(M) كەتتى ئۇ دۇنيادىن كەلمەيدۇ ھەرگىز

خۇمارى

كەتتى ئۇ دۇنيادىن كەلمەيدۇ ھەرگىز

(مۇكاپاتلىق ئەسەر يوللاش پائالىيەتكە قاتناشتۇرۇلغان ئەسەر)

تۇغۇلۇش ۋە ئۈلۈش ئىنسانغا پەرھىز،
بۇنۇڭغا يوقتۇر يول قايغۇرما ھەرگىز.
ئانا دەپ دادا دەپ زارلانساقمۇ بىز،
كەتتى ئۇ دۇنيادىن كەلمەيدۇ ھەرگىز.

تام سوقۇپ قوللىرى قاپارغان ئۇنىڭ،
ساپاندا بەللىرى مۈكچەيگەن ئۇنىڭ.
بالام دەپ چاچلىرى ئاقارغان ئۇنىڭ،
كەتتى ئۇ دۇنيادىن كەلمەيدۇ ھەرگىز.

يىغلىدۇق، قاقشىدۇق، دادا زارقىپ،
ئايرىلىپ سىنىڭدىن  قانداق ياشارمىز.
كەتتىڭ كىرىپ مۇزدەك يەرگە يېلىڭلا،
يوققۇ ئاستىڭدا يىرتىق بىر كىگىز.

قاپارغان قوللۇرۇڭ ئارام تاپقاندا،
باللىرىڭ چوڭ بولۇپ قانات قاققاندا.
قايغۇسىز تۇرمۇشقا قەدەم باسقاندا،
راھەتنى كۈرەلمەي كەتتىڭ ئارماندا.

ھاياتتا باسمىغان يوللۇرۇڭ قالدى.
ئۇچاڭغا ساپمىغان تونلۇرۇڭ قالدى.
قەلبىڭدە نى ئارزۇ-ئارمىنىڭ قالدى.
سەن كەتتىڭ يىتىم بوپ باللىرىڭ قالدى.

دادا  دەپ  يىغلىسام  ئاقىدۇ  ياشلار،
سەن كەتتىڭ، تۇرمۇشتىن قاتتى بۇ باشلار.
دادىنى قەدىرلەپ ئاسراڭلار ياشلار،
ئاخىرى ئاقمىسۇن نادامەت ياشلار.

بەختىيار(بايقاش

بۇ شېئىرىڭىز ئارقىلىق كونىلارنىڭ ‹‹ئۆلگەندىن كېيىن ياسىن ئوقۇما››دېگەن سۆزىنىڭ ئىلىمى ھېكمىتىنى يەنىمۇ رۇشەن يورۇتۇپ،پەرزەنىت بولغۇچىلارغا ئاتا-ئانىلارنى ھايات ۋاقتىدا قەدىرلەشنىڭ زۆرۈلۈكىنى تەكىتىلەپ بېرىپسىز...
رەھمەت سىزگە!

دىلكەش

بەك ياخشى شىئىركەن ،مەنبەسىنى ئەسكەرتىپ قويغان بولسىڭىز .

زەپەر

ياخشىكەن سىز دىگەن ئىشەنچىلىك ئەزا شۇڭا بۇندىن كىيىن مەنبەسىنى ئەسكەرتىپ قۇيۇڭ . ئاندىن ئىنكاسنى تەپسىلى يازىمەن ھە  خاپا بولماڭ

زەپەر

چۈشەندىم  رەخمەت سىزگە

تەلۋە

مائارپ مۇنبىرىدىكىلەر ئىملاغا بەكرەك دىققەت قىلايلى.

دىلرۇس

ئاتىنىڭ تەرىپىنى، ئۇ قازا قىلغاندىن كېيىن مىڭ يەردىن تۈكۈلۈپ قىلغاندىن كۆرە ھايات ۋاقىتىدا، خىزمىتىنى قىلىش ئەۋزەل. بۇ شېئردا تەشەببۇس قىلىنغان بۇ ئىدىيە بىزگە ئۈنۈملۈك سېگنال بولالايدۇ. خۇمارىنىڭ چىن ھېسياتى ۋە ئويغاق تەپەككۈرى بەدىلىگە روياپقا چىققان بۇ شېئر رەھمەتلىك دادامنى ئەسلەتتى. ۋادەرىخا، ئۇ ھايات ۋاقتىدا دەقىقە بولسىمۇ قولىنى بوش قىلالىغان بولسام- ھە؟!...
ئىجادىيىتىڭىزگە ئۇتۇقلار يار بولسۇن!