قەشقەر شەھەرلىك 1-ئوتتۇرا مىننەتدارلىق تەربىيە لىكسىيىسى

بايقاش

بىز ئاۋۋال قەشقەر شەھەرلىك 1-ئوتتۇرا مەكتەپتە ئوقۇغان جەمىيەتتەنىڭ ھەر قايسى ساھالىرىدە ئۆزىنىڭ ھالال ئەمگىكى بىلەن ياشاۋاتقان بارلىق ئوقۇغۇچىلارغا، ئاتىلىرىمىزغا، ئانىلىرىمىزغا ھۆرمەت بىلدۈرىمىز.
      ئەزىزانە قەشقەرنىڭ ياقۇت كۆزى، تالاي شىر يۈرەك ئەزىمەتلەرنى، پەرىشتىدەك خانىم-قىزلارنى جەمىيەتكە تەربىيلىگەن بەرگەن پەن-مەرىپەت ئوچىقى قەشقەر شەھەرلىك 1- ئوتتۇرا مەكتەپتە 2014-يىلى 10-ئاينىڭ 31- كۈنى مىننەتدارلىق پائالىيىتى ئۆتكۈزۈلگەن.
     بۇ پائالىيەتكە ئوقۇتقۇچى-ئوقۇغۇچى، ئاتا-ئانىلار بولۇپ 6000 دىن ئارتۇق ئادەم قاتناشقان بولۇپ، بۇ پائالىيەتنىڭ ئەنئەنىۋى تەربىيەچانلىقى،  تەسىرلەندۈرۈش كۈچى ۋە ئۈنۈمى ناھايىتى كۈچلۈك بولۇپ، ئوقۇغۇچىلارغىلا ئەمەس ئاتا-ئانىلارغىمۇ ناھايىتى ياخشى بىر قېتىملىق  ئۈنۈملۈك تەربىيە بولغان. بۇ بىر قېتىملىق پائالىيەت قەشقەر شەھىرىدە مىسلى كۆرۈلمىگەن پائالىيەت بولۇپ، جەمىيەتتە ناھايىتى كۈچلۈك تەسىر قوزغاپ، قەشقەر شەھەرلىك 1- ئوتتۇرا مەكتەپنىڭ شۆھرىتىنى شۇنداقلا، ئۇيغۇر مىللىي مائارىپىنىڭ ئەھمىيىتى كەڭ ئۇيغۇرلارغا يەنە بىر قېتىم تونۇتتى ۋە ئاتا-ئانىلارنى بىر قېتىم ئويغىنىش ۋە ئىدىيە يېڭىلاش پۇرسىتىنى ئاتا قىلدى.
      پائالىيەتنىڭ تەشكىللگۈچىسى قەشقەر شەھەرلىك 1- ئوتتۇرا مەكتەپنىڭ بىرگە ماھىر، كۆپكە قادىر قابىل ئوقۇتقۇچىسى گۈلجاھان غولام قارىقاشتىكى مىننەتدارلىق پائالىيتىدىن ئىلھام ئېلىپ، ئۇزۇن مەزگىل تەييارلىق قىلىپ، ئاخىرى بۇ پائالىيەتنى روياپقا چىقاردى. بۇ جەرياندا قەشقەر شەھەرىنىڭ مۇئاۋىن شەھەر باشلىقى بىلىقىز ئىمىنھاجى، خوتەن ۋىلايەتلىك مىللەتلەر دىن ئىشلىرى كومتىتىدىن گۈلباھار  ئەھمەدلەر پائالىيەت مەزمۇنىغا دائىر كۆپ ياردەملەرنى قىلدى.
      ئۇنىڭدىن باشقا قەشقەر شەھەرلىك مائارىپ ئىدارىسىنىڭ مۇئاۋىن باشلىقى قەيسەر ئابلىز، قەششقەر شەھەرلىك ئىشچىلار ئۇيۇشمىسىدىن مىنەۋەر ئابدۇللا، ئىتتىپاق كومىتىتىدىن روشەنگۇل تاھىر تاھىر قەشقەر شەھەرلىك 1- ئوتتۇرا مەكتەپ مۇدىرى ئەنۋەر ئەركىن، مۇئاۋىن مەكتەپ مۇدىرى دىلنۇر سەيدۇللا،  مەكتەپ پىسخىكا ئوقۇتقۇچىسى گۈلجەمىلەم، تولۇق ئوتتۇرا تىل-ئەدەبىيات ئوقۇتۇش گۇرۇپپىسىدىن غېنىزات كامىل مۇئەللىملەر يېقىندىن قوللاشتا بولدى ۋە ياردەم قىلدى.
       مىكرو فىلىم سالونىمىز نامىدىن بۇ پائالىيەتنى تورغا يوللاپ، تارقىتىش ئۈچۈن تەمىنلەپ بەرگەن قەشقەر شەھەرلىك 1- ئوتتۇرا مەكتەپ تولۇق ئوتتۇرا تىل-ئەدەبىيات ئوقۇتۇش گۇرۇپپىسىدىن غېنىزات كامىل مۇئەللىمگە رەھمەت ئېيتىمىز.

1-قىسىم: http://v.qq.com/page/j/g/8/j0144gulvg8.html

2-قىسىم:http://v.qq.com/page/z/h/7/z0144hfdah7.html

  

3-قىسىم: http://v.qq.com/page/u/1/j/u01444qfv1j.html

4-قىسىم: http://v.qq.com/page/h/g/o/h0144q4gcgo.html

نادىر لىكسىيەلەرنى تەمىنلىگەن مىكرو فىلىم سالۇنىغا رەھمەت ئېيىتىمىز.

گۈلزار

بۇ پائالىيەت ناھايىتى ياخشى ئورۇنلاشتۇرلۇپتۇ . دىمىسىمۇ  مۇشۇ جەمىيەتتە ئوقۇغۇچىلارغا مىننەتدارلىق تەربىيىسى بېرىش زورۈر بولماقتا . ئۇلار  كىچىكىدىنلا ئۆزلىرىگە كۆڭۈل بولىۋاتقان جەمىيەتكە ، مەكتەپكە ، ئائىلىسىگە  ، جۈملىدىن ئاتا - ئانىسىغا مىننەتدارلىقىنى ئىپادىلەشنى بىلىشى  شۇنداقلا جاۋاپ قايتۇرۇش ئېڭىنى يېتىلدۈرۈشى كېرەك .
ئوقۇغۇچىلارنىڭ كەلگۈسىگە كۆڭۈل بۆلۈپ مۇشۇ پائالىيەتنى ئورۇنلاشتۇرۇغان ئاشۇ جاپاكەش ئۇستازلارغا چىن كۆڭلۈمدىن رەھمەت ئېيتىمەن .

زىبا.

بۇ  مىننەتدارلىق  تەربىيە  لىكسىيسىنى  ھازرىچە كۈرۈشكە ۋاقىت  چىقرالمىدىم ،لىكىن  تەتىل  ئىچىدە چۇقۇم   كۈرىمەن . مىنڭچە  بۇ  خىل  پائالىيەتنىڭ  ئوقۇغۇچىلارنىڭ  كاللسىنى ئېچىشقا  ،جەمىيەتنى چۈشنىشكە ،ئاتا -ئانىلارنىڭ ئەجىرى ،جەميەتنىڭ ،ۋەزىيەتنىڭ تەلپى ،ئۇستازلارنىڭ  ئەجىر -مىھنىتىنى چۈشنىشكە  تۈرتىكە  بۇلدىغان بىر  ناھايتى مول مەزمۇنلۇق پائالىيەت دەپ  ئويلايمەن ،شۇڭا بۇ  پائالىيەتكە ئەجىر سىڭدۈرۈپ روياپقا چىقارغان بارلىق مىھنەتكەشلەرگە ئالى ئىھتىرام بىلدۈرىمەن .

مىرابلا

نۆۋەتتە مەكتەپلەر تەلىم -تەربىيسىدىكى بىردىن بىر تۇيۇنمايۋاتقان ، ئېچىرقېۋاتقان تەلىم تەربىيەلەرنىڭ بىرى ئىدى ،بۇ مەكتەپ ئۇرۇنلاشتۇرۇپ ياخشى قىپتۇ ،باللىرىمىز تەربىيىگە مۇھتاج .
بۇ لىكسىيەنى يوللاپ ياخشى قىلىپسىز ،مەكتەپلەرنىڭ پايدىلىنىشىدا مۇھىم رول ئوينايدۇ.

زەپەر

بولسا مۇشۇنداق مىننەتدارلىق لىكسىيە پائالىيتىنى ھەر قايسى ئوتتۇرا - باشلانغۇچ مەكتەپلەردە داۋاملىق ئەپ بارسا نىمە دىگەن ياخشى بۇلاتتى

ئەقىدە02

ئىنتايىن ياخشى پائالىيەت بولۇپتۇ....بەكمۇ تەسىرلىك بوپتۇ..

ئايرال

تولىمۇ ئەھمىيەتلىك پائالىيەت بوپتۇ ، بۇ لىكسىيەنى يوللاپ خۇيمۇ ياخشى قىپسىز ، رەھمەت سىزگە ！

غۇنچە123

ئەھمىيەتلىك تىما بوپتۇ،ئەۋلاتلىرىمىزنىڭ رۇھى ئاشۇنداق بىر ئويغىنىشقا تۇلىمۇ مۇھتاج ئىدى،مۇشۇنداق پائالىيەتلەر كۆپرەك ئېلىپ بېرىلسا نىمىدىگەن ياخشى!

غۇنچە123

بۇ پائالىيەتلەرنى چۈشۈرگىلى بۇلارمۇ؟ چۈشۈرگىلى بولسا بەك سۈيۈنەر ئىدىم.

بابۇر0725

كۆرگىلى  بولارمۇ  بۇ  لىكسىيەنى؟