يەسلى مائارىپى بىلەن باشلانغۇچ مائارىپىنىڭ پەرقى

ئادىل10

يەسلى مائارىپى بىلەن باشلانغۇچ مائارىپىنىڭ پەرقى
دوسلار تۇرۇپلا مۇنۇ بىر مەسلە ئۈستىدە ھەرقايسىڭلار بىلەن پىكىرلىشىپ بېقىشنى ئويلاپ قالدىم .  بۇ مۇنداق ئىش. مەن ئۈزۈم مەلۇم بىر ناھىينىڭ   يەسلى ئۇقۇتقۇچىسى ، خىزمەتكە چىققىلى 3 يىل بولدى ، مۇشۇ جەرياندا يەسلى ئۇقۇتقۇچىسى بىلەن باشلانغۇچ مەكتەپ ئۇقۇتقۇچىسى ،يەسلى مائارىپى (ئۇقۇش يېشىدىن بۇرۇنقى) ۋە باشلانغۇچ مەكتەپ مائارىپىدىن ئىبارەت بۇ  ئىككى ئۇقۇم ئوتتۇرسىدىكى  پەرىق ۋە ئوخشاشلىقلار  توغرىسىدا خىزمەتداشلار ھەم دوسلار بىلەن كۆپ مۇلاھىزە يۈرگۈزگەن بولساقمۇ ھەممىمىز ئۈزىمىزنىڭ پىكرىنى راس دەپ قاراپ قانائەتلىنەرلىك بىر جاۋاپقا ئىرشەلمىدۇق .  بىر نەچچە قېتىم باشلانغۇچ مەكتەپتە خىزمەت قىلىدىغان تۇنۇش كىشلەرنىڭ ئاغزىدىن «يەسلى مائارىپى،يەسلى مائارىپى .... دەپ بەك داغدۇغا قىلىپ كەتمىسىمۇ ،ئۇلار بىزدەك جاپا تاتمايدۇ ، كىچىك بالىلارغا قاراش شۇنداق ئاسانلا بىر ئىشقۇ ،نىمە جاپاسى بار ،جاپا تارتىمىز دەپ كىتىدىكەن بار جاپانى بىز تارتىمىز » دىگەن گەپلەرنى ئاڭلاپ قالدىم ،يەنە بىر قىسىم جەميەتتىكى كىشلەردىن « بىز بالىمىزنى يەسلىگە پەقەت بىر كۈن بەلەن قاراپ بەرسۇن دەپلا ئاپىرىمىز ،10  ،20   بالىنى بىر سىنىپقا سۇلاپلا   ئوينىتىىپ  تاماق بېرىپ يۈرىدىكەن ، بۇلانىڭ پەقەت جاپاسى يوق. مائاشنى ئاسانلا ئالىدۇ   قالغىنى مەكتەپكە چىققاندا ئۈگنىۋالسا بولدى » دىگىنىنى ،تېخى يەنە  بىر نەچچە قېتىم  كەچتە بالىلارنى ئۆيىگە قايتۇردىغان ۋاقىتتا بەزى ئاتا-ئانىلارنىڭ «بالىسىنى كۈرۈپلا بالام بۈگۈن نىمە  تاماق يىدىڭلار؟ بەلەن ئوينىدىڭىزما؟»  دىگىنىنى  بىرسىنىڭمۇ «بالام بۈگۈن نىمە ئۈگەندىڭىز ؟» دىگەن بىر ئېغىز گىپىنى ئاڭلاپمۇ باقمىدىم  . مۇشۇ گەپلەرنى ئاڭلىغاندا شۇنداق بىئارام بۇلۇپ ئۇلارنىڭ گىپىگە بىر نەچچە قېتىم رەددىيەمۇ  بەردىم ،  
        قارىسام  بىر قىسىم كىشلەرنىڭ يەسلى مائارىپىغا ۋە ئۇقۇتقۇچىلارغا بولغان قارشى تۈپتىن خاتاكەن، يەسلى ئۇقۇتقۇچىللىرىنى پەقەت دەرىس ئۆتمەي،  بىكار كۈن ئۆتكۈزىدۇ دەپ قارايدىكەن ،ئەمدى  بەلكىم  ئارىمىزدا بىر كۈن ئۆتسە خوش بۇلىدىغان، مائاشنى بىكارلا ئالدىغانلارمۇ بۇلىشى مۇمكىن ، ئەمما شۇ بىر قىسىم كىشلەرنىڭ سەۋەبىدىن يەسلى ئۇقۇتقۇچىللىرى ۋە يەسلى شۇنداق ئىتىبارسىز قارىلىدىغان  بۇلۇپ قالسا بۇلامدۇ ؟
  ئەمدى مەن ئويلايمەن بىر كۈنلىك خىزمەتنى باشلىغان شۇ دەقىقىدىن باشلاپ ، شۇ بىر كۈن ۋاختىمىزنى  كەلگۈسىمىزنىڭ ئىزباسارلىرى بولغان مۇشۇ ئۇماقلارغا  بىرىپ ئۇلارنىڭ دىلىغا بىلىم ئۇرۇقلىرىنى چاچساق دەپ ئويلايمەن ،ھەم شەخسەن مەن شۇ  بىر كۈنۈمنى شۇنداق مەنىلىك ھەم ئالدىراشلىق ئىچىدە ئۆتكۈزىمەن ،  يەسلى ئۇقۇتقۇچىسىنىڭ مەجبۇرىيتى ۋە ۋەزىپىسى بەكلا ئىغىر ،بالىلارنىڭ بىخەتەرلىكى ،تۇرمۇش ئادىتى ،پىسخىكا ھالىتى ،....قاتارلىق نۇرغۇن ئىشلار بىزنىڭ ئەتراپلىق كۈزىتىپ بىر تەرەپ قىلىشىمىزنى كۈتىدۇ ،
         سۆزلىسەم گەپ بەك جىقكەن ،ھەرقايسى كەسىپ ۋە ساھەدىكىلارنىڭمۇ ئۈزىگە چۇشلۇق جاپاسى بار ، ئەمما مىنىڭ بۇ يەردە دىمەكچى ۋە بىلمەكچى بولغىنىم دوسلارنىڭ مۇشۇنىڭغا قارىتا قانداق كۆزقاراش ۋە پىكرى باركىن بىلىپ باققان بولسام دىگەن ئۈمۈتتىمەن .       
       

گۈلزار

ياخشىمۇسىز ئادىل ئەپەندى ؟
  ناھايتى ياخشى تېما ئېلىپ كېلىپسىز . مەنمۇ  سىز دىگەندەك  بۇرۇن بۇنداق گەپلەرنى تولا ئاڭلايتتىم .  چۈنكى  مەن  خىزمەتكە  چۈشكەندىن بۇيان باشلانغۇچ مەكتەپتە ئىشلەپ كەلگەن ئىدىم .    يېزىمىزدا يېڭىدىن يەسلى قۇرۇلغان  ئىككى يىل  جەريانىدا يوقۇرنىڭ ئورۇنلاشتۇرىشى بىلەن يەسلىدە ئارىيەتكە  خىزمەت قىلىۋاتىمەن ،   مەن يەسلىگە كەلگەندىن بۇيان بىر قىسىم كەسىپداش ھەم تونۇش بىلىشلىرىمنىڭ سىز  ئاڭلىغانغا ئوخشاش دىگەن گەپلىرنى ئاڭلاپ  دەسلەپتە يەسلىگە  كەلگەنلىكىمگە كۆڭلۈم يېرىم بولۇپ باشلانغۇچ مەكتەپكە  قايتىپ كېتىش خىياللىرىنىمۇ قىلغان ئىدىم . ئەمما مەن يەنىلا  يەسلى خىزمىتىنى چۈشەنگەچكە  بۇ خىياللىرىمدىن ۋاز كېچىپ ،    ئۇلارغا يەسلى خىزمىتى توغرىسىدا چۈشەنچە بېرىپ  كېلىۋاتىمەن ، بالىلىرى يەسلىدە ئوقۇۋاتقان ئاتا - ئانىلار يەسلى خىزمىتىنى چۈشىنىدىكەن ئەمما باشقىلىرى چۈشەنمەيدىكەن .
  بىر كىتاپتىن  «بالىلارنىڭ  ئۈچ ياشتىن 7 ياشقىچە بولغان مەزگىلى ئەڭ مۇھىم بولۇپ، بۇ مەزگىلدە بالىلاردا  خارەكتىر يېتىلدىغان مەزگىلدۇر  .ئەگەر بۇ مەزگىلدە بالىلارنىڭ تەربىيلىنىشىگە سەل قارالسا ، بىر ئۆمۈر  تەربىيلىگەن بىلەنمۇ  بۇ  بۇ بوشلۇقنى تولدۇرغىلى بولمايدۇ » دەپ ئوقۇغان ئىدىم ، دىمەك يەسلى مائارىپى خاراكتىر يېتىلدۈردىغان ناھايتى ياخشى مەزگىل ،  يەسلى ئوقۇتقۇچىلار  بالىلارغا  ئاتا - ئانىلىق ھەم ئوقۇتقۇچىلىق مېھرى - مۇھەببىتىنى ئاتا قىلىپ، ئۇلارغا ياخشى خارەكتىرلەرنى يېتىلدۈرسە ، يەنە بىر تەرەپتىن ئۇلارنىڭ   بىخەتەرلىكىگە كېپىللىك قىلىپ ،ئۇلارنىڭ يەسلىدە ساغلام ، بىخەتەر ، خوشال - خورام ھالدا ئوقۇشىغا شارائىت يارىتىپ بېرىدۇ . ئۇلارنىڭ كۆڭلىنى ئىزدەپ ئۇلارنىڭ كۈنلىرىنى خوشال - خوراملىق ئىچىدە ئۆتكۈزۈشى ئۈچۈن ئۆزى  كۈن ئاخشامغا جاپا تارتسىمۇ  ،خۇددى ئاتا - ئانىسىغا ئوخشاش زارلانمايدۇ ، ئۇلار ھەممە ئىشنى ئۈن تىنسىز ئىشلەيدۇ .  
يەسلىمىز « قوش تىل»  بالىلار يەسلىسى بولغاچقا    يوقۇرنىڭ تەسىس قىلىپ بەرگەن پەنلىرىمۇ   خەنزۇ تىلى ،يەنە كېلىپ ئوقۇغۇچىلار ئۇيغۇرچە خەنزۇچە ئېغىز تىلىنى چىقىرىشنى ئاساس قىلغان ئوقۇتۇش ئېلىپ بېرىش ئىدى . بىز يەسلى قۇرۇلغان دەسلەپكى مەزگىللەردە ئوقۇغۇچىلارغا يوقۇرنىڭ تەلىپى بويىچە  ئۇلارنىڭ ئېغىز تىلىنى ئاساس قىلىپ تۇرۇپ دەرس ئۆتكەن ئىدۇق ،  يېزىمىز  ئۇيغۇرلار توپلىشىپ ئولتۇراقلاشقان يېزا بولغاچقا  ئاتا -ئانىلارنىڭ خەنزۇ تىلى سەۋىيىسى چەكلىك، بولۇش سەۋەپلىك بۇنىڭ ئۈنىمىنى دىگەندەك كۆرەلمەيلا قالماي يەنە كېلىپ ئاتا - ئانىلارنىڭ «بالىلارنى يەسلىدە ئوينىتىدىكەن »دىگەن  گېپىگە قالدۇق ، شۇنىڭ بىلەن    بىز   ئاتا - ئانىلارنىڭ مۇشۇ خىل كۆز قارىشىنى ئۆزگەرتىش ئۈچۈن يەسلىدە ئانا تىل دەرسىنى تەسىس قىلىپ ،بالىلارنىڭ ئانا تىل ساۋادىنى ئاساسى جەھەتتىن چىقىرىپ  بولدۇق .ئۇندىن باشقا ئوقۇغۇچىلارنىڭ ئالاھىدىلىكىگە ئاساسەن ئۇلارنى رەسىم ، ئۇسۇل ، ھەم قول -ھۇنەرۋەنچىكلىك ، ھېكايە سۆزلەش قاتارلىق پائالىيەتلەرگە ئۇيۇشتۇردۇق ،  ئۇلارنىڭ بۇ پائالىيەتلىرىنى ئاتا - ئانىلارغا كۆرسىتىپ ئۇلارنىڭ قوللىشىنى قولغا كەلتۇردۇق .   بىزنىڭ بۇ  نەتىجىلىرىمىزنى كۆرگەن      ئاتا - ئانىلارمۇ  ھەم باشلانغۇچ مەكتەپ ئوقۇتقۇچىلىرمۇ   بىزنىڭ خىزمىتمىزنىڭ بالىلارنى ئوينىتىشلا ئەمەس بەلكى ئۇلارنىڭ ئەقىل بۇلىقىنى ئېچىشتەك شەرەپلىك ھەم جاپالىق خىزمەت قىلىۋاتقانلىقىمىزنى تونۇپ يەتتى .
سىزنىڭمۇ مەيۈسلەنمەي بۇ شەرەپلىك ۋەزىپىنى داۋاملاشتۇرۇشىڭىزنى ئۈمىد قىلىمەن .