بۇرۇتلۇق خانىم

kun^kiz

	بىچچارە ئايالنىڭ  تۇرمۇش يوللىرنىڭ شۇنچىلىك ئەگرى-توقايلىقىدىن  كۆڭلۈم  تولىمۇ  يېرىم بولدى .

dakyanos

	بۇ ئەسەر يىڭىچە ئوسلۇپتا يىزىلغاندەك قىلدۇ،بەلىكىم چەتئەلنىڭ پالانى ئىزىم دا يىزىلغان بۇلۇشى مۇمكىن ،ئازراق تەلىم بەرسىىڭىز، بىزدەك ھەۋەسكارلارنىڭ سەۋىيسى ئۇسۇ پ قالسا ئەجەپ ئەمەس.   بىزنىڭ ئەدەبىياتىمىزدا مۇشۇنداق ئۆزگىچە ئەسەرلەرنى كۆرگىنىمدىن خۇشالمەن، سەرخىل ئەسەرلەرنى دەۋاملىق يوللاپ تۇرارسىز!

نازى

	ئەسەرنىڭ تىلى يەڭگىل، يۇمۇرىستىك تۇيغۇغا باي، بەدىئىيلىككە تويۇنغان بولۇپ، ئەسەرنىڭ  چىنلىققا يېقىن بولۇشى كىشىنى تەبىئىيللا ئۆزىگە جەلپ قىلسا، ھازىرقى جەمئىيەتتىكى جىنىس تەڭپۇڭلۇقىنىڭ بۇزۇلۇشنىڭ سەۋەبلىرى ئۇستىلىق بىلەن ئىنچىكە يۇرۇتۇپ بېرىلگەن، بۇنى يېزىقچىلىق ماھارىتىنىڭ يوشۇرۇن كۈچى دېيىشكە بولىدۇ.        كاتتا يايلاق بۇ ھېكايىسىدە، ئەر كىشىدەك ئەرلەرنىڭ يوقۇلۇپ كېتىۋاتقانلىقى، شۇ سەۋەبلىك ئاياللارنىڭ ئۇلارنىڭ ئورنىغا ئالمىشىپ قالغىلىۋاتقانلىقىدەك قىزىقارلىق پاكىت ئارقىلىق، جەمئىيەتنىڭ چۇقانلىرىنى ئۇستىلىق بىلەن ھېكايىگە سىڭدۈرۇۋەتكەن. مانا بۇ ئەسەرنىڭ يەنە بىر مۇۋەپپەقىيىتى.      ئاخىردا دوختۇرنىڭ بۇرۇتلۇق خانىمغا بەرگەن تەكلىپى ئارقىلىق، ئەرلەرنىڭ جەمئىيەتتىكى ئوبرازىنى قايتا تىكلىمەكچى بولغان.         كاتتا يايلاق ئەپەندى (خانىم)  بۇ ئەسىرىڭىز مۇۋەپپەقىيەتلىك چىقىپتۇ، شۇڭا يەنە بىر قېتىپ كۆڭۈل قويۇپ ئىشلەپ مەتبۇئاتلارغا بەرسىڭىز بولغىدەك.

babur

	نازىنىڭ ئەسەر تەھلىل قىلىش دىتىدىن سۈيۈندۇم.

atikam1

	ئاللاھ ساقلىسۇن قىز -ئاياللىرىمىز  ئۆزىدىكى ئاياللىق نازاكىتى بىلەن ئۈز كۆرىلىدۇ،يىگىتلىرىمىز ۋە ئەرلىرىمىز ئۆزىدىكى ئەركەك تۇكى بىلەن سالاپەتلىك كۆرىلىدۇ. مەنمۇ يېقىندا بازار ئايلىنىپ كېتىۋېتىپ  شۇنداق بۇرۇتلۇق ئايالغا ئۇچراپ قالدىم ،ئۇ ئايالنىڭ بۇرىتىمۇ خۇددى 22ياشتىكى يىگىتلەرنىڭ  بۇرۇتىدەك  كۆرىنىدىكەن ،شۇنداق توۋا دەپ قېتىپلا قاپتىمەن ،ئاللاھغا توۋا-تەسەددۇق ئېيتىپ كېتىپتىمەن ، ھازىر جاھان نىمە بوپ كېتىپ بارىدۇ

hazalhan

	قۇدرەت مۇئەللىمنىڭ ياخشى ئەسەرلىرى مۇنبەردىن ئۈزۈلۈپ قالمىسۇن . بۇ ئەسىرىڭىز بەك ياخشى چىقىپتۇ .

dakyanos

	سىز ئاپتورنى تۇنۇيدىكەنسىزدە؟ ئاپتور ھەققىدە بىر-ئىككى كەلمە ئاڭلىساق بۇلامدۇ؟

taxwix

	مەلۇم بىر ھادىسىنى ئېتراپ قىلىمىز، لېكىن ئۇنىڭدىن شۇنداق قورقىمىز.... مۇشۇنداق ياشاپ كۆنۈپ قالدۇق. مەلۇم بىر ھادىسە پەيدا بولغان شۇنىڭغا قاراپ ھەيرانە قىياپەتتە قاراپ تۇرۇپ كېتىمىز. ئۇزۇنغىچە تۇرۇپ كېتىمىز. ھەيرانلىقىمىز تۈگىچىچە ھادىسە ئۆزلىكىدىن سىڭىپ بولغان بولىدۇ. ئۇ چاققۇچە كېچىكىپ بولىمىز. بۇ ئەسەر ماڭا ياقمىدى. ئەسەرنىڭ بەدئىيلىكى، قۇرۇلمىسى دېگەنلەرگە مەن بىرنىمە دېيەلمەيمەن، ئۇنىڭدىنمۇ خەۋىرىم يوق دىيەرلىك. بىراق ئەسەردە ئىپادىلەنگەن مەزمۇن ماڭا پەقەت ياقمىدى. ئاپتور بۇ ئەسەر ئارقىلىق نىمە دىمەكچى....؟ يەنە شۇ توردا مودا بولىۋاتقان قىز-ئوغۇللارنىڭ بىر بىرىنىڭ مەلۇم ئاجىزلىقىنى تۇتىۋېلىپ تالاش تارتىش قىلىدىغان ئويۇنىغا باشقىچە بولغان بىر رەڭ بەرمەكچى. ئوغۇللارنى قىزلار بىلەن سېلىشتۇرۇپ، قىزلارنى ئوغۇللار بىلەن سېلىشتۇرۇپ بىز زادى نىمىگە ئېرىشمەكچى....؟ ئوغۇللار ئوغۇللاردەك بولسۇن، قىزلار قىزلاردەك بولسۇن. ئۇلارنى بىر-بىرىگە سېلىشتۇرۇشنىڭ ئۆزى قىزلارنى قىز قىلماي، ئوغۇللارنى ئوغۇل قىلمايدىغان بىر خىل مۇھىتنى شەكىللەندۈرۈپ قويىدۇ. ئەركەك بولسىڭىز ئۆزىڭىزنى قىزلار بىلەن سېلىشتۇرماڭ. قىز بولسىڭىز ئۆزىڭىزنى ئەركەكلەر بىلەن سېلىشتۇرماڭ. ئاندىن ھەرنىمە ئۆزىنى تاپىدۇ. بۇ ۋاقىتتا زورلاپ سېلىشتۇرىمەن دېمىسەكمۇ پەرىقلەر ھامان مەۋجۇت بولۇپ رېئاللىق ئۆز ئەكسىنى تاپىدۇ. قېنى بۇ ئەسەرنى ئوقۇغان تورداشلار بۇ ئەسەر نىمە ئۈچۈن ياخشى ئەسەر بولىدۇ ھەم ناردىرلىنىدۇ. ماڭا مۇشۇنىڭ جاۋابىنى دەپ بەرگەن بولساڭلار... بۇ ئەسەردە بۇرۇتلۇق خانىمنىڭ ئەركىشىدىن تەلىيى ئوڭ كەلمەي بۇرۇت ، ساقال ئۆسۈپ كەتكەن جەريانى ياخشىمۇ ياكى ئاۋۇ ئورۇق دوختۇرنىڭ قولىدىكى چوڭ كەپقالغان سائەتكا پات-پات قاراپ قويۇپ بۇرۇتلۇق خانىمدىن سۇئال سورىغان يەرلىرى ياخشىمۇ..؟ يەنە مۇشۇنداق تىراگىدىيەنىڭ بولغانلىقى ياخشىمۇ..؟ ياكى مۇشۇنداق تىراگىدىيەنى تېخىدىنمۇ مۇبالىغە قىلىپ ھازىر مۇشۇنداق ئىشلار يۈز بېرىۋاتىدۇ تېخىدىنمۇ ھەيران قېلىڭلار دېگەن يېرى ياخشىمۇ..؟ زادى قەيىرى ياخشى، مەن پەقەت بىلەلمىدىم..

نازى

	تەشىۋىش        يازغان ئىنكاسىڭىزدىكى قەلەم قۇۋۋىتىڭىزدىن، ئەسەرنىڭ بەدئىيلىكىنى زادىلا چۈشەنمەيدىغانلىقىڭىزغا ئىشەنمەيمەن.       سىز ۋەقەلىكنى ئاساس قىلىپ تۇرۇپ، ئەسەرنىڭ يەنە بىر تەرەپىدىن تەتقىق قىلىپ بېقىڭ، شۇ ۋاقىتتا سىز ئاپتورنىڭ نېمە دېمەكچى بولغانلىقىنى ئوبدان چۈشىنىسىز.      بۇ يەردە دېيىلىۋاتقان نەرسە پەقەت قىز ئوغۇللارنى بىر بىرىگە سېلىشتۇرۇش دەپ چۈشەنسەك خاتالاشقان بولىمىز،   ئاپتور بۇ يەردە جەمئىيىتىمىزدىكى بىر قسىم ئەرلەردە يوقۇلىۋاتقان ۋىجدان، غۇرۇر، قىز ئاياللاردىكى نازاكەت ۋە ئەخلاق.  مەسىلىلىرىنى ئەينەك قىلىپ تۇرۇپ، مىللىتىمىزدىكى يېڭىدىن باش كۆتۈرگەن ئىللەتلەرنى قاتتىق قامچىلىغان، سىز ئەسەردىكى پىرسوناژلارنى قويۇپ تۇرۇپ، ئۇلارنىڭ خاراكتېر چىنلىقى  ئارقىلىق جەمئىيەتكە ئىنچىكىلىك بىلەن نەزەر سېلىپ باقسىڭىز بۇ گېپىمنىڭ مەنىسىنى چۈشىنىسىز.      دېمەكچى بولغان يەنە بىر گېپىم، ئەسەر چىنلىققا يېقىنلىقى بىلەن بەدئىيلىككە تويۇنغان ئەسەر بولۇپ، بۇ ئەسەرنى ۋەقەلىك ئارقىلىق ئۇنىڭ ئارقىسىغا يوشۇرۇنغان پايدىلىق قىممىتى بولغان- بولمىغانلىقى، كىشىلەرنى ئالغا ئۈندەش روھى بولغان بولمىغانلىقى، ئادەمگە بەدئىي زوق بېرىش بېرەلمەسلىكى، ئۆزىنى تونۇۋېلىشقا يېتەكلەش، يېتەكلىيەلمەسلىكى  قاتارلىق تەرەپلىرى  بىلەن بىرلەشتۈرۈپ تەھلىل قىلغادا ئېڭىڭىزدا يەنە بىر خىل قاراش پەيدا بولىدۇ، مانا بۇ سىز بىلمەكچى بولغان مەقسەت شۇ.                  مەن چەكلىك سەۋىيەم بىلەن،  سىز بىلەن شۇنچىلىك ئورتاقلىشىپ باقتىم، قالغىنىنى تورداشلا بىرلىكتە تەھلىل قىلىپ باقسا تەخىمۇ ئەتراپلىق بولۇشى مۇمكىن.

hazalhan

	بۇ ئىنكاسلارنى ئوقۇپ مۇنبەرنىڭ ھەققىي رولىنى چۈشىنىپ يەتكەندەك بولدۇم . مۇشۇنچىلىك ئورۇنلۇق پىكىردىن بىرنى بايان قىلىش ئون مىڭ پارچە قۇرۇق تېما يوللىغاندىن ياخشى ئەمەسمۇ ؟!