مەھبۇبەم(شىئېر)

bowak

مەھبۇبەم
شىېر
كۈيۈپ ئالغاچقا مەن ئۇنى،كۈلۈپ پارلايدۇ مەھبۇبەم.
سۆيۈپ كەلگەچكە توققۇز يىل،نۇر بوپ چاقنايدۇ مەھبۇبەم.
ئىناقلىق ،كەڭ قوساقلىق ئەر  ئۈچۈن بەرھەق-جاھىز،
قوساقلار كۆك كەبى كەڭدۇر،ئۇچۇپ يايرايدۇ مەھبۇبەم.

دەسلىۋى ھىجىر-ئىشق ۋەجىدىن گول جانىم مىنىڭ.
ئائىلەم بار،ئايالىم بار،ئۇرغۇپ تۇرار قانىم مىنىڭ،
دىدىممەن بەخت مىنىڭ،گۈل ئۇزار كانىم مىنىڭ،
ۋىسال دەپ ئوڭدا يېتىپ،قۇرۇپ قالدى يانىم مىنىڭ.
پۇل تېپىڭ دەپ پىشانەمدە،غەزەپ سايرايدۇ مەھبۇبەم.

ئەركەكدۇرمەن،پۇل دىگەن مەن ئۈچۈن قولنىڭ كىرى.
ئەقىل بىلەن سودا قىلدىم،ئۆيۈمدىن بارماي نېرى.
ئالىمەن يىمىش،چارۋا، ساتىمەن كەلسە بىرى،
ھىلىسىز سودا قىلدىم،بۇ ئىشىمنىڭ يوقتۇر سىرى،
ئالدىغا لوق پۇلنى قويسام،سۆيۈپ نازلايدۇ مەھبۇبەم.

سودا دىگەن بىردە ئۇندا،بىردە بۇندا بولار ئىكەن.
چارۋا دىگەن بەزى ئۆلۈپ،بەزىدە پۇت سۇنار ئىكەن.
يىمىش دىگەن ۋاقىت ئۆتسە،سېسىيدىغان چاۋار ئىكەن.
ھەممە مالنىڭ ۋاقتى ھەمدە قەرەلى بار تاۋار ئىكەن.
قۇرۇق كەلسەم زۇۋانىنى شۇئان سازلايدۇ مەھبۇبەم.

ھالاللاپ سودا قىلغاچ،ئائىلەمدە پۇلمۇ بولدى.
قۇرۇ جايىم زىننەتلەندى،بالامنىڭ خۇشلۇقى تولدى.
يۇزمۇ تاپتىم،ئايالىمنىڭ يۈز-قولى ئالتۇن بولدى،
ئايال پوچى ،بالام نوچى،كۆرۈڭ بۇ ئۆيگە نىم بولدى؟
ياتاق ئۆيدە گىرىم قىلسا،باھار-يازلايدۇ مەھبۇبەم.

ئويلاپ قالدىم پۇل دىگەن،ھەر ئۆي ئۈچۈن لازىم نىمە.
ئەر تۇرۇپ،بىكار يېتىپ كۆپەيدى قەرزىم دىمە.
ئۆي تۇتتۇڭمۇ،بېقىش ۋاجىپ،كۆپ ئىكەن پەرزىم دىمە؟
ئائىلەڭنى ياخشى باشقۇر،باشقىلارغا ئەرزىم دىمە؟
ساداقەتتە ئىش تۇتساڭلا،چېڭىڭ تازلايدۇ مەھبۇبەڭ.

ئاپتورى:  مەن

خەنجەر

بۇرادەر  بۇ شىئىرىڭىزنى ئۇقۇپ خۇددى ئەخمەتشاھ قاراقاشنىڭ  «   يامان ئات قىسسىسى »دېگەن شىئىرنى ئۇقۇغاندەك بولدۇم .شىئىردىكى قاپىيە ،رېتىم ،تۇراق شۇنداق ماسلاشقان ھەمدە شىئىردىكى مەزمۇن ئۇنىڭغا جان كىرگۇزگەن .جاھاندا شىئىر يازىدىغانلا تۇلىمۇ نۇرغۇن ،بىراق ھەقىقى شىئىر يازالايدىغانلار شىئىر يازغاندىمۇ مەزمۇن قوغلاشماي قاپىيە قوغلىشىدىغانلار ئىنتايىن كۆپ .شۇڭا دەيدىغىنىم مۇشۇ ماڭغان ئۇسلۇبىڭىزدىن چەتنەپ كەتمەي نادىر ئەسەرلەرنى رۇياپقا چىقىرشىڭىزنى ئۆمىد قىلىمەن .تالماس قوللىرىڭىزغا دەرت كەلمىسۇن .اللاھ ماڭغان يۇلىڭىزنى يۇرۇق قىلغاي .

bowak

خەنجەر يوللىغان ۋاقتى  2013-3-7 01:03
بۇرادەر  بۇ شىئىرىڭىزنى ئۇقۇپ خۇددى ئەخمەتشاھ قاراقاش ...

ئىلھام بەرگىنىڭىزگە رەھمەت. قېرىندىشىم

زەپەر

ياخشى يېزىپسىز بۇندىن كىيىنمۇ ياخشى شىئېر ئەسەرلەرنى مۇنبەر ئەھلىگە سۇنۇپ تۇرشىڭىزنى تەۋسىيە قىلىمەن . رەخمەت سىزگە

ئامان

شېئىرنى ياخشى يېزىپسىز، مۇشۇنداق ئىجادى تېمىلىرىڭىز بىلەن مۇنبەرنى ئاۋاتلاشتۇرۇپ تۇرغايسىز.

ئوغلانبەگ

خەنجەر يوللىغان ۋاقتى  2013-3-7 01:03
بۇرادەر  بۇ شىئىرىڭىزنى ئۇقۇپ خۇددى ئەخمەتشاھ قاراقاش ...

ياخشى ئىنكاس،قوللايمەن.

saba007

ھەقىقەتەن ياىشى يېزىلپتۇ.   ئانا تىلنىڭ گۈزەللىگىنى  شىئېردىن كۆرگىلى بولىدىكەن.........

قەلەم تۇلپارىڭىز ھارمىغاي.........

نەۋقۇت

ھوزۇرلاندىم.سىزگە چەكسىز ئىلھاملار يار بولغاي!

نونى

بارىكاللا ! شېئىرنى ياخشى يېزىپسىز !  سىزگە ئۇتۇق تىلەيمەن !
   شېئىر يازغاندا باشتىن ئاخىر ھەر بىر مىسرادىكى بوغۇم سانى ، تۇراق ، ۋەزىنلەرنىڭ بىردەك بولىشىغا دىققەت قىلىپ كەتسىڭىزلا  سىزدە ئۈمت زور ئىكەن.