رادىئو سىگىناللىرىنى تارقىتىش پىرىنسىپى

 
رادىيو، تېلېۋىزور، يانفونلاردىكى ئەسلى ئاۋاز ۋە تېلېۋىزورلاردىكى ئەسلى سۈرەتلەردىن ھاسىل بولغان دولقۇننىڭ شەكلى يۇقۇردىكى رەسىمدىكى «ئەسلى دولقۇن» شەكلىدە بولۇپ، بۇلارنىڭ چاستوتاتىسى بەك تۆۋەن، ئاۋازنىڭ 10Khz~ ئەتراپىدا، سۈرەتنىڭ 4Mhz~ ئەتراپىدا بولۇپ، بۇنداق دولقۇنلارنىڭ ئېنېرگىيەسى بەك تۆۋەن بولغاچقا (دولقۇننىڭ ئېنېرگىيەسى ئۇنىڭ چاستوتاسىنىڭ كۇۋادىراتىغا ئوڭ تاناسىپ) بۇ دولقۇنلارنى بىۋاستە، سىمسىز يىراققا تارقاتقىلى بولمايدۇ. تارقىتىلسا، بىر قانچە مېتىرغا بارمايلا سىگنال ئاجىزلاپ يوقايدۇ. بۇ مەسىلىنى ھەل قىلىش ئۈچۈن، بۇ تۆۋەن چاستوتادىكى ئەسلى دولقۇنلارنى يۇقۇرى چاستوتالىق «توشۇغۇچى دولقۇن» لارغا يۈكلەپ، مىندۇرۇپ، «مودۇلىياتسىيەلەنگەن دولقۇن» نى ھاسىل قىلىپ، توشۇغۇچى دولقۇننىڭ يۇقۇرى چاستوتاسى 1000Mhz~) ۋە يۇقۇرى) ئېنېرگىيەسىدىن پايدىلىنىپ، بۇ ئەسلى دولقۇنلارنى يىراقلارغا (نەچچە يۈز كىلومېتىر) توشۇش ئىمكانىيىتى يارىتىمىز. بۇ يىراقلارغا يەتكۈزۈلگەن دولقۇنلارنى يىراقتا قوبۇل قىلغاندا، بۇ دولقۇندا «ئەسلى» بىلەن «توشۇغۇچى» دولقۇن ئارىلىشىپ كەتكەچكە، يەنى، «كېپەك» بىلەن «ئۇن» ئارىلىشىپ كەتكەچكە، بۇ قوبۇل قىلىنغان دولقۇندىن بىۋاستە پايدىلىنالمايمىز. پايدىلىنىش ئۈچۈن، قوبۇل قىلغۇچ تەرەپتە، بۇ «ئۇن-كېپەك ئارىلاشمىسى» دىن «ئۇن» نى تاسقاپ ئېلىۋالىدىغان بىر مېخانىزىم بولۇشى، يەنى قوبۇل قىلىنغان «مودۇلىياتسىيەلەنگەن دولقۇن» دىن «ئەسلى دولقۇن» نى ئايرىۋېلىش ئۈچۈن، قوبۇل قىلىنغان دولقۇننى «دولقۇن تاسقىغۇچ» قا سېلىپ، ئۇنىڭدىن «ئەسلى دولقۇن» نى تاللىۋېلىپ، بۇ دولقۇننى ئاۋاز ۋە سۈرەت سىگناللىرىغا ئايلاندۇرۇپ، ئەسلى ئاۋاز ۋە سۈرەتلەرنى يىراق-يىراقلارغا سىمسىز ئۇزىتىش ۋە قوبۇل قىلىش مەقسىدىگە يېتىمىز