AK-47 ئاپتوماتىنى لايىھىلىگەن رۇسىيىلىك دوختۇرخانىغا كىرىپ قالدى

akpar12307

555555555.jpg  

مىخايىل . كاناشىنوف
       جۇڭگو ئاخبارات تورى 11-ئاينىڭ 18-كۈنى تېلېگراممىسى، تاشقى ئاخبارات ۋاسىتىلىرىنىڭ دوكلاتىغا ئاساسلانغاندا، رۇسىيە داۋالاش ئورگىنىنىڭ 18-چېسلا دېيىشىچە، رۇسىيە مېخانىكا ئىنژېنېرى، «تاپانچا ياساش پادىشاھى» دەپ تەرىپلەنگەن مىخايىل . كاناشىنوف كېسەللىك سەۋەبىدىن دوختۇرخانىغا كىرىپ قالغان ۋە جىددىي داۋالاشنى قوبۇل قىلغان.
     دوكلاتقا ئاساسلانغاندا، رۇسىيە ئۇدمۇرت جۇمھۇرىيىتى سەھىيە مىنىستىرلىقىنىڭ شۇ كۈنى بايانات ئېلان قىلىپ دېيىشىچە، بۇ يىل 94 ياشقا كىرگەن مىخايىل . كاناشىنوف شۇ يەر ۋاقتى 17-چېسلا دوختۇرخانىغا كىرىپ، جىددىي داۋالاشنى قوبۇل قىلغان، ئەمما باياناتلاردا ئېنىقلىنىشىچە، مىخايىل . كاناشىنوفنىڭ كېسەللىك ئەھۋالىغا مۇناسىۋەتلىك ئىشلار مەلۇم قىلىنمىغان.
      مىخايىل . كاناشىنوف بولسا داڭلىق بولغان يېرىم ئاپتوماتىك ئاپتوماتAK-47 نىڭ لايىھىلىگۈچىسى بولۇپ، ئۇ بۇ يىل 5-ئايدا يۈرەك كېسەللىكى دەپ دىئاگنوز قويۇلۇپ ئىككى ھەپتە ئەتراپىدا داۋالانغان، ئارقىدىن موسكۋاغا بېرىپ يەنە بىر قېتىم داۋالانغان.
       مىخايىل . كاناشىنوف 2-دۇنيا ئۇرۇشى مەزگىلىدە ئاپتومات لايىھىلەشكە كىرىشىپ كەتكەن. 1947-يىلى، ئۇAK-47 نى لايىھىلەپ چىققان، گەرچە يېرىم ئەسىردىن كۆپرەك ۋاقىت ئۆتكەن بولسىمۇ، بىر قىسىم دۆلەت ۋە رايونلار نۆۋەتتە بۇ ئاپتوماتنى داۋاملىق ئىشلەتكەن. ئەمما، سوۋېت ئىتتىپاقى پارچىلىنىپ كەتكەندىن كېيىن ئۇنىڭغا بولغان تەلەپ ئازلاپ كەتكەن، بۇ ئاپتوماتنى ئىشلەپچىقىرىلغان رۇسىيىنىڭ كونا ماركىلىق ھەربىي قورال ياراق ياساش شىركىتى يىزماشىف زاۋۇتى زاۋاللىققا قاراپ يۈز تۇتقان. خۇلاسىلەپ ئېيتقاندا، رۇسىيە مېخانىكا ئىنژېنېرى، «تاپانچا ياساش پادىشاھى» دەپ تەرىپلەنگەن مىخايىل . كاناشىنوف كېسەللىك سەۋەبىدىن دوختۇرخانىغا كىرىپ قالغان ۋە جىددىي داۋالاشنى قوبۇل قىلغان.

مەنبە :http://www.nur.cn/news/2013/11/144139.shtml