كۈلەمسىز كۈلمەمسىز ئىختىيارىڭىز

كالۋا

                                                                    يۇمۇرلار


پىراففىسور ئەقلىي قابىلىيىتى بالدۇر يېتىلگەن بالىدىن سوراپتۇ:

_تۇغۇلغان كۈنۈڭ قاچان؟

_10-ئاينىڭ 10-كۈنى

_قايسى يىلى؟

_ھەريىلى.




بىر ئادەم ساتراشخانىدا ساقال ئالدۇرۋاتقاندا،ساتىراش ئېھتىياتسىزلىقتىن ئۇنىڭ يۈز قىسمىنى ئازراق كېسىۋېتىپ قاپتۇ.ھېلىقى ئادەم ئاغرىق ھېس قىلغان بولسىمۇ چاندۇرماستىن ساتراشقا دەپتۇ:

_ سىرتقا چىقىپ ئادەم بار-يوقلىقىغا قاراپ بېقىڭە.ساتىراش سىرتقا چىقىپ كىرگەندىن كېيىن دەپتۇ:

_ھېچكىم يوقكەن.

_ھېچكىم يوق بولسا، پۇرسەتنى چىڭ تۇتۇپ بېشىمنىمۇ كېسىپ تاشلىمامسىز؟




پويىزدا بىر موماي بىلەن چىرايلىق قىزچاق دېرىزە تەرەپتىكى ئورۇندا ئۇدۇل ئولتۇرۇپ قاپتۇ.قىزچاق ئىچى سىقىلىپ سېغىز چاينىغاچ ھېلى دېرىزە سىرتىغا قارىسا،ھېلى مومايغا قاراپ ئولتۇرۇپتۇ.بىر ئازدىن كېيىن موماي قزچاققا قاراپ دەپتۇ:

_قىزىم،ئاۋارە بولماڭ،مېنىڭ قۇلىقىم ئېغىر،سىز بايا شۇنداق جىق گەپ قىلىۋەتكەن بولسىڭىزمۇ مەن بىرسىنىمۇ ئاڭلىيالمىدىم.




بىر ئەر كىشى دائىم پو ئاتىدىكەن.بىر كۈنى ئۇ ئاغىنىلىرىغا پو ئېتىپ دەپتۇ:

_مەن دىگەن ئۆيدە ئايالىمنى بەك قاتتىق باشقۇرىمەن،بىر دىسەم ئۇ ئىككى دىيەلمەيدۇ.

ئاغىنىسى:

_يارايسىز،يولۋاسكەنسىز!

دەل شۇ چاغدا ئايالى كېلىپ قېلىپ ئۇنىڭ سۆزىنى ئاڭلاپ قاپتۇ،بۇنى كۆرگەن ئەر گۈپپىدە تىزلىنىپ:

خوتۇن،ئۇ توغرا دەيدۇ،مەن يولۋاس،سىز ۋۇسۇڭ.




بىر قىز ماتىماتىكا ئالىمى بىلەن مۇھەببەتلىشىپتۇ.بىر كۈنى قىز ئۇنىڭدىن سوراپتۇ:

-مېنىڭ يۈزۈمدە شۇنداق جىق سەپكۈن بار تۇرسا،سىز مەندىن نومۇس قىلمامسىز؟

ماتىماتىكا ئالىمى:

-ھېچقىسى يوق قەدىرلىكىم،مەن ئەزەلدىن چىكىتلىك سانلارنى تەتقىق قىلىشقا ئامراق.




ھايۋاناتلار باغچىسىدىكى ئەڭ يوغان پىل ئۆلۈپ قالغانىكەن،بىر باققۇچى ئۈن سېلىپ  يىغلاپ كېتىپتۇ.بۇ كۆرگەن ساياھەتچىلەر:

_ئەجەپ ئاقكۆڭۈل كىشىكەن،ئۇ پىلغا بەك ئامراق ئوخشايدۇ،ئايرىلىش ئازابىغا چىدىماي يىغلاۋېتىپتۇ.

بۇنى ئاڭلىغان يەنە بىر باققۇچى چۈشەندۈرۈپ دەپتۇ:

_ياق،ئۇنىڭغا يىغلىمىدى،بەلكى،ئۇ مۇشۇ پىلنى كۆمىدىغان ئورەكنى كولاشقا مەسئول بولغانىدى.




ئوغلى يېڭىدىن ئېلىپ بەرگەن كىچىك ۋېلىسپىتنى مىنىپ ھويلىدا ئايلىنىشقا باشلاپتۇ.بىرنى ئايلىنىپ بولغاندىن كېيىن دادىسىغا قاراپ دەپتۇ:

_دادا،قارا رولنى قولۇم بىلەن تۇتمىساممۇ مىنەلەيدىكەنمەن.

ئىككىنى ئايلىنىپ بولغاندىن كېيىن داداسىغا قاراپ دەپتۇ:

_دادا،قارا پۇتۇم بىلەن تەپمىسەممۇ مىنەلەيدىكەنمەن.

ئۈچنى ئايلىنىپ بولغاندىن كېيىن داداسىغا قاراپ دەپتۇ:

_دادا،قارا،چىشلىرىم ھەممىسى سۇنۇپ كەتتى.




يولوچى ئا كىشى ب كىشىگە دەپتۇ:

_مەن دائىم بېلەت ئالمايلا شەھەرگە كىرىۋالىمەن.

ب كىشى:

_شۇنداقمۇ؟مەن تۆمۈر يول ئىدارىسىنىڭ تەكشۈرگۈچىسى بولىمەن،شۇتاپتا،قانداق قىلىپ بېلەتسىز پويىزغا ئولتۇرالايدىغانلىقىڭىزنى بىلگۈم كېلىۋاتىدۇ.

ئا كىشى:

_ھە......مەن...مەن.....مەن شۇ پىيادىلا كېتىۋېرىمەن.




بىر ئايال يولدا ماشىنا ھەيدەپ كېتىۋېتىپ تېلىفۇن سىمى سىتولبۇسىغا چىقىۋالغان بىرىنى ئۇچرىتىپ قاپتۇ-دە،ئۇنىڭغا قاراپ ۋارقىراپتۇ:

_ھەي،مېنىڭ ماشىنا ھەيدەش تېخنىكام ھەرقانچە تۆۋەن بولسىمۇ،قورقۇپ شۇنچە ئېگىز سىتولبىغا چىقىۋېلىشىڭنىڭ ھاجىتى بارمۇ؟!   



بىر رىژىسسور مەلۇم بىر خىل قۇشنىڭ 10خىل تىلدا سۆزلىيەلەيدىغانلىقىنى ۋە 12 خىل ناخشىنى ئېيتالايدىغانلىقىنى ئاڭلاپ،نۇرغۇن پۇل خەجلەپ ئۇنى سېتىۋېلىپ ئانىسىنىڭ تۇغۇلغان كۈنىگە سوۋغات سۈپىتىدە  باشقىلاردىن ئەۋەتىپ بېرىپتۇ.ئانىسىنڭ تۇغۇلغان كۈننىڭ ئەتىسى ئۇ ئانىسىغا تېلفۇن قىپتۇ:

-ئانا،مەن ئەۋەتكەن قۇش قانداقراقكەن؟

ئانىسى ناھايىتى خوشال تەلەپپۇزدا:

_ھە،ئۇ قۇشما؟رەھمەت ئوغلۇم،بەك يېيىشلىككەن.




دادىسى:

-ئوغلۇم،ئىمتىھاندا ھىساپلاشتىن قانچىنى خاتا ئىشلەپسەن؟

ئوغلى:

_ئاران بىرنى،.

دادىسى:

_ھە،ناھايىتى ياخشى،جەمىئىي قانچە ھېساپلاش سوئالى بار ئىكەن؟

ئوغلى:

-12

دادىسى:

_يارايسەن ئوغلۇم،ئۇنداقتا قالغانلىرىنىڭ ھەممىنى توغرا ئىشلەپسەندە؟

ئوغلى:

_ياق دادا،قالغانلىرىنىڭ بىرىنىمۇ قانداق ھىساپلاشنى بىلمەيدىكەنمەن.




بىر بېزەڭرەك يىگىت چاچ-ساقال ۋە تىرنىقىنى ياساتقىلى كىرىپ تىرنىقىنى ياساۋاتقان قىزغا قالايمىقان چاقچاق قىلىشقا باشلاپتۇ:

_مەن سىزنى ياخشى كۆرۈپ قالدىم،سىزنى ئالايمىكىن دەيمەن.

قىز:

_بولماسمىكىن،مەن توي قىلىپ بولغان.

يىگىت:

_يولدىشىڭىزغا مەن سەن بىلەن ئاجرىشىمەن دىسىڭىزلا بولمىدىمۇ؟

قىز تەنە قىلىپ:

_ئۇنداقتا،سىز مەن ئۈچۈن يولدۇشۇمدىن سوراپ بېقىڭە؟

يىگىت:

_يولدۇشىڭىز قېنى؟

قىز:

_سىزنىڭ چېچىڭىزنى ياساۋاتىدۇ.



بىر ياشانغان كىشى دوختۇرغا دەپتۇ:

-دوختۇر،ئوڭ پۇتۇم ئاغرىپ توختىمايۋاتىدۇ.

دوختۇر:

-ھېچقىسى يوق،بۇ ياشانغانلىقنىڭ ئالامىتى.

ياشانغان كىشى:

-يالغان!ئەمىسە سول پۇتۇم ئاغرىمايدىغۇ؟




قىزى:

-دادا،تۈنۈگۈن چىشىم ئاغرىپ كەتكەنىدى، ئاپام مېنى دوختۇرخانىغا ئاپاردى.

دادىسى:

-ئەمىسە،چىشىڭىز ھازىر يەنە ئاغرىۋاتامدۇ؟

قىزى:

_مەن نەدىن بىلەي،چىشىم دوختۇرخانىدا قالغان تۇرسا!




ئا كىشى:

_ئىتىڭىز پۇتۇمنى چىشلىۋالغانلىقى ئۈچۈن تۆلەم بېرىشىڭىز كېرەك!

ئىتنىڭ ئىگىسى:

_مۇنداق قىلايلى،ئىتىمىنى سىزگە باغلاپ تۇتۇپ بېرەي،پۇتىنى خالىغانچە چىشلىۋېلىڭ!




سوتچى:

_ھەمياننى تېپىۋالغان كۈنى نىمىشقا ساقچى ئىدارىسىغا  ئاپىرىپ بەرمىدىڭ؟

جاۋاپكار:

_ئۇ كۈنى بارسام بىرمۇ ساقچى يوق تۇرسا!

سوتچى:

_ئەتىسى يەنە بارساڭ بولمامدۇ؟!

جاۋاپكار:

_ئەتىسى ھەمياندا بىر پۇڭمۇ قالمىغان تۇرسا!

ئامان

قىزىقارلىق يۇمۇرلاركەن. ئارام كۈنلەردە كۈلكە ئاتا قىلغىنىڭىزغا رەھمەت.

tarhanbag

ئالامەت يۇمۇرلاركەن. تورداشلارغا شاتلىق ئاتا قىلغانلىقىڭىزغا رەھمەت.

كۈنقۇت

كۈلكىلىك يۇمۇرلار ئىكەن، رەھمەت سىزگە.