ئانا غەزەللىرى

ئادىل10

                                                              ئانا غەزەللىرى

                                        ئاھ، ھاياتلىق جىلۋىسى ئۆڭدى نىگاھىڭدا ئانام،
                                      ئۆچتى زەپ پارلاق قۇياشىڭ سۈبھىگاھىڭدا ئانام.

                                     قالدى تاڭلار سەن ئۈچۈن ئاتقان سامالار سەتھىدە،
                                    سايىسى لەيلەپ گۇگۇمنىڭ پاك سىماھىڭدا ئانام.

                                 زەررىسىگە ئايلىنىپ سىڭدىڭ بۈيۈك روھ بەرقىگە،
                                 شولىلاردىن چاقنىتىپ زەر قىبلىگاھىڭدا ئانام.

                                 سەن ياراتتىڭ سۆيگۈ دۇنياسىدا ئىككىنچى قۇياش،
                                چىن گۈزەللىك كۆركى قالدى گۈل-گىياھىڭدا ئانام.

                                كۆيدۈڭا قەلبىڭدىكى ئوتلاردا بىزچۈن ئۆرتىنىپ،
                                بار جاھاننىڭ قىسمىتى تەقدىر-ئىلاھىڭدا ئانام.

                               قايدا بىزلەرگە پەسىل، كۈن-تۈن رىيازەت دەملىرى،
                              زارلىنىپ كەتتى ئۆلۈم بىزدىن پاناھىڭدا ئانام.

                             كۈيلىرىمدە ياڭرىماس غايىب سىمالار شەۋكىتى،
                             قۇت تاپار شائىرلىقىم ھەمدۇ ساناھىڭدا ئانام.

2
                            جان ئانا ئوغلۇڭغا پۈتمەس دەرد، پۇشايمان قالدىمۇ؟
                             كۆزلىرىمدە قان، دىلىمدا داغى ھېجران قالدىمۇ؟

                              چاڭقىغاندا بىر يۇتۇم سۇغا لېۋىڭ چاك-چاك بولۇپ،
                              مەن يېنىڭدا يوق، نېتەي،سۈكۈتتە ئوكيان قالدىمۇ؟

                            جان ئۈزەردە، قايدا ئوغلۇم، دەپ كۆزۈڭ كەتتى ئوچۇق،
                            نالىدىن تىترەپ زېمىن، ھەسرەتتە ئاسمان قالدىمۇ؟

                            ئەمدى يىغلارمەن جىنازاڭ ئالدىدا زار-زار ئانا،
                            ئۆرتىنەر باغرىم، تەسەللىلەرگە ئىمكان قالدىمۇ؟

                            قوشۇلۇپ كەتتىڭ ئەجەب تۇپراققا سەن تۇپراق پېتىڭ،
                            ئۇلغىيىپ روھ كۈلپىتىڭ قەبرەڭدە گۈلخان قالدىمۇ؟

                            ياشنىغان سەۋرىم كۈلۈپ قەلبىڭ باھارىستانىدا،
                            ماڭا سەنسىز چۆل بولۇپ بۇ باغۇ-بوستان قالدىمۇ؟

                           كۆپ ئىدى تىلەكلىرىڭ، ئاھ، قونمىغان چېچىڭغا ئاق،
                           ياشلىقىڭنىڭ جىلۋىسى بوپ لالە-رەيھان قالدىمۇ؟

                           كەلدى تۆت كۈندە يېتىملىك قىسمىتى سەنسىز ماڭا،
                           ئانا، دەپ قىلسام نىدا قەلبىمدە چۇقان قالدىمۇ؟

                           سېنى ھېدلاپ ئاختۇرۇپ، ھويلا-ئارامدا تەلمۈرۈپ،
                            ئاھ،ئاتام غېرىبسىنىپ جىسمىدا دەرمان قالدىمۇ؟

                           چۈشلىرىمدە بالقىغاي نۇرلۇق ئىلاھىي سۈرىتىڭ،
                           ئىزلىسەم ئالەمنى سەندەك زاتى ئىنسان قالدىمۇ؟

                          ھەر زامان پىكرىمدە سەن، زىكرىمدە سەن، بولغىن رىزا،
                         كۈيلىرىمدە ياش تۆكۈپ ئوغلۇڭ غەزەلخان قالدىمۇ؟

زەپەر

ئادىل ئەپەندىم بۇ شىېرنى ئۈزىڭىز  يازدىڭىزمۇ قانداق ؟ مەن ئۈزىڭىز يازماپسىز دەپ ئويلىدىم . ئەگەردە ئۈزىڭىز يازغان بولسىڭىز مەنبەسىنى ئەسكەتكەن بۇلاتتىڭىز . مەنبەسىنى ئەسكەرتىپ قۇيۇڭ . بۇنداق تىما يوللاش ئادەمنى سەل گاڭگىرتىپ قۇيدۇ جۇمۇ .

saba007

ياخشى مەرسىيە ئىكەن..........        سىزگە كۆپ رەخمەت....

ئالىم

ئادىل ئەپەندىم ،تىمىڭىزنى تەھرىرلەپ قويدۇم.
بۇندىن كېيىن تىما يوللىغاندا:
1.چۇقۇم مەنبەسىنى ئەسكەرتىپ قۇيۇڭ.
2.تىمىنى ئوتتۇرغا توغرىلاپ يوللاڭ.
3.تىما بىزەكلىرىنى ئىشلىتىڭ.

ئالىم

ئادىل ئەپەندىم ،تىمىڭىزنى تەھرىرلەپ قويدۇم.
بۇندىن كېيىن تىما يوللىغاندا:
1.چۇقۇم مەنبەسىنى ئەسكەرتىپ قۇيۇڭ.
2.تىمىنى ئوتتۇرغا توغرىلاپ يوللاڭ.
3.تىما بىزەكلىرىنى ئىشلىتىڭ.

ئالىم

ئادىل ئەپەندىم ،تىمىڭىزنى تەھرىرلەپ قويدۇم.
بۇندىن كېيىن تىما يوللىغاندا:
1.چۇقۇم مەنبەسىنى ئەسكەرتىپ قۇيۇڭ.
2.تىمىنى ئوتتۇرغا توغرىلاپ يوللاڭ.
3.تىما بىزەكلىرىنى ئىشلىتىڭ.