چۈش

خۇمارى

چۈش



لەھەت كەبى قاراڭغۇ كىچە،
ھەممە شىرىن ئۇيقۇغا پاتقان.
بىراق مەنلا ئۇيقۇدىن بىدار ،
خىياللىرىم ھەر يانغا چاپقان.


بىلەلمىدىم قاچانلاردىدۇ،
كىتىپتىمەن تاتلىق ئۇيقۇغا.
كۈرۈپتىمەن چۈشۈمدە يارنى،
چۈمۈپتىمەن شىرىن تۇيغۇغا.


كىرىپتىمەن نىگارىم بىلەن ،
گۈل- چىچەككە ئۇرالغان باغقا.
ئويناپتىمەن شۇنچە خۇش كەيىپ،
كىيىك كەبى سەكرەپ ھەر ياققا.


ئۇ سۆزلەيتتى قۇلۇمنى تۇتۇپ،
- سۈيىمەن سېنى ئەبىدىل-ئەبەت.
مەنمۇ دىدىم ۋىللىدە كۈلۈپ،
- سۈيىمەن دۇنيادا سىنىلا پەقەت.


تۇساتتىنلا قاپقارا تۇمان،
قاپلىۋالدى بىردىن ھەممىنى.
قۇلۇم ئاجراپ كەتتى ئۇنىڭدىن،
بىلەلمىدىم بۇندىن باشقىنى.


چۈچۈپ قۇپۇپ ئەتراپقا باقسام،
ھەممە شىرىن ئۇيقۇدا ياتقان.
چۈشۈم ئىكەن دىدىم ۋە يەنە،
چۈشلا بولغىن بىزلەرنى باسقان.!

  

بەختىيار(بايقاش

بارىكاللا،ناھايىتى ياخشى يېزىپسىز،ئويناق شېئىرى تىلىڭىرىڭىز ئارقىلىق چىن ھېسياتىنى ھەقىقىي ئىپادىلەپ بېرىپسىز.
بۇنىڭىدىن كېينىكى ئىجادىيەتلىرىڭىزگە زور ئۇتۇقلارنى تىلەيمەن،رەھمەت سىزگە!

زەپەر

خۇمارى قىز ياخشىمۇ سىز بۇ شىئېر ناھايتى ياخشى يېزىلىپتۇ . مەن ئۈزى يېزىپتۇ دىگەندەك قاراشلارغا كەلدىم . بۇ شىئېرىڭىزد قاپقاراڭغۇ كىچىدە شىرىن مۇھاببەتنى ئەسلەپ  مۇھاببەتتىن ئىبارەت بۇ سىناقتا مۇھاببەت دېڭىزىغا چۈمۈپ تۇرمۇشنىڭ خۇشال -خۇرام ئۈتۈپ مۇھاببەتنىڭ پاك بولغان پەيزىسىنى شىرىن خىياللار ئارقىلىق مۇھاببەتكە بولغان چىن ئىخلاس  ۋە ئەقىدە ئىنىق گەۋدىلىنىپتۇ . ياشىسۇن پاك مۇھابىتىڭلار   . رەخمەت سىزگە

گۈلزار

بۇ شېئىرىڭىزنى تېخىمۇ ياخشى يېزىپسىز گۈلۈم . سىزنىڭ ھەر بىر ئەسىرىڭىزدە گۈزەل ھاياتقا بولغان ئىنتىلىش  ئەكىس ئېتىپ تۇرىدىكەن . ئاشۇ گۈزەل تۇرمۇش سىزگە مەڭگۈ يار بولسۇن . رەھمەت سىزگە

دىلرۇس

مۇھەببەتنىڭ لەززىتىنى، مۇھەببەت چاھار بېغىنى ئاپىردە قىلغانلار تېخىمۇ ئوبدان چۈشەنسە كېرەك. ئاشىقلىق ساڭا بەخشەندى بولدىمۇ، سەن ئوڭۇڭدىمۇ، چۈشىڭدىمۇ شۇ ئىشق پىچىدا پاراسلاپ كويىسەن. ئىلاھىم، شۇ كويۈشلىرىڭ بەدىلىگە پاك، ساپ مۇھەببەت ساڭا نېسىپ بولغاي!
ئىشتەيلىك مەزمۇن، يەڭگىلى تىل، ئويناق ئاھاڭدارلىق ۋە تولىمۇ ئۇز شېئرىي ئوبراز ئۆزئارا يۇغۇرۇلغان مەزكۇر شېئرىڭىز ماڭا بەكمۇ لەززەت ئادا قىلدى، رەھمەت سىزگە. بۇنىڭدىن كېيىنكى ئىجادىيەتلىرىڭىزگە ئۇتۇق يار بولسۇن.