بۇرۇتلۇق خانىم

quyash

	كونىلاردا بىر ھىكمەت بار.گەپنى ئېغىزدىن چىققۇچە سەن باشقۇرىسەن،ئېغىزدىن چىققاندىن كىيىن سېنى باشقۇرىدۇ. ئەسەردە ئاساسى ئىددىيە ئوچۇق بولسىمۇ ئاپتۇر سەۋىيىسىنىڭ تۆۋەنلىكى تۈپەيلىدىن ئەسەرنى قايانغا دومىلاتسا بولىدىغان يۇمىلاق تاۋۇزغا ئوخشىتىپ قويغان. شۇڭا ئەسەرنى ھەركىم ئۆز چۈشەنچىسى بويىچە تەھلىل قىلىپ بېقىشلىرىنى توغرا چۈشىنىشكە بولىدۇ. ئەسەرنىڭ مەزمۇنىنى ۋە ئالغا سۈرگەن ئىددىيەنى قويۇپ تۇرۇپ ھىكايىنىڭ ئۆزىنى بىرنىمە دىسەك (ئىككى ئېغىز ھەق گەپ قىلغاندا) ھىكايىدە پەقەت ھىسسىياتنى ئىپادىلەشلا بار. بۇنىڭغا راڭپىزا يىگەن غىتمەك بار يەرگە گۆش پولو بۇيرىغان دوختۇرنى ئۈندۈرۈپ قويۇشىغا ئوخشاش زورلاپ قوشۇلغان ئىلمېنتلار  مىسال بولالايدۇ. ھىسسىياتنى بۇنداق سەنئەتسىز ئىپادىلەش ئۇسۇلى ئەسەرنىڭ سۈپىتىنى چۈشۈرىۋەتكەن. بۇنداق جايلار ئەسەردە كۆپ ئۇچرايدۇ. ئاپتۇرغا تەكلىۋىم:ئەسەر يېزىش ئاسان، ئەمما ئۇيغۇر تىلىنىڭ پاساھىتىدىن پايدىلىىنىپ بەدئىيلىكى يۇقىرى، ھەممىگە ياقىدىغان ئەسەر يېزىپ چىقىش ئۈچۈن كۆپلەپ ئۈگىنىشكە،كۈچ سەرىپ قىلىشقا توغرا كېلىدۇ. يازغۇچى ئەسەر يېزىشتىن ئاۋال << ئەدىبىيات خەلىقنىڭ مەنىۋى ئوزۇقى>>دىگەن سۆزنى ئېسىدىن چىقىرىپ قويماسلىقى كېرەك. خەلقىمگە ئوزۇق بىرىمەن دەپ ھىكايىدە توختىماي ئىچ كىيىمنىڭ ئىچىدىكى،كارىۋاتنىڭ ئۈستىدىكى ئىشلارنى يازسا بۇنىڭدىن تەربىيىسىز قالغان ياشلار ۋە پاشىۋازلارلا <<ئوزۇقلىنالايدۇ>>.قارىغاندا كىمنى <<ئوزۇقلاندۇرۇش>>مۇ ئويلىنىشقا تېگىشلىك مەسىلە ئىكەن. بۇ پەقەت بىر مىسال .دىمەكچى بولغىنىم ئاپتۇرنى كىشىلەرنىڭ روھىنى ئۇرغىتىدىغان ئەسەرلەرنى يېزىپ،بىرقىسىم كىشىلەرنىڭ چۈشكۈنلىكتىن قۇتۇلىشىغا تۈرتكە بولسىكەن دەپ ئۈمىت قىلىمەن.

yvzsiz

	سىز دىگەن مەسىلىلەر بۇ ئەسەردە مەۋجۈت ئەمەس،ئەپەندى.بۇ ئەسەردە ھېچقانداق <<سېرىق>>چىلىق يوق.ئىپادىلەش جەھەتتە،سۆز ئىشلىتىش جەھەتتە بەزى كەمچىلىكلەر بار دىيىلسە ئىتىراپ قىلىشقا بولىدۇ.<<باشقىلارنى زەھەرلەش ...>>ئەسلا مەۋجۇت ئەمەس،ئەگەر بۇزۇلۇش ئالدىدكى ئادەم بولسا بۇنىڭغا ياراتقۇچىدىن باشقا ھىچكىمنىڭ ئامالى يوق.بۇ ئەسەر رىئاللىقىمىزدىكى جىنسى تەڭپۇڭسىزلىق تىراگىدىيىسىنى ئەسكەرتىپ تۇرۇپ،جەمىيەتكە مەسئۇل بولۇش چاقىرىقىنى ئۇتۇقلۇق ھالدا ئوتتۇرغا قويغان.ئەدبىيات كىشىلەرگە ئىلھام،ساۋاق تەربىيە بېرىدۇ.مۇنداقچە ئېيتقاندا ئادەم تەربىيەلەيدۇ.تەربىيەنىڭ شەكلى ھەر خىل بولغانغا ئوخشاش رىغبەتلەندۇرۇشمۇ،تەنقىدلەشمۇ بىر خىل ئۇسۇل،ئىرادىسى ئاجىز ئادملەر تەنقىدكە بەرداشلىق بېرەلمەيدۇ.سىزمۇ شۇ جۈملىدىن ئوخشايسىز.بەزىلەرنىڭ قارشى بەلكىم ئۆزىنى مەركەز قىلغان ھالدا ئوتتۇرغا قويۇلىدىغان بولغاچقا بۇنىڭدىن ئەجەبلىنىشكىمۇ بولماسلىقى كېرەكتۇ. ئەنە ئاخىردا دەيدىغىنىم:بۇ ئەسەرد ھەرگىزم سېرىق مەزمۇن يوق.سىزگە ھەممە نەرسە سېرىق كۆرىنىدىغان بىر خىل كېسەللىك چاپلىشىۋاپتۇ.......

tawpk

	ھو   ھو   ھو  ھو  !    نىمانچە   كۈلكىلىك  .    مۇشۇنداق  ئەسەرلىرىڭىزنى   ئايماي  يوللاپ تۇرارسز

kattayaylak

	مەن بۇرۇن تەشۋىش ئەپەندىگە سۆز قىلىپ چوڭ خاتالىق ئۆتكۈزگەنلىكىمنى سەمىمىي ئىتىراپ قىلغان،بۇ نۆۋەت خاتالاشمىدىم دەپ قارىغاچقا يەنە سۆزگەچىقتىم.بۇ ھېكايەمنىڭ ئىدىيىسى توغرۇلۇق بولۇنغان ئىنكاسلار مېنى سەل ئەجەبلەندۇردىيۇ،يەنىلا سۆيۈندۇم.كۆپ سانلىقلارنىڭ مۇئەييەنلەشتۈرشى،ئاز ساندىكىلەرنىڭ تەكلىپ پىكىرلىرىدىن خۇش بولدۇم.مەن يېزىقچىلىق ئادىتىمدىن ئېلىپ ئېيىتسام <<يېزىپ پۇتتۇردۇم...>> دەپ قارىغان ئەسەرنى تۈزىتىش ماڭا بەك ئېغىر تۇيۇلىدۇ.ئىدىيىسىنى باشتىلا ئويلىۋالىمەن.ئەگەر لىنيىدىن چىقىپ كەتكۈدەك بولسام ئۇنى يازمايلا تاشلايمەن.گىرامماتكىلىق ۋە لوگىكىلىق سەۋەنلىكلەردىن خالىي بولالمىغان تەرەپلەرنى ئۆزۈممۇ ھېس قىلدىم،لىكىن<<مەن تارقىتىۋاتقان ئىدىيە >>توغرىسىدا ئوقۇرمەنلەرگە سەلبىي تەسىر بېرىدىغان تەرەپلىرىنى بىلمىدىم.ئەگەر بىلىپ-بىلمەي باشقىلارغا زىيان يەتكۈزىدىغان نەرسىلەرنى يوللاپ،بەزى(ئەپەندى،خانىم)لارنى زەھەرلەپ قويغان بولسام ئۇلاردىن تۆۋەنچىلىك بىلەن ئەپۇ سورايمەن،ھەمدە باشقۇرغۇچىلاردىن بۇ تىمىنى مۇنبەردىن يوق قىلىۋىتىشنى ئۆتۈنىمەن.ئەسەرلىرىم ئارقلىق باشقىلارنى زەھەرلەش مەن كۆزلىگەن نىشان ئەمەس،بۇنىڭغا ۋىجدانىم كېپىل ......

tawpk

	ھەقىقەتەن  ياخشى ئەسەر ئىكەن

yvzsiz

	تور دىگەن شۇنداق كەڭرى دۇنياكەن.ھەر كىم نىمە دىسە بولىدىكەن.سىياسەتكەقارشى بولمىسىلا ھەر قانداق <<تۇزسىز>>گەپلەرمۇ بۇ يەردە ئۈنەلەيدىكەن.بەلكىم 《قۇياش》بولسا كېرەك.(مەن شۇنداق تەلەپپۇز قىلدىم)شۇ 《قۇياش》نىڭ ئىنكاسى غىدىقىمنى كەلتۈرۈپ قويدى.‹‹سېرىق مەزمۇن...››دەڭ تېخى.سىز ‹‹سېرىق ››دىگەن سۈپەت سۆزىنىڭ كۆچمە مەنىسىنى ئانچە چۈشەنمەيدىغاندەك تۇرىسىز.ياكى سىز ‹‹بۇرۇتلۇق خانىم››نى تولۇق ئوقۇماپسىز.مەن ئوقۇسام ئۇنىڭدا  كارۋات ئۈستىدىكى ئىشلار يېزىلماپتۇغۇ؟ ‹‹...قايانغا دوملاتسا بولىدىغان يۇمۇلاق تاۋۇز...››دىگەن ‹‹سۈپەتلىشىڭىز››نى نېمە دەپ چۈشىنىش مۇمكىن؟ سىزنىڭ‹‹باش تىمىسى››كۆلىنىڭ كىندىكىدەك چوقچىيىپ تۇرغان ،‹‹ئىجابى ۋە سەلبى›› پىرسۇناژلىرى بوينىغا ‹‹سالاھىيەت گۇۋاھنامىسى››ئاسقان ئەسەر ئوقۇغۇڭىز بولسا توردا ئۇمۇ تېپىلدۇ. تىمىنىڭ ‹‹ئۆز››ۋە ‹‹ئۈگەي››لىرى بولمايدۇ.رېئاللىقىمىزنىڭ ھەممىسى ئەدەبىيات ئۈچۈن تىما بولۇش سالاھىتىگە ئىگە بولالايدۇ. مېنىڭ  ھېس قىلىشىمچە بۇ ھېكايىنىڭ ‹‹بۇرۇتى›› بار.بۇ بۇرۇت بەزى ئۆزىگە ئىشەنچىسى كەمچىل ئەركەكلەرگىلا سانجىلىدۇ.ئەسەر چۈشەنمەيدىغانلارغا نىسبەتەن ھەممىسى بەرىبىر...

sezgur

	ھەقىقەتەن ياخشى يىزىپسىز جۇمۇ .

barqukkizi

	مىنڭ چوڭ ئاپامنىڭمۇ بۇرتى بار قاپقارا ،بەزىلەر  ئايال كىشنىڭ يامنى بۇرۇتلۇق ،ئەسكىسى قۇرۇتلۇق دەيدىكەن مىنڭچە راسمىكىن  [s:2]

khan

	بۇ 71قەۋەتتىكىkattayaylak يوللىغان 2010-06-22 19:09 غا قارتىلغان  : مېنىڭ 2010-يىلدىكى ئەڭ چوڭ خاتالىقىم-تەشۋىش ئەپەندىگە سۆزلىگىنىم ئىكەنلىكىنى ھېس قىلدىم. توغرا ئېيتىسىز، بۇ سىزنىڭ ئەڭ چوڭ خاتالىقىڭىز. سىز ئەسلى شۈك بولۇشىڭىز كېرەك ئىدى. باشقىلار ئەسىرىڭىز ئۈستىدە بەس مۇنازىرە قىلىۋاتقاندا، تەنقىد قىلغۇچىغا تىكەن سانچىشىڭىز، سىزنىڭ ئوبرازىڭىزنى ھەقىقەتەنمۇ خۈنۈكلەشتۈرىۋەتتى. سىزدە نازىدەك سەۋرچانلىق يوق ئىكەن. ئېغىر - بېسىق بولۇڭ، بۇنداق چىچاڭشىسىڭىز(سەت بولدى، ئېغىر كەتتى) سېزىكى بار سەكرەيدۇ دېگەندەك، ئۆزىڭىزدىكى شۈبھىنى ئاشكارىلاپ قويىسىز. توغرا، تەشۋىش ئەپەندى سەل ئاشۇرىۋەتتى. ئۇنىڭكىنى توغرا دەپ كەتكىلى بولمايدۇ، ئەمما ئۇنىڭمۇ ئەسىرىڭىز ئۈستىدە ئوخشىمايدىغان قارىشىنى ئوتتۇرىغا قويۇش ھوقوقى بار. ئەگەر ئۇنىڭ پىكرىگە قوشۇلمىسىڭىز، ئۆزىڭىزنىڭ قارىشىنى ئىلمىي ئۇسۇلدا ئىزاھلىسىڭىز بولىدۇ. ئۇنداق دۆڭنىڭ كەينىدىن ئابدۇراخمان قوپقاندەك دوڭغاقشىپ << ئېسىت، ساڭا گەپ قىلغان ئاغزىم>> دېگەندەك تەنقىد ئىگىسىدىن ئاغرىنسىڭىز، بۇ ھەقىقىي قەلەم ساھىبىغا خاس ئىش ئەمەس. ئەسىرىڭىزگە كەلسەك، مەنمۇ باشتىن ئاخىر ئوقۇپ چىقتىم. ئەسىرىڭىزنى بەك ياخشى دەپ كەتكىلى بولمىسىمۇ، يامان ئەمەس ئەسەركەن، يەنە ئازراق ئىشلىسە(تىلىغا، ئىدىيىۋىلىكىگە، شۇنداقلا بەدىئىيلىكىگە) مەتبۇئاتقىمۇ ياراپ قالغۇدەك دەپ قارىدىم. ئەسەردىكى چىنلىق مەسىلىسىگە كەلسەك، تەشۋىش ئەپەندى بىر توقماق بىلەنلا ئەسىرىڭىزدىكى چىنلىقنى يوققا چىقىرىپتۇ. ئەمەلىيەتتە ئەسەردىكى چىنلىق ئەقىلگە ئۇيغۇن، ھەممىسى دېگۈدەك رىئال تۇرمۇشتا يۈر بېرىدىغان ئىشلار. كىشىنى ئويغا سالىدىغان، ئويلاندۇرىدىغان، پىكىر يۈرگۈزۈشكە ئىنتىلدۈرىدىغان، ئەرلەرگە بىر قېتىم زىل زىلە سالىدىغان تۇرمۇش كارتىنىلىرى ئىكەن. تەشۋىش ئەپەندى دېگەندەك ئەرلەرنى پەس كۆرۈش دېگەن ئىدىيىلەرنى مەن كۆرمىدىم. توغرا، سىز جەمئىيەت تەرىپىدىن سەل قارىلىۋاتقان، كىشىلەرنىڭ دىققىتىنى قوزغاشقا تېگىشلىك بولغان يېرىك مەزمۇننى ئەكس ئەتتۈرۈپسىز. ۋەھالەنكى مەن ئەسىرىڭىزدىن شۇنىمۇ ھىس قىلماي قالمىدىمكى، ئەسەردىكى بەزى ئىشلار ئىلمىيلىكتىن سەل چەتنەپ كەتكەنمۇ قانداق؟ يەنى بۇرۇتلۇق خانىمنىڭ ئىككى ئەردىن تەلىيى چىقماي، نىكاھتا بەختسىزلىككە ئۇچراپ، ئارقىدىنلا ئۇنىڭغا ساقال -بۇرۇت چىقىپ قېلىشى ___ ئەگەر بۇ ئاپتورنىڭ بەدىئىي ئورۇنلاشتۇرىشى بولمىسا____ بۇنى توغرا چۈشەنگىلى بولمايدۇ. چۈنكى بۇ تىبىىي نۇقتا تەرەپتىنمۇ مۇمكىن ئەمەس.

barna996

	barqukkizi يوللىغان ۋاقتى  2010-10-20 15:45 مىنڭ چوڭ ئاپامنىڭمۇ بۇرتى بار قاپقارا ،بەزىلەر  ئايال  ... ئەجەپ كۈلدۈم ما گەپكە،،بۇندىن كىيىن بۇرۇتلۇق قۇرۇتلۇق ئاياللاردىن ئەرلەر  ھەزەر ئەيلەيدىغان بولدى دە.....ئايالارغا ساقال بۇرۇت چىقىش ھەر خىل سەۋەپتىن بۇلىدۇ،،ئەرلىك ھورمۇن ئېشىپ كىتىش،گىرىم بۇيۇملىرىنىڭ تەسىرىدىن يۇزگە موي چىقىش،،جىسۇ ئۇكۇللارنى كۆپ ئۇرۇش،جىسۇلۇق گىرىملارنى ئۇزۇن مۇددەت ئىشلىتىش ..ۋاھاكازا.......بۇ كىيىن مودا بوپ قالامدۇ تېخى خۇدا ئۆزى بىلىدۇ....