| ئاخشام چۈشۈمدە
غەزەپلەنگەن ئايال ئېرىدىن سورىدى :
-راستىڭىزنى ئېيتىڭ ، سىز ئاخشام جۆيلۈپ ئىسىمىنى چاقىرغان قىز كىمۇ ؟
-سىزنى ماشىنا سوقىۋەتكەندە داۋالىغان قىز .
- يالغان ، مېنى قاچان ماشىنا سوقىۋەتكەن ؟
- ئاخشام چۈشۈمدە.
بەرىبىر ئوخشاش
سوتچى ئوغۇرلۇق قىلىپ تۇتۇلۇپ قالغان بىر كىچىك بالىغا « ئۆزەڭ دىگىنە ، سىنى تۈرمىگە سولايلىمۇ ياكى داداڭغا تاپشۇرۇپ بېرەيلىمۇ » دەپ سوراپتۇ . ئۇ بالا پەرۋاسىزلارچە « ئىختىيارىڭىز ، بەرىبىر ئوخشاشلا» دەپ جاۋاب بېرىپتۇ ، سوتچى ھەيران بولۇپ ، « بۇ نىمە دىگىنىڭ » دەپ سورىسا ، ئۇ بالا :« داداممۇ تۈرمىدە» دىگۈدەك .
ھوشىدىن كېتىش
بىر ھامىلدار ئايال يەڭگىشكە ئاز قاپتۇ . تۇغۇت دوختۇرى ئۇنى كارۋاتتا ياتقۇزۇپ چوڭقۇر نەپەس ئېلىشقا بۇيرۇپتۇ ۋە ئاۋازىنى يوقىرى كۆتۈرۈپ ئۇنىڭغا مەدەت بېرىشكە باشلاپتۇ :
- بىر ... ئىككى .....ئۈچ .......
تۇغۇت بۆلۈمىنىڭ سىرتىدا تۇرغان بولغۇسى ئاتا دوختۇرنىڭ سانىقىنى ئاڭلاپ :
- ۋاي خۇدايىم ، بۇنچە جىق بالىنى قانداق بېقىپ بولارمەن ... دەپ ھوشىدىن كېتىپتۇ .
خاتالىق
مەمەتجان باشلانغۇچ مەكتەپتە ئوقۇتقۇچىلىق قىلاتتى ، ئۇ جىددىيلىشىپ كەتسە بەزىدە كېكەچلەپ قالاتتى . بىر كۈنى ئۇ ئىمتىھانغا كومىسسىيىلىك قىلىۋاتقاندا بىر ئوقۇغۇچىنىڭ كۆچۈرۋاتقانلىقىنى بايقاپ دەرھال ۋاقىرىدى :
- سەن ... سەن ... سەن ... كۆچۈرۈشكە پېتىنىۋاتامسەن، تۇرە ئورنۇڭدىن !
ئۇنىڭ گېپى ئاخىرلىشى بىلەن تەڭ ئارقا – ئارقىدىن بەش ئوقۇغۇچى ئورنىدىن تۇرۇپ كەتتى .
دىلو مەلۇم قىلىش
بىر كۈنى فەستىر ھاسىراپ ھۈمۈدىگىنىچە ساقچىخانىغا كىلىپ ، دىلو مەلۇم قىپتۇ :
- چاتاق بولدى ، دادامنى قوشنىمىز ئۇرۇپ ئۆلتۈرۈپ قويىدىغان بولدى ، تىز بېرىپ قۇتقۇزۋېلىڭلار!
- ئۇلار قاچان ئۇرۇشۇپ قالغان ؟
- ئىككى سائەتنىڭ ئالدىدا .
- نىمىشقا شۇ چاغدا كەلمىدىڭىز ؟
- دەسلەپتە دادام يامان چىققان ئىدى .
رۇخسەت سوراش
ئوقۇتقۇچى دائىم بىر باھانە تېپىپ رۇخسەت سورايدىغان پۇسۇدىن سوراپتۇ :
پۇسۇ سەن دەپ باققىنە ، ئادەم ئۆلسە قايتا تىرىلەمدۇ ؟
-تىرىلىدۇ ، مومام شۇنداق دىگەن .
-توغرا ، ئالدىنقى كۈنى سەن مومامنىڭ نامىزىغا قاتنىشىمەن دەپ رۇخسەت سوراپ كەتكەندىن كېيىن موماڭ سىنى ئىزدەپ كەلدى .
ئات ئەمەس
بىر كۈنى ئەلىف خانىشنىڭ ئۆيىگە مىھماندارچىلىققا بېرىپ ، گىلەمنىڭ ئۈستىدە ياستۇقنى ئات قىلىپ ئويناۋاتقان بالىدىن مەسلىكى كېلىپ سوراپتۇ :
- سەن بەك باتۇر بالىكەنسەن ، مىنىۋالغىنىڭ قانداق ئات ؟
- بالا ئەلىفكە بىر دەم قاراپ تۇرىۋەتكەندىن كېيىن دەپتۇ :
- چوپچوڭ ئادەم تۇرۇپ مۇشىنىمۇ بىلمەمسىز ؟ بۇ دىگەن ئات ئەمەس ياستۇق !!!
تاماق ئېتىش
بىر كۈنى پاك كاماندۇرۇپكىدىن قايتىپ كەلگەن يولدىشىنى قارشى ئېلىش ئۈچۈن تاماق ئەتمەكچى بولۇپ سوراپتۇ :
-چۆچۈرە ئېتەيمۇ ياكى مومىمۇ ؟
-چۆچۈرە ئەت .
- ماقۇل .
شۇنىڭ بىلەن پاك چۆچۈرە ئېتىشكە تۇتۇش قىپتۇ. چۆچۈرنى تۈگۈپ بولۇپ تۇزىنى تېتىسا تۇزسىز بوپ قاپتۇ ، ئۇ سۇ ۋە تۇزنى تەڭشەپ چۆچۈرىگە ئۇكۇل قىلىپ ئۇرغىلى تۇرۇپتۇ ، بىر چاغدا يولدىشى ئاشخانا ئۆيگە كىرىپ ، ئۇنىڭ چۆچۈرىگە ئۇكۇل ئۇرىۋاتقانلىقىنى كۆرۈپ مۇنداق دەپتۇ :
-سەن تاماق ئېتىۋاتامسەن ياكى دوختۇرلۇق قىلىۋاتامسەن ؟ ھېلىمۇ چۆچۈرە ئەت دەپتىمەن ، موما ئەت دىگەن بولسام ئاسما ئاساركەنسەن !!!
كەينىچە مېڭىش
ئوقۇغۇچى دەرسكە كېچىكىپ قاپتۇ ، مۇئەللىم سەۋەبىنى سوراپتۇ :
- بۈگۈن يول بەك تېيىلغان بولۇپ كېتىپتۇ . ئالدىمغا بىر قەدەم ئالسام كەينىمگە ئىككى قەدەم چېكىنىپ كەتتىم .
- ئەگەر دېگىنىڭدەك بولسا ، مەكتەپتىن يىراقلاپ كەتكەن بولمامسەن ؟
- كېيىن ئامال تاپتىم ، مەكتەپكە كەينىمچە مېڭىپ كەلدىم .
پەقەت بىرلا
مېھمان قورۇمىدىكى بىر تال چىۋىننى كۆرۈپ قېلىپ ، كۆڭلى ئېلىشىپ ئاشپەزنى چاقىرىپتۇ . ئاشپەز ناھايىتى خىجىل بولغان ھالدا :
-مېھمان ، بىر تاللا چىۋىن ئىكەنغۇ ، ئەنسىرەشنىڭ ھاجىتى يوق ، ئۇ تەخسىدىكى قورۇمىدىن سىزدىن بالدۇر يەپ بولامايدۇ .
مايمۇن
بىر كۈنى باغداتتىكى بىر ئاق سۆڭەك بىرسىدىن سوراپتۇ :
- قانداق قىلسام مايمۇننى كۆرەلەيمەن ؟
- ئەينەككە قارىسىڭىزلا
مەست
ئىككى مەست رىلىس ئۈستىدە كېتىپ بېرىپ قاخشاپتۇ :
-نىمانداق تۈگىمىگەن پەلەمپەي بۇ ؟؟
-شۇنى دەيمەن ، تۇتقۇچى تېخى يەردىكەن .
ئۇخلاپ قالدى
ئوغلى ئۇخلىغىلى ئۇنىماپتۇ . دادىسى ئۇنىڭغا ھېكايە ئېتىپ بېرىپ ئۇخلاتماقچى بوپتۇ . بىر سائەت ئۆتۈپتۇ ، دادىسى ئوغلىنىڭ ھۇجۇرىسىدىن چىقماپتۇ . بىر چاغدا ئاپىسى ئىشىكنى ئاستا ئېچىپ :
- ئۇ ئۇخلىدىمۇ ؟ - دەپ سوراپتۇ .
- ئۇخلاپ قالدى ، - دەپ جاۋاب بېرىپتۇ ئوغلىمۇ پەس ئاۋازدا
لوگىكىلىق خۇلاسە
پىرافېسسورنىڭ قىزىنى مەكتەپتىكى ئوغۇل ئوقۇغۇچىلار ئىنتايىن ياخشى كۆرىدىكەن . بىر كۈنى پىرافېسور لوگىكا دەرىىسىدە :« كىتاپ ئۈستەلنىڭ ئۈستىدە ، ئۈستەل يەرنىڭ ئۈستىدە ، شۇڭا كىتاپ يەرنىڭ ئۈستىدە » دەپ سۆزلەۋېتىپ مۇشۇنىڭغا ئوخشاش مىسال كۆرسىتىشنى بۇيرۇپتۇ . ئوقۇغۇچىسى جاۋاب بېرىپ « مەن سىزنى ياخشى كۆرىمەن ، سىز قىزىڭىزنى ياخشى كۆرۈسىز ، شۇڭا مەن سىزنىڭ قىزىڭىزنى ياخشى كۆرىمەن» دەپ جاۋاب بېرىپتۇ .
ئوقۇتقۇچىغا ئوخشايمەن
ئوقۇتقۇچى : دەرس باشلانغاندىن تارتىپ توختىماي سۆزلەپ چىقتىڭ ، قېنى دەپ باقە سەن زادى ئوقۇغۇچىغا ئوخشامسەن ؟
ئوقۇغۇچى : ئوخشىمايدىكەنمەن .
ئوقۇتقۇچى : ئۇنداقتا كىمگە ئوخشايدىكەنسەن ؟
ئوقۇغۇچى : ئوقۇتقۇچىغا .
نېمىنى ئويلىدىڭ
قاتتىق سوغۇق بولغان بىر كۈنى ، بىر ئوغرى چاپان ئوغۇرلاپ تۇتۇلۇپ قاپتۇ .
سوتچى : بۇ چاپاننى ئوغۇرلىغان چاغدا سەن نېمىنى ئويلىدىڭ ؟
ئوغرى : ئەگەر تۇتۇلۇپ قالمىساق ئىسسىق پاختىلىق چاپانغا ئېرىشىدىغىنىمنى ، تۇتۇلۇپ قالسام ئىسسىق تۇرار جايغا ئىگە بولىدىغىنىمنى ئويلىدىم .
|
|
[ئۇلانما كۆچۈرۈش]
شۆھرەت
تۆھپە
تىللا
قىزغىنلىق
ۋاقتى: 2014-6-2 20:29:45
ۋاقتى: 2014-6-3 00:09:12
رەخمەت .
