مەيلى مۇھەببەت ياكى نىكاھ بولسۇن ئوخشاشلا ئىككى تەرەپنىڭ ئورتاق پەرۋىش قىلىشىغا مۇھتاج. ئەگەر ئۇنداق بولمىسا بىر تەرەپ ھەر قانچە كۈچىگەن بىلەنمۇ بۇ مۇناسىۋەت ھامان ئاخىرلىشىدۇ. ئۇنداقتا قانداق قىلغاندا ئۆز ھەمراھىنى زىرىكتۈرۈپ قويمايدۇ. بۇنىڭ ئۈچۈن ئالدى بىلەن قارشى تەرەپ ياقتۇرمايدىغان ئىشنى قىلماسلىق كېرەك. تۆۋەندە ئاياللار ئەڭ ياقتۇرمايدىغان بىر نەچچە تۈرلۈك ئىش ھەققىدە توختىلىمىز.
1.پەرۋا قىلماسلىق. ئەرلەر ناھايىتى ئالدىراش ۋاقتىدا ياكى ئاچچىقى كېلىپ قالغان, زىدىيەتلىشىپ قالغاندا, ئاياللار بارچە ئاماللار بىلەن ئەرلەرگە ياخشى مۇئامىلە قىلىدۇ ياكى ئەپلىشىپ قېلىشنى ئۈمىد قىلىدۇ. بۇنداق ۋاقىتتا ئەرلەر يەنىلا بۇنىڭغا پەرۋا قىلمىسا, ئاياللار ناھايىتى خاپا بولىدۇ ھەم ئەرلەرنى چۈشىنەلمەيدۇ. چۈنكى ئاياللارنىڭ ئەڭ كۆڭۈل بۆلىدىغىنى ئىككىيلەن ئوتتۇرىسىدىكى مۇھەببەت بولۇپ, بۇنداق ۋاقىتتا ئەرلەر ھۆرمىتىنى قىلغاننى بىلىشى كېرەك.
2.يالغانچىلىق. يالغانچىلىق مۇھەببەت ۋە نىكاھنىڭ ئەڭ چوڭ دۈشمىنى. ئەرلەر ئۆزىنى ياخشى كۆرىدىغان ئايالنىڭ ئالدىدا مەڭگۈ يالغان سۆزلىمەسلىكى كېرەك. مۇھەببەتلىشىۋاتقان ئاياللار ناھايىتى سەزگۈر ھەم ئەقىللىق بولۇپ, ئەرلەرنىڭ يالغانچىلىقى ئاشكارىلىنىپ قالسا,ئەرلەر چوقۇم يالغانچىلىقى ئۈچۈن پۇشايمان قىلىدۇ.
3.ئاسىيلىق. ئىككى تەرەپنىڭ ئارىلاشقان ياكى توي قىلغان ۋاقتى ئۇزىراپ, مۇھەببىتى نورمال ئىزغا چۈشكەندىن كېيىن, بەزى ئەرلەر تالاغا قاراپ قالىدۇ. بۇ ئەھۋال نۇرغۇن ئاشىق-مەشۇق ۋە ئەر-خوتۇنلارنىڭ ئاخىرىدا ئايرىلىپ كېتىشىنىڭ ئەڭ چوڭ سەۋەبى بولۇپ قالىدۇ. بۇ ھەرگىز بىر-بىرىنى ياخشى كۆرمەيدىغان بولۇپ قالغانلىق بولماستىن, بەلكى قارشى تەرەپنىڭ ئاسىيلىق قىلىشىغا چىدىيالمىغانلىقىنى بىلدۈرىدۇ.
4.ئىلگىرىكى مەشۇقى بىلەن ئالاقىسىنى ئۈزمەسلىك. كۆپىنچە كىشىلەرنىڭ ئىلگىرىكى ئاشىقى ياكى مەشۇقى بولىدۇ. ئەمما ئاياللار ئۆزى ياخشى كۆرگەن ئەرنىڭ ئىلگىرىكى مەشۇقى بىلەن مۇناسىۋىتىنى ئۈزمەسلىكىنى قوبۇل قىلالمايدۇ. ئەگەر ئاياللار ئەرلەرنىڭ شۇنداق ئىشى بارلىقىنى بىلسە, چاتاقنىڭ چوڭى چىقىدىغانلىقى تۇرغانلا گەپ.
5.ئائىلە زوراۋانلىقى. ئەرلەرنىڭ ئاياللارغا زوراۋانلىق قىلىشى دائىم تويدىن كېيىن يۈز بېرىدۇ. چۈنكى تويدىن بۇرۇن ئەرلەر بۇنداق قىلىشقا پېتىنالمايدۇ. ئەمما ئاياللار قارشى تەرەپنى قانچىلىك ياخشى كۆرسۇن ياكى كۆرمىسۇن, ئەگەر ئەرلەر ئائىلە زوراۋانلىقىنى تاشلىمىسا,ئاياللارنىڭ كۆڭلى سوۋۇپ, ئاخىر ئايرىلىپ كېتىشكە مەجبۇر بولىدۇ.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
