كېرىيە ناھىيىسىدە «2014-يىللىق ناھىيە كۆلەملىك پۇتبول ھەل قىلغۇچ مۇس...

sargardan

كېرىيە ناھىيىسىدە ئوتتۇرا-باشلانغۇچ مەكتەپ ئوقۇغۇچىلىرىنىڭ «2014-يىللىق ناھىيە كۆلەملىك پۇتبول ھەل قىلغۇچ مۇسابىقىسى» پائالىيىتى ئۆتكۈزۈلدى.
ئوتتۇرا-باشلانغۇچ مەكتەپ ئوقۇغۇچىلىرىنىڭ دەرستىن سىرتقى مەنىۋىي تۇرمۇشىنى بېيىتىش، «ئاپتاپ تەنتەربىيىسى» پائالىيەتلىرىنى راۋاجلاندۇرۇپ، مەكتەپلەرنىڭ جەلپ قىلىش كۈچىنى ئاشۇرۇش، شۇنداقلا ئوقۇغۇچىلارنىڭ بەدەن ساپاسى ۋە رىقابەت ئېڭىنى يوقىرى كۆتىرىپ، خوتەن ۋىلايىتىنىڭ 1-قېتىملىق ئوتتۇرا-باشلانغۇچ مەكتەپ ئوقۇغۇچىلىرىنىڭ پۇتبول مۇسابىقىسىدە ياخشى نەتىجىلەرنى قولغا كەلتۈرۈشكە ئاساس سېلىش مەقسىتىدە، 2014-يىلى 11-ئاينىڭ 28-كۈنى (جۈمە) ناھىيىلىك 1-تولۇق ئوتتۇرا مەكتەپ، ناھىيىلىك 1-ئوتتۇرا مەكتەپ ۋە ناھىيىلىك CECئۈمىد مەكتەپلىرىدە «كېرىيە ناھىيىسىدىكى ئوتتۇرا-باشلانغۇچ مەكتەپلەرنىڭ 2014-يىللىق ناھىيە كۆلەملىك پۇتبول ھەل قىلغۇچ مۇسابىقىسى» ئۆتكۈزۈلدى، «ھەل قىلغۇچ مۇسابىقە» گە تاللانغان كوماندىلار 2014-يىلى 11-ئاينىڭ 25-كۈنى ناھىيىمىزنىڭ «بەش تارماق رايۇن مۇسابىقىسى» دە ئالدىنقى «1-دەرىجە» گە ئېرىشكەن كوماندىلاردىن تەشكىللەنگەن بولۇپ، ھەل قىلغۇچ مۇسابىقىنىڭ باشلىنىش مۇراسىمى- ناھىيىلىك 1-ئوتتۇرا مەكتەپتە ئېچىلدى، تولۇق ئوتتۇرا مەكتەپ پۇتبول ھەل قىلغۇچ مۇسابىقىسى-ناھىيىلىك 1-تولۇق ئوتتۇرا مەكتەپتە؛ تولۇقسىز ئوتتۇرا مەكتەپ پۇتبول ھەل قىلغۇچ مۇسابىقىسى-ناھىيىلىك 1- ئوتتۇرا مەكتەپتە؛ باشلانغۇچ مەكتەپ پۇتبول ھەل قىلغۇچ مۇسابىقىسى- ناھىيىلىك CECئۈمىد مەكتەپتە ئۆتكۈزۈلدى. بۇقېتىم ئۆتكۈزۈلگەن «ھەل قىلغۇچ مۇسابىقە پائالىيىتى» گە ناھىيە بويىچە تولۇق، تولۇقسىز ۋە باشلانغۇچ مەكتەپلەر ئايرىمىسى بويىچە جەمئىي 13 كوماندا قاتناشتى.
« قاتتىق تەلەپ، كەسكىن رىقابەت، ئادىل باھالاش» پىرىنسىپى ئارقىسىدا، ناھىيىلىك 1-تولۇق ئوتتۇرا مەكتەپ بۇ قېتىم ئۆتكۈزۈلگەن «كېرىيە ناھىيىسىدىكى ئوتتۇرا-باشلانغۇچ مەكتەپلەرنىڭ 2014-يىللىق ناھىيە كۆلەملىك پۇتبول ھەل قىلغۇچ مۇسابىقىسى» دە «تولۇق ئوتتۇرا مەكتەپلەر گۇرۇپپىسى» بويىچە؛ كۆكيار يېزىلىق ئوتتۇرا مەكتەپ بۇ قېتىم ئۆتكۈزۈلگەن «كېرىيە ناھىيىسىدىكى ئوتتۇرا-باشلانغۇچ مەكتەپلەرنىڭ 2014-يىللىق ناھىيە كۆلەملىك پۇتبول ھەل قىلغۇچ مۇسابىقىسى» دە «تولۇقسىز ئوتتۇرا مەكتەپلەر گۇرۇپپىسى» بويىچە؛ ناھىيىلىك 2-باشلانغۇچ مەكتەپ بۇ قېتىم ئۆتكۈزۈلگەن «كېرىيە ناھىيىسىدىكى ئوتتۇرا-باشلانغۇچ مەكتەپلەرنىڭ 2014-يىللىق ناھىيە كۆلەملىك پۇتبول ھەل قىلغۇچ مۇسابىقىسى» دە «باشلانغۇچ مەكتەپلەر گۇرۇپپىسى» بويىچە «1-دەرىجە»گە؛ مۇغاللا بازارلىق ئوتتۇرا مەكتەپ، ئارىش يېزىلىق باشلانغۇچ مەكتەپ «2-دەرىجە»گە؛ شەنبە بازار بازارلىق باشلانغۇچ مەكتەپ ۋە ئويتوغراق يېزىلىق ئوتتۇرا مەكتەپ  «3-دەرىجە»گە ئېرىشتى.