WiFi رادىئاتسىيىسىنىڭ تەسىرى زادى قانچىلىك؟ مۇتەخەسسىسلەر بۇ سوئالغا مۇنداق جاۋاب بەردى:« WiFi رادىئاتسىيىسىنىڭ تەسىر كۈچى ئارىلىق بىلەن تەتۈر تاناسىپ، يەنى ئادەمنىڭ ئۆيدىكى سىمسىز روتېر بىلەن بولغان ئارىلىقى قانچىلىك يىراق بولسا، قوبۇل قىلىدىغان WiFi رادىئاتسىيىسى شۇنچە ئاجىز بولىدۇ. ئادەم بەدىنى بەرداشلىق بېرەلەيدىغان بىخەتەر رادىئاتسىيە دائىرىسى ئون ۋات/ كۋادرات مېتىر، بۇ WiFi رادىئاتسىيىسىنىڭ ئادەم بەدىنىگە سالىدىغان زىيىنى يوق دېيەرلىك ئىكەنلىكىنى بىلدۈرىدۇ، ئۇنىڭ ئۈستىگە WiFi رادىئاتسىيىسى تەسىر كۆرسىتىدىغان دەرىجىدە كۈچەيسە، پەقەت ئادەمنىڭ تېرىسىگىلا تەسىر كۆرسىتىدۇ. شۇڭا WiFi ھامىلىگە زىيان سالالمايدۇ».
مۇتەخەسسىسلەر مۇنداق دېيىشتى:«ئەمەلىيەتتە WiFi دىن باشقا، بىز دائىم ئىشلىتىدىغان يان تېلېفون، كومپيۇتېر، تېلېۋىزور، توڭلاتقۇ، مىكرو دولقۇنلۇق ئوچاقنىڭ ھەممىسى رادىئاتسىيە قويۇپ بېرىدۇ. ئەمما ئۆلچەش ۋە كلىنىكىلىق تەتقىقات نەتىجىسى بۇنداق ئېلېكتر ئۈسكۈنىلىرى قويۇپ بەرگەن رادىئاتسىيىنىڭ ھامىلىدار ئاياللارنىڭ بويىدىن ئاجراپ كېتىش، ھامىلە غەيرىي يېتىلىپ قېلىش ھەم يېڭى تۇغۇلغان بوۋاقنىڭ بەدەن ئېغىرلىقىنىڭ زىيادە تۆۋەن بولۇشىغا سەۋەب بولىدىغانلىقى ھەققىدىكى قاراشلارنى رەت قىلدى».
«ئۈرۈمچى كەچلىك گېزىتى»دىن ئېلىندى
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
