يېزىلاردا بالىلارنىڭ ئۇزۇقلۇق مەسىلىسى بىر قەدەر گەۋدىلىك

دۆلەتلىك سەھىيە پىلانلىق تۇغۇت كومىتېتىنىڭ سانلىق مەلۇماتىغا قارىغاندا، جۇڭگودا ھازىر بالىلارنىڭ ئوزۇقلۇق ئەھۋالىدا كۆرۈنەرلىك ھالدا شەھەر-يېزىلار پەرقى ۋە رايون پەرقى مەۋجۇت بولۇپ، يېزىلاردىكى بالىلارنىڭ بەدەن ئېغىرلىقى تۆۋەن بولۇش ۋە ئۆسۈشى ئاستا بولۇش نىسبىتى شەھەر رايونلىرىنىڭ تەخمىنەن 3-4ھەسسىىسىگە، نامرات رايونلاردىكى يېزىلارنىڭ ئادەتتىكى يېزىنىڭ 2ھەسسىسگە تەڭ كىلىدىكەن ، يېزىلاردىكى بالىلارنىڭ ئوزۇقلۇق ئەھۋالىنى ياخشىلاشقا توغرا كېلىدىكەن. دۆلەتلىك سەھىيە پىلانلىق تۇغۇت كومىتېتى ئاياللار بالىلار ساغلاملىقى مەھكىمىسىنىڭ باشلىقى جاڭ شىكۈن مۇنداق دېدى: 2014-يىلى سەھىيە پىلانلىق تۇغۇت كومىتېتى نۇقتىلىق ھالدا تۆۋەندىكى تۆت جەھەتتىكى خىزمەتنى ياخشى ئىشلەيدۇ: 1-تەربىيەلەشنى كۈچەيتىش، مۇددەت تۈركۈم نۆۋەت بويىچە 21 تۈر ئۆلكىسى، 300 تۈر ناھىيەسى ۋە تۈرۈشلۇق ۋىلايەت شەھەردىكى مۇناسىۋەتلىك خادىملارنى تەربىيەلەپ، تۈرنىڭ ئىجرا قىلىنىش نىسبىتىنى ئۆستۈرىمىز؛ 2-تەشۋىقاتنى كۈچەيتىش، ئوزۇقلۇقنىڭ پايدىلىق تەرەپلىرى، تەشۋىقات تۈرىنىڭ نەتىجىلىرىنى داۋاملىق تەشۋىق قىلىپ، جەمئىيەتتە ياخشى كەيپىيات يارىتىمىز؛ 3-باھالاشنى كۈچەيتىش، ئالاقىدار ئاپپاراتلارغا تۈرنى نازارەت قىلىش باھالاشنى ھاۋالە قىلىپ، زور تۈر دائىرىسىنى ئىلىمى ئاساس بىلەن تەمىنلەيمىز. 4-سۈپەتنى كونترول قىلىشنى كۈچەيتىش، ئوزۇقلۇق  ئىشلەپچىقىرىدىغان كارخانىلارنى نازارەت قىلىپ، «ئۇزۇقلوق»نى ئىشلەپچىقىرىش، يەتكۈزۈش، ساقلاش، تارقىتىش، ئىشلىتىش قاتارلىق ھالقىلاردىكى سۈپەت بىخەتەرلىكىگە كاپالەتلىك قىلىمىز.