بېكەت باشلىقى- روزى ئەپەندىمگە شېئىرىي چاقچاق

sargardan

مۇنبەردىكى ئاتامان،
كۆرۈنمەيلا نېمىشقا.
دوستلار كۆپ زار قىلماي،
كەپ قويسىلا «بايقاش» قا...

سىلى بۇنداق قىلسىلا،
«ئەزا» لىرى نارازى.
بىز كىرگەندە ئۆزلە يوق،
ئۆتەرمىزمۇ قىش-يازى؟...

ئۆمىلاخمان ئويلايمىز،
بېكەتلىرىگە كىرىشنى.
«بغۋەن» لەرگە لازىملىق،
جەۋھەرلەرنى بېرىشنى.

قاراپ باقسام «بايقاش» قا،
بىر «شودۈي»لۈك ئەزا بار.
شۇنچە كەڭرى مۇنبەرمۇ،
بىلىندىغۇ ماڭا تار...

يا خوتۇننىڭ بېسىمى،
ئارتىپ شۇنداق بولدىمۇ؟
ياكى كىرىم ياخشى بوپ،
يانچۇق پۇلغا تولدىمۇ؟...

ئۈمىدىم شۇ روزاخۇن،
ئەسرالىشىپ تۇرۇشساق.
«سەرگەردان» نىڭ پەيلى «سەت»،
سەت بولىدۇ «ئۇرۇشساق»....

sargardan

قىسمەن ئىملا خاتالىقلرى كۆرۈلۈپ قاپتۇ، قىسمەن مىسرالارنىڭ ئۇلانمىلىرى ئۇرۇلماي قاپتۇ، كەچۈرىسىلەر، تورداشلىرىم

sargardan

پوزىتسىيە بىلدۈرۈپ،
ئىنكاسلارنى يازماملا.
تىل دېڭىزى چەكسىزدۇر،
ئۈنچىلەرنى قازماملا...؟

بۆركۈت

    ئۆزىڭىز ئېيتقاندەك بەزى بىر سەۋەنلىكلەرنى ھىساپقا ئالمىغاندا ،چاقچىقىڭىز خېلى ياخشى چىڭىپتۇ . داۋاملىق تىرىشىڭ .

مەرىپەت

مۇشۇنداق چاقچاقتىن بىرسى كەمتى زادى، بۇمۇ بوپتۇ، بايقاش ئەپەندىم ئەمدى چىقىپ قالارمىكىن

بۆركۈت

   ئاتامانغىلا ئاتاپ ،
   يازغېچە بۇ چاقچاقنى .
   ھەممە تورداشقا ئاتاپ ،
   يازمامسىز بۇ قۇشاقنى ؟
                ھەممە تورداشقا ئاتاپ ،
                يازسىڭەز بۇ قۇشاقنى .
                ئەزالارمۇ ماسلىشىپ ،
                ئۆتكۈزمەمدۇ بوش ۋاقنى .

pari

سەرسان بولۇپ يۈرەمدۇ ،
سەرگەردان دىگەن ئەزا ،
بىر كەلتۈرۈپ يېزىپسىز ،
چاقچاق دىگەننى تازا .

بىزمۇ بارتۇق مۇنبەردە ،
كەلمىدۇقمۇ چاقچاققا ،
ئەسلى شۇنداق چاقچاقمۇ ،
كېرەك ئىدى بايقاشقا .

ھېچ كۆرۈنمەس بايقاشمۇ ،
يا رەنجىگەنمۇ كۆڭۈلمۇ ،
تاپالمىساق بايقاشنى ،
بېرىمىز مۇ ئېلانمۇ ؟

ئېلان بېرىپمۇ كەلمىسە ،
تەرەپ -تەرەپ ئىزدەرمىز،
ھېچ بولمىسا بايقاشنى ،
تاشلاپ قويۇپ قاچارمىز .

sargardan

بارچە ئەزا كۆڭلۈمدە،
بارتى ئەسلى رەتمۇ-رەت.
لېكىن چەكلىك شارائىت،
كېلەر بىر-بىردىن...نۆۋەت.

sargardan

ناتونۇشلار تونۇشۇپ،
سەرگەردانلار ئۆزلىشىپ.
ئۆتەرمىزكەن بايقاشتا،
ئويلىغاننى سۆزلىشىپ...

sargardan

روزاخۇندىن سادا يوق،
ئەنسىرىدىم ئۆزەمدىن.
ئەمما لېكىن يىگىت مەن،
يانالماسمەن سۆزۈمدىن...

بەلكىم ئېغىر كەلگەندەك،
تۇرىدۇغۇ چاقچىقىم.
ئۆزەمنىڭغۇ روزاخۇن،
قولدا باققان تايچىقم....