ھەممە ئادەم ھەقىقى دوست تاپماق تەس دەيدۇ ، ئەمما شۇنداق زەن قويساق ئۇلارنىڭ ئەتراپىمىزدا ئىكەن لىكىنى ھىس قىلىمىز .ئەتراپتا ھىچكىم قالمىغاندا كەمچىللىكىمىزنى كۆرسىتىپ بىرىدۇ ، كۆپچىللىك ئالدىدا ئابرويىمىزنى كۆتۈرىدۇ . غەلبە قازانغىنىمىزدا بىز ئۈچۈن خوش بولىدۇ ، مەغلۇپ بولغىنىمىزدا بىز ئۈچۈن ئېلھام ۋە رىغبەت بىرىدۇ .قىلماقچى بولغان ئىشىمىزنى ئەستە چىڭ تۇتۇپ ئوڭۇشلۇق ئېلىپ بىرىشىمىزغا ياردەمدە بولىدۇ .بېئارام چاغلىرىمىزدا ، ھالىمىزدىن خەۋەر ئېلىپلا قالماي ، باشقا كېشىلەرنىمۇ ھاجىتىمىزدىن چىقىشقا ھەركەتلەندۈرىدۇ .ئۇلار يىراققا كەتكەندە ، چۇڭقۇر مىھرى مۇھەببەتلىك خەتلىرىنى تاپشۇرىۋالىمىز . يالغۇز سىراپ قالغان چاغلىرىمىزدا ، ئۇلار ئامالنىڭ بارىچە بىزگە ھەمراھ بولۇپ ، بىزگە يېڭىچە كۈچ ۋە جاسارەت ئاتا قىلىدۇ .بىزگە ھەمىشە خۇشخۇي بولىدۇ ، ئالدىمىزدا جاۋۇلداپ يۇرمەيدۇ ، بىزمۇ ئۇلارغا كۆڭۈل سىرىمىزنى تۆكەلەيمىز ، ئۇلار بىزگە ھەر زامان غەمخورلۇق قىلىدۇ . بىراق پۈتۈنلەي باشقۇرالمايدۇ ، كۆڭۈل بولىدۇ بىراق چەكلىمەيدۇ .