شۇڭا بىز ئىنكاس يازالمايمىز

بايقاش

شۇڭا بىز ئىنكاس يازالمايمىز

    بايقاشقا كىردىغانلار ھەمىمىز ئوقۇتقۇچىمىز، بىلىدىغىنىمىزنى قالدۇرماي ئۆگىتىۋەتتۇق، كاللىمىزدە ھېچ نەرسە قالمىدى. شۇڭا بىز ئىنكاس يازالمايمىز. ھەمىمىز ئالىي بىلىم يۇرتلىرىدا تەربىيە ئالغان ئەمما مەكتەپتە ئەزەلدىن ئىنكاس يېزىش دەرس ئۆتۈلۈپ باقىمىغان شۇڭا بىز ئىنكاس يازالمايمىز. ئۆزىمىزگە لازىملىق ماتىرىياللارنى ئەمدىلا چۈشۈرۈپ تۇرىشىمىزغا تور ئۈزۈلۈپ قالىدۇ، شۇڭا بىز ئىنكاس يازالمايمىز. كىنو كۆرۈشكە ۋاقىت يەتمەي قالارمىكىن دەپ، بۇ تور بەتتىن ئىش تۇگىسىلا قۇيۇنندەك قاچىمىز. شۇڭا بىز ئىنكاس يازالمايمىز. ئىسىمىزدە ساقلىۋالغانلارنىڭ ھەممىسى كىنو، كۆڭۈل ئېچىش بىكەتلىرىنىڭ بىكەت نامىلىرى بولغاچقا، مائارىپ تورىلىرىنىڭ ناملىرىنى تېپىپ بولغىچە ئىشقا بارىدىغان ۋاقىتىمىز تۇشۇپ قالىدۇ. شۇڭا بىز ئىنكاس يازالمايمىز. بايقاشتا باشقىلارنىڭ چاۋىسىنى چىتقا يايىدىغان، جەمئىيەتتىكى مىش-مىش گەپلەر يوق،ئىنكاس يېزىپ تالىشىش، غۇلغۇلا قىلىشنىڭ ئورنى يوق، شۇڭا بىز ئىنكاس يازالمايمىز. بىز تېما يوللىساقمۇ ئىنكاسسىز قالغاندىكىن باشقىلارنىڭكىنىمۇ غېرىپ قالدۇرۇشمىز كېرەك، شۇڭا بىز ئىنكاس يازالمايمىز. تېمىغا ئاتامان ھېچقانداق ئىپادە بىلدۈرمەپتۇ، بۇ تېما چۇقۇم ياخشى ئەمەس، شۇڭا بىز ئىنكاس يازالمايمىز. بىز ئادەتتىكى ئادەملەر ئەمەس بۇنداق ھېچكىم كىرمەيدىغان مائارىپ بەتلىرىدىن پايدىلىنىپ قويساقلا بولدى. كونوپكا تاخسىتىسىنى ئۇپۇرتۇپ ئىنكاس يېزىشنىڭ ئورنى يوق، شۇڭا بىز ئىنكاس يازالمايمىز. بىزنىڭ كىينىكى تەرەققىيات نىشانىمىز كىنوچىلىقنى تەرەققىتى قىلدۇرۇش كىنو بەتلىرىگە كۆپ كىرىپ ئۇلار تەكلىپ بەرمىسەك بولمايدۇ، مائارىپ ئىشلىرى بىلەن نېمە ئىشىمىز. شۇڭا بىز ئىنكاس يازالمايمىز. بۈگۈن چ چ رىمدا مانچە دوستۇم بوپتۇ ئۇلار بىلەن تىزدىن يېقىنلىشىپ قىسقا ۋاقىت ئىچىدە كۈرۈشمىسەك بولمايدۇ. مائارىپ تور بەتلىرىگە قارىغۇدەك نەدە ۋاقىت، شۇڭا بىز ئىنكاس يازالمايمىز. توردىكى ئويۇنلارنىڭ سەرخىللىقىنى دېمەيسىز. ئوينىمىغانلارنىڭ جېنىغا ۋاي، بىر كۈن كەچكىچە ئوينىساقمۇ قانماي كىچىنى تاڭغا ئۇلاپ ئوينايمىز، شۇڭا بىز ئىنكاس يازالمايمىز. مائارىپ تورى قۇرغۇچىلارنىڭ ھەممىسى قىلغىلى ئىش تاپالمىغان ساراڭلار خالاس، ئۇلار بىلەن پىكىر ئالماشتۇرۇپ ساراڭ بىلەن تەڭ بۇلامدۇق؟ شۇڭا بىز ئىنكاس يازالمايمىز. قىسقىسى بىزنىڭ ئىنىق ھەم ئۇلۇغۋار نىشانىمىز بار، مائارىپ بىكەتلىرىنىڭ بۇلۇش-بولماسلىقى بىلەن بىزنىڭ ھېچقانداق مۇناسىۋىتىمىز يوق. بىز بىلىم-ھېكمەتكە تويۇنۇپ كەتكەن شۇڭا بىزنىڭ ئۇنداق يەرگە كىرىشىمىزنىڭ ھاجىتى يوق. ئىنكاس يېزىشنىڭغۇ ئەسلا ھاجىتى يوق!

pari

قەلىمىڭىز نىمە دىگەن ئۆتكۈر ، ھارمىغايسىز
بۇ تېمىڭىزنى ئوقۇپ خىجىللىقتا  باشقا گەپكە تىلىم بارمىدى . بۇنىڭدىن كېيىن داۋاملىق ئىنكاس يېزىشقا تىرىشىمەن .

asrar

ئۆتكۈر تىل،ئاچچىق كىنايە ئارقىلىق بايقاشتىكىلەرنى ئويغىنىشقا يېتەكلەپسىز ...
مەنمۇ ئىككى كەلىمە سۆزلەي:
كۆزىمىز كور ،قۇلىقىمىز ئاڭلىمايدۇ شۇڭا ئىنكاس يازالمايمىز!
قۇلۇمىز باغلاقلىق ،تەپەككۈر قاماقلىق شۇڭا ئىنكاس يازالمايمىز!
نەپ ئىلىشنى ئويلايمىز،گەپ قىلىشنى بىلمەيمىز شۇڭا ئىنكاس يازالمايمىز!
بايقاش بىزنىڭ ئۆيىمىز ،ئىسىل تېمىنى موك-موك سوقىمىز،مەپەئەت كەلدى ئەمدى جىم-جىم قاچساق قاچىمىز شۇڭا ئىنكاس يازالمايمىز!.....

گۈلزار

ھەقىقەتەن ئۆتكۈر تىللار بىلەن يېزىلغان كىنايە  .
بۇنى ئوقۇغان ھەر بىر مۇنبەر ئەھلى  ئىنكاس يېزىشقا  ئاتلىنىشى مۇمكىن .ئەمما بىر قىسىم ئاتالمىش ئەقىللىق كىشىلىرىمىز  بۇ تېمىنى ئوقۇپ   ، بۇ تېمىدا ئوتتۇرغا قويۇلغان مەسىلىلەرنى‹ بەرھەق ›دەپ ئويلاپ قالمىسىلا بولاتتىغۇ .چۈنكى ئۇلار باھانە تاپالمايلا يۇرۇيدى ئەمەسمۇ .   
مەنمۇ  خىزمەت ۋە ئائىلە ئىشلىرى بىلەن ئالدىراش بولۇپ قېلىپ تورغا كىرەلمەي تېما ۋە ئىنكاس يېزىشقا ۋاقىت چىقىرالمىدىم كەچۇرۇڭلار .

TURSUNTAY_korga

  ناھايىتى ئۈستىلىق بىلەن يېزىلغان ئاچچىق كىنايە بوپتۇ.ھەقىقەتەن كىشىنى ئويلاندۇرىدۇ. بۇ خىلدىكى تەڭقىدىي پىكىرلەرنىڭ چوقۇم ئۈنىمى زور بولىدۇ.قەلىمىڭىز ھارمىغاي !!!

گىياھى

موشۇ ئاي، مۇشۇ كۈنلەردە ھەممىمىزدە ئورتاق بىر ئاجىزلىق شۇكى، مەيلى خىزمەتتە بولسۇن ۋە ياكى جەمئىيەت، ئۆگىنىش، تۇرمۇشلاردا بولسۇن بىزگە سانچىلىپ تۇرىدىغان زىخ بولمىسا، ئەقەللىي ئۆز مەجبۇرىيىتىمىزنىمۇ ئادا قىلىشقا رايىمىز يوق! بۇ تېما ئەقلى بار ئىنسانلار ئۈچۈن ھەقىقەتەن ئويلىنىشقا تېگىشلىك، ھەرىكەتلەندۈرگۈچ تېما بوپتۇ! مىكى- مىكىدە قالماي، بىر ئېغىز بولسا بىر ئېغىزنى دېيىشنى ئۇنۇتماڭ! بولمىسا، ھۆپۈپتەك ئىچىڭىزدە سېسىتسىڭىز ئۇنىڭ نېمە قىممىتى بولسۇن!!!

火山

بىزنىڭ ۋاقتىمىز قىس ،ماتېريال چۈشۈرۈشكە ۋاقتىمىز بار ،ئېنكاس يېزىشقا ۋاقىتمىز يوق!
ئۇيۇن ئۇيناشقا ،كېنو كۈرۈشكە ۋاقتىمىز بار ،باشقىلارنىڭ قان تەر بەدىلىگە كەلگەن ماتېرياللارنى ماختاشقا ۋاقتىمىز يوق!

زەپەر

ئادىمىن ئەپەندىم بۇ كىنايىڭىزنى دەل ياخشى ئوتتۇرغا قۇيۇپ يېزىپسىز . بۇ ئىنتايىن توغىرا  قاراشبۇپتۇ .
مەن ئويلايمەن بىز ئۇقۇتقۇچىلارنىڭ ياخشى بولغان ماتىرىياللارنى چۈشۈرۈشكە  كىچىدىمۇ  ۋاختىمىز بار . بىراق باشقىلارنىڭ تىمىسىغا ئىنكاس يېزىشقا ۋاختىمىز يوق . ئۇيۇن ئويناشقا . كىينو كۈرۈشكە ۋاختىڭىز  بار . مەكتەپتە توپ ئويناشقا ۋاختىڭىز بار . خۇڭىجىڭ  ئويناشقىمۇ ۋاختىمىز بار ،ئۆز-ئار يۇقۇلاڭ ئىشلارغا    جەمىيەت تاسقاشقا ۋاختىڭىز بار ،گازىر - پۇرچاق چېقىشقا ۋاختىڭىز بار .ئۆز- ئارا پالانى ئۇنى قىلىپتۇ. شوجاڭ- شۈجىي ئۇنى يەپ كەتتى .ئۇلارنى قۇسىقىمىزغا سەپ قۇيلى.شۇجاڭ -شۈجىيلەرنى قانداق قىلغاندا چىرىكلەشتۈرۈپ خىزمەتتە دوم قويغىلى بۇلىدۇ. دەرىس ماڭا كوپ تەخسىم بولدى. ئۇ دەرىسنى ئۈتىمەن بۇ دەرىسنى ئۈتەلمەيمەن دىگەنگە ئوخشاش يۇقىلاڭ ئىشلارغا ۋاختىڭىز بار . ھەم چىقىرسىز . نىمىشقا شۇ جاپاكەش ئۇقۇتقۇچىلارنىڭ  نادىر يازغان يازما ،دەرىس تەييارلىقلىرىغا   ئىنكاس يېزىپ روھى جەھەتتە ئىلھام -مەدەت بىرىشكە ۋاختىڭىز يوق . بۇ چۇقۇم ھەر بىر ئەقىل ئىگىسىنىڭ ئۆيلاپ بېقىشىغا تىگىشلىك بولغان مۇھىم مەسىلە . سىز ئويلاپ بېقىڭ باشقىلارنىڭ ئۈزىنىڭ  قان تەرى ئارقىلىق سىڭدۈرگەن يازمىللىرىغا نىمە ئۈچۈن ئىنكاس يېزىشقا ۋاختىڭىز يوق .
مۇنبەردە  ھەممىمىزدە ئورتاق بىر ئاجىزلىق شۇكى، مەيلى خىزمەتتە بولسۇن ۋە ياكى جەمئىيەت، ئۆگىنىش، تۇرمۇشلاردا بولسۇن بىزگە سانچىلىپ تۇرىدىغان زىخ بولمىسا، ئەقەللىي ئۆز مەجبۇرىيىتىمىزنىمۇ ئادا قىلىشقا رايىمىز يوق! بۇ تېما ئەقلى بار ئىنسانلار ئۈچۈن ھەقىقەتەن ئويلىنىشقا تېگىشلىك، ھەرىكەتلەندۈرگۈچ تېما بوپتۇ . شۇڭا زىيارەتچىلەر كاللىمىزنى ئۇبدان بىر سىلكىۋېتىپ   ياخشى  دەڭ سەپ باقايلى . . جەمىيەتنى ، مۇنبەردىكى تىمىلارنى ، زىيارەتچىلەرنىڭ نادىر  شىئېر - ئەسەرلىرىنى ، دەرىس تەييارلىقلىرىنى  چۇقۇم زىيارەت قىلايلى، ئادەم ئۈچۈن بىلم ئۈگۈنۈش ئارتۇق كەلمەيدۇ. بىرەر تىمىغا ئىنكاس يازماي تۇرۇپ،ياكى بىرەر تىما يوللىماي تۇرۇپ قانداقمۇ مۇنبەردىكى باشقىلارنىڭ پايدىلىق تىمىللىرىنى چۈشۈرۈشكە ۋىژدانىڭىز چىدىدى.  مەن ئويلايمەن  سىز چۈشۈرمىگەن بىلەن يېقىن ئەزا دوسلىرىڭىزغا ياللىنىپ  تەۋسىيە قىلىش ئارقىلىق ياخشى تىمىلارنى چۈشۈرۈپ پايدىلىنىۋاتقانلىڭىقىزنى زىيارەتچىلەرمۇ بىلەر ھە .  
شۇڭا بۇ كىنايە ھەرقانداق بىر ئەقىل ئىگىسىنى تۇلۇق ئويلاندۇرغۇسى . ھەم  مۇنبەردىكى كۈنلىكى  يوللانغان باشقىلارنىڭ تىمىللىرىغا  ئىنكاس يېزىشقا ئۈندىگەي .رەخمەت سىزگە  مەنمۇ تۇلۇق قوللايمەن.

يۈسەن

بۇنى ئۇقۇپ مەنمۇ بەك خىجىلىق ھىس قىلدىم .....راست دىمىسىمۇ ھازىر بىر قىسىم تىتىقسىز تور بەتلەردىكى تېتىقىسز تىمىسلارغا ئىنكاس يازىدىغانلار كۆپ ئەمما بايقاشتىكى تىمىلارغا ئىنكاس بەكلا ئاز بۇلىۋاتىدۇ.....بۇمۇ بەلكىم بايقاش تورىنىڭ قۇرۇلغىنىغا ئانچە ئۇزۇن بولمىغانلىقى ئۈچۈن بولسا كىرەك(شۇنداق دەپ بولسىمۇ ئۈزىمىزنى گوللاپ تۇرايلى ،چۈنكى بىز قوي گۈشى يەپ ،شۇ بىچارىنىڭ مىجەزىنى تارتقان مىللەت)،مائارىپ قانداقتۇ بايقاشتىكى ئەزالارنىڭلا ياكى ئۇقۇتقۇچىلارنىڭلا ئىشى بولماستىن ھەممىمىزنىڭ ئورتاق بۇرچى،بۇ تىما ئىنتايىن ياخشى يېزىلغان تىما ئىكەن ....قۇلىڭىزغا دەرت كەلمىسۇن......مەقسىتىم ھەرگىزمۇ بۇ توربەتلەرنى چۈشۈرۈش ئەمەسhttp://www.nur.cn/news/2012/08/80366.shtml

مەرىپەت

ئەمەلىيەتتىكى نەق گەپلەرنى دەپسىز،ھەر بىر ئەزا بىر ئوقۇپ چىقسا بولغىدەك... مەنمۇ بەزى جىددىيچىلىك سەۋەبىدىن ئىنكاس يازالماي قالدىم. ئەمدى بۇنى تۈزۈتىشكە تىرشىمەن.