نېمە ئۈچۈن بالىغا قۇرۇق ئېمىزگۈ بەرمەسلىك كېرەك، دەيمىز؟
ئادەتتە بالا بەك يىغلاپ كەتكەندە ياكى ئاتا-ئانىلار ئالدىراش بولۇپ كېتىپ بالىغا قارىيالمىغاندا بالىنى گوللاش ئۈچۈن ئاغزىغا قۇرۇق ئېمىزگۈ سېلىپ قويىدۇ. بۇنداق قىلىشنىڭ بالىغا نىسبەتەن زىيىنى بولسا بولىدۇكى، ھەرگىز پايدىسى بولمايدۇ. 1. بالىغا دائىم قۇرۇق ئېمىزگۈ شوراتقاندا، بارا- بارا بالا ئاغزىدا ئېمىزگۈ بولمىسىمۇ دائىم ئېمىزگۈ شورىغاندەك ھەرىكەت قىلىدىغان ئادەتنى شەكىللەندۈرۈۋالىدۇ. ئۇنىڭ ئۈستىگە قۇرۇق ئېمىزگۈگە ئادەتلىنىپ قالسا بالىنى ئۇنىڭدىن ئايرىماقمۇ تەسكە چۈشىدۇ. 2. بالىلار قۇرۇق ئېمىزگۈ شورىغاندا ھاۋانىمۇ قوشۇپ سۈمۈرىۋالىدۇ. بۇ ئاشقازان ۋە ئۈچەيدە ھاۋا ئېشىپ كېتىشنى كەلتۈرۈپ چىقىرىپ، ئاسانلا نەپەس توختاپ قېلىش ياكى شۈمۈرۈش خاراكتېرلىك ئۆپكە ياللۇغى، ئوتتۇرا قۇلاق ياللۇغى قاتارلىق كېسەللىكلەرنى كەلتۈرۈپ چىقىرىشى مۇمكىن. 3. بالىلاردا قورساق كۆپۈشنى كەلتۈرۈپ چىقىرىپ، ئۈچەينىڭ لۆمۈلدىشىنى تېزلىتىپ، ئۈچەي تارتىشىپ قېلىش، قورساق ئاغرىش قاتارلىقلارنى پەيدا قىلىدۇ. يىغىپ ئېيتقاندا، گەرچە ئاتا-ئانىلار بالىغا قۇرۇق ئېمىزگۈ شوراتقۇزۇپ سەل-پەل ئاراملىققا چىققاندەك بولسىمۇ، لېكىن بۇنىڭ بالىغا نىسبەتەن قىلچىلىك پايدىسى يوق. ‹‹ شىنجاڭ ئاياللىرى›› ژۇرنىلىدىن ئېلىندى تەھىرلىگۇچى:بەشتاش
|
