ھامىلدارلار كېرەكلىك ئوزۇقلۇق مادددىلار بىلەن ھامىلىنى تەمىنلىگەنلىكتىن، ئۆزىنىڭ ھەرخىل ئوزۇقلۇق ماددىلارغا بولغان ئېھتىياجى ئادەتتىكى ۋاقىتلارغا قارىغاندا كۆپ بولىدۇ. ئەگەر ھامىلدارلاردا يوپۇرماق كىسلاتا (فولىك كىسلاتا) تۈرىدىكى ئوزۇقلۇقلار كەم بولسا، يۈزىگە ئاسان داغ چۈشىدۇ. يوپۇرماق كىسلاتاسى ۋىتامىن B تىپىدىن بولۇپ، ئىلگىرى دوختۇرلار يوپۇرماق كىسلاتاسى كەمچىل بولغاندا، بىر خىل ئالاھىدە تۈردىكى قان ئازلىق كېلىپ چىقىدۇ، دەپ قاراپ كەلگەن ئىدى. بىراق، يېقىنقى يىللاردىن بۇيان تەتقىقاتچىلار بۇ خىل ئالاھىدە قان ئازلىق كېلىپ چىقىشتىن بۇرۇنلا يۈزگە داغ چۈشىدىغانلىقنى بايقىغان. تەتقىقاتچىلار ھامىلىدارلىق دېغى چۈشكەن ئاياللارغا يۇپۇرماق كىسلاتاسى تۈرىدىكى يېمەكلىكلەرنى بىر مەزگىل ئىستېمال قىلدۇرغاندىن كېيىن، يۈزىدىكى ھامىلدارلىق دېغى تەدرىجىي يوقاپ كەتكەن. قايسى يېمەكلىكلەرنىڭ تەركىبىدە يۇپۇرماق كىسلاتاسى كۆپ بولىدۇ؟ يېشىل يوپۇرماقلىق كۆكتاتلارنىڭ ھەممىسىدە يوپۇرماق كىسلاتاسى نىسبەتەن كۆپ بولىدۇ.
بولۇپمۇ پالەك، ھايۋانلارنىڭ جىگىرى، تۇخۇمنىڭ سېرىقىدا يۇپۇرماق كىسلاتاسى بىرقەدەر كۆپ بولىدۇ. يېڭى كۆكتاتلارنى يېتەرلىك ئىستېمال قىلمىغاندا، ئاسانلا يوپۇرماق كىسلاتاسى يېتىشمەسلىك ئەھۋالى كېلىپ چىقىدۇ. بەزىلەر مېۋىنى كۆپ يېسە،كۆكتات يېمىگەننىڭ ئورنىنى تولۇقلايدۇ، دەپ قارايدۇ. ئەمەلىيەتتە، كۆكتاتلار بىلەن مېۋىلەرنىڭ ئوزۇقلۇق قىممىتى ۋە رولى ئوخشاش بولمايدۇ. مېۋىلەرنىڭ تەركىبىدە يوپۇرماق كىسلاتاسى ناھايىتى ئاز بولىدۇ. يوپۇرماق كىسلاتاسى يۇقىرى تېمپىراتۇرىنىڭ تەسىرىگە ئۇچرىسا، ئاسانلا بوزۇلۇپ كېتىدۇ. كۆكتاتلارنى بەك قورۇۋەتكەندە ياكى بەك پىشۇرۋەتكەندە، ئۇنىڭ تەركىبىدىكى يۇپۇرماق كىسلاتاسى بۇزۇلۇپ كېتىدۇ. ئۇنىڭدىن باشقا، بۆرەك ئۈستى بېزىنىڭ خىزمىتى ئاجىز بولسىمۇ، بەدەندە سۇر قوڭۇر داغ، سېرىق قوڭۇر داغلار پەيدا بولىدۇ. بولۇپمۇ يۈزىدە ئېنىق ئىپادىلىنىدۇ. بۇ خىل كېسەللىككە گېرىپتار بولغۇچىلاردا ئادەتتە قان بېسىمى ۋە شېكىرى تۆۋەنلەش كېسەللىكى بىللە قوشۇلۇپ بولىدۇ. بىراق بۆرەك ئۈستى بېزىنىڭ ساغلاملىقى ئەسلىگە كەلگەن ھامان، بۇ خىل داغ تەدرىجي يوقايدۇ. ھامىلدارلىقتىكى داغ چۈشۈشنىڭ ئالدىنى ئېلىش ۋە داۋالاشتا، تەركىبىدە يۇپۇرماق كىسلاتاسى مول بولغان كۆكتاتلارنى، شۇنىڭدەك ھايۋانات جىگىرى ۋە تۇخۇم سېرىقىنى كۆپرەك يەپ بېرىشى كېرەك.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
