ئېرىڭىزنىڭ «قىز دوست» تۇتالىغانلىقىدىن پەخىرلىنەمسىز

سىرداش

يېقىندا ئايالىمدىن بىر خىزمەتدىشىنىڭ ئېرىنىڭ قىز دوستلىرىنىڭ كۆپلىكى، كۈندە توردا يېڭى-يېڭى قىز دوستلارنى تاپىدىغانلىقى، قىز دوستلىرىنىڭ ئەرگە ناھايىتى ئامراقلىقى، تېخى بىر نەچچىسىنىڭ ئۇنى يۇرتلىرىغا تەكلىپ قىلغانلىقىنى پەخىرلىنىپ سۆزلەپ بەرگەنلىكىنى ئاڭلىدىم.

ئايالىمنىڭ خىزمەتدىشىنىڭ: «ئېرىمنىڭ قىز دوست تۇتالىغانلىقى ئېرىمنىڭ ياخشىلىقىنى چۈشەندۈرۈپ بېرىدۇ» دېگەن گېپىنىڭ يېقىنقى يىللاردىن بۇيان قىز-ئاياللار ئارىسىدا تارقىلىپ، مودىغا ئايلانغان «ئۆزۈڭ ياخشى بولساڭ، ئاشناڭ بولمامتى» دېگەن گەپكە يېقىنراق كېلىدىغانلىقىنى ھېس قىلدىم. بۇ گەپنىڭ مەنىسىنى تەھلىل قىلساق، «ئەرلەرنىڭ ياخشى-يامانلىقى ئاشنىسىنىڭ بار-يوقلۇقى، ئاز كۆپلۈكى بىلەن ئۆلچىنىدۇ» دېگەن مەنىنى بىلدۈرىدۇ.
گەرچە ئۇ ئايالىنىڭ ئاغزىدىن «ئاشنا» سۆزى چىقمىغان بولسىمۇ، توقلۇقتىن شوخلۇق چىقىۋاتقان، بۈگۈنكىدەك مەدەنىيەت ئەخلاق يالىڭاچلىنىۋاتقان دەۋىردە ھېچكىممۇ «قىز دوست»نى «ئاشنا»لىققا تەرەققىي قىلمايدۇ، دەپ ئېيتالمايدۇ. جەمئىيەتتىكى نۇرغۇن ئائىلىلەر 3-شەخسنىڭ ئارلىشىشى، بىر كۆرۈشكەندە دوست، ئىككى كۆرۈشكەندە ئاشنا ياكى توقالغا ئايلىنىش سەۋەبىدىن بۇزۇلىۋاتىدۇ.
ئەگەر سىز جەلپكار، ئېرىڭىز چىن يۈرىكىدىن ياخشى كۆرگۈدەك ئايال بولسىڭىز، ئېرىڭىز قىز دوست تۇتۇشقىمۇ، قىز دوست ئىزدەشكىمۇ قىزىقمايدۇ. سىزدىن تەپ تارتماي، سىزنى قارىتىپ قويۇپ قىز دوست تېپىشقا ئۇرۇنغانىكەن، دېمەك، ئېرىڭىزنىڭ نەزىرىدە سىز پەقەت «خوتۇنلا» ئىكەنسىز، خالاس. شۇڭا «ئەرنى ئەر قىلغانمۇ خوتۇن، يەر قىلغانمۇ خوتۇن» دېگەننى ئۇدۇم بىلىپ، «جەلپكار» ئېرىڭىزنىڭ «قىز دوست» تۇتالىغانلىقىدىن پەخىرلەنمەي، سىزگە بولغان ساداقىتىدىن، مېھىر-مۇھەببىتىدىن پەخىرلىنىڭ.


مەنبە:  نۇر تورى

نونى

«ئېرىمنىڭ قىز دوست تۇتالىغانلىقى ئېرىمنىڭ ياخشىلىقىنى چۈشەندۈرۈپ بېرىدۇ» دەپ ئويلايدىغان ئاياللارغا  ئاگاھلاندۇرۇش خاراكتىرلىق ياخشى تېما ئىكەن

گۇلزار

ئايالىمنىڭ خىزمەتدىشىنىڭ: «ئېرىمنىڭ قىز دوست تۇتالىغانلىقى ئېرىمنىڭ ياخشىلىقىنى چۈشەندۈرۈپ بېرىدۇ» دېگەن بۇ گەپنى قانداق چۈشىنىش كېرەك؟
  بۇنى ئاياللارنڭ نادانلىقى دىيىش كېرەكمۇ ياكى ئاجىزلىقى دىيىش كېرەكمۇ ؟
   

ئەبگاھ

بۇ ئەرلەردىمۇ، ئاياللاردىمۇ ئەخلاق ۋە ھايانىڭ تەدرىجى يوقاۋاتقانلىقىنى بىلدۈرەمدۇ-قانداق؟

مەرىپەت

ئېرىنىڭ قىز دوست تۇتالىغىنىدىن پەخىرلىنىدىغان ئايال ئەقلى ھوشى جايىدا ئەمەس ئايال بولسا كېرەك.كىممۇ ئېرىنىڭ قىز دوست تۇتىۋلغىنىدىن پەخىرلىنىدۇ؟بۇنداق ئايالغا گەپ كەتمىگۈدەك...

清澈(维)

ئاياللار بارغانسىرى كەڭ قۇساق بولۇشقا يۈزلەندىمۇ قانداق؟

ئامان

مېنىڭچە بۇ مەسىلىنى ئىككى تەرەپتىن ئويلاپ بېقىش كېرەكقۇ دەيمەن.  بىر قىسىم ئاياللار سىرتقى كۆرۈنۈش جەھەتتە ئەرلىرىنىڭ قىز دوست تۇتۇۋالغانلىقىدىن پەخىرلىنىدۇ. نىمىشقا دەمسىز؟  بىزنىڭ بىر قىسىم شۆھرەتپەرەس ئاياللىرىمىز باركى، ئۇلار ئۆز ئەرلىرىنىڭ ‹‹ئالاھىدە›› خىزمەت ئورنى، ‹‹ئالاھىدە ›› ئىختىزادى كىرىمى، قاملاشقان بوي-تۇرقى ... شۇنىڭغا ئوخشاش ‹‹ئالاھىدە›› تەرەپلىرىنى باشقىلارغا بىلدۈرۈش، ئېنىقراقىنى ئېيتقاندا كۆز-كۆز قىلىش مەخسىتىدە xxx قىزلارنىڭ ئەرلىرىنىڭ كەينىگە كىرىۋالغانلىقى ۋە ئەرلىرىنىڭ xx قىزلار بىلەن  ئارلىشىۋاتقانلىقىدىن  ‹‹پەخىرلىنىپ›› سۆزلەپ يۈرۈيدۇ.  ئەمما ئىچكى جەھەتتە يۈرىكىنىڭ قانچىلىك زەرداپ بۇلۇۋاتقانلىقىنى پەقەت بىر ئۆزىلا بىلىدۇ.بۇ خىل مۇرەككەپ ھىسسىيات بەلكىم ئەتراپىمىزدا، مەكتەپلىرىمىزدە، ئىدارە-ئورگانلىرىمىزدا بىز تونۇيدىغان، بىز بىلەن بىللە ئىشلەۋاتقان بىر قىسىم شۆرەتپەرەس ئاياللىرىمىزغا ئا كىيۇ دىن مىراس بۇلۇپ قالغان ئۇدۇم بولسا كېرەك.
بۇ تېمىغا چۈشكەن ئىنكاسلاردىن قارىغاندا ئايال تورداشلىرىمىز بۇ تېمىدىن ھەيران قالغاندەك تۇرىدۇ. قېنى تۇرمۇشىمىزغا، ئەتراپىمىزغا قاراپ باقايلى، ئارىمىزدا ئەرلىرىنىڭ قىز دوست تۇتقانلىقىدىن پەخىرلىنىپ يۈرۈيدىغان ئاياللىرىمىز يوقمىدۇ؟!!!

گۇلزار

ئامان يوللىغان ۋاقتى  2012-11-3 00:32
مېنىڭچە بۇ مەسىلىنى ئىككى تەرەپتىن ئويلاپ بېقىش كېرەك ...

    ئامان ئەپەندى سىز ئېيتقاندەك بۇ تېما مۇنبەردىكى ئاياللاردا ھەر خىل سۇئاللارنى پەيدا قىلدى . قىسقىسى مەنمۇ بۇ تېمىنى ئوقۇپ  سۇئال قويۇپ قويغان ئىدىم . بۇنداق قىلىشىمدا مۇنبەرداشلارنىڭ بۇ ئىشلارغا قانداق كۆز قارايدىغانلىقى ھەم قانداق جاۋاپ بېرىدىغانلىقىنى كۆرۈپ بېقىش ئىدى . ئويلىغىنىمدەك مانا بۇگۈن سىز بۇ سۇئالللاغا جاۋاپ بېرىش بىلەن بىرگە يەنە يېڭى بىر سۇئالنى ئوتتۇرغا قويۇپسىز .
مېنڭچە ھەر قانداق بىر ئايال ئېرىنىڭ سىرتلاردا قىز دوست تۇتۇپ، ئۇلار بىلەن قويۇق مۇناسىۋەتتە بولىشىنى خالىمايدۇ . ئۇلارنىڭ بۇنداق قىلىشى ، بۇ بالىلىرى ئۈچۈن ئائىلىسىنى ساقلاپ قېلىش ھەم ئوماق پەرزەنتلىرىنى ئاتاققا بولسىمۇ، ئاشۇ كۆرىنىشتىكى ئىللىق ئائىلىگە ئېرىشتۇرۇش مەقسىتىدە ، خورلۇق ۋە  ئازاپلىننىشلارغا چىداپ ئۆتىۋاتقان بولىشى مۇمكىن . ئۇلار   ھەرگىزمۇ بۇ ئىشلاردىن پەخىرلەنمەيدۇ ، ئۇلارنىڭ مۇنداق قىلىشى ئېرىغا گەپ ئاڭلىتالماي ،  بالىلىرى ئۈچۈن يا ئاجىرشىپ كېتەلمەي يۈرگەنلىكى يەنە كېلىپ باشقىلارنىڭ ئاغزىنى تۇۋاقلاش ئۈچۈن تاپقان باھانىسىدۇ ،
    ئەمما كېسىپ ئېيتالايمەنكى ئېرىنى ياخشى كۆرىدىغان  ، ئائىلىسىنى سۆيىدىغان ھەر قانداق بىر ئايال ئېرىنىڭ سىرتلاردا قىز دوست تۇتۇپ ئۇلار بىلەن قويۇق مۇناسىۋەتتە يۈرۈشىگە يول قويمايدۇ .
ھەم چىداپ تۇرالمايدۇ .

肉孜买买提

بۇ تىما ھازىرقى جەمئىيتىمىزدىكى بىرقىسىم ئاياللاردىكى مەنمەنچىلىكنى ئېچىپ بىرىپتۇ . ھەم ئەرلەردىكى ئائىلىگە بولغان مەسئۇليەت تۇيغۇسىنىڭ سۇسلىشىپ كىتىۋاتقانلىقىنى بىلدۈردۇ.
مەن دىمەكچى تورداشلار بىز ئۇيغۇر مىللىتى بولغاندىكىن ھەرگىز ئەسلىمىزنى ئۇنتۇپ قالماسلىقىمىز كېرەك. ئىلگىركى ئاتا-بوۋىلىرىمىز ئائىلىسىگە قانداق ۋاپادار ئىدى؟؟؟؟؟؟؟
ھايۋانلار ئاڭسىز بولسىمۇ ئۆزىنىڭ ئائىلىسىنى ،باللىرىنى بار كۈچى بىلەن قوغدايدۇ. ئەجەبا بىز ئۇلار چىلىك بۇلۇپ ئائىلىمىزگە ۋاپادارلىق يەتكۈزەلمەيمىزمۇ؟؟؟؟؟؟

يۈسەن

توۋا خۇدايىم ما گەپنى ئەمدى ئاڭلىشىم جۇما ،مىنىڭچە شۇ خۇتۇن چۇقۇم ئۈزىنى تەكشۈرتۈپ بېقىش كېرەك ،بولسا 4-دۇختۇرخانىنىڭ مەخسۇس بۈلىمى بولسا تېخى ياخشى.....