باشلانغۇچ ئىلىم -پەن دەرس تەييارلىقى_◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

1.2 ياپقۇچنى ئېچىشتا ئىشلىتىلىدىغان سايمانلار

ئوقۇتۇش مەقسىدى :

بىلىم نىشانى :پىشاڭدىن ئىبارەت بۇ ئاددى مېخانىزىمنى تونۇش،پىشاڭدىكى ئۇز نۇقتا يەنى ئېغىرلىق نۇقتىسى، تايىنىش نۇقتىسى، ۋە كۈچ نۇقتىسىنى بىلىۋېلىش ؛تۇرمۇشتىكى پىشاڭ ئىشلىتىلگەن مىساللارنى تېپىپ ،پىشاڭنىڭ رولىنى سۆزلەش .

ئىقتىدار نىشانى :پائالىيەت جەريانىدا ئوقۇغۇچىلارنىڭ ئىزدىنىش ئىقتىدارى ۋە ئۇنۋېرسال تەھلىل قىلىش ئىقتىدارىنى يېتىلدۇرۇپ ،ياپقۇچنى ئېچىش جەريانىدا مەسىلە بايقاش ۋە شۇنداقلا ئۆزىنىڭ تەھلىلىنى ئېلىپ بارالايدىغان بولۇش.

ھىسسىيات ،پوزىتسىيە ،قىممەت قارىشى :ئۇدا داۋاملاشقان ئىلىم –پەن تەتقىقاتى بىلەن شۇغۇللىنىشنى خالاش .ئەستايىدىللىق كۆزىتىش ئېلىپ بېرىش جەريانىدا خۇشاللىقنى ھېس قىلىش ۋە باشتىن كەچۇرۇش

ئوقۇتۇش مۇھىم ،قىيىن نۇقتىسى :پىشاڭدىكى ئۇچ نۇقتىنى تونۇپ ،ئۆزلەشتۇرۋېلىش ؛ھەرخىل پىشاڭلارنىڭ تايىنىش نۇقتىسىنى تېپىش .

ئوقۇتۇش تەييارلىغى :

ئوقۇغۇچىلار تەييارلىغى :تۇرمۇشتا دائىم ئىشلىتىدىغان سايمانلاردىن (قايچا، ئامبۇر، موچىن )قاتارلىقلارنى تېپىپ كېلىش .

ئوقۇتقۇچى تەييارلىغى :ئىچى بوش سىر تۇڭى ، تومۇر پارچىسى (ياكى پولات گەز )،ئەينەك ئىچىملىك قۇتىسى ، بوتۇلكا ئاچقۇچ .

ئوقۇتۇش ھەققىدە تەكلىپ :

1.ئوقۇتقۇچى تەييارلىغان كۆزىتىش قوراللىرى بىرقەدەر چوڭراق بولىشى ،ئوقۇغۇچىالرنىڭ كۆزىتىشىگە قولايلىق بولىشى كېرەك .

2. بوتۇلكا ئاچقۇچ بىلەن بوتۇلكا ئاغزىنى ئاچقاندا ئىككى نۇقتىنى تەكىتلەش كېرەك :بىرى سۇرئەت ئاستا بولىشى ، يەنە بىرى تەرتىپ بويىچە ئىشلەش كېرەك .

3. تەجرىبىنىڭ ئۇنۇمىنى قولغا كەلتۇرۇش ئۈچۈن ئوقۇتقۇچى دەرستىن ئىلگىرى ئەينەك ئىچىملىك بوتۇلكىسى تارقىتىپ بېرىش كېرەك .

4. بۇ دەرس لايىھەسى زامانىۋى ئوقۇتۇش ئەسلىھەلىرى كامچىل مەكتەپلەرنىڭ ئىشلىتىشىگە ئالاھىدە ماس كېلىدۇ .

ئوقۇتۇش جەريانى :

مەنزىرە پەيدا قىلىپ ،يېڭى دەرسكە باشلاپ كىرىش :

1. قانداق قىلغاندا بۇ بىر دانە چوڭ تاشنى يوتكىگىلى بولىدۇ ؟ توۋەندىكى رەسىمگە قاراپ بېقىڭلار .

2. بىز كۇندىلىك تۇرمۇشتا نۇرغۇن ئىشلارنى بەزى سايمانلارنىڭ ياردىمىدە ياخشى بېجىرەلەيمىز .بىز بۇگۇن مانا مۇشۇنۇڭغا ئوخشاش بولغان «ياپقۇچنى ئېچىشتا ئىشلىتىلىدىغان سايمانلار ››نى تەتقىق قىلىىمىز .

تەجرىبىنى كۆزىتىش ۋە يېڭى بىلىمنى تەتقىق قىلىش

1.كۆرسەتمىنى كۆرسۇتۇش :بۇ بىر دانە سىر قۇتىسى ، ناۋادا بۇ سىر قۇتىسىنىڭ ئاغزىنى ئاچماقچى بولساق ،قانداق ئەسۋاپ ئىشلەتسەك ئەڭ ئاسان ، ئەڭ قولايلىق بولىدۇ ؟

2. 1 ) ئوقۇغۇچىلار تەھلىل قىلىدۇ .

2)خۇلاسە : كىچىك تومۇر پارچىسى ئىشلەتسەك ئەڭ ئاسان ، ئەڭ قولايلىق بولىدۇ .

3) ‹1›كىچىك گۇرۇپىلار بويىچە تەجرىبە ئىشلەش . (دىققەت قىلىدىغان نۇقتا :سىر قۇتىسىنى ئېچىش جەريانىدا ياپقۇچ بىلەن كىچىك تومۇر پارچىسىنىڭ ھەرقايسى قىسىملىرى ئوتتۇرسىدىكى ئورۇن ئۆزگۇرۇشىنى كۆزىتىپ خاتىرلەشكە ئەھمىيەت بېرىش . )

‹2›ئوقۇغۇچىلار تەجرىبە نەتىجىسىنى دوكلاد قىلىش

‹3›ئوقۇتقۇچى يېتەكلەش :كىچىك تومۇر پارچىسىنىڭ بىر ئۇچىنى تۆۋەنگە باسقان چېغىمىزدا ياپقۇچنىڭ ئاستىغا كىرگۇزۇلگەن يەنە بىر ئۇچى نېمە ئۈچۈن ئۇستىگە كۆتۇرۇلۇپ كېتىدۇ ؟

‹4›كۆرسەتمىدىن كېيىن چۇشەندۇرۇش : سىر قۇتىسىنىڭ ئاغزىنى ئاچقان تومۇت پارچىسىغا ئوخشاش مۇقىم بىر نۇقتىنى تايىنىش نۇقتىسى قىلىپ تۇرۇپ ،تاينىش نۇقتىسىنى بويلاپ جىسىمنى كۆتۇرىدىغان مۇنداق ئاددى مېخانىزىمنى پىشاڭ دەپ ئاتايمىز . تومۇر پارچىسىدىكى كۈچ ئىشلەتكەن نۇقتا كۈچ نۇقتىسى، جىسىمنى كۆتۇرىدىغان نۇقتا ئېغىرلىق نۇقتىسى، تىرەش رولىنى ئوينايدىغان نۇقتا تايىنىش نۇقتىسى ياكى تىرەش نۇقتىسى دەپ ئاتىلىدۇ .

‹5›يەنە بىر قېتىم تەجرىبە ئىشلەپ ،پىشاڭدىكى ئۇچ نۇقتا يەنى كۈچ نۇقتىسى ( F)، ئېغىرلىق نۇقتىسى ( L )، تايىنىش نۇقتىسى (E ) نى تېپىپ چىقىڭلار .

‹6›چۇشەندۇرۇش رەسىمىنى سىزىپ ، رەسىم ئۇستىگە ھەرپ بىلەن ئۇچ نۇقتىنى ئىپادىلەش

3.ئىچىملىك قۇتىسى ئاغزىنى ئېچىش

1)ئەينەك قۇتىغا قاچىلانغان ئىچىملىكنى ئىچكەن چېغىمىزدا دائىم بوتۇلكا ئاچقۇچ ئىشلىتىمىز . سىز بۇ خىل ھەركەتنى كۆرۇپ باققانمۇ ؟

2)بوتۇلكا ئاچقۇچ بىلەن بىر ئىچىملىك قۇتىسىنى ئېچىپ بېقىڭ ،بوتۇلكا ئاغزىنى ئاچقاندا ،بوتۇلكا ئاچقۇچ بىلەن بوتۇلكا ئاغزىنىڭ ئايرىم –ئايرىم قانداق ھەركەت قىلىدىغانلىغىنى كۆزىتىڭ .

3)ئوقۇغۇچىلار تەجرىبە ئىشلەپ، بوتۇلكا ئاچقۇچ بىلەن ياپقۇچنى ئېچىش جەريانىنى تەپسىلى كۆزىتىپ، خاتىرلەش .

4)سىر قۇتىسىنىڭ ئاغزىنى ئېچىشتا ئىشلىتىلگەن ياپىلاق تومۇر بىلەن ئىچىملىك قۇتىسى ئاغزىنى ئېچىشتا ئىشلىتىلگەن بوتۇلكا ئاچقۇچنى سېلىشتۇرۇپ كۆرۇڭ .

5)تەجرىبە نەتىجىسىنى دوكلاد قىلىش

6)بوتۇلكا ئاغزىنى ئاچقۇچ پىشاڭ ھېساپلىنامدۇ ؟

7)ئەگەر ئۇ پىشاڭ ھېساپلانسا ئۇنىڭ ئېغىرلىق نۇقتىسى، كۈچ نۇقتىسى، تايىنىش نۇقتىسى قايسى ؟سىز ئۇنى سىزىپ كۆرسۇتەلەمسىز ؟

8)دوسكىغا سىزىپ كۆرسۇتىلىدۇ .

9)مۇھاكىمە : سىر قۇتىسىنىڭ ئاغزىنى ئاچقاندىكى تومۇر پارچىسى بىلەن ئىچىملىك قۇتىسىنىڭ ئاغزىنى ئاچقاندىكى بوتۇلكا ئاچقۇچنىڭ ئىش ئىشلەش جەريانىدا قانداق ئوخشاشلىق ۋە ئوخشىماسلىق بار ؟(ئوقۇغۇچىلار رەسىمگە ئاساسەن ئوخشاشلىق ۋە ئوخشىماسلىق تەرەپلىرىنى تېپىپ چىقىدۇ . )

10)خۇلاسە : ئوخشايدىغان تەرىپى بولسا ھەر ئىككىلىسىدە پىشاڭنىڭ ئۇچ نۇقتىسى بار ،ھەرئىككىلىسى كۈچ تېجەيدۇ . ئوخشىمايدىغان تەرىپى پىشاڭنىڭ تايىنىش نۇقتىسى ئوخشىمايدۇ .

4. پىشاڭنىڭ كۇندىلىك تۇرمۇشتىكى ئىشلىتىلىشى

1) پىشاڭنىڭ كۇندىلىك تۇرمۇشتىكى ئىشلىتىلىش ئورۇنلىرى ناھايىتى كەڭرى ،ئويلاپ بېقىڭ قانداق جايلاردا پىشاڭ ئىشلىتىلىدۇ ؟ (نەرسىلەرنىڭ ئېغىرلىغىنى ئۆلچەشتە ئىشلىتىلىدىغان تارازا ، ئىنتايىن كىچىك ،نازۇك نەرسىلەرنى قىسىپ ئېلىشتا ئىشلىتىلىدىغان موچىن، بالىلار ئوينايدىغان لىڭگىر تاق –تاق ۋە ئۇنىڭدىن باشقا ئامبۇر، قايچا، چوكا، قارماق دەستىسى قاتارلىقلارنىڭ ھەممىسى پىشاڭدۇر . )

2)سىز نامىنى ئاتىغان پىشاڭلارنىڭ ئۇچ نۇقتىسىنىڭ ئورنىنى تېپىپ بېرەلەمسىز ؟

تاپشۇرۇق :

دەرستىن سىرتقى ۋاقىتلاردا داۋاملىق تۇردە پىشاڭنى تەتقىق قىلىپ كۆرۇپ بېقىڭلار .يەنە قانداق يېڭى بايقاشلارغا ئېرىشىسىلەركىن؟

تەھىرلىگۇچى:نالە

مەزكۇر ماقالىنىڭ كىڭەيتىلگەن نامى DOC بولغان WORD ھۆججىتىنى ساقلىۋىلىڭ.

تىرىشچاننىڭ باشقا تېمىلىرى:

[پايدىلىنىش ماتىرياللىرى] باشلانغۇچ ئىلىم -پەن دەرس تەييارلىقى [ 2011-10-30 10:56:40 ]
[پايدىلىنىش ماتىرياللىرى] باشلانغۇچ مەكتەپ ئىلىم -پەن دەرس تەييارلىغى [ 2011-10-29 23:18:29 ]

◆◆بەشتاش بالىلار مائارىپ تورى◆◆Http://Www.BaxTax.Cn◆◆维文专门教育教学资料，全册教案下载，全册课件下载，全册教科书下载，试卷，论文，儿歌，动画片，图片，教育信息网！◆◆

ئىزدەش

ئاۋات خەتكۈچلەر

باشلانغۇچ ئىلىم -پەن دەرس تەييارلىقى