ھازىرقى جەمئىيىتىمىزدە يۈرەك كېسىلىگە گىرىپتار بولۇۋاتقانلار ئۈزلۈكسىز كۆپەيمەكتە. ئەمما نۇرغۇن كىشىلەر يۈرەك كېسىلىگە گىرىپتار بولۇشتىن ئىلگىرى قانداق ئالامەتلەرنىڭ كۆرۈلىدىغانلىقىنى بىلمەسلىكى مۇمكىن. يۈرەك كېسىلىگە گىرىپتار بولۇشتىن ئىلگىرى كۆپىنچە ھاللاردا بەدەننىڭ مەلۇم قىسمى بىئارام بولۇشى ياكى مەلۇم قىسمىدا ئۆزگىرىش پەيدا بولۇشى مۇمكىن. ئەگەر تۆۋەندىكىدەك تۆت خىل ئالامەت كۆرۈلسە, بۇ سىزنىڭ يۈرەك كېسىلىگە گىرىپتار بولغانلىقىڭىزنى بىلدۈرۈشى مۇمكىن.
1. تېرە. سوزۇلما خاراكتېرلىك يۈرەك زەئىپلىشىش, ئۆپكە مەنبەلىك يۈرەك كېسىلىنىڭ ئاخىرقى باسقۇچىدا تۇرۇۋاتقان بىمارلارنىڭ تېرىسى قېنىق قوڭۇر ياكى قارامتۇل سۆسۈن رەڭدە بولىدۇ. بۇ ئورگانىزم توقۇلمىلىرىغا ئۇزۇن مەزگىل ئوكسىگېن يېتىشمەسلىك, بۆرەك ئۈستى بېزى پوستلاق ماددىسىنىڭ ئىقتىدارىنىڭ تۆۋەنلىشى بىلەن مۇناسىۋەتلىك. بۇ ھەم يۈرەك كېسىلىنىڭ دەسلەپكى باسقۇچىدىكى كېسەللىك ئالامىتى بىلەن مۇناسىۋەتلىك. تېرە شىللىق پەردىسى ۋە مۈچە ئۇچى سۆسۈن رەڭدە ئىپادىلەنسە, بۇ يۈرەككە ئوكسىگېن يېتىشمەسلىكىنى, قاندىكى قان ئاقسىلىنىڭ كۆپەيگەنلىكىنى بىلدۈرىدۇ.
2.چىراي. ئەگەر چىرايى كۆكىرىپ, تۇتۇلۇپ كەتسە بۇ ئوخشاشلا يۈرەك كېسىلىنىڭ دەسلەپكى ئالامىتى. مەسىلەن, چىرايى قارامتۇل قىزىل بولسا بۇ رېماتىزم خاراكتېرلىك يۈرەك كېسىلى, ئىككى قاناتلىق كلاپاننىڭ تارىيىش ئالامىتى. ئەگەر چىرايى تاتىرىپ كەتكەن بولسا بۇ ئىككى قاناتلىق كلاپاننىڭ تولۇق ئېتىلمىگەنلىكىنىڭ ئالامىتى.
3.بۇرۇن. ئەگەر بۇرۇن قاتتىق بولۇپ قالسا, بۇ يۈرەككە ياغنىڭ كۆپ يىغىلىپ قالغانلىقىنى بىلدۈرىدۇ. ئەگەر بۇرۇن ئۇچى قىزارسا بۇ يۈرەك يېغىنىڭ كۆپىيىۋاتقان ياكى يۈرەكنىڭ پاتالوگىيەلىك ئۆزگىرىشىنىڭمۇ كېڭىيىۋاتقانلىقىنى بىلدۈرىدۇ. بۇنىڭدىن سىرت, يەنە بۇرۇن قىزىل بولۇشمۇ يۈرەك كېسىلىنىڭ دەسلەپكە ئالامىتى.
4.نەپەس. بەزىدە ئازراق ھەرىكەت قىلغاندا ياكى تىنچ ھالەتتە تۇرغاندا نەپەس سىقىلسا, ئەمما يۆتەلمىسە ياكى بەلغەم تۈكۈرمىسە بۇ سول يۈرەك ئىقتىدارى تولۇق بولماسلىقىنىڭ ئىپادىسى.
تۆۋەندىكى مەزمۇننى يانفۇنىڭىزدا دوستلىرڭىز بىلەن تەڭ بەھىرلىنىڭ !
