|
ئەتىياز ۋە قىش پەسلىدە بوغۇملار ئاغرىيدىغان ئەھۋال دائىم يۈز بېرىدۇ. يېقىندا گىرېتسىيەدە ئېلىپ بېرىلغان بىر تەتقىقاتتا زەيتۇن يېغىنىڭ بوغۇملارنى ئاسراش رولىغا ئىگە ئىكەنلىكى ئىسپاتلانغان.
گىرېتسىيە ئافىنا تېببىي ئىنستىتۇتىدىكى ياسېننا.رېنو دوكتور ۋە ئۇنىڭ خىزمەتداشلىرى ئورۇندىغان بىر تەتقىقاتتا، زەيتۇن يېغىنى كۆپ ئىستېمال قىلغاندا، رېماتىزملىق بوغۇم ياللۇغىنىڭ قوزغىلىش خېيىم - خەتىرىنى تۆۋەنلىتىدىغانلىقى بايقالغان. بۇ تەتقىقاتتا، تەتقىقاتچىلار بوغۇم ياللۇغىغا گىرىپتار بولغان 145 كىشى ۋە سېلىشتۇرۇش گۇرۇپپىسىدىكى 188 سىناققا قاتناشقۇچىنىڭ يېمەكلىكىنى سېلىشتۇرغان. نەتىجىدە، زەيتۇن يېغىنى كۆپ ئىستېمال قىلغانلارنىڭ زەيتۇن يېغىنى ئاز ئىستېمال قىلغانلارغا قارىغاندا رېماتىزملىق بوغۇم ياللۇغىغا گىرىپتار بولۇش خېيىم - خەتىرىنىڭ ئاز بولىدىغانلىقى كۆرسىتىلگەن.
مەنبە: شىنجاڭ گېزىتى
|
|