لوتپۇللا مۇتەللىپ ئەسەرلىرى (ئېلكىتاپ)

ئامان

لوتپۇللا مۇتەللىپ ئەسەرلىرى

(ئېلكىتاپ)

بۇ كىتاپقا ئوت يۈرەك شائىر لوتپۇللا مۇتەللىپنىڭ بارلىق ئەسەرلىرى كىرگۈزۈلگەن، ئىككىلەنمەي چۈشۈرىۋالسىڭىز بۇلىدۇ، پۇشايمان قىلمايسىز!

چۈشۈرۈش ئادرىسى:

چىئەنناۋدىن چۈشۈرۈش:

lotpulla mutallip asarliri(baykax.com).rar

360 بۇلۇت سۇپىسىدىن چۈشۈرۈش: http://yunpan.cn/Qp54j29EdjPMv

umid0998

ناھايتى ياخشى تىمىدىن بىرنى يوللاپسىز، مومكىن بولسا ئىچىدە لۇتپۇللا مۇتەللىپنىڭ قايسى ئەسەرلىرىنىڭ بارلىقىنى ئەسكەرتىپ ئۆتكەن بولسىڭىز.رەھمەت سىزگە

بايقاش

ئوت يۈرەك شائىر لوتپۇللا مۇتەللىپنىڭ ئەسەرلىرىنى ياقتۇرۇپ ئوقۇيمەن. ئۇزۇندىن بىرىن يىغىپ ساقلاپ قۇيۇش نىيىتىم بار ئىدى. سىز كۆڭلۈمدىكىدەك ئىش قىلىپسىز. كۆپ رەھمەت سىزگە!

مەرىپەت

مەنمۇ لۇتپۇللا مۇتەللىپنىڭ ئەسەرلىرىنى ياقتۇرۇپ ئوقۇيمەن.يوللاپ ياخشى قىپسىز...

مەرىپەت

مەنمۇ لۇتپۇللا مۇتەللىپنىڭ ئەسەرلىرىنى ياقتۇرۇپ ئوقۇيمەن.يوللاپ ياخشى قىپسىز...

گۈلزار

ناھايتى ياخشى تېما يوللاپسىز . لۇتپۇللا  مۇتەللىپنىڭ ئەسەرلىرىنى ياقتۇرمايدىغان كىشى يوققۇ دەيمەن . بۇ ماتىريال ئوقۇتقۇچىلار  ئۈچۈن تېپىلغۇسىز بىر بايلىق ئامبىرى بولۇپ قالغۇسى .
ئەجرىڭىزگە كۆپ رەھمەت .

پەريات

مەن بۇ شائىرىنى بەكمۇ ھۆرمەتلەيمەن.

تايلاق

网站维护中
请稍后访问......

您正在访问: http://dx2.qiannao.com/servlet/FileDownload?

提示:

    连接到 216.218.133.54 暂停。

系统返回:

    (104) Connection reset by peer

网站正在维护中，请稍后访问.

网站管理员 webmaster.
Generated Thu, 05 Jul 2012 22:28:47 GMT by squid (squid/2.7.STABLE9)

نىمە دەيدۇ ما كاساپەت



لۇتپۇللا مۇتەللىپ شېئىرلىرى

خەلقىمگە


                        ئەي شىنجاڭ خەلقى ،خىزمەتكە دائىم تەييار بول،
                                 ئۈستۈنلۈكلەرنى جانلاندۇرۇشتا ھوشيار بول.

                                 نىمىلەر چۆرگىلمەكتە جۇڭگۇ بىشىدا،
                                 خەلقىم ،پۇرسەت يەتتى ،ھەممىگە تەييار بول .

                                جەڭ مەيدانىدا غالىب بولماقتىمىز ،
                                قەھرىمانلارغا ياردەم توپلاش كويىدا بول.
                                ئاخىرقى چوڭ ئۈستۈنلۈكلەرنى ئىلىپ چىقىشقا،
                                جاھانگىرلارغا توسالغۇ ئۆڭكۈر- غار بول.

                                تىرىشقىن خەلقىم كىچە -كۈندۈز ئىش يولىدا ،
                                ئاداققى دەمدە سائادەتلىك باھار بول.
                                ياخشى چۈشىنىپ سوۋىت بىلەن ئىتتىپاقنى ،
                                كۈرەشكە سەن قەھرىمان ،جەسۇر بول.

                                قەدەم چىقماستىن ئازادلىقنىڭ يولىدىن ،
                                مەھكەم بۇزۇلماس سەپنىڭ قوينىدا بول.
                                ماڭغىن سائادەت دۇنياسىغا كەڭ ئاتلاپ،
                                ۋەتەن ،ئەل ئۈچۈن قايتماس پىداكار بول .

                                ئازادلىق يولىنى مەزلۇملارغا ئىچىشقا ،
                                ئۇلارنىمۇ ئىنسان قاتارىغا قېتىشقا ،
                                قاراڭغۇ ماكانغا ساپ نۇرلار چېچىشقا،
                                سۆيۈملۈك خەلقىم ،قۇۋۋەتلىك ساپ نۇر بول.

                                                          1937 -يىل ئۆكتەبىر ،غۇلجا

            

                                         ئەپەندى بولماق

                             _ بۇ يىل ئون ئىككى يىل بولۇپ قالدى ، ئۇكام ،
                             بۇ ئەپەندى بولماق مېنى بىر بالاغا سالدى ، ئۇكام .
                             شۇ ئون ئىككى يىل ئىچىدە ساقىلمنى قىرىپ يۈردۈم ،
                             كەينى يىرىق چاپانلارنىمۇ كىيپ يۈردۈم ،
                             لېكىن  "ئەپەندى" دېگۈچىلەرنى ھىچ كۆرمىدىم ، ئۇكام ،
                             بىر جاۋاب بەرسىڭىزچۇ ،" ئەپەندى "دېمەسكە يەنە نىمەم كام ؟

                             _ غەم يىمەڭ ، ئاكا ،ئۇنىڭ ئىشى بۇ زاماندا بەك ئاسان ،
                             ھازىر ئۇدۇللا ماگزىنغا بارىسىز .
                             ئازراق پۇلىڭىزغا كاستۇمدىن بىرنى ئالىسىز ،
                             يەنە كازبىكتىن يانچۇققا بىرنى سالىسىز ،
                             يەنە ئالىسىز ئاق كۆڭلەك ۋە ئۇزۇن گالىستۇك ،
                             بىر سېرىق شىبلىت كىيىسىز ئاندىن ئۇنى موك .
                             تاماكىڭىزنى قىڭغىر چىشلەپ يۈرىۋىرىڭ ،
                             سىزنى ئەپەندى دىگۈچىلەرنى كۆرۈۋىرىڭ .

                                                              1937-يىل نويابىر ،غۇلجا

                                            دىھقىنىمغا

                                    قىشلار كەتتى ،
                                           كۆكلەم يەتتى.
                                                   كۈننىڭ نۇرى
                                                        چىچىلدى .

                                    ئاپئاق قارلار
                                            ئىرىدى،
                                                 دېھقىنىم ،باھارنى
                                                     سېغىندىڭمۇ ؟

                                    بوستانلاردا
                                           قۇشلار سايراپ ،
                                                  ئىشقى- شوقى
                                                       بىلەن قاراپ .

                                    دەردىلىك كۆڭۈلنى
                                          ئاچقان
                                                ئوماق قۇشلارنى
                                                 سېغىندىڭمۇ ؟

                                    يەر قوينىنى
                                        تىلغاشنى
                                              بۈگۈن يەنە
                                              سېغىندىڭمۇ ؟

                                    ئېتىزلارنى
                                         بوستان قىلىپ،
                                              يەر باغرىغا
                                                     پاك كۈچ سىلىپ ،

                                    نۇرغۇن ھوسۇل
                                             ئىلىشنى ،
                                                 ئەي دېھقىنىم
                                                 سېغىندڭمۇ ؟

                                      كىچە-كۈندۈز
                                              كەتمەن چىپىپ ،
                                                    قارا يەردىن
                                                    ئالتۇن تىپىپ ؛


                                    ماڭلاي تەرنى                                         

                                              يەرگە سىپىپ ،
                                                    ئېتىزلارنى
                                                    سىغىندىڭمۇ ؟

                                                                 1938  -يىل مارت ،غۇلجا

                            كۈرەشچان جۇڭگۇ خوتۇن قىزلىرى

                                " ئىت ۋاپا،خوتۇن جاپا "دەپتىكەن بىر ساددا ،
                                تىتىرەك ،قارا يىللارنىڭ بىر " دانىشمىنى "( ! ؟ )

                                بىز ئەمدى ئارقىغا
                                تاشلىدۇق ، بىز يىراققا ،

                                " چىچى ئۇزۇن ئەقلى قىسقا "

                                دېگەن چىگىش ئۆتمۈشنى .

                                ئەقلىڭ بىلەن تەڭشەپ ئۆتمۈش يىللىرىنىڭ ،
                                دەل كۆكسىگە كۈرەش خەنجىرىنى ئۇرساڭ ؛
                                مىڭ بىر بالالار بىلەن چاپلاشتۇرغان سىرلىرى
                                ئېچىلىدۇ رۇشەن بولۇپ ،قىلنى قىرىق يايساڭ .

                                ھەممىمىزلا كۈرەشچان بىز ، يىللىرىمىز كۈرەش يىللىرى ،

                                كۈرەشنىڭ نازۇك سىرلىرىنى ئۈگەندى

                                بىزدە ئەر - خوتۇن قىز .
                                ئۆتمۈشنىڭ تار يوللىرى قالدى ئارقىدا

                                ماڭىمىز ،ئىچىلدى __
                                ئالدىمىزدا داغدام يول __ ئىز .

                                                                    1938 -يىل مارت ،غۇلجا

                            بۇ مېنىڭ ياش غۇنچە گۈلۈم ئېچىلاتتى

                                كۈرەش ،كۈرەش دەپ دائىما تىرىشىپ تۇرساق ،
                                بۇ مېنىڭ ياش غۇنچە گۈلۈم ئېچىلاتتى .
                                ھەر قەدەمدە كونا تۇرمۇش بىلەن ئېلىشىپ تۇرساق ،
                                بۇ مېنىڭ ياش غۇنچە گۈلۈم ئېچىلاتتى .

                                جاھانگىرلار يەر يۈزىدىن تامام يوقالسا ،
                                مەزلۇم ئەللەر يېڭى ھاياتتىن كەڭ يول ئالسا .
                                زادى تۈگىمەس سائادەتكە قەدەم قويسا ،
                                بۇ مېنىڭ ياش غۇنچە گۈلۈم ئېچىلاتتى .

                                ئۆمەكلىشىپ مەزلۇملار بىلەن بىللە ئىشلىسەك ،
                                ھەقىقەتەن يېڭى يولغا راست كىرىشسەك .
                                باراۋەرلىك ئۇللىرىنى مەھكەم قۇرساق ،
                                بۇ مېنىڭ ياش غۇنچە گۈلۈم ئېچىلاتتى .

                                يوقسۇل ،مىسكىنلەر ئەمدى تارتمىسا مۇشەققەت ،
                                «ئاھ ... نەيلەي ، قىسىلدىمغۇ » دىمىسە پەقەت ،
                                ئازادلىقتىن شۇلارغا ياغسا مىھىر- شەپقەت ،
                                بۇ مېنىڭ ياش غۇنچە گۈلۈم ئېچىلاتتى .

                                ئېلىمىزدە ئىلىم مەرىپەت تىشىپ تۇرسا ،
                                دولقۇنلاپ ئۆزىمىزدىن ئېشىپ تۇرسا ،
                                خائىنلار يوللىرى كىسىلىپ تۇرسا ،
                                بۇ مېنىڭ ياش غۇنچە گۈلۈم ئېچىلاتتى .

                                ھەر بىر يەردە زاۋۇت- فابرىكا ۋارقىراپ تۇرسا ،
                                تۆمۈر يولدا ئوت ھارۋىلار جارقىراپ تۇرسا ،
                                ھاۋا قۇشلىرى ئۈستىمىزدە غارقىراپ تۇرسا ،
                                بۇ مېنىڭ ياش غۇنچە گۈلۈم ئېچىلاتتى .

                                قەھرىمان ياشلار ئەمدى تەييار تۇرسا ،
                                قەھرىمانلارچە ھەر بىر ئىشتا ھوشيار تۇرسا ،
                                قاراڭغۇ بۇلۇڭلارغىمۇ چىراقلار يىقىلسا ،
                                بۇ مېنىڭ ياش غۇنچە گۈلۈم ئېچىلاتتى .

                                ئەسكى تۇرمۇش ھەر قەدەمدە ۋەيران بولسا ،
                                ئىستىبداتچى قارا كۈچلەر گۇمران بولسا ،
                                ئوقۇمىغان نادانلار ئەمدى ئىنسان بولسا ،
                                بۇ مېنىڭ ياش غۇنچە گۈلۈم ئېچىلاتتى .

                                گۇرۇھ-گۇرۇھ زىيالىيلار قىلسا خىزمەت ،
                                ھەر بىر ئېغىر ئىشلارغا قىلسا جۈرئەت ،
                                پۈكسە كۆڭلىگە دائىما توغرا نىيەت ،
                                بۇ مېنىڭ ياش غۇنچە گۈلۈم ئېچىلاتتى .

                                مىللەتچىلىك يىلتىزىنى يۇلۇپ تۇرساق ،
                                ھەقىقەت دەپ مەيدىمىزنى كىرىپ تۇرساق ،
                                جۇڭگۇنىڭ ئازادچى ئەللىرى بولساق ،
                                بۇ مېنىڭ ياش غۇنچە گۈلۈم ئېچىلاتتى .

                                ھەر بىر ئىشتا ئەل خىزمىتىگە ئاساسلانساق ،
                                قۇرۇپ تىخنىكا ،ئىغىر ئىشنى ئاسانلاتساق ،
                                تەرەققىيات يولىغا ئەزىز جاننى ئاتىساق ،
                                بۇ مېنىڭ ياش غۇنچە گۈلۈم ئېچىلاتتى .

                                مۇتەللىپ سەن ھەقىقەتنى تارتىنماي سۆزلە ،
                                غەيرەت بىلەن قۇزغۇنلار يوللىرىنى تورا ،
                                بۇ يولدا ۋارقىرىساڭ ھەيۋەت بىلەن « ھۇررا »
                                بۇ مېنىڭ ياش غۇنچە گۈلۈم ئېچىلاتتى .

                                                             1938-يىل ئاپرىل ،غۇلجا

                                              كۆكلەم ئىشقى

                             يىشىل كۆكلەم ، سەن پەسىللەر ئەركىسى ،
                             سېغىندىم ، سېغىنغاندۇ سېنى ھەر كىشى .
                             يەنە گۈللەر بۇلبۇل ۋە سۇمبۇللار ،
                             سېنىڭ نەقىش زىننىتىڭدۇر بۇلار ھەممىسى .
                             يەنە سۇلار ،شارقىراتمىلار ،شوخ شاماللار ،
                             ئەركىلەپ ، سۆيۈپ باغرىدا جەۋلان قىلغۇسى .
                             سۈزۈك تاڭ ،سۈزۈك كەچ ،ئايدىڭ تۈنلىرىڭ ،
                             ئەمگەك كۈنلىرىڭ سىردىشىدۇر دىھقان بالىسى .
                             ئېتىز چىرايلىق ،ئېتىز قايناق ،ئېتىز يېقىملىق ،
                             ئېتىز ئەمگەكنىڭ كەڭتاشا ،ئەركىن سەھنىسى .
                             قۇش - قۇرتلار سازەندە ، تورغايلار داپچى ،
                             ئۇرغۇپ جاراڭلار ھەر يەردە ئەمگەك نەغمىسى .
                             چاپ كەتمەننى ،تىلغا يەرنى ،تەڭكەش قىلىپ ،
                             شۇ سەھنىنىڭ سەنئەتكارى __ دېھقان ئاممىسى .
                             ئانىسى ئۇرۇقچى ،قىزلىرى سۆرەمدە ،ئائىلە ئىشتا ،
                             ھەر بىر ئايال __ داڭدار مېھنەت ئارتىسكىسى .
                             ئېتىزدا توي ،داغدۇغلۇق كونسېرتنى قوي ،
                             كۆكلەم ئىشقى -ياش شائىرنىڭ ئىلھامچىسى .


                                                                     1938 يىل ئاپىرىل ،غۇلجا

            

                                                 چىمەن


                              چىمەن __ ئىشچان قىز ، زادى ھارمايدۇ ،
                              ئىشلەپ كىچە -كۈندۈز بىكار تۇرمايدۇ .
                              ئەمگەك يارىتىدۇ ، ئاڭا جان ئاتىدۇ ،
                              خۇشاللىق تاپىدۇ ، لايغەزەل بولمايدۇ .

                             خوراز قىچقىارغاندا ،تاڭلار ئاتقاندا ،
                             ئىلدام ئىتىزغا قاراپ چامدايدۇ .
                             ناخشىلار ئىيتىپ ،تەرلەر ئاققۇزۇپ ،
                             ئىشلاردا ئۈزۈپ ،مۆلچەر قامدايدۇ .

                             كۆمۈش ئايدىڭلاردا ،ساپ ھاۋالاردا ،
                             ئورۇپ ئورمىلار چوڭلاردىن قالمايدۇ .
                             ئالتۇن باشلاردىن ئۈنچىلەر تىزىپ ،
                             سۈرەتتەك قىلىپ باغنى باغلايدۇ .

                             كەينىدە قالغانلار « ئۇھ » دەپ ھارغانلار ،
                             چىمەن كۈلۈپ قويغاندا ئالغا ئاتلايدۇ .
                             چىمەنگۈل شۇنداق ،بىرىنچى ھەرۋاق ،
                             ئاھ ،ھەممە ئامراق « چىمەن »دەپ يادلايدۇ .

                             تېخى چىمەنگۈل « بەشىنچى » بۇ يىل ،
                             خۇددى ئۇ بۇلبۇل ،كىتابقا قارايدۇ .
                             سەھنىگە چىقىپ ئوقۇسا ناخشا ،
                             شىئىر يادلىسا ،بۇلبۇلدەك سايرايدۇ .

                             ئوقۇش تۈگىسە ،ئاتا- ئانىسى كۈنسە،
                             يەنە مەكتەپتە ئوقۇشنى ئويلايدۇ .
                             ئىلىم ئوقۇپ نىيەتكە ،چۈشىنىپ سىياسەتە ،
                             ئەل ئارا خىزمەتكار بىر يوللار بويلايدۇ .

                             چىمەننىڭ مەقسىتى شۇ ئاڭا يەتمەكچى ئۇ ،
                             ئېيتىپ " قوزغال" نى خۇشال ئوينايدۇ .
                             دەۋر چىمەنلىرى بەرگەندە سالام ،
                             مۇتەللىپ يۈرىكىدە ئىلھام قاينايدۇ .

                                                                     

                                                               1938-يىل  ماي ،غۇلجا


                               بىز شىنجاڭ ئوغۇل قىزلىرى

                          بىز شىنجاڭ ئوغۇل قىزلىرى ، بىز ئۈمىد يۇلتۇزلىرى ،
                          كۈرەش قاينىمىدا ئۆسكەن ،كىرسىز -پاك قۇندۇزلىرى ،
                          بىز ئۈمىد يۇلتۇزلىرى ،
                          كەلگۈسىنى كۆزلەيمىز ھامان .

                          ئالىي بىزنىڭ تىلەكلەر ،ئىشچان باتۇر بىلەكلەر ،
                          دائىم ئالغا ئىنتىلىدۇ دولقۇنلاپ ياش يۈرەكلەر ،
                          ئالىي بىزنىڭ تىلەكلەر ،
                          ئالغا ئاتلايمىز تىنماي ھەر زامان .

                          ناخشا ئېيتىمىز تارتىنماي ۋەتەن يولىدا تىنماي ،
                          بىرلىك سەپتە تەكشى ماڭىمىز ،بىر -بىرىمىزدىن قالماي ،
                          ۋەتەن ،ئەل يولدا تىنماي ،
                          قەھرىمانلارچە ماڭىمىز كۆزلەپ نىشان .

                          ئېگىز -پەسنى تۈزلەيمىز ،يىڭىلىقنى كۆزلەيمىز ،
                          « مەزلۇملار ،بىرلىشىڭلار !» دەپ دائىما سۆزلەيمىز .
                          ئېگىز - پەسنى تۈزلەيمىز ،
                          پۈتۈن جۇڭگۇنى قىلىمىز گۈلىستان .

                          بىزگە قەدىرلىك ئەمگەك ،شۇڭا يېپىشىمىز بەك ،
                          ئەمگەك بىلەن ئىشىمىز ئالغا ماڭار دېگەندەك .
                          بىزگە قەدىرلىك ئەمگەك ،
                          ئەمگەك بىلەن پەيدا بولار ھۆر زامان .

                          بىز كۆرەش يارىتىمىز ،بىز ئۇنىڭغا جان ئاتىمىز ،
                          كۆرەش بىزگە شۇنداق يىقىن ،ئۇ ئاتا -ئانىمىز ،
                          بىز كۆرەش يارىتىمىز ،
                          كۆرەش بىلەن كىلىدۇ بىزگە چوڭ دەرمان .

                          سازىمىزنى قولغا ئىلىپ ،بىرلىك پەدىگە چىلىپ ،
                          خەلقئالەم دىققىتىنى ئۆزىمىزگە جەلپ قىلىپ ،
                          بىرلىك پەدىگە چىلىپ ،
                          قويمايمىز يۈرەكتە ھىچ ئارمان .

                          جەڭ قاينىمىدا قايناپ ،جەسۇرانە مەيداندا ئويناپ ،
                          ھەر مىنۇتتا غالىب كىلىپ ،ئەزىز تۇپراقنى قوغداپ ،
                          ھەر مىنۇتتا غالىب كىلىپ ،
                          بولىمىز راست ئازادچىل قەھرىمان .

                                                              1938  -يىل ئاۋۇست ،غۇلجا   

                                                   

                            جۇڭگۇ پارتىزانلىرى

                          جەڭ قايناملىرى دىڭىزدەك قايناپ تۇرىدۇ ،
                          ئاچكۆز ياپونلار بىزگە قارشى دويلاپ يۈرىدۇ .
                          ياغدۇرۇپ بومبا ،چىچىشىپ زەھەرلىك گازلار ،
                          يىرتقۇچ ھايۋاندەك قان ئىچىپ ،بويلاپ يۈرىدۇ .
                          شۇ پورۇقلىغان جەڭ كۆرەش ، مەيدان ئىچىدە ،
                          كۆكرەكلەر كىرىپ بارماقتا بىزنىڭ پارتىزان .
                          سوققىلار بىرىپ ھەر قەدەمدە فاشستلارغا ،
                          قانلار كىچىشىپ ئىنتقام ئالماقتا ئارسلانلار .
                          تۈن كىچىلىرى ياتمايدۇ دۈشمەننى كۆزلەپ ،
                          قايتىدۇ جەڭدىن ياۋنى يۇملىتىپ يۈزلەپ .
                          ئالىي بولغاچقا تىلىكى ،قىلماي ھىچ نالە ،
                          كىتىپ بارىدۇ ياپوننىڭ ئاكوپىنى تۈزلەپ .
                          ئېغىرلىقلارغا چىدايدۇ ،ئىزدىن تايمايدۇ ،
                          قىزغىن جەڭلەردە ھەرگىز ئارقىغا يانمايدۇ .
                          ۋەتەننى ئازادلىق -ھۆرلۈككە يەتكۈزمەي تۇرۇپ ،
                          كۈرەش كەۋسىرىن ئىچىپ يۈرىكى قانمايدۇ .
                          ئەنە قولىدا جۇڭگۇ ئەلىمى يەلپۈنىدۇ ،
                          « ۋەتىنىم !» دەپ ئالغا قاراپ تەلپۈنىدۇ .
                          باسقۇنچىلارنىڭ يىلتىزىن قۇمۇرۇپ تاشلاشقا
                          ھەر چامدامدا ئالغا قاراپ تەمشىلىدۇ .
                          ئىشقا ئاشمايدۇ ياۋنىڭ مەخپى پىلانلىرى،
                          چۆچۆتەلمەيدۇ بومبىلاپ ئايروپىلانلىرى .
                          كۆتۈرۈلسە گەر دۈشمەن كۆككە خۇددى قۇشتەك ،
                          چۈشۈرىدۇ تىك ،مەرد جۇڭگۇ پارتىزانلىرى .

                                                      1938  -يىل سىنتەبىر ،غۇلجا

                                    كۈرەش

                   كۈرەشنى قىزىتتۇق بىز ،ئارخىرقى يىڭىش بىزنىڭدۇر ،
                         كۈرەشكەنسىرى چىڭىش ،زەپەرلىك سۈرئەت بىزنىڭدۇر.

                         كۈرەشكەن ھەر فرونىتتا ،ھەر دائىما بىزلەر يەڭدۇق ،
                         يىڭىشتە ئالغا مىڭىش ،كۈچ قۇۋۋەت بىزنىڭدۇر .

                         ئەسىر بويى مەزلۇملار زۇلۇم -زۇقۇملار تارتىپ كەلدى ،
                         جاھانگىر -جاللاتلارنى يوق قىلىش نۆۋەت بىزنىدۇر .

                          شۇڭلاشقا بۇ كۈرەشنىڭ قايناملىرىغا چۈشتۇق بىز ،
                          ئازادلىقنىڭ يولىدا چىن غالىبىيەت بىزنىڭدۇر .

                          بۇ كۆرەش ئىقبالىدىن قايناق تىلەك تاغدەكتۇر ،
                          ئەڭ ئاخىرقى زور يىڭىش ،يېڭى ھايات بىزنىڭدۇر .

                                                           1938-يىل سىنـتەبىر ،غۇلجا
جۇڭگۇ

                                                جۇڭگۇ...
                                                جۇڭگۇ ! ئانا يۇرتىمىز سەن ،
                                                چۈنكى بىز مىليونلىغان خەلق
                                                سېنىڭ ئوماق قوينۇڭدا
                                                ساپ ھاۋاڭدا چوڭ بولغان ؛
                                                تېپىپ سىنىڭدە ئەقىل ،
                                                ئۆزىمىزنى تونۇپ ئوڭ بولغان .

                                                ئېخ !
                                                شۇڭلاشقا جۇڭگۇ ،
                                                بىزنىڭ بوينىمىزدا تۈگىمەس قەرزىڭ بار ،
                                                ئۇنى بىز مۇكەممەل قىلىمىز ئادا ،
                                                بۇ يولدا جىنىمىز پىدا .
                                                شۇڭلاشقا مانا
                                                كېچىپ دېڭىز ئوخشاش قانلار ،
                                                ئىگە بولۇۋاتىمىز
                                                تارىختا كۆرۈلمىگەن ئۇتۇقلارغا .
                                                بىراق ،سەن جۇڭگۇ ،
                                                ئويلىساڭ ئىدىڭ ،
                                                بىردىن ئۆتمۈش تارىخىڭنى ۋاراقلاپ ؛
                                                شۇ چاغ رۇشەن بولاتتى ،
                                                سەندە كىملەر
                                                كۈلدى ۋىلىقلاپ ...
                                                ئاچ ،تارىخىڭنى !
                                                سىنى  غالجىرلار ،
                                                قانخۇر مەنچىڭلار ،
                                                گۆشۆڭنى شىلگەندى ،
                                                ھەم تەييارتاپ جاھانگىرلار
                                                سېنى تەقسىم قىلىپ بۆلگەندى .
                                                ياپوننىڭ قارا تاغلىرى
                                                قونۇپ دەرەخلىرىڭگە ،
                                                سېنى ئالداپ ھەر ياندىن چوقىلىغاندى ؛
                                                شىرىن سۆزلەپ ،
                                                ھىيلىگەرلىك بىلەن
                                                قېنىڭنى شوراپ ،قورسىقىنى توقلىغاندى .
                                                " ئالىي جېنىس بىز ،
                                                ھاكىميەت بىزگە خاس " دەپ ،
                                                ئەلگە ھەددىدىن تاشقىرى زۇلۇمنى سالدى .
                                                ئەي تارىخ ،يانما !
                                                بولدى سەن ئەمدى ئۆتتۈڭ ،
                                                سەن قارا تارىخمۇ ...
                                                شۇ قارا گەۋدىچىلىك يىللار بىلەن پۈتتۈڭ .
                                                ئەمدى بىز ئاچىمىز ،
                                                ئۆزىمىزنى يازىمىز ،
                                                پارلاق ،ئاق يىڭى تارىخ بىتىگە .
                                                مانا ئەمدى ھىساب ؛
                                                چۈنكى بىز
                                                « ماھىر جۇڭگۇ ئازادچى قەھرىمانلىرى »
                                                دەپ ئاتالدۇق .
                                                ھەم پۈتۈن دۇنيا تارىخىغا
                                                ئۆچمەس
                                                ئالتۇن سىياھلار بىلەن يېزىلدۇق .
                                                مانا شۇنىڭغا دەلىللەر
                                                بىز ئاچتۇق يىڭى يول ،
                                                ئازادلىق ئۈچۈن كۈرەشلەر قىلدۇق .
                                                ئەمەلگە قويدۇق
                                                تارىخىڭدا مىسلى كۆرۈلمىگەن ئىشلار .
                                                بىز قۇرۇشقا
                                                ئازاد يېڭى جۇڭگۇ
                                                ئېتىۋاتىمىز بىر جان ،
                                                بىز تەن ،
                                                مانا كەڭ مەيداندا « گىي مىنزۇ »
                                                ئويلا ،چوڭ شەرەپتۇر  بىزگە بۇ .
                                                شۇڭلاشقا مانا دۇنيانى چاڭ كەلتۈرۈپ ،
                                                دۈشمەنلەرنى دىر دىر تىتىرتىپ
                                                قىلىۋاتىمىز جەڭ .
                                                « فەندى »بىزدە كۈچلۈك .
                                                بولغاچقا يالقۇنلۇق ،
                                                بولالمايدۇ بىز بىلەن ياپون تەڭ .
                                                تېخى ئاتىمىز يانماي ،
                                                غۇلاچنى كەڭ .
                                                ئەمدى جۇڭگۇ ،
                                                يېڭى پارلاق تارىخ ئاچ ،
                                                بۇ كۈرەش يىللىرىنى ئوچۇق ياز .
                                                قوي بۇ باتۇر يىللارغا
                                                تارىخي كۆرسەتكۈچ قىلىپ
                                                ئاپىرىن ،تەھسىن ،ئىمتىياز ...
                                                ياز !
                                                كۈرەش مەنبەسى دۇڭبىي ،لوگۇچياۋنى .
                                                ياز !
                                                ۋەتەنپەرۋەر ،جەسۇر
                                                ياش ئەسكەرلەرنى ،
                                                ياز ! ئارسلانلارنى ،
                                                يانماس كۆڭۈللۈك پارتىزانلارنى .
                                                ياز !
                                                ئارقا سەپتە تۇرغان
                                               گۈزەل شىنجاڭنى !
                                               مانا شۇنداق ،جۇڭگۇ ،
                                               مەيداندا ئويناپ ،
                                               ھەر مىنۇتتا سىنى قوغداپ ،
                                               سېنىڭ ئىستىقبالىڭنى
                                               قولغا ئالىمىز .
                                               دۇنيادا بىرلا قىلىپ
                                               يىڭى ،مۇستەقىل جۇڭگۇ قۇرىمىز .
                                               جۇڭگۇدا مەڭگۈ
                                               لەپىلدىتىپ ،
                                               تا ئەبەددىي چۈشمەس قىلىپ ،
                                               ئازادلىق تۇغىنى قادايمىز .

                                                                                 1938     -يىل   سىنتەبىر،غۇلجا


                                                      چوڭ كۆرەش قوينىدا

                                               كۆڭۈللۈك چاڭ -چاڭ سايراپ ،
                                               تەلپۈنۈپ ،خوشلىنىپ ئويناپ .
                                               ھايات ياكى مامات
                                               مەيدانغا چۈشتۇق بويلاپ .

                                               قالمايدۇ يۈرىكىمىزدە ئارمان ،
                                               بولساق مۇندا قۇربان .
                                               چۈنكى چىلىش بىلەن بىز
                                                تاپىمىز چوڭ دەرمان .

                                                كۈچلۈك قولىمىز ،
                                                كىرسىز ،پاك يولىمىز .
                                                مەيدىلىرىمىز ساپ گاڭ ،
                                                دائىم ھوشيار بولىمىز .

                                                دۇنيانى ھەيران قىلىپ ،
                                                دۈشمەننى ۋەيران قىلىپ ،
                                                چىلىشىۋاتىمىز مانا
                                                ياۋنى گۇمران قىلىپ .

                                                ئۇ ، دەھشەت ،تاجاۋۇزلار ،
                                                ئۇ ،زەھەرلىك گازلار ،
                                                قورقىتالمايدۇ بىزنى
                                                ئۇ ،فاشىست ياۋۇزلار .

                                                ئەمدى سەن فاشىستلار ،
                                                ئالدامچى ،غالجىر ئىتلار ،
                                                بوزەكلەرنى چاقالمايسەن
                                                سەن لوجى ،پىتلار .

                                                چۈنكى مىليونلىغان ئەل ،
                                                باغلىدى مەھكەم بەل ،
                                               ھەم ماڭدى سۈرئەت بىلەن
                                               مەيداننى كۆزلەپ دەل .

                                               مەقسىتى پەقەت
                                               قۇرۇش سائادەت ،
                                               سەن قانخۇرلارغا
                                               بەرمەك زالالەت .

                                               ئەنە چوڭ مەيداندا
                                               ھېسابسىز قەھرىمانلار ،
                                               دۈشمەنگە كولاۋاتىدۇ گۆر
                                               چوڭ كۆرەش قوينىدا .

                                                                            1938 -يىل ئۆكتەبىر ،غۇلجا



                                                         كۈرەش ئىلھامى


                                               ئېغىر يىللارنىڭ ئېيتقۇسىز
                                               قاينىغان قايناملىرىدا ،
                                               ماتروسلارچە ئۈزۈپ
                                               باشتىلا قايناپ پىشتۇق ؛
                                               شۇڭلاشقا قاينام سۈيىنى
                                               خۇددى كەۋسەردەك ،
                                               ئالاھىدە باھا بىرىپ ،
                                               زوق بىلەن يارىتىپ ئىچتۇق .
                                               يەنە بىزنى تۆت كۆزى بىلەن
                                               بەك ساقلاپ تۇرىدۇ ،
                                               ئالدىمىزدا پورۇقلىغان
                                               ھەر چوڭ قايناملار .
                                               تىخى بىز قەھرىمانلارچە
                                               چىقىپ ،پارچىلاپ ئۆتىدىغان
                                               بار ئالدىمىزدا نورغۇن
                                               ئەسكى پۇتلاش تاملار .
                                               شۇڭلاشقا ،جان دوستۇم ،
                                               ھەئە ! شۇنداق ،
                                               كېچىكىدىن باشلاپ ،
                                               ئۆزىمىزنى چوڭغا سالدۇق .
                                               بۇ ئېغىر يىللارنى بىزگە
                                               ھېچكىم مەجبۇر قىلمىدى ،
                                               پەقەتلا ئۆزىمىز
                                               كۆڭۈللۈك خالاپ ئالدۇق
                                               ئىشەنمىسەڭ يۈرىكىمگە
                                               يىقىن كىلىپ تىڭشا ،بېرى كەل !
                                               تۇرىدۇ لاۋۇلداپ خۇددى
                                               يانغان قىزىل چوغدەك .
                                               ئېغىر يىللارنى ئالدىراپ
                                               ئىلدام سۆرەيمەن دەيدۇ ،
                                               كۈرەش سىپى ئالدىدا
                                               لەپىلدىگەن تۇغدەك .
                                               تۈنۈگۈنلا پۇشۇلداپ ،
                                               تەر تۆكۈپ ،ھاسىراپ ئۆتكەن ،
                                               ئېغىر ئىزلىرىمغا بۈگۈن
                                               ئايلىنىپ قارىسام ،
                                               سېزەلمەي يۈرۈپتۇ ،
                                               ئوماق چېچەكلەرنى
                                               ھېلىقى سەن ماختىغان
                                               داڭلىق ،ئۇستا رەسسام .
                                               كۆردۈڭمۇ ئالدىمىزدىكى
                                               چوڭ ئېغىز داۋاننى ؟
                                               ئىچىدىكى تىك غار ،
                                               تا بىز ئۆتىدىغان يول .
                                               تۇماق قىرلاپ ،يۈكنى مۈرىگە ئارتىپ ،
                                               ناخشا ئېيتىپ ،
                                               پاڭشىڭ چېقىپ كىتەيلى،
                                               دوستۇم ھوشيار بول .
                                               چوغدەك كۆڭۈلگە بىر مۇنچىلا
                                               سۇ قۇيماقچى ،بىل .
                                               شۇلارغا ،دوستۇم ،سەن
                                               سىلىق كۆز بىلەن باق .
                                               بارغانسىرى ئۇلارنىڭ
                                               كۆزلىرى قارغۇلىشىپ ،
                                               كۈرەش يىللىرىنىڭ
                                              چوڭقۇر ئورىسىغا چۈشىدۇ جاق .
                                              مانا شۇ چاغ بىز كېچىپ
                                              ئۆتكەن لايلىق سۇلار
                                              قالدۇرىدۇ بىزنى
                                              پەقەتلا ... ھەيران .
                                              چۈنكى ئاندا تىزىلغان
                                              بولىدۇ تازا لىققىدە ،
                                              كۈرەش يىللىرى تەرىپىدىن
                                              كۆپ ئۈنچە مارجان .
                                              ئۇنىڭ ئىچىدە ئوينىغان
                                              مىليونلىغان بىلىق ،
                                              شۇ ئۈنچە -مارجانلارنى
                                              چاچرىتىپ ئوينايدۇ .
                                              ئېخ ! كۈرەشنىڭ ئاداققىسى
                                              مۇشۇمۇ دەپ ،
                                              ئېغىر يىللارنىڭ باتۇرلىرى
                                              چۆمۈلۈپ تويمايدۇ .
                                              تېخى تۈنۈگۈنلا تام تۈۋىلىرىدە
                                              توپىغا مىلىنىپ
                                              مەن ئىدىم ،دوستۇم ،
                                              ئويناپ يۈرگەن مۇتەللىپ .
                                              مانا بۈگۈن كۈرەش قوينىغا
                                              ئۆزۈمنى ئاتتىم ،
                                              كۈرەش دولقۇنلىرىدىن
                                              تاتلىق ئىلھاملار ئىلىپ .

                                                                                                             1938  -يىل نويابىر ،غۇلجا

                                                           كۈرەش سېپىدىن شەپە


                                              خەلقىم ئۇزاق يىللار جەبرۇ زۇلۇملار چىكىپ كەلدى ،
                                              زۇلۇم دەستىدە كۆز يىشى دەريادەك ئېقىپ كەلدى .
                                              قانچە رەت قوزغالدى ئەركىنلىك ۋە ئازادلىق ئىزدەپ ،
                                              يېتەلمەي مەقسىتىگە ،شۇم قارا تاغلار بېسىپ كەلدى .

                                              ئەمدىچۇ ؟ ئازاد- ئەركىنلىك ئۈچۈن كەلدى كەڭ پۇرسەت ،
                                              ھەممە كۆرسەتكەچكە بۇ يولدا چىدام ۋە غەيرەت ،
                                              ياغدۇردى ئىستىبداتچىلارغا لەنەت ۋە نەپرەت ،
                                              شۇڭا بىز كۈتكەن سائادەت كەڭ قۇچاق ئېچىپ كەلدى .

                                              بىز ھازىر ھەر فرونتتا قىلىۋاتىمىز كەسكىن جەڭ ،
                                              ئازادلىق يولىدا ئوتتەك يېنىپ ئون ئۈچ مىللەت تەڭ ،
                                              بىر نىيەت -بىر مەقسەتتە ئېزىلگۈچىلەر تۈرۈپ يەڭ ،
                                              غەلبىمىزگە تەڭكەش بولۇپ زەپەر مارشى يىتىپ كەلدى .

                                                                                    1938  -يىل نۇيابىر ،غۇلجا





                                                          كۈرىشىۋاتىمىز


                                              بىز كونا دۇنيا بىلەن كۈرىشىۋاتىمىز ،
                                              ھەر بىر ئىشتا ،
                                              ھەر قەدەمدە
                                              چېپىش ياساپ ،
                                              بىر- بىرىمىزنى سورىشىۋاتىمىز .
                                              ئەنە ئالدىمىزدا
                                              ئوتلۇق ۋۇلقان ،
                                              كۆيدۈرىدۇ ئەسكىنى
                                              قىلىپ كۇكۇم تالقان .
                                              قاراڭلار ئەتراپقا ،
                                              رەڭمۇ -رەڭ ،چىپچىرايلىق
                                              يىڭىشتىن گۈللەر ئېچىلغان .
                                              قاراڭغۇ ، قاڭسىق بۇلۇڭلارغا
                                              خۇشبۇي چېچىلغان .
                                              مانا !
                                              كونا دۇنيا بىلەن خوشلىشىۋاتىمىز ،
                                              خۇراپات بىلەن ئىلىشىۋاتىمىز ،
                                              ھەر قەدەمدە سېلىشىۋاتىمىز .
                                               شۇڭلاشقا ،
                                               ئۆلكىمىزدە ئىستىقبال چېچەكلىدى ،
                                               بىز بۇلبۇل بولۇپ
                                               سايراۋاتىمىز ،
                                               ھاياتقا ئىشق-شوقىمىز بىلەن قاراۋاتىمىز ،
                                               خەلق خىزمىتىگە ياراۋاتىمىز .
                                               ئەسكىلىكلەر ئورنىغا يىڭىلىقلار ،
                                               كۆرۈۋاتىسىلەر ،قاداۋاتىمىز .
                                               ئىستىبداتچىل چىرىك نىيەتلەرنى
                                               تارمار ئەتتۇق ،
                                               يەنە ئەتمەكچىمىز .
                                               ئەنە !
                                              جاھانگىر ياپونلارنى
                                               قانلىق مەيداندا دىر -دىر تىتىرەتتۇق .
                                               بەلنى باغلاپ ،
                                               چاغنى چاغلاپ ،
                                               ئىش مەيدانىغا ئىرغىدۇق .
                                               ئىشلەيمىز ،
                                               يېڭى ھايات مىۋىسىدىن چىشلەيمىز .
                                               ئۆمۈر بويى نۇر چاچاەر ،
                                               بىز كۈتۈۋاتقان مەڭگۈ ئازادلىق
                                               مەزلۇملارغا بەخت ئىشىكىنى كەڭ ئاچار .
                                               ئۇنىڭ بىلەن بىز
                                               خۇراپاتنىڭ توپىسىنى كۆككە سورۇيمىز .
                                               بىزنى كۈتمەكتە
                                               پارلاق ئىستىقبال ؛
                                               خوش ،خوش ... كونا دۇنيا ،
                                               سېنىڭ بىلەن كۈرىشىۋاتىمىز .

                                                                                                           1939 -يىل مارت، غۇلجا



                                                          ئىشلە ،دىھقان ئاكا !


                                               بۇ مىنۇت- سېكۇنت تازا ئىشلەشنىڭ چېغى ،
                                               ئەمگەكچى ،باتۇر دېھقىنىم ،تىنماي ئىشلە .
                                               كەڭتاشا ئېتىز ساپ ئەمگەكنىڭ بېغى ،
                                               ۋاق يىتىپ قالدى ،قوشناڭدىن قالماي ئىشلە .

                                               ئېيتىقىن ناخشاڭنى ھاۋالاردا لەيلىسۇن ،
                                               دوستلىرىڭ كۈلۈپ ئاھاڭغا زوق ئەيلىسۇن ،
                                               چېپىپ كەتمەننى ،باتۇر قولۇڭ تالمىسۇن ،
                                               ئەمگەك بىلەن دۇنيا جەننەتلىگىن ئاڭلىسۇن .

                                               ناڭشاڭغا مۇڭداش بوپ دوستۇڭ بوز تورغاي ،
                                               ئۇمۇ چىرىلداپ  ناخشىسىنى ئېيىتقاي .
                                               قۇچاقلىشىڭلار ،مۇڭدىشىڭلار دەردمەنلەر ،
                                               كەڭ ئېتىز ئەمگەكنىڭ ۋايىغا تولغاي.

                                               بىلىڭنى باغلاپ ،تۈرۈپ پۇچاق -يېڭىڭنى ،
                                               ئىشلە قېلىشماي ،يەرگە قويماي كەتمىنىڭنى .
                                               شۇ چاغدا مايلىق پولۇغا تېگىشمەيسەن ،
                                               ماڭلايدىن تامچىلاپ تەر ئاققاەندا يىگەن نېنىڭنى .

                                               ئەمگەك بىلەن خۇشال -خۇرام ياشايمىز ،
                                               كۆڭىكى چوڭ -چوڭ ئىشنى باشلايمىز .
                                               بۇ قايناملاردا پىشقان باتۇر بىلەكتە
                                               جاھانگىرلارنى يىلتىزىدىن يۇلۇپ تاشلايمىز .

                                                                              1939 -يىل  ئاپىرېل ،غۇلجا









                                                                  كۈرەش دولقۇنلىرى


                                               كۈرەش دولقۇنلىرى قايناق ،غۇلاچ تاشلاپ ئوينايمىز ،
                                               كۈرەش  بىلەن دىلدىكى مەقسەتلەرنى ئورۇندايمىز .
                                               جۇڭگۇ ئازادلىقى شەكسىز گەۋدىلەندى كۈرەشتە ،
                                               تېخى دۇنيا يوقسۇللىرىنىڭ تويلىرىنى ئوينايمىز .
                                               يېڭى تۇرمۇش ساھەسىدە ئېغىر خىياللار شۇنچە كۆپ ،
                                               شۇڭلاشقىمۇ بۇ كۈرەشكە ھېلىتىنلا تويمايمىز .
                                               يولىمىزدا پۇتلاش قالدۇق -ئەسكىلىكلەرگە ھۇجۇم ،
                                               چۇگا -چاتقال لوجىلارنى ھېچ قالدۇرماي ئۆرتەيمىز .
                                               جىڭ تارىخ كۆرسەتتى بىزگە كەلگۈسى ھەم ئۆتمۈشنى ،
                                               ئالدىنقىسى تەزىم قىلدى ،زادى يەتمەي قويمايمىز .
                                               ئۆتۈپ بىردىن قانلىق داغلار ،كۆرۈنمەكتە يېڭى باغلار ،
                                               چېلىش بىلەن ئالغا يۈگۈرۈش يوللىرىدىن يانمايمىز .
                                               ئەمگەك سۆيەر ئىنسانلار بۇ كۆرەش تەرەپدارى ،
                                               شۇڭا بۇ ناخشىسىنى بىز دائىما توۋلايمىز .
                                               بەخىت ياكى بەخىتسىزلىك ئەمەس ھېچ ۋاقت پېشانىدە ،
                                               تىرىشچانلىققا باغلىق ،شۇڭا « ئالغا »نى بويلايمىز .
                                               كىملەر ئۇ ئېكۋاتور بويلاپ زۇلۇم ئاستىدا ياتقان ،
                                               ئاھ ... شۇلارنى ئويلاپ بۈگۈن  تېپىرلاپ تۇرالمايمىز .
                                               كۆپچىلىك ئېزىلگۈچىلەر ھەممىسى بىزنىڭ ياقتا ؛
                                               توختا ،ئالدىرىما ... يىللار ئۆتۈپ ،ئۇلارنى قۇچاقلايمىز .
                                               قاقاس چۆللەردە ئاتىدۇ شۇ چاغ كۈرەش چېچىكى ،
                                               ئۇلار ئارىسىدا خۇددى كۈن نۇرىدەك پارقىرايمىز .
                                               ئۆتۈپ بىردىن قانلىق داغلار ،كۆرۈنمەكتە يېڭى باغلار ،
                                               كۈرەش دولقۇنلىرى بىلەن ھۆرلۈك تۇغىنى قادايمىز .

                                                                            1939 -يىل ئىيۇن ،غۇلجا  



                                                                             خوش


                                               ئۆسكەن يېرىم ،مىنى كەتتى دەپ زادى زارلىما ،
                                               ئۆزۈڭمۇ بىلىسەن ،بىز بارىدىغان شەھەرنى .
                                               يېڭى ھايات نۇرلىرى .ئەرك غۇنچىلىرى
                                               ئېچىلىپ دولقۇنلاپ قاينىغان شەھەرنى .

                                               كۆرسەڭ ئىدىڭ ،شەھىرىم ،ئاندا مەكتەپ ،ئالىي جايلارنى  ،
                                               ئاندا زېرەك ،چېۋەر ، تەكشى ئۆسۈۋۈتقان كۈچلەرنى .
                                               ئاندا كۈرەش ،ئاندا قايناش ،شەربەتلىك باغلار ،
                                               ئاندا پىشىپ ،ئاندا مەي بولۇپ كېلىۋاتقان يېمىشلەرنى

                                               مانا بۈگۈن مەنمۇ شۇ دولقۇننىڭ كەڭ قوينىغا
                                               قىپيالىڭىاچ بولۇپ ئۆزەمنى ئاتىمەن .
                                               شۇ شەھەردە ئوزۇق ئېلىپ دىلىمغا ،
                                               تاۋلىنىپ ،يۈرەككە يېڭى كۈچلەرنى تاپىمەن .

                                               ئېخ ! دولقۇنلۇق ئۈدىكى قاينام نامايىشلار ،
                                               قان بىرىدۇ يۈرەككە ،قىلىدۇ دىلنى مەپتۇن .
                                               قارا مۇشت قوللار سوزۇلغاندا تۇغلارغا ،
                                               سۈرۈلگەندى قېچىپ ئۇندىنمۇ قاپقارا تۈن .

                                               ..........................................................

                                               كېلەرمەن يېڭى قۇۋۋەت توپلاپ يۈرەككە ،
                                               ئۆلكەمنىڭ ھەر بىر بۇلۇڭدا ئىشلەش ئۈچۈن .
                                               بىلدۈرۈپ ئاندىن ئالغان ساۋاقلارنى خەلقىمگە ،
                                               ئالىي بالداق مېۋىسىنى پاتراق چىشلەش ئۈچۈن .

                                               مەن كەتسەم ،مىنىڭ ئورنۇمغا مىڭلىغان ياشلار بار ،
                                               بىزدە ھازىر ،شەھىرىم .ئورۇن قالماس ھەرگىز بوش .
                                               سەنمۇ زادى چىقمايسەن ئېىمدىن ئەسلا -ئەسلا ،
                                               مەن كەتتىم ئۇ شەھەرگە ،تۇغۇلۇپ ئۆسكەن شەھرىم ،خوش !

                                                                        1939  -يىل ئاۋغۇست ،غۇلجا



                                                   قىزىلگۈلگە پۈركەنگۈچە يەر جاھان


                                         بىز باشتىلا كۈرەشنىڭ ئەڭ يىقىن دوستى بولۇپ قالغان ،
                                         شۇڭلاشقىمۇ كۈرەشنىڭ سازىنى جاراڭلىتىپ چالغان ،
                                         ئازادلىق ،ئەركىنلىك دەپ ھەممە بىردەك تەڭ قوزغالغان ،
                                         ھەئە ... تۈنۈگۈن جۇڭگۇ «ئەپيۈنكەش » نامىنى ئالغان ،
                                         شۇنداق ، ئۇ قانچە ۋاقت مۈگىدەپ تاتلىق ئۇيقۇدا قالغان .

                                         بۈگۈن ئۇ داغلىرىنى يۇيۇپ ،بىرمۇ بىر تازىلاپ ،
                                         تۈكۈرۈپ ئۆتمۈشكە .كەلگۈسىگە بېلىنى باغلاپ ،
                                         ئىككى يۈزلۈك ساتقىنلارنىڭ زەربە بىلەن گېلىن داغلاپ ،
                                         ئۇ غىجەكنى ئازادلىق مۇقامىغا تەڭكەش قىپ سازلاپ ،
                                         ئېغىر يىللاردىن يانماي ،ئالغا قاراپ ئاتلار سالغان .

                                         ئازادلىق ئۈچۈن چوغدەك يانغان بىزنىڭ ئوتلۇق يۈرەكلەر ،
                                         قانلىق فرونتتا قىلىچ ئوينىتىپ تالمىغان بىلەكلەر ،
                                         ئالىدىغان ھوسۇل ئۈچۈن  مەيلى تۆكۈلسۇن ئەمەگەكلەر ،
                                         لېكىن ھەر چامدامدىمۇ ئورۇندالماقتا ئالىي تىلەكلەر ،
                                         بۇ يولدا ئاكوپلاردا قۇربان بىرىپ چالدۇق بارابان .

                                         كۈرەشكە دەپ تاشلىغان ھەر بىر قەدەم شۇنچە ئۇتۇقلۇق ،
                                         بىرلەپ ئۆلسەك بۇ يولدا ،چېچەلەپ مىليونلاپ ئۈندۇق ،
                                         يېڭى جۇڭگۇ قۇرۇشچۈن سېمونتتىن چىڭ ئۇللار قۇردۇق ،
                                         چىڭ بولسۇن دەپ قان بىلەن سۆڭەكلەردىن خىشلار قۇيدۇق ،
                                         چېلىشىمىز بىز قىزىلگۈلگە پۈركەنگۈچە يەر جاھان .


                                                                        1939   -يىل ئاۋغۇست ،ئۈرۈمچى



                                                               ئازادلىق تويى


                                            چوڭ دېڭىز ئۆزكەشلىنىڭ ھەر قاچان ،ھەر چاغدا ،
                                            پەيدا قىلىدۇ دولقۇنلۇق ،ئۇلۇغ تەۋرەشنى .
                                            دەل شۇنداق ،دۇنيا تارىخىنى بىر- بىر ۋاراقلار ،
                                            ئۇچرىتالمايسەن مۇنداق قۇتلۇق كۈرەشنى .

                                            لاۋۇلداپ يېنىپ ،چاچراپ كۈچلۈك ئۇچقۇنلار ،
                                            يانمۇ يانلاردىن ئەزگۈچىلەرگە ئوت چاچماقتا .
                                            يەنە تۇتىشىپ ،ئۇچقۇنلاردىن چىقىپ يالقۇنلار ،
                                            بوزەكلەر تەلمۈرگەن بەخىت ئىشىكىنى ئاچماقتا .

                                            ئەنە دەھشەتلىك ئوت ،قاناتلىق فرونت - بىزنىڭ مەيدان ،
                                            بوزەكلەرنىڭ ئازادلىق تويى قىزىماقتا .
                                            ئۈستۈن بولسۇن دەپ ،توي شەرىپىگە بېرىپ قۇربان ،
                                            توي داغدۇغىسى دۇنيا بويى يېڭى تۈس ئالماقتا .

                                           چۈنكى تۆت يۈز ئەللىك مىليون خەلق ئەنە ،
                                           قىن قىنىغا پاتماي شۇ توينى ئويناۋاتىدۇ .
                                           يېڭى جۇڭگو بىلەن ئازاد گۈلنى جۈپلەشكە
                                           ياۋنى تىتىرتىپ ،جۇڭگو خەلقى قايناۋاتىدۇ .

                                           ئازاد گۈلنى بەرمەيمەن دېگەن قارا كۈچلەر ،
                                           شۇ تويچىلار ئارىسىدا دەسسىلىپ ئۆلمەكتە .
                                           ئېلنىۋاتقاچقا قارا كۈچتىن تارىخي ئۆچلەر ،
                                           ئازاد گۈلگە يېقىنلىشىپ تپيچىلار كۈلمەكتە .

                                           بىر بىرى بىلەن قول تۇتىشىپ گومىنداڭ ،گۇڭچەنداڭ
                                           ئۆلەن ئېيتىشىپ توينى باشلاپ ،ئالغا يول سالدى .
                                           ئازادلىق چېچەكلىرىنى تېرىپ ھەر يان ،
                                           كۈرەشكە ئاتقان ھەر غۇلاچتا ئۇتۇقنى مول قىلدى .

                                           تۈندىن قۇتۇلۇپ ،چوغدەك ياز تېڭى ئاتقاندەك .
                                           ھەر بۇلۇەدھ تھە شولىسى ،بىز سىگىنال بەرگەچكە ؛
                                           بوزەكلەر دۇنياسى داۋالغۇپ خۇددى دېڭىزدەك
                                           مەۋج ئۇرۇپ قوزغالدى ،كۈتكەن مىنۇتلار يەتكۈچە .

                                           ئەزگۈچىلەر دۇنياسىنى ئاغدۇرۇپ تاشلاپ ،
                                           ئازادلىق بېغىغا كىرىپ شۇنداق جايلىشىمىز ؛
                                           ھېلىقى كۈتكەن يېڭى جۇڭگو ،يېڭى تۇرمۇشنى باشلاپ ،
                                           دۇنيا ئېزىلگۈچىلىرى بىلەن مەڭگۈ قۇچاقلىشىمىز

                                                                               1939 - يىل نويابىر ،ئۈرۈمچى


                                                               باتۇر يىللار

                                                ( يېڭى يىلغا بىغىشلاپ )

                                        تىتىرەك ،بەزگەك ،بىزەڭ يىللارنىڭ بېشى ئوڭلىنىپ ،
                                        كۈرەشچان باتۇر يىللارغا ئايلىنىۋاتقاچقا ؛
                                        ئېغىرلىقلارغا چىدام ،گاڭ ناخشىلار بېغىشلاپ ،
                                        كۈرەشكە كەڭ غۇلاچىنى سوزۇپ كەڭ كەڭ ئاتقاچقا .
                                        كېتىپ بارىمىز مانا بىز چىڭ دەسسەپ ئالغا ئاتلاپ ،
                                        كۆزلىگەن مەقسەت -يېڭى جۇڭگو ،يېڭى تۇرمۇشقا .

                                        كۆزى ياش ،بەدىنى قان، ھەسرەتلىك قارا كۈنلەرنىڭ ،
                                        قۇلىقىغا گۈللەر قىسىپ ،يېشىنى سۈرتۈپ كۈلدۈردۇق ؛
                                        ھېچ مەيۈسلەنمەي قولدىن كەتكەن ئۇلۇغ شەھەرلەرگە ،
                                        دېدۇق كۈلۈپقىنا ،بەلكى ۋاقىتلىق بېرىپ تۇردۇق ؛
                                        ئۇلۇغ ھېكمىتى بار ئۈچۈن ۋاقىتلىق چىكىنىشنىڭ
                                        ئالدى ھەم ئارقىدىن ئوراپ دۈشمەنلەرنى قىردۇق .

                                        «پات ھەل قىلىش » پىلانى ئاللىقاچان بىتچىت بولغاچقا ،
                                        «پات سۈلھى ياساش »زەھەرلەرنىمۇ چېچىپ باقتى .
                                        جۇڭخۇا خەلقى كۈنسايىن ئۆرلەپ ئۆسۈۋاتقاچقا ،
                                        ئۇ پىلانلارنىمۇ پاچاق -پاچاق قىلىپ چاقتى .
                                        ئادالەتلىك ئۇرۇش بىلەن دۈشمەنلەرنى يەكسان قىلىپ ،
                                        خەلقىم ئاداققى غالىبىيەت مەنزىلىگە قاراپ ئاقتى .

                                                             1940 -يلى يانۋار ،ئۈرۈمچى



                                                                 مارشلار

                                                             يېتىپ بارىدۇ

                                                 يېرى كەڭ ،بايلىقى مول شىنجاڭ ،
                                                 مانا سوزۇلۇپ ،پارقىراپ ياتىدۇ .
                                                 كەڭ ئېتىز ،قىر ياۋان دالالىرىدا ،
                                                 چىمەنلەر دائىم چېچەك ئاتىدۇ .

                                                 ھەممە مىللەت ئەركىن ،كەڭ دەم ئېلىپ ،
                                                 سائادەتسىرى كىتىپ بارىدۇ .
                                                 خۇشال خۇرام سازلىرىنى چېلىپ ،
                                                 بەخت قوشىقىنى ئېيتىپ بارىدۇ .

                                                 تاۋلىدى بىزنى كۈرەشچان يىللار ،
                                                 كۈرەشتە خەلقىم يېڭىپ بارىدۇ ،
                                                 ھەر قەدەمدە باشلاپ يېڭى قۇرۇلۇش
                                                 مەنزىلگە تېز يېتىپ بارىدۇ .

                                                                       1940-يىل فېۋرال ،ئۈرۈمچى

                                                          ئازادلىق كۈرەش

                                                ئازادلىق كۈرەشنىڭ شانلىق دېڭىزى ،
                                                دولقۇنلاپ تىك قىرغاقلارغا تاشتى .
                                                كۈتۈشكە ئامراق بۇ جۇڭگو خەلقى ،
                                                ئازادلىققا كەڭتاشا ئىشىك ئاچتى .

                                                قايتۇرما :

                                                دولقۇنلار ئارىسىدا راست قاينايمىز ،
                                                چېكىنمەيمىز ،يانمايمىز ،ئالغا چامدايمىز .

                                                يېڭىش گېزىگى شەكسىز بىزنىڭ بولغاچقا ،
                                                كۈرەشنىڭ سىرلىرىنى ئوبدان ئۈگەندۇق .
                                                ھەر دوقمۇشتا " ھۇررا "ۋارقىراپ چامدىدۇق ،
                                                يەر ،ھاۋا، سۇدا ئۈستۈنلۈك قازاندۇق .

                                                قايتارما :

                                                ئۆلۈم يا كۆرۈم دەپ مىليونلىغان ئەل ،
                                                قانلىق مەيدانغا چۈشتى ،باغلاپ مەھكەم بەل .
                                                بۇ يولدا ئاقسىمۇ قانلار بولۇپ سەل ،
                                                بۇ كۈرەش مەقسىتىمىزنى قىلغۇسىدۇر ھەل .
                                                ........................................

                                                                           *                        

                                                ۋەھشى فاشىزىمغا قارشى
                                                ئالغا باسار دۇنيا ،قوزغال !
                                                ئېيتىپ كۈرەش مارشىنى ،
                                                قوزغال ،قولغا قورال ئال !

                                                                                      1940    -يىل

                                           جۇڭگو قىزى رەيھاننىڭ مارت شامىلىغا بۇيرۇقى

                                                           (بىر شائىرغا تەقلىد)

                                       ئەي ،شوخ مارت شامىلى ،توختا !
                                       لىجىڭ !
                                       ئەركىلەپ يېنىمدىن يەلپۈپ ئۆت!
                                       بۇيرۇقۇمنى ئاڭلا !
                                       دۇنياغا:
                                       ياۋروپا ،
                                       ئامېرىكا
                                       خوتۇن -قىزلىرىغا
                                       ئاپىرىپ تۇت !
                                       چېلىشسۇن ئۇلار ،
                                       فاشسزىمغا ئېچىپ ئەجەللىك ئوت !
                                       مارت شامىلى ،
                                       ئازاد خوتۇن -قىزلار شەۋكىتىنى
                                       ئۆچمەس تارىخ ۋاراقلىرىغا پۈت !
                                       بىز تەرەپتە كۈللى كائىنات ،
                                       بەس ، بىزنىڭ غالىبىيەت ،
                                       چۈنكى بىز تەرەپتە
                                       ئادالەت ...
                                       مۇساۋەت ...
                                       ھۆر -ئەركىن ،
                                       بەخت -سائادەت .

                                                  1940     -يىل مارت ،ئۈرۈمچى

                                                       مۇخەممەس

                                  چارچىمىدىم ،چارچىماسمەن ،ئەرك دەپ بېلىم باغلانغان ،
                                  ئەسكىلىك قاينىغان زاماندىن تېنىم مەجتۇە ،داغلانغان ،
                                  كۈرەش سېپىنىڭ ئەزاسىمەن ،قەلبىم ئوت بولۇپ يانغان ،
                                  قوشۇلۇپ كەڭ مەزلۇملارغا ئازادلىق سازىنى چالغان ،
                                  چېكى سۆكۈلگەن دۇنيا نەپرەت كۆرۈمنى ئالايتقان .

                                  "ئەپيۈنكەش "دەپ ئاتىلىپ جۇڭگو مەھكۇملۇق دەردىنى تارتتى ،
                                  زۇلۇم زۈلۈكلىرى مەنچىڭ ،گومىنداڭ ئەلنى يىغلاتتى ،
                                  كۆرمەي بىزنى ئادەم قاتارى جاھانگىرلارغا ساتتى ،
                                  جاھانگىرلار يەلكىمىزگە زۇلۇم يۈكلىرىنى ئارتتى ،
                                  زاماندىن كۆرمىدىم شەپقەت ،نەپرەت قاينىغان ۋولقان .

                                  مىللەتلەرنىڭ تەكشى ياشاش مەزگىلىنى بەك خالايمەن ،
                                  ئازادلىقنىڭ مەنزىلىنى بويلاپ ماڭدىم ،ھېچ ھارمايمەن ،
                                  شوخ سازىمنى ئازادلىقنىڭ مارشىغا تەڭكەش سازلايمەن ،
                                  مەن جەڭگىۋار جۇڭگو ئوغلى ،ئىرادەمدىن ھېچ يانمايمەن ،
                                  تەشنا بولۇپ شاد تۇرمۇشقا ،بەس ،مەن كۆكرەكنى ياققان .

                                  ئازاد قىلىپ بۇ جۇڭگونى ،گۈللىتىشتۇر چىڭ ئەھدىمىز ،
                                  خەلق ئالسا ئەركىن نەپەس ،شۇ بىزنىڭ ئالىي بەختىمىز ،
                                  بۇ كۈرەشچان  ئۇلۇغ ئەلنىڭ ۋەتەن سۆيەر پەرزەنتى بىز ،
                                  بىز تاۋلاندۇق جەڭلەر ئارا ،ياڭرار غەلبە ناخشىمىز ،
                                  چېلىش بىلەن ئالغا ئاتلاپ ،بىز قۇرىمىز يېڭى دەۋران .

                                  ئاۋازىمىز جاھان بويلاپ كەتسۇن ،ھەقنى بىز سۆزلەيمىز ،
                                  ئۆملىشىپ چېڭ ئىزىلگەن ئەل بىر مەقسەتنى كۆزلەيمىز ،
                                  ئىسيان كۆتۈرۈپ ئۈستىدىن بىز كونا دۇنيانى تۈزلەيمىز ،
                                  كۈرەش ھامان بېغىشلايدۇ بىزگە نۇسرەت ۋە دەرمان .

                                                                        1940- يىل ئاپرېل ،ئۈرۈمچى

                                                         ماي ناخشىسى

                                  ماي ئېيىدا تەبىئەت خۇش سازىنى چالغاندا ،
                                  كىشىلىكنىڭ پارلاق كۈرىشى پورۇقلاپ قاينىغان .
                                  قوزغىلىڭلار ،نامايىشلار كەڭ تۈس ئالغاندا ،
                                  زالىملارنىڭ چىرىك دۇنياسى زەربە چاينىغان .

                                  ھېچبىر يانماي كەينىگە قوراللىق توقۇنۇستىن ،
                                  ئەرك باتۇرلىرى كۆكرەك كېرىپ مەيدانغا تاقلىغان .
                                  سىگىنال بېرىپ باشلاپقى كەسكىن يۈرۈشتىن ،
                                  ھېچبىر ئۆچمىس ،مەڭگۈ كۆمۈلمەس ئىزلار قالدۇرغان .

                                  زۇلۇم ،ئۆلۈم قاينىغان جايلاردا ئېزىلگۈچىلەر ،
                                  ئۆتكۈزىدۇ ئۆز بايرىمىنى ،جاللاتلار ئۇرسىمۇ .
                                  توۋلاپ كۈرەشچان شۇئارلار ،قاينىتىپ كۈرەشلەر ،
                                  ئۆتكۈزىدۇ ،كىشەنلەر بىلەن قاپساپ تۇرسىمۇ .

                                  مىليونلىغان جۇڭخۇا خەلقى كۈرەشچان ماينى ،
                                  قاينام فرونت ،جەڭلەر ئىچىدە قارشى ئالىمىز .
                                  پۈركەپ كۈرەش ئۇچقۇنىغا ئېزىلگۈچى ھەر ياننى .
                                  سىگىنال بېرىپ بىز دۇنياغا ،سازىمىزنى چالىمىز .

                                  باتۇر يىللار قوينىدا ھامان ئالغا ئىنتىلىپ ،
                                  ھېچ ئەيمەنمەي داغلاردىن تىركىشىش باسقۇچىغا يەتتۇق .
                                  ئاتاكىغا كۆچىمىز ،يېڭىش تۇغىنى لەپىلدىتىپ ،
                                  ئاتاكا !...دېمەك دۈشمەننى قوغلاش ۋەتەندىن سۈرۈپ .

                                  ئەنە ! ھىندى ،ئىسپان ،ھەبەش تاش چوققىلىرىدىن ،
                                  داد -پەرياد ،زارلىنىش ئاۋازى دەيدۇ ئىنىتقام !
                                  شۇلارغىمۇ ئازادلىق فرونت -ماي شاماللىرىدىن ،
                                  كۈرەشچان جۇڭگو يوللايدۇ قىزغىن ئازادلىق سالام !

                                                                1940- يىل 1 - ماي ئۈرۈمچى

                                                   كەل ،يېڭى يىل !

                              خوش ،كونا يىل ،بىز بىلەن سەن خېلى زامان يۈرۈپ كەلدىڭ ،
                              كەل، يېڭى يىل ،بىزلەرگە سەن شەرەپ -شانلارنى ئېلىپ كەلدىڭ ،
                              كونا يىلغا قويۇپ چېكىت ،باشلا يېڭى ئىشلارنى دەپ ،
                              يېڭى ئۇتۇق مەيدانىدىن خۇش خەۋەرلەرنى قىلىپ كەلدىڭ .
                              تىركىشىشتىن ئاتاكىغا كۆكرەك كېرىپ ئۆتكەندە بىز ،
                              شەك شۈبھىسىز ،قەتئىي كۈرەش سازىنى سەن چىلىپ كەلدىڭ .
                              نەس ھاياتى ئاخىرلىشىپ جان تالاشقان جاھانگىرنىڭ ،
                              كۆزىگە ئوق ،كۆكرىكىگە نەيزىلەرنى ئېتىپ كەلدىڭ .
                              بېرىپ زەربە جاھانگىرلىك باشلىغان شۇم ئۇرۇشلارغا ،
                              مەزلۇملارنىڭ قەلبىگە شاد -خۇشاللىقنى سېلىپ كەلدىڭ .
                              يېڭىلمەيدۇ ھەق -ئادالەت ،سازى ھەردەم جاراڭلايدۇ ،
                              ھەقىقەتنىڭ گۈرزىسىدە دۈشمەن كۆكسىن تىلىپ كەلدىڭ .
                              كەل ، يېڭى يىل ،سېنى ئۇتۇق گۈللىرىگە پۈركەيلى بىز ،
                             سەن بىز ئۈچۈن شان -ئۇتۇقنىڭ يوللىرىنى ئېچىپ كەلدىڭ .

                                                                           1941        - يىل يانۋار ،ئۈرۈمچى

  ھەسەن ھۈسەن


                                                             كەڭ ئالەمگە ياڭرىتىپ تىنچلىق شۇئارىنى ،
                                                             ھاۋلارغا يېزىپ ،ئويۇڭلار ئوتتىن .
                                                             ئۇچۇرۇپ ئاسمانغا پەن شۇڭقارىنى ،
                                                             بۇلۇتلار بوينىغا مۇنچاق ئېسىڭلار ياقۇتتىن .

                                                             ۋەتىنىڭنىڭ ھاۋاسى __ دەردنىڭ دەۋاسى ،
                                                             بۇلۇت قۇچاقلاپ ،يۇلتۇزلارنى باغ باغ ئېتىڭلار .
                                                             جاراڭلاتسۇن ئاسماننى گاڭ قۇشلار ساداسى ،
                                                             بومبا بىلەن دۈشمەننى يەردە تالقان ئېتىڭلار .

                                                             « تەقدىردىن بەزگەنلەر »تېخى زادى يوق ،
                                                             ئەنە شۇ ئۇرۇش ئەۋلىياسى جاھاننى باسقان .
                                                             ئېغىزلىرى ئەزرائىل ،ئىسراپىل كۆزلىرى ئوتلۇق ،
                                                             تەييار ئۇنىڭدا ئادەم گۆشىگە قاسقان .

                                                             كىم ئۇ بىھۇدە باغدا ماتەمگە مۇقام يۆتكىگەن؟
                                                             نېمىشقا ئىڭراپ چالىدۇ مۇڭلۇق پەدە ؟
                                                             ئېلىشماستىن ۋاقىتسىز تەقدىرگە باش ئەگكەن
                                                             مەجنۇنلار ئۈگىسى يوق تېخى ھېچنەدە .

                                                             قېقىپ قانات ، بۇلۇتنىڭ سەن زارىنى ئاڭلاپ باق ،
                                                             يەرگە قاراپ قان - ياش تۆكۈپ ،زار - زار يىغلايدۇ .
                                                             يەردە بوران كۆرنمىگەچكە ،ئۆپچۈرە ،ھەر ياق ،
                                                             تاقەت قىلالماي تېپىرلاپ ،سىنەلىرىنى تىلغايدۇ .

                                                             بۇلۇت يىغلايدۇ كۆيۈنۈپ ، ۋەيران يۇرتلارغا قاراپ ،
                                                             گۇناھسىز قىرىلغان ھېساپسىز ئادەم باللىرىنى ئاياپ .
                                                             بۇلۇت بىلىدۇ ، « بۇلۇت ئۆلمەس بىر ساياھەتچى »
                                                             سەيلە قىلىپ كۆرگەن ھەممىنى ،جاھاننى ئارىلاپ .

                                                             بۇلۇتلار ئالىپ ھەم كارپاتتىن ئۆتكەندە ،
                                                             تۇتۇلۇپ ،جۇتلىنىپ ،جۇدۇنلار تۆككەن .
                                                             گۈلدۈرلىرى قاراسلاپ چاقماق سەپكەندە ،
                                                             يولغا چىققان قاتىللار تىتىرشىپ مۆككەن .

                                                             جۇڭگۇ دېڭىزى ساھىللىرىدىن ئۆتكەن بۇلتلار
                                                             ئارقا سەپنى كۆرگەچكە ،دىلى بەك مۇڭلۇق .
                                                             كەچۈرسىمۇ ئېگىز ھاۋادا « تىنىچ »مىنۇتلار .
                                                             ھاياتىدا « شېرىن سېكۇنت »كۆرمىگەن ئوڭلۇق .

                                                             بۇلۇت دەيدۇ : يەر يۈزىنى ھېچ كۆرەلمەيمىز ،
                                                             زومىگەرلەر يەردىن سۈنئىي بۇلۇت ياسىغان .
                                                             ھەتتا ئاسماندا خاتىرجەممۇ يۈرەلمەيمىز ،
                                                             يانلىرىمىزنى سۈنئىي چاقماق ،ئوتلار قاپلىغان .

                                                             سۈنئىي تۈتۈنلەر ئارىسىدىن كېلىدۇ ئاۋاز ،
                                                             ئارقا سەپتە قېرىنداشلار خانۇ  ۋەيران .
                                                             بومبا تۆكۈپ قارا قۇشلار قىلغاچقا پەرۋاز ،
                                                             قانلىق چۆللەر قۇچاقلار كېرىگەن ھەر يان .

                                                             بۇلۇت دەيدۇ :تىزگىنسىز قارا قۇشلارنىڭ ،
                                                             توكيو ،بېرلىن ،رىم غارلىرىدا ئۇۋىلىرى بار .
                                                             قېنى ،تىنچلىق دۇنياسىنىڭ پولات قۇشلىرى ،
                                                             شۇ ئۇۋىنى پارتىلتىپ قىلىڭلار تارمار .

                                                             ئۇچۇڭلار ،مېھرىبان بۇلۇتلار يوللارنى ئاچسۇن ،
                                                             تۈن قىزلىرى يۇلتۇزلار نۇرلىرىن چاچسۇن ،
                                                             ئېگىزلىكتە خالىسانە سەيلە قىلىڭلار ،
                                                             زەھەر چاچقۇچ قارا قۇشلار گۆرىگە قاچسۇن !

                                                             سائادەتتىن ھاۋالارغا نەقىشلەر ئويۇپ ،
                                                             قىزىل چوغدەك ياقۇتلاردىن شۇئار يېزىڭلار !
                                                             « ئىنسانىيەت تىنچلىقى » دىن بۇلۇت كۆكسىگە
                                                             زادى ئۆچمەس ھەسەن _ ھۈسەن ياساپ تىزىڭلار !

                                                                                            1943 -يىل نويابىر  ،ئاقسۇ


         غەزەل






دوستۇم ،دىيانەت قوينىنى ئاچىدىغان دىلبەر تاپ ،
ۋىجداندىن شەربەت ئەمدۈرىدىغان كەۋسەر تاپ .

ئىستىكىم مۇشۇ دەپ ،شامال ئارقىسىدىن يۈگۈرمە ،
         شەكىل ئۈچۈن ھاڭ تاڭ قالما ،مەڭگۈ جانلىق پەيكەر تاپ .

قىياپىتى ئۇنىڭ تىياتىر گىرىمى بولۇپ قالمىسۇن .
ھېچقانداق ئۆڭمەيدىغان ھەقىقى سەرۋچەر تاپ .

ئىچى كاۋاك سۆلەت __ سەلتەنەتكە زادى يېپىشما ،
    ھەر سەھىپىسى دەرتكە دەرمان بېرىدىغان دەپتەر تاپ .

  بولسۇن خىيالىڭ سېنىڭ ھەردەم ئىستىقبال قايغۇسى ،
ئادالەت مەيدانىدا پارقىرايدىغان خەنجەر تاپ .

تاغ قازمىغۇچە دىل مەھبۇبى __ غېرىن نەدە ؟!
پارچىلا بىكار تاشلارنى ،بىباھا گۆھەر تاپ .

ئۆتمۈشنىڭ ساۋاقلىرى بەكلى سېنىڭ ئېسىڭدىدۇر ،
تارىخنى يورۇتقىن ،خۇرشد ،ماھۇ __ ئەنۋەر تاپ .

نېمە ئارمان ،ئۆركىشى ،دىل قاينىمىدا ئۆركەشلىسەڭ ،
     دىلدا گۆھەر ،دىلدا كەۋسەر ،دىلدىن تاتلىق شېكەر تاپ .

1943 -  يىل دېكابىر ، ئاقسۇ




پەرياد




     بۇ مېنىڭ غەملىك كۆڭلۈم بولارمىكىن بىر كۈن شاد ،
غەم تالىرىدىن ئۇچۇپ ،بولارمەنمۇ مەن ئازاد .

يا ھەمىشە قىينىلىپ ،زۇلۇم ئوتىدا كۆيۈپ ،
         كۈننىڭ سېرىقىن كۆرمەي ،بولارمەنمۇ مەن بەربات .

    ۋاقىتسىز غازاڭ بولغان ،باغلار چۆلگە ئايلانغان ،
كۆڭۈلدىكى بۇ بوستان بولارمۇ يېنىپ ئاۋات .

بورانلاردا ئۇچماقتا مېنىڭ جان ئەمگەكلىرىم ،
           دەۋردە ئىناۋەت يوق ،كۈن - تۈن قىلىمەن پەرياد .

1943 -يىل 12 - ئاي ،ئاقسۇ


  يىللارغا جاۋاپ




ۋاقىت ئالدىراڭغۇ ساقلاپ تۇرمايدۇ ،
يىللار شۇ ۋاقىتنىڭ ئەڭ چوڭ يورغىسى .
ئاققان سۇلار ،ئاتقان تاڭلار قايتىلانمايدۇ ،
يورغا يىللار ئۆمۈرنىڭ يامان ئوغرىسى .

ئوغرلاپلا قاچىدۇ ئارقىغا يانماي ،
بىر __ بىرىنى قوغلىشىپ يورغىلىشىپ ؛
ياشلىق بېغىدا بۇلبۇللار قانات قاقماي ،
يۇپۇرماقلار قۇيۇلىدۇ  ،پورلىشىپ .

ياشلىق ئادەمنىڭ زىلۋا بىر چۋغى ،
تولىمۇ قسقا ئۇنىڭ ئۆمرى بىراق .
يىرتىلسا كالېندارنىڭ بىر ۋارىقى
ياشلىق گۈلىدىن تۆكۈلىدۇ بىر يۇپۇرماق .

  يىللار شامىلى يەلپۈنىدۇ ،ئىزلار كۆمۈلىدۇ ،
    يۇپۇرماقسىز ياغاچ بىچارە بولىدۇ قاقشال ...
          يىللار سېخىي ،قۇرۇق كەلمەيدۇ ،ئەكىلىپ بىرىدۇ
قىزلارغا قورۇق ،ئەرلەرگە ساقال .

بىراق يىللارنى تىللاش توغرا كىلمەيدۇ ،
مەيلى ،ئۆتۈۋەرسۇن ئۆزىنىڭ يولى ...
ئادەملەرمۇ ۋاقىتنى قولدىن بەرمەيدۇ ،
چۆللەرنى بوستان قىلغان ئادەملەر قولى .

يىللارنىڭ قوينى كەڭ ، پۇرسىتى نورغۇن ،
تاغدەك ئىشلار يىللار بىەلن ئۆرە تۇرىدۇ .
        قاراپ باق ئاخشامقى بوۋاق كىچىككىنە تۇرسۇن ،
     تۈنۈگۈن ئۆمىلەپ ،ھە ...بۈگۈن مېڭىپ يۈرىدۇ .

كۈرەشچان بالىلار قوغلىشىپ يىللار ،
كۈرەش نەۋرىلىرىنى چوقۇم تاپىدۇ .
ئاخشام بەخت ئۈچۈن قۇربان بولغانلار
قەبرىسىنى يادلاپ گۈللەر ياپىدۇ .
   

           مەيلى ،ساقال سوۋغا قىلسا قىلسۇن يىللار ،
مەنمۇ تاۋلىنىمەن يىللار قوينىدا .
        ئىجادىم شېئىرىمنىڭ ئىز تامغىسى بار ،
              ئالدىمدىن قېچىپ ئۆتكەن ھەر يىل بوينىدا .

قېرىماسمەن كۈرەشنىڭ كەسكىن چېغىدا ،
شېئىرىم يۇلتۇز بولۇپ يانار ئالدىمدا .
         ئۆلۈم پەستە قېلىش ،كۈرەشنىڭ داۋانلىق تۋغىدا ،
          چىدام __ غەيرەتنىڭ يەڭگىنى ھەر دەم يادىمدا .

ئېسىلارمەن مىلتىق ئېتىپ تاۋلانغان قولغا ،
      يېپىشارمەن بايراق بىلەن ئالغا ئاتلىغان يولغا .
كۈرەش باياۋىنىدا ھارماسمەن ئەسلا ،
         يېڭىش بىلەن كېلىپ چىقىمىز كەڭ غالىپ يولغا .

       يىللار ،مەيدەڭنى تۇتۇپ قاقاقلاپ كۈلمە ،
                ئالدىڭدا قىزىرىشتىن ئارتۇق كۆرىمەن ئۆلۈمنى .
  قېرىتىمەن دەپ ئارتۇق كۆڭۈل بۆلمە،
          ئاخىرقى جەڭگە ئاتاپ قويارمەن ئوغلۇمنى .

يىللار دېىزى دولقۇنلۇق بولساڭمۇ ،
   ئۇپقۇنلىرىڭنى يارىدۇ بىزنىڭ كاراپ .
           يىلنىڭ ئۆتۈشى بىلەن قورقىتىپ باقساڭمۇ ،
              ئىجاد يىللارنى قېرىتىدۇ ،دەپ بېرىمىز جاۋاپ.

1943- يىل يانۋار ،ئاقسۇ


ئىككى شېئىر



دوستۇم .... غا


خالايمەن ،دوستۇم ،بۇلاقتەك

خۇشال شارقىراپ ئېقىشنى .

خاليمەن ،ئەركىن تايلاقتەك

ئىجاد يايلىقىدا قىيغىتىشنى ...

خالايمەن ،شېئىرىم ئۇرۇقلىرىنى

ۋەتەن باغرىغا چېچشنى ،

خالايمەن ،دەريا قىرغاقلىرىدا

رەنا گۈللەر ئىچىلدۇرۇشنى .

       تۇغدى ئاناڭ سېنى ،چوڭ قىلدى ،

مېرى بىلەن بىقىپ ،

تەربىيەلىدى ،ئوڭ قىلدى .

                       لېكىن سەن يەنە تىرىش ،ئوبدان ئادەم بول ،

ئۇنىڭ ئۈچۈن

                    ئىككىنچى مەرىپەت ئانىسىدىن تۇغۇل .


                               1944- يىل مارت ،ئاقسۇ


بىزنىڭ مەمەت




( بالىلار بايرىمىغا ئاتاپ )


مەمەت تېخى بۇ يىل

ئاران تۆت -بەش ياش .

قوللىرى بۇدۇرۇق ،

تېنى قاتتىق تاش .


يۈزلىرى ئاپئاق

ھەمدە قارا قاش .

ئاسلان ۋە كۈچۈك

ئۇنىڭغا يولداش .


ئەتىگەن قوپىدۇ ،

يۇيىدۇ يۈزىنى .

باسمايدۇ چاپاق ،

ئۇنىڭ ككزىنى .


ئىشتاننى كىيىپ ،

كۆڭلەكنى ساپماي .

كۆڭلى تىنمايدۇ

مۈشۈكنى تاپماي .


مۈشۈ ك مىياڭلاپ ،

سالام قىلىدۇ .

بۇرۇتلىرى بىلەن ،

سۆيۈپ قويىدو.


ئاڭغىچە يىتىپ

كېلىدۇ كۈچۈك .

كۆزلىرى قىسىق ،

ئەركلەپ چۈچۈك .


ئاۋايلاپ پۇراپ ،

ئاڭا قارايدۇ .

قۇيرۇق شىپاڭلىتىپ  

پۇتنى يالايدۇ .


چايناپ بىرىدۇ

ناننى مۈشۈككە ،

تاشلاپ بىرىدۇ

ئالا كۈچۈككە .


ھارۋىنى سۆرەپ

چىقار كوچىغا

كۈچۈكنى باغلاپ،

يپنىڭ ئۇچىغا .


ياساپ داۋانلار ،

توپا توشۇيدۇ .

زەمبىرەك ياساپ ،

مۈشۈ ك قىتىدۇ.


پاقالچەكلىرى

راساد تۈرۈلگەن .

قولىدا چىۋىق

تالدىن ئۆرۈلگەن .


ئوينايدۇ راسا

تەرلەپ ھەم پىشىپ ،

قىززىق ئويۇنغا

تازا كىرىشىپ .


ماڭىدۇ يوللار ،

كېچىدۇ سۇلار ،

ئارقىدسا قالىدۇ ،

دۈمبەش داۋانلار  


"ھوت كۇش " دەپ ئۇ

بېرىدۇ كوماندا .

توخۇ- ئۆردەككە

ياسايدۇ ئاتاكا ...


قاچىدۇ چۈجىلەر ...

ئالدىدا قاقاقلاپ ،

قوغلايدۇ كۈچۈك

ئۇنى پالاقلاپ .


مەمەتمۇ قالماي

ئالغا چاپىدۇ .

خىيالىدا ئۇ

يېڭىش تاپىدۇ .


شۇنداق قىپ مەمەت

ئويناۇدۇ كۈندە .

ھەتتا چۈشىگە

كىرىدۇ تۈندە .


چۈشىدە يەنە

ئۇ بىر قوماندان .

ئالغا -ئالغا دەپ ،

يۈگۈرەيدۇ ھەر يان .


ئاز كۈندە مەمەت

چوڭمۇ بولىدۇ .

مەكتەپكە بالىلار

لىققىدە تولىدۇ .


بەلكى ساۋاقنى

ئوقۇيدۇ ئەلا ،

باشقىلاردىن

قالمايدۇ ئەسلا .


ھەر بىر ئىشىدا

ئۇ چېچەن ، قارام .

تۈگىتىپ ئىشىنى

ئالىدۇ ئارام .


ھېچقانداق ئىشلار

قۇتۇلۇپ قالمايدۇ ،

ئەمما مىلتىقنى

ئۇنتۇپ قالمايدۇ .


نېمىدېگەن راھەت

ئات بوپ ئوينىسا ،

نېمىدېگەن راھەت

مىلتىقلار ئاتسا .


1944 - يىل ئاپرىل  ،ئاقسۇ

ئەلفار

بەك ياخشى بولدى ، بۇ ئەسەرلەرنى ئىزدەۋەتاتتىم .

ياش

ياخشى ئىش بوپتۇ