ئادەتتە ئېيتىلىۋاتقان 32 بىت ۋە 64 بىت، كومپىيۇتېرنىڭ مەركىزى بىر تەرەپ قىلغۇچىسىنىڭ General-Purpose Registers سىنىڭ (ھەممە ئىشلىتىدىغان رىگىستىر) بىت سانىنى كۆرسىتىدۇ، بۇ رېگىستىرنىڭ سىغىمى 32 بىت بولغان چاغدا بىرلا ۋاقىتتا 32 بىتلىق (بىر بايىت 8 بىت بولىدۇ، 32 بىت 4 بايىت بولىدۇ) بۇيرۇقىنى بىر تەرەپ قىلالايدۇ، ئەگەر ئۇنىڭ سىغىمى 64 بىت بولغان چاغدا بىرلا ۋاقىتتا 64 بىت (8 بايىت) ئۇچۇرنى بىر تەرەپ قىلالايدۇ.

64 بىتلىق قاتتىق دېتالنىڭ (كۆپىنچە مەركىزى بىر تەرەپ قىلغۇچقا قارىتىلىدۇ) ئىقتىدارى 32 بىتلىققا قارىغاندا بىر قانچە جەھەتتىن پەرقلىنىدۇ.
1. 64 بىتلىق مەركىزىي بىر تەرەپ قىلغۇچنىڭ بۇيرۇق بىر تەرەپ قىلىش رېگىستىرىنىڭ چوڭلۇقى 32 بىتلىققا قارىغاندا بىر ھەسسە چوڭ بولغانلىقتىن، بۇيرۇقلارنى ئىجرا قىلىش تېزلىگى كۆرۈنەرلىك تېز بولىدۇ. مەسىلەن: CPU غا 256 بىتلىق بىر بۇيرۇق ئۇچۇرى كەلسە، 32 بىتلىق CPU بۇنى 8 گە بۆلۈپ، 8 قېتىمدا بىر تەرەپ قىلىدۇ، 64 بىتلىق CPU بولسا بۇنى 4 قېتىمغىلا بۆلۈپ بىر تەرەپ قىلىپ بولىدۇ، دېمەك سۈرئەت جەھەتتىن 32 بىتلىققا قارىغاندا 64 بىتلىق مەركىزى بىر تەرەپ قىلغۇچ خېلىلا تېز.
2. ئىچكى ساقلىغۇچنىڭ ئادرىسىنى ئوقۇش جەھەتتە 64 بىتلىقنىڭ ئارتۇقچىلىقى كۆپ. ئادەتتىكى 32 بىتلىق مەركىزى بىر تەرەپ قىلغۇچلار ئىچكى ساقلىغۇچنىڭ ئادرىسىنى ئوقىغاندا بىرلا ۋاقىتتا 32 بىتلىق خانە بويىچە ئادرىس ئوقىيالايدۇ، بۇنداق بولغاندا 32 بىتلىق مەركىزى بىر تەرەپ قىلغۇچنىڭ بىرلا ۋاقىتتا ئوقىيالايدىغان ئىچكى ساقلىغۇچ سىغىمى ئەڭ چوڭ بولغاندا 4G بولىدۇ، لېكىن 64 بىتلىق مەركىزى بىر تەرەپ قىلغۇچ 64 بىتلىق خانە بويىچە ئادرىس ئوقىغانلىقتىن، ئۇنىڭ بىرلا ۋاقىتتا ئوقىيالايدىغان ئىچكى ساقلىغۇچ ئەڭ چوڭ سىغىمى 18 مېلىيون TB (بىر تېتا بايىت 1024 گىگا بايىتقا تەڭ) چوڭلۇقتا بولىدۇ، دېمەك 64 بىتلىق مەركىزى بىر تەرەپ قىلغۇچ دەرىجىدىن تاشقىرى چوڭ سىغىمدىكى ئىچكى ساقلىغۇچ سىغىمىنى ئوقۇش ئىقتىدارىغا ئىگە.

64 بىتنىڭ ئارتۇقچىلىقىنى ھېس قىلىش ئۈچۈن، قاتتىق دېتالىڭىزمۇ 64 بىتنى قوللايدىغان بولىشى، مەشغۇلات سىستېمىڭىزمۇ 64 بىتنى قوللايدىغان بولىشى، ئىشلەتكەن ئەمەلىي قولىنىشچان يۇمشاق دېتالىڭىزمۇ 64 بىتنى قوللايدىغان بولىشى كېرەك، ئەگەر بۇ ئۈچىنىڭ ئىچىدىكى خالىغان بىرى 64 بىتنى قوللىماي 32 بىتنى قوللايدىغان بولسا، باشقىلىرىمۇ 32 بىت بويىچە خىزمەت قىلىدۇ.

بىزگە كۆپ ئۇچرايدىغان x86 دىگىنى دەل 32 بىت دىگەننى كۆرسىتىدۇ، x64 دىگىنى بولسا 64 بىتنى كۆرسىتىدۇ.

(تەھرىر : admin)

• dede دا پۇتۇن بەت rss ھاسىل قىلىش
• DEDECMS غا ULYۋەUSY دا كۆرسىتىش ئىقتىدارىنى قو
• DEDECMS غا ئارقا بەتتىن ئەزا قوشۇش ئىقتىدار
• توربەتچىلىك ھەققىدە پاراڭ
• مەن بەشتاش تەڭگىسىنى ئويناپ تىپىۋاتىمە
• مائارىپ تۇرىدىكى تور بەت ئاتامانلىرىغا
• بەشتاش بالىلار مائارىپ تورىغا كۆڭۇل بول
• mysql图形化管理软件
• تور ئەركىنلىكى مۇتلەق ئەركىنلىق ئەمەس
• كومپيۇتېر ئېتىكىسى توغرىسىدا ئون نەسىھ
• كومپۇتېردىكى تىز كۇنۇپكىلار
• قاتتىق دېسكىدىكى ئۇچۇرلارغا چېقىلماي ت
• رادىئو سىگىناللىرىنى تارقىتىش پىرىنسىپ
• GPS يەر شارى ئورۇن بەلگىلەش سىستېمىسى دېگ
• كومپيۇتېرڭىزنىڭ ئىچىدە نىمىلەر بارلىقى
• 32 بىت ۋە 64 بىت