‹‹دوستلۇقنامە››دىن

خەنجىرى

                                                                      خەنجىرى
                                             دوست تۇتۇشتا قانداق كىشىنى تاللاش توغرىسىدا
ھەر قاچان ھەر قانداق كىشى دوست تۇتماقچى بولسا ئۆزىگە مۇناسىپ ، ئۆزىگە لايىق، ئۆزى بىلەن بىر يولدىكى، قىزىقىشى خاراكتىرى، خۇي- پەيلى، مىجەز-خۇلقى، تۇتقان يولى ئوخشاش بولغان، دانا، ئاقىل، ئەدەب-ئەخلاقلىق، ئاقكۆڭۈل، كۆپ ئىش كۆرگەن، جاھاننىڭ ئىسسىق-سوغوقلىرىنى باشتىن ئۆتكۈزگەن ، ئاچچىق - تاتلىقلىرىدىن تېتىپ كۆرگەن، دوستلۇقنى قەدىرلەيدىغان، ۋاپادار، سېخىي، دوستىنىڭ ئېغىرچىلىقىنى كۆتۈرۈپ سەۋەنلىكلىرىنى كەچۈرىدىغان، ھوزۇر-ھالاۋەتتە، جاپا -مۇشەققەتتە، ئۆلۈم- كۆرۈمدە بىرگە بولىدىغان، يىغلىغاندا تەڭ يىغلاپ كۈلگەندە تەڭ كۈلىدىغان، دوستنىڭ سىرىنى ساقلاپ، تۈرلۈك ئەيىبلىرىنى كىشىلەردىن يوشۇرۇشنى، كىشىلەر ئالدىدا ئاشكارلىماسلىقنى بىلىدىغان، توغرا يول كۆرسىتىدىغان، ھەر قانداق ئىش قىلسا مىننەتسىز قىلىدىغان، مىننەتسىز ياردەم بېرىدىغان ۋە شۇنىڭغا ئوخشايدىغان كىشىلەر (دوستلار) كىشىلەر (دوستلار) ئارىسىدىكى ئالىيجاناب كىشىلەر (دوستلار) بولۇپ ھېسابلىنىدۇ. مانا بۇنداق كىشىلەر (دوستلار) دوستنىڭ ئالدى-كەينىدە ئارتۇق گەپ قىلمايدۇ. گەپ قىلسا دوستنىڭ ياخشىلىقى، ئارتۇقچىلىقى ھەققىدە گەپ قىلسا قىلىدۇكى، دوستنىڭ ئەيىپلىرى، سىرلىرىنى دوستىنىڭ رۇخسىتسىز ئاشكارلىمايدۇ. مانا مۇنداق كىشىلەر (دوستلار) ئادەملەر ئىچىدە ئىنتايىن ئاز تېپىلىدۇ. مۇنداق دوستقا ئىرىشكەندە ئەتىۋارلاپ خىزمىتىنى قىلغۇلۇق، دوستلۇقنى، داۋاملاشتۇرغۇلۇق، ئالدىراپ قولدىن چىقارماسلىق، ھەر دائىم ھەمسۆھبەتتە بولۇش لازىم.

ئاپتور:مارالبېشى ناھىيە سېرىقبۇيا يېڭى بازار ئىجتىمائى رايونى(3-ئاھالە كومىتىت)دىن
نادىرلار،ماكانىمىز توربىكەتلىرىدىنن ئېلىندى
مەنبە: ئۆز ئىجادىيتىم

بەختىيار(بايقاش

ئالدى بىلەن سىزنىڭ ‹‹بايقاش تورى››غا يېڭىدىن ئەزا بولۇپ كىرگەنلىكىڭىزنى قىزغىن قارشى ئالىمىز!
تېمىڭىزنى ئوقۇپ،تولىمۇ سۆيۈندۈم.رەھمەت سىزگە!

Qol~Ogli

      خىش زاۋۇتىدىن ئۆلچەملىك خىش، دورا زاۋۇدىدىن لايەقەتلىك دورا....... چىققان بىلەن كىشىلىك جەمىيەتتىن سىزنىڭ ئۆلچىمىڭىزدىكىدەك «دوست»ئىزلەش بەكمۇ «رومانتىك»لاشقانلىق بولۇپ قالارمۇ ؟

زەھرا

مېنىڭچە ،شۇنداق دوستقا ئېرشىش  ئۈچۈن بىز شۇنداق پەزىلەتلەرنى ئەڭ ئالدى بىلەن ئۆزىمىزدە يېتىلدۈرشىمىز كېرەك .چۈنكى ،ئۆزىمىزدە يوق پەزىلەتنى باشقىلاردىن تەلەپ قىلىش ئورۇنسىزلىق بولۇپ ھېساپلىنىدۇ .

خەنجىرى

بۇ ئەسەر مىنىڭ شۇ ناملىق ئەسرىمدىن ئېلىنغان بىر پارچە ئىدى.مەن مەلۇم ۋاقىت ئويلىنىش  ئارقىلىق ،مەخسۇس دوستلۇق توغرىسىدا مەندىن باشقىلارغا قالغۇدەك شۇنداقلا بۇ ساھەدىكى بوشلۇقنى تولدۇرغىدەك ئەسەر يېزىپ چىقش قارارىغا كىلىپ، بۇ ئەسەرنى ئىشلەپ چىقتىم. يەنە ئىككى يىل ئىچىدە پۈتۈن ئەسەرنى قولدىن چىقىرىشقا تىرىشىمەن. ئەلۋەتتە لاياقەتلىك دوستنى تېپىش بىر ئاز رومانتىكىلىق بولۇشى مۇمكىن. مىنىڭچە ھازىرقى زاماندا دوستنىڭ قىممىتى شۇنداقلا قەدرىگە ھەقىقى يىتىدىغان كىشى ئاساسى جەھەتتىن يوق. شۇڭا بۇ گەرچە رومانتىكىلىقتەك بولسىمۇ ، ھەقىقى دوست تۇتۇش ۋە تاللاشتا ئازراق بولسىمۇ پايدىسى بار، دەپ ئويلايمەن.

قەسىر

خەنجىرى يوللىغان ۋاقتى  2013-6-16 20:18
بۇ ئەسەر مىنىڭ شۇ ناملىق ئەسرىمدىن ئېلىنغان بىر پارچە  ...

ئەسسالامۇ ئەلەيكۇم ...

   كەلگەن قەدىمىگىزگە مۇبارەك بولسۇن.ياخشى تېما بىلەن بايقاش ئەھلىنى دىدارلاشتۇرغىنىڭىزگە تەشەككۈر!

   

خەنجىرى

مىنى قارشى ئالغىنىڭلارغا چىن دىلىمدىن رەھمەت ئېيتىمەن.چوقۇم سىلەر بىلەن ياخشى دوستلاردىن بولۇپ ئۆتۈشكە تىرىشىمەن