خوتۇن ۋە ئاشنا

سىرداش

خوتۇن ۋە ئاشنا


      ئاشنام كۈتۈشىمنى تەلەپ قىلىدىغان ئايال، خوتۇنۇم مېنى كۈتىدىغان ئايال. ئاشنام ھەمىشە سېتىۋالغان نەرسىلىرىمنى ئەرزان كۆرۈپ ئاغرىنىدىغان ئايال، خوتۇنۇم ھەمىشە سېتىۋالغان نەرسىلىرىمنى قىممەت كۆرۈپ رەنجىيدىغان ئايال.
      ئاشنام نەپىس گۈلدانغا سېلىپ قويغان گۈل، ئۇنىڭغا قارىسام راھەتلىنىپ ئاجايىپ ئامراق بولۇپ كېتىمەن، ئەمما بۇ گۈلنى پۇل، ھوقۇق، ئابرۇي، مەرتىۋە ياكى شەھۋانىي نەپىس دېگەندەك ئالاھىدە ئوزۇقلۇقلار بىلەن پەرۋىش قىلىشقا توغرا كېلىدۇ. خوتۇنۇم سېۋەتكە سېلىپ قويغان كۆكتات، ئۇ ئۆزىنىڭ جاۋىلدىشى، كۆيۈمچانلىقى، تىرىشچان، ئىقتىسادچانلىقى بىلەن مېنى ئوزۇقلاندۇرۇپ، چىرايىمنى نۇرانە، كىيىملىرىمنى رەتلىك، يەيدىغانغا تاماق، ئېچىدىغانغا ئۇسسۇزلۇق تەييارلاپ بېرىپ، ئاشنام بىلەن كۆرۈشكىدەك روھلۇق ھالغا كەلتۈرۈۋېتىدىغان ئايال.
      تۇغۇلغان كۈنۈمدە ئاشنام ماڭا گۈل تەقدىم قىلىدۇ، خوتۇنۇم ئوزۇقلۇق قىممىتى مول نازۇ نېمەتلەرنى تەييارلاپ بېرىدۇ، يەنە ئىسسىق بىر پوپايكا توقۇپ بېرىدۇ، شۇنىڭ بىلەن مەن دائىم ئاشنا رومانتىك، خوتۇن رېئال بولىدىكەن دېگەن قاراشقا كېلىمەن.
      بىر كۈنى مەن ئالتۇن ئۈزۈك سېتىۋېلىپ تومۇچۇقتەك ئاشنامغا سوۋغا قىلدىم. توساتتىن يەنە ئىنساپىمغا كېلىپ خوتۇنۇمغىمۇ ئوخشاش ئۈزۈكتىن بىرنى سېتىۋالدىم. سوۋغىنى قوبۇل قىلغاندا ئاشنام مېنى تاتلىققىنە سۆيۈپ قويدى. ھەتتا مەندىن يوشۇرۇنچە ئۈزۈكنى زەگەر بازىرغا ئاپىرىپ تەكشۈرتۈپ كەپتۇ. ئايالىم بولسا «شۈنچە پۇل خەجلەپ جانغا ئەسقاتمايدىغان بىر نەرسىنى سېتىۋاپسىز» دەپ مەندىن ئاغرىنغاندەك بولدى. ئارقىدىن قەلبى خۇشاللىققا تولغان ھالدا تاقىۋالدى، ئەمما ئۇ بۇ ئۈزۈكنىڭ راست - يالغانلىقىدىن ھەرگىز گۇمانلانمىدى.
      شۇ ئىشتىن كېيىن مەن: «يەنىلا خوتۇنۇم ماڭا كۆيۈنىدىكەن دەپ بىردىنلا ئويغاندىم. شۇنىڭ بىلەن رومانتىكىلىقنى قوغلاشماي، يوۋاشلىق بىلەن رېئاللىققا قايتىپ كەلدىم .
      قېنى تورداشلار، سىلەر ئاشناڭلارغا تۇرامسىلەر، خوتۇنىڭلارغىمۇ، ئىككى ئىغىز لىللا گەپ قىلىپ بېقىڭلار؟؟؟؟
      خەۋەر مەنبەسى: internt
      بۇنى مەن توردا كۆرۈپ يوللاپ قويدۇم، بىز مۇشۇ تېما ئۈستىدە مۇھاكىمە قىلىپ باقساق دەيمەن؟

saba007

سىرداش ئەپەندىم، تولىمۇ ئەھمىيەتلىك بىر تىمىنى يوللاپسىز. جەمىيەت ئۇچۇرلۇشۇپ،تەرەققى قىلغان،كۆپخىل مەدىنىيەت ئۆزئارا تەسىر كۆرسىتىشىپ كىشىلەر روھىيىتى تەۋرىنىپ تۇرىۋاتقان بۇدەۋىردە ئائىلىدىن ئىبارەت بۇ ئىناق بەختلىك ماكاندا ئوخشاش بولمىغان يوچۇقلار ئېچىلىپ،سوغ شاماللار ھۇلاشقا باشلىغان ئەھۋاللارنى تۈپتىن ئىنكار قىلغىلى بولمايدۇ.
    ئىنسانى قائىدە-يوسۇن، مىللىتىمىزنىڭ ئەدەپ-ئەخلاق قارشى نۇقتىسىدىن ئالغاندا يۇقارقى مەسىلىگە پوزىتسىيە بىلدۈرۈش ھاجەتسىز....
بىراق، ئادىمىيلىك بۇرۇچ سەزگۈسىنى يوقاتقان، ئېتىقات تۇيغۇسى كۈندىن - كۈنگە ئاجىزلىشىپ  بېرىۋاتقان، ئۆز مىللىتىنىڭ قائىدە - يوسۇن، ئۆرپ- ئادەتلىرىدىن خەۋەرسىز، ئۆزىنىڭ دەۋىر، جەمىيەت ۋە كەلگۈسىدىكى مەسئۇلىيتىنى ئۇنتۇپ، ۋۇجىدىدا ئەجدات قېنى ئەمەس،  ‹ئەۋرەز سۇلىرى›  ئورۇن ئالغان كىشىلەرنى يوق ، دىگىلى بولمايدۇ...
مانا مۇشۇ خىلدىكى كىشىلەر بۇ مەسلىگە پوزىتسىيە بىلدۈرسە بولىدۇ.....

   ئەمما سىزنىڭ تىمىڭىزدىكى باياننى ئوقۇغاندىن كىيىن، بۇلارمۇ قارىشىنى ئۆزگەرتىشى مۇمكىن....

‹ ھەر نەرسىدىن ئايرىسىمۇ، قەدىناستىن ئايرىمىسۇن،›  بۇ  ئىسپاتلانغان  تەجىربە  بولىشى مۇمكىن.....

  

نونى

ئاشنا بىلەن خوتۇننىڭ پەرقى ئېنىق كۆرسىتىپ بېرىلگەن ماقالە ئىكەن. رەھمەت !

ئاينۇر

بەك ياخشى تىما ئىكەن . ئەرلەرنى ھەقىقەتەن ئويغا سالىدىغان ماقالە ئىكەن. ھەممە ئادەم ئۇنداق بولماسلىقى مۇمكىن لېكىن ئازساندىكى بىرقىسىم قوشنا تۇتىۋالغانلارغا قارىتا ھەقىقەتەن ئويلىنىپ كۈرىدىغان بىر ماقالە ئىكەن

سىرداش

ئاينۇر يوللىغان ۋاقتى  2012-11-9 14:26
بەك ياخشى تىما ئىكەن . ئەرلەرنى ھەقىقەتەن ئويغا سالىدى ...

ئىنكاسىڭىز نى ئۇقۇپ   تېلىقىپ قالايلا دىدىم،   سىز  يانا بىر ئاتالغۇ  كەشىپ قىپسىزغۇئ   ‹.  قوشنا....››   بۇمۇ  بولىدىغان  نام ئىكەن،   رەھمەت سىزگە.

ئاينۇر

ئەرزىمەيدۇ چىرايلىقراق قىلىپ قويدۇم شۇ

ZAMRAN

ئاشنا دىگەن ئادەمنىڭ يانجۇقىدىكى پۇلغا چۈشكەن مېتە!قەدىناس ئايالنىڭ مۇھەببىتىگە نىمىمۇ يەتسۇن!مەن داۋاملىق ‹‹ئۆز يارىڭ››دىگەن ناخشىنى ئوقۇيمەن.ناھايىتى ئىسىل تىمىنى يوللاپسىز،جەمىيەتتىكى بەزى بىر ئائىللەر ئۈچۈن تەربىيە بولۇپ قالسا ئەجەپ ئەمەس كۆپتىن-كۆپ رەھمەت!

ئامان

ھەممە ئادەم بىلىپ قويۇشقا تېگىشلىك ئەھمىيەتلىك تېما يوللاپسىز بۇرادەر،  اللاھ ھەممىمىزنىڭ كۆڭلىگە ئىنساپ، تەۋپىق-ھىدايەت ئاتا قىلغاي.

alimjan

[ياخشى تېما ئىكەن .بىر قىسىم ئەرلەر باركى ئابدىكىرىم ئابلىز ئىتوتىدا ئوتتۇرىغا قويغاندەك ،ئۈزىنىڭ ئايالىغا پۇل خەجلەشتە تۇمۇردەك قېتىۋالىدىغان ،باشقا ئاياللارغا شامدەك ئېرىپ كېتىدىغان .باشقا ئاياللارغا ساماندەك خەجلىگەن پۇلدا ئائىلىسىدىكى ئايالىنىڭ ،نارىسىدە بالىلىرىنىڭ ھەققى يوقمىدۇ ؟ بۇ تېمىنى ئەنە ئاشۇنداق ئاشناداشلارمۇ كورگەن بولسا تەربىيە ئالغان بۇلاتتى .اللاھ ھەممىمىزنىڭ كوڭلىگە ئىنساپ بەرسۇن.]

شاتگۈل