مەجبۇردۇرمەن

پەريات

مەجبۇردۇرمەن
‹1›
سەن بولمىغىن ئاۋارە ئادىللىقنى ياقىلاپ،
مەندەك ‹‹ئېسىل››باشلىقنىڭ ئارقىسىدىن غودىراپ.
قوللۇغۇچۇم بار مېنىڭ ئوزۇن قولاق پېتىردەك،
كۈچەپ كەتمە بەرىبىر،يېتىپ قالىسەن ھالسىراپ.
‹2›
ھوقۇق دېگەن شەمشەر ئۇ،بىلىۋالغىن ئەي نادان،
بىلەكلىكتۇر بىسلىرى يالتىرايدۇ ھەر قاچان.
شۇڭا ماڭا كۆنمىسەڭ،مەن دىگەنگە ئۇنىمىساڭ،
كېسىۋىرىمەن ئوڭ تەتۈر ھالىڭ بولۇر بەك يامان.
‹3›
ئۇنىڭسىزمۇ بار مېنىڭ ھىماتچامدىن تۆت بەشى،
مېنى شەكسىز قوللىغاچ ‹‹قايناپ››چىققان دۈمبىسى.
‹‹قارا››دىسەم ئەگەر مەن يېڭى ساققان سۈتنىمۇ،
ئىككىلەنمەي ‹‹راست!››دەيدۇ كۆنۈپ كەتكەچ ھەممىسى.
‹4›
بىكار ئەمەس قوللىشى،چالسام‹‹ساز››نى توۋلىشى،
‹‹كىسىپ››بەرگەچ مەن دائىم ئاچ ئەمەستۇر قورسىقى.
مۇشۇ ئىشتىن ئاياندۇر ھەممە ئىشنى بىلىۋال ،
مۇناسىپتۇر ئۇلارغا ئىلغارلىقنىڭ قالپىقى.
‹5›
ھەددىڭ ئەمەس ھەرگىزمۇ بۇيرىغاننى قىلماسقا ،
مەن دىگەننى قىلماستىن بويۇن تولغاپ قېيداشقا.
ئەقلىڭ بولسا كەل تېز بول كەلسە –كەلمەس تىللىماي،
ئاۋاز قوشۇپ ئۇلارغا ‹‹نادان››لارنى باپلاشقا.
‹6›
ئەقلىڭ يوقكەن ئەسلىدە بۇ ئىشلارنى بىلمىدىڭ،
يېتەلمەستىن تېگىگە توختىماستىن تىللىدىڭ.
‹‹پاڭقۇش،دىۋەڭ،دۆت››لەرنى ئويغۇتۇپ سەن ئۈزىچە،
قارشى تۇرۇپ بىزلەرگە ئادىللىققا چىللىدىڭ.

‹7›
‹‹باۋگۇڭ››مىدىڭ سەن زادى ياكى رەئىس شىجىنپىڭ؟!
بىلىپ يۈرمەي ئۆزۈڭنى ناھەق قىلساق تىللىدىڭ.
توختات ئەمدى تىلىڭنى،قورساق كۆپتى بولدى بەس!!!
راستنى دىمەي بولمىدى يۈز خاتىرە قىلمىدىڭ.
‹8›
باقى ئەمەس ھوقۇقۇم كېتەر ئاخىر مەندىنمۇ،
يېزىم بولۇر جۇت-سوغۇق ئۆتۈپ كېتەر قىشتىنمۇ.
بولىدىكەن ئادەملەر كەينى تىكەن ئالدى گۈل،
مەھرۇم قالساڭ ھوقۇقتىن ئىشىپ كېتەر ئىتتىنمۇ.
‹9›
تونۇپ يەتكەچ بۇلارنى خىزمەت قىلدىم ئەشۇنداق،
ئىلغارقىلىپ سايلىدىم تۇرسا كىملەر يېقىنراق.
ئەملىيەت بۇ كۆردۈڭغۇ بەزىلەر بار ھەممە يىل،
ئەمما سەندەك ‹‹ناچار››لار باھالاشتىن بەك يېراق.
‹10›
پەرۋايىم يوق سەن بىلەن قاينىساڭمۇ بوغۇلۇپ،
مەن يۈرۈيمەن مۇشۇنداق ‹‹ۋاي!››دىگەننى ئۇچۇرۇپ.
‹‹قىلاي دىسەڭ قىلىسەن،مەنمۇ تەييار ھەممىگە....››
ــــ دىسە قانداق يۈرۈيمەن قۇلۇغۇمنى يۇپۇرۇپ.
‹11›
ئايان ماڭا ھەممىسى مەنپەت دىسە جان دەيدۇ،
ھەتتا تاپقان دادىسىنى تۇنۇمايدۇ،قارىلايدۇ.
دىسەم، مەنمۇ تۇيۇغلۇق قۇرۇق قالسا مەنپەتتىن،
نومۇس قىلماي ئەۋرەتنى يۈزىگىلا چاپلايدۇ.
‹12›
شۇڭا مەندە ئامال يوق ‹‹ھاجەت›› راۋا قىلماسقا،
قولدا ھوقۇق تۇرۇپمۇ ‹‹يېقىن››لارنى ياتلاشقا.
‹‹ئىڭىش››دىسەم ئېگىلىپ تۇرسا ياندا تۆت پۇتلاپ،
مەجبۇردۇرمەن ئۇلارنى ئىلغار قىلىپ سايلاشقا.

يازغۇچى :يېڭىشەھەرناھىيە ھاراپ يېزا زەمبىلتاياق مەكتەپتىن             ئابدىرېھىم ئەھەت

pari

ياخشى يېزىپسىز ، داۋاملىق يېزىپ تۇرۇڭ . رەھمەت .

ئايرال

ياخشى يېزىپسىز ، يېڭى تىمىللىرىڭىز ئۈزۈلمىسۇن…

زەپەر

پەريات ئەپەندىم ياخشىمۇ سىز بۇ ئۈزىڭىزنىڭ ئىجادىيتىمۇ قانداق ؟ ياخشى يېزىلغان شىئېركەن بۇ رەخمەت سىزگە ئىسىل يازمىللىرىڭىز ئۈزۈلمىگەي

wenas

ۋاھ، ھەقىقەتەن ياخشى سۈرەتلەپسىز، ھازىرقى ھەق-ناھەقنى ئوڭ- تەتۇر قىلىۋاتقان باشىقلىرىمىزنى.

sazgum

نىمە دېگەن پەيزى يىزىلغان ئىلھامىڭىز مەڭگۈ چىچەكلەپ،مىۋە بەرگەي.

Qol~Ogli

ياخشى يېزىلغان شېئىركەن .....