ئۇيغۇرچە ئايلار

ئادىل10

ئۇيغۇرچە ئايلار

ھەممە ئاينىڭ قاتار- قاتار ،
ئۇيغۇرچە ئىسىملىرى بار.
ئۇيغۇرچە ئاتايلى ئايلارنى،
ئانا تىلمىزنى قىلماي خار.

بىرىنچى ئايدۇر ( قەھرىتان) ،
سوغاق بولغاچقا قەھرىمان.
توڭدۇرىدۇ نى بايلارنى .  
بولسىمۇ ھەتتا پەھلىۋان.

ئىككىنچى ئاينى( ھوت )دەيدۇ ،
كەتمەن سېپىنى تۇت دەيدۇ.
باھار شامىلى ھۇشقۇيتۇپ ،
ئەمدى كىتىدۇ جۇت دەيدۇ.
'
ئۈچىنچى ئاينى (نورۇز) دەر.
يېڭىلانغاچقا ھەممە يەر.
ئويغىنار بار چە كائىنات ،  
ھاياتلىق ئۈچۈن تۆكۈپ تەر.

تۆتىنچى ئاينى ( ئۈمىد) دەر ،
ئۈمىدكە تولغاچ ھەممە يەر.  
سەكرىشىپ تاي  قوزىلارمۇ ،
ئۆز بەختى ئۈچۈن چاچار زەر.

(باھار) دەر بەشىنچى ئاينى ،
گۈللەتكەچكە قاقىر ساينى.
ھەرخىل كىسەل قېچىپ كىتەر ،
ھاۋاسى ئاي قىلغاچ لاينى.

ئالتىنچى ئاينى(سەپەر )دەر ،
سەپەر قىلغان تاپقاچ زەپەر.  
چۈنكى ئالەم بەك راھەتلىك ،
توڭلاشتىن يوق ھېچبىر ئەسەر.

يەتتىنچى ئاينى (چىللە) دەر ،
ئورما خىمان بەرگەچكە زەر.
يەنە مولدۈر كۆيۈك ئاپتاپ ،
تاۋلاپ چىقار ھەقىقى ئەر.

سەككىزىنچى ئاي (تومۇز)دۇر ،
ئۆستەڭ بويى بەك ھوزۇردۇر.
دىمىق بولغاچقا بۇئايدا ،
مىۋىلەر پىشىپ پۇزۇردۇر.  

توققۇزىنچى ئاي (مىزاندۇر) ،
خاسىيەتلىك بىر ئىماندۇر.
ناغرا سۇناي تويلار قىزىپ.
خەلقىم ھەرياندا  مىھماندۇر.

ئونىنچى ئاينى ( ئوغۇز)دەر،
بولغاچقا بارچە بوغۇز يەر.
مىۋىلەر پىشىپ مەي بولۇپ،
ئورۇقمۇ بولار مۈڭۈز ئەر.

ئون بىرىنچى ئاي (ئوغلاق)تۇر ،
ئىسسىق تۇرمايدۇ  ئويناقتۇر.
ئانار ،ئۈزۈم دەرەخلىرى ،
كۆمۈلۈپ يەرگە ياتماقتۇر.

ئون ئىككىنچى ئاي (كۆنەك) تۇر ،
جاندار كۈنلىرى تۈنەكتۈر.
شۇڭا كۆنەك ئاتالغان ئۇ،
جاندارغا كۆنەك يۆلەكتۈر.

قەدىرلەيلى  تىلىمىزنى،
رۇسلاپ باغلاپ بىلىمىزنى.
قەدىرلىمىسەك تىلىمىزنى ،
خەقلەر چىقىرار يىلىمىزنى.
2013-3

مەنبە :كىروران مۇنبىرى
       
       

yalhuztuyun

بەك ياخشى يېزىپسىز، قېرىندىشىم، دىمىسىمۇ كەلگۈسى ئەۋلاتلىرىمىزغا ئەسلى ئۇۈۇر تىلىمىزنى بىلدۈرىشىمىز لازىم. يارايسىز!

گۈلزار

ئايلارنىڭ ئۇيغۇرچە نامى ئەمىلى مىساللار ئارقىلىق چۈشىنىشلىك ھەم قىزىقارلىق قىلىپ ئىپادىلەپ بېرىلىپتۇ ، بۇنى ئوقۇغۇچىلارغا يادلىتىپ قويساق مەڭگۈ ئېسىدىن چىقمىغۇدەك . رەھمەت ئەپەندىم . بەك ياخشى تېما ئېلىپ كېلىپسىز ساقلىۋالدىم .

خۇمارى

شىئېرىڭىزنى كۈرۇپ ھەقىقەتەن سۈيۈندۈم،ھەر بىر ئاينى جانلىق ئوخشتىشلار بىلەن تەسۋىرلەپ ئالاھىدىگىنى روشەن ئېچىپ بىرىپسىز،ئەسەرلىرىڭىزنىڭ ئۆزگىچەخاسلىقى بارئىكەن.سىزگە مۇۋاپىقىيەت تىلەيمەن!