلىشىمدىن قەتئى نەزەر جىملا تۇراتتى.ئۇنىڭ ھېلىقى دوستىمۇ جىم تۇراتتى.  ئۇنىڭ ئەينى ۋاقىتتا مەن تاياق يىگەندىكى ۋاقىتتىكىگە ئوخشاش غەزەپ نەپرىتى تېشىپ تۇرغاندۇ. بىراق ئامال يوق.
دەيدىغاننىمۇ دەپ بولدۇم. ئۇرىشىدىغاننىمۇ ئۇرۇشۇپ بولدۇم. بۇ ئۇرۇش كىچىككىنە ئۆزگۈرۈشلەرنى ھېساپقا ئالمىغاندا پىلانىمدىكىدەك بولدى. يەنە بىر ئىش ئالىمنى بۇدا خېلىلا چۈشۈنۈپ قالدىم.
ئۇنىڭ مىجەزى  ماڭا ئوخشاش تېرىككەك ئەمەس، ئېغىر بېسىق ئىكەن. گەپلىرىمۇ جايىدا چىقىدىكەن. يىراقنى كۆرەلەيدىكەن. ئىشلارنىڭ ماھىيىتىنى ، قانداق قىلىش كېرەكلىكنى بىلەلەيدىكەن. ئامال تاپالايدىكەن. بۇ ئۇنىڭ ئارتۇقچىلىقى بولسا ئۇنىڭ ئاجىزلىقى ئۆزىگە تەۋە بولمىغان، باشقىلار ئىگەلەپ بولغان نەرسىلەرگە كۆرەڭلەرچە ھۇجۇم قىلىپ ئۇنى ئۆزىنىڭ قىلىشقا يارايدىكەن. ئۇ نەرسە چوقۇم ئۆزىگە ياراپ قالدىمۇ بولدى ھېچقانداق ئىش بىلەن ھېساپلاشماي، ھەتتا قائىدە تۈزۈم، ۋېجدان، ئەخلاق بىلەنمۇ ھېساپلاشماي ئەشۇ ئۆزى قىزىققان نەرسىسىنى قولغا كەلتۈرۈشكە تىرىشىدىكەن. ئۇنىڭدا بىر خىل كۆرەڭلىك مەغرۇرلۇق، ئۆز پۇلىغا ئىشىنىپ كېتىش خاھىشى بەك كۈچلۈك ئىكەن. بۇ ئۇنىڭ مىجەزىنىڭ بىر قىسمىدۇ ياكى دەل شۇنداقتۇ. ئىشقىلىپ ئالىمغا چۈشۈنۈشۈمنى بۇ ئۇرۇش تېخىمۇ ئىلگىرى سۈردى.
ئالىم بۇ مىجەزى بىلەن بولدى قىلمايدىغاندەك تۇرىدۇ. مەيلى قانداق بولىشىدىن قەتئى نەزەر يەنە بولىدىغان جەڭلەرگە تەييارلىق قىلىشىم كېرەك. ئالىمغا گۈلچېھرەنى تارىتقۇزۇپ قويغان كۈنۈم ئۆزۈمنىڭ تۈگەشكەنلىكىمنى بىلگەن كۈنۈم بولىدۇ. بۇ كۈن مېنىڭ ئۆلگەن كۈنۈم بولىدۇ. شۇڭا ھەرقانداق ئىش بولىشىدىن قەتئى نەزەر ئالىمغا ھوجۇم قىلىش. ئۇ بولدى قىلغۇچە ھۇجۇم قىلىش كېرەك. بۇ يول تاللىنىپ بولدى. ھەم مەن ماڭمىسام بولمايدىغان يول.

داۋامى بار....

nazakat

نەتىجىسى زادى قانداق بولار، داۋامىغا تەشنامىز.

taxwix

3- بۆلەك:چۆكۈش

ئالىم بىلەن دوستى  ئۇ يەردە قالدى.  ئالىم غەزەپ نەپرىتىنى، ئاچچىقىنى ئىچىگە يۈتۈپ قالدى. ئۇمۇ ئەينى ۋاقىتتا ماڭا ئوخشاش غەزەپلىرىنى ئىچىگە يۈتۈشكە، قوللىرىنى چىڭ تۈگۈشكە مەجبۇر بولغاندۇ.
مەن بىلەن غېنى ئىككىمىز ئۇ يەردىن  يېنىپ چىقتۇق. غېنىنى دۇككىنىغا ئەكىرىپ قويۇپ، ئۆزۈم ماشىنىنى ھەيدەپ دۇككانغا قويۇپ قويۇپ ئۆيگە قايتىپ كەلدىم.
تاماقنى يەپ بولۇپ ئۆزۈم ياتىدىغان ئۆيگە كىرىپ كەتتىم.ئۆيگە كىرىپ ئەمدى گۈلچېھرەگە تېلفۇن قىلاي دىسەم تۇيۇقسىز ئالىمدىن تېلفۇن كەلدى. ئالىمنىڭ يەنە نىمىگە تېلفۇن قىلغانلىقىغا سەل ھەيران بولغاچ تېلفۇننى ئالدىم.
-ۋەي،
-ۋەي، تايىرمۇ سەن، ئۆيگە بېرىپ بولدۇڭما...؟
-ھە، ئۆيگە كېلىپ بولدۇم. قانداق يەنە دېيىلمىگەن گەپلەر ئىشلار قالدىمۇ..؟
- تايىر، گەپلەر ئەمدى باشلىنىدۇ، ئىشلار ئەمدى چىقىدۇ.
ئالىمنىڭ ئاۋازىدىن ئۇنىڭ ناھايتى ئاچچىغى بىلەن ئىرادىگە كېلىپ سۆزلەۋاتقانلىقىنى بىلىنىپ تۇراتتى.  ئۇنىڭ نىمە دەيدىغانلىقىغا قىزىقىپ تېلفۇننى قۇلىقىمغا تۇتۇپ گەپ سۆزمۇ قىلماي جىم تۇردۇم.
-ساڭا دىسەم ئەمدى ئىشلارنى ئەمدى چىقىرىمەن. بۈگۈن مېنى شۇنداق ئۇرىۋالدىڭ. مەن ئۆمرۈمدە بىرسىدىن بۇنداق تاياق يەپ باقمىغان، بوپتۇ ئۆتكەنكى ئىش بىلەن بۇ ئىش ئەمدى تەڭ بولدى. ئۇ ھېساۋات ئەمدى تۈگىدى. بىراق شۇنى ئۇنتۇپ قالمىغىنكى ئەمدى تېخىمۇ يېڭى ھېساۋات، يېڭى ئىشلار بىزنى كۈتۈپ تۇرىدۇ. ساڭا شۇنداق دەپ قوياي سەندىن گۈلچېھرەنى قانداق تارتىۋالىدىغانلىقىمنى كۆرۈپ تۇر، گۈلچېھرەنى سەندىن قانداق يىراقلاشتۇرىدىغانلىقىمنى ئەمدى كۆر،سەندىن بۇ ئۆچۈمنى ئەنە شۇنداق ئالىمەن. سېنى قانداق يىغلىتىمەن، سېنى قانداق ئوڭدا قويىمەنكى ئەمدى كۆرۈپ تۇر. سەنمۇ مېنى بوش كۆرۈپ قالغان ئوخشايسەن،گۈلچېھرەنى سەندىن يىراقلاشتۇرۇپ ئۇ ۋاقىتتا ساڭا قانداق قارايدىغانلىقىىمنى كۆرۈپ تۇر. سېنىڭ ئەشۇ ۋاقىتتىكى ھالىتىڭنى، ئەشۇ بىچارە ھالىتىڭنى كۆرسەم دەيمەن. شۇ ھالەتتىكى ۋاقتىڭدامەن بىلەن نىمىشقا قېرىشقانلىقىڭغا چوقۇم پۇشايمان قىلىسەن.  شۇنداق قىلالمىسام ئىسمىمنى يۆتكىۋېتىمەن، ئۇقتۇڭمۇ تايىر. ساڭا ئەمدى مەن ھۇجۇم قىلىمەن. بۇ ھۇجۇم سېنى بىر قانداقلارچە ئۇرىۋېلىش، دۇمباۋېلىش بولماستىن بەلكىم يۈرىكىڭگە قىلىغان ھۇجۇم. سەن ئاگاھ بول!
ساڭا بۇنى دەپ قويىشىمدىكى سەۋەپ سېنى تەييارلانسۇن دەپ قويدۇم، ھۇجۇم قىلىدىغىڭنى دەپ قويۇپ ھۇجۇم قىلىپ دۈشمىنىنى يېڭىش شۇنچە پەيزى بولىدىكەن. مەن بۇنى ھېس قىلدىم. ئۆزۈمنىڭ شۇنداق غەزەپكە، ئازاپقا ، خورلۇققا قالغانلىقىمدىن، سېنىڭ يايراپ كەتكەنلىكىڭدىن شۇنداق ھۇجۇم قىلىشنىڭ پەيزى ئىكەنلىكىنى  ھېس قىلدىم. مەنمۇ ئەمدى سېنىڭ ئۇسۇلۇڭ بىلەن ساڭا ئۇ ھۇجۇمنى قايتۇرۇپ بېرىمەن.لېكىن شەكىل ئوخشىمايدۇ.  خوش تايىر...
ئالىم تېلفۇننى شۇنداق دەپلا قويىۋەتتى. ئۇنىڭ سۆزلىرىنى ئاڭلاپ تۇرۇپ قالدىم.
ئالىمنىڭ بايام دىگەن گەپلىرى كاللامدا قايتا-قايتا تەكرارلاندى.ئۇنىڭ ئەمدى تېخىمۇ غەيرەتكە كېلىپ بۇ ھاڭغا چۈشىۋاتقانلىقىنى، مېنىمۇ ھەم بۇ ھاڭغا تارتىپ كىرىۋاتقانلىقىنى چۈشەندىم. ئالىم بۇ ھاڭنىڭ بېشىنى كولاپ بولدى،مەنمۇ كۆرۈپ بولدۇم. ئالىم ھاڭنى ئۆزى پەيدا قىلدى. ئۇ مەن بىلەن گۈلچېھرە  تۇرىۋاتقان يەرگە يەنى ئوتتىرىمىزغا ئۇ ھاڭنى كولاپ بولدى، يەنە كولاتقۇزىۋاتىدۇ.  باشقىلارغا كولاتقۇزىدۇ ئەلۋەتتە.(گۈلچېھرەنىڭ ئاچىسىغا، ئۆيدىكىللىرىگە، دوسلىرىغا) ھەممىسىگە بۇ ھاڭنى كولاتقۇزىدۇ. چۈنكى ئۇلار ئالىم ھاڭ كولاڭلار دىسە توختىماي كولايدىغان ئىنسانلار . ئالىم ئەشۇ ھاڭ بىلەن مېنى گۈلچېھرەدىن بىر قەدەم نېرى قىلماقچى. ئاندىن ئەشۇ ھاڭنى كولاپ قويغاندىن كېيىن  گۈلچېھرەنى ھاڭنىڭ بېشىغا ئارغامچىدا چىگىش باغلاپ قويۇپ، ئارغامچىنى كېسىدىغان پىچاقنى ھاڭغا تاشلاپ قويۇپ، گۈلچېھرەنى چەككەن ئارغامچىنىڭ ئىككى ئۇچىنى ھاڭغا ساڭگىلىتىپ قويۇپ ، ئارغامچىنىڭ بىر ئۇچىنى تۇتۇپ گۈلچېھرەگە مەن سېنى قۇتۇلدۇرغىلى ھاڭغا چۈشۈپ كېتىۋاتىمەن دىگەندەك بىلىنىپ كېتىۋاتىدۇ.  مەنمۇ ئارغامچىنىڭ بىر ئۇچىنى تۇتۇپ ھاڭغا چۈشۈپ چوقۇم ئالىمدىن بالدۇر ئۇ پىچاقنى ئېلىپ، ئالىم ئېسىلغان ئارغامچىنى كېسىپ ئۇنى ھاڭغا چۈشۈرۈپ، گۈلچېھرەنى چىقىپ قۇتۇلدىرىدىغان ئىشنى قىلمىسام بولمايدىغانلىقى چۈنكى گۈلچېھرەنى قۇتۇلدىرىدىغان پىچاق دەل ئەشۇ ھاڭدا ئىكەنلىكى، ئەشۇ ھاڭغا چۈشكەندىلا ئاندىن ئالىمنى يېڭىپ گۈلچېھرەنى ئۆزۈمگە تەۋە قىلىدىغانلىقىمغا ئىشىنىدىغانلىقىم كاللامدا غىل پال پەيدا بولدى.
كاللامدىن ئەنە تۇيۇقسىز ئەشۇ خىياللار كېچىپ قالدى. ئالىمنىڭ مېنى نەگە باشلاۋاتقانلىقىنى قانداق ئويۇنغا باشلاۋاتقانلىقىنى، قايسى جەڭگە باشلاۋاتقانلىقى كاللامدىن بىرەر قۇر ئۆتۈپ بولدى.
  ئالىمنىڭ ئۇ گەپلەرنى دىگەندىكى ئېغىر بېسىق ھالىتى، سۆزلىرى ماڭا ئەمدى بىر ۋەھىمە،قورقۇنۇش پەيدا قىلىۋاتاتتى. بۇ قورقۇنۇش ئۆتكەنكى قورقۇنۇشلارغا ھەرگىز ئوخشىمايتى. ئالىمنىڭ گۈلچېھرەگە تېلفۇن قىلغان ۋاقىتتىكى، ئۇنىڭغا بىر نىمىلەرنى سوۋغا قىلغان ۋاقىتتىكى ، گۈلچېھرەنىڭ ئاچىسى بىلەن كۆرۈشۈپ يۈرگەن ۋاقىتلاردىكى ئەنە شۇ ۋاقىتلاردىكى ئەنسىرەشلىرىمگە، قورقۇنۇشۇمغا ئوخشىمايتى.
ئالىمنى ئۇ ۋاقىتلاردا چوقۇم نىيىتىدىن ياندۇرۇلايمەن دەپ ئۆزۈمگە شۇنداق ئىشەنگەن ئىدىم. ھەتتا غەزەپلىرىمگە ئېسىلىپ چىققان ئۆلتۈرۈش ئىستىكىنىمۇ شۇنداق ئېنىق كۆرگەن ،تۇيغان ئىدىم. ئالىم ئەمدى مېنى ئەشۇ تۇيغۇمغا تېخىمۇ يېقىن بولۇشقا قىستايدىغاندەك، ئەشۇنداق ھالىتىم بىلەن ئۆزى بىلەن جەڭ قىلىشىمنى ئارزۇ قىلىۋاتقاندەك بىلىنىپ كەتتى.
ئالىم بىلەن بولىدىغان ئىچكى ئۇرۇشلارنى كۆز ئالدىمدىن بىرەر قۇر ئۆتكۈزۈپ قويدۇم. بۇدا ئۇرۇشنى تېشىدا قىلغان بولساق ئەمدى ئۇرۇشنى ئىچىدە قىلىدىغاندەك تۇرىمىز. بۇ ئۇرۇشتۇنمۇ يانمايمەن. چۈنكى ئۆزۈمگە ئۇرۇش باشلانماستىنلا ئۇنى ئۆلتىۋېتىمەن دەپ ئۆز ئۆزۈمگە نەچچە رەت ۋارقىرىغان ئىدىم ئەمەسمۇ، ئۇ ئاۋازلارنى ئېنىق ئاڭلىغان ئىدىم ئەمەسمۇ،  ئۇنداق قىلالايمەن دىمىسەممۇ گۈلچېھرەدىن ۋاس كەچكىلى بولمايدۇ ئەمەسمۇ. بۇ ئىشلار ئىچىمنى شۇنداق ئازاپقا، ئىزتىراپقا تولدىرىدۇ. يۈرىكىمنىڭ بىر يېرىگە سانجىلىپ بۇ يولدا ماڭىدىغانلىقىنى ئەسكەرتىپ تۇرىدۇ، كۆزۈمگە پەقەت مۇشۇ بىرلا يولنى كۆرسىتىدۇ.

شۇ خىيالارنى قىلدىم. گۈلچېھرەگە تېلفۇن قىلسام ئۇ ئۆزىنىڭ مەن بىلەن بۈگۈن تېلفۇن كۆرۈشەلمەيدىغانلىقىنى ، ئەتە بىر يەردە كۆرۈشسەك بولىدىغانلىقىنى ئېيىتتى. شۇنداق دەپ تېلفۇننى قويىۋەتتىم.
يەنە نىمىلەرنىدۇ خىياللارنى قىلىپ ئۇخلاپ قاپتىمەن. ئەتىسى ئەتىگەندە قانداق بولدى ئانامنىڭ ئويغۇتىشى بىلەن ئويغۇنۇپ كەتتىم. كەچتە بىر چۈش كۆرۈپتىمەن. مەن نىمە ئىشلارنى كاللامغا بەك ئېلىۋالسام ئۇنى چۈشۈمدە چۈشەيدىغان ئادىتىم بار.

ئالىم بىر يەردە ئاقسا تۇرغۇدەكمىش، گۈلچېھرەنىڭ ئۆيدىكىللىرى ئالىم تەرەپتە تۇرغۇدەكمىش،مەن بىر تەرەپتە ئكزۈم يالغۇز تۇرغۇدەكمەن.  ئۇلار مېنى بىر ياندا تۇرۇپ تىللاپ تۇرۇپتىمىش، ئاڭغىچە گۈلچېھرە چىقىپتۇ. ئالىم، گۈلچېھرەنىڭ ئۆيدىكىللىرى ئۇنى ئۆز يېنىغا توۋلاپتۇ. مەن شۇنداق توۋلىساممۇ گۈلچېھرە مېنىڭ ئاۋازىمنى ئاڭلىماپتۇ. مېنىمۇ كۆرمەپتۇ. گۈلچېھرە ئۇلارنىڭ قېشىغا بېرىپ مېنى سوراپتۇ. ئۇلار مېنى كۆرسۈتۈپ تۇرۇپ ئەنە ئەۋۇ بىچارە شۇ تايىر،كۆرمىدىڭمۇ دەۋاتقۇدەك. گۈلچېھرە يەنىلا مېنى كۆرەلمەيۋاتقۇدەك. ئۇلار كۆرمىسەڭ ئەمسە تېخى ياخشى تايىر كەتتى، باشقا يەرگە كەتتى دەۋاتقۇدەك، گۈلچېھرە بولسا ئۇلارنىڭ گېپىگە ئىشىنىپ شۇلار بىلەن بىللە كېتىۋاتقۇدەك، مەن يەنە شۇنداق توۋلىساممۇ، ئاۋازىمنى ئاڭلىمايۋاتقۇدەك، مېنى كۆرمەيۋاتقۇدەك.

چۈشۈمنى شۇنداق ئېنىق كۆردۈم. ئەتىەەندە كۆڭلۈم بىر قىسمىلا بوپ قالدى. ئەتىگەندىلا كۆڭلۈم بىر خىل ھالەتتە ئىشىمغا ماڭدىم.
چۈشقىچە ئىشلىدىم. ئاڭغىچە تۈنۈگۈنكى  مەن ھەيدەپ ئالىمنىڭ قېشىغا بارغان ماشىنىنىڭ ئىگىسى كېلىپ ماشىنىنى ئېلىپ كەتتى. ئۇ ئادەمدىن پۇلنى ئېلىپلا سائەتكە قارىسام چۈشكە ئاز قاپتۇ.دۇككاننى تاقاپ گۈلچېھرە بىلەن كۆرىشىدىغان يەرگە باردىم. ئۇ يەردە ساقلاپ تۇردۇم،ئۆزۈممۇ سەل بىئارام بوپ تۇرىۋاتىمەن. گۈلچېھرە كەلسە ئۇنىڭدىن بەزى بىر سۇئاللارنى سوراپ ئۆزۈمدىكى بىئارامچىلىقنى ، ۋەسۋەسىنى يوقاتماقچى بولدۇم.
ئاڭغىچە گۈلچېھرەمۇ كەلدى. يەنە باشتىكى ككرىشىدىغان ئايرىمخانىغا كىردۇق.
-تۈنۈگۈن نىمە ئىش قىلدىڭىز..؟
- تۈنۈگۈن ئىشلىدىم. ئاندىن ئۆيگە قايتىپ كېلىپ ئۇخلىدىم شۇ. سەنچۇ..؟
- مەن، تۈنۈگۈن ئۆيدە بولدۇم. راسھېلىقى... گۈلچېھرە شۇنداق دەپ تۇرۇپ قالدى.
-ھە، نىمە ھېلىقى، نىمە بوپتۇ...؟
- ھېچنىمە،
- دىگىنە ،نىمە ھېلىقى نىمە بولدى.
تۈنۈگۈنكى ئالىمنىڭ دىگەن گەپلىرى ئېسىمگە كەلگەچ سوراپ باقتىم.
-ئالىم توغرۇلۇقما..؟
- ھە، سىز بىلىۋاپسىز، سىزەە ئۇنىڭ ەېپىنى قىلسام خاپا بولمىسۇن دەپ تۇرۇپ قالدىم.
- دەۋەرگىن ، نىمە بولدى..؟
- بايام يولدا كېلىۋاتسام ئالىم تېلفۇن قىپتىكەن. تېلفۇننى ئالمىدىم.
-ياخشى قىپسەنغۇ مانا، بۇدا تېلفۇن قىلكسا يەنە ئالمىغىن ھە..ئۇماق.
- ماقۇل.
گۈلچېھرە ماقۇل دىگەندىن كېيىن سەل خاتىرجەم بوپ، بايامقى سورايەن دىگەن سۇئاللىرىمنى سوراشقا باشلىدىم.
- گۈلچېھرە، ساڭا دەيدىغان گەپ بار ئىدى ھازىر دېسەم بولارمۇ يا..؟
- ھە، دەۋېرىڭ. قېنى قانداق گەپ ئىدى.
- ئەگەر ئۆيدىكىللىرىڭ، تۇققانلىرىڭ ئىككىمىزنىڭ توي ئىشىغا قوشۇلمىسا ئۇ ۋاقىتتا سەن قانداق قىلىسەن...؟
- چوقۇم قوشىلىدۇ،مەن قايىل قىلىمەن. لېكىن ئۇنداق بوپ قالسا قانداق قىلىشنى ئويلاپ باقمىدىم.
-راستىنلا پەقەتلا قوشۇلماي قالسىچۇ قانداق قىلىسەن..؟
- قانداق قىلىشنى بىلمەيمەن. ئۇلار چوقۇم قوشۇلىدۇ. مەن ئۇلارنى قايىل قىلىمەن.
- قېچىپ كېتەيلى دېسەمچۇ..؟
-ياق ھەرگىز ئۇنداق قىلمايمەن. ئۆيدىكىلەر مېنى بېقىپ چوڭ، قىلىپ ،ئوقۇتۇپ قاتارغا قوشىۋاتسا ،مەن ئۇلارنىڭ يۈىنى چۈشۈرمەيمەن. ئەگەر قېچىپ كەتسەم ئۇلار قانداق يۈزىنى قانداق كۆتۈرۈپ يۈرۈيدۇ.
- مەن سېنى ئاقىچىپ كەتسەمچۇ..؟
-ئەگەر ئۇنداق قىلسىڭىز ئۆلىۋالىمەن.  سىز ئۇنداق قىلمايسىز، _ ھە،جېنىم. ئادەمنى قورقۇتمىڭە، نىمە بولدى سىزگە، تۇرۇپلا بۇلارنى سوراپ قالدىڭىزغۇ..؟
- ھېچ ئىش يوق، سەن بىلەن ئىتتىك توي قىلسام دەپ شۇلارنى سوراپ باقتىم.
- ئۆيدىكىلەر تويۇمنى ئۇنداق ئىتتىك قىلمايدۇ. نەچچە يىل ئوقۇتۇپتۇ، ئەمدى ئوقۇش پۈتتۈرۈپ كەلگەندىكى ئازراق بولسىمۇ بىزنىڭ ئىشىمىزنى قىلغاچ بىزگە قاراپ تۇرسىكەن دەيدۇ. ئىشقا ئورۇنلىشىپلا مېنى باشقىلارغا بېرىۋېتىشكە ئۇنىمايدۇ ئۇلار. شۇڭا ھازىر توي توغرۇلۇق گەپ قىلمايدۇ . سىز ئەنسىرىمەڭ جېنىم، ئىككىمىز چوقۇم توي قىلىمىز. بىزگە يەنە بىر ئىككى يىل بار ، ئۇ ۋاقىتقۇچە مەن ئۆيدىكىلەرنى چوقۇ قايىل قىلىپ بولىمەن. ئەنسىرىمەڭ .
- ھە، بولدى  ئەنسىرىمىدىم. سەندە شۇنداق ئىرادە بولسىلا مەن ئەنسىرىمەيمەن ئۇماق.
گۈلچېھرەنىڭ ئۇ گەپلىرىنى ئاڭلاپ باياتىمقى بىئارامچىلىق ئازراق بولسىمۇ تۈگىدى.

داۋامى بار....