سۈمەييە يوللىغان ۋاقتى 2012-2-19 10:27 
نەئۇزۇبىللاھ، مۇشۇنداق ماقالىنى تۈزۈك ئوقۇمايلا ئىن ...
نەئۇزۇبىللاھ ، سىزمۇ ئىنكاسىنى ياخشى ئوقۇپ ، مۇلاھىزە قىلماپسىز ، مۈنبەرگە يېڭى كىرگەندە يازغان ئىنكاس بولغاچقا ، قىسقا قىلىپ يازغان . ھازىر يازغان بولسام بۇنداق يازمايتىم . ئىنكاسىمنى چۈشەنمىگەن بولسىڭىز ، مەن قايتىدىن ئىزاھ بېرىپ ، تەپسىلى چۈشەندۈرۈپ قوياي .
ئائىلىدە مۇتلەق ھالدا بىر باش بولمايدۇ ، ھەل قىلىشقا تېگىشلىك ئىش بولسا ئادەتتە مەسلىھەت بىلەن بولىدۇ . ھازىرقى بىزنىڭ دەۋرىمىز ، ياشاۋاتقان ماكانىمىز غەيرى ئىسلام دەۋرى، ماكانى . ئىسلام دۆلەتلىرىدەك ياكى بولمىسا بىزنىڭ ئىسلام شەرىئېتى يولغا قويۇلغان 1949-يىلنىڭ ئالدىدىكى زامان ئەمەس ، 3 تالاق دەپ ، ئەر خەت يېزىپ بېرىپ نىكاھتىن ئاجراشقىلى بولمايدۇ ، ئەرلەرنىڭ بۇرۇنقىدەك ئاياللارنى خېتىڭنى بېرىۋېتىمەن دەپ قورقۇتىدىغان كوزىرى يوق .
ئائىلىدە مۇتلەق نوپۇزغا ئىگە ئادەم جەزمەنكى شۇ ئائىلىنىڭ ئىقتىسادى تۈۋرۈكى . بۇ ئادەم ناۋادا ئەر بولسا سىز دەۋاتقان ئايالى سىرتتا لاغايلاپ يۈرگەن ئەھۋال ئىنتايىن كەم - كەم ئۇچىرايدۇ . ناۋادا بۇ ئەر مۇسۇلمان بولسا ، سىز تېمىڭىزدا ئوتتۇرغا قويغان مەسىلە %100 مەۋجۈت ئەمەس .
ئىككىنچى ئىھتىماللىق ئائىلنىڭ ئىقتىسادى تۈۋرۈگى ئايال بولسا ، ئەرنىڭ دىگىنى نىمىگە ھېساب ؟ ئايال ئۆز خالىغىنى بويىچە ياشايدىغان گەپ . ناۋادا ئۆينىڭ بېشى بولغان بۇ ئايال مۇسۇلمان بولمىسا ، ئۇنىڭ ئېرى پەقەت ئۇنىڭ ئەرمىكى ، مەنمۇ كۆپ سۆزلىمەي بۇ ھەقتە . سۆزلىسەك گەپ كۆپ . ئىككىنچى ئىھتىماللىقتىكى ئەرلەردىن سىز نېمىنى ئۈمىت قىلىسز؟ ئۇنىڭ قانچىلىك دەسمايسى بار ئايالىنىڭ ئالدىدا ئۇنى باشقۇردىغانغا ؟
مەخسەتنى چۈشەندىڭىزمۇ سۈمەييە خانىم ؟ ئائىلىدە نوپۇزى بار ئەرلەرنىڭ ئائىلىسىدە بۇنداق ئىشلارنىڭ يۈز بېرىش نېسپىتى بىر قەدەر تۆۋەن ، ئائىلىدە باش بولغان مۇسۇلمان ئەرگە بۇ ماقالە كۆرۈپ قويۇشقىمۇ ئەرزىمەيدۇ ، چۈنكى ئۇنىڭ ئائىلىسىدە ئايالى ئىپپەتلىك ، ئايالى ئىپپەتلىك بولغان ئۇنىڭ قىزىمۇ جەزمەن ھايا - ئىپپەت بىلەن چوڭ بولىدۇ . ( موھىم ئەسكەرتىش: مەن بۇ يەردە ۋاھابىي ئۆلچەملەر بىلەن مۇسۇلمان ياكى ئەمەسلىكنى ئايرىدىم . چوڭ دادامنىڭ چوڭ دادىسى مۇسۇلمان بولغاچقا مەنمۇ مۇسۇلمان دەپ داۋا قىلغانلار يۇقۇردىكى تەھلىلىمدە مۇسۇلمان ئەمەسلەرگە ئايرىلدى.)
ئائىلىدە باش بولالمىغان ئەرگە بۇ نەسىھەتنى قىلغاننىڭ نىمە پايدىسى ؟ مېنىڭ بىرنچى قېتىملىق ئىنكاسىمدىكى ئالدىنقى ئىككى جۈملىنى مۇشۇنچىلىك ئىزاھلاي ، نەسىھەتنى يەنىلا ئاياللارغا قىلغان تۈزۈكرەك!
*********************************************************************************************
ئوتتۇرىدىكى بىر قانچە جۈملىگىمۇ ئىزاھ بېرىپ ئۆتەي :
ھازىرقى بىز مەدەنىيەت ھېسابلاپ قوبۇل قىلغان ئەر - ئاياللار باراۋەرلىكى دىگەندەك ئۇقۇملار ھەتتا مۇسۇلمان بولغان كىشىلىرىمىزنىمۇ خېلى گاڭگىرىتدۇ . سۈمەييە خانىم سىزنىڭ تېما ئىنكاسلىرىڭىزنى ۋاقىت ئۇزارغانسىرى خېلى كۆپ ئۇچىراتتىم . ئىسلام ھەققىدىكى چۈشەنچىلىرىڭىز مول ئىكەن ، دىني تەبلىغ سىزگە زۆرۈر ئەمەس ، بەلكىم ئابدۇرەھىم گىرىننىڭ ئىسلام ئاياللارنى ئېزەمدۇ؟ دىگەن نوتىقىمۇ سىز ئۈچۈن ناتونۇش ئەمەس ، مۇشۇ نوتۇقتىمۇ ئەر - ئاياللىق ھوقۇق توغرىسىدا خېلى كۆپ مەزمۇن بار ، مۇشۇ مۇنبەردىكى ئاياللارنىڭ جەننەتىكى ئورنى قاتارلىق بىر قانچە تېمىدىمۇ بۇ مەزمۇنلار ئۈستىدە خېلى ئەتىراپلىق توختىلىپتۇ . مۇسۇلمان كىشىلەر ، مۇسۇلمان ئائىلىلەر سىزنىڭ تېمىڭىزدا ئوتتۇرغا قويغان ناچار ئەخلاقلاردىن خالى . مەن ئىنكاستىكى ئىتقاد توغرىسىدىكى جۈملىلەر ئارقىلىق شۇنى دىمەكچى ئدىمكى ، ئەخلاقىنى تۈزەيمىز دەيدىكەنمىز ، جەزمەن ئالدى بىلەن مۇسۇلمان بولىشىمىز كېرەك . بىرنچى ئىنكاستا مەن ئۇيغۇرچە مۈنبەرلەرگە ناتونۇش بولغاچقا ، دىن توغرۇلۇق ئەركىن مۇنازىرە قىلىغىلى بولىدىغانلىقىنى بىلمەيتىم . شۇڭلاشقا قىسقا قىلىپ ئىتقادنى تىلغا ئېلىپ ئۆتۈپ كەتكەن .
**********************************************************************************************
ئاخىرىدىكى مەزمۇنلار سىزگە قارتىلغان ئەمەس ، جەميەتتىكى ئەخلاق ساپاسىنىڭ تۆۋەنلەپ كېتىشى ، ناچار قىلمىشلار مېنىمۇ شۇنداق بىئارام قىلىدۇ ، شۇڭلاشقا شۇ خىلدىكى ئاياللارغا قارىتىپ دىگەن ئىدىم . ھازىرقى دەۋرىمىزدە ئاجرىشىش ئاياللارنىڭ ئىمتىيازى ، ئەر ئاجرىشىمەن دەپلا ئاجرىشالمايدۇ ، لىكىن ئاياللار ئۇنداق ئەمەس ئاجرىشىپ كېتىش مەخسىدى بولسا ئاياللارنىڭ ئاجىرىشىپ كېتىشى ئەرلەرگە قارىغاندا كۆپ قولاي .
توي قىلمىغان قىزلارنىڭ مەسىلىسىگە كەلسەك بۇنى بىر تېما ياكى بىر ئىنكاس ئارقىلىق سۆزلەپ بولۇش مۇمكىن ئەمەس . مۇشۇ ئىنكاسنى يازىمەن دەپ ھېلىمۇ بىر سائەتتىن ئارتۇق ۋاقىت سەرىپ قىپتىمەن ، ئاللاھ خالىسا كىيىن تەپسىلى ئوتتۇرىغا قويۇپ مۇنازىرلىشەرمىز .
*********************************************************************************************
مۇنازىرە نىڭ ئەھمىيېتى شۇكى ھەر كىم ئۆزىنىڭ قابىلىيېتىگە يارشا ، ئۆزىگە ماس كەلگەن ئۇسۇل بىلەن پىكىرىنى بايان قىلىپ ، مۇنازىرىگە قاتناشقان بارلىق كىشىلەرنى يېڭى بىلىم ، ياكى يېڭىچە پىكىر يولى بىلەن تەمىن ئېتىشتۇر. مۇنازىرىنىڭ مەخسىدى ھەرگىزمۇ قارشى تەرەپنى يېڭىۋېلىش ئەمەس ، سىزگە ئوخشاش پىشقەدەم مۇنبەرچىلەرگە بۇ ناھايىتى ئايدىڭ ، شۇڭىلاشقا مىنىڭ بۇ ئىنكاسىمنىڭ ، سىزنىڭ نەزىرىڭىزدە سىزگە قىلىنغان ھۇجۇم ، سىزنى يېڭىۋېلىش ئەمەسلىكى چوقۇم مۇقەررەر . ئاللاھ رەھمەت قىلسۇن ، ئېسىل تېمىلىرىڭىز ئۈزۈلمىگەي .
يوللىغان ۋاقتى 2012-2-23 11:47:47
