ئەرلەر، نېمە ئىش قىلىۋاتىسىلەر

سۈمەييە

	ئۈچىنجى مىسالدىكى مەست بولۇپ قالغان ئايالنىڭ تۇنجى رەت ھاراق ئېچىشى (نەئۇزۇبىللا، ئۇ كۈنلەرنى ھەممىمىزدىن يىراق قىلسۇن). شۇ ۋەجىدىن كۆتۈرەلمەي كىلىپ، ئۆيدە قۇسۇۋەتتى. ئېرىدىن سەل قورقسىمۇ شۇ پۇرسەتتە ئۆزىنىڭ پۈتۈن دەردىنى تۆكتى: -ھەي، مەن ساڭا خوتۇن بولۇپ قانچىلىك كۈنلەرنى كۆرۈپ كەتتىم. مۇشۇ 60 كۋادرات مېتىرلىق ئۆيدە تۆتىمىز قىستىلىپ ياشاۋاتىمىز. مەن سېنى چوڭ ئۆي ئال دەپ ئۇرۇشۇپ باقتىممۇ؟ بالىلارنىڭ مەكتىپى يەسلىسىنى بىلەمسەن، چوڭ بالاڭنىڭ 12 گە كىرگىنى ئېسىڭدە بارمۇ يوق؟ ئۇنىڭ مەكتىپى قەيەردە؟ بىرەر ئوقۇتقۇچىسىنى كۆرۈپ باقتىڭمۇ؟ بالاڭنىڭ قانداق خۇيى بار، نمېىگە ئامراق، مېنى قانداق خاپا قىلىدۇ، بىلەمسەن؟ ئەمدىلا 2گە كىرگەن ماۋۇ قىزىڭنى قانداق چوڭ قىلىۋاتقىنمنى بىلەمسەن...ھۈھۈھۈھۈ  ھەھر كۈنى 6:30 ئۆيدىن چىقىپ كىتىپ خىزمەت قىلدىم دەپ كەچ سائەت 7:30 دە كىرىسەن. ساڭا ئۈلگۈرتىمەن، سەن بىلەن يەيمىز دەپ باللىرىمنىڭ قورسىقى ئىچىپ كەتسىمۇ ساقلايمىز. كىلىپ باجىيدەك تاماقنى يەيسەنلا، ئاندىن تىزەىنەك قولۇڭدا تىلىۋۇزۇر كۆرىسەن. سەن دادا ئەمەسما؟ بالىلارنىڭ تاپشۇرۇقىغا بىر رەت قاراپ باقتىڭما بىر رەت؟ ما خوتۇنۇم بۈگۈن قانداق ياسىنىپتۇ دېگەنگە دىققەت قىلىپ باقتىڭما؟ بىرەر قېتىم ئەتكەن ئىشىمنى ماختاپ باققان يېرىڭ بارمۇ؟ ھەممە ئادەم ماختايدۇ-يا ئەتكەن تامىقىمنى، خىزمەتداشلىرىم كىلىپ ئۆەىنىدۇ. بىر سەن پوق قورساققا يارىمايدۇ-يا. بۈگۈن سەن بىلەن زادى ھېسابلىشىمەن، مەن بۈگۈن قىزىلنى، ئاقنى ھەممىنى ئىچتىم . ھاراق ئىچكەن ئاياللارنى تىللاپ كىتىپتىكەنمەن، ئەسلى مۇنداق ھوزۇرى، مۇنداق يۈرەك بىرىدىغان بولغاچقا ئىچىدىكەن-دە....ھا ھا ھا ھا   ئەپسۇسلۇق ئىچىدە، بىر ئائىلىنىڭ ۋەيران بولغىنىنى كۆرۈشنى خالىمايمىز. بۇ ئايالنىڭ مۇنداق ھارامنى ئۆزىگە يولاتقىنىغا،( ئاللاھ بىزنى ئۆز پاناھىڭدا ساقلىغىن، ئامىن). كۆرسەتكەن سەۋەبلىرىنى ھەم ئاساس قىلالمايمىز. بىراق نەزەرىمىز شۇنچە يىل ئايالى بىلەن كارى يوق، بىغەم ياشاپ ئۆتكەن قورساق باقتى مۇنۇ ئەرگە ئېچىنىمىز، ئۇنىڭغىمۇ ئوخشاشلا«سەن نېمە ئىش قىلىۋاتىسەن» دەپ سورايمىز. ئۇ بەلكىم : «مەن نېمە قىلدىم، يا تاماك چەكمەيمەن، يا ھاراق ئىچمەيمەن، سىرىتتا ئاشنا ئوينايدىغان ئىشىممۇ يوق، پۇل تىپىپ ئەكىرىپ بەرگەندىكىن يەنە نېمە تۈگىمەس گەپ بۇ» دېيىشى مۇمكىن. بىراق، بۇنىڭغا ئوقۇرمەنلەر ئۆز باھاسىنى بىرىپ ئۆتسۇن! ئىنسانلارنىڭ ئىھتىياج قاتلىمىدا ماددى ئىھتىياج ئەڭ تۆۋەن ئورۇندا تۇرىدۇ. بۇ ئىھتىياج بارا-بارا يۇقىرىلاپ مەنىۋى ئىھتىياجقا، ھۆرمەتلىنىش، ئىززەتلىنىش، ئۆز قىممىتىنى يارىتىش ئارقىلىق ئىتىراپ قىلىشقا ئىرىشىشكە قاراپ يۈزلىنىدۇ. بۇ ئەر ئۆزىنى پۇل تاپىدىغان ماشىنا دەپ ئويلاپ قالدىمۇ؟ ئەلۋەتتە، بۇ ئادەمدىكى ئىچمەسلىك، چەكمەسلىك، بۇزماسلىق، «ئوينىماسلىق» قا رەھمەت دەيمىز. بىراق، ئەر ئەر بولۇپ ئۇ تۈۋرۈك، ئۇ دادا، ئۇ يۆلەنچۈك، ئۇ ھامىي! ئۇ ئۆزىنىڭ مەسئۇلىيىتىنى زادى قايسى دائىرىدە تونۇدى؟ شۇڭا دەيمىزكى، ئادەملەرنىڭ ئۆزلۈكسىز ئكزىنى تونۇشى، ئۆزى ھەققىدە ئويلىنىشى، ئۆزىنى تەربىيلىنىشى ئىنتايىن مۇھىم. بۇنىڭدا يەنىلا، كىتابنى ، ياخشى كىتابلارنى ئەڭ ئوبدان تەربىيلىنىش قورالى سۈپىتىدە تەۋسىيە قىلىمىز. كەڭ تورداشلار، مۇشۇ تېما ئاستىغا ئائىلە ۋە ئەخلاق، مەسئۇلىيەت توغرىسىدا ئۆزىگە تەسىر قىلغان كىتابلاردىن كۆپچىلىكنىڭ ئوقۇشى ھەم پايدىلىنىشى ئۈچۈن يوللاپ قويسا، ئۇچۇر بەرسە ھەقىقەتەن مىننەتدار بولىمىز. تولۇقلىما مەزمۇن (2012-1-31 19:21): داۋامى بار

biryil.com

	قېنى مۇلاھىزىنىڭ داۋامىنى كۆرۈپ بىر ياقتىن چىققايمىز

سۈمەييە

	تۆتىنجى مىسالغا نەزەرىمىزنى ئاغدۇرار بولساق، قىز دېمەك جاھان قوينىنى گۈزەللىك ۋە خۇشپۇراققا تولدۇرۇپ تۇرىدىغان، ھەممىنى ئۆزىگە تارتىپ كۆڭۈللەرنى مەست قىلغۇچى گۈل كەبى نازۇك ۋە تارتىملىقتۇر. بۇ گۈلنى ئانا ئۆز باغرىدا ئۆستۈرۈپ، ئاتا مېھرى ۋە يۈرىكى بىلەن سۇغۇرغان، ئۇنىڭغا ئارزۇ-ئارمانلىرى ۋە ھەر بەرگىسىگە بىردىن تىلەكلىرى يوشۇرۇنغان. باغرىدىن كۆچۈرىلىدىغان بۇ گۈلنىڭ ماھىر بىر باغۋەن قولىغا ئۆتۈشىنى، پەرۋىشلىنىشىنى ۋە كۆيۈنۈشكە، خاتىرجەملىككە ئېرىشىشنى قايسى ئاتا-ئانا ئارزۇ قىلمىسۇن؟ قىز ئۇ بىر سىھىرلىك قەلئە، ئۇنىڭ قوينىدا جاھان تىلسىملىرى تولۇپ ياتىدۇ. بۇ قەلئەدىكى شاھانە ئوردا ئۆز قەلبىدىكى شاھزدسى ئۈچۈن بىزەلگەن ھەم ئۇنىڭغا تەلپۈنگەن. ئۆزىنى مەڭگۈ بەختلىك تۇيغۇغا ئىگە قىلىشىنى، خەلقئالەم ئالدىدا ئۇنىڭغا ئىگە بولۇشىنى ئارزۇلايدۇ. قىز پاختا ئىچىدىكى چوغدەك ساقلىنىدۇ ۋە ئاتا-ئانا ئامانەتنى ئىگىسىسگە تاپشۇرغۇچە كۆزى تۆت بولىدۇ. ئۇلارمۇ ئۆز بالىلىرىنىڭ بەختى ئۈچۈن ئويلىشىدۇ. چوڭلارنىڭ قارشىلىقى بولغان ئەھۋالدا ھەر ئىككى تەرەپكە كىلىدىغان بىسىم ئاز ئەمەس. ئەمما، يىگىت ئۆز لەۋزى ۋە يىگىتلىكى بىلەن ئۇنىڭغا ۋەدە قىلغان ئىكەن، سۆزى ئۈچۈن تېرىشىشى، پۇرسەت ۋە پەيتنى چىڭ تۇتۇشى لازىم. قىزلاردىكى ئىشەنچ تۇيغۇسى: بۇ يىگىت كىيىن مېنى باقالامدۇ، مېنى خاتىرجەم تۇرمۇشقا ئېرىشتۈرەلەمدۇ، باللىرىمغا ياخشى دادا، ماڭا ياخشى ئەر بولالامدۇ، تۇرمۇشنىڭ سىناقلىرىدا كەڭ قورساقلىق ۋە مەردلىكى بىلەن ئايالىنىڭ قولىنى مەڭگۈ چىڭ تۇتالامدۇ، شەيتاننىڭ ۋەسىۋەسىنى يېڭىپ، ئايالنىڭ مۇھەببىتىنى بىخەتەرللىككە ئىگە قىلامدۇ، مۇشۇ يىگىت مېنى بىخەتەر بىر ھالەتكە ئەكىلەلەمدۇ... دېگەندەك سوئاللارنىڭ جاۋابى ئاساسىدا شەكىللىنىدۇ. بۇ يىگىتمۇ تېرىشىۋاتقاندۇ، ئەمما ئۇنىڭ مەھرىمى ۋە ئىززىتى، ئاتا-ئانىلارنىڭ دۇئاسى بىلەن يېڭى تۇرمۇشقا قەدەم ئېلىشقا تەلپۈنگەن بىر قىزنىڭ ھىسسىياتىنى ئۆزىنىڭ ئۈمىدسىىزلىكى سەۋەبىدىن چەيلىشى ھەقىقىي يىگىت قىلىدىغان ئىش ئەمەس. ئۇ ئۆزى سۆيگەن قىز ئۈچۈن ياخشى مۇئامىلىسى ۋە سەۋر-تاقىتى بىلەن ئۇنى قايىل قىلىشى ۋە خاتىرجەم قىلىشى كىرەك ئىدى. بۇ تېمىغا يانداشتۇرۇپ مۇنداق بىر تېمىنى مۇلاھىزە قىلىپ ئۆتۈپ كېتىشنى خالايمەن، تورداشلار ھەم پىكىر قاتناشتۇرسا دېگەن ئۈمىدتىمەن. بىزدىكى ئائىلە قارشى- ئەرلەرنىڭ نەزەرىدىكى ئائىلە نېمە؟ ئاياللارنىڭ نەزەرىدىكى ئائىلەچۇ؟ ياشلىرىمىزنىڭ نەزەرىدىكى

سۈمەييە

	سىلەرنىڭ نەزەرىڭلاردا ئائىلە قانداق جاي؟

guldurmama

	مېنىڭ نەزەرىمدىكى ئائىلەم مەن ئۈچۈن بىر بەخت ماكانى، بالام ئايالىم بىللە تاماق يىگەچ تېلۋۇزۇر كۆرۈپ بىللە كىتاب ئوقۇپ، ھىكايە ئېيتىشىپ، بەزىدە سوقۇشۇپ...ئۆزەمدە بىر مۇقەددەس مەسئۇلىيەتنىڭ بارلىقىنى ھىس قىلدۇرىدىغان جاي. قىشنىڭ سۇغۇقىدا پار ئىسسمىسمۇ ئىللىق ھىس قىلىدىغان ئالى ئاپتۇنومىيىلىك ئۇرۇن. ئەجەپ ئۆيگە كەتكىم كەلدا

kuerki78

	بەك ياخشى يوللاپسىز بۇ تېمىنى، ئەپسۇس ئاشۇنداق مەسئۇلىيەتسىز ئەرلەر بۇنداق تېمىلارغا قىزىقمايدۇ-دە، ھەممىزنىڭ كۆڭلىگە ئىنساپ بەرسۇن. ھەر نىمە بولسا ئائىلە خاتىرجەم بولسۇن.

gheril

	مىللەت ھەققىدە ئويلاشتىن ئاۋال ئاياللارنى كۆپ ئويلا ، بىر ئايالغا ئېگە بولمىغان ، ئايالنىڭ ھەممە ئېھتىياجىنى قاندۇرالمايدىغان ئەرنىڭ باشقۇرۇش ھوقۇقى بولمايدۇ    . ئاياللىرىڭلار سىلەرنىڭ سۆزۈڭلارنى ئاڭلىمىسا ، سىلەر بىلەن بىر مەيداندا بولمىسا ، دىن ، ئىماندىن سۆز ئاچما ، بىر مىللەتنىڭ ئانىلىرى ، قىزلىرى – بىر مىللەتنىڭ تەقدىرىنى ئۆزگەرتىدۇ  。

arkak1234

	بىر بىرىمىزنىڭ كۆڭلىگە ئىنساپ تىلەيلى ،بىر بىرىمىزگە نورمال ئىنسانى مۇئامىلىدە بولساقلا بۇ ئىشلار ئۆزگىرىپ ياخشى تەرەپكە ماڭىدۇ،،،

Amul

	سۇمەييە خانىمنىڭ قەلەم قۇۋۋىتىگە قايىل بولدۇم، بۇ يازما ناھايىتى چۈشۈنۈشلۈك، قايىل قىلارلىق،راۋان چىقىپتۇ. يازمىنى باشتىلا تولۇق يوللىغان بولسىڭىز ئارىلىقلاردا ئىنكاس يېزىپ،لوقما سېلىپمۇ يۈرمەسكەنمەن.   مېنىڭچە،ئائىلە ئەر-ئايالنىڭ بىر-بىرىنى چۈشۈنۈش، ئاسراش، قوغداش ماكانى. شۇنداقلا پەرزەنتلەرنىڭ ئاتا-ئانا مېھرىدىن بەھرىمان بولۇش،ساغلام ئۆسۈپ يېتىلىش، تەربىيىلىنىش ماكانى.شۇڭا بىز ئائىلىدىن ئىبارەت بۇ مۇقەددەس ماكاننى پۈتۈن ۋۇجۇدىمىز بىلەن قوغدىشىمىز ، ئۇنىڭغا سادىق بولۇشىمىز كېرەك.

سۈمەييە

	kuerki78 يوللىغان ۋاقتى  2012-1-31 23:17 بەك ياخشى يوللاپسىز بۇ تېمىنى، ئەپسۇس ئاشۇنداق مەسئۇل ... ئەتراپىڭىزدا شۇنداقلار بارمۇ؟ قېنى قىرىنداشلىق قولىڭىزنى سۇنۇپ، قىرىنداشلىق ھەققىنى ئادا قىلىڭ. سىز ئۇنىڭغا لايىق رەۋىشتە نەسىھەت قىلىڭ ھەم ئۆزىڭىزمۇ ئەمەل قىلىڭ. قانداق دېدىم؟