قانسىرىغان گۈل (ھىكايە)

bargiya

	بۇنداق ئۆتىۋىرىشىمگە بولمايىتتى. غەيرەتنىڭ كەلمىگىنىگە ئىككى ھەپتە بولۇپ قالدى. غەيرەتنىڭ كېلىش ۋاقتىنىڭ ئۇزىرىشىغا ئەگىشىپ قەلبىمدىكى ئۇنىڭغا بولغان ئاخىرقى ھىسسىياتلارمۇ سۇسلىشىشقا باشلاپ مېنى تېخىمۇ ئەندىشىگە سېلىپ قويۇۋاتاتتى. ياق، مەن بۇنداق قىلسام بولمايدۇ. ئاجىزلىقىمنى ئۇنىڭ داۋاملىق ئۆيگە ۋاقتىدا كېلىپ تۇرالماسلىقى بىلەن باغلىۋالسام ھەم ئۇنى باھانە قىلسام زادىلا بولمايدۇ. كۆز ئالدىمغا يېقىندىن بېرىقى ئۇنىڭ مېنىڭ گۇمانىمنى قوزغىغان تېلېفۇنلىرى، مېنىڭ تېلېفۇننى ئالغان ،سۆزلىشىۋاتقان يەرلىرىدە ئارقىدىن بېرىپ قالسام قىزىرىپ-تاتىرىشلىرى،كۆزلىرىنى ئېلىپ قېچىشلىرى، مېنىڭ ئالدىمدا خۇددى گۇناھى بار ئادەمدەك بەكلا سىلىق-سىپايە مۇئامىلە قىلىپ كېتىشلىرى كەلدى.ئەگەردە راستىنلا ئۇمۇ خىزمەت قىلىۋاتقان يېرىدە باشقا بىرەرسىگە كۆڭلى چۈشۈپ قېلىپ…بولغان بولسىچۇ؟ شۇ ئان چاقماق چېقىلىپ كۆز ئالدىم قاراڭغۇلىشىپ كەتكەندەك بولدى. دوختۇرخانىغا بېرىپ دەم ئېلىشىمنى ئالدىم-دە،ئۇنىڭ قېشىغا يۈرۈ پ كەتت مەن بارغان ۋاقىت تېخى ئىشتىن چۈشىدىغان ۋاقىت ئەمەس ئىدى. ئىشخانىسىغا بارسام ئۇ يوق ئىكەن،ئۇنىڭ قەيەرگە كەتكەنلىكىنى ھىچكىم بىلمەيدىكەن.شىياۋلىيۇ ئىسىملىك ياشقىنە بالا ئۇنىڭ كاتىپىنى ئىزدەپمۇ تاپالمىدى. قىززىق خىزمەت ۋاقتىدا جىمغىنە ئىككىلىسىنىڭ يوق بولىشى  كۆڭلۈمگە بىر سايە تاشلىدى، ئۇلارغىمۇ گەپ قىلماي،ھىلى كېلىپ قالىدۇ، ئارام ئېلىپ ئولتۇرۇپ تۇرۇڭ،تېلېفۇن بېرەيلى دىگىنىگىمۇ قارىماي ئۇلار ئۈچۈن ئاجرىتىلغان ئالاھىدە ياتاق بىناسىغا قاراپ ماڭدىم. ئۇ خىزمەتكە چۈشكەن دەسلەپكى ۋاقىتلاردا مەن بىر-ئىككى قېتىم كەلگەنلىكىم ئۈچۈن ئۇنىڭ 2-قەۋەتكە جايلاشقان باشقارما دەرىجىلىك كادىرلارغا خاس بېزەلگەن بۇ ياتىقىنى ئوبدان بىلەتتىم. پەلەمپەيدىن چىقىۋاتسام  كۆزلىرى ياشلانغان بىر ئايال تېزلىكتە ئۈستىدىن چۈشۈپ ماڭا لەپپىدە قاراپ قويۇپ يۈگۈرگەندەك چىقىپ كەتتى . زىلۋاغىنە كەلگەن ئاقپىشماق بۇ ئايالنىڭ سۈرمە تارتىلغاندەك كۆرۈنىدىغان كۆزلىرى ماڭا بەكلا تۇنۇش كۆرۈندى.ئايال ماڭا دىققەت قىلماي كۆز ياشلىرىنى ئېيتىشقىمۇ رەغدى يوق ھالدا چىقىپ كېتىۋاتاتتى. ئارقامغا بۇرۇلۇپ ئۇ ئايالنىڭ كەينىدىن يەنە قارىدىم«ئەجەپ بىر تۇنۇشلا چىرايغۇ..قەيەردە كۆرگەن بولغىيىتتىم؟» ئويلانغاچ چىقىۋاتقان قەدەملىرىم شاپپىدە توختىدى.پەلەمپەينىڭ يېنىغا جايلاشقان ئۇنىڭ ياتىقىدىن بىرسىنىڭ چاڭىلداپ سۆزلەۋاتقان ئاۋازى ئاڭلىنىۋاتاتتى. -ئۇ نىمىشقا سىزنى ئىزدەپ كېلىدۇ؟ مۇشۇنىڭ بىلەن بىر قېتىم ئەمەس بىر قانچە قېتىم شۇنداق بولدى،ئەگەر بۈگۈن ئۇنى مۇشۇنداق كېلىشتۈرۈپ ئەدىپىنى بەرمىگەن بولسام يەنە كېلىپ سىزگە ئاراملىق بەرمىگەن،كۆز ياشلىرىنى ئاشۇنداق تۆكۈپ نەدىكى بىر قىيىنچىلىقلىرىنى ئېيتىپ ھىلە ئىشلىتىپ ئۆتكەن كۈنلىرىنى ئەسلىگە كەلتۈرۈشنىڭ يولىنى مېڭىۋەرگەن بولاتتى. بۇ قىلغانلىرىم ھەممىسى سىز ئۈچۈن. -تولا سۆزلىمەڭ،سىزنىڭ مېنڭ تۇرمۇشۇمغا ئارىلىشىشقا نىمە ھوقۇقىڭىز بار؟ -نىمىشقا ھوقۇقۇم بولمايدىكەن، مەن ئارىلىشىمەن،داۋاملىق ئارىلىشىمەن،سىز بۇنى توسالمايسىز -سىز..سىز ساراڭ بوپسىز -مەن ساراڭ، ساراڭ بولمىسام سىز ئۈچۈن مۇشۇنداق سەۋدايى بولۇپ يۈرەرمىتتىم؟ ھالسىزلانغىنىمچە پەلەمپەينىڭ رىشاتكىلىرىنى تۇتۇپ ئاستا سىيرىلىپ ئولتۇرۇپ قالدىم. ئىچكىرىدىن چىقىۋاتقان ئەرنىڭ ئاۋازى دەل غەيرەتنىڭ ئاۋازى ئىدى. -بولدى بۇنداق يىغلاۋەرمەڭ،ئالدى بىلەن يولدىشىڭىز بىلەن كۆرۈشۈشىشىڭىز ،ئۇنىڭدىن زادى نىمە ئىش ئىكەنلىكىنى بىلىشىڭىز كېرەك ئىدى، مەن قارىسامغۇ غەيرەتكام ئۇنداق ئىش قىلىدىغانلاردەك كۆرۈنمەيدۇ. ئۇنىڭغا ئېسىلىپ قانچىلىك يىغلىدىم بىلمەيمەن،ئۇ تىترەپ تۇرغان قوللىرى بىلەن چېچىمنى سىلاپ تۇرۇپ ماڭا توختىماي تەسەللى بېرىۋاتاتتى. -ياق،ئىككىمىز كۆرۈشسەك شۇ جايدا نىمە ئىش يۈز بېرەتتى ؟مەن ئۇنىڭ ئۇ يىرگىنىچلىك ھەم بىچارە ھالىنى كۆرۈشنى خالىمىدىم. -بەلكىم ئىشلار سىز ئويلىغاندەك ئەمەستۇ؟ -قانداقسىگە مەن ئويلىغاندەك بولمايدۇ؟-كۆزلىرىمدىن يامغۇردەك ياش تۆكۈپ تۇرۇپ ئاچچىق كۈلدۈم،-ئايالى بار ئادەمگە ئاشىق بىرسى يەنە باشقا ئايالدىن كۈنلەپ جىدەل قىلىۋىتىپتۇ،ئاھ خۇدا بۇ قانداق كۈلكىلىك ئىش . -مەن نىمە دىيىشىمنى بىلىدىم گۈلنەزەر،بىراق سىزنىڭ بۇنداق يىغلاپ تۈگىشىپ كېتىشىڭىزدىن بەك ئەنسىرەيمەن.بىلەمسىز؟تېلېفۇنىڭىزنى ئالغاندا قانداق بولۇپ كەتكىنىمنى بىلمەيمەن،يىغلاۋاتقانلىقىڭىزنى ئاڭلاپ يۈرىكىم ئاغزىمغا تىقىلىپ قالدى. سالام ئورنىدىن تۇرۇپ ئۈستەلدىكى قايناقسۇدىن بىر ئىستاكان قۇيدى-دە ماڭا ئۇزاتتى،كۆزلىرىمگە مھىىر بىلەن تىكىلىپ تۇرۇپ: -يىغلىماڭ،ئېغىر-بېسىقلىق بىلەن ئويلىنىپ بېقىڭ!!-دىدى. مۇمكىنمۇ؟ يەنە قانداق ئېغىر بېسىقلىق بىلەن ئويلىنالىشىم مۇمكىن؟كۆز ئالدىمغا يەنە شۇ كۆرۈنۈشلەر كەلدى. پەلەمپەيدە سىيرىلىپ قانچىلىك ئولتۇردىمكىن بىر چاغ ئورنۇمدىن تۇرۇپ يۈگۈرگىنىمچە پەلەمپەيدىن چۈشۈپ كەتتىم.مەن غەيرەتنىڭ ياتىقىدىن يىغلاپ چىقىپ كېتىۋاتقان ئىككىنچى ئايال ئىدىم. بىردىنلا تولغاندىم ،باياقى تۇنۇش كۆرۈنگەن چىراي،قاپقارا سۈرمە تارتىپ قويغاندەك كۆرۈنگەن ئۇ كۆزلەر ،ئاپپاققىنە كەلگەن جەزبىلىك يۈزلەر مېنىڭ بالىلىق ۋاقتىمدا خاتىرەمدە ساقلىنىپ قالغان،ئوقۇشقا كەتكەندىن بېرى پەقەتلا كۆرۈپ باقمىغاچقا ئېسىمدىن كۆتۈرۈلۈپ كەتكەن غەيرەتنىڭ بىرىنچى ئايالى ئىدى. توغرا دەل شۇ.. ئەجەپ..غەيرەت بۇ چوڭ يالغانچىلىقنى ئىچىگە سولاپ شۇنچە ۋاقىتلاردىن بېرى قانداق ياشاپ كەلگەندۇ؟ئۇ مېنىڭ ئۇلار ئاجرىشىپ كەتكەندىن بېرى كۆرۈشۈپ باققان-باقمىغانلىقىغا قارىتا سۇئالىمغا «ياق»دەپ كەسكىن جاۋاب بەرگەن ئىدىغۇ.. مەن كىچىككىنە بىر ناھىيەدە تۇرۇپ ئۇ ئايالنى زادىلا ئۇچرىتىپ باقمىغانلىقمدىن ھەيران ئىدىميۇ باشقىلاردىن سوراشتىن نۇمۇس قىلاتتىم. كېيىنچە بىر قېتىم بۆلۈمدە چالا-پۇچۇق ئۇ ئايالنىڭ ئاللىقاچان توي قىلىپ باشقا يەرگە كەتكەنلىكىنى ئاڭلىغان ئىدىم. ئەجىبا، بۇ ئايال توي قىلىپ بۇ شەھەرگە كەلگەن، غەيرەت خىزمىتى يۆتكىلىپ كەلگەندىن كېيىن بۇ يەردە ئىككىسى ئۇچرىشىپ بۇرۇنقى ئوتلىرى يانغان،شۇ سەۋەب ئىككىسى ئارىلىشىپ ئۆتىۋاتقان،شۇ سەۋەب ئۇ ۋاقتى قارايىندا ئۆيگە قايتالمايدىغان،بارسىمۇ خىزمەتنى باھانە قىلىپ قايتىپ كېتىدىغان بولۇپ قالغانمىكىنە؟ ئۇنداقتا ئۇ ئايالنى يىغلىتىپ چىقىرىۋەتكەن،تېخى ئۇنىڭغا شۇنداق تېتىپ قويمىسا داۋاملىق كېلىپ غەيرەتنى ئاۋارە قىلىشىدىن ئەنسىرىگەن ئۇ قىز كىم؟ ئەجىبا غەيرەت ئىككى قىيىقنى تەڭ دەسسىگەن، سىرتتا ئۇ ئايال بىلەن كونا ئوتلىرىنى تۇتاشتۇرۇپ يۈرگەن، خىزمەت شارائىتىدا كاتىپى بولمىش بۇ  قىز بىلەن ئىچ-پەش تارتىشىپ يۈرگەن، بۇنى سېزىپ قالغان قىز چىدىيالماي پايلاپ يۈرۈپ ئۇ ئىككىسىنى تۇتۇۋىلىپ ئۇ ئايالنىڭ دەككىسىنى بېرىپ قوغلىۋەتكەنمىكىنە؟ ئەجىبا شۇنچە مۇلايىم، شۇنچە ئاقكۆڭۈل كۆرۈنگەن غەيرەت شۇنداق رەزىل ئادەممىدۇ؟ ئاھ..ئۇنىڭ قانۇنلۇق ئايالى، ئۆيى تۇرۇپ ياتىقىنى باشقىلار ئۆي قىلغان، ئايالى ئورنىدا يەنە باشقىلار ئۇنى باشقىلاردىن كۈنلەپ سوقۇشقان.. بۇ قانداق ئىش بولۇپ كەتتى؟ مەن زادى كىم؟ نىمىگە ھىساپ ئادەم؟ مەن ئۆزۈمنىڭ ئۇنىڭغا بولغان بېقىنىش ھىىسياتىمنى مۇھەببەت دەپ چۈشىنىپ كېيىنچە تۇنجى قېتىم مۇھەببەت پەنجىسىگە چۈشۈپ يەتكۈچە ئازاب تارتىۋاتساممۇ بىراق ئۆز كۆڭلۈم،يۈرىكىم بىلەن كۈرەش قىلىپ تۇرۇپ،بىلىپ بىلمەي سۆيۈپ قالغان كىشىمدىن مەجبۇرى ئازاب بىلەن ئۆزۈمنى قاچۇرۇپ تۇرۇپ ئۇنىڭغا ۋاپاسىزلىق قىلماسلىققا ئۇرۇنۇپ كەلگەن ئىدىمغۇ؟ نىمىشقا بۇنداق تەڭسىزلىك بولۇدۇ؟ زادى نىمىشقا؟

گۈلشەن

	تۈمۇش ھەقىقەتەن  مۇرەككەپ ئىكەن! بۇنداق مۇرەككەپ  مۇناسىۋەتنىڭ ئاقىىۋىتىلىك قانداق بۇلار؟ چاۋاك ئىككى قولدىن تەڭ چىقىدۇ،ئۆزىنى ئۇزى سۇراق قىلىپ ئۇزىنى بىلەلەيدىغان ئادەملەر زادى قانچىلىك؟ بەرگىيە خانىمنىڭ كۇنلىرىگە خۇشاللىق ۋەبەخىت تىلەيمەن!

zardap

	بۇرۇنقى ئايالى ؟؟؟  توۋا ......... قانچىلىك ئازاپلانغاندۇ جېنىم گۈلنەزەر .............. غەيرەتكە شۇنچىلىك ئىشىنىپ ھەتتاكى سالام دوختۇرنىڭ مۇھەببەت تەلىپىنى ئۆزى خالىمىسىمۇ پەقەت يولدىشىغا ساداقەتسىزلىك قىلماسلىق ئۈچۈنلا رەت قىلىۋەتكەنتى ھە ................گۈلنەزەرنى چىن قەلبىدىن ھەقىقى ياخشى كۆرۈپ قالغان سالام دوختۇر ئۆز سۆيگىنىنىڭ مۇشۇنچىلىك ئازاپقا دۇچار بولغىنىنى ئاڭلىسا ئۆزىنى يوقىتىپ قويارمۇ ......... لىكىن غەيرەتنىڭ گەپ سۆزلىرىدىن گۈلنەزەرگە ۋاپاسىزلىق قىلىدىغاندەك ئەمەس .....لىكىن ۋاپاسىزلىق قىلىپ بولدىدە ....خەپ ....

muhsina02

	يۈرۈكۈم  بەك ئاجىزلاپ كەتتىمۇ نىمە،ھەجەپ ئەنسىز سوقۇپ كەتتىغۇ خۇددى مەن گۈلنەزەردەك ، .....

lipton

	ئۇخ،ئاخىرى قاچانمۇ چىقار

bargiya

	بىر قانچە كۈن ئۆتۈپ كەتتى. غەيرەت  تۇيۇقسىز ئاپتۇنۇم رايۇنغا بىر ئايلىق ئۈگىنىشكە بارىدىغان بولۇپ قېلىپ كىيىم-كېچەكلىرىنى ئالغىلى ۋە ماڭا خۇش دەپ قويغىلى كەلدى . قىززىق ئىش..ئۇنىڭ بىلەن نە سوقۇشمىدىم، نە باشقا گەپ قىلمىدىم. روھسىز،ئۈن-تىنسىز ھالەتتە ئۇنىڭ كېرەكلىك نەرسىلىرىنى تەيارلاپ بەردىم. ئۇنىڭ كىيىملىرىنى چامادىنىغا سېلىۋاتاتتىم،ئۇ ئارقامدىن كېلىپ ئاستاغىنە مېنى قۇچاقلىدى. بىردىنلا تېنىم تىكەنلىشىپ كەتتى.ئۇنى كۈچ بىلەن ئىتتىرىۋىتىپ : -قولىڭىزنى تارتىڭ!!-دەپ ۋارقىرىدىم.كۈتۈلمىگەن بۇ زەربىدىن ئۇ ئەندىككىنىچە تۇرۇپلا قالدى. بۇغداي ئۆڭ چىرايى ئاۋال تاتىرىپ كەتتى. ئاندىن قارامتۇل قىزىللىققا ئۆزگىرىپ ماڭا مىختەك تىكىلدى: -نىمە بولدى؟ ئۇنىڭغا «نىمە بولغانلىقىنى ئۆزىڭىز بىلەرسىز ،مەينەت قولىڭىزدا مېنى تۇتماڭ،ئاشۇ مەينەت ئاشنىلىرىڭزىنى تۇتۇۋىلىڭ! »دىمەكچى ئىدىم،بىراق نىمىشقىدۇر ئېغىزىمدىكى ئۇ گەپلەرنى چىقارماستىن ئىنتايىن زور ئۆزگىرىش بىلەن بوشلا: -ھىچنىمە،-دىدىم-دە،ئارقامغا بۇرۇلدۇم. ئۇ گاڭگىراپ نىمە بولغانلىقىنى بىلەلمەي ماڭا بىر ھازا قاراپ تۇرغاندىن كېيىن ئاشخانا ئۆيگە كىرىپ كەتتى-دە بۇس تارىتقۇنى ئېچىۋىتىپ پۇرقىتىىپ تاماكا چېكىشكە باشلىدى. بۇرۇنقىدەك قىزغىن سۆھبەتلەر يوق، ئۇ ھەر قېتىم يىراققا ئۈگىنىشكە ياكى يىغىنغا ماڭغان چاغدىكى قىيماسلىقلار، قايتا-قايتا باغرىغا بېسىشلار، ئەركىلىتىش ۋە ئەركىلەشلەر يوق،، كېيىنچە پەيدا بولغان ياسالما بولسىمۇ كىشىنى خۇشاللىققا باشلايدىغان تاتلىق پاراڭلار يوق .. جىم-جىت،سۇكۇت،ئېغىر تىنىشلار ئىچىدە تەيارلىق پۈتكەندىن كېيىن ئۇ كەتتى. مېڭىش ئالدىدا  يېنىمغا كېلىپ ئۈركۈپ تۇرغان مېنىڭ مۈرەمگە قولىنى قويۇپ تۇرۇپ: -مېنى كەچۈرۈڭ!!-دىدى. ئۇنىڭ بۇ كەچۈرۈمنى نىمە ئۈچۈن سورىغانلىقىنى بىلمەيتتىم. مېنىڭ ئۇنىڭدىن ئۆزۈمنى قاچۇرۇشۇمدىن ئۇ مېنىڭ ئۆزىنىڭ ھىسسىياتىدا بولغان ئۆزگىرىش ۋە ئەمىلىيىتىدىكى نۇمۇسسىزلىقىدىن خەۋەردار بولۇپ قاپتۇ دەپ ئويلاپ خۇدۇك ئىچىدە شۇنداق دىدىمۇ ياكى ئۆزىنڭ داۋاملىق مېنى يالغۇز تاشلاپ قويۇپ  ئۈگىنىش،يىغىن دەپ كېتىپ قېلىشلىرىدىن خېجىللىق ھىس قىلىپ مېنى شۇنىڭغا قىيداۋاتىدۇ دەپ ئويلاپ دىدىمۇ بۇ نامەلۇم ئىدى. كۈتمىگەن ئېغىرلىق بىلەن ئۇنىڭغا ھىچقانداق گەپنى ئېيتماي ئۇنى يولغا سېلىپ قويدۇم. ئۇنىڭ ماشىنىسى قوزغىلىۋاتقان ۋاقىتتا ئۇنىڭ ماشىنا ئەينىكىنى چۈشۈرۈپ ماڭا تەلمۈرگەن كۆزلىرىدن خۇددى بۇرۇنقى،بىز يېڭى توي قىلغان ۋاقىتلاردىكىگە ئوخشاش مۇھەببەت -مىھىر ئۇچقۇنلىرى چاقناپ تۇراتتى. ياق.. ئىھتىمال سەزگۈلىرىم مېنى ئالداۋاتىدۇ... ************ تۇرمۇشۇم تەرتىپسىزلىشىپ ،تېخىمۇ قالايمىقانلىشىپ كەتتى. گەرچە ئۇنىڭ بىلەن سوقۇشمىغان،ئۇنىڭ ۋاپاسىزلىقىنى يۈزىگە سېلىپ ئۇنى لەت قىلىپ ئاجرىشىش غەۋغاسى كۆتۈرمىگەن بولساممۇ بىراق ئۇنىڭ قەلبىمدىكى شۇ قەدەر بۈيۈك ئورنى غۇلاپ كەتكەن ئىدى.ئۆزەمنىڭ ئېرى بار،نىكاھى بار ئايال تۇرۇپ توي قىلمىغان بىر بالىنى ياخشى كۆرۈپ قالغانلىقىمدەك بۇ نۇمۇسسىزلىقىمنى تىزگىنلىمەكچى بولغان بولساممۇ بىراق ئويلىمىغان يەردە يولدىشىمدىن مېنىڭكىدىنمۇ ئاشۇرغان ھالدىكى ۋاپاسىزلىقنى تارتۇق قىلىپ ئالغان ئىدىم. مەن يۆلىنىپ كەلگەن ،مەڭگۈ يۆلىنىشنى خالايدىغان تاغ ئەمدى گۈمۈرۈلۈپ چۈشكەن ئىدى. قەلبىم قۇپقۇرۇق ئىدى. ئۇنىڭدىن يا ئىنتىلىش يا نالە -زار تاپقىلى بولمايتتى. ئىپادىسىز ھالىتىمدىن مەندىكى بۇ خىل ئۈلۈك ھالەتتىن تولىمۇ ئۈمىدسىزلەنگەن سالام ئەتراپىمدا پەرۋانە ئىدى.ئۇ مېنى خۇشال قىلىشقا تىرىشاتتى، كۈلدۈرۈشكە تىرىشاتتى، ئامال بار ئۆزىدىكى بارچە مۇھەببەتنى ماڭا ئاتا قىلىپ قەلبىمدىكى يارىنى ساقايتىشقا تىرىشاتتى. قىززىق..ئۇنى كۆرسەممۇ غەيرەتنىڭ ماڭا قىلغان ۋاپاسىزلىقى ئېسىمگە كېلىپ شۈركىنەتتىم. غەيرەتتەك بۇ پەزىلەتلىك كىشىنىڭ قىلغان ئىشى مېنىڭ قەلبىمدىكى ئەرلەرگە بولغان ئىشەنچنى ۋە ياخشى قاراشنى پۈتۈنلەي گۈمۈرۈپ تاشلىغاندەك قىلاتتى. بۈگۈن كەچلىك ئىسمىنىدا سالام بىلەن بىللە ئىشلەيدىكەنمەن. ئەسلىدە ئۇنىڭ بىلەن ئەمەس ئىدىم، بۈگۈنكى كەچلىك ئىسمىنىدا ئىشلەيدىغان دوختۇرنىڭ تۇيۇقسىز بىر جىددىي ئىشى چىقىپ قېلىپ سالام بىلەن ئالمىشىپتۇ. مەن يەنىلا روھسىز ھالدا ئىشقا كەلدىم. بىر قاتار ئالدىراشچىلىقلار تۈگىگەندىن كېيىن  ئەڭ ئاخىرقى بىر ئوكۇلنى ئېلىۋىتىپ ئىشخانىغا كىرسەم مېنىڭ ئورنۇمدا سالام قولىدا ئىستاكىنىنى تۇتقىنىچە ئولتۇرۇپتۇ. ئۇنىڭغا قارىدىم، قاراشلىرىم شۇ قەدەر مىسكىن ئىدى،ئۇ مەندىن كۆزىنى قاچۇرماي ماڭا تىكىلىپ قارىدى ۋە قېشىمغا كەلدى: -گۈلنەزەر نىمانچە قىلىسىز؟ نىمانچە ئۆزىڭىزنى ئالدۇرىسىز؟ گەپ قىلمىدىم ئۆزۈمنى خۇشال، مەغرۇر تۇتاي دەپمۇ تۇتالمايۋاتاتتىم. ئويلىسام-ئويلىسام بۇ ئىش ئىدىيەمدىن ئۆتمەيتتى. -سىزدىن ئەنسىرەپ قالدىم،بولدى بۇ ئىشنى كاللىڭىزدىن چىقىرىۋىتىڭ،بۇنچىلىك قىلغۇدەك سىز ئۇنى ياخشى كۆرەتتىڭىزمۇ شۇنچە؟ بۇ گەپ يۈرىكىمگە ئوق بولۇپ تەگدى. توغرا مەن ئۇنى ياخشى كۆرەمدىمەن، ئەمىسە نىمانچە قىلىمەن؟ ياق،،مەن ئۇنى ھۆرمەت قىلاتتىم،ئۇنىڭغا تاغدەك ئىشىنەتتىم،ئۇنىڭغا يۆلىنەتتىم. تېغىم غۇلاپ كەتكەندىلا ئۆزۈمنىڭ نەقەدەر بىچارە،نەقەدەر ئاجىز ئىكەنلىكىمنى ھەقىقىي مەنىدىن ھىس قىلدىم. شۇنىڭ ئۈچۈنلا بەك ئازابلىنىپ كېتىۋاتاتتىم. ئۇ كۆزلىرىمگە تىكىلىپ تۇرۇپ سورىدى: -ئەرزىمدۇ؟ ھالسىز ھالدا ئورۇندۇقتا ئولتۇردۇم. ئۇ قۇيۇپ بەرگەن بىر ئىستاكان سوۋۇتۇلغان قايناق سۇنى گۈپۈلدىتىپ ئىچىۋەتتىم. -گۈلنەزەر،ياخشىراق ئويلىشىڭ،ئەگەردە بۇ ئىشلار تۈپەيلى روھىيىتىڭىزدە قاتتىق ئۆزگىرىش بولغان بولسا ئاجرىشىپ كېتىڭ، سىزنى كۈتىمەن. چۆچۈپ كەتتىم.ئۇنىڭغا بېشىمنى كۆتۈرۈپ قارىدىم. -راست دەۋاتىمەن. غەيرەتنىڭ كۆڭلى بۇنچە پەسلىشىپ ئاللىبۇرۇن قىلغۇلۇقنى قىلغان بولسا، سىز ئۇنى كەچۈرەلمىسىڭىز،بۇ ئىشلار سىزنى روھىي جەھەتتىن تۈگەشتۈرۈۋىتىدۇ. سىز چوقۇم ئۆزىڭىزنىڭ بىر چىقىش يولىنى تېپىشىڭىز كېرەك، ھازىرقى روھىي ھالىتىڭىز سىزنىڭ خىزمىتىڭىزگە ھەممىدىن مۇھىمى سالامەتلىكىڭىزگە پايدىسىز. شۇڭا گۈلنەزەر ئوبدان ئويلىنىڭ، مەيلى قانداقلا قارار چىقارماڭ سىزنى ياخشى كۆرىمەن. ئۇنىڭغا كۆزلىرىمنى پارقىراتقىنىمچە قاراپ ئولتۇرۇپ قالدىم. ئۇ مىھرىبانلىق بىلەن قولىنى مۈرەمگە قويۇپ تۇراتتى. ئۇنىڭ قوللىرىدىن تارىغان ئىنتايىن تاتلىق بىر ئېقىن مېنىڭ بىر نەچچە كۈنلەردىن بېرى قانمۇ توختاپ قالغاندەك سېزىلگەن تومۇر-تومۇرلىرىمغا شېرىن بىر سۆيگۈ  سۈيىنى قۇيۇۋاتاتتى  . ئۇنى سىرتتا بىرسى چاقىرىپ قالدى.ئۇ چىقىپ كېتىۋىتىپ ئارقىسىغا بۇرۇلۇپ تۇرۇپ: -ھە راست سىڭلىڭىز بەك دېرىكىڭىزنى قىلىپ كەتتى. سىزگە تېلېفۇن قىلىپ ئالالماپتۇ،  سىزنى مۇڭداشقۇغا چىقسۇن گېپىم بار دەيدۇ. سىزنى بەكلا سېغىنىپتۇ. ****************** ئۇنىڭ دىگىنى بويىچە بۈگۈن كەچ مۇڭداشقۇرۇمنى ئاچتىم.سىڭلىم چىققان ئىكەن،بىز كامىرانى ئېچىپ قويۇپ ئاۋازلىق پاراڭلىششىقا باشلىدۇق: -ھەدە ياخشى تۇرامسەن، ساڭا نىمە بولدى،نىمانچە ئورۇقلاپ كەتتىڭ؟ -مەن ياخشى ،شۇ خىزمەتتە سەل ئالدىراش بولغاچقا شۇنداقمىكىن.ئۆزۈڭچۇ؟ياخشى تۇرامسەن؟ -مەن بەك ياخشى، مەندىن ئەنسىرىمىگىن ھەدە،-سىڭلىمنىڭ لەۋلىرىدە كۈلكە ئويناپ تۇراتتى، چىرايلىق كۆزلىرىنى قىسىپ تۇرۇپ ماڭا شېتىللىك قىلىپ كۈلەتتى. ئۇنىڭ ئوماق ھالىتىدىن ئېيىتقۇسىز بىر خۇشاللىق تۆكۈلۈپ تۇراتتى. -ياخشى بولساڭلا بولدىغۇ، ھەي نىمانچە ئالتۇن تېپىۋالغاندەك خۇشالسەن؟ -ھى ھى.. ھەئە ئالتۇن تېپىۋالدىم، -راستما؟ ئوغۇل دوست تۇتۇۋالمىغانسەن ھە؟ -ھى ھى.. قارا دەۋاتقان گېپىڭنى،-سىڭلىم ياسىما خاپىغان ھالدا تۇمشۇقلىرىنى سوزدى،-مەن ھازىر يىگىت تاپمايمەن. -  سېنى يىگىت تاپما دىمەيمەن سىڭلىم. مۇھىمى ھازىرقى ئەڭ مۇھىم ۋەزىپەڭ ئوقۇش،ئاندىن قالسا مۇۋاپىق بولسا ۋە سېنى ياخشى كۆرسە سەنمۇ ھەم چىن قەلبىڭدىن ياخشى كۆرسەڭ مەن قارشى تۇرمايمەن. بىراڭ يىگىت تاپتىم دەپ مەندىن يىراق يەرلەرگە كېتىپ قالساڭ ساڭا قانداق چىدىيالىشىمنى بىلمەيمەن. ئاۋازلىرىم تىترەپ كۆزلىرىمگە مۆللىدە ياش كەلدى. -ۋاي ياق ھەدە، ھازىرچە يىگىت تاپمايمەن،ئاۋال ئوقۇشۇم پۈتسۇن،بىراق ئىشەنچىم بار. چوقۇم سېنىڭ قېشىڭدىن ،ساڭا يېقىن يەردىن تېپىپ سەن بىلەن بىللە تۇرۇمەن. -شۇنداقمۇ؟ ئاللا خالىسا دىگىن، ئىنشائاللا خۇدايىم تىلەكلىرىڭگە يەتكۈزسۇن! -ھەدە،ئۇنىڭ كۆزلىرى نۇرلىنىپ كەتكەن ئىدى،-مەن سالام ئاكام بىلەن دائىم مۇڭداشقۇدا پاراڭىشىپ تۇرۇۋاتىمەن. ئۇ بەكلا ياخشى بىر ئاكاش ھە؟! -ھەئە،ئۇ بەك ياخشى، پەزىلەتلىك،ئاقكۆڭۈل، باشقىلارغا ياردەم قىلىشنىلا ئويلايدۇ. مەن سالامنى سۈپەتلەۋىتىپ ئىختىيارسىز يۈرىكىم دۇپۇلدەپ سوقۇپ كەتتى.ئىچ-ئىچىمدىن چوڭقۇر بىر سېغىنىش سېزىمى ئۆرلەپ چىقتى . سىڭلىم بىلەن خوشلىشىپ بولۇپ مۇڭداشقۇدىكى سىرداش تىزىملىكىدىن ئۇنىڭ باش سۈرىتىگە قارىدىم. خۇددى شۇ ۋاقىتنى كۈتۈپ تۇرغاندەك ئۇنىڭ باش سۈرىتى لىپىلدىدى. -گۈلنەزەر، سىڭلىڭىز بىلەن كۆرۈشتىڭىزمۇ؟ چۆچۈپ ئۇ يان-بۇ يانغا قارىدىم،ئۇ خۇددى يۇشۇرۇن كۈزىتىش ئەينىكىدە مېنى كۈزىتىپ تۇرغاندەك شۇنچە توغرا ھالدا سۆزلىشىپ بولۇشۇم بىلەن ماڭا سۆز قىلغان ئىدى. -ھەئە -ئالدىنقى بىر مەزگىل سىڭلىڭىز سىز بىلەن ئۇچرىشىپ بولالماي بەك ئىچى تىتىلدى،ئۇنىڭ بىلەن كۆرۈشۈپ ئۇنىڭغا كۆپ تەسەللى بەردىم، كۆڭلىنى تىندۇردۇم. -ياخشى قىپسىز رەھمەت سىزگە!! مەن ئۆز ھالىم بىلەن بولۇپ كېتىپ ئۇنىڭغا كۆڭۈل بۆلۈپ بولالمىدىم. -ئۇنداق دىمەڭ، سىڭلىڭىز ئۆزىمۇ بەك ئوماق تېتىك قىز. ئۇ سىزنى بەكلا ياخشى كۆرىدۇ. يائاللا سىزنىڭ گېپىڭزنى قىلىدىغان بولسا چاڭىلداپ توختىمايدۇ.شۇ سىز بىلەن ۋاقتى قارايىندا كۆرۈشۈپ تۇرمىسا بەك ئىچى سىقىلىدىكەن،بۇنىڭدىن كېيىن ئۆزىڭىز قانچىكى ئاۋارىچىلىققا ئۇچرىسىڭىزمۇ ئۇنىڭغا بولغان كۆڭۈل بۆلۈشىڭىزنى ۋە دىققىتىڭىزنى توختىتىپ قويماڭ، بولمىسا ئۇ ھەم ئەنسىرەپ ھەم تىتىلداپ كېتىدىكەن. -ماقۇل،-بۇنچە ئەتراپلىق ۋە كۆيۈمچان بولغان سالامدىن ئىنتايىن سۆيۈندۈم.ئىختىيارسىز ئۇنىڭ ئەۋەتكەن كامىرانى ئېچىش تەلىۋىگە قوشۇلدۇم. كامىرادىن ئۇنىڭ ماڭا تىكىلىپ تۇرغان بىر جۇپ كۆزىنى كۆرۈشۈم بىلەن يۈرىكىم تەرتىپسىز سوقۇپ پۇت-قوللىرىم بوشىشىشقا باشلىدى. -گۈلنەزەر، - ھە. -سىزنى بەك ياخشى كۆرىمەن. ھالسىز ھالدا كۆزلىرىمنى يۇمدۇم. خۇددى ئۇ ئېكراندىن چىقىپ مېنى ئاستا باغرىغا بېسىۋاتقاندەك ،يېنىك ھالدا لەۋلىرىمگە ئىز قالدۇرۇۋاتقاندەك شۇ قەدەر تاتلىق، شېرىن بىر سېزىم مېنى ئۆز ئىلكىگە ئالدى.ئۆزۈممۇ تۇيمىغان، سەزمىگەن مەسىتخۇشلۇق بىلەن پىچىرلىدىم: -سالام، سىزنى ياخشى كۆرىمەن، سىزدىنمۇ بەك، ساراڭلاردەك ياخشى كۆرىمەن. تولۇقلىما مەزمۇن (2012-7-18 00:29): ئىككى ئايلىق ئۈگىنىشكە

lipton

	ئاھ خۇدا بۇنداق بولىشىنى پەقەت خالىمايتىم

subihiay ھەقىي سالاھىيەتلىك ئەزا

	مەنمۇ بۇنداق بولىشىنى خالىمايىتتم،،،               مۇشۇ كۇنلەردە ئەر-خوتۇنلۇق مۇناسىۋەت زادى نىمىگە ھىساپ بولۇۋاتىدۇ؟؟    گۇلنەزەر ئىرىدىن ئاجرىشىپ كىتەرمۇ؟؟ سالام دوختور ئۇنىڭ بىلەن توي قىلارمۇ؟؟

喀什姑娘

	ھەييييييييييييييييييييييي،ئويلىغىنمىدەكلا بولدى،تازا مۇرەككەپلىككە تەرەققى قىلىۋاتىدۇ،داۋاملىق داۋامىنى كۈتىمىز،سىزگە ئالدى بىلەن تەن-ساقلىق ئاندىن مەدەت تىلەيمەن،تىرىشىڭ.

zardap

	يىگىتنى سىنىڭ قېشىڭدىن ،ساڭا يېقىن يەردىن تېپىپ سەن بىلەن بىللە تۇرۇمەن . كورىيە كىنولىرىدىكى ئاچا سىڭىللارنىڭ بىر يىگىتنى تەڭلا ياخشى كۆرۈپ قېلىشىدەك ئېچىنىشلىق تىراگىدىيە بىزنى كۈتمەكتە ......