دەرتمەنلەر

خۇمارى

دەرتمەنلەر

    سېخى قۇياشنىڭ ئىللىق تەبەسسۇمى بىلەن يېڭى بىر كۇننى كۇتۇۋالدىم .گەرچە بۇ قېتىمقى ئۇقۇش مىنىڭ ئارزۇيۇم بولسمۇ بىراق تا ھازىرغىچەيۇرتۇم ،ئائىلەمدىن ئايرىلىپ باقمىغاچقا ئايرىلىش ئازابى مىنى ئازاپلىماقتا ئىدى.مەكتەپ تۇرمۇشى ماڭا ئاجايىپ ئۆزگىچە تۇيۇلدى.بىردەمدىلا شىنجاڭنىڭ ھەر قايسى يەرلىرىدىن كەلگەن دوسلار بىلەن تۇنۇشتۇم.بۇنىڭ ئىچىدە مىنىڭ ياتاقداشلىرىممۇ بارئىدى.تېخى يۈزەكى تۇنۇشقان ئۈچ ئايال بىرلىكتە ياتاققا كىرىپ كەلدۇق.ياتاق شۇنداق ئازادە ئىدى.بىز نەرسە كىرەكلىرىمىزنى يىغىشتۇرۇپ جايلىشىۋالغاندىن كىيىن ئۆز-ئارا سىردىششنى باشلىۋەتتۇق.يۇرتىمىز ئائىلىمىزدىكىلەرنىڭ قىسقىچە ئەھۋالىنى تۇنۇشتۇرۇپ بىردەمدىلا چىقىشىپ كەتكەن ئىدۇق.
   ئاياللار يىغىلغان يەردە ئاساسلىق ئۇچ گەپنىڭ بولدىغىنى ماڭا ئايان ئىدى.يەنى تۇرمۇشى،قېيىن ئانا كىلىن مۇناسىۋىتى،مودا كىيىم ،زىبۇ -زىننەتلەرنىڭ پارىڭى..بۇ ئاياللار ئىچىدىكى ئورتاق تىما ئىدى.بىزمۇ مۇشۇ ئورتاقلىق ئىچىدە تۇرمۇش ئەھۋالىمىزدىن گەپ باشلىدۇق.ئېنىقىنى ئېيتقاندا نىكاھ،ئائىلە توغرىسىدىكى ئىشلاردىن دوكىلاد بىرىش يىغىنى رەسمى باشلانغان ئىدى.مەن ئۈزۈمنىڭ 15يىللىق نىكاھىمدىكى بۇران-چاپقۇنلارنى ئەسلەپ،ھاراقنىڭ زىيىنى،ئۇزۇمنىڭ بەخىتسىزلىگى ھەقىقىدە قانغۇچە قاقشىدىم.ھەمدە بۇنى تۇرمۇش مىساللىرى بىلەن پەردازلاپ كۆرسەتتىم.
مەن خۇددى ئغىر بىر يۇكتىن قۇتۇلغاندەك ئېغىر ئوھ تارتتىم.ئەمدى نۆۋەت يېنىمدىكى قىزغا كەلگەن ئىدى. قاراشقىلا ئۇ مەندىن خېلىلا كىچىك بولۇپ  شۇنچىلىك سەبى غۇبارسىز كۇرۇنەتتى.ئۇنىڭ يولدىشى ۋە ئۇنىڭ ئائىلىسىدىكىلەرنى ،ئاتا-ئانىللىرىنى تەسۋىرلەشلىرىدىن ئىككى ئائىلىدىكى رولى ۋە ئورنى ئېنىق گەۋدىلىنىپ تۇراتتى.چۇنكى ئۇ ئۆز ئائىلىسىدە بىرلا پەرزەنىت.يولدىشىنىڭ ئائىلىسىدە بولسا ئارزۇلۇق بىرلا ئوغۇلنىڭ ھۆرمەتلىك ئايالى ئىدى.ھەر بىر سۆز -جۈملىلىرىدىن بەخىت سىماسى كۇرۇنۇپ تۇراتتى.ئۇنىڭ سۆزلىرىگە مەستخۇش بولۇپ ئۈزۇمنى يۇقاتقاندەك بولۇپ قالدىم.
  ئىنتىزارلىق ئىچىدە ئۇنۇڭغا تەلمۇرۇپ قارىدىم.لقكىن ئۇنىڭ بەخت ئاسمىنىدا تۇيۇقسىز قارا بۇلۇتنىڭ سىماسى كۆرۇندى.
قىزىقىپ سورىدىم ئۇنۇڭدىن :
-نىمە بولدى ،گىپىڭىزنى توختىتىۋالدىڭىزغۇ؟
ئۇ بىر ھازاغىچە گەپ قىلماي تۇرۇپ كەتتى.ئارقىدىن شۇنداق ئىزگۈ ئاھاڭدا:‹‹ئاللاھ بىزدىن ئائىلىنىڭ خۇشاللىقى بولغان پەرزەتنى ئاياۋاتقاندەك قىلىدۇ،توي قىلغىلى تۆت يىل بولغان بولسىمۇ تېخىچە پەرزەتلىك بولالمىدۇق ››دېدى.ئۇنىڭ نۇرلۇق كۆزلىرىدىن پەرزەنىتكە نەقەدەر تەشنا ئىكەنلىكىنىكۇرۇش تەس ئەمەس ئىدى.كىچىكىدىن يالغۇز ئۆسكەن بىر قىزغا نىبەتەن بۇنداق ئارزۇ تېخىمۇ كۇچلۇك بولىدۇ- دە!
-ئۇزى ئاغزىدىن سۇت پۇرىقى كەتمىگەن با تۇرۇپ بالىنىڭ گىپىنى قىلىپ كەتكىنىنى قاراڭلار دەپ چاقچاق قىلدىم ئۇنۇڭغا.يەنە بىر ياتاقدىشىممۇ مىنىڭ گىپىمنى تەستىقلاپ ئۇنۇڭغا تەسەللى بەردى.
-ئىككىڭلار ماڭا قارىغاندا بەخىتلىك ئىكەنسىلەر دەپ گەپ باشلىدى،-ئۇ.
مەن ئۇنىڭ سۆزىگە ئەجەپلىنىپ قاراپ قالدىم .ھازىرغىچە ئۈزۇمنى دۇنيادا ئەڭ بەخىتسىز ئادەمدەك ھىس قىلاتتىم.بۇ ئايالنىڭ ھېلىقى ەىپىدىن ئۇنۇڭغا قىزىقىپ 40ياشلاردىن ئاشقان بۇئايالنىڭ ھايات كەچمىشلىرى بىلەن تۇنۇشۇشنى ،قانداق سەۋەپ ئۇنىڭ بايقى گىپىگە ئىسپست بولالايدىغانلىقىنى بىلىپ باقماقچى بولۇپ قالدىم.
    ئۇ گەپنى مۇھەببەتلىشىشتىن تارتىپ تاكى ھازىر غىچە تەرەققى قىلدۇرۇپ تەپسىلى سۆزلەشكە باشلىدى.ئۇنىڭ دىيىشىچە يولدىشى بىلەن ساۋاقداش بولۇپ مۇھەببەتلىشىپ توي قىلغان ئىكەن.تۇرمۇش ھاياتىدىكى ئالتەيىلى ئىنتايىن ئاسايىشلىق ئىچىدە ئۆتۇپتۇ.يولدىشى سانا ئەت ئىگىلىگىنىڭ مەسئۇلى بولغان ئاشلىق ئىدارىسىنىڭ باشلىقى ئىكەن.تۇرمۇشى ئىنتايىن پاراۋان بولۇپ ئۇيۇن تاماشا بىلەن پۇل -مالنى دوست تۇتماي تۇرمۇش ئۆتكۇزۇپتۇ.
يولدىشى ھايات مۇساپىسىنى مۇشۇنداقلا ئۆتكۇزۇشنى پىلانلاپ ،تۇرمۇش ھۇزۇرىنى سۈرۈپ،مەسئۇلىيەت ۋەمەجبۇرىيەتنى ئۇنتۇپ،كەيىپ ساپاغا بىرىلىپ يۈرگەن كۇنلەرنىڭ بىرىدە كۇپكۇك ئاسماندا ئەۇلدۇرماما گۇلدۇرلەپ چاقماق چاققاندەك ئىش ئورنىدىن قالدۇرۇلۇپتۇ.
   ئۇزىنى شۇنداق كاتتا ھىساپلاپ ئاسماندا ئۇچۇپ يۇرگەن ئەر،تۇيۇقسىز مەئىشەتلىك تۇرمۇشتى ئايرىلىپ قالغىنىغا تەن بەرگۇسى كەلمەيئاخىرقى تۇرمۇشى ئۇچۇن بىرىلگەن كۈتۈنۈش پۇلىنى دەسمايە قىلىپ سودھ قىلماقچى بوپتۇ.ئۇ ئۇزىگە شۇنچىلىك ئىشەنگەچكە ئايالىنىڭ نەسىھەتلىرىگە قۇلاق سالماي بارلىق پۇلنى ئاشخانا زىننەتلەش ۋە باشقا ئىشلارغا ئىشلىتىپتۇ.ھەممە ئىش ئادەمنىڭ كۆڭلىدىكىدەك بولىۋەرمەيدۇ ئەلۋەتتە  .بىر ئۇمۇرلۇك كۇتۇنۇش پۇلى بىر يىلغىمۇ بەرداشلىق بىرەلمەپتۇ.ئۇ ئۆزى چوڭ يەپ چوڭ ئىچىپ مۇھىتى ياخشى ئاشخانىلارغا كىرىشنى ئارزۇ قىلىپ مۇھىتقا يۇقۇرى تەلەپ قويغىنى بىلەن كەسپى خىزمەتلەردىن خەۋەرسىز بولغاچقا سودىدا زىيان تارتىپتۇ.بىراق بۇ تەۋەككۇلچىلىك ئۇنىڭ ئائىلىسىگە تەسۋىرلىگۇسىز ئازاپلارنى ئېلىپ كەپتۇ.ئۇلار غەرىپچە تۇرمۇشتىن خۇجايىنلىق تۇرمۇشقا كۈنۈپ بولغىچەتۇيۇقسسىزلا ھىچنىمىسى يوق يالاڭتۆشكە ئايلىنىپ قاپتۇ.قەرىز سۈيلەپ كىلدىغان كىشىلەر ئۇنىڭ ئىشىك ئالىدىدا كۆپۇيۇپ قاپتۇ.تۇرمۇش بېسىمى ئۇنى ھالسىزلاندۇرۇپتۇ ھەتتا نىكاھىدىن ۋاز كەچمەكچىمۇ پوپتۇ.بىراق ئۇنىڭ يولدىشىنى تاشلاپ قويغۇسى،بىچارە قىزىنى يىتىم قىلغۇسى كەلمەپتۇ.شۇ ڭا تۇرمۇشنى داۋاملاشتۇرۇش قارارىغا كەپتۇ.بىراق قانداق داۋاملاشتۇرۇش كىرەك؟يولدىشى تۇيۇقسىزلا ئىششىزغا ئايلاندى.ئۇنىڭ ئۇستىگە ئۆشنىسىگە نۇرغۇن قەرىز ئارتىلدى.بىچارە ئايال چىقىش يولى تاپالماي يۈرگەن كۇنلەردەئاتا-ئانىسى ۋە ئۇرۇق تۇققانلىرى ئۇنۇڭغا چەكسىز مىھرىبانلىق كۆرسىتىپ قىيىن كۇنلەردىن ئۇتىۋېلىشا ياردەم بىرىپتۇ.شۇ ڭا ئۇ قەرىزلەرنى تۈلەش ئۈچۈن ئاشخانا ھەتتائۆينىمۇ سېتىۋىتىپ ئاتا-ئانىسىنىڭ ئۆيىگە ئورونلۇشۇپتۇ.
   ئاددى بولسىمۇ تۇرمۇشى كاپالەتكە ئىگەبولغان كۇنلەردەيولدىشى يەنە بىر كەسىپكە قىزىقىپ قاپتۇ.ئۇنىڭ ئېيتىشىچە تاكسى ھەيدىسە كۆپ پۇل تاپقىلى بۇلارمىش.بىراق ئۇلارنىڭ تاكسى سېتىۋېلىشقا ماجالى يەتمەيدۇ-دە!بىچارە ئايالنىڭ ئىرىنىڭ كۆڭلىنى ياندۇرغۇسى كەلمەي مۇئاش كارتىسىدىن قەرىز ئېلىپ 60مىڭ يۈەنگە 2-قول تاكسىدىن بىرنى سېتىۋاپتۇ.دەسلەپكى كۇنلەردە ئازراق پۇل تاپقانمۇ بوپتۇ.بىراق ھزراق ۋاقىت ئۆتمەيلا رىمۇت ھەققى تاپقان پۇلدىن ئېشىپ كەتكىلى تۇرۇپتۇ.ئاخىرى ئۇماشىنىمۇ زىيىغا سېتىۋىتىپتۇ.مەن گەپنىڭ داۋامىغا قىزىقىپ ئۇنىڭدىن:
-كىيىن يولدىشىڭىز قانداق بولدى ؟-دەپ سورىدىم.
شۇنىڭدى كىيىن ئۇ روھى چىقىپ كەتكەندەك بولۇپ قالدى.ھىچ ئىش قىلماي ئائىلە تۇرمىسىگە مۇكۇنىۋالدى،مەنمۇ ئۇنىڭ تەۋەككۇلچىلىكىدىن كۆپ زىيان تارقاچقىمىكىن تىنىچ تۇرمۇشنى خالاپ قالدىم دىدى.
    مەن ئۇنىڭ بېشىدىن ئايغىچە قاراپ قايتىدىن كۇزىتىشكە باشلىدىم.ئۆزى 40ياشتىن ھالقىغان،بۇدۇر چاچ،قوي كۆز،خۇش پىچىم ئايال بولۇپ ئۇنىڭ چىرايىدىن ئازاپ ئىزنالىرىنى كۆرگىلى بولمايتتى.كۆڭلۇمدە ئۇنۇڭغا نىسبەتەن قايىللىق پەيدا بولدى.ۋۇجۇدۇمدا ئىللىق بىر سىزىم يامرڭپ ئۇنىڭ ھىكايىسى قەلبىمگە ئورناپ كەتتى.قىزىقىپ سورىدىم ئۇنىڭدىن:
-ئاشۇنداق ئەھۋالدا كەسپىڭىزنى قانداق قىلدىڭىز؟
ئۇ ماڭا قاراپ كۇلۇپ قويدى.تۇرمۇشىمدىكى قىيىنچىلىقلار كەسپىمگە تەسىر كۆرسىتەلمەيدۇ.مەن تېخىمۇ تىرىشىپ ئىشلىدىم.پەقەت ئۇقۇغۇچىلارلا مىنىڭ قەلبىمدىكى ئازاپلىرىمنى ئۇنتۇلدۇراتتى.مەكتەپ تۇرمۇشى مىنى ئازاپ دېڭىزىدىن قۇتقۇزاتتى.شۇ ڭا مەن تىرىشىپ ئىشلەپ كەسپىمدە نەتىجە قازىنىپ مەكتەپ ئىلمى مۇدىرى بولدۇم-دىدى.ئۇنۇڭغا بولغان قايىللىقىم تېخىۇ ئاشتى.ئۇ كۈزۈمگە خىزىر سۈپەت كۇرۇنۇشكە باشلىدى.‹‹ئۇ تاشقى پىلانىت ئادىمى ئەمەستۇ-ھە!شۇنچىلىك ئازاپلار ئىچىدە شۇنداق قەيسەر ياشاپتۇ››دەپ ئويلىدىم.
توۋا دىدىم ئۆ-ئۆزىمگە:
مىنىڭ دەرتلىرىم ئۇنىڭ ئازاپلىرىغا ياماقمۇ بولالمايدىكەن.شۇنداقتىمۇ ئۇ شۇنچىلىك قەيسەر مەن شۇنچىلىك مىسكىن ئىدىم.شۇ ۋاقىتتا‹‹ نامراتلىق نۇمۇس ئەمەس،روھى نامراتلىق ئەڭ نۇمۇس ئىش››دىگەن بىر كەلىمە سۆز ئىسىمدىن كەچتى.مىنىڭ خىيالىمدىكى بەخىت ئۆلچىمى مىنى روھى جەھەتتىن گاداي قىلىپ قويۇپتۇ.مەن ئۆزۇمنى تەكشۇرۇشكە باشلىدىم ۋە ھاياتىمدىكى بەخىت ئىزنالىرىنى كۆرگەندەك بولدۇم.
مىنىڭ ئۈزۈم سۆيگەن كەسپىمگە ئىرىشكىنىم بەختىم ئىكەن.
ئائىلە شاتلىقى بولغان جۈپ پەرزەنتىم چەكسىز بەختىم ئىكەن.
تىنىمنىڭ ساقىلىقى ئاتا-ئانامنىڭ ھاياتلىقكى مىنىڭ تېخىمۇ بەختىم ئىكەن.
تۇرمۇشنىڭ ئاچچىق چۇچۇكلىرى ۋە تاتلىق ھىسلىرىغا تۇيۇنۇپ ئۆتكۈزگەن ھەر بىر كۇنۇم مىنىڭ ھەقىقى بەختىم ئىكەن.
شۇ ۋاقىتتا ئىختىيارسىز كوڭلۇم پاللىدە يۇرۇپ كەتتى.ھايات ئىزنالىرىدىكى بەخىت ئىلھاملىرى مىنى غىدىقلاشقا باشلىدى.
ئىختىيارسىز كۇلۇپ تاشلىدىم.يۇرۇكۇم بىر خىل رەۋىشتە بىرلا سۆزنى تەكرارلىماقتا ئىدى.
مەن بەخىتسىز ئەمەس.

زەپەر

مەنبەسىنى ئەسكەرتىپ قويغان بولسىڭىز بەك ياخشى بۇلاتتى

گۈلزار

خۇمارىم  ، دوسلىرىڭىز بىلەن سىزنىڭ كەچمىشلىرىڭىزنى ئوقۇپ مەنمۇ يىنىكلەپ قالدىم .  تۇرمۇش ھەقىقەتەن ئەگرى - توقاي بولىدىكەن . ئادەمنى گاھ كۈلدۈرۈپ ،گاھ يىغلىتىپ تۇرمۇشنىڭ سىناقلىرىدا  تاسقاپ چىقىدىكەن ، مۇشۇ سىناقلارغا بەردەشلىق بېرىپ تۇرمۇشقا توغرا يۈزلىنىپ  چىقالىغاندىلا ئاندىن  ھەقىقى بەختنى   نىمىنىلىگىنى ھېس قىلالايدۇ .  رەھمەت گۈلۈم ھەممىمىزنى بەختىمىز ئۈستىدە قايتا ئويلىنىش پۇرسىتى يارىتىپ بەردىڭىز .  كېيىنكى ئىجادىيەتلىرىڭىزگە ئۇتۇق تىلەيمەن .
来自: Android客户端

Qol~Ogli

       بۇ دۇنيا كۈلۈپ باققۇچىلار ئۈچۈن شۇنچە گۈزەلدۇر ،ئەسەر قەھرىمانىنىڭ كىم بولىشىدىن قەتئى نەزەر،ئىدىيەدىكى بارلىق بوقچىلارنى چۆرۈپ تاشلاپ تۇرمۇشقا، بۇ گۈزەل دۇنياغا كۈلۈپ يۇزلىنەلەيدىكەن ئۆزىنىڭ تولىمۇ بەختلىك ئىكەنلىگىنى ھېس قىلىدۇ .ئۆزىڭىزنى بەختسىز ھېس قىلسىڭىز نەزىرىڭىزنى باشقا تەرەپلەرگە ئاغدۇرۇڭ ،سىزدىن نەچچە ھەسسە بەختسىز كىشىلەرنىڭ بۇ دۇنيادا تولىمۇ كۆپلىگىنى كۆرىسىز.

مەرىپەت

سىز دۇنياغا كۈلۈپ قارىسىڭىز  دۇنيامۇ سىزگە كۈلۈپ قارايدۇ، ئەر- ئاياللىق مۇھەببەتتىن باشقا   يەنە نۇرغۇن مۇھەببەتلەرنىڭ بارلىقىنى ئۇنتۇپ قالمايلى دوستۇم، سىز پەقەت ئۆزىڭىزگىلا  ۋەكىللىك  قىلالمايسىز، ئەتراپىڭىزدا سىزنى ياخشى كۆرىدىغان نۇرغۇن كىشىلەرنىڭ بارلىقىنى ئۇنتۇپ قالماڭ. ئۇلارنىڭ ھەممىسى سىزگە مۇھتاج، غەيرەتلىك بولۇڭ، جاسارەتلىك بولۇڭكى ئۈمىدسىزلىك پاتقىغىغا پېتىپ قالماڭ، ئۈمۈدسىز  ئادەم تىرىك موردىغا ئوخشايدۇ، كېيىنىكى  ھاياتلىق سەپىرىڭىزنى  دادىل قەدەملەر بىلەن داۋاملاشتۇرىشىڭىزنى ئۈمۈد قىلىمەن.

★parixta★

بۇ ھېكايىڭىزدىن چوڭقۇر تەربىيىگە ئىگە بولدۇم.مەنمۇ تۇرمۇشقا يۈزلىنەي !رەخمەت ،ئىجادىيەتلىرىڭىز تېخىمۇ روناق تاپقاي!

دىلرۇس

تېخى ھېلىراقتا بەخت توغىرسىدىكى بىر تېمىنى ئوقۇغاندىم، ئۇنىڭدا بەخت بىر تۇيغۇ دېيىلىپتۇ ۋە ھەرقانداق ئادەمنىڭ بەخت تۇيغۇسىنىڭ ئوخشاش بومايدىغانلىقى قەيت قىلىنىپتۇ. خۇمارىنىڭ بۇ ئەسىرىنى ئوقۇپ، ھەقىقەتەن ھەممە ئادەمنىڭ بەخت تۇيغۇسىنىڭ ئوخشىمايدىغانلىقىنى يەنىمۇ ئىلگىرلەپ چۈشۈنۈپ يەتتىم. ھەق گەپنى دېسەم، بۇ ئەسەردىكى بەخت تۇيغۇسى بىر- بىرىدىن پەرقلىنىپ تۇرىدىغان «ئاياللار» نىڭ چىن سەرگۈزەشتىلىرى، مېنىڭ بەخت تۇيغۇمغا چوڭقۇر تەسىر قىلدى. راست، يېزا- قىشلاقلاردىكى نامرات بىچارىلەرنىڭمۇ بەخت تۇيغۇسى بولىدۇ- ئەمەسمۇ؟ بىز ھەقىقەتەن بەختلىك، شۇنداق تۇرۇپ، ئۆزىمىزنى بەختسىز سېزىمىز. ۋادەررىخا، بەخت دېگەن كۆز ئالدىمىزدا، قولىمىزدا ئىكەن ئەمەسمۇ؟!...
بەرىكەتلىك قەلىمىڭىزگە ئۇتۇق، ئويغاق ۋە سەزگۈر تەپەككۇرىڭىزغا پەرۋازلار يار بولسۇن!