بالىلارنىڭ تىلىدىكى ئالامەتلەرگە سەل قارىماڭ
بالىلاردىكى كىچىككىنە ئۆزگىرىشلەرمۇ تىلىدا ئىپادىلىنىدۇ ، ساغلام بالىلارنىڭ تىلى يۇمشاق ، چوڭ - كىچىكلىكى مۇۋاپىق ، ھەرىكىتىمۇ ئەركىن ، رەڭگى سۇس قىزىل بولىدۇ . بالىلارنىڭ تىلىدا تۆۋەندىكىدەك ئەھۋاللار كۆرۈلسە ، سەل قارىماسلىق كېرەك : تىل گېزى قىزىرىپ قېلىش . بالىلار زۇكامداپ ياكى قىزىپ قالغاندا ، تىل گېزى سارغۇچ رەڭگە ئۆزگىرىپ ، قۇرغاقلىشىش ئالامەتلىرى كۆرۈلىدۇ ، بۇنداق چاغدا ئاتا-ئانىلار بىر قىسىم قىزىتما قايتۇرۇش ئۇسۇللىرىنى قوللىنىش بىلەن بىللە ، بالىنى دوختۇرخانىغا ئاپىرىپ تەكشۈرتۈش، قايناق سۇنى كۆپرەك ئىچۈرۈش ، مايلىق تاماقلارنى كۆپ بەرمەسلىك كېرەك . تىل گېزى ئاچ سېرىق رەڭدە ، قېلىن ۋە يېپىشقاق بولۇپ قېلىش . بالىلارنىڭ كىچىك تىلىدا ئاچ سېرىق رەڭلىك داغ پەيدا بولسا ھەمدە تىل گېزى يېپىشقاق بولۇپ ، سېسىق پۇراق چىقسا ، ئاشقازىنىدا مەسلە كۆرۈلگەنلىكىنى ئىپادىلەيدۇ . بۇنداق چاغدا بالىلارغا سۇيۇق-سەلەڭ تاماقلارنى كۆپرەك ئىچۈرگەندىن سىرت ، بىر قىسىم ئىشتىھا ئاچقۇچى دورىلارنى ئىچۈرۈش كېرەك . ئۈرۈمچى كەچلىك گېزىتىدىن ئېلىندى تەھىرلىگۇچى:ئىزدەن
|
