دۇنيا ئەرلەرگە ئائىت سىتاتىستىكىلىق سانلىق مەلۇماتتا كۆرسىتىلىشىچە, ئادەتتە ئەرلەر 35 ياشقا بارغاندا, تەخمىنەن %66 تىنىڭ خېلىلا كۆپ چېچى چۈشۈپ كېتىدىكەن, 55 ياشقا كىرگەندە %85 تىنىڭ تېخىمۇ كۆپ چېچى چۈشۈپ كېتىدىكەن. ئەمما كىشىلەر پاينەكباش بولۇشنىڭ بىر ياخشى ئىش ئىكەنلىكىنى بىلمەسلىكى مۇمكىن. فلورىدا بېرري ئۇنىۋېرسىتېتىدىكى فرانك مۇسكارېللا ئەرلەرنىڭ پاينەكباش بولۇپ قېلىشى توغرىسىدا ئىلمىي تەتقىقات ئېلىپ بارغان.
تەتقىقاتتا ئۇ ۋە ئۇنىڭ گۇرۇپپىسىدىكىلەر پىدائىيلارنى ئەرلەرنىڭ تۆۋەندىكى تۆت خىل ئالاھىدىلىكىنى باھالاتقۇزغان. يەنى تاشقى قىياپىتىنىڭ جەلبكارلىقى, ئالغا ئىنتىلىشچانلىقى, سەۋىر-تاقىتى, ئىجتىمائىي جەھەتتىكى پىشىپ يېتىلىشى بولۇپ, سەمىمىيلىك, ئەقلىي قابىلىيەت,ئىجتىمائىي ئورۇن قاتارلىق ئامىللارنىمۇ ئۆز ئىچىگە ئالىدۇ.
مۇسكارېللا, ئادەتتە كىشىلەرنىڭ پاينەكباشلارنى تېخىمۇ سەمىمىي, ئەقىللىق ھەم تېخىمۇ يېتەكچى ئورۇننى ئىگىلەيدۇ دەپ قارىسىمۇ, ئەمما پاينەكباشلىق ئەرلەرنىڭ تاشقى جەلبكارلىقىنى ئاجىزلاشتۇرۇپ قويىدىغانلىقىنى, لېكىن باشقا جەھەتلەردىكى يۇقىرى باھالارنىڭ بۇ جەھەتتىكى تەسىرنى تولۇقلاپ كېتىدىغانلىقىنى بايقىغان.
تەتقىقاتتا ئىسپاتلىنىشىچە, ئەرلەرنىڭ پاينەكباشلىقى ھېچقانداق تەھدىتى يوق ئىجتىمائىي ئۈستۈنلۈك بولۇپ, نۇرغۇن تەتقىقاتلاردا, گەرچە ئاياللار تاشقى جەلبكارلىققا ئىگە ئەرلەرنى ياخشى كۆرسىمۇ, ئەمما ئۇلارنىڭ يەنە يۇقىرى ئىجتىمائىي ئۈستۈنلىك تەرىپىدىنمۇ جەلب قىلىنىدىغانلىقى كۆرسىتىلگەن.
مۇسكارېللا: «شۇڭا ھازىر بۇ ئالاھىدىلىكلەرنى چۈشەندۈرۈشكە بولىدۇ. مەن ئىنسانلارنىڭ تەدرىجىي تەرەققىياتىغا ئەگىشىپ, كوللېكتىپ تۇرمۇشنىڭ ئىنسانلارنىڭ ھاياتىدىكى مۇھىملىقىدىن, شۇنداقلا ئەرلەرنىڭ ئائىلىدە ئوينايدىغان رولىنىڭمۇ بارغانسېرى مۇھىم بولىشىدىن گۇمان قىلىمەن. بەلكى مۇشۇنداق ماسلىشىشلار ئەرلەردە بۇنداق ئۈستۈنلۈك رولىغا مۇناسىۋەتلىك ھالەت ئالاھىدىلىكىنى, قۇرامىغا يەتكەن ئەرلەردىكى تەھدىتنىڭ ئۇنچە كۈچلۈك ئەمەسلىكىنى, ئۇلار بىلەن ئالاقىلىشىشنىڭمۇ تېخىمۇ ئوڭۇشلۇق بولىدىغانلىقىنى كەلتۈرۈپ چىقارغان بولۇشى مۇمكىن,» دېگەن.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
