يەنە شۇ «بايقاش» توغرىسىدا

دىلرۇس

يەنە  شۇ «بايقاش» توغرىسىدا

«بايقاش» مائارىپچىلارنىڭ، بولۇپمۇ مىللىي مائارىپچىلارنىڭ ئىللىق ئائىلىسى. لېكىن بۇ ئائىلە ھەممىمىزنىڭ «بىر ياقىدىن باش، بىر يەڭدىن قول چىقىرىش» بەدىلىگە ئاندىن ئىللىق ئائىلە بولالايدۇ. ئۇنىڭدىكى تېما ئۆزگىچىلىكى،  سەھىپە رەڭدارلىقى، مەزمۇن چوڭقۇرلىقى «بايقاش» لىقلارنىڭ جاپالىق ئىزدىنىشىنىڭ ھاسىلاتى. ئۇ بىر ئىزىدا توختاپ قالسا، «بايقاش» نىڭ قىممىتى بولمايدۇ. بايقاشتا بۈگۈنگىچكە روياپقا چىققان نادىر تېما ۋە يازمىلار مىللىي مائارىپچىلىمىزنىڭ ئەڭ سىڭىشلىك، ئەڭ ئىشتەيلىك نىمئىتى بولۇپ كېلىۋاتىدۇ ھەم بۇنىڭدىن كېيىنمۇ شۇنداق بولىدۇ.
«بايقاش» نىڭ سەھىپىلىرىگە ئىنىچكىلىق بىلەن نەزىرىمىزنى ئاغدۇرسىاق، ئۇنىڭدا يەسلىي مائارىپتىن باشلاپ تولۇق ئوتتۇرا، ھەتتا كەسپىي ئوتتۇرا تېخنىكومغىچە سىزگە لازىملىق پايدىلانمىلارنىڭ ھەممىسى گۆھەر كانى كەبى كۆمۈلۈپ يېتىپتۇ. ئىسىڭىزدە بولسۇنكى، بۇ كان بايلىقلىرى تەبئىي شەكىللىنىپ قالغان ئەمەس. بايقاشنىڭ ئەزا سىتاستىكىسىغا نەزەر سالساق، بۇ ئائىلىنىڭ ئەزاسى 7 مىڭدىن ئېشىپتۇ. بۇ ئىنتايىن زور بىر قوشۇن. بۇ بايقاشنىڭ پەخرى ھەم بىزنىڭ پەخرىمىز.  بۇ سان كۈنسېرى ئارتىپ بارىدۇ. بۇ ئارتىش بەلكىم نەچچە يۈز مىڭدىن ئېشىپ كېتىشى مۈمكىن. مېنىڭچە بايقاش  ساندىن كۆرە سۈپەتكە بەكرەك ئىتىبار بەرگەنلىكى بىلەن خارەكتېرلىنىدۇ. (ئەلۋەتتە، بايقاشنىڭ قوينى بىپايان، باغرى ئىللىق، نىمئىتى ھېسابسىز)  «يېتىپ يىسە تاغمۇ توشىمايدۇ» دەيدۇ بوۋىلىرىمىز. بايقاشقا قۇرۇق كەلمەيلى، سىزمۇ، مەنمۇ ئاز بولسىمۇ سوۋغا ئېلىپ كېلەيلى. بايقاشقا قۇرۇق كەلمەيلى، سىز ۋە مەن ئوقۇتقۇچى. ئوقۇتقۇچىنىڭ ھەر بىر كۈنلۈك، ھەر بىر سائەتلىك خىزمەتلىرى  ئىزدىنىش، تەتقىقات بەدىلى بىلەن قانات يايىدۇ. سىز ئەشۇ ئىزدىنىش، تەتقىقات ھاسىلاتلىرىڭىزنىڭ  قاش- كۆزىنى ياساپ، يېزىق  بىلەن پۈتۈپ «بايقاش» يوللاپ بەرسىڭىزلا بولىدۇ. بايقاشقا قۇرۇق كەلمەيلى. سىز دېگەن ئۇقۇتقۇچى. ئوقۇتقۇچىنىڭ ھەر بىر سائەتلىك، ھەر بىر كۈنلۈك خىزمىتى باھا بېرىش، ئىنكاس قايتۇرۇش بىلەن ئۆتىدۇ. تېما ۋە يازمىلارغا ئىنكاس قايتۇرۇڭ. سىزنىڭ ئىنكاسىڭىز بىلەن ئادەتتىكى بىر تېما ۋە يازما ئەڭ نادىر تېما ۋە يازمىلاردىن بولۇپ قالىدۇ. بايقاشقا قۇرۇق كەلمەيلى. بەلىكى سىزنىڭ كەچمىشلىرىڭىز، مەن ئۈچۈن كومپاس، قەدەم ئىزلىرىڭىز مەن ئۈچۈن ماياك بولۇپ قالار...
«بايقاش» نىڭ لالىزار گۈلباغلىرى، ھۈپپىدە پورەكلەپ ئېچىلغان رەڭدار گۈللىرى ۋە  ئالەمنى بىرئالىدىغان خۇش ھىدى سىز ۋە مېنى ئۆزىگە ئىختىيارىسىز جەلىب قىلدى. سىز ۋە مەن بۇ گۈلباغقا قەدەم باستۇق، بۇ بىزنىڭ بەختىمىز. لېكىن ھەسەل ھەرىسى جېنىدا گۈلباغلاردىكى گۈللەرنىڭ چېڭىنى سۈمۈرۈپ بولۇپ، ئىشنى تامام قىلماي «چاڭلاشتۇرۇش» نى بولسىمۇ ئۇنتۇپ قالمايدۇ. بىز تەييارنى ئېلىۋىلىپ، غىلمىسسىدە كېتىپ قالساق سەت بولىدۇ. باشقىلارنىڭ قان -تەرىنى شىلىۋېلىپلا قۇيرۇقىمىزنى تىكىۋەتسەك ئۇيات بولىدۇ. سىزمۇ، مەنمۇ قولىمىزدىن كەلگىنى بويىچە »بايقاش» نى، بايقاشتىن ئىبارەت بۇ ئىللىق ئائىلىمىزنى قوللىساق، بۇ ئائىلە تېخىمۇ گۈللىنىدۇ، روناق تاپىدۇ، تەرەققىي قىلىدۇ- دە، ئۇنىڭ ئىللىق ھارارىتى بارچە قەلبلەرنى ئىللىتىدۇ، بۇ ھارارەتنىڭ مەنبئى ئۈزۈلۈپ قالمايدۇ.
مەنبە: ئۆز يازمام

يۈسۈف

بايقاشنى تەرەققى قىلدۇرۇشتا بىر كىشىلىك تۆھپەمنى قوشىمەن

گۈلزار

ياخشىمۇسىز دىلرۇس ئەپەندى ؟
بايقاشقا  قەدەم قويغان قىسقىغىنە ۋاقىتتا بايقاشنى خېلى چۈشىنىپ قاپسىز .
تېمىڭىزدا ئېيتىلغاندەك  بايقاش ھەممىمىزنىڭ ئىللق ئائىلىسى. بۇ ئائىلىنى گۈللەندۈرۈش  مۇشۇ يەردە ئولتۇرغانلارنىڭ مەجبۇريىتى ھەم مەسئۇليىتى .   ھەر بىرىمىز بۇ مەسئۇليىتىمىزنى تولۇق ئادا قىلغاندىلا بۇ مەرىپەت بۆشۇكىنى ھەقىقى ئىسمى جىسمىغا لايىق بىلىم كانىغا ئايلاندۇرۇپ  چىقالايمىز .
رەھمەت سىزگە

pari

بايقاشنى ھەقىقىي بايقىيالىغان سىزدەك بايقاشلىقلارغا تەشەككۇر .

بايقاش

ھەممە ئادەم سىزگە ئوخشاش ئويلىغان بولسا توردىكى مائارىپ ماتېرىياللىرىمىز تولۇق بولغان بۇلاتتى. ھېلىمۇ كۆپ قىسىم تورداشلىرىمىز بايقاشنى يېقىندىن قوللاپ، مائارىپ ماتېرىياللىرىنى تولۇقلاش ئۈچۈن مىھنەتسىز  قان تەرى سىڭدۈرىۋاتىدۇ.  شۇ مۇناسىۋەت بىلەن بايقاشنى يىقىندىن قوللاۋاتقان كەسىپداشلارغا چىن كۆڭلۈمدىن رەھمەت ئېيىتىمەن!

ئەزىزى

ھەممە ئادەم سىزدەك تۇنۇشقا كەلگەن بولسا تولىمۇ ئېسل ئىش بولاتتى. ھېلىمۇ خۇداغا شۇكۇرلەركى،بايقاش مائارىپى سىزلەردەك تۆھپىكارلارنىڭ مېھنەتسىز ئەجىرىدە رۇناق تاپقۇسى.

ئىلغار

بايقاش مۇئارىپى،  مېھنەتسىز ئەجىر سىڭدۈرگۈچىلەر بىلەن روناق تاپقۇسى

بەختىيار(بايقاش

ھەقىقىي مېھرىمىز بىلەن ‹‹بايقاش››نى گۈللەندۈرەيلى!!!

زەھرا

دىلرۇس،ھەقىقەتەن كۆڭۈلدىكى سۆزلەرنى قىپسىز.
بارچىمىز «بايقاش»نى بىلىملەر بابىدىكى بۈيۈك بىباھالاردىن بولۇشىغا بارلىقىمىزنى بېغىشلايلى!

خۇمارى

سىزنىڭ كەچمىشلىرىڭىز، مەن ئۈچۈن كومپاس، قەدەم ئىزلىرىڭىز مەن ئۈچۈن ماياك بولۇپ قالار...
بۇ بىر جۇملىنى بەكلا ياقتۇردۇم.تاما-تاما كۆل بولار دىگەندەك بىزنىڭ ئاددى كەچمىشلىرىمىز ھايات ئىزنالىرىمىز مۇنبەردە ئۆز ئىپادىسىنى تاپسا بەلكىم باشقىلارنىڭ ئالغا ئىلگىرلىشى ئۈچۈن ئۆرنەك بولۇپ قېلىشى مۇكىن.