مەملىكەت بويىچە ئوقۇش يېشىغا توشمىغانلار مائارىپى بازىرىدا 50 مىليارد يۈەنلىك بوشلۇق بار

شىنخۇا ئاگېنتلىقى، بېيجىڭ، 18 – دېكابىر تېلېگراممىسى. ئەڭ يېڭى ئىستاتىستىكىغا قارىغاندا، ھازىر مەملىكىتىمىزدە ئۈچ ياشقىچە بولغان بالىلارنىڭ سانى تەخمىنەن 80 مىليون بولۇپ، ھەر بىر بالىنىڭ ئايلىق ئوتتۇرىچە تەربىيەلىنىش خىراجىتى 150 يۈەنگە يېتىدىكەن، مەملىكىتىمىزدىكى ئوقۇش يېشىغا توشمىغانلار مائارىپى بازىرىدا 50 مىليارد يۈەنلىك بوشلۇق بار ئىكەن.

    تونۇشتۇرۇلۇشىچە، مەملىكىتىمىزدىكى تۇنجى ئوقۇش يېشىغا توشمىغانلار تەربىيەسى ئورگىنى ‹‹خۇڭخۇاڭلەن›› ۋەسىيلەر ۋە بالىلار تەربىيەسى ئورنى 1998 – يىلى بېيجىڭدا قۇرۇلغان. شۇنىڭدىن كېيىن، ئوقۇش يېشىغا توشمىغانلار تەربىيەسى 1 –، 2 – سەپتىكى شەھەرلەردە تۇلۇق راۋاجلاندۇرۇلدى.

    جۇڭگو زەنجىرسىمان تىجارىتى جەمئىيىتىنىڭ باش كاتىپى پېي لياڭ مۇنداق دېدى: 2008 – يىلىدىن باشلاپ، بالىلار تەربىيەسى ساھەسى نەچچە ئون ساھە ئىچىدىن باش كۆتۈرۈپ چىقىپ، مەبلەغ سېلىش قىزغىنلىق دەرىجىسى، ساھەنىڭ پىشىپ يېتىلىش كۈچى، پايدا نىسبىتى جەھەتلەردە ئۇدا ئۈچ يىل 1 – ئورۇننى ئىگىلىدى.

    ‹‹خۇڭخۇاڭلەن›› تەربىيەلەش ئورگىنىنى مىسالغا ئالساق، 2006 – يىلى بۇ ئورگاننىڭ مەملىكىتىمىزنىڭ ھەر قايسى جايلىرىدا ۋەسىيلەر ۋە بالىلار تەربىيەسى ئورنىدىن ئاران 100ى، يەسلىدىن تۆتى بار ئىدى، ھازىر راۋاجلىنىپ، ۋەسىيلەر ۋە بالىلار تەربىيەسى ئورنى 400دىن، قوش تىل يەسلىسى 50تىن ئاشتى، يەنە ‹‹جۇدۇ شادلىق ئائىلىسى›› قاتارلىق يۈرۈشلۈك تەربىيەلەش مەھسۇلاتلىرىنى ياراتتى.

    ‹‹خۇڭخۇاڭلەن›› تەربىيەلەش ئورگىنىنىڭ باش مۇدىرى شى يەنلەي مۇخبىرلارنىڭ زىيارىتىنى قوبۇل قىلغاندا مۇنداق دېدى: ئوقۇش يېشىغا يەتمىگەنلەر تەربىيەسى ئون نەچچە يىللىق تەرەققىيات ئارقىلىق سۈپەت يادرو قىلىنغان، تولۇق رىقابەت كۈچىگە ئىگە بازار ھالىتىگە كىردى. پۈتكۈل ساھەدىن قارىغاندا، ئوقۇش يېشىغا توشمىغانلار تەربىيەسى كەسپىدە ھازىر باشقۇرۇشنى قېلىپلاشتۇرۇش كەمچىل بولۇپ، ئوقۇتۇش سەۋىيەسى ئوخشاش بولماسلىق، ھەق ئۆلچىمى پەرقلىق بولۇشتەك ئەھۋاللار مەۋجۇت، بۇ، دۆلىتىمىزدىكى ئوقۇش يېشىغا توشمىغانلار تەربىيەسى تەرەققىياتىغا ئىنتايىن پايدىسىز، دۆلەتنىڭ ئالاقىدار تارماقلىرى تېخىمۇ مۇكەممەل ساھە ئۆلچىمىنى چىقىرىپ، ئوقۇش يېشىغا توشمىغانلار تەربىيەسى ئورگانلىرىنى يېتەكلىشى ۋە نازارەت قىلىشى كېرەك.

مۇتەخەسسىسلەرنىڭ مۆلچەرلىشىچە، ھازىر دۆلىتىمىزدە ئوقۇش يېشىغا توشمىغانلار تەربىيەسى بازىرىنىڭ ئاران %20ىلا ئېچىلغان، كەلگۈسى ئون يىلدا 3 – سەپتىكى شەھەرلەر ۋە ناھىيە دەرىجىلىك شەھەرلەردە بۇ ساھە ئۇچقاندەك تېز تەرەققىي قىلىدىكەن.

(تەھرىر : ئىزدەن)

• تور بانكىسى ۋە ئۇنىڭدا ساقلىنىۋاتقان مە
• دۇنيا مىراسى ۋە ئۇنىڭ ئۆلچىمى
• 272 نەپەر ئاساسىي قاتلام سىياسىي-قانۇن كا
• تاماقتىن كېيىن جىم ئولتۇرۇش جىگەرگە پاي
• ياز پەسلى يۈرەكنى ياخشى ئاسراش كېرەك.
• ياشانغانلار كۆزىنى ئاسرىشى كىرەك.
• ئاققوناق ھەر قانداق كېسەلنى ساقايتالاي
• ناشتا قىلمايدىغانلار بەش خىل خەۋپكە ئۇچ
• قان بېسىمى تۆۋەن كىشىلەر تۇزنى كۆپ ئىسى
• «ت»تاۋۇشىدا تەسۋىرلەنگەن تەپسىرات
• كېسەللەرنى يەرلىك ئۇسۇلدا داۋالاش .
• ئۇزۇن مۇددەت ئاغرىق توختىتىش دورىسى ئىس
• دىنىي ئەسەبىي ئىدىيە جەمئىيەتكە زىيان ي
• سۇغوق ئىچملىكنىڭ تەسرى
• ئاپتونوم رايون 6 مىڭ 599 مەخسۇس تېخنىكا خا
• مەكتەپ چوقۇم 48 سائەت ئىچىدە دېلو مەلۇم ق