سالام باھار، سۆيۈملۈك پەسىل
ئالاھىدىن ئابدۇرېشىت
سالام باھار، سۆيۈملۈك پەسىل،
ئېلىپ كەلدىڭ ماڭا گۈل-چېچەك.
سارغايدىممەن ئالدىڭدا خىجىل،
تاقالمىدىم ھۆسنۈڭگە بېزەك.
چوققىلارغا تاشلىدىم نىگاھ،
ئىزلىرىم يوق قىيا تاشلاردا.
يېشىل رەڭدە چاقنايدۇ ساما،
پەرۋازىم يوق قىران ياشلاردا.
بۇلاقلارغا زەن سالدىم ئۇزاق،
كۈيلىرىممۇ بولۇپتۇ ئادا.
دەريا ئاقار شاۋقۇنلۇق ئويغاق،
مېنىڭ ئەمەس لېكىن بۇ سادا.
دالىلاردا چاقنار يېشىللىق،
روھىم دەشتى تېخى قاغجىراق.
گۈللەر كۈلۈپ باقىدۇ ئىللىق،
قېنى گۈزەل سۆيگۈ-ئىشتىياق؟
باغ سەيلىسى قىلدىم خىرامان،
مېۋىلەرگە سوزالمىدىم قول.
بار مېھنەتلىك ئىشتا كۆپ داۋان،
باشلانمىدى مەندىن بىرەر يول.
كىم ئۇ مېنىڭ ئارقامدىن كەلگەن؟
بەلكىم مېنىڭ سايەم ئۇ-ئەرۋاھ.
پەسىللەرگە قويمايمەن ئىۋەن،
ئۆز-ئۆزەمگە بولايمەن ئاگاھ!
× × × ×
سالام باھار، سۆيۈملۈك پەسىل،
ئېلىپ كەلدىڭ ماڭا گۈل-چېچەك.
سارغايمايمەن، بولمايمەن خىجىل،
ساڭا سوۋغا قىلمەن يۈرەك!
1998-يىلى، 2-ئاي.
بۇ شېئىر«قەشقەر گېزىتى»دە ئېلان قىلىنغان. بۇ يازمىنى ئاخىرىدا alahidin تەھرىرلىگەن. ۋاقتى 2012-9-18 14:11
| 
قىزغىنلىق
تىللا
تۆھپە
شۆھرەت
يوللىغان ۋاقتى 2012-9-18 14:10:48
يوللىغان ۋاقتى 2012-9-19 19:49:19
