ئايال ۋە ئاياللىق

بۇغداي

شەرم-ھايا،ئېسىل پەزىلەت ئاياللىقنىڭ گۈل تاجىسى.

ئاياللارنى سۆيۈش مىللەتنى سۆيۈش دېمەكتۇر.

ئاياللىق-تەبىئەتنىڭ شاھ ئەسىرى.
ئاياللىق-گۈزەللىك  قەسىرنىڭ مەلىكىسى.
ئاياللىق-جەمئىيەت توقۇلمىلىرىنىڭ ئۆرۇش يىپى ۋە ئائىلە ئۇيۇشمىسىنىڭ چارق قازىنى.
ئاياللىق-ئەجداد ۋە ئەۋلاد مەرۋايىتلىرىنى تىزغۇچى رىشتە،تەربىيە پائالىيتىنىڭ مۇقەددەس ساھىبى.
ئاياللىق-ئىلھام چەشمىسى،ئارزۇ يەلكىنى،ئۈمىد چولپىنى،بەدىئىى ئەسەردىكى يالقۇنلۇق يۈرەك.
ئايال-پۈتكۈل ئايال -قىزلارغا قارتىلغان ئىجتىمائىي ئىبارە.
ئاياللىق-بەدئىي تەسۋىرنىڭ ھېكايە مەنبەسى،ۋەقەلىك تۈگۈنى.
ئاياللار-ئۆز مىللىتىگە،ئۆز مىللىى مەدەنىيتىگە،ئۆز ئېتنوگرافىيىسىگە خاس ئەنئەنۋى ئىزچىللىق رېلسىدىن چەتنىمەسلىگى لازىم، شۇ چاغدا ئانا ئۆز پەرزەنتلىرى نەزىرىدىكى، دىلىدىكى، تىلىدىكى ئۇلۇغۋار سىماغا، مىللەتنىڭ كەلگۈسىگە ئۆز پەرزەنتلىرى ئارقىلىق ئۇل تىزغۇچى بىناكارغا، تۇرمۇش گۈلشىنىنىڭ ھەقىقى باغۋىنىگە ئايلىنالايدۇ.
ئانا تۇپراققا ئوخشايدۇ، ئۇ ياخشى پەرۋىشكە مۇھتاج.
ئانا ۋەتەنگە ئوخشايدۇ،ئۇ قوغداشقا،سۆيۈشكە مۇھتاج.
قىزلىرىمىز- مىللەتنىڭ غۇنچىللىرى،ئانا بولغۇچى مۇبارەك كىشىلىرىمىز. ئۇلارنىڭ ئىپپەت سارىيىنى قوغداش بىر پۈتۈن مىللەتنىڭ ئىپپەت غۇرۇرىنى قوغداش دېگەنلىكتۇر.
ئايال-پۈتكۈل ئىنسان تەقدىرىگە ھەل قىلغۇچ تەسىر كۆرسىتىدىغان ئەڭ موھىم تەركىپتىن ئىبارەت.

مەنبە:‹‹ئابدۇشۈكۈر مۇھەممەتئىمىن ھېكمەتلىرى››

◤pari◥

ياخشى ھېكمەتلەركەن ، رەھمەت

سىرداش

ياخشى تىما يوللاپسىز  مۇشۇنداق تىمىلاردىن بەھىرلەندۈرگىنىڭىز ئۈچۈن رەھمھەت.